Umhlahlandlela Wakho

Wamalungiselelo Okuhlola

ISIZULU ULIMI
LWASEKHAYA
IBANGA
NOLIMI
12 LOKUQALA
LOKWENGEZA
IPHEPHA LESI-3
(IMIBHALO YOKUZIQAMBELA)

Supported by
FOREWORD BY THE HONOURABLE MINISTER OF BASIC EDUCATION

Our shared goal is continually to improve learner performance. This is an effort which is
strengthened through close collaboration between the Basic Education Sector and the South
Africa’s private and public sectors.

It gives me great pleasure to inform you that you have been favoured with the AVBOB STEP
12 Examination Preparation Guides for South Africa’s Grade 12 languages, a product of a
long-standing partnership between the Department of Basic Education and AVBOB.

Through these guides, AVBOB aims to provide language examination support to all Grade
12 teachers and learners. These guides will serve as a valuable self-help resource for
learners.

Through AVBOB STEP 12, AVBOB is making available 33 Examination Preparation

Guides, each meticulously compliant with the Curriculum and Assessment Policy Statement
(CAPS); and written in accordance with the most recent Examination Guidelines for the
twelve South African languages offered in Grade 12. Teachers, learners and interested
parties, may download these guides at no cost from www.avbobstep12.co.za.

The initial set of AVBOB STEP 12 Examination Preparation Guides – in all 11 official South
African languages, comprises one guide for each of the three National Senior Certificate
examination papers, and covers both Home and First Additional Languages:

1. Language in context;
2. Literature; and
3. Creative Writing.

Each guide covers themes as directed in the curriculum and focuses on important areas
covered in the examination papers. By paying attention to time management in the exams,
the AVBOB STEP 12 guides can also assist learners in alleviating anxiety and stress.

As the Department of Basic Education, we encourage Grade 12 language teachers and

other educators of Grade 12 learners to embrace the AVBOB STEP 12 Examination
Preparation Guides, which we have reviewed and supported, as valuable additional
resources within their education toolkits.

On behalf of the Department of Basic Education

Mrs Angie Motshekga, MP

South African Minister of Basic Education
Date: 21 April 2023
Okuqukethwe
1 Isingeniso 04
2 Isakhiwo sePhepha lesi-3 05
3 Okuqukethwe: Ngiliphendula kanjani iPhepha lesi-3? 10

3.1 Isiqephu A: Indaba/I-eseyi (ULimi lwaseKhaya noLimi LokuQala LokwEngeza) 05

3.1.1 Izinhlobo zama-eseyi 06
a) I-eseyi elandisayo 06
b) I-eseyi echazayo 07
c) I-eseyi edaza inkani 07
d) I-eseyi eqhathanisayo 07
e) I-eseyi eningayo 08
3.1.2 Ama-eseyi asuselwe emibhalweni ebukwayo 08
3.1.3 Ukumaka nokusetshenziswa kolimi olunembayo 09

3.2 Isiqephu B: Imibhalo edlulisa imiyalezo (ULimi lwaseKhaya noLimi LokuQala LokwEngeza) 10
3.2.1 Umkhakha A 10
a) Incwadi yobungani 10
b) Incwadi yakomkhulu/yasemthethweni 12
c) Izincwadi eziya kuMhleli 13
d) Ikharikhulamu vithaye 15
e) I-imeyili 16
3.2.2 Umkhakha B 18
a) Umbiko obekelwe imigomo 18
b) Umbiko ongabekelwe migomo 19
c) I-athikhili yephephabhuku 19
d) I-athikhili yephephandaba 19
e) Isibuyekezo 20
f) I-ajenda namaminithi omhlangano 20
3.2.3 Umkhakha C 23
a) Inkulumo elungiselelwe 23
b) Inkulumo engalungiselelwe 23
c) Umlando kamufi 24
d) Inkulumo-mpendulwano 24
e) I-inthavyu 24

3.3 Isiqephu C: ULimi LokuQala LokwEngeza 25

3.3.1 Umkhakha A 25
a) Isikhangiso/isikhangisi 25
b) Isimemo 26
c) Iphamfulethi 29
d) Iflaya 30
3.3.2 Umkhakha B 31
a) Idayari 31
b) Imibiko emifushane 31
3.3.3 Umkhakha C 32
a) Imiyalelo 32
b) Inkombandlela 33
1. Isingeniso
Lo mhlahlandlela wenzelwe ukukusiza ukuthi uthole amamaki amahle ePhepheni lesi-3. Unezingxenye ezimbili: ingxoxo
ngesakhiwo sePhepha lesi-3, ilandelwe yindlela okuhlelwe ngayo okuqukethwe imibhalo yokuziqambela. Ulwazi
lwalezi zingxenye zombili luyadingeka ekukuphumeleliseni lapho ubhala iphepha lemibhalo yokuziqambela.
Isakhiwo kanye nokuqukethwe kwePhepha lesi-3 kwesekeleke esiTatimendeni seNqubomgomo yoHlelo lwezeMfundo
nokuHlola (TAHFUZWE) olugunyazwe nguMnyango weMfundo eyiSisekelo njengomhlahlandlela oyimpoqo wokufundisa
nokuhlola. Ake ucele uthisha wakho akukhombise u-TAHFUZWE ukuze uzibonele mathupha ukuthi yini enqunyelwe
iPhepha lesi-3.

Lo mhlahlandlela awenzelwanga
ukukwethwesa umthwalo omkhulu
wamaphuzu nolwazi, kodwa
uhlose UKUKUHOLELA endleleni
efanele nekusa empumelelweni.
Nokho usalindeleke ukuthi
wenze umsebenzi wakho
nothisha uphinde uthuthukise
ikhono lakho.

KUMELE WAZI UKUTHI KUTHIWANI

KUTHAFUZWE/UTHINI U-TAHFUZWE

Lapho kunomehluko phakathi koLimi lwaseKhaya neLimi LokuQala LokwEngeza,

imininingwane yoLimi LokuQala LokwEngeza izoba semabhokisini anomngcele oluhlaza.

Ikhasi 01
 2. Isakhiwo sePhepha lesi-3
Funda imininingwane elandelayo ngokucophelela ngoba izokusiza ekuphenduleni imibuzo yePhepha lesi-3
ngendlela elindelekile:

ULIMI LWASEKHAYA
ƒ Unamahora ama-3 (imizuzu eyi-180) ukuphendula iPhepha lesi-3. Amamaki aleli phepha ayi-100 esewonke.
ƒ Leli phepha lineziqephu ezimbili: Isiqephu A nesiqephu B.
ƒ Amamaki esiqephu A angama-50. Lapha kumele ukhethe isihloko sendaba esisodwa ozobhala ngaso indaba enamagama
angama-340–390. Kukhona izihloko ezinhlanu ezibhalwe (1.1–1.5) okumele ukhethe esisodwa kuzona; NOMA ukhethe
esisodwa sezithombe (1.6–1.8) ongabhala ngaso indaba.
ƒ Isiqephu B sinemibuzo eyisithupha (2.1–2.6), umbuzo ngamunye unamamaki angama-25. Kumele uphendule imibuzo
emibili esiqeshini B ukuze kwenze amamaki angama-50 (25 x 2). Impendulo ngayinye kumele ibe ngamagama
ayi-100–120. Isiqephu B sikunikeza ithuba lokuzikhethela umbuzo wombhalo odlulisa umyalezo lapho uphendula
imibuzo emibili. Imibhalo edlulisa imiyalezo ifaka lokhu okulandelayo okuhlukaniswe imikhakha emithathu (A, B & C):
Umkhakha A Umkhakha B Umkhakha C
Incwadi yobungani Umbiko ongabekelwe migomo Inkulumo engalungiselelwe
Incwadi yakomkhulu/ Umbiko obekelwe imigomo Inkulumo elungiselelwe
yasemthethweni/yomsebenzi I-athikhili yephephabhuku Umlando kamufi
(yesicelo somsebenzi, yokukhalaza,
yokubonga, yokududuza, yebhizinisi, I-athikhili yephephandaba Inkulumo-mpendulwano
yokuhalalisa, njalonjalo) Isibuyekezo Inhlolokhono/i-Inthavyu
Incwadi eya kuMhleli wephephandaba/ I-ajenda namaminithi omhlangano
wephephabhuku (ebekelwe imigomo (kuyahambisana kube umbhalo
nengabekelwe migomo) owodwa)
Ikharikhulamu vithaye nencwadi
yokuzethula (kuyahambisana kube
umbhalo owodwa)
I-imeyili
ƒ Imibuzo esiqeshini B isuselwa kuyo yomithathu le mikhakha.
ƒ Uma uphendula umbuzo, bhala inombolo kanye nohlobo lombhalo owuphendulayo phezulu ekhasini. Isibonelo, 2.1 Incwadi
Yobungani, 2.6 Inkulumo-mpendulwano, njalonjalo.

Isiqephu A Isiqephu B Imizuzu isiyonke

imizuzu engama-40 embuzweni ngamunye imizuzu eyi-180
imizuzu eyi-100
imizuzu engama-40 embuzweni ngamunye (amahora ama-3)
Ithebula elilandelayo liqoqela ndawonye imininingwane engaphansi kwenombolo 2 ngenhla:
IPHEPHA LESI-3: AMAHORA AMA-3, AMAMAKI AYI-100, IZIQEPHU EZI-2
Isiqephu A: Amamaki angama-50 Isiqephu B: Amamaki angama-50 (25 x 2)
Khetha isihloko ESISODWA kwezi-5 ezibhaliwe noma Khetha izihloko EZIMBILI kwezi-6 ubhale umbhalo omude
kwezi-3 eziyizithombe. odlulisa umyalezo.
Sebenzisa imizuzu elinganiselwa kweyi-100 esiqeshini Sebenzisa okungenani imizuzu engama-80 esiqeshini B
A (sekuhlangene nokuhlela – Bheka ukuhlela ngaphansi (imizuzu engaba ngama-40 embuzweni ngamunye).
kwenombolo 3 ngezansi).
Ubude: amagama angama-340–390 Ubude: amagama ayi-100–120 umbhalo ngamunye
ƒ Bala amakhasi ephepha lakho lemibuzo ukuze uqiniseke ukuthi liphelele.
ƒ Bhala ngepeni elinoyinki onombala OLUHLAZA OKWESIBHAKABHAKA noma OMNYAMA.

ULIMI LWASEKHAYA ePhepheni lesi-3, kumele ubhale imibhalo EMITHATHU: (Indaba) EYODWA esiqeshini A bese ubhala
imibhalo EMIBILI (Imibhalo emifushane edlulisa imiyalezo) esiqeshini B.

Ikhasi 02
ULIMI LOKUQALA LOKWENGEZA
ƒ Unamahora ama-2½ (imizuzu engama-150) ukuphendulu iPhepha lesi-3. Amamaki esewonke aleli phepha ayi-100.
ƒ Leli phepha lineziqephu ezintathu: Isiqephu A, B & C.
ƒ Isiqephu A sinamamaki angama-50, siqukethe izihloko okumele ukhethe kuzona isihloko esisodwa ozobhala ngaso indaba
enamagama ayi-190–240. Zinhlanu izihloko ezibhaliwe (1.1–1.5) ezikunikeza izihloko ezinhlobonhlobo okumele ukhethe
esisodwa kuzona; NOMA ukhethe isithombe esisodwa (1.6–1.8) ongabhala ngaso indaba (emayelana nesithombe).
ƒ Isiqephu B sinemibuzo emine (2.1–2.4), umbuzo ngamunye unamamaki angama- 30. Kumele uphendule umbuzo owodwa
esiqeshini B, onamamaki angama- 30. Ubude bempendulo yakho kumele bube ngamagama angama-80–100.
ƒ Isiqephu C sinemibuzo emithathu (3.1–3.3) okumele uphendule owodwa kuyona. Umbuzo ngamunye unamamaki
angama-20. Ubude bempendulo yakho kumele bube ngamagama angama-60–80.
ƒ Isiqephu A sinezihloko kanye nezithombe ongakhetha kuzo indaba othanda ukuyibhala. Isiqephu B sinezihloko zemibhalo
emide edlulisa imiyalezo kanti isiqephu C sinezihloko zemibhalo emifushane edlulisa imiyalezo.
ƒ Imibhalo edlulisa imiyalezo esiqeshini B nasesiqeshini C inalokhu okulandelayo okuhlukaniswe izinhlobo/imikhakha
emithathu (A, B & C).

ISIQEPHU B

Umkhakha A Umkhakha B Umkhakha C

Incwadi yobungani
Incwadi yakomkhulu/
yasemthethweni/yomsebenzi
(yesicelo somsebenzi, yokukhalaza,
yokubonga, yokududuza, yebhizinisi,
yokuhalalisa, njalonjalo)
Incwadi eya kuMhleli
wephephabhuku (ebekelwe imigomo
nengabekelwe migomo)
Ikharikhulamu vithaye nencwadi
yokuzethula (kuyahambisana kube
umbhalo owodwa)
I-imeyili
Umbiko obekelwe imigomo Inkulumo-mpendulwano
Umbiko ongabekelwe migomo Inhlolokhono/i-inthavyu
I-athikhili yephephabhuku Inkulumo elungiselelwe
I-athikhili yephephandaba Inkulumo engalungiselelwe
Isibuyekezo
I-ajenda namaminithi omhlangano
(kuyahambisana kube umbhalo
owodwa).
Umlando kamufi

ISIQEPHU C

Umkhakha A Umkhakha B Umkhakha C

Izikhangiso/izikhangisi Izinto ezivela/ezibhalwa kudayari Imiyalelo
Izimemo Umqhafazo (i-WhatsApp, iFeyisibhu- Izinkombandlela
Amaphamfulethi/amapheshana ku, imesenja, njalonjalo).
Amaflaya

ƒ Esiqeshini B nasesiqeshini C kuba nombuzo ovela emkhakheni ngamunye.

ƒ Inombolo yombuzo kanye nohlobo lombhalo olubhalayo kumele kuvele kanje: 2.1 Incwadi yobungani, 3.2 Izinto ezivela/
ezibhalwa kudayari, njalonjalo.

Esiqeshini A Esiqeshini B Esiqeshini C Imizuzu isiyonke

imizuzu imizuzu imizuzu imizuzu
engama-80 engama-40 engama-30 eyi-150

Ikhasi 03
Ithebula elilandelayo liqoqela ndawonye imininingwane engenhla:

IPHEPHA LESI-3: AMAHORA AMA-2½ AMAMAKI AYI-100, IZIQEPHU EZI-3

Isiqephu A: Isiqephu B: Isiqephu C:

Amamaki angama-50
Khetha isihloko ESISODWA
kwezi-5 ezibhaliwe noma kwezi-3
eziyizithombe ubhale indaba.
Sebenzisa imizuzu elinganiselwa
kwengama-80 esiqeshini A (sekuhlangene
nokuhlela). (Bheka ukuhlela ngaphansi
kwenombolo 3 ngezansi).
Ubude: amagama ayi-190–240.
Amamaki angama-30
Khetha isihloko ESISODWA kwezi-4
ubhale umbhalo omude odlulisa
umyalezo.
Sebenzisa imizuzu ebalelwa
kwengama-40 esiqeshini B.
Ubude: amagama angama-80–100
Amamaki angama-20
Khetha isihloko ESISODWA kwezi-3
ubhale umbhalo omfushane odlulisa
umyalezo.
Sebenzisa imizuzu ebalelwa
kwengama-30 esiqeshini C.
Ubude: amagama angama-60–80.

ƒ Bala amakhasi ephepha lakho lemibuzo ukuze uqiniseke ukuthi liphelele.

ƒ Phendula imibuzo ngokubhala ngepeni ELILUHLAZA OKWESIBHAKABHAKA noma ELIMNYAMA.

ULIMI LOKUQALA LOKWENGEZA

Ephepheni lesi-3 kumele ubhale imibhalo emithathu: Indaba EYODWA esiqeshini A, bese ubhala umbhalo OWODWA
omude odlulisa umyalezo esiqeshini B kanye nombhalo OWODWA omfushane odlulisa umyalezo esiqeshini C.

Amatheksthi nemibuzo esetshenziswe kulo mhlahlandlela

IYIZIBONELO nje zalokhu okungalindelwa ekuhloleni kokugcina.

Ikhasi 04
 3. Okuqukethwe: Ngiliphendula kanjani iPhepha lesi-3?
Khumbula: IPhepha lesi-3 liqondene nemibhalo ebhalwayo yokuziqambela. Kumele ukhombise ikhono lakho lokubhala
futhi ukhombise ukuthi uyasiqondisisa isakhiwo kanye nomumo wombhalo ngamunye bese ubhala njengoba kulindelekile.
Isiqephu A nesiqephu B kanye sesiqephu C kuzoxoxwa ngazo ngokwehlukana ngezansi.

3.1 Isiqephu A: Indaba/I-eseyi (ULimi lwaseKhaya noLimi LokuQala LokwEngeza)

Esiqeshini A kugcizelelwa umbhalo wokuziqambela. Kumele ubhale indaba oziqambela yona. Akumele ungene egunjini
lokuhlola nendaba oza nayo uyiphethe ngekhanda bese uzama ukuyiphoqelela ezihlokweni ezibhaliwe ngoba lokho angeke
kukusize. Nakhu okumele ukwenze:
ƒ Funda izihloko noma bukisisa izithombe bese unquma ukuthi yikuphi okhululeka ukubhala ngakho. Khetha isihloko
esisodwa noma isithombe esiphathelene nezinto ozaziyo noma onolwazi ngazo.
ƒ Thatha isinqumo sokuthi uzobhala ngaluphi uhlobo lwendaba/lwe-eseyi. Isibonelo, i-eseyi elandisayo, i-eseyi echazayo,
i-eseyi edaza inkani, i-eseyi eqhathanisayo noma i-eseyi eningayo. Khumbula ukuthi lolo nalolo hlobo lwe-eseyi
lunezimpawu zalo kanye nezidingo (okuzokhulunywa ngazo ngezansi).
ƒ Hlela i-eseyi yakho ngaphambi kokuba uyibhale.

Umbhalo wokuqala
– Cabanga ngombhalo
– Khetha isihloko
– Yenza uhla lwamaphuzu
– Yenza umbhalo osabulwembu
– Xoxa indaba
– Landelanisa kahle amaphuzu akho

ƒ Ngihlela KANJANI na? Ayikho indlela ewumnqamulajuqu yokuhlela. Yilowo nalowo muntu unendlela akhululeka
ukuyilandela lapho ehlela. Ungasebenzisa uhla lwamagama, uhlaka, imidwebo esabulwembu, isifanekiso esidwetshiweyo/
ifulowushadi noma yikuphi okungakusiza ukuba uhlele imicabango yakho nokuthi indaba yakho izokuma kanjani. Noma
iyiphi indlela oyilandelayo mayikusize ikunike umqondo omuhle walokhu ofuna ukukubhala nokuthi uzokubhala kanjani
(makukunikeze okuqukethwe umbhalo, isakhiwo sawo nokuthi uzowethula kanjani).
ƒ YINI engiyihlelayo? Qala ngokunquma ukuthi YINI ofuna ukuyisho endabeni yakho esigabeni esiyisingeniso, ezigabeni
ezenza umzimba wendaba nokuthi indaba uzoyiphetha kanjani. Bhala amagama asemqoka awukhiye/imicabango; bheka
ukuthi kukhona ukuxhumana okuhle kwezigaba; bheka ukuthi imicabango igeleza ngendlela efanele. Nquma ukuthi
umbhalo wakho wokuziqambela uzowethula KANJANI: ulimi/irejista ozoyisebenzisa; izimpawu zobuciko bokubhala;
isitayela; ufuna ukuyiqala kanjani kanye nokuthi ufuna ukuyiphetha kanjani.
ƒ Musa ukuphuma esihlokweni sakho ngokubhala izinto ezingahambelani naso. Konke kumele kulandelane kube yinto
ethungekile, indaba igeleze ibe yinto eyodwa wena owabona ulwembu lwesicabucabu.

Ikhasi 05
 Ungaphambuki esihlokweni sakho ngokubhala ngezinto
ezingahlangene naso. Konke kufanele kuhambisane
futhi kuhlangane, njengolwebu lwesicabucabu.

ƒ Lapho ubhala, khumbula imigomo ephathelene nobude bendaba ube uvumela umqondo wakho ugeleze!
ƒ Jula ubuye wenabe ngomcabango – ethula umyalezo wakho sengathi kukhuluma wena uqobo!
ƒ Qikelela ubude bombhalo wakho: Phela uma indaba yakho imfushane kakhulu, usuke uzijezisa wena, uzincisha amamaki
ngoba okuqukethwe umbhalo wakho kuzobe kungezwakali noma umqondo wakho uzobe ungaphelele. Qaphela ukuthi
uma ubhala umbhalo omude odlula amagama anqunyelwe, nalapho uzokuba uzidlela wena isikhathi okumele usisebenzise
ekubhaleni isiqephu B nesiqephu C.
ƒ Khumbula ukwehlukanisa kahle phakathi kombhalo ongamalungiselelo kanye nombhalo osulungele ukumakwa ukuze
lowo ozomaka i-eseyi yakho angazitholi esemaka umbhalo ongamalungiselelo.
Ungagudluki enanini lamagama anqunyelwe uhlobo lombhalo, ungaphumi esihlokweni, sebenzisa
imicabango/imibono okungeyakho.

Manje sebenzisa/landela uhlelo ozenzele lona ukubhala indaba

yakho. Khohlwa ngayo yonke into nangabantu abaseduze kwakho
– zitike ngokubhala, bhala, ubhale ngoba nguwena kuphela
ongabumba wedlulise umyalezo osemcabangweni wakho.

Yini okumele uyiqikelele mayelana nezinhlobo ezahlukene zama-eseyi/zezindaba?

3.1.1 Izinhlobo zama-eseyi
Khumbula ukuthi uhlobo nohlobo lwe-eseyi lwehlukile kwezinye izinhlobo, i-eseyi ngayinye inezimpawu ebonakala/egqame
ngazo (kunezinto ezenza i-eseyi yehluke kwamanye njengoba kuchaziwe ngezansi).

a) I-eseyi elandisayo
ULimi LwaseKhaya ULimi LokuQala LokwEngeza
Amagama angama-340–390 Amagama ayi-190–240

I-eseyi elandisayo imayelana nomuntu nokuthi kwenzekeni kuye/kubo/kimi/kithi. Khumbula amaphuzu alandelayo:
ƒ Imvamisa lolu hlobo lwe-eseyi lubhalwa kusetshenziswa inkathi edlule.
ƒ Izinga le-eseyi liyaphakama uma indaba imnandi futhi iheha bese igcina ngesiphetho esimangalisayo noma esingalindelekile.
ƒ Ukunonga i-eseyi ngamahlaya anembayo futhi ahambisana nesihloko kuyenza ihehe.
ƒ Uma indaba imnandi (kusetshenziswe nolimi ngendlela efanele) izinga le-eseyi liyenyuka.
ƒ Ukuchaza kungaba khona yini ku-eseyi elandisayo? Yebo! Okubalulekile embhalweni wakho ukuba i-eseyi izwakale kuyinto engenzeka
ngempela kubuye kumenze oyifundayo ayikholwe le nto oyishoyo.
Funda mayelana nokusetshenziswa kolimi olunembayo emakhasini 9-10.

Ikhasi 06
b) I-eseyi echazayo
ULimi LwaseKhaya ULimi LokuQala LokwEngeza
Amagama angama-340–390 Amagama ayi-190–240

Ku-eseyi echazayo kumele uchaze, umuntu, indawo, isimo, ulwazi, umuzwa noma into. Qaphela lokhu okulandelayo mayelana
nalolu hlobo lwe-eseyi:
ƒ Ukuqaphelisisa kubamba iqhaza elibalulekile. Akukhathalekile ukuthi uchaza imizwa yakho, imvelo, umuntu/abantu noma
yini oyichazayo, indlela okubeka ngayo ngamazwi okushoyo ibaluleke kakhulu.
ƒ Ukusetshenziswa kwezinzwa kuyaliphakamisa izinga le-eseyi yakho. Ngakho-ke zama ukuzisebenzisa ngobuningi bazo
lapho uchaza.
ƒ Gwema ukusebenzisa ulimi oluhlotshiswe kwaze kweqa sengathi uzama ukubukisa – lokho akuyenzi indaba yakho ikholakale.
Ungamane ubhale imisho esobala kodwa edlulisa umyalezo ngokucacile.
ƒ Ubufakazi beqiniso nokwethembeka (kombhali) kuyalenyusa izinga le-eseyi echazayo.
ƒ Ukuqaphela okuyikho nokupheleleyo kuyalikhuphula izinga le-eseyi.
Funda mayelana nokusetshenziswa kolimi olunembayo emakhasini 9-10.

c) I-eseyi edaza inkani

ULimi LwaseKhaya ULimi LokuQala LokwEngeza
Amagama angama-340–390 Amagama ayi-190–240

I-eseyi edaza inkani ithatha uhlangothi ngokuvumelana noma ngokuphikisana nombono othize kusukela esigabeni sokuqala
kuze kufike esiphethweni. Qaphela lokhu okulandelayo mayelana nalolu hlobo lwe-eseyi:
ƒ Kubalulekile ukwehlukanisa phakathi kwe-eseyi edaza inkani ne-eseyi eqhathanisayo ngoba abukeka efana kanti akunjalo.
ƒ Kule eseyi inhloso ukwenza umuntu ofunda indaba yakho avumelane nombono wakho.
ƒ Imvamisa kubekwa izitatimende mayelana nombono othile bese kuvezwa namaphuzu asekela lezo zitatimende.
ƒ Le eseyi ibhalwa ibe senkathini yamanje.
ƒ Ulimi olusetshenziswayo kuvamise ukuba wulimi oluqoqekile kunalolu olusetshenziswa endabeni elandisayo. Nokho akuwona
umthetho lokho kodwa yinto elindelekile – lokho kuya ngokuthi luthini udaba oludingidwayo nokuphikiswana ngalo.
ƒ Amaphuzu ayiqiniso abaluleke kakhulu kule eseyi kunaku-eseyi echazayo.
ƒ Ungabukeli phansi imibono yabantu, ubehlise isithunzi noma ubahlambalaze ku-eseyi edaza inkani – ukuhlonipha lolu
olunye uhlangothi kubalulekile ngaso sonke isikhathi.
ƒ Amaphuzu anamandla nokwesekelwa kwawo, ngaphandle kokusetshenziswa kwehaba, kwenza ofundayo avumelane
nemibono yakho.

I-eseyi edaza inkani imayelana nombono wakho ngalokhu

okuphikiswana ngakho.

d) I-eseyi eqhathanisayo
ULimi LwaseKhaya ULimi LokuQala LokwEngeza
Amagama angama-340–390 Amagama ayi-190–240

I-eseyi eqhathanisayo ibheka zonke izinhlangothi ngokulinganayo. Qaphela lokhu okulandelayo mayelana nalolu hlobo lwe-eseyi:
ƒ Kubalulekile ukwehlukanisa phakathi kwe-eseyi eqhathanisayo ne-eseyi edaza inkani.
ƒ Ku-eseyi eqhathanisayo kubhekwa wonke amaphuzu ezinhlangothi zombili noma ezintathu ngokulinganayo bese ebekwa
esikalini ngokucophelela okukhulu nangobuqotho.

Ikhasi 07
ƒ Ulimi olusetshenziswa ku-eseyi eqhathanisayo lunesizotha, lukhombisa inhlonipho ukwedlula ulimi olusetshenziswa ku-eseyi
elandisayo nechazayo.
ƒ Ekugcineni ungafika esiphethweni sakho ngokwesekela okushoyo.
Funda mayelana nokusetshenziswa kolimi olunembayo emakhasini 9-10.

I-eseyi eqhathanisayo ibheka izinhlangothi ezehlukene ngesihloko.

e) I-eseyi eningayo
I-eseyi eningayo ibheka imibono eyahlukene.

ULimi LwaseKhaya ULimi LokuQala LokwEngeza

Amagama angama-340–390 Amagama ayi-190–240

I-eseyi eningayo ibheka izihloko ezithile ngokujulile, iveze imicabango ngezinto ezingenzeka iphinde yethule imibono nemizwa
ngesihloko esithize. Isibonelo, Ngabe kukhona okunye ukuphila lapho umuntu esedlulile emhlabeni? Kwakuyokwenzekani ukube
zazingekho izinkanyezi? Kungani abantu bebulalana? Ngangiyokwenzani/ngangiyophila kanjani ukube ngangingenamndeni?
Qaphela lokhu okulandelayo mayelana nalolu hlobo lwe-eseyi:
ƒ Lapha kusuke kucutshungulwa imizwa kanye nendlela okubhekwa ngayo izinto. Kungabhekwa izinto ezingenzeka kanye
nezixazululo zezinkinga ezikhona.
ƒ I-eseyi eningayo inezimpawu ezikhombisa ukungabaza, ukuphupha nokuthi izinto zingenzeka kanjani.
ƒ Amagama afana nokuthi, “kungahle” noma “mhlawumbe” asetshenziswa kaningana.
ƒ Ukuchaza kungaxhunyaniswa nokuninga ngemicabango ethize.
Funda mayelana nokusetshenziswa kolimi olunembayo emakhasini 9-10.

Ngingazihumusha kanjani izithombe?

3.1.2 Ama-eseyi amayelana nemibhalo ebukelwayo

Uma ukhethe isithombe esiqeshini A, qikelela lokhu okulandelayo:
ƒ Ziqambele isihloko ozosinika i-eseyi yakho esuselwe esithombeni. Qiniseka ukuthi isihloko sakho siyahambisana
nombhalo obukwayo.
ƒ Sebenzisa isithombe okuyisona esiqubula uthando lwe-eseyi oziqambele yona – musa ukuphoqelela i-eseyi oyilungise
ngaphambilini ukuba ihambelane nesithombe (noma nayisiphi isihloko).
ƒ Ukusebenzisa isithombe esiphelele yikhona okukhuphula izinga le-eseyi yakho. Uma ubhala ngokuncane okuyingxenye
yesithombe, into engagqamile esithombeni, ngeke uthole amamaki amaningi. Isithombe esilandelayo sikhombisa leli
phuzu ngokusobala:

Ikhasi 08
 Uma ubhala ngolimi lwenja, usuke ungasebenzisanga
isithombe ngokuyimpumelelo, ngoba ulimi luyingxenye
encane yesithombe nengabalulekile. Uma ubhala ubhekise
emazinyweni, ekukhonkotheni kwayo, emehlweni abonisa
intukuthelo yayo, iketanga eboshwe ngalo, njalonjalo,
njengento equbula usinga lokubhala indaba yakho
oziqambele yona (okungaba i-eseyi elandisayo/echazayo/
edaza inkani/eqhathanisayo/eningayo, njalonjalo), i-eseyi
yakho izokwenza uthole amamaki amaningi. Zama
ukubhekisa kokubalulekile esithombeni noma didiyela
izingxenye ezahlukene zibe yinto eyodwa ezwakalayo bese
usebenzisa lokho ukubhala i-eseyi yakho oziqambele yona
(lokho ungakwenza emuva kokuhlela okufanele). Sebenzisa
ikhono lakho lokuziqambela, kodwa ungaphumi esithombeni nokuxhumene naso - ukuphambuka kuzokwenza ungabhekisi
esihlokweni bese kudala ukuba ulahlekelwe ngamamaki.

3.1.3 Ukumaka kanye nokusetshenziswa kolimi kahle

Qikelela lokhu ngaso sonke isikhathi!

Uzothola amamaki amaningi uma:

ƒ Okuqukethwe umbhalo wakho kubabazeka kudlula obekulindelwe.
ƒ Imicabango yakho ikhombisa ukuhlakanipha nokukhula ngomqondo futhi kwenza ofundayo acabange ajule.
ƒ I-eseyi yakho ikhombisa ukuhleleka nokubumbana okubabazekayo.
ƒ Uma kunobufakazi bokuthi i-eseyi yakho ifundisisiwe yalungiswa amaphutha ngaphambi kokuba iyomakwa.
Usengawathola amamaki amahle uma:
ƒ Imibono yakho ifanelekile futhi ihlaba umxhwele.
ƒ Ubonisa ikhono lokusingatha isihloko ngobuciko.
ƒ Ugwema ukusebenzisa imibono engaxhumene nebekwe budlabha, evimbela ukugeleza kwendaba.
ƒ Ubambelela esihlokweni ngaso sonke isikhathi ugcine imicabango yakho igeleza.

Konke lokhu kudinga ukuhlela ngokucophelela!

Ekuhleleni kwakho kumele uqhubeke uzibuze imibuzo ethi:

ƒ Ngabe ngisabambelele esihlokweni na?
ƒ Ngabe imicabango/imibono yami ixhumene futhi igeleza kahle?
ƒ Ngabe imicabango/imibono yami iyesekelana?
ƒ Ngabe okuqukethwe engizisungulele khona kusha futhi kuhlaba umxhwele?
ƒ Ngabe imicabango/imibono yami ngiyayithuthukisa ngiyikhulise kusukela esigabeni sokuqala kuze kube
sesigabeni sokugcina?
ƒ Ngabe imicabango/imibono yami yonke isongeke kahle ngendlela ezwakalayo esigabeni sokugcina (esiphethweni)?

Ulimi olufanelekile/olunembayo:
ƒ Uzothola amamaki amaningi uma ulwazimagama, ithoni nesitayela kuhambelana nokuqukethwe i-eseyi yakho.
ƒ Gwema ukusebenzisa izimo zokukhuluma ngendlela eyihaba, kodwa lokho makungakuvimbeli ukuthi usebenzise izifengqo,
izisho, izaga, izenzukuthi, nokunye, okuvuselela isitayela sakho.
ƒ Sebenzisa imisho emide nemifushane uphinde usebenzise kahle izimpawu zokuloba.

Ikhasi 09
ƒ Izicaphuno, amagama okungewona awesiZulu kanye nezimo zokukhuluma kungayenza i-eseyi yakho ihlabe umxhwele, kodwa
lokhu kumele kusetshenziswe ngokucophelela kuhambisane nesimo okusetshenziswa kuso.
ƒ Ungalokothi usebenzise ulimi oluyinhlamba.
ƒ Cela uthisha wakho akukhombise/akuchazele ngerubhrikhi yokuhlola i-eseyi, ikakhulukazi ingxenye ephathelene nolimi,
isitayela kanye nokuhlelwa kwe-eseyi.
ƒ Vumela imicabango yakho (okubona ngamehlo engqondo) igeleze.

Uma ufuna ukuphumelela kahle esiqeshini A ekuhlolweni, kumele uzilolongele

ukubhala okungenani izinhlobo ezintathu zama-eseyi kulezo ezinhlanu
phakathi nonyaka ukuze uthuthukise ikhono lakho.

3.2 Isiqephu B: Imibhalo edlulisa imiyalezo

(ULimi lwaseKhaya noLimi LokuQala LokwEngeza)
Esiqeshini B kugcizelelwa ukubhala imibhalo ejwayelekile egxile ezinhlotsheni ezithize zokuxhumana. Lokhu kuxhumana
kwehlukene izinhlobo/imikhakha ezintathu, okungenani umkhakha owodwa uzobakhona ephepheni lokuhlola. Masixoxe
ngemikhakha ngokwehlukana kwayo:

3.2.1 Umkhakha A
Incwadi yobungani, incwadi yakomkhulu (yesicelo, somsebenzi, incwadi eveza ukuzwelana, incwadi yokubonga, incwadi
yomsebenzi, incwadi yokuhalalisa, njalonjalo), incwadi eqondiswe kuMhleli (eyakomkhulu/eyobungani), ikharikhulamu
vithaye nencwadi ehambisana nayo/yokuzethula (kuhambisana kokubili) kanye ne-imeyili

a) Incwadi yobungani
ULimi LwaseKhaya ULimi LokuQala LokwEngeza
Amagama ayi-100–120 Amagama angama-80–100

Incwadi yobungani ibhalelwa umuntu othile onobudlelwane noma ubuhlobo naye – amalungu omndeni, abangani kanye
nabantu obajwayele – nixoxa ngezinto ezimayelana nani. Qaphela lokhu okulandelayo mayelana nalolu hlobo lwencwadi:
ƒ Ithoni yencwadi yobungani ayibekelwe migomo ihambisana nohlobo lobungani. Qaphela izinqubo zenhlalo nokwehlukana
ngokwezindawo kwamasiko okulindeleke ukuba ukuhloniphe.
ƒ Isibingelelo sakho masiveze ubudlelwane. Isibonelo, Malume, Sibongile, njalonjalo.
ƒ Isigaba esiyisingeniso: Ungasebenzisi imisho ebisetshenziswa kudala efana nalo: “Ngisaphila. Unjani?” Isigaba esimnandi
esiveza ikhono lokuziqambela, esihlaba umxhwele sibaluleke kakhulu. Phawula ngesihloko esingenisweni. Uma izinga
lakho lobuhlakani liphezulu (ngaphansi kwemingcele ethile), nezinga le eseyi yakho liba phezulu.
ƒ Isigaba esiwumzimba wendaba: Bhala ngesizotha nenhlonipho futhi ungachezuki esihlokweni - ukuphuma esihlokweni
kungakwenza ulahlekelwe ngamamaki.
ƒ Isigaba esiyisiphetho: Gwema ukubhala imisho engenamqondo, njengokuthi: “Hhayi-ke sengiyaphetha manje.” Awutholi
mamaki ngokubhala lokhu. Isigaba sokugcina kufanele sisonge kahle indaba.
ƒ Inani lamagama okumele uwabhale (100–120) limayelana nomzimba wencwadi (isigaba esiyisingeniso nesigaba
esiyisiphetho) KUPHELA. Asibandakanyi ikheli, isibingelelo nesiphetho).
ƒ Zijwayeze ukubhala ngefomathi efanele. Qala incwadi yakho ngokubhala ikheli phezulu esandleni sokudla, libhale
imigqa elandelanayo iqondane ibe yibhulokhi – qala ubhale inombolo yomgwaqo ulandelise ngegama lomgwaqo; lapho
kusetshenziswe khona ibhokisi leposi bhala, “P.O. Box” ulandelise ngenombolo. Emgqeni olandelayo, ngezansi kwegama
lomgwaqo noma ibhokisi leposi “P.O. Box”, bhala igama ledolobha noma igama lengxenye yedolobha. Uma ufuna ukufaka
igama ledolobha, lingena ngezansi kwegama lengxenye yedolobha, kulandele ikhodi yeposi. Qedela ikheli ngokubhala
usuku (NGOKUGCWELE) emgqeni olandelayo. (BHALA USUKU NGOKUGCWELE) Azisetshenziswa izimpawu zokuloba,
ngaphandle kwalapho ubhala “P.O. Box”. Nazi izibonelo:

Ikhasi 10
 3 Church Street 3 Sunset Avenue P.O. Box 3 P.O. Box 3
Western Bay Green Hills Blue Fountains Green Hills
4321 Johannesburg 4321 Johannesburg
5 Julayi 2021 4321 5 Ntulikazi 2021 4321
5 Julayi 2021 4 Ntulikazi 2021

3 Sunset Avenue bhala inombolo yomgwaqo kuqala

Green Hills igama ledolobha/ledolobhana
Johannesburg igama ledolobhakazi (akuphoqelekile)
4321 ikhodi leposi
5 Julayi 2021 bhala usuku ngokuphelele

ƒ Yeqa umugqa ngemuva kwesibingelelo.

ƒ Yeqa umugqa ngemuva kwesigaba esiyisingeniso.
ƒ Yeqa umugqa uma uqala isigaba esisha.
ƒ Yeqa umugqa uhlukanise isigaba sokugcina kusivaleliso.
ƒ Ukuvalelisa – makube sesandleni sokunxele – kufanele kuveze ubungani futhi kungabhalwa ngezindlela ezahlukene
(ngaphandle kwezimpawu zokuloba):

Yimina indodakazi yakho Yimina

uDudu uSifiso

ƒ Umbhalo wencwadi yobungani uma kanje:

IKHELI LAKHO
(azifakwa izimpawu
zokuloba)

(Eyobungani) ISIBINGELELO

ISIGABA EYISINGENISO

ISIGABA 1 UMZIMBA

ISIGABA 2 UMZIMBA

ISIGABA ESIPHETHAYO

ISIPHETHO
(azifakwa izimpawu
zokuloba)

Ikhasi 11
b) Incwadi yakomkhulu/yasemthethweni
ULimi LwaseKhaya ULimi LokuQala LokwEngeza
Amagama ayi-100–120 Amagama angama-80–100

Incwadi yakomkhulu/yasemthethweni (ebuye ibizwe ngencwadi yomsebenzi) iphathelene nezinto zomsebenzi. Qaphela lokhu
okulandelayo mayelana nalolu hlobo lwencwadi:
ƒ Ibhalwa izothe (kusetshenziswa ithoni enokuhlonipha).
ƒ Kuvamise ukuthi le ncwadi iqondiswe kumuntu ongamazi ophethe isikhundla esihloniphekile, okungaba ibhizinisi,
umasipala, umnyango kahulumeni, njalonjalo, okufanele uxhumane naye ngodaba obhala ngalo.
ƒ Qala ukubhala lolu hlobo lwencwadi usebenzisa ezinye zezibingelelo ezilandelayo:

Mnumzane Nkosikazi Nkosazane

Solwazi Dokotela Zwane Solwazi Madlala
Mnu. Nkosi Nkk. Dladla Nkz. Bhengu
Dkt. Khumalo Sol. Madlala

ƒ Bhala isihloko ngosonhlamvukazi, noma usidwebele – uma ubhala ngekhompyutha isihloko ungasibhala ngokugqamile
noma usibhale ngosonhlamvukazi. Isihloko sinikeza umqondo walokho okuzokhulunywa ngakho encwadini; siba sifushane,
kumele sibe namandla, kusetshenziswa igama elilodwa noma amagama ambalwa.
ƒ Isigaba esiyisingeniso: Ungambuzi ombhalelayo ukuthi unjani, kufanele usheshe ungene odabeni ohlose ukukhuluma ngalo.
ƒ Isigaba esiwumzimba: Yenaba ngesihloko wesekele okushoyo, kuye nokuthi ukhuluma ngani.
ƒ Isigaba esiphethayo: Fingqa okusho encwadini uphinde unikeze ithemba lokuthi okhuluma ngakho kuzoba nesixazululo.
ƒ Izibonelo ezilandelayo ziveza ukuvalelisa:

Yimina ozithobayo Yimina ozithobayo Yimina ozithobayo

(Ukusayina) (Ukusayina) (Ukusayina)
uSipho Zwane uLindiwe Kubheka (Nkk.) uBongumusa Duma (Nkz.)

ƒ Zijwayeze ukubhala ngefomathi efanele. Qala incwadi yakho ngokubhala ikheli phezulu esandleni sokudla, libhale
imigqa elandelanayo iqondane ibe yibhulokhi – qala ubhale inombolo yomgwaqo ulandelise ngegama lomgwaqo; lapho
kusetshenziswe khona ibhokisi leposi bhala, “P.O. Box” ulandelise ngenombolo. Emgqeni olandelayo, ngezansi kwegama
lomgwaqo noma ibhokisi le posi “P.O. Box”, bhala igama ledolobha noma igama lengxenye yedolobha; Uma ufuna ukufaka
igama ledolobha, lingena ngezansi kwegama lengxenye yedolobha, kulandele ikhodi yeposi. Qedela ikheli ngokubhala
usuku (NGOKUGCWELE) emgqeni olandelayo. (BHALA USUKU NGOKUGCWELE) Azisetshenziswa izimpawu zokuloba,
ngaphandle kwalapho ubhala “P.O. Box”. Nazi izibonelo:

3 Church Street 3 Sunset Avenue P.O. Box 3 P.O. Box 3

Western Bay Green Hills Blue Fountains Green Hills
4321 Johannesburg 4321 Johannesburg
5 Julayi 2021 4321 5 Ntulikazi 2021 4321
5 Julayi 2021 5 Ntulikazi 2021

3 Sunset Avenue bhala inombolo yomgwaqo

Green Hills inombolo yedolobha/yedolobhana
Johannesburg idolobhakazi (akuphoqelekile)
4321 ikhodi leposi
5 Julayi 2021 bhala usuku ngokuphelele

Ikhasi 12
ƒ Yeqa umugqa bese ubhala ikheli lendawo incwadi eqondiswe kuyo esandleni sokunxele. Uma wazi izinga noma iziqalo
zamagama nezibongo, qala ngakho, emgqeni olandelayo, ulandelise ngesikhundla sobhalelwayo (isibonelo, Mqondisi,
Mphathi). Uma ungalazi igama lobhalelwayo, bhala isikhundla sakhe, ulandelise ngekheli emgqeni olandelayo.
ƒ Yeqa umugqa ubhale isibingelelo.
ƒ Yeqa umugqa ubhale isihloko sencwadi.
ƒ Yeqa umugqa bese ubhala isigaba sokuqala.
ƒ Yeqa umugqa uma uqeda ukubhala isigaba.
ƒ Yeqa umugqa ngaphambi kokuvalelisa.
ƒ Sayina igama lakho emgqeni ongenhla kwalowo obhale kuwo igama lakho/izinhlamvu eziqala amagama kanye nesibongo.
ƒ Lolu hlobo lwencwadi lulandela uhlaka olulandelayo:

IKHELI LAKHO
(azifakwa izimpawu
zokuloba)

ISIKHUNDLA SILANDELWE IKHELI LOMUNTU

OBHALELWAYO
(azifakwa izimpawu
zokuloba)

(Eyakomkhulu) ISIBINGELELO

ISIHLOKO (Asibe ngosonhlamvukazi/noma usidwebele)

ISIGABA ESIYISINGENISO

ISIGABA 1 UMZIMBA

ISIGABA 2 UMZIMBA

ISIGABA ESIYISIPHETHO

Valelisa
(azifakwa izimpawu
zokoloba)

c) Izincwadi eziya kuMhleli

ULimi LwaseKhaya ULimi LokuQala LokwEngeza
Amagama ayi-100–120 Amagama angama-80–100

Incwadi eya kubashicileli ingaba eya komkhulu noma eyobungani. Qaphela lokhu okulandelayo mayelana nalolu hlobo lwencwadi:
ƒ Incwadi eya kubashicileli ibhalwa ngendlela efanayo nencwadi eyakomkhulu, kodwa kuba khona okuthathu okugqamile
okuwumehluko:

Ikhasi 13
 – Incwadi eya kubashicileli ibhalwa iqondiswe kuMhleli ekhelini incwadi eqondiswe kulo (elivela esandleni sokunxele
ngezansi kwekheli lakho. Ngakho-ke qala ngokubhala ukuthi “Mhleli”.
– Incwadi eya kubashicileli igxila ezintweni ezithinta umphakathi futhi iveza umbono wombhali.
– Umehluko phakathi kwayo nencwadi yakomkhulu ukuthi kuyona ungasebenzisa igama okungelona elakho/oziqambe
lona uma uthanda.
ƒ Phetha incwadi ngendlela efanayo neyencwadi yomsebenzi. Uma ufuna ukusebenzisa igama oziqambe lona, qala
ngokusayina, ulandelise ngegama lokuziqambela emgqeni olandelayo kubakaki, bese ubhala igama oziqambe lona/iziqalo
zamagama kanye nesibongo emgqeni olandelayo:
Yimina ozithobayo
(Ukusayina)
(Igama oziqambe lona)
uNkk./Nkz./Mnu. D. Ndlovu
ƒ Ingqikithi yendaba mayibe mfushane, ibe namandla igxile esihlokweni. Ungabhali amaphuzu amaningi angabalulekile asekela
umbono wakho. Sebenzisa ulimi olunesizotha oluveza umqondo nokucabanga ngendlela enenhlonipho nezwakala kahle.
ƒ Lolu hlobo lwencwadi lulandela uhlaka olulandelayo:

IKHELI LAKHO
(azifakwa izimpawu
zokuloba)

Mhleli
IKHELI LESIKHUNGO
ESIBHALELWAYO
(azifakwa izimpawu
zokuloba)

(Eyakomkhulu) ISIBINGELELO

ISIHLOKO (Asibe ngosonhlamvukazi/noma usidwebele)

ISIGABA ESINGENISAYO

ISIGABA 1 UMZIMBA

ISIGABA 2 UMZIMBA

ISIGABA ESIYISIPHETHO

VALELISA
(Ukusayina)
(Igama oziqambe lona –
libhalwa ngokuthanda)
Isikhundla sobhalayo, iziqalo
zamagama nesibongo sakhe
(azifakwa izimpawu
zokoloba)

Ikhasi 14
d) Ikharikhulamu vithaye (CV) kanye nencwadi yokuzethula (ehambisana nayo)
ULimi LwaseKhaya ULimi LokuQala LokwEngeza
Amagama ayi-100–120 Amagama angama-80–100

Ikharikhulamu vithaye iqukethe imininingwane emayelana nomsebenzi womuntu (imfundo yakhe, asekuzuzile empilweni,
nolwazi lomsebenzi). Lolu hlobo lombhalo lulandela uhlaka olulandelayo:
ƒ Uma ufaka isicelo somsebenzi, ubhala i-CV ehambisana nencwadi yokuzethula.
ƒ Incwadi ehambisana ne-CV iyisicelo somsebenzi; iveza isikhala somsebenzi owufakele isicelo. Inikeza isendlalelo kanye
nolwazi oluthile olungaveli ku-CV noma amaphuzu abalulekile ngalowo ofaka isicelo.
ƒ Ifomathi yencwadi ehambisana ne-CV iyafana nefomathi yencwadi yakomkhulu.
ƒ Ithoni yencwadi kufanele ibe nenhlonipho ihleleke kahle ngolimi olwamukelekile. Awufuni ukuba isicelo sakho
singaphumeleli ngenxa yamaphutha esipelingi kanye namanye amaphutha olimi atholakala ku-CV yakho nasencwadini
ehambisana nayo/yokuzethula.
ƒ Nalu uhlaka olulula lwe-CV:

I-CV ka ... (bhala igama lakho)

Isibongo: (bhala isibongo sakho)

Amagama: (bhala amagama akho)
Inombolo kamazisi: (bhala inombolo yakho kamazisi)
Usuku lokuzalwa: (lubhale ngokugcwele)
Ikheli lalapho uhlala khona: (libhale liphelele njengoba wenza lapho ubhala incwadi, kodwa alufakwa usuku)
Ikheli laseposini: (libhale liphelele njengoba wenza lapho ubhala incwadi, kodwa alufakwa usuku)
Ubuzwe: (isibonelo, ngingowaseNingizimu Afrika)
Isikole ofunda kuso: (bhala igama lesikole)
Izifundo: (bhala izifundo ozifundayo – uziqale ngosonhlamvukazi)
Ezemidlalo: (bhala imidlalo obamba kuyo iqhaza esikoleni)
Izilimi: (bhala izilimi okwazi ukuzikhuluma)
Inombolo kamakhalekhukhwini: (bhala inombolo yakho)
I-imeyili: (bhala ikheli lakho le-imeyili)
Umuntu ongafakaza ngawe: (bhala isikhundla sakhe, iziqalo zamagama akhe nesibongo sakhe)
(bhala usho ukuthi ungubani kuwe lona ofakaza ngawe?
Isibonelo, uthisha noma uThishomkhulu)
Ucingo: (bhala inombolo yakhe yocingo)
I-imeyili: (bhala ikheli lakhe le-imeyili)

Amatheksthi nemibuzo esetshenziswe kulo mhlahlandlela

IYIZIBONELO nje zalokhu okungalindelwa ekuhloleni kokugcina.

Ikhasi 15
ƒ Ukuhleleka kwencwadi kuma kanje:

IKHELI LAKHO
(azifakwa izimpawu
zokuloba)

IKHELI LOMUNTU
OBHALELWAYO
(azifakwa izimpawu
zokuloba)

(Eyakomkhulu) ISIBINGELELO

ISIHLOKO (Asibe ngosonhlamvukazi/noma usidwebele)

ISIGABA ESINGENISAYO

ISIGABA 1 UMZIMBA

ISIGABA 2 UMZIMBA

ISIGABA ESIYISIPHETHO

VALELISA
(azifakwa izimpawu
zokoloba)

e) I-imeyili
ULimi LwaseKhaya ULimi LokuQala LokwEngeza
Amagama ayi-100–120 Amagama angama-80–100

Esikhundleni sokubhala incwadi yobungani noma yomsebenzi ephepheni siyithumele ngeposi, singasebenzisa ikhompyutha
sibhale i-imeyili. Naku okubalulekile nge-imeyili:
ƒ Ama-imeyili enza abantu abanamakheli ama-imeyili bakwazi ukuthumela imiyalezo kwabanye abanalawo makheli, ngemizuzu
embalwa bakwazi ukuyifunda emafonini noma kumakhompyutha abo.
ƒ Abathumela ama-imeyili kanye nalabo abawemukelayo kufanele babe namakheli ama-imeyili ukuze bakwazi ukuxhumana.
ƒ Ikheli lothumela i-imeyili nelalowo oyemukelayo kufanele kuvele ku-imeyili ukuze kucace kahle ukuthi i-imeyili ithunyelwe
ubani futhi iya kubani.
ƒ Siyakwazi ukuthumela i-imeyili kumuntu ngesikhathi esisodwa sifake amakheli abanye abantu esifuna nabo bakwazi
ukufunda umyalezo esiwuthumele.
ƒ Indlela i-imeyili ehleleke ngayo noma ebukeka ngayo iyahluka kuye ngohlelo lwekhompyutha. I-Yahoo ne-Gmail nezinye
izinhlelo zamakhompyutha zicishe zibukeke kanje:

Ikhasi 16
 Umyalezo omusha

Iya ku: (Bhala ikheli le-imeyili lomuntu (labantu) ofuna ukuxhumana nabo.)

Abanye: (Bhala ikheli le-imeyili lomuntu (labantu) ofuna ukuba bawuthole lo myalezo.)
Isihloko: (Bhala isihloko somyalezo wakho)
Alibhalwa ikheli leposi noma u-P.O. Box
Bhala isibingelelo.

Bhala umyalezo wakho.

Bhala isivaleliso.
(Obhalayo angafaka imininingwane yakhe lapha, isikhundla sakhe, umqashi, ikheli, nenombolo
yocingo nokunye.)

Thumela

ƒ IYA: Ikheli le-imeyili lobhalayo livela lapha, kuvamise ukuba libe ngamagama amancane kungasetshenziswa osonhlamvukazi.
Isibonelo, onast@yahoo.ac.za – qinisekisa ukuthi ikheli le-imeyili libhaleke kahle akunaphutha, uma kungenjalo umyalezo
angeke ufike kobhekiswe kuye. Ungabhala amakheli abantu obathumela i-imeyili abangaphezulu koyedwa, bonke
bawuthole umyalezo ngesikhathi esisodwa. (Amakheli e-imeyili ahlukaniswa ngokhefana-ngqi.)
ƒ ABANYE: Bhala ikheli lomuntu/labantu ofuna bathole umyalezo. Isibonelo, siza.els@gmail.com; els.peter@telkomsa.net,
njalonjalo. (Amakheli e-imeyili ahlukaniswa ngokhefana-ngqi.)
ƒ ISIHLOKO: Isihloko se-imeyili/i-imeyili imayelana nani.
ƒ Isitayela nendlela obhala ngayo umyalezo we-imeyili yobungani noma eyakomkhulu kuyafana nendlela obhala ngayo
izincwadi kodwa kunomehluko omubili:
– Umehluko ukuthi amakheli owasebenzisa uma ubhala izincwadi awuwafaki uma ubhala i-imeyili. (Uma uthanda
ungalibhala ikheli lencwadi ngezansi kwegama lakho.)
– Omunye umehluko ukuthi uma ubhala i-imeyili ufaka isihloko (lapho okubhalwe ukuthi ISIHLOKO) – okuyinto ongayenzi
uma ubhala incwadi yobungani.
Nasi isibonelo se-imeyili yobungani:

Umyalezo omusha

Iya ku: dnaicker@getafix.co.za

Abanye:
Isihloko: Imali yebhasi

Baba
Izindleko zami zibe phezulu kakhulu kule nyanga. Umqashi wami uqale ukudonsa imali yentela
emholweni wami, nami ngabuye ngajoyina i-medical aid esivele idonsa emholweni wami. Ngaleyo
ndlela iholo lami elingatheni seliphelela ekukhokheleni umasipala kanye nerenti.
Angithandi ukuboleka imali kuwe kodwa anginayo eyanele ukuze ngikwazi ukukhokha ebhasini uma
ngiya emsebenzini. Ngicela ungiboleke ama-R600 okugibela kule nyanga. Isimo sami sizoba ngcono
ngenyanga ezayo, lapho ngizokwazi ukukukhokhela imali yakho, seyithe xaxa.
uZanele

Thumela

Ikhasi 17
Nasi isibonelo se-imeyili eya kuMphathi:

Umyalezo omusha

Iya ku: cora@gmail.com

Abanye: sims@yahoo.com; nqobe@gmail.com
Isihloko: Ukuphutha Emsebenzini

Nkosikazi

Ngibika ukuthi angeke ngiphumelele ukuza emsebenzini ngenxa yokuthi ngisuleleke ngegciwane
le-Covid. Umndeni wami wonke uhambile wayohlola kwatholakala ukuthi sonke sinayo i-Covid.
Inkosikazi yami yasuleleka ngegciwane lapho isebenza khona ngoba kwatholakala kunabanye
abanalo. Okwamanje angiguli kodwa ngesaba ukuthi ngingahle ngesulele abanye abasebenzi.
Ngakho-ke ngibone kungcono ngilalele iziyalo zodokotela, ngihlale ekhaya kuze kuphele izinsuku
ezinqunyiwe.

Ngingakuthokozela ukuqhubeka nomsebenzi wami ekhaya uma ungivumela njengoba bese ngibikile
ukuthi kangiguli. Imininingwane yokuhlolwa kwami nezinsuku okumele ngingahlangani nabantu
ngazo ngikuthumele kwahambisana nale imeyili.

Yimina ozithobayo
uSifiso Dlamini

Thumela

3.2.2 Umkhakha B
Umbiko obekelwe imigomo, umbiko ongabekelwe migomo, i-athikhili yephephabhuku noma yephephandaba, isibuyekezo,
i-ajenda namaminithi omhlangano (kuyahambisana)

a) Umbiko ongabekelwe migomo

ULimi LwaseKhaya ULimi LokuQala LokwEngeza
Amagama ayi-100-120 Amagama angama-80–100

Umbiko ongabekelwe migomo uvamise ukuba mayelana nabantu nezinto abazenzayo, ngenhloso yokudlulisa ulwazi. Khumbula
amaphuzu alandelayo abalulekile uma ubhala lolu hlobo lombiko:
ƒ Isihloko esifanelekile/esinembayo sengeza isisindo embikweni.
ƒ Isigaba esiyingeniso: Chaza ngamafuphi mayelana nesigameko noma nento eyenzekile. Isizathu noma inhloso yombiko
kumele kucace.
ƒ Kubalulekile ukucabanga ngabantu umbiko oqondiswe kubo ukuze ithoni nesitayela kuhambisane nabo.
ƒ Sebenzisa ulimi olukhululekile kodwa olusemthethweni.
ƒ Izigaba ezethula ingqikithi yombiko: Zichaza okwenzekile.
ƒ Isigaba sokugcina: Sisonga umbiko, ngaphandle kokuphindaphinda osekwethuliwe sibe singekho isidingo.
ƒ Ekugcineni, umbiko kumele wethule umbono ongachemile, kodwa ungaveza nombono wombhali uma kunesidingo.

Ikhasi 18
b) Umbiko ongabekelwe migomo
ULimi LwaseKhaya ULimi LokuQala LokwEngeza
Amagama ayi-100-120 Amagama angama-80–100

Umbiko obekelwe imigomo unikeza ulwazi oluqokelelwe ngendlela yocwaningo ngesigameko noma usuke ufuna ukudlulisa
ulwazi “olusemthethweni”. Ngokujwayelekile usuke uyalelwe umuntu ongaphezu kwakho ngesikhundla noma umphathi ukuthi
ubhale umbiko. Khumbula amaphuzu alandelayo abalulekile uma ubhala lolu hlobo lombiko:
ƒ Abantu umbiko oqondiswe kubo babalulekile.
ƒ Umbiko mawube nesihloko esifushane kodwa sikwazi ukunikeza ulwazi.
ƒ Ulimi nesitayela kufanele kube okwamukelekile nengqikithi engavezi ukuchema. Imibono yakho (eyesekelwa ngamaphuzu)
ingemukeleka uma kunesidingo.
ƒ Isigaba esiyisingeniso: Chaza inhloso yombiko.
ƒ Isigaba esiyingqikithi: Ulwazi olutholile kufanele kube oluyiqiniso, amaphuzu ahleleke alandelane kahle isigaba nesigaba.
ƒ Isigaba sokugcina: Fingqa umbiko ngaphandle kokuphinda amaphuzu asethuliwe.

c) I-athikhili yephephabhuku
ULimi LwaseKhaya ULimi LokuQala okwEngeza
Amagama ayi-100-120 Amagama angama-80–100

I-athikhili yephephabhuku yethulwa ngendlela efanayo nombiko ongamiselwe migomo, kodwa umehluko ukuthi yona igxile
kakhulu ezintweni ezithinta abantu. Khumbula amaphuzu alandelayo abalulekile uma ubhalo lolu hlobo lombhalo:
ƒ Inhloso ye-athikhili yephephabhuku kungaba ukunikeza ulwazi, ukufundisa noma ukujabulisa.
ƒ Kubalulekile ukuthi isihloko sihehe abafundi bephephabhuku. Kungaba isihloko esithinta imizwa (emihle noma engemihle)
siphinde siveze imizwa noma imibono yombhali.
ƒ Kubalulekile ukucabanga ngabantu umbiko oqondiswe kubo ukuze usebenzise isitayela esihambisana nabo.
ƒ Isigaba esiyisingeniso: Sinikeza isendlalelo siphinde sitshele umfundi (wephephabhuku) ukuthi alindeleni ku-athikhili.
ƒ Izigaba eziyingqikithi: Nakuba zichaza kodwa zibhalwa zixoxe indaba. Ngamanye amagama i-athikhili ixoxa indaba
mayelana nomuntu noma abantu kodwa ixhumanise izigameko endabeni nokuchaza mayelana nemizwa yomuntu noma
abantu kanye nendlela ababuka ngayo izinto mayelana nezigameko okuxoxwa ngazo.
ƒ Ngaso sonke isikhathi ithoni yombhali kumele ikhombise ukuhlonipha nokuba qotho kulowo abhala ngaye ku-athikhili.
Umbhali kumele azisingathe ngokucophelela izinto ezibucayi/izinqumo.
ƒ Abafundi be-athikhili kumele bezizwe kukhona abakufundile ku-athikhili yephephabhuku mayelana nezinto noma nabantu
okubhalwe ngabo.
ƒ Funda izinhlobo ezehlukene zama-athikhili ephephabhuku, uthole mayelana nethoni nokuthi kuthiwani ngomuntu noma
ngabantu kanye nokuthi zichazwa kanjani izigameko ezenzeka empilweni yabantu.

d) I-athikhili yephephandaba
ULimi LwaseKhaya ULimi LokuQala LokwEngeza
Amagama ayi-100-120 Amagama angama-80–100

I-athikhili yephephandaba igxila kakhulu ezigamekweni ezibalulekile emphakathini kunokugxila ezintweni ezithinta abantu
(okwehlukile ku-athikhili yephephabhuku). Khumbula amaphuzu alandelayo abalulekile uma ubhala lolu hlobo lombhalo:
ƒ Kubalulekile ukucabanga ngabantu umbiko oqondiswe kubo ukuze ithoni nesitayela kuhambisane nabo.
ƒ Isihloko siqanjwa ngendlela ezokwenza abafundi bephephandaba balangazelele ukuyifunda i-athikhili.

Ikhasi 19
ƒ Imizwa noma imibono yabantu akuvezwa.
ƒ Amagama, izindawo kanye nemininingwane ebalulekile kumele kuvele ku-athikhili.
ƒ Funda ama-athikhili ephephandaba ehlukene bese uthola kabanzi ngezimpawu zama-athikhili.

e) Isibuyekezo
ULimi LwaseKhaya ULimi LokuQala LokwEngeza
Amagama ayi-100-120 Amagama angama-80–100

Isibuyekezo siwukuhlaziya okwenziwa umuntu ngemuva kokufunda incwadi, kokubuka ifilimu, kokubuka umdlalo, kokulalela
umculo weqembu, kokubona uhlu lokudla endaweni ethengisa ukudla, njalonjalo. Khumbula amaphuzu alandelayo abalulekile
uma ubhala lolu hlobo lombhalo:
ƒ Ukuhlaziya kudinga unikeze isithombe ngencwadi/ngefilimu/ngomculo weqembu, ngendlela evulekile futhi eveza
imizwa yakho, kodwa kufanele kuveze iqiniso nendlela yokuncoma engenzeleli (kungaba okuhle noma okubi) ngalokho
okubuyekezwayo.
ƒ Isibuyekezo siwumbono walowo ohlaziyayo futhi sivumela imibono eyehlukene, engalandeli imigomo/ifomathi ethile.
ƒ Nikeza imininingwane efanele, isibonelo:
– Uma ubuyekeza incwadi: Isihloko, umbhali, umshicileli nenani lentengo yencwadi.
– Uma ubuyekeza ifilimu: Igama lefilimu, igama noma amagama abalingisi abakhulu, indawo nezikhathi ifilimu
elidlala ngazo.
– Uma ubuyekeza indawo yokudla: Igama lendawo, ikheli, izikhathi zokuvula, izinhlobo zokudla, izindlela abathengi
abanakekelwa ngazo nanokuthi sikhona yini isidingo sokubekisa indawo ngaphambi kokuyivakashela.
– Ukubuyekeza umdlalo weshashalazi/wasesiteji: Isihloko somdlalo, igama noma amagama abalingiswa abasemqoka,
indawo odlalwa kuyo, izikhathi odlala ngazo nanokuthi udlala kuze kube nini (imidlalo yalolu hlobo ivama ukunqunyelwa
isikhathi, okungaba yizinsuku ezimbalwa noma amaviki ambalwa).

f) I-Ajenda namaminithi omhlangano

ULimi LwaseKhaya ULimi LokuQala LokwEngeza
Amagama ayi-100-120 Amagama angama-80–100

Kungekudala kungalindeleka ukuba ubhale uhlelo (i-ajenda) namaminithi omhlangano, uphinde ubhale uhlelo lomhlangano
oluhambisana nesaziso ngomhlangano, noma ubhale amaminithi omhlangano kuphela. Ukuthola amakhono okubhala
okuphathelene nomhlangano kungakusiza ekuthuthukiseni ikhono lakho lomsebenzi.
Nasi isibonelo sesaziso somhlangano:

Uyaziswa ukuthi kuzoba nomhlangano weZimele Race Club ozoba ekhaya leqembu ngoLwesithathu, 14 kuMbasa 2022,
ngehora le-18.00. I-Ajenda ihambisana nalesi saziso.

NOMA

Umhlangano weZimele Race Club uzobanjwa ekhaya leqembu ngoLwesithathu, 14 kuMbasa 2022, ngehora le-18.00.
I-ajenda ihambisana nalesi saziso.

Amatheksthi nemibuzo esetshenziswe kulo mhlahlandlela

IYIZIBONELO nje zalokhu okungalindelwa ekuhloleni kokugcina.

Ikhasi 20
Nasi isibonelo se-ajenda yomhlangano (qaphela ukulandelana kwezinto okufanele zifakwe):

I-AJENDA

1. UKUVULA NOKWAMUKELA AMALUNGU

2. AMALUNGU AKHONA NEZIXOLISO
3. AMAMINITHI OMHLANGANO ODLULE
4. UKWEMUKELWA KWAMAMINITHI
5. EZIVUKA EMAMINITHINI
5.1 Imiphumela yemijaho edlule
5.2 Ukupendwa kwendlu yeqembu
5.3 Imali yobulungu
6. EZINTSHA
6.1 Ukuhlolwa kwesitatimende semali
6.2 Ukwandiswa kwemijaho
6.3 Amalungu amasha
6.4 Izinga lempilo yamahhashi
7. EZIXUBILE
7.1 _________________
7.2 _________________
7.3 _________________
8. USUKU LOMHLANGANO OLANDELAYO
9. UKUVALA

Isibonelo samaminithi ahambisana ne-ajenda yomhlangano engenhla:

AMAMINITHI OMHLANGANO WEZIMELE RACE CLUB OBUBANJELWE EZIMELE RACE CLUB

NGOLWESITHATHU, MHLA ZIYI-14 KUMBASA 2022, NGEHORA LE-18:00

1. UKUVULA NOKWEMUKELWA KWAMALUNGU

Usihlalo wavula umhlangano ngomthandazo, wabe esemukela bonke abakhona ngehora le-18:00, wathi
unethemba lokuthi bonke bazobamba iqhaza kokuzoxoxwa ngakho emhlanganweni. Umhlangano waqala ngehora
le-18:00.

2. AMALUNGU AKHONA NEZIXOLISO

Amalungu alandelayo ayekhona: uMnu. A. Madingiza (usihlalo), uNkk. R. Khuzwayo (isekela likasihlalo), uMnu. V.
Mzobe (unobhala), uDkt. A. Nzama (umgcinimafa), uNkz. B. Maphisa, uMnu. B.B. Nzuza, uMnu. A. Maphanga; uNkk.
Z. Phakathi, uMnu. S. Zwane, uNkz. B. Langa, uMnu. A. Sibiya noNkk. R. Nyawo.

3. UKUFUNDWA KWAMAMINITHI OMNHLANGANO

Amaminithi omhlangano wangomhla zingama-29 kuLwezi 2021 afundwa ngunobhala.

4. UKWAMUKELWA KWAMAMINITHI OMHLANGANO ODLULE

Amaminithi omhlangano emukelwa nguMnu. Ngidi kwasekela uNkk. Zondi.

Ikhasi 21
 5. EZIVUKA EMAMINITHINI OMHLANGANO ODLULE
5.1 Imiphumela yemijaho edlule
UNkz. Linda wabika ukuthi yonke imiphumela yemijaho edlule ibhaliwe encwadini yokugcina imiphumela. Yonke
imiphumela ihlelwe kabusha.
5.2 Ukupendwa kwendlu yeqembu
UMnu. Sokhela wabika ukuthi ukupendwa kwendlu yeqembu sekuphelile futhi kwenziwe ngemali encane kabi
kunalena ebibekelwe lo msebenzi.
5.3 Imali yobulungu
Umgcinisikhwama waveza ukukhathazeka ngamalungu angayikhokhi imali yobulungu. Kwavunyelwana ngokuthi
amalungu akhokhe le mali ingakapheli inyanga, kungenjalo ubulungu bawo buzophela. Lokhu kwaphakanyiswa
uMnu. Msomi kwasekelwa uNkk. Zondi.

6. EZINTSHA
6.1 Ukuphenywa kwamabhuku emali
Usihlalo wamemezela ukuthi kuzophenywa amabhuku emali emasontweni amabili ezayo.
6.2 Ukukhuliswa komjaho
Amanye amalungu akhononda ngokuthi uhlelo lomjaho luhleze lufana, okwenza agcine esephelelwa umdlandla. Ngemuva
kokudingida lolu daba isikhathi eside, umhlangano wavumelana ngokuthi usihlalo akathole ulwazi ngezinhlobo ezehlukene
zemincintiswano bese ewutshela akutholile.
6.3 Amalungu amasha
Umhlangano waziswa ngamalungu amabili aseyingxenye yeqembu: uMnu. Ngidi noNkz. Zondo. Usihlalo wemukela la
malungu wathi uyethemba ukuthi azozizwa esekhaya kuleli qembu.
6.4 Isimo sempilo yamajuba
UDkt. Khumalo wazisa amalungu omhlangano ukuthi umthetho uthi awekho amahhashi agulayo okufanele
angenele noma abe yingxenye yomjaho. Usihlalo wacela UDkt. Khumalo ukuba enze uhlu lwamazinga empilo
yamahhashi olufanele. UNkz. Dube wahlongoza ukuba angabi bikho amahhashi avunyelwa ukungenela umjaho
uma singekho isiqiniseko sokuthi aphila saka. UMnu. Sokhela wamsekela. Umhlangano wavumelana nalesi sinqumo.

7. EZIXUBILE
Akukho okwengezwa ku-Ajenda.

8. USUKU LOMHLANGANO OLANDELAYO

Umhlangano olandelayo uzobanjwa ngomhla zingama-25 kuNhlaba 2022.

9. UKUVALA
Usihlalo wavala umhlangano ngehora le-19:00 wabonga bonke abebethamele umhlangano wancoma igalelo labo.

ƒ QAPHELA LOKHU: Amamaminithi abhalwa ngenkathi edlule.

OLIMINI LWASEKHAYA UMLANDO KAMUFI ukuMkhakha C, kodwa OLIMINI LOKUQALA

LOKWENGEZA ukuMkhakha B. Ukugwema ukuphindaphinda, umlando kamufi kuzoxoxwa
ngawo ngaphansi koMkhakha C.

Ikhasi 22
3.2.3 Umkhakha C
Inkulumo engalungiselelwe, inkulumo elungiselelwe, umlando kamufi, inkulumo-mpenulwano ne-inthavyu

a) Inkulumo engalungiselelwe
ULimi LwaseKhaya ULimi LokuQala LokwEngeza
Amagama ayi-100-120 Amagama angama-80–100

Inkulumo engalungiselelwe emcimbini ongabekelwe migomo/okhululekile - iba nomoya nethoni eyenamisayo/ethokazisayo.

Khumbula amaphuzu alandelayo mayelana nenkulumo engalungiselelwe:
ƒ Yazi abantu okhuluma nabo, ukuze ukwazi ukuthi okhuluma ngakho kuhambisane nabo.
ƒ Gxila esihlokweni okhuluma ngaso.
ƒ Sebenzisa ulimi olukhululekile, ungasebenzisi ulimi olunonya noluthunazayo.
ƒ Ngenisa inkulumo ngamazwi afana nalwa:

Bangani Ngibingelela abangani

ƒ Sebenzisa amahlaya enkulumeni yakho uma isimo sikuvumela.
ƒ Hlela kahle amaphuzu ukuze inkulumo yakho igeleze.
ƒ Phetha inkulumo yakho ngamaphuzu akhethekile amqoka.

b) Inkulumo elungiselelwe
ULimi LwaseKhaya ULimi LokuQala LokwEngeza
Amagama ayi-100-120 Amagama angama-80–100

Inkulumo elungiselelwe yethulwa emcimbini ohleliwe. Khumbula amaphuzu alandelayo mayelana nenkulumo elungiselelwe:
ƒ Khuluma nezethameli ngendlela enesizotha. Uma uqondise kubantu ababalulekile, sebenzisa izikhundla zabo noma
izibongo zabo, izibonelo:

Mnu. Phakathi Nkk. Zondi Nkz. Duma

Dkt. Zulu Sol. Nhlapho

ƒ Kwesinye isikhathi kujwayelekile ukuthi abantu babizwe ngezithakazelo (Khabazela, Zikode, Gatsheni, njalonjalo).
ƒ Yazi abantu ozokwethula kubo inkulumo ukuze ukwazi ukusebenzisa ithoni nesitayela esifanele, uphinde wethule inkulumo
ehambisana nesihloko.
ƒ Ulimi kufanele lwamukeleke futhi lube nokuhlonipha.
ƒ Isingeniso sakho singaqala ngokuthi “Ngibingelela ...” kulandele abantu abazothulelwa inkulumo, isibonelo: “Ngibingelela
uMnu. Bhengu, Nkk. Langa, nabo bonke abakhona lapha.”
ƒ Hlela kahle amaphuzu akho ukuze ahambisane kahle.
ƒ Hlala esihlokweni ungachezuki.
ƒ Songa inkulumo yakho elungiselelwe ngesiphetho esinamandla.

Ikhasi 23
c) Umlando kamufi
ULimi LwaseKhaya ULimi LokuQala LokwEngeza
Amagama ayi-100-120 Amagama angama-80–100

Inhloso yomlando kamufi ukuhlonipha nokukhumbula umuntu osedlulile emhlabeni. Khumbula amaphuzu alandelayo mayelana
nalolu hlobo lombhalo:
ƒ Umlando kamufi ungafeza izinhloso ezehlukene uma siwubheka ngokwamasiko ehlukene, ngolimi nangokwezindawo
ezahlukene.
ƒ Nikeza/bhala isihloko esefanelekile.
ƒ Ulimi nesitayela akuhambisane nesizotha esifanele lolu hlelo.
ƒ Imininingwane efanele kudingeka ifakwe: izikhathi ezithile nezigameko empilweni yomuntu zimqoka.
ƒ Ngaso sonke isikhathi zibuze ukuthi: Yikuphi okufanele nokusemqoka? Yini engihlose ukuyizuza ngalo mlando? Ngabe
kuyahambelana nokulindelwe yizethameli ngokwenhlonipho nobuqiniso? Uma kucacile konke ngale mibuzo, ingqikithi
nolimi olusebenzisa ekubhaleni umlando kamufi kuyoshaya emhlolweni.

d) Inkulumo-mpendulwano
ULimi LwaseKhaya ULimi LokuQala LokwEngeza
Amagama ayi-100-120 Amagama angama-80–100

Kunkulumo-mpendulwano, abakhulumayo banamathuba acishe alingane okukhuluma engxoxweni. Khumbula amaphuzu

alandelayo mayelana nenkulumo-mpendulwano:
ƒ Khombisa amagama ezikhulumi ngokucacile, uzihlukanise ngokunikezelana. Amagama alandelwa ikholoni, emuva
kwekholoni kuba yinkulumo.

uBongi: Ubukeka uthule kulezi zinsuku, Muzi. Ungakhuluma nami uma uthanda. Kungenzeka sikhathazwa yinto eyodwa.
uMuzi: Ngikhathazwa izivivinyo. Kubukeka sengathi izifundo zami azingihambeli kahle, ngiphelelwa yithemba.
uBongi: ...
uMuzi: ...

ƒ Isikhulumi siqala inkulumo emgqeni omusha ngaso sonke isikhathi.

ƒ Gxila esihlokweni namaphuzu alandelane kahle angaphoqelelwa.
ƒ Uma ubhala inkulumo-mpendulwano cabanga ngabantu ababambe iqhaza engxoxweni. Ithoni nolimi olusetshenziswe
kunkulumo-mpendulwano phakathi komfundisi nomfundi alufani nolimi olusetshenziswa abangani. Ngakho-ke,
qikekele ukusetshenziswa kolimi phakathi komuntu omdala nomuntu omncane, umzali nengane, umsebenzi omkhulu
ngokwesikhundla nomsebenzi omncane ngokwesikhundla, njalonjalo.
ƒ Ukubhala inkulumo-mpendulwano eyethulwa ngokukhululeka negelezayo ikwenza uthole amamaki amahle.
ƒ Qedela inkulumo-mpendulwano ngamazwi afanele abo bobabili abakhulumayo.

e) I-inthavyu
ULimi LwasEkhaya ULimi LokuQala LokwEngeza
Amagama ayi-100-120 Amagama angama-80–100

I-inthavyu nenkulumo-mpendulwano kuyafana ngokwesakhiwo nefomathi, kodwa ukhona umehluko ogqamile: ku-inthavyu
ababambe iqhaza benza okungafani - kukhona obuza imibuzo kubekhona ophendulayo. Khumbula amaphuzu alandelayo
mayelana ne-inthavyu:

Ikhasi 24
ƒ Ohola i-inthavyu kufanele abe nomusa nenhlonipho, angabuzi imibuzo emide edidayo. Imibuzo emifushane yenza obuzwayo
akwazi ukuphendula ngokuphelele.
ƒ Akucace kahle ukuthi ngubani obuzayo nokufanele aphendule imibuzo. Faka amakholoni emuva kwamagama, alandelwe
inkulumo, isibonelo:

uLinda: Ngiyabonga ukuthi uphumelele ukuba khona kule inthavyu. Abalandeli bakho bazokujabulela ozokusho.
uLinda: Akukho okungijabulisa njengokutshela abalandeli bami ngami. Eqinisweni impilo yami ingeyejwayelekile,
ngizalelwe ngakhulela khona lapha eThekwini.
uLinda: ...
uSiza: ...

ƒ Isikhulumi ngasinye siqala emgqeni omusha ngaso sonke isikhathi.

ƒ Uma isimenywa ku-inthavyu kungumuntu omdala noma onesikhundla akahlonishwe ngokwesikhundla sakhe, kodwa uma
abakhulumayo belingana ngokwezikhundla ithoni ingaba ekhululekile – okuxoxwa ngakho kanye nesimo kukwenza unqume
ukuthi inkulumo kube ekhululekile noma enemigomo. Uma i-inthavyu iqhutshwa ngendlela efanele, kuyazenzakalela ukuthi
ulimi nengqikithi kuhambisane ne-inthavyu.
ƒ Phetha i-inthavyu ngendlela efanela, isibonelo, Ohola i-inthavyu angabonga obethamele i-inthavyu ngokuba khona kwakhe
nokuphendula imibuzo.
ƒ Yiba nekhono lakho lokukwazi ukukhetha amazwi okuphetha kahle i-inthavyu.

3.3 Isiqephu C: ULimi LokuQala LokwEngeza

3.3.1 Umkhakha A
Isikhangiso/isikhangisi, isimemo, iphamfulethi neflaya

a) Isikhangiso/isikhangisi
ULimi LokuQala LokwEngeza
Amagama angama-60-80

Esikhangisweni usuke ufuna ukwazisa izethameli ngomkhiqizo, umsebenzi noma umcimbi othile. Khumbula amaphuzu
alandelayo mayelana nesikhangisi:
ƒ Phawula ngezimpawu noma ngezici zobuhle bomkhiqizo, umsebenzi owenziwayo noma isehlakalo noma umcimbi othile
ukuze ofundayo noma abafundayo bathenge lowo mkhiqizo, basebenzise leyo nsiza noma bethamele lowo mcimbi.
ƒ Isu lakho lokukhangisa yilona elizokhombisa ukuthi isikhangiso sakho sizobukeka kanjani, isibonelo:
– Umkhiqizo kanye nensizakukhangisa ngokuqhubekayo, isibonelo,mihla yonke, isonto nesonto, nyanga zonke, njalonjalo.
Alukho usuku noma isikhathi esibekiwe, isibonelo, ukukhangiswa kwezimoto, ukukhangiswa kwemikhiqizo yokudla,
nokukhangiswa kwezimonyo, njalonjalo. Kwesinye isikhathi kungadlula isikhathi eside abathengi baziswa/betshelwa
ngale mikhiqizo.
– Uma umkhiqizo kanye nensiza kukusha emakethe, noma kunesaphulelo entengweni yakhona, (isibonelo, kunendali)
kube okwesikhashana, okwezinsukwana endaweni ethile ngesikhathi esithile, lokho kumele kukhonjiswe ngokugqamile.
Lolu hlobo lwesikhangiso luyehluka ezikhangisweni okhangisa ngazo imikhiqizo nezinsiza ngokuqhubekayo.
– Kuyafana nalapho ukhangisa umcimbi. Isibonelo, uma ukhangisa ukuvulwa ngokusemthethweni kwekilabhu entsha,
usuku, isikhathi kanye nendawo kumele kubhalwe kucace esikhangisweni.
ƒ Lapho uhlolwa kumele uqonde kahle ukuthi yini ekhangiswayo ukuze uzokwazi ukuhlela indlela yesikhangiso sakho ngokufunele.
ƒ Qiniseka ukuthi ukhangisa izici noma izinto ezinhle zalowo mkhiqizo wakho, zaleyo nsiza yakho noma umcimbi ngaphandle

Ikhasi 25
 kokusebenzisa ihaba. Khumbula ukuthi ufuna abafundayo bathenge lowo mkhiqizo, basebenzise leyo nsiza noma bathamele
lowo cimbi owukhangisayo.
ƒ Yakha isikhangisi sakho ngendlela yokuthi sihehe ngokuthi usebenzise ulimi (isitayela nerijista, njalonjalo) olufanele lelo
qembu noma abantu isikhangiso esibhekiswe kubo.

b) Isimemo
ULimi LokuQala LokwEngeza
Amagama angama-60–80

Izimemo zibhalelwa ukumemela umuntu noma abantu emcimbini othile. Abantu bamenyelwa emicimbini enhlobonhlobo, efana
nomcimbi wosuku lokuzalwa, umcimbi wosuku lwesethembiso somshado, umcimbi wokwemukela umuntu noma abantu,
umcimbi wokuvalelisa umuntu noma abantu, umcimbi wokugcotshwa kweMeya, njalonjalo.
Izimemo ezibhalwayo zingaba ngezilandela imigomo ethile noma ngezingalandeli migomo. Khumbula amaphuzu alandelayo
mayelana nesimemo:
ƒ Izimemo ezingayilandeli imigomo ebekiwe azinaso isakhiwo esibekiwe kanti uma zibhalwa, zibhalwa zibe senkulumeni
yokukhulunywa naye (umuntu wesibili).
ƒ Ukusetshenziswa kwegama lomuntu kuvamile nakusimemo esingalandeli imigomo.
ƒ Irejista, ithoni kanye nesitayela kukhululekile kodwa kunesizotha.
ƒ Imininingwane efana nohlobo lomcimbi, usuku, isikhathi, indawo, indlela okugqokwa ngayo kumele ibhalwe ngokucacile.
ƒ Isimemo singabhalwa sibe yisigaba noma kungabhalwa imininingwane yesimemo okuwumcimbi, usuku, isikhathi, indawo
kwehlukane emigqeni elandelanayo engezansi.
ƒ Azidingeki izigaba ezinde ezingenasidingo.
ƒ Isimemo kumele sibonise ekugcineni igama noma amagama kanye nesibongo salowo okhipha isimemo ukuze omenywayo
noma abamenywayo bazi ukuthi ngubani othumele leso simemo.
ƒ Yisho kucace ukuthi abamenywayo kumele bagqokeni lapho behambele umcimbi abamenyelwe kuwo (umcimbi
owenganyelwe imigomo noma umcimbi onganganyelwe imigomo, njalonjalo.)
Isibonelo sesimemo somcimbi esinganganyelwe yimigomo:

37 Nteneshe Street
KwaDuka
1208 ikheli lakho
10 Novemba 2021
kusetshenziswa igama lomenywayo
Bongiwe

Njengoba wazi ukuthi ngiqeda kuphothula iziqu zami zobumeli, ngicela ube
khona emcimbini wami wokujabulela impumelelo yami ozoba sekhaya lapha kufakwa ulwazi (uhlobo lomcimbi,
zingama-27 kuDisemba 2021. Umcimbi uyoqala ngehora le-12:00 bebade. indawo, usuku nesikhathi) kungaba
Ngibone ukuthi mangikumeme ngoba nguwena owabamba iqhaza elikhulu isigaba noma kube ngamaphuzu
ekungikhuthazeni ukuba ngilandele lo mkhakha wezemfundo.

Ngicele iqembu lezomculo kamasikandi ukuba lizonandisa. Kuzobe kusindwe

ngobethole futhi kufinywa ngendololwane. Ngingakuthokozela ukufika kwakho yisho ukuthi kugqokwa kanjani
nezihlobo zakho ezintathu. Ngalolo suku siyobe sigqoke izingubo nezicathulo
ezinombala okhilimu. Ngiyazi phela ukuthi wena ave uyidla ingqephu.

Ngiyojabula kakhulu uma ukwazile ukuphumelela ukuzojabula kanye nami.

Yimina igama nesibongo

uThembeni Mzobe sothumele isimemo

Ikhasi 26
Isibonelo sesimemo somcimbi esenganyelwe yimigomo:

22 Zibandlela 2021
KuMnu. noNkk. Dumakude

UMnumzane P.J. noNkosikazi S.C. Sithole banentokozo enkulu yokumema uMnumzane N.R. noNkosikazi T.P. Dumakude
emcimbini wokubungaza indodakazi yabo ethweswe iziqu zobumeli yinyuvesi yakwaZulu-Natali. Umcimbi uzoqala
ngehora lesi-4 lapho selibantu bahle, ngoMgqibelo wangomhla ziyi-12 kuNhlolanja 2022, ehholo lomphakathi
elikunombolo 732 kuJabu Street, eMashishini. Lo mcimbi uzovulwa ngenkulumo nguSolwazi Madlala waseNyuvesi
yaseZimbabwe. Izimenywa ziyacelwa ukuba zigqoke izevatho zazo zemfundo. Kuyacelwa ukuba izimenywa ziphendule
zisho ukuba zizophumelela yini ukuza kulo mbungazo.

Impendulo mayithunyelwe kuNkosikazi S.C. Sithole, ekhelini:

1 Simelane Street, KwaDuka, 1208. Ucingo: 013 732 3040.

Khumbula amaphuzu alandelayo mayelana nesimemo esenganyelwe yimigomo:

ƒ Isimemo esilandela imigomo imvamisa sibhalwa siveze okukhulunywa ngaye (umuntu wesithathu) futhi sinemigomo
elandelwayo uma siqhathaniswa nesimemo esingenamigomo.
ƒ Izimenywa kuba ngabantu besithathu (okukhulunywa ngabo) bebe bebizwa ngokwezikhundla zabo bese kusetshenziswa
iziqalo zamagama abo zilandelwe izibongo zabo.
ƒ Kulandela uhlobo lo mcimbi.
ƒ Kuzimemo zalolu hlobo kusetshenziswa ikhadi. Kulo Mhlahlandlela wamalungiselelo okuhlola kugxilwe kusimemo sekhadi.
ƒ Isimemo sekhadi sinendlela yaso eyehlukile eyenza kugqame ukuthi yisimemo. Ithoni yakhona eyobungani futhi iyaheha.
ƒ Usuku, isikhathi, nendawo kuvame ukubhalwa kulandelane emigqeni engezansi elandelanayo, kodwa lokhu akuwona
umthetho omisiwe ongeguqulwe.
ƒ Irejista, ithoni kanye nesitayela kubhalwa kuhambisane nezidingo zesihloko.
ƒ Ulwazi olubalulekile kumele lubhalwe ngendlela ezoheha isimenywa. Qala ngokuveza ukuthi ubani noma ngobani
abamenywayo bese unikeza ulwazi olumayelana nomcimbi, usuku (lubhalwa ngokuphelele), isikhathi, indawo kanye
nendlela yokugqoka.
ƒ Igama noma amagama abakhipha isimemo kumele avele esiphethweni sesimemo. Lapha kubhalwa isikhundla noma
izikhundla kanye neziqalo zamagama abo (Mnumzane, Nkosikazi noma Dokotela) bese kulandela isibongo noma izibongo
zabo (Mnumzane, P.J. noDokotela, P.B. Ntuli.
ƒ Bhala usuku olindele ukuthi izimenywa ziphendule ngalo, zisho ukuthi zizophumelela noma cha bese ufaka igama lomuntu
ongathintwa kanye nenombolo yakhe yocingo.

Nazi izibonelo ezimbili zezimemo ezibekelwe imigomo. Nokho akuphoqelekile ukuthi izimemo ozoziqambela zona zifane
ncimishi nalezi, kodwa kumele zibe nalo lonke ulwazi futhi lulandelana njengoba kuvezwe ngezansi.

Amatheksthi nemibuzo esetshenziswe kulo mhlahlandlela

IYIZIBONELO nje zalokhu okungalindelwa ekuhloleni kokugcina.

Ikhasi 27
Isibonelo sokuqala:
UMphathisikole nothisha baseMbalenhle High School
bamenyelwa emcimbini wokuvalelisa uMnu G. Khumalo,
uMphathisikole waseThembeni Primary School.
Umcimbi uzoba ngoMsombuluko mhla ziyi-15 kuMeyi 2020
ngehora le-18:00 eThembeni Primary School.
Abantu besilisa balindeleke ukuthi bagqoke amasudi (noma
ambala muni). Abesifazane bona balindeleke ukuthi bagqoke
ngendlela enesizotha ehambisana nomcimbi.
Imali yokungena ngama-R200. 00.
Isibonelo sesibili:
UNksz. A. Mavuso umenyelwa emcimbini wokuvalelisa
uNkk. K. Mavundla ofundisa Emandleni Primary School,
osethatha umhlalaphansi ngemuva kweminyaka
enga-40 efundisa.
Imininingwane yomcimbi:
Usuku: UMsombuluko, ziyi-15 Meyi 2022
Isikhathi: 18:00 (ezimpondweni)
Indawo: Emandleni Primary School (ehholo yesikole)
Indlela yokugqoka:
(Abantu besilisa: Balindeleke ukuthi bagqoke amasudi (noma
ambala muni).
(Abantu besifazane: Balindeleke ukuthi bagqoke ngendlela
enesizotha, ehambisana nomcimbi.

Niyacelwa ukuthi nibe seniphendulile
ngoLwesihlanu mhla zinga-28 Mashi 2022.
Izimpendulo zenu nizibhekise kuNksz. Zandile Mtolo
kunombolo kamakhalekhukhwini ethi 0739919676.
USihlalo: Mnu. Phelelani Zwane
Imali yokungena: Ama-R200.00 umuntu ngamunye noma
ama-R300.00 abantu abashadile/abathandanayo
Impendulo: Ngaphambi koLwesihlanu zinga-
28 Mashi 2022
Okungaxhunyanwa naye: Amahle Vilakazi kunombolo
kamakhalekhukhwini ethi 0739919676.
USihlalo: Akhona Nzimande

Imibuzo esiza umfundi

ƒ Isimemo sibhekiswe kubani/kobani?
(Ubani/ngobani izimenywa?)
ƒ Umcimbi umayelana nani?
ƒ Umcimbi uzokwenziwa nini
(usuku nesikhathi)?
ƒ Umcimbi uqala ngasikhathi sini?
ƒ Umcimbi uzobanjelwa kuphi?
ƒ Kuzogqokwa kanjani emcimbini?
Olunye ulwazi lokwengeza
ƒ Ngabe ikhona imali ekhokhwayo? Uma ikhona, malini?
ƒ Kumele izimpendulo zibhekiswe kubani futhi nini?

Ikhasi 28
c) Iphamfulethi
ULimi LokuQala LokwEngeza
Amagama angama-60–80
Enye yezindlela zokusabalalisa umniningwane ngendlela enezindleko eziphansi ukusebenzisa amaphamfulethi. Amaphamfulethi
ungawanamathisela kumanothisibhodi, emafasiteleni ezitolo, ungawalengisa ezigxotsheni noma emabhokisini eposi noma
ngaphansi kwezicabha zamahhovisi noma uwafake emafasiteleni ngaphansi kwamawayipha ezimoto, njalonjalo. Khumbula
amaphuzu alandelayo mayelana namaphamfulethi:
ƒ Umbhalo wephamfulethi ungaba mkhulu njengowephosta ukuze abantu bawubone ngisho bekude noma ube mncane
ukuze ukwazi ukufaka imininingwane eminingi.
ƒ Inhloso yokusabalalisa amaphamfulethi ukwazisa ngemikhiqizo noma ngezinsiza (isibonelo, isitolo esisanda kuvulwa),
ukumemezela imicimbi ethile (isibonelo, ikhonsathi yesikole), kanye nezaziso (isibonelo, isaziso sikamasipala esimemezela
mayelana nokuncishiswa kokusetshenziswa kwamanzi), iqembu lepolitiki lifuna ukubamba umhlangano womphakathi, njalonjalo.
ƒ Isakhiwo nalokhu okuqukethwe yiphamfulethi kuhambelana nohlobo lomniningwane/isimemezelo/isaziso, njalonjalo.
Iphamfulethi ephakamisa imikhiqizo noma izinsiza, ihlelwa icishe ifane nesikhangiso. Kanti iphamfulethi emayelana
nokuncishiswa kokusetshenziswa kwamanzi iqukatha imithetho nemibandela yokuthi amanzi kumele asetshenziswe
kanjani nangasiphi isikhathi.

Isibonelo Sephamfulethi:

AMANZI AYIMPILO
Yilelo Nalalelo Consi Lamanzi
Libalulekile!
Ngenxa yesomiso, asongeni amanzi lapho siwasebenzisa emakhaya.
Ngakho-ke kusukela kule nyanga ephezulu kaNhlaba akumele izivande
zethu ziniselwe kusukela ekuseni lize lishone ilanga. Isivande masiniselwe
ntambama nasekuseni ngaphambi kokuphuma kwelanga. Abageza izimoto
akumele bazigeze ngokusebenzisa amathumbu okunisela. Abanamachibi
okubhukuda akumele bawasebenzise kuze kuphele lesi somiso. Amanzi
ayongeka kakhulu lapho sisebenzisa ishawa uma sigeza umzimba.

Qiniseka ukuthi amaphayiphi amanzi awavuzi.

Sebenzisa amalitha angedluli kwangama-60 ngosuku!
Vala umpompi wakho lapho uxubha amazinyo.

Yazisa ikhansela lendawo uma amanzi egeleza emigwaqeni.

Unobhala kaMasipala waseMtshezi
Ucingo: 0860 332 332

Ikhasi 29
d) Iflaya
ULimi LokuQala LokwEngeza
Amagama angama-60–80

Iflaya empeleni iyafana nephamfulethi, ngaphandle kokuthi iflaya yenzelwe “ukuflaya” okusho ukundiza. Ngamanye amazwi,
idluliselwa kubantu ngokuthi isuke esandleni iye kwezinye izandla, idluliswa ngezandla noma ngayiphi indlela engadluliswa ngayo.
ƒ Amaphamfulethi makhulu ngosayizi futhi angananyathiselwa kumanothisibhodi, kanti amaflaya mancane imvamisa kawabi
nemininingwane eminingi
ƒ Izimhlamvu zombhalo weflaya azizinkulu njengezephamfulethi nephosta; iflaya ithathwa ngesandla ifundwe khona manjalo.
ƒ Imithetho eyengamele iphamfulethi iyasebenza nakuflaya. Iflaya ekhangisa imikhiqizo nezinsiza ezithile iyehluka kuflaya
equkethe imininingwane yeqembu lezepolitiki elicela ukuvotelwa.

Isibonelo seflaya yeqembu lezombusazwe

KUHLE KONKE
Izophela inhlupheko!
SIKHATHELE IZITHEMBISO EZINGAFEZEKI
Votela Iqembu Labanolwazi Lokuphatha Omasipala

Impumelelo isesandleni sakho.

Nakhu okuthenjiswa iKuhle Konke:
ƒ Impilo engcono
ƒ Izindleko eziphansi zikagesi
ƒ Amanzi ahlanzekile
ƒ Imigwaqo ephephile
ƒ Izikole eziphephile
ƒ Intsha izothola umsebenzi ewudingayo newufundele
ƒ Izikhungo zokuqeqeshela abenza umsebenzi wezandla

Ngaphambi kokuba usivotele, sikunikeza isikhathi sokuthi sihlale

nawe phansi sikuchazele zonke izinhlelo zethu.
Yonke imibuzo yakho izophendulwa.
Xhumana nathi emahhovisi eKuhle Konke noma nini.

Kuhle Konke Building; 103 Inanda Road, Durban.

Ucingo: 0860 555 440/441/443

Ikhasi 30
3.3.2 Umkhakha B
Idayari nemibiko emifushane

a) Idayari
ULimi LokuQala LokwEngeza
Amagama angama-60–80

Idayari iqukethe izinto umuntu azibhala ngaye nezenzeka lapho ephila khona (kwesinye isikhathi zonke izinsuku) kuba imibiko
emifushane (ebizwa ngedayari). Khumbula amaphuzu alandelayo mayelana nedayari:
ƒ Okubhalayo kusuke kuqondiswe kuwe uqobo, noma ngabe kukhulunywa ngezinto ezenzeka lapho uphila khona. Idayari
ibhalwa ngomuntu wokuqala (mina, thina).
ƒ Imizwa, imicabango, imibono, namava kubalulekile kulokho okubhala kudayari yakho.
ƒ Sebenzisa imisho ephelele.
ƒ Qaphela inani lezigameko okufanele uzibhale kule dayari ngesikhathi sokuhlolwa bese ukhumbula ukubhala usuku
lwesigameko ngasinye.
ƒ Gwema ukusebenzisa izimpawu zokuloba lapho zingadingeki khona. Ungasebenzisa unobuza oyedwa, umbabazi, ukweqa,
njalonjalo, emshweni owodwa.

b) Imibiko emifushane
ULimi LokuQala LokwEngeza
Amagama angama-60–80

Imiyalezo emifushane iyona ndlela ejwayeleke kakhulu esetshenziselwa ukuxhumana kwesimanje. Khumbula amaphuzu
alandelayo mayelana nemibiko emifushane:
ƒ Ngesikhathi sokuhlolwa kungalindeleka ukuba ubhale imiyalezo engaphezu kowodwa.
ƒ Sebenzisa imisho ephelele, ugweme ulimi olungemukelekile noma izifinyezo ozakhele zona.

Isibonelo sombiko omfushane: Phendula umqhafazo ongezansi osanda kuwuthola uvela kumngane wakho omkhulu.

Sisanda kufika eKapa. Sihambe kahle.

Ave nginikhumbula nonke!

Impendulo yakho:

Siyajabula ukuzwa ukuthi nihambe kahle nafika niphephile! Umama ubekhat-

hazekile ngesikhathi enihambe ngaso ngoba imigwaqo kulezi zinsuku ay-
iphephile ngenxa yezingozi. Siyabonga ngokusazisa, manje wonke uwonke
uzokhululeka! Lapha ekhaya kuthule kuthe cwaka njengoba wena un-
gasekho. Empeleni ngijabule kakhulu ngokusivakashela kwakho, ama-
holidi ami abe mnandi ngokuphindiwe ngemuva kweminyaka eminingi.
Ngempela mina nawe siphuma phambili uma kuza ekuzijabuliseni. Man-
gisho ukuthi wena ungena uthi khaxa emndenini wakithi, kanti bonke
abantu lapha ekhaya bakuthanda ngendlela emangalisayo. Ave nathi
sikukhumbula! Sizobuye sixoxe kungensuku zatshwala. Uphephe bo!

Ikhasi 31
3.3.3 Umkhakha C
Imiyalelo nenkombandlela

a) Imiyalelo
ULimi LokuQala LokwEngeza
Amagama angama-60–80

Imiyalelo uhlu lwezinto ezilandelanayo okufanele zenziwe ngokuphelele ukuze kuphumelele umsebenzi owenziwayo. Isibonelo,
Uyixhuma kanjani iTV/uzinqunta kanjani izitshalo/uwuxuba kanjani upende/ulibhaka kanjani ikhekhe/ uzithunga kanjani
izingubo/udoba kanjani/ njalonjalo. Khumbula amaphuzu alandelayo mayelana nokubhala imiyalelo:
ƒ Bhala ngemisho ephelele.
ƒ Bhala imiyalelo yakho ngendlela ephoqayo. Ayikho inhloko/umenzi, qala imisho yakho ngesenzo esisabizo.
ƒ Imiyalelo kufanele ilandelane kahle ibe nomqondo.
ƒ Khombisa kahle ngokulandelana ukuthi yini okufanele yenziwe futhi kanjani ukuze okwenziwayo kube yimpumelelo.
ƒ Lapho ubhala uphendula umbuzo omayelana nemiyalelo, qiniseka ukuthi awugudluki enanini lamagama elibekwe ephepheni lemibuzo.
ƒ Uma unganikezwanga inani lemiyalelo ephepheni lemibuzo, qikelela ukuthi awulidluli inani lamagama abekelwe lolu hlobo
lombhalo. Ungabhala kube yisigaba noma kube ngamaphuzu.

Isibonelo somyalelo ongamaphuzu:

IMIYALELO: Thola ulwazi olunzulu ngomsebenzi ofake isicelo sawo.

ƒ Yenza ucwaningo ngesikhungo/inkampani efake isikhangisi.
ƒ Hlolisisa ukuthi umsebenzi uyahambisana yini nolwazi lwakho.
ƒ Qhathanisa izinto ovelele kuzo, ulwazi ngomsebenzi, amakhono, izinga lakho lemfundo, amava, ulwazi lwekhompyutha,
izitifiketi onazo nalokho okuvezwe esikhangisweni. Uzokudinga konke lokhu uma usuchazela umqashi ukuthi kungani
umsebenzi ukufanele.
ƒ Cabanga izinto osuke wazenza empilweni ezihambisana namakhono afunekayo
ƒ Bheka futhi okudingekayo emsebenzini, yenza uhlu lwezinto ovelele kuzo nezibonelo ngaphambi kokuya kunhlolokhono
ukuze ukwazi ukuziveza ngesikhathi senhlolokhono.

Ikhasi 32
b) Inkombandlela
ULimi LokuQala LokwEngeza
Amagama angama-60–80

Ngenkombandlela uchazela umuntu ukuthi ufinyelela kanjani endaweni ethile. Khumbula amaphuzu alandelayo
mayelana nenkombandlela:
ƒ Bhala ngemisho egcwele futhi uqiniseke ukuthi okubhalile kucacile.
ƒ Njengoba kwenziwe uma kuchazwa imiyalelo, inkombandlela kufanele icace, ishaye emhlolweni, ibe nokulandelana okunomqondo.
ƒ Veza ngokucacile isinyathelo ngasinye okumele sithathwe ukuze kufinyelelwe lapho kuhloswe khona.
ƒ Ungaqala inkombandlela ngokusebenzisa isenzo, kodwa awuphoqelekile, ungaqala futhi ngemisho echazayo inqobo nje
lokho kusiza ukuthi kufinyelelwe lapho kuhloswe khona.
ƒ Inkombandlela ingabhalwa ibe ngamaphoyinti noma isigaba.
ƒ Sebenzisa izinkomba okungaba izakhiwo nokunye okuyizimpawu okusemgwaqeni, uma iphepha lemibuzo linganikezanga
imephu (ibalazwe).
ƒ Uma iphepha lemibuzo linezinkomba, kumele uzisebenzise ukuze inkombandlela yakho icace futhi ilandeleke kalula.

Nasi isibonelo senkombandlela:

Umngani wakho ofuna ukungenela umqhudelwano wokugijima, ufisa ukuziqeqesha nawe enkundleni yokugijima oziqeqesha
kuyo iPhelelani. Myalele ukuthi angafinyelela kanjani kuyo uma esuka lapho ehlala khona ehamba ngemoto.

Indlela eya enkundleni yokugijima iPhelelani

ƒ Uma uphuma ekhaya, shona empumalanga emgwaqeni uSomkhele.
ƒ Jikela emgwaqeni uMvuzevuze.
ƒ Qhubeka ibanga eliyi-1.8 km udlule inxanxathela yezitolo iCascade uze ufike erobhothini.
ƒ Jikela ngakwesokunxele wenyuke ngomgwaqo uMdoni.
ƒ Qhubeka uzodlula isibhedlela iGrays ngakwesokudla.
ƒ Yehla njalo uqonde uze ufike lapho umgwaqo uzungeza khona, thatha ophumayo owesithathu kuHyslop,
ngakwesokunxele kunegaraji i-BP.
ƒ Qhubeka bese ujikele ngakwesokunxele emgwaqeni uMalandela.
ƒ Yenyuka njalo uze udlule isonto lamaRoma.
ƒ Jikela ngakwesokudla ungene kuSomtsewu.
ƒ Yenyuka njalo ama-3 km bese ujikela emgwaqeni uPhanyaza, e-Oribi.
ƒ Yeqa irobhothi uzobe usuyayibona inkundla yezokugijima iPhelelani ngakwesokudla sakho.

Isifingqo
Uma ufuna ukuphumelela kusiqeshini B nakusiqephu C, kufanele ubhale okungenani imibhalo emithathu edlulisa imiyalezo
phakathi nonyaka. Lokhu kungakusiza ukuthuthukisa ikhono lakho lombhalo ngamunye. Ekugcineni ufuna ukuthola amamaki
amahle ephepheni lesithathu!

Qiniseka ukuthi ufundisisa imiyalelo bese ubhala ungachezuki

kulokhu okufunwa yisihloko.

Ikhasi 33
AMANOTHI

Ikhasi 34
WWW.AVBOBSTEP12.CO.ZA | WWW.AVBOB.CO.ZA