PAMIBI SA PAGPOON

Kagurangnan, sa pagromdom asin pag-omaw niamo ki Virgen

Maria, huli sa saiyang mga pamibi, Makahiras man lugod kami
sa kapanoan nin saimong biyaya.
Ini hinahagad mi huli ki Jesucristong Kagurangnan niamo,
Saimong Aki, na nabubuhay asin naghahade, sarong Dios, sa
panahon na daing kasagkoran. Amen.

PAMIBI SA PAGDOLOT
Kagurangnan, dara niamo saimo an mga dolot
nin pag-omaw huli ta rinorokyaw niamo ngonian
an kamurawayan ni Virgen Maria, Ina nin saimong Aki.
lugod an pagdolot na ini
makatabang sa samong paglakaw
pasiring sa buhay na daing kasagkoran,
Huli ki Cristo na samong Kagurangnan. Amen.

Antifona

Huli ta hiniling niya an kapakumbabaan nin saiyang oripon poon ngonian

aapodon akong paladan kan gabos na kapag arakian. (Lucas 1:48)

PAMIBI PAKA-COMUNION
Kagurangnan,
samong inako an tinapay nin langit.
Kami na mina-omaw sa paggiromdom
ki Virgen Maria, lugod maka-ayon sa saimong
banquete kan buhay na daing kasagkoran.
Ini hinahagad mi huli ki Cristo na samong Kagurangnan.
Amen.
 PREFACIO II SANTA MARIA
An Simbahan Nag-oomaw sa Dios
sa mga Tataramon ni Maria

P: An Kagurangnan mapa-saindo.
S: Asin sa saimong Espiritu
P: Iitaas an mga puso.
S: Initaas mi na sa Kagurangnan.
P: Magpasalamat kita sa Kagurangnan satuyang Dios.
S: Maninigo asin dapat.

Totoong maninigo asin dapat matanos asin nakakaligtas, na

magpahayag kami nin pagtubod saimo na makangangalas sa
kauswagan kan gabos na Santos, asin orog nang gayo, sa
pagromdom ki Santa Maria Virgen, Nuestra Señora de
Salvacion, Magpadakula kami kan ugay mo sa magaya-gaya
niyang pag-omaw.
Ta totoo, darakulang bagay ginibo mo sa gabos na kapurohan
kan daga, asin pinadanay mo sa mga panahon an balakid mong
pagkaherak, kan dungawon mo an saimong sorogoon sa saying
kapakumbabaan asin itinao mo huli saiya an paraligtas nin
tawo an aki mong si Jesucristo, samong Kagurangan.
Kaya an hukbo nin mga Angeles nagsasamba kan saimong
kamahalan, nag-oogma sa atubang mo sagkod paman. nag
aaranag kami na ipagboot mo na makasanong sainda an
samong mga tingog sa kaogmahan nin mga magkairiba na
nagsasabi: