Ang Diborsyo ay ang pagpapawalang bisa ng sibil na
pagpapakasal at mga legal na kasuduan ng magasawa. Sa kasalukuyan ang Pilipinas at Vatican na lang ang lugar kung saan illegal parin ang diborsyo. Hanggang ngayon patuloy pa rin ang debate kung dapat bang gawing legal ang diborsyo o hindi. Ayon sa survey noong March 10.2018 halos 53% ng Pilipino ang sumasang ayon sa pagpapatupad ng diborsyo sa ating bansa, sa mga kadahilanan na ang mga magaasawa ay hindi na nagkakasundo, may nangangalunya, may emosyonal at pisikal na pangaabuso at nagsasawa o nawalan na ng pagmamahal sa kinakasama. Ngunit diborsyo ba ang pinaka mainam na solusyon? Yes, Father I do! magasawang nangako na magsasama habang buhay, sa hirap at ginhawa, sa sakit at kalakasan, sa saya at kalungkutan, ngunit ngayon ay maaari ng wakasan kung mapatupad ang diborsyo sa ating bayan. Sa kabila ng mga pinagsamahan at nalagpasan na problema ng dalawang indibidwal na nasa isang relasyon ay diborsyo ba ang tatapos sa kanilang nasimulan? Para sakin hindi opsyon ang Diborsyo, makikita natin sa bibliya sa Mateo 19:6 “Ang pinagsama ng Diyos, ay huwag papaghiwalayin ng tao” diyan ay mali na agad ang diborsyo sapagkat labag ito sa batas ng Diyos. Ang Diborsyo ay maaaring maging dahilan lalo, para sa bawat may asawa na gumawa ng mali dahil madali nalang makipaghiwalay sa kinakasama at magiging dahilan pa ito upang matukso sa mga bagay na maaaring makasira sa kanilang pamilya. Hindi rin solusyon ang diborsyo, para lang iwasan ang sakit na nararamdam, hindi porket nahihirapan, ay dapat ng lumisan. Isipin niyo muna ang lahat niyong pinagsamahan bago kayo magsawaan. Ang lahat ng nangyayari o problemang dumadaan sa buhay magasawa ay pagsubok lamang ng Maykapal upang pagtibayin ang pagsasama, Kailangan lang harapin ng buong pamilya para malagpasan, palawakin ang isip sa lahat ng bagay, alisin sa solusyon ang paghihiwalay. Bilang isang anak, ay masasabi ko na wala ng mas sasaya sa batang may buong pamilya kaya hanggat maaari ay ipaglaban ang pagsasamahan alang ala sa pagiibigan niyong sinimulan at para rin sa anak na inyong minamahal. Bago magpasya na magasawa, pag isipan munang mabuti kung handa na ba talaga, kung siya na ba talaga, para huwag magsisi sa huli. Isentro ang Diyos sa inyong relasyon, para kayo ay magabayan sa inyong mga desisyon.