Ad praesepe properemus (Pójdźmy wszyscy do stajenki)
Ad praesepe properemus, Iesum, Virginem laudemus! Salutemus Nat(um) Infantem Et Mariam, eius Matrem! Salve in praesepi site, Confitemur Deum in te Qui hac nocte nobis natus Uti homo sit salvatus Salve Iesu adamate Patriarchis expectate A Prophetis praenuntiate Populis desiderate!
Alma nox (Cicha noc)
Alma nox, tacita nox Omnium silet vox Sola Virgo nunc beatum Ulnis fovet dulcem Natum Pax tibi, Puer, pax! Alma nox, tacita nix! O Iesu, tua vox Amorem nobis explanat Nos redemptos esse clamat In tuo natali Festinarunt ad Bethlehem (Przybieżeli do Betlejem) Festinarunt ad Bethlehem pastores, exsultantes Nat(o) in lyra cantores. Gloria in excelsis, gloria in excelsis, atque pax in terris. Inclinati salutabant humiles, prompto corde Deum natum alacres. Gloria in excelsis, gloria in excelsis, atque pax in terris. Mira Dei annuntiabant caelites, numquam talia audire mortales. Gloria in excelsis, gloria in excelsis, atque pax in terris. Mirabantur evolantes cantores, cogitabant, quid hoc esset, pastores. Gloria in excelsis, gloria in excelsis, atque pax in terris.
Adeste fideles (Przybądźcie wierni)
Adeste fideles, laeti, triumphantes, venite, venite in Betlehem: natum videte Regem Angelorum! Ref. Venite, adoremus, venite, adoremus, venite adoremus Dominum. Deum de deo, lumen de lumine Parturit virgo mater Deum verum genitum non factum (Ref.) En, grege relicto, humiles ad cunas vocati pastores adproperant. Et nos ovanti gradu festinemus. (Ref.) Stella duce, Magi Christum adorantes, Aurum, thus, et myrrham dant munera. Jesu infanti corda praebeamus Aeterni Parentis splendorem aeternum velatum sub carne videbimus: Deum infantem, pannis involutum. (Ref.) Pro nobis egenum et foeno cubantem Piis foveamus amplexibus. Sic nos amantem quis non redamaret? (Ref.) Silentio noctis (Wśród nocnej ciszy) Silentio noctis sonus spargitur: Pastores state: Deus nascitur! Iter cito preparate Ad Bethlehem properate Cum muneribus. Inventus Infans in praesepio Secunda signa dat(a) ab angelo. Deum nat(um) adoravere Salutando clamavere Pleni gaudio. Redemptor salve, diu cupite, Tot longos annos desiderate! Te prophetae atque reges Exspectabant, at te praebes Nobis omnibus
Hodie Bethlehem (Dzisiaj w Betlejem)
Hodie Bethlehem, hodie Bethlehem Gaudio personat Maria Virgo, Maria Virgo Mundo Natum donat. Christus est natus, homo levatus Angeli cantant, Reges salutant Pastoresque ovant, pectora adorant, Mira, mira, nuntiantur Maria Virgo, Maria Virgo Natum amplexatur Et Ioseph sanctus, et Ioseph sanctus, Illum admiratur Christus est natus, homo levatus Angeli cantant, Reges salutant Pastoresque ovant, pectora adorant, Mira, mira, nuntiantur NATIVITAS DOMINI (Lc 2, 1-19). Factum est autem, in diebus illis exiit edictum a Caesare Augusto, ut describeretur universus orbis. Haec descriptio prima facta est praeside Syriae Quirino. Et ibant omnes, ut profiterentur, singuli in suam civitatem. Ascendit autem et Ioseph a Galilaea de civitate Nazareth in Iudaeam in civitatem David, quae vocatur Bethlehem, eo quod esset de domo et familia David, ut profiteretur cum Maria desponsata sibi, uxore praegnante. Factum est autem, cum essent ibi, impleti sunt dies, ut pareret, et peperit filium suum primogenitum; et pannis eum involvit et reclinavit eum in praesepio, quia non erat eis locus in deversorio. Et pastores erant in regione eadem vigilantes et custodientes vigilias noctis supra gregem suum. Et angelus Domini stetit iuxta illos, et claritas Domini circumfulsit illos, et timuerunt timore magno. Et dixit illis angelus: „Nolite timere; ecce enim evangelizo vobis gaudium magnum, quod erit omni populo, quia natus est vobis hodie Salvator, qui est Christus Dominus, in civitate David. Et hoc vobis signum: invenietis infantem pannis involutum et positum in praesepio”. Et subito facta est cum angelo multitudo militiae caelestis laudantium Deum et dicentium: „Gloria in altissimis Deo, et super terram pax in hominibus bonae voluntatis”. Et factum est, ut discesserunt ab eis angeli in caelum, pastores loquebantur ad invicem: „Transeamus usque Bethlehem et videamus hoc verbum, quod factum est, quod Dominus ostendit nobis”. Et venerunt festinantes et invenerunt Mariam et Ioseph et infantem positum in praesepio. Videntes autem notum fecerunt verbum, quod dictum erat illis de puero hoc. Et omnes, qui audierunt, mirati sunt de his, quae dicta erant a pastoribus ad ipsos. Maria autem conservabat omnia verba haec conferens in corde suo.