BE

•T°RA
•Y•ED
°•

Chinyorwa cheShona
Written by:

Phahleni M

+27641807992

And

Mun Bonza

+27625654545

________________

Chapter 1

Zvayiita sezvinosetsa, sezvinochemedza

pamwe nekunzwisa tsitsi nekuda kwehupenyu

hwairaramwa nemwana komana wemutema.

Nezera raanga achiri zvaisazodawo kuti ave ari

pahupenyu hwaairarama. Anga agere zvake

mujinga memugwagwa ari mangwanani

kuchitonhora zvekutonhora zviya zvekuti waiti

kana ukagara panzvimbo imwechete sezvaanga

akaita iye waigona kubata musoro wowana

mave nechando (snow) chakachena zvekuti

vhudzi raigona kuvhunika sezvinoita huni

dzetsotso. Yaiva nguva yechando muna

Chikunguru (July) oenda kunopera twumhepo

twanga twotanga kuvhuvhuta sezvo kwainge

koendwa mumwedzi wa nyamavhuvhu

(August). Mumwe murume aitobvawo kubhawa

abva kunorova chinonzi nevana veku South

Africa (chilala) anga aedzerwa zvake oenda

kumba kwake ari mumotikari yake apo paakati

oda kupfuura panga pagere mwana komana

wechidiki uyo wemakore anokwana kuita iwo

gumi nemashanu (15) Paakamuona akabva

amisa motikari yake kwave kuridza bhera asi

haana kucheuka kana kuvhunduka zvake

mwanakomana. Akaburuka mumota murume

uye ndokuenda paanga agere ndokusvikoti

kwaari "Iwe asi uri zombie kani?" Akadaro

murume uye akamira pedyo nekamukomana

aka. Haana mhinduro yaakawana kakaramba

kanyerere, iye aifunga kuti zvimwe kamupfana

aka kumunyararira nekusada kutaura naye,

akabva atendeuka kudzoka kumota yake.

Akasvika akapinda ndokutaura ega "Yaaa

kamupfana kakashinga aka munzvimbo ino

chaiyo nguva dzino katori panze hakatyi

matsotsi zvese nechando kakanyanya aka

ndaifanira kunge ndakapa sando dzako."

Akadaro murume uye achibairira key pamota

zvese nekuimutsa kamwechete nekuisimudza

kuenda.

Atifambei kanhambo haana kure kwaakasvika

pfungwa dzakauya kwaari. Akafunga kuti ko

zvandasiya kamupfana ako kasina zvakataura

ko kana kakabatwa nechando kasingachagoni

kutaura? Akazvibvunza mubvunzo iwoyu hauna

kubva mupfungwa dzake. Akabva akonesa

mota yake kudzoka kwaanga asiya kamupfana

kaye akawana karipo akabuda mumota

ndokuenda pakari akasvikomira mberi kwako

ndokupfugama kutarisa kumeso. Akaona

kachibwaira kuratidza kuti kakasvinura "ko

nhaiwe asi hautauri?" Akabvunza zvakare anga

ava nekushushikana maari. Iko kamupfana aka

kaiedza kuda kumuonesa kuti chando ndicho

chakabata asi kaitadza. Murume uye haana

kuda kuverengera akarovera moyo padombo

sezvo aityira hwakewo hupenyu akachisimudza

kundochipinza mumota, akazviudza kuti chese

chauya chichamuona uye akazviudza kuti

hapana paangarega mweya wamwari

uchitambudzika.

Akatyaira motikari yake akananga kumba

chaiko achisvika pamba pake akasiya mota

muimba yayo ndokutakura kamukomana kaye

akananga nako muimba inodziya inemoto

wembaura. Akasviko ka garisa pasofa rake iye

semunhu anga abva kunodhakwa akananga

kuimba yekugezera ndokusviko geza muviri

apedza akaita zvese zvinoitwa kana munhu

achinge apedza kugeza. Zvadaro apedza zvese

akadzoka kuimba yaanga asiya kamupfana

kaye, akawana karipo iko pakakanzwa kufamba

kwemunhu kachibva kacheuka zvinova zvinhu

zvakaitadza panguva yakanhungwa mujinga

memugwagwa. Murume akasvika pakanga

kagere ndokugara paside pako akakatarisa

mumaziso chaimo. Iko kakatanga kubuda

misodzi zvinopisa tsitsi zvekuti dai murume uyu

ari mukadzi nayewo aigona kuchemawo apa

asingazivi chaari kuchema chacho kuri kunzwa

tsitsi. Ipapo ndipo paakaziva kuti mwana anga

apindwa nechando, haana kuramba akakatarisa.

Akasimuka ndokuenda kuimba yekubika

ndokusvikoita svutu gadzike, apedza

akanokapa kuti kamwe. Kakaitambira nemaoko

maviri kakatanga kuimwa, iye murume uye

ainge obira kukatarisa kuri kukatyira kuti

zvimwe kangachema futi. Ayikacheuka nedivi

reziso kachimwa zvako kasingamhanyi, kakati

kotanga kudikitira ndofunga chando chainge

chopera mukati mako.

Kapedza kumwa svutu gadzike iye akatora

chimwirwa chake akanodzosera muimba

yekubikira ndokudzoka zvakare kune

kamukomana kaye. Iye chaainge oda kuziva

kuti kamwana aka kambobvepi uye baba

naamai vako varipi? Zvakare sei kanga

kakagara mujinga memugwagwa uku kasina

kusimira zvinodziya? Akazvibvunza mibvunzo

yakawanda yaifanirwa kupindurwa

nekamukomana ikako. Akagara pedyo nako

akatarisa kuterevhizheni yake ndokutanga

kutaura nako asina kukatarisa "Ini ndinonzi

Chamavhudzi unogona kundidana kuti Chama,

ndinogara pano ndiri one. Ko iwewe unonzi

ani?" Akabvunza Chama asi haana mhinduro

yaakawana kamupfana kakaramba kanyerere

kakamutarisa asi iye asina kukatarisa. Iko

kakabva kamukwenya kuti akatarise,

akakatarisa kachibva kamuitira masaini ekuti

akape pekunyora. Akasimuka ndokunotora

pekunyora zvese nechinyoreso chacho akakapa

kakatambira kachibva kanyora pakanzi

{Chuvukelo Masingita} zvaiva pachena kuti

ndiro raiva zita rako zvese nemutupo.

Iye akabva agutsirira musoro haana kuzoda

kuwanza nyaya nekuti akaona kuti munhu

wacho haabudisi manzwi. Vakaona terevhizhani

vari vaviri kusvika murume uye abatwa nehope

akagara pasofa paye. Kamukomana kakazviona

kuti mukuru vari kushungurudzwa nehope

kakavakwenya vakamuka kachibva kavapa saini

yekuti vanorara. Murume akasimuka akanorara,

akarara kwekanguva sezvo anga ari munhu

anga abva kudoro kwaakarara. Akazomutswa

nehope dzaanga arota idzo dzakamu vhundutsa

onzwa kurira kwepfuti paakamuka akaenda

kuimba yaanga asiya kamukomana kaye

akawana kuriko kuri kurira pfuti pamwe

nemitsindo yezvibhakera nemambama,

kamupfana kanga kakaokera firimu rairidzwa

pfuti zvakaipa richirohwa vanhu zvakaipa.

Akasvika akamira paasingaonekwi

nekamupfana aka, aikaona kachiratidza

kunakirwa nezvakaiona paterevhizheni yake

kaiita kunyemwerera kachiona munhu

wakaifarira achibudirira pahondo

yepaterevhizheni ipapo. Akafamba akanogarao

akatanga kuona nako naye anga onakirwawo

naro firimu ravaiona chero hake aisaziva

paratangira.

Akazobva firimu rapera ondobika, akabika

achifunga kuti odii nekamupfana aka sezvo

aisaziva kuti kamwana kani, kabvepi, vabereki

vako varipi uye kumusha kwako ndekupi?

Apedza kubika vaviri vakadya chikafu vapedza

akafunga kubuda kuenda kumba kweshamwari

yake "Chuvu ini ndombobuda iwewe sara pano

usabuda ndodzoka" akadaro iko kakagutsurira

musoro kureva kanga kanzwa zvakanga

kaudzwa. Akabuda murume ndokutanga

kufamba akananga kudhorobha raiva pedyo

navo rainzi Vhumani Town raisava dhorobha

rakakura zvakanyanya kaiva kadiki asi kazere

nehuipi. Asvika mutown ave kuda kubuda

mumota nhare yake yakabva yarira aiva sahwira

wake "mumwe wangu" akadavira achidaro

Chama achibuda mumota kufamba kuenda

mushop yaitengeswa hwahwa.

"Uri sei Chama Chama?" Akadaro sahwira wake.

"Ndiri boe wangu uripo here pamba?"

"Yes ndiripo wangu ko iwe uripi?

"Ndiri mutown ndiri kuuya kumba kwako manje

manje" akadaro Chama.

Akafamba achitaura nemumwe wake akananga

mushop. Ati fambei akabva adhumwa

nharembozha yake ichibva yadonha pasi.

Akainhunga ndokuona yatsemuka akatarisa

munhu amudhuma wacho kwave kuona ari uno

musikana akanaka zvinomwisa mvura, anga

akanaka mwana sikama kunaka zvekuti waiti

ukamutarisa chero wakatsamwa

wainyemwerera "Oooh ruregerero mukoma

wangu ndanga ndisina kuona kuti kuri kuuya

munhu ndanga ndiri panharewo" akadaro

musikana uye nayewo achinhunga nhare yake

yanga yadonha. "Hapana chakaipa itsaona

yaitika, neniwo ruregerero ndadonhedza nhare

yenyu" akadaro Chamavhudzi asi kutaura

chokwadi iye mumoyo anga arwadziwa

nekutsemuka kwanga kwaita nhare yake.

"Maita basa" akadaro musikana uye ave

kufamba kuenda. Chamavhudzi akasara

akamira akamuyeva neziso rinekuchiva,

akamuperekedza neziso kunosvika anopinda

mumota yake. Musikana akazviona asi haana

kuda kuzviratidza, iye nechemumoyo aitoziva

kuti atora moyo waChama. Akamutsa motikari

yake akaenda. Chamavhudzi ndipo paakasara

opinda mushop akatenga zvaaida kutenga

ndokudzokera kumota yake. Akabva

mudhorobha akananga kumba kwasahwira

wake, haana nguva yakareba yaakatora anga

atosvika akawana gedhe rakavharwa akavhura

ranga risina zvaro kukiyiwa. Akapinda mukati

akasvika pamukova paakati oda kugogodza

goni akabva anzwa ruzha rwevanhu varikuita

mabasa evakuru anowanzoitwa husiku. Haana

kuzogogodza akaziva kuti sahwira vanenge

varikusika vana.
End of Chapter

Chapter 2

Akadzokera mumotikari yake Chamavhudzi

ndokusviko gara akabata mbozhanhare yake.

Akashanyirwa nepfungwa dzekuda kunyorera

sahwira wake tsamba yemufoni yekuti kana

achinge apedza zvaanga achiita azotaura

awane kupinda. Akaita sekudaro, ukuwo

sahwira wake ari mubishi kusika vana

nemudzimai wake akanzwa nharembozha yake

ichirira kureva kuti tsamba ya Chama yanga

yapinda munhare yake. Sahwira haana kumira

zvaaiita nekuti anga ave kudenga rechinomwe

adziya ave pedyo kutambidza adzimai mbeu

yake.

Vaviri vapedza mutambo ndipo sahwira

waChama paakavhura nhare yake achibva

asangana netsamba kubva kuna chama. "Kana

mapedza mutambo wenyu mundiudzeo

ndiwane kupinda" yanga yakanyorwa sekudaro

tsamba yacho. Sahwira akabva aziva kuti

mutambo wavanga vachitamba wanzwikwa

naChama. Akanogeza naadzimai vake Chama

akasiya amupindura kuti aizomuudz kuti apinde

kana achinge apedza kugeza. Chama haana

kuora moyo akaramba agere hake kumota yake

sezvo aiziva kuti iye ndiye arikuda rubatsiro

kumumwe wake, uye kaisava kazhinji kuti abve

kumba kwake achiti arikuda kunoona mumwe

wake odzoka asina kumuona. Aitomutsvaka

kusvika amuwana chete kana zvichinzi anenge

amushaya. Anga agere zvake mumota make

achimwa hwahwa hwaanga atenga huchiita

kuderera sanike huchi huchangoburwa.

Ati garei kanguva ndipo paakazonzi nasahwira

wake ngaachipinda. Akapinda akawana mumwe

wake akagara zvake naadzimai vake "Sahwira

wangu mukuru munosimba here akoma?"

Akamhoresa achidaro Chama sezvo anga ari

mudiki kuna sahwira wake pamakore asi

kubasa ravo ariye mukuru kungoti aingova

munhu anga aine ruremekedzo kubva kudhara.

"Ndinosimba mumwe wangu kurisei kwabviwa

madai kubata zvinodhaka kwakanaka here

kuseni uno?" Akadaira nemubvunziwo sahwira.

"Kwani ingori bhabharazi yandibata ndati

ndimboipungudza handi munoziva here kuti

nguva yanga yareba" akadaro Chama. Vaviri

vakaita nyaya mushure mekunge vapedza

kumhoresana, adzimai vaasahwira vakasimuka

kuenda kuimba yavo yekurara vaida kupa

varume vavo mukana wekutaura nyaya sezvo

vaiziva kuti pavanoita nyaya havadi munhu

wechikadzi.

Pakangobuda madzimai vaasahwira Chama

akabva apinza nyaya yaanga afambira "Mumwe

wangu uchiona ndasvika pano nguva dzino

ndine zviri kundinetsa saka ndirikuda rubatsiro

kubva kwauri, handika unoziva ndiwe sahwira

wangu mukuru uye wepedyo?" akadaro Chama

achibva ambonyarara ndokutakura bhodhoro

rake kwave kutanga kudhudhudzira hwahwa

hwake uho hwechimanje manje husinganwiwe

kazhinji nevane vakadzi hanzi hunopedza sika

rudzi simba kana muchinge masvika kunguva

dziye dzehusiku dzebonde, zita handizokuudziyi

vamwe mungapera mari nekuritsvaka. Sahwira

wa Chama anozikanwa nezita rekunzi Zazati

uye ari munhu wechikuru aifarira zvikuru

kutsiura munhu upi neupi kana achinge aona

achireswa, zvakare aigona kuti kana akamutsa

hondo zvekare angava aripapi hapana

aikwanisa kumumisa asi iye achifarira kumisa

vamwe. Sahwira waChama munhu aiva nemhuri

yake asi muVhumani Town umu aigara

nemudzimai wake vari vaviri vana vake vari

kuneimwe nzwimbo yaaiziva kuti vana vake

vanenge vaka chengetedzeka sezvo aiziva kuti

muVhumani Town hamuna kumira zvakanaka

nenhau yehuipi, ndosaka aifarira kugara vari

vaviri nemudzimai. Saka paakanzwa mashoko

aChama aanga ataura ayo anga asina

kumachenesa kuti arikuda kuedza kuti

arikunetswa nei? Akabva abvunza.

"Nanga pane nyaya yako sahwira ndiwane

kukubatsira kwacho kana ndichizokwanisa?"

Akadaro Zazati.

"Nhasi ndati ndichibva kubhawa ndaedzerwa

saka ndobuda kwatoedza ndabva ndanhonga

kamwe kamupfana kechidiki kakaoma

nechando" akadaro Chama. Akambo nyarara

achisimudza zvakare bhodhoro rake

ndokudhudhudzira airatidza kuti ari kunakirwa

nezvaiva mukati maro zvekuti dai pakaita

akarideura hameno zvaaizoitwa nekuti

mamwirwo aranga richiitwa haasi matsvene,

aibvuma kusiya kutaura zvinemusoro osarudza

kumwa hwahwa. Ari mukumwa kudaro Zazati

akabva ataura "Saka ndizvo zviri kukunetsa here

umwe wangu? Mwana makomborero anobva

kunamwari ka, hona wave kutokwegura iwewe

pamwe ndimwari vakupa" akadaro Zazati.

"Sahwira iyi nyaya hayisi yekutamba ka. Nyaya

irikunyanya kundinetsa kamupfana kacho

hakataure asi kanonzwa zvandotaura so

handizivi kuti ndodii? Pamwe ndingawana hama

yacho nekuti kugara nemwana wevanhu apa

ndisingazivi vabereki vacho hazvina kuchena

mumwe wangu. Uye unotaura zvemwana

hauzivi kuti ndinemwana nechekare here ini?"

akadaro Chama nemubvunzo nguva imwechete.

"Ko zviya mwana wakati akazodii?"

"Zvewangu mwana ngatimbosiya tozozviita

mberi tapedza zveuyu" akadaro Chama.

"Hoo nyaya yako ndayinzwa, ndizvo chaizvo

sahwira ko wadii kuenda naye kumapurisa

pamwe ungawana rubatsiro?" Akabvunza Zazati

zvemwana waChama akabva azvisiya aiziva

kuti nguva yake yekuzoudzwa ichakwana.

"Idede rawabaya mukanwa sahwira saka

wotondiperekedza ka nekuti unongoziva iwewe

kuti ini nevemutemo sekiti negonzo

hatidyidzani?" Akabvunza Chama. Zazati haana

kuramba kuperekedza mumwe wake sezvo

aiziva nyaya yacho inoita kuti Chama

asadyidzana nevemutemo, akangoti kwaari

"Rega ndioneke kuna adzimai titobuda tinoona

kuti todii?" Akadaro Zazati achisimuka kuenda

kuimba yaiva naadzimai vake. Akasvika

akavaudza zvavanga varonga, adzimai havana

kuramba ayo ndiwo aiva magariro avo varume

ava. Adzimai va Zazati sezvo ayisaziva rimwe

basa raishanda murume wake, aingoziva

rimwechete rekuridza magitare asi raisavaitisa

mari yakawanda seyaiuya nemurume wake

dzimweni dzenguva. Akangoti kumurume wake

"ehoi mochengeteka kwamuri kuenda ikoko"

akadaro mukadzi, Zazati akatenda ndokusiya

apa mudzimai wake tsvodi achibva abuda.

Vaviri vakabuda nemotokari imwecheteyo

yanga yauya naChama, vakananga kumba

kwaChama vachinotora Chuvu sezvo ariye

wavaida kuenda naye kune vemutemo.

Vachisvika vakawana Chuvukani kachiri

kakagara hako kachiokera mafirimu ako kakati

kaimafarira. Pakakaona Chama adzoka

kakanyemwerera ndokusimuka kachinomu

mbundira, Zazati kakaita zvekumu mhoresa

chete. Iye Zazati paakakaona kamukomana aka

akakafananidza asi kuti azive kuti

akambokaonepi kana kuti kakafanana nani

munhu waakamboona? Akazvishaya, "Chama

mupfana uyu wambomubvunza vabereki vake

here?" Akabvunza Zazati.

"Ayewa mumwe wangu ndangokabvunza zita

chete kanonzi Chuvukelo Masingita" akadaro

Chama.

"Eish ndabva ndarasika manje asi kanenge

kasiri kamushona mutupo wako uyu

ndewerwumwe rudzi rwusiri rweshona, rega

tichanoziva zvizere tave kumapurisa" akadaro

Zaza aine kakurangarira mutupo uyu asi

waimunzwenga. Vakagadzirira havana kuda

kugara Chama akadeedza kamupfana kake

kakaenda paanga ari ndokubva ati kwakari

"Honaka Chuvu tiri kuenda kumapurisa

vatibatsira kutsvaka baba naamai vako"

akadaro Chama. Kamupfana kakabva

kadzungudza musoro kureva kuti kairambirana

nezvanga zvarongwa naChama.

"Saka unoda ndiite sei Chuvu ndogara newe

ndisingazivi hama dzako here? Saka chindiudza

baba na mai vako varipi uye mazita avo

ndivanaani tiwane kukubatsira?" Akabvunza

Chama. Kamupfana kakabva panga paina

Chama ndokunotora chinyoreso pamwe

nepekunyorera ndokunyora kuti {"Baba vanhu

vanonzi Gwalala mai vangu vanonzi Tsatsawani.

Vese vakaurawa nevanhu ava"} kapedza

kunyora izvi kakabva katambidza Chama bepa

rakange kanyorera kapedza kakapinza ruoko

mumbudu yako ndokutora mifananidzo

yevanhu vakauraya baba naamai vako

ndokutambidza Chama zvakare.

Chama akatanga kuverenga mazita anga

akanyorwa achipedza asati aona mifananidzo

akabva agara pasi ndokumboita seapera

mweya nekuti paakangoona zita rababa

vekamupfana aka akabva avaziva ende vanhu

vaimboshanda vese kana vachinge voita rimwe

basa. Akatura zibefu rimwe rakanzwikwa

newese aiva mumba umu zviye zvinoitwa

nemunhu apererwa chaiko kuita semunhu

afirwa nevabereki vake nezuva rimweche apa

aitwa zvekuudzwa nekunyorerwa tsamba.

"Kwakanaka here Chama tione mazita acho?"

Akabvunza Zazati. Achibva atambidzwa bepa

racho, naye achiona zita rababa vekakomana

aka akavazivawo. "Ndiko saka ndati pandaona

kamupfana aka ndaita sendakambokaona

kufanana kwakakaita nababa vacho. Zvakaitika

rini izvi? Ndione mifananidzo yevanhu vacho ha

zvinorwadza izvi kusiya mwana mucheche

akadai?" Akadaro Zazati. Akatambidzwa

mifananidzo yacho na Chama uyo anga

akaibata asati amboitarisa. Zazati achingoiona

mifananidzo yacho akabva avhura ziso

kushamisika pamwe nekutaura "Chama wanga

wavaona here vanhu ava?" akabvunza Zazati

achitambidza Chama mifananidzo.

Chama paakatambira mifananidzo iye apabva

aona vanhu vacho vari vavengi vake. "Haa

mhani! Ava vanhu vaenderera manje vanoda

kumboratidzwa nzira tsvene." Akadaro Chama

achitaura nenzwi rinehukasha mukati

achisimuka kunopinda muroom make

ndokusvikotora pfuti dzake mbiri ndokubuda

kudzoka kwaanga asiya Zazati na Chuvu. Anga

agumbuka mukomana ofunga kuda kuita

muvhimi wevanhu......

End of Chapter
Chapter 3

"Apa wafungei manje Chama?" Akabvunza

Zazati paanga aona Chama atakura zvombo

zvisingamisi hupenyu hwevapenyu.

"Unoziva zvakaitika Zaza, vanhu ava ndofanira

kuvadzosera chitema chiri chitsvuku nekuti

zvavakandiita marwadzo apa hona vauraya

Gwalala futi, ko atadzei munhu anga

akazvinyararira uye?" Akadaro Chama oita

kutsvuka maziso nehasha zvekuti dai pakaita

muvengi pedyo naye aizopinda panguva

yakaoma.

"Ayewa usaita zvinhu zvako nehasha unogona

kutadza kuita zvawafunga zvacho, imbotanga

wadzikamisa hana. Apa hausati waziva kune

muvengi uye hausati waziva zvakare kuti iye

Gwalala wacho nemukadzi wake zvavaurawa

mitumbi yavo irikupi?" Akadaro Zazati pamwe

nemubvunzo. Semunhu aiziva hasha

dzinemumwe wake kuti kana akagumbuka

kunyangwe robot rakavhara anongopfuura

zvinova zvaigona kuzomupinza muna taisireva

futi nekuti muVhumani Town marobots emo

ese aiva nemaziso ma Camera. "Chinhu

chatingaita apa kutanga taenda kumba

kwaGwalala tinoona kana mutumbi wake

nemukadzi iriko. Ende hatitozivi kuti zvakaitika

rini so pamwe yave kuorera iri mumba. Zvimwe

izvi wombomira, usakangamwa kuti

uchangobuda muchizarira unogona

kudzokerazve usati wambomwa hwahwa

pamwe nekuita zvimwe zvakaku mirira mberi"

akadaro Zazati. Chama semunhu aifarira

hwahwa zvakanyanya haana kuitisana nharo

nemumwe wake, akaona kuti chokwadi

anogona kusungwa osiya hwahwa pamwe

nekamupfana aka asati akabatsira. Chimwe futi

chaaizoda kutsvaka mwana wake. "Ndakunzwa

mumwe wangu saka ngatimhanye kumba

kwake tinoona zviriko. Tabvako tochitangira

ipapo" akadaro Chama.

"Tanga wabvunza mupfana uyu akuudze zvizere

tinogona kuendako iko kusina munhu" akadaro

Zazati.

Chamavhudzi haana kuzoramba aine hasha

dzake dziye akaona mashoko abhururu wake

aine hungwaru. Akabva abvunza Chuvukelo

zvese zvakaitika kumba mushure mekunge

vabereki vake vaurawa. Chuvukelo kakabva

kanyora pabepa zvakare "Kumba hakuna

munhu vakauraya vachibva vavasenga

vakaenda navo asi mwana vanga vasati vauraya

handizivi kwavakaenda naye. Ini pavakandiona

ndakabva ndatiza ndakazoona vobuda

ndakahwanda kugomo." Kakanyora kudaro

Chuvukelo, zvaitoreva kuti Gwalala anga ava

nevana vaviri Chuvukelo nekamwe kadiki

kaisazivikanwa kuti kakaurawa here kana kuti

hakana? Nekuti paitaurwa zvekunzi vakaendwa

navo vese zvemberi zvakazonoitwa hapana

akaziva.

"Yaa pane nyaya apa Chama, ngatisvike kumba

kwaGwalala tinosiya taona kuti kwakavharwa

here? Kana kusina totosiya taona kuti

kwavharwa nekuti vakomana vangatora zvinhu

zvemupfana uyu zvese." Akadaro Zazati.

"Tadaro tozodii wangu? Tinofanira kuita zvinhu

zvedu takangwara tikasadaro chete tangoenda

kune vemutemo nemupfana uyu varume vaye

vanobva vatoziva zvava panzvimbo

tinotangirwa." Akabvunza Chama aine kakutyira

kutangirwa nevavengi vacho sezvo aivaziva

vasingatani kutora hupenyu hwemunhu.

"Kutangirwa kwei tikangobva kumapurisa nhasi

tinofanira kutsvaka vachengeti vanochengeta

pamba pako havafe vakapapinda, iwe

ngatingoita zvinhu zvedu takachenjera."

Akadaro Zazati. "Hoyaa ngatiite sekudaro tione

kuti toipedza mushe here? Asi inofanira kupera

mushe mira hako uchaona." Akadaro Chama.

Vakasunga chisungo chimwecho ndokuudzana

kuti vangabuda kuenda kwacho kwavanga

varonga kuendako. Chama akanyepera Chuvu

kuti vari kuenda kumba kwababa vako chete

kunokiya magoni eko vapedza vodzoka kumba.

Aiziva kuti kachabvuma voenda vapedza

vopfuurira nekumapurisa. Zveshuwa Chuvukelo

kakabvuma kuyenda kumba sezvo kaiziva kuti

kwainge kusina kukiyiwa. Vakabuda vari vatatu,

vari munzira Chama ane zvaakafunga.

"Ndafunga tipfuure nemuVhumani tichitenga

macheni nemalock makuru tinoshandisa iwo

kukiya uko" akadaro Chamavhudzi.

"Yaa ipfungwa dzakanaka ita sekudaro tigare

takiya zvekuti hapana achavhura."

Akatenderanawo nazvo Zazati.

Vatatu vakapfuura nemudhorobha vakasviko

tenga zvavaida zvacho havana kuita nguva

yakareba zvavaida vainge vazviwana. Vabuda

mudhorobha vakananga seri kwekakomo

kunova iko kwaigara Gwalala baba Chuvu, imba

yavo yanga iri pedyo nedhorobha asi iri

nechemhiri kwedhamu raivapo rinova iro raiva

mujinga megomo pedyo nemba yababa

Chuvukelo. Vasvika vakatanga kupinda mumba

vachida kuona kuti mungava muine chakatorwa

here? Vakatarisa zvese vakaona pasina

chakatorwa, kungwara kwanga kwaitwa

nemhondi idzi padzakapedza kuuraya vabereki

ava hadzina kusiya mumba muine ropa

vakasiya vakakorobha mukasara makachena

vachibva vaenda. "Yaa pakaipa vanhu ava

vanozviita vakangwara uri kuona ka Zaza?"

Akabvunza Chama, Zazati akaziva zvayirehwa

zvacho achibva ango dairira haana zvakawanda

zvaakataura.
"Ngatiite zvatavinga tibve pano tinoona

vemutemo asi ngatimbomira kuvaudza zvepano

pamba ngatinoti tiri kutsvaka hama dzemwana

chete zvimwe zvese hatizvizivi" akadaro Zaza.

Vakasunga zvakare chisungo chimwechete

ndokuita zvavanga vavinga, vakakiya imba

nemalock avanga vatenga vapedza ndokupinda

munzira kunanga kumapurisa vasingadi kuti

Chuvukalo azive. Vamwe mungada kuziva kuti

sei Chuvukalo akasarudza kunorohwa

nechando achitadza kunorara kuimba yababa

vake? Chakaitika ndechekuti paanga

akahwanda vanhu vaye vakauraya baba vake

vanga vane kakunyumwa kuti pangava paine

munhu avaona. Chakaita kuti vafungidzire

kudaro vanga vanzwa sound yecamera yefoni

iyo yakashandiswa naChuvukelo achitora

mifananidzo yevavengi ava. Saka pavakanzwa

kudaro vakabva vatanga kuchitsvaka munhu

ainge azviita, Chuvukelo ndipo pakakaona kuti

kana kakaita zvekutamba nako kanogona

kuurawa.
Kakabva kaswetuka kachibva seri kwesofa

raiva nechekure kumativi ekwavaigara semhuri

kazhinji vachidya, imba yacho yanga yakakura

yababa Chuvu. Kaswetuka kudaro bara

rakasara rorova pakanga kari, iko kainge kava

muroom yako yakaizivira kuti kakangopinda apa

vaisakawana. Kapinda muroom yako ndokutora

tambo yaivamo kachibva kabuda nepawindow.

Kakadzika netambo iye kusvika kanodzaka pasi,

pfuti dzakasara dzorira iko katopotera seri

kwekakomo. Ndiwo mabudiro akakaita

kachibva kanohwanda pakaiona zvaiitika

pamba zvese apo pakakazoona mitumbi

yevabereki vako ichisengwa. Kubva ipapo

hakana kuzoda kudzoka pamba apa kanga

kotyira kuti zvimwe vanhu vaya vangadzoka

vachikatsvaka. Nhare yako kakazoitengesa

mushure mekunge nzara yakamhoresa, asi

zvakakaita kasati katengesa foni kakatanga

kawachisa mifananidzo yemhondi dzakauraya

vabereki vako.

Back to the story

Vabva pamba pana Chuvukelo vakomana

vakananga kukamba chaiko vachisvika

kukamba. Vese vakapinda mu office vachibva

vapira nyaya yavanga vafambira "Zvakanakai

imi mwana uyu mamunhunga kupi uye nguvai?

Akuudzai here kune vabereki vake?"

Vakabvunza vamupurisa.

"Mwana tamunhunga mutown, haasi kutaura

zvandareva" akapindura Chama.

"Pane mwana angango karuko rasika

mudhorobha diki diki saVhumani ko madii

manyatsomubvunza muzive zvakaitika zvacho?

Tichaziva sei zvimwe ndimi makaita kuti

vabereki vake vasaonekwa" akadaro mupurisa

uye achitaura seari kusvotesa varume ava,

haana kuziva kuti munhu waanga achitaura

naye anemoyo mupfupi sechimandionerepi?

"Imwe mibvunzo yamave kubvunza sandiyo iri

kunyanyodiwa pano munoti dai taiziva kuti

ndiyo mibvunzo yamuchatibvunza tingadai

tauya pano here?" Akadaro Chama ange

osimudza voice nekuda kwemibvunzo yaanga

obvunzwa apa anga ataura zvese kuti mwana

haasi kutaura saka ndizvo zvanga zvoita ataure

sekudaro.

"Dzikama murume pano hapasi pamba pako

pa...." Vasati vapedza kutaura vakabva

vagurisirwa vasati vataura zvavaida kutaura.

"Tese tiri pano hapana ari pamba pake iwe uri

pabasa ikodzero yako kuva pano neni ikodzero

yangu kuvapano nenyaya yemwana uyu so ita

basa nemazvo usiye zvauri kuita izvi hauzive

basa rangu iwewe ndogona kukusiya munyaya

kana ukada kuvhaira nekugara mukaoffice kano,

ndine office inehuremu kupfuura kako aka"

akadaro Chama.

Mashoko akapinza vamupurisa tsekwende

iwaya nekuti zveshuwa chama vaisamuziva uye

vanga vasati vambobvira vakambomuona muka

dhorobha kadiki ikaka, apa munhu anga

anemuparavara nendebvu dzaiita kunge rasta.

Chama munhu anga ane Rasta imwe yanga

yakanaka zvaimwisa mvura asi akaigerwa

paakaenda kujere uye pavhudzi iroro ndipo

pakabva zita rekuti Chamavhudzi. Hino apa

anga achiri nezuda kubva paakabuda mujeri

ainge origera nerheza aida kuzoridzora

mukufamba kwenguva, apa aida kutanga

ambopedza nyaya yake yekutsvaka mwana

wake. Saka kuva nezuda aida kuti vanhu

vazvinji vasakurumidza kuziva kuti adzoka.

Mupurisa akaita basa rake akadzikama

mibvunzo nhando yaaimbobvunza haana

kuzoramba achiita apedza kunyora nyora nyaya

yacho akabva ati kwavari "Nyaya yenyu

ichaende kuvashamarari izobuda nepaTV

zvekare so mwana mungamusiya henyu pano

vanomuda vachamuwana pano" akadaro

mupurisa uye.
"Ko hazviiti kuti tikurayirei pamba patogara

vachada mwana vauye vomutore ikoko here?"

Akabvunza Chama.

"Ayewa handi mwana uyu haasi wenyu here?

Muri kumutsvakira hama dzake so siyirai nyaya

kwatiri vemutemo tichaita basa redu" akadaro

mupurisa uye.

Chamavhudzi haana kuitisana nharo navo

vamupurisa, akabva atora Chuvukelo kwave

kumubata mumapendekete kwave kutaura

akatonona "Uri kusara pano mafana mapurisa

ndiwo achakubatsira kutsvaka hama dzako

handika" akadaro Chama. Chuvukelo kakabva

kadzungudza musoro kureva kuti hakasi

kubvumirana nechirongwa chairongwa apa.

Vakaedza kukanyengerera asi kakarambisisa

zvekuramba zviye, vakapedzisira vaita

zvekukatora mifananidzo pamwe nekunyorera

mazita evabereki vacho kuitira kuti

pachinozobuda paTV vaise mufananidzo wacho

hama dzacho dzizoziva. Vana Chama havana

kuzogara vakabuda ndokudzokera kumba

kwavo vese vari vatatu. Vachisvika kumba

vakasviko siya Chuvukani ivo ndokupfuurira

kunotsvaka vachengeti vavanga vagara

vaudzana kuti vari kuzovatsvaka.

Vakasvika pamwe paigara mamonya pavaiziva

kuti panowanikwa vanhu vavaida

vanotozivikanwa kuti ndiro basa ravo

rekuchengeta dzimba dzeshoroma. Vakawana

aripo mamonya vachibva vatora matatu

ndokuenda navo pamba pachama, Chama

akavaudza mashandiro avaizoita,

vakatenderana zvese. Chama anga

achengetedza musha wake sezvo aiziva kuti

ane vavengi vakawanda. Chinhu changa

chasara kuti achitsvaka mwana wake chete

aida kuziva kwaari izvo aisada kushandisa

vemutemo zvakare aida kuzviita ega....

End of Chapter

Chapter 4
Chamabvudzi mushure mekunge aona kuti

anga achengeta pamba pake akazviudza kuti

haasi kuzomira kuvhima muvengi kusvika

awana mwana wake. Haana kuverengera

kuudza sahwira wake sezvo ndiye

waainyanyotemba panguva iyoyo.

"Sahwira pamba pangu pave nevachengeti

hongu tagona asi ndichiri kuda rubatsiro kubva

kwauri handi unoziva pandakasungwa kuti

mudzimai wangu akafa zvisina akaziva asi

vemutemo vakasarudza kupomera inini mhosva

yacho zvichinzi ndini ndakamuuraya. Asi

zvakazosara zvoitika handina kuzoziva sezvo

vemutemo vakashandisa simba ravo

vakandinyima mukana wekubatanidza kuti

nditsvake kwandaizosiya mwana." Akadaro

Chama.

Vamwe mungada kuziva zvakaitika pakashaya

mudzimai wa Chama. Pakangosvika varume

vanga vakazvivhara kumeso vaine pfuti.

Vakasvikopinda mumba machama vakawana

mukadzi chete ndiye anga ari mumba chama

anga asipo vari vaviri nemwana wake vanga

vabuda kuenda kunotenda doro kuVhumani

Town. Vanhu vakauraya mudzimai wachama

vakasvika vakamubvunza kwaenda murume

akasataura zvainzwikwa ndipo pavakabva

vamupfura nepfuti pfuti yacho vachibva vaisiya

mumba imomo ndokubuda vakaenda.

Chamavhudzi akadzoka kubva kuTown

akasvikopinda mumba aine mufaro uyo

wakazopera mushure mekunge aona ropa

richiita kupupuma mumusoro memudzimai

wake. Akachema zvikashaya basa, akazoona

pfuti yaakaziva mwene wayo. Akaibata pfuti

kudaro mapurisa akabva asvika nekuvhura goni

akaona Chama akabata pfuti uku mukadzi

akarara pasi kwainge kwangosara mutumbi

chete mweya waenda kune akamusika.

Mapurisa haana kupa Chamavhudzi nguva

yekubatanidza vakatoti ndiye ainge auraya

mukadzi wake. Nyaya yake yakatsikwa tsikwa

achibva atozovharirwa, mwana akaedza kuda

kutaura nevemutemo kutibatsvake wekusiira

asi havana kumuterera.

Akanogara mujeri kwemakore masere

akazobuda mushure mekunge kwanzi

hurumende yakati kusarudzwe vamwe

vasungwa vabudiswe kuitira kuti vapungudzike

sezvo chikafu chainge choita chishoma. Ndipo

pakabva pabatanidzwa naye chama achibva

abudawo mujeri. Paakabuda haana kuzogara

paimba yakafira mudzimai wake chaakaita

akatora mari yake yaakasiya asati asungwa

yaaichengeta pasina akaziva payanga iri apa

yanga iri mari svinu kwete chimari. Atora mari

iye akabva atenga imba itsva yakakwana zvinhu

zvese zvaivamo akazongo wedzera zvimwewo.

Akaita mwedzi umwechete achigara paimba

apa achimwa doro zuva nezuva, munhu

aingoziva kuti Chamavhudzi akabuda ndiZazati

sahwira wake chete. Iye Chama haana hama

dzaaiziva akakura achirara mimugwagwa

sezvimwezvo zvainge zvoda kuitwa na

Chuvukelo. Apedza mwedzi ari pamba

achifunga kuti otangira papi kuti atsvake

mwana wake? Ndipo umwe musi uri musi

wesvondo akafunga kumbonomwira hwahwa

kubhawa apo paakanoritanga masikati

achirimwa kunge mombe yabva kusina rwizi.

Akararamo mabhawa ndipo mangwana

paakamuka achizonhunga Chuvukelo.

Back to my story again.

Zazati mushure mekunge anzwa mumwe wake

achitaura nezvemwana anga asina ruzivo

rwakakwana sezvo pavaishanda vese

vaingosangana kubasa kazvinji saka vaisa

nyanyo zivirana nezvekumba kwavo. Zazati

aisaziva zvakanaka kuti Chama angava anga

aine mwana nemudzimai wake sezvo

aisazviratidza kana vari kumushando.

"Hongu ndorangarira. Ko wakasiya mwana here

paye, saka aripi?" Akabvunza Zazati.

"Ndosaka ndichida rubatsiro kubva kwauri

ndoda undibatsire kutsvaka mwana wangu,

sezvandareva ndakasiya mwana paye." Akadaro

Chama.

"Chama ndozvezvimwe zvataifanira kunge

tazviisa kune vemutemo ka izv...." Asati apedza

mashoko ake akagurisirwa naChama. "Usaite

kunge mapurisa ihama dzako Zaza, hauzivi here

kuti vanhu vaye vari pabasa? Uye ndivo vakaita

kuti ndisaita zano rekutsvaka kwandaizo siya

mwana wangu, ende handisati ndada

kuvaratidza kuti ndadzoka. Chinhu chandoda

parizvino kutsvaka muvengi akauraya mudzimai

wangu ndinoziva ndiye ane mwana wangu uye

ndiye achataura zvakawanda kana ndamubata."

Akadaro Chama. Mapurisa anga asingatomadi

panyaya iyi aisava chenesa pakufa

kwemudzimai wake saka aisada kuvangwadza.

"Vanhu vaye kushanda kwavari kuita hakusi

kuda basa kana kuda kungonzi ndevemutemo

ayewa varipo pakutsvaka mari. Izvozvi kana

ndikaenda kwavari ndikati ndine $10 000

ndirikuda kuuraya munhu saka ndoda mutsike

tsike nyaya yacho isasvika kure, unoziva here

kuti havarambi mari nyaya yacho inogona

kurova zvovharana zvakadaro?" Akadaro chama.

Sahwira wake akaona chiri chokwadi asi zano

rachama anga asati aribata kuti nderipi saka

akabva abvunza.

"Saka wanga wafunga kuti timutsvake sei

muvengi wacho?"

"Wave kutaura ikohino. Nyaya iripo kutopinda

musango tovhima muvengi, mwana wangu ari

kumuvengi wangu chete hakuna kumwe

kwaangave ari muvengi ndinomuziva ini. Dai ari

kune vemutemo ndingadai ndakamuwana

kudhara kubva musi wandakabuda asi chiri

kuita ndimushaye ndoziva mapurisa

akatopihwa mari" akadaro Chama.

"Muvengi unomuziva sei iwe wakawana vasipo

pakafa mukadzi?" Akabvunza Zazati.

"Pfuti yakashandiswa ndakaiziva kuti

ndeyevanhu vepi saka ndati ndoziva muvengi"

akadaro Chama.
"Saka kana zvakadaro zvave pachena kuti

tinofanira kuridza kuma bhawa kunomwira

shoroma muvengi paachationa tobuda muma

TV anobva aziva kuti wavepo panzvimbo. Nyaya

iripo magitare edu ngaagare akazara huturu

nekuti chero ipi nguva tinogona kupinda

pakaoma" akadaro Zazati. Vaviri

vakabvumirana kudaro vakaudzana kuti

vaizonotora mumwe wavo ainzi Zola

ndemumwe wavo panhau yekuridza mabhanju

Zola ndiye airidza magokoko Chama na Zazati

ndivo vairidza magitare, vaiwanzo famba vari

vatatu Chama asati asungwa saka

paakasungwa sezvo anga ariye musoro

wenyaya vakasara vacho vakasara voparadzana

mumwe nemumwe onotsvaka imwe nzira

yekuraramisa mhuri yake. Saka pakadzoka

Chama vakabva vafunga kuzvitangidza asi

vaine chinangwa.

Vakabuda ndokunanga kwaigara Zola uyo

aigara kupurazi raakasiirwa nevabereki vake.

Vaviri vachisvika vakawana mumba

muchinzwikwa vanhu kutaura vakagogodza

vakadairwa. Zola ndiye akabuda paakaona

Chama akashamisika chaiko pamwe

nekunyemwerera kufarira mumwe wake

waanga ava nemakore asati amuona "Chama

Chamavhudzi! Ndiwe here uyu? Pindai mumba

varume" akadaro Zola aine mufaro wakapetwa

makumi mapfumbamwe. Vakapinda mumba

varume vakamhoresana zvakanaka vapedza

kudaro chama akabva akumbira kuona Zola

pasina vanhu. Vakanopinda muroom yayiwanzo

shandiswa naZola kana achiita zvebasa. Chama

akataura nyaya yake yose kuna Zola. "Yaa

pakaipa asi wangouya zvanaka mwana

tinomuwana kungoti isu takasara ndisu

takatadza kuita rudo taifanira kunge takaita kuti

tive nemwana asi kuzotya kupinzwa pakaoma

chete ndosaka zvakadaro, unongoziva kuti kana

iwewe usipo hapana chinobuda." Akadaro Zola.

"Hakusi kuda kwenyu handina chigumbu nemi

vamwe vangu chandongoda chete kuti

mundibatsire kutsvaka mwana wangu

tamuwana tochitangidza kuita mari sezvataiita

kudhara" akadaro Chama. Vakabvumirana Zola

akabvuma kuti aizobatsira Chama kusvika

mwana avapo, chimwe chinhu ainge ofara kuti

ave pedyo kuzoita mari sezvo aiziva kuti Chama

ndiye aiva nenziraa dzakawanda dzaaiziva

dzaiita vawane mari. Vakazobuda havana

kuzogara Chama na Zazati vakadzokera kumba

Zazati akasara kwake Chama achibvawo aenda

kwakewo. Umwe musi Chama anga agere

achimwa svutu gadzike yake kuseni uku

akatarisa nhau pa terevizheni akabva aona

nyaya yekakomana Chuvukelo yave kutaurwa.

Akaona pobudiswa zve nemapurisa anga

achipwanya kumba kwaGwalala vakapinda

mukati kuratidza kuti vari kutoita zvebasa

chaizvo, akazonzwa kuchinzi "Mapurisa akatora

danho akasvika kuimba ya gwalala vakatora ma

fingerprints. Kwakazobuda vanhu vanokwana

kuita ivo vaviri vanonzi ndivo vakapinda mumba

maGwalala vakauraya murume nemukadzi

ndobva vatakura mitumbi vakaenda nayo saka

parizvino vachipo pakutsvaka mhondi dzacho,

Tichange tichiku zivisai nezve nyaya iyi. Asi

hama dzemwana kana dziripo munouya

kukamba tokupai mvumo yekunotora mwana

kwaari." Ndizvo zvezvimwe zvakabuda panhau.

Chama paakaona nhau idzi akabva aziva kuti

zvazvadaro nyaya yacho inogona kuuya

nepamwe saka akabva audza vachengeti vake

kuti hapana munhu aizopinda pamba pake

achida mwana iye asipo. Mangwana acho

kuchiyedza ndiro zuva varume ava ravaifanira

kunge vachizoenda kumafaro saka chama

akamuka kuseni ndokutorana na Chuvukelo

kuenda naye kuTown aida kumutengera hembe

dzaaizopfeka kumafaro kwavaida kuzoenda.

Akasvika akatenga tenga apedza ndokudzoka

kumba, achisvika akabva awana pamba paine

mumwe mudhara wechikuru asi asina hake

kunyanya kukura, anga ari nechekunze amiswa

nevachengeti avo vanga vasanomuudza kuti

ngaamirire mukuru wavo. Chama na Chuvukelo

vachisvika havana zvavakataura vakangosvika

nekupinda mukati kwave kunanga mumba,

mushandi wepagate ndiye akazonoudza Chama

kuti muenzi ari kuda kumuona. "Enda

unomuudza apinde" akadaro Chama. akanzi

apinde mudhara uye, akapinda achibva anogara

pasofa raive rakatarisana na Chama.....

End of Chapter

Chapter 5
Musi wakabva vana Chamavhudzi kukamba,

mapurisa akasara akagara pasi akaronga kuti

aizoita sei nenyaya yekushaya kwevabereki

vemwana uyo anga auya naana Chama?

Sarudzo yakazobuda ndeyekuti vakati

vanofanira kutsvaka mhondi yakaparadza vaviri

ava kureva Gwalala nemudzimai wake, vanga

vaona zvisingaiti kuti nyaya yacho ingoperera

pakunzi kune vanhu vakaurawa nyaya yacho

ikasa ferefetwa vakatya kuzopihwa mosva

nevakuru vavo. Vakarongana ndipo

pavakazoenda kumba kwagwalala vaine vatori

venhau, ndipo pavakanotorwa mavideo.

Mapurisa achipaza magoni kuti vapinde mukati

vachitsvaka humbowo. Havana humbowo

hwavakawana ndipo pavakazotora mafinger

ndokudzokera havo kukamba.

Vakaudza vashamarari kuti havasi kuzomira

kutsvaka mhondi dzakaita izvi kusvika

vadziwana. Nhau dzemhondi idzi dzakanzi

dzitaurwe panhau dzizivikanwe nevazhinji.

Zvikanzk ngadzisavanzwa kusvika mhondi

dzabatwa. Nyaya ya Chuvukelo yakanzi ibudeo

panhau zvekare kuitira hama dzake kana

dzichinge dzazvinzwa dziende kune vemutemo

vavaudze kwaainge. Mangwana acho pakamba

pakasvika murume wechikuru uyo

akasvikopinda muoffice memukuru

wemapurisa.....

Kunerimwe divi nechekumavirira kwedhorobha

rinonzi Vhumani kune imwe location yaivako

yanga yakakura paside payo panewo dhorobha

riripo rakati kurei kudarika Vhumani zita raro

rainzi Zilongo ranga rakanaka uye

rakashosherwa nevemutemo vaisada huipi

mariri.

Mu Location macho mune imwe imba yanga

yakanaka zvaimwisa mvura, vanhu vazhinji

vaiiona vaingonzwa kuda kutorwa mifananidzo

vari payiri. Yanga yakanaka zvayo mawindow

acho aisaratidza zviri mukati iyine magoni

akanaka zvakare, seri kwemba iyi kwanga kuine

mudhuri wakareba wakapfirirwa nemarata

sezvinoita garage revanhu vasina mari. Wanga

waakapfirirwa zvakanaka hapana aiona

zvemukati kana ari kunze, zvaitoda kuti upinde

mukati uye kuti upinde ikoko waitopfuura

nemukati memba. Seri ikoko kwaiva nezvinhu

zvaka siyana siyana kuine swimming pool

hombe ranga rakakomberedzwa nezvekugara

pamwe nezvekurara kana uchinge wabuda

mumvura.

Pamba apa paizviratidza pega kuti paigara

munhu anemari dzake nekuti paigara paine

mafaro chete. Saka zuva iri munhu wepo anga

ashanyirwa nemabhururu ake aishanda naye

pamwe nevashandi vake. Vanga vakagara seri

nechekunze paside pe pool vachimwira mwira

havo doro vachiridza mimhanzi yechimhanje

mhanje asi vachiridzira pasi pasi uku vakatarisa

pa terevizheni pavaiona movie yevakomana

vaiita zvema drugs. Vairatidza kuti vari kuona

zvinhu zvavanofarira, vari mukuona kudaro

mumba makabva mabuda musikana anga

akanaka zvaimwisa mvura. Uyu musikana pese

paaionekwa nevarume kazhinji aivasiya vato*--

ahaa regai ndigumire ipapo nyaya yacho

maiziva handika? Ehee iyoyo chaiyo mave

vanhu vakuru imi.

Abuda kudaro musikana uye akasvika mberi

kwevarume vaye vanga vakamutarisa, akasviko

tora remote ndokutendeka paTV kwave kubvisa

zvavaiona kwave kuisiya iri pachanel yenhawu

(news). Haana waakataura naye akatanga

kufamba seari kumodhela achidzoka mumba

maanga abva. Varume vaye pamwe nemuridzi

wemusha havana chavakataura vakatarisa

paTV ndipo pavakaona nhau idzo dzainge

dzazara muma channels akawanda enhawu.

Varume vachiona izvi vese vakatarisana kureva

kuti nyaya yanga ichitaurwa panhau vakaiziva.

"Ko kamupfana aka kabudiswa apa ndekapi imi

varume makashanda sei?" Akabvunza umwe

wevarume ava anova iye samusha zvakare

achiratidza kuti ndiye mukuru, zita rake

vaimudana kuti Boss GZ, iye zita rake achinzi

Gilbert Zarire ndiro raiva pachitupa.

"Kamupfana aka kakatiza musi uye ha...."

Haana kupedza kutaura zvaida kutaura murume

anga opindura wacho. Akanyaradzwa nepfuti

yanga yakokwa na Boss GZ zvese

nekumutendeka, aitoda kupfurwa asi vamwe

vake vakabudisawo dzavo ndokunongedza

Boss GZ.

"Makadii kundiudza kuti mune munhu

wamakatadza kuuraya? Vapfana imimi

munoziva here kuti rinovira ndakupedzai mese!

Hee?" Akadaro GZ oita kudedera nehasha. Ivo

varume musi wavakatumwa kunouraya Gwalala

vakanga vaudzwa kuti vauraye munhu wese

wavaizowana, saka pavakatadza kuuraya

Chuvukelo havana kuda kuudza GZ nekuti

vaiziva kuti vangapinda futi panguva yakaoma.

Apa vanga vapinda pakaoma asi vakazvipira

kuti mumwe wavo haangafi varipo, vakamira

naye zveshuwa kusvika hasha dzaBoss GZ

dzadzikira.

"Izvozvi zvazvatodai chatochaya tave pedyo

nekufumuka zvatakaita zvese. So kacheche

kaye kanofanirwa kubva pano kanogara

kunevamwe. Ako kamupfana mangwana

chaiwo ngakatsvakwe kapfuure panyika hakana

kodzero yekurarama" akadaro GZ anga asimuka

ave kutaura achifamba famba uku akabata pfuti.

"Saka imi varume zvoreva kuti muri kudya mari

yangu mahara hamusi kusvika muchiita basa

randinenge ndakutumai handi?" Akabvunza GZ.

"Ayewa Boss GZ zvakangoitika ipapa chete

mupfana uyu akatiza saka takaona kuti

tikataura mogona kutiti tatadza basa ndosaka

takanyarara taitya kunyimwa mari"

"Hoo saka kudya mari yangu ndiko kwamaona

kuchiita imi musina kupedza basa?" Akabvunza

zvakare.
"Pakato resveka mhosva inowanikwa muvanhu.

Nyaya yatovapo kutoti tiite zano rekubata

kamupfana aka tikangokabata zvese

zvodzokera panzvimbo imi batai munhu wenyu

kuitira kuti avhare magepi" akadaro umwe

wevarume ava uyu ndiye aizikanwa nehuipi

hwakanyanya ende airova kwete

zvekufungidzira haana munhu waairwa naye

waaisiya mbabvu dzichiri dzakanaka. Zita rake

murume uyu ainzi Chivhunambabvu saka

vazhinji vaimudeedza kuti Chivhu.

"Ndakunzwa Chivhu asi ngazvive

zvekupedzisira. Chinzwa zvatofanira kuita

unofanira kunotora mudhara mumwechete

kuvanhu vedu vaye ndiye watoda kushandisa

apa ndine zvandafunga saka wototora akati

changamukei auye arare pano tichimuudza

zvekuita." Akadaro GZ. Chivhu akatyora huso

kureva ainge anzwa zvataurwa naBoss vake,

akabuda ndokunopinda muimba inogara mota

kwave kutora mota yake Polo ye black.

Akabuda akananga kwaanga atumwa, asvika

panhu pacho apo payiita sepasingagari vanhu

paisaonekwi kuti pane imba. Panga paine

zichuru ranga rakakomberedzwa nemiti

yakanaka iye inotandavara serunyemba.

Pachuru ichi paigara varume vaviri vanenge vari

panze vachimbeya mbeya vakapfeka nhumbi

dzechiuto asi dzakaita mamvemve zvekuti

aivaona aigona kufungidzira kuti varwere

vepfungwa, apa vaiti kana vakarara waisavaona

nekuda kwehembe dzavo dzaifana nemiti.

Varume ava vanga vakazara nehuipi hakuna

munhu aifambira kumativi aya aizodzoka

kurokisheni. Vaigara nepfuti dzechiuto dzaiva

nerudzi rwakafanana nezvavaigara vakapfeka.

Pachuru ichi paiva negoni raivapo raipinda

mukati. Waiti wapinda mukati waigona kuona

sewave kuneimwe nyika nekuti mukati macho

manga muneimba hombe yanga yakavakwa

pasi pechuru ichecho ichigara vanhu

vakawanda vakadzi nevarume vaisabuda panze

kana vasina kunzi vabude, vaichengetwa

semakwai. Chivhunambabvu paakasvika

akanopaka mota yake pa ground padhuze

ndokuburuka akafamba kuenda pachuru paye.

Varume vaviri vaye vakaziva kuti Chivhu

haangouyi ane zvaanoda saka vakamusiya

achinopinda. Iye paakasvika pagoni, goni

rakabva ravhurika akapinda mukati ndokunanga

kuroom inogara mukomana wema computer,

achisvika akabva ataura zvaaida. Aida

kubatsirwa kusarudza dhara rakati ngwarei

"Tora matanyera ndiye akati ngwarei iyeye"

akadaro mukomana uye. Chivhu akabva

anotora dhara riye haana kugara akabva abuda

naro ndokunopinda naro mumota. Haana

chaakataura nedhara iri kusvika asvika

kwaanga abva kwaBoss GZ.

Achisvika akapinda nedhara mukati akanopa

GZ. "Wagona basa chienda unomuratidza room

yake tozomuona mangwana otanga basa"

akadaro GZ. Chivhuna akatorana nemudhara

uye ndokunomuratidza imba yaaizorara.

Akanomusiya imomo iye ndokudzokera

kuvamwe vake, mafaro akaenderera mberi

kusvika vazoparadzana mabhururu aGZ

odzokera kwawo. Mangwana kuchiedza

semazuva ese vanhu vese vakanosangana

moroom yavaiudzirwa mashandiro avanoita

nemukuru wavo ZG. Dhara riye naro ranga riripo.

Vakaudzwa vese kuti havasi kuzoshanda

kusvika vatanga vapedza kudzikisa mhepo

yanga yoda kusimuka iyi kurehwa nyaya ya

Chuvukelo. Apedza kudaro GZ akabva ati kuna

Chivhu "Enda muroom yembatya unotorera

mudhara uyu apfekewo zviri nani aende

kubasa" akadaro.

Chivhunambabvu akatyora huso ndokunopinda

muimba yaigara mbatya dzacho. GZ akasara

nedhara riye achiriudza zvese zvaaida,

akariudza nemazita acho ndokuzo pedzisira

nekuti "Unofanira kudzoka pano uine mupfana

iyeye pasina izvozvo handioni tikazowirirana

pano" akadaro GZ. Chivhu akauya nembatya

dzacho mudhara akanzi anopfeka, akanopfeka

zvakanaka ndokuzobuda akanakawo. "Chivhu

unobva pano wonosiya mudhara uyu kukamba

yeko, iye achanoudzwa mafambiro adzoka

pauri umuperekedze kunosvika pamba paari

kuenda iwe uchamuudza paanokuwana zvimwe

unonozvionera wavekuziva basa. Iwe mudhara

ooh magirazi aya unofanirwa kumapfeka

wosvika ndoda kuona munhu anonzi anogara

nekamupfana aka" akadaro GZ achitambidza

dhara mabhingo matema ane camera inotora

zvese zvaaona zvichibuda mu office ya GZ.

Chivhunambabvu akatyora huso hwake

ndokutorana nedhara riye vakabuda vakananga

kuVhumani. Havana nguva yakanyanyoreba

yavakatora nekuti mota yacho yaiteta kutsika

pasi kwete zvekutamba. Akasvika pakamba

ndokuti mudhara apinde, mudhara uye akapinda

muoffice memukuru wemapurisa uyo akabva

ati kwaari. "Ndingaku batsirai nei?" Akabvunza.

"Ini ndini sekuru vemukomana akabuda panhau

saka ndauyawo kuzomutora ndiwane kuziva

zvakaitika" akadaro mudhara uye.

"Hoo zvakanakai ndinovimba muchaziva

zvakawanda kubva kwaari nekuti iye akaramba

kusara pano" vakadaro vamupurisa vachibva

vanyorera mudhara uye house number

yapamba pa Chama, vapedza ndokuisa

chidhindo chavo ndokupa mudhara uye. "Maita

basa regai ndiende" akatenda mudhara akanzi

afambe hake zvakanaka. Akanopinda mumota

vakabuda muvhumani havana kurasika

zvakanyanya vanga vatosvika pamba pachama

apo pavakaona paine vachengeti "Ndipo apo

mudhara chiendai ini muchandiwana pakona

apo" akadaro Chivhu. Dhara rakaburuka

rikapfeka mabhingo aro ndokuenda pamba

paChama ndipo parakambo rambidzwa kupinda

nevachengeti rikazonzi ripinde mushure

mekunge Chama na Chuvukelo vadzoka.......

End of Chapter

Chapter 6

Kusvika kwakaita dhara rainge ratumwa na GZ

pamba pa Chamavhudzi, neparakanzi rimirire

varidzi vepamba vasvike. Zvese zvaionewa na

GZ ari muOffice make sezvo dhara raanga

atuma ranga rine magirazi aiona zvainoonwawo

naye GZ. Chaaisanzwa ndezvaizotaurwa chete

asi zvimwe zvese ayizviona, vanhu vaivapamba

paChama aivaona kuti vanhu vakaita sei?

Pakazosvika Chamavhudzi akapinda mumba

asina chaataura akamuona zvakare asi haana

kunatsoona kuti munhu wacho ndiani? Mudhara

paakazonzi apinda mumba aingozviona zvese,

akazovhunduka paakaona kuti munhu

anemwana wacho ari Chamavhudzi. Chimwe

chinhu chakamunetsa ndechekuti Chamavhudzi

wacho anga asina bvudzi sekuziva kwaanga

achita.
"Ooh shit munhu uyu futi!" Akadaro GZ

achiratidza kuti arohwa nehana nekuona

kwaanga aita Chama. Akamboda kufonera

mabhururu ake achida kuvaudza nezvazvo asi

akaona kuti anenge amhanya. Haana kuzofona

akaramba akatarisa achida kuona zvichaitika

pamunhu waanga atuma. Anga ava nekutyira

mudhara wake kuti anogona kupinda panguva

yachimbetu kana akasangwara. Akagara

akabatira hana mumaoko uku achironga zano

rekuti oita sei nemunhu uyu? Kureva

Chamavhudzi. Akati garei kwekanguva

akatarisa ma screen ema computer ake, pasina

nguva akaona ave masai sai chete pama screen

pasisina chainge choonekwa. "Shit!" Akadaro

GZ ndokubuda muroom yaanga ari achifambisa

kuenda kuroom kwake.

Ukuwo Chamavhudzi pakapinda mudhara

mumba paakaona kuti mudhara akapfeka

magirazi aisaonesa maziso akabva angonzwa

kusachenesa kamudhara aka. "Neimwe nzira

ndingati hatizivani mukuru wangu.

Ndingabvunza kuti muri ani uye ndingaku

batsirai nei?" Akabvunza Chama. Mudhara uye

akabva aita kuye kunenge kukosora kuri

kugadzira pahuro kuti anyatsopudisa mazwi

anonzwika zvakanaka asingashoshomi.

"Ichokwadi hatizivani, ini ndinonzi Hatlani

Masingita ndiri munun'una wababa vababa

wemwana uyu wandakanzwa panews zvichinzi

aripano" akadaro mudhara uye. Chama akabva

atarisa Chuvukelo kumeso apedza ndokutarisa

mudhara uye, akaona vakasiyana nekure vanhu

ivava. Chuvukelo kaiva kamunhu kanga

kakasara padiki kuva murungu nekuti kanga

kakatsvuka apa mudhara uyu anga ari mutema

kuita tsito chairo.

"Ehoi ndakunzwai mudhara saka mabvepi apa?"

Akabvunza Chama. "Uye mapfuura

nekumapurisa here?" Akabvunza zvakare asati

apindurwa wekutanga mubvunzo.

"Hongu ndapfuura nako kumapurisa ndivo

vandinyorera tsamba iyi" akadaro mudhara uye

achibudisa tsamba yacho.

"Hoo zvakanaka maita mauya pano asi mwana

hamusi kumutora kana muchinge matadza

kupindura mubvunzo unoti. Mabvepi uye

muzukuru wenyu anonzi ani zita rake, rababa

vake pamwe nera mai vake?" Akabvunza

zvakare Chama.

Mudhara uye akatanga aseka ndokuzotaura

"Nhai mwanangu kwakanaka here? Unofunga

kuti ini murume mukuru ndotadza kuziva vana

vamukoma here? Baba va Chuvukelo vanonzi

Gwalala, Amai vake zita ravo handirizivi,

ndingazo zivawo zita remuroora kuti ndadii?"

Akadaro mudhara uye achinyemwerera zvinova

zvakambo vhiringa Chama aona sechokwadi.

"Yaa ndizvozvo zita remuroora hamungarizivi

shuwa. Mwana ndiye iyeyu wamuri kuona taurai

naye munzwanane" akadaro Chama. Mudhara

uye akabva adana Chuvukelo kuti aenda

kwaanga ari "Huya muzukuru ndauya ini sekuru

vako" akadaro asi Chuvukelo akabva

adzungudza musoro kuratidza kusawirirana

nezvaitaurwa nedhara.

"Mwana uyu munomuziva here sekuru? Kana

kuti kutangawo kumuona nhasi?" Akabvunza

Chama.

"Kutanga kumuona, kungoti baba vake vaisauya

naye kumusha ndosaka asingandizivi" akadaro

mudhara uye. Chama asati apindura Chuvukelo

kakabva kasimuka ndokunotora chinyoreso

pamwe nebepa ndokuuya kuzogara pedyo na

Chama. Kakanyora zvakakanyora ndokupa

Chama kuti averenge achibvunza mudhara uye

mibvunzo yakanga kanyora. Kapedza kunyora

kakamutambidza bepa, akatanga averenga

apedza ndokukatarisa kumeso kwaChuvu iko

kakabva kagutsurira musoro. Chama akatarisa

dhara riye achibva anzwa hasha dzake

dzichiuya asati abvunza, anga atoona akapeta

peta kamudhara aka.

"Mudhara kana muchinyepedzera kudzungaira

nhasi muchaona kuti matambira kunonyudza"

akadaro Chamavhudzi, mudhara uye akarohwa

nehana nekuda kwemashoko aya asi haana

kuda kuzviratidza "Ko kwakanaka here

muzukuru?" Akabvunza.

"Ndiudzei kumusha kwababa vemupfana uyu

kwamabva imimi pamwe nezita chairo rababa

vemupfana uyu zvese nezita ramukoma venyu

baba va Gwalala?" Akabvunza Chama. Dhara

rakatanga kubuda dikita nekuda kwemubvunzo

uyu, apa ranga risina kumusha kwaraiziva

kwaibva Gwalala. Uye zvekuti Gwalala

anemazita maviri raisaziva futi "Haana mazita

maviri uyu anonzi Gwalala" rakadaro dhara.

Chama akabva asimuka nehasha ndokuenda

pamudhara uye kwave svikotora ma girazi aye

"Ndoda munyatsotaura ndichiona maziso enyu

aya, bvisai izvi ndati muno....." Asati apedza

kutaura akabva aona magirazi aye aine camera

zvanga zviri pachena kuti mudhara uyu itsotsi.

Hasha dzakamubata Chama achibva akanda

magirazi aya pasi pamwe nekumatsika.

Zvadaro akabva abata kamudhara kaye pahuro

ndokukasimudzira mudenga kachinoputsa

zvivheneko zvake zvekuvheneka mumba

zvanga zvakanaka zvisingaiti uye zvichirati

zvinodhura. Paakaona zvadaro hasha

dzakawedzera maari "Mudhara iwe watumwa

naani pano?" Akabvunza Chama.

Mudhara haana kutaura anga odedera uku

kuzasi anga ato totesa ne weti kwanga

kwangosara dhodho chete. Akatambidzwa

gwati rembama yakanzwikwa maungira imba

yese zvese nepanze kuvachengeti vakayinzwa

mbama iyoyo "Ndati watumwa naani pano?"

Akabvunza zvakare Chama nenzwi rine hukasha.

Mudhara semunhu anga audzwa kuti

ngaasamboti bufu hake kutaura munhu

amutuma haana chaakataura akashinga

akarohwa zvakapisa tsitsi, kumeso kwakasara

kwaisa semunhu arumwa nemago. Akasvika

pakumurega aona kuti angauraya munhu, uye

akazviona kuti mudhara anenge audzwa kuti

asataura chunhu kana achinge abatwa.

"Chinzwa mudhara. Dzoka unoudza akutuma

kuti kwandiri makata mwana uyu ndingatogara

naye inini kana pasati pava nehama yake

inoziva vabereki vake zvese nehama dzake"

akadaro Chamavhudzi. Akabva abuda nedhara

riye kunorisiya kunze kwegate iye

ndokudzokera mumba. Achiri pagate

pavachengeti akabva ati kwavari "Mugare

makachenjera muvengi anenge aziva

pandogara so pfuti dzenyu ngadzigare

dzakachengeta huturu" akadaro Chamavhudzi

achinopinda mumba make haana kubvira

amirira mhinduro.

Uyuvo Chivhunambabvu pakabuda dhara iye

akasara akati fambei kanhambo ndokunomira

nechekure kwemba ya Chama pakona paanga

audza dhara. Ari ipapo akagara kwekanguva

dhara ranguri raenda pave paye nhare yake

yakarira vaiva mukuru GZ vanga vofona.

"Mukuru wangu" akadaira achidaro.

"Yaa Chivhu, mira wakachenjera pauri ipapo

dhara rinenge rapisira handichasi kuona chinhu"

akadaro GZ.

"Saka chatsva ndoenda kunovapedzera here?"

Akabvunza Chivhu.

"Ayewa imbomira izvozvo hapadi dzungu apa

munhu anemwana ndeuye watakapfigirisa

makore apfuura, atori nehukasha munhu iyeye

zvekuti kana ukaita zvekutamba unodyevhu

ikoko" akadaro GZ.

"Saka mati ndodii?"

"Mira ipapo pauri kwekanguva uone kana

kusvika dhara radzoka. Asi rikasadzoka

mushure mema minutes makumi matatu dzoka

uuye tironge zvinofamba" akadaro GZ. Havana

kuzotaura akawanda nhare yakabva

yadimburwa.

Akamira kwekanguva ari pakona ipapo dhara

risingauyi. Nguva yaanga apihwa dzanga

dzakwana, ave kuda kusimuka kuti achienda

ndipo paakaona mudhara uye ouya

achikamhinira uku akabata rwuoko. Akamira

kusvika asvika mudhara uye, Chichu akavhura

mota kuti apinde mukati vafambe. "Ko

matambwa ipi yacho mudhara mave kuita

kunge munhu arumwa nemago?" Akabvunza

Chivhu, vanga vangori vatobva pavanga

vakamira vave kufamba kudzokera kuZilonga

town kunova iko kwavaigara.

"Hakuna kumira mushe murume anogara

nekamwana aka haana tsitsi ende anesimba

rinopfuura ra Samson." Akadaro mudhara uye

achiseka hake, aisaziva zvaiva mberi kumurume

waaienda kwaari kuti haana munhu waanotuma

anonotadza basa osvika odya sadza rake maya

aitoita kuti upungudzwe kuvapenyu.

Vaviri vakafamba vachiita nyanya, havana

kutora nguva yakareba vainge vatosvika pamba

pa GZ. Vachisvika vakananga muroom

yavaisanganirana vachironga zvebasa,

vakawana GZ arimo achitenderera neroom yese

achishaya pekubata, ainge ave kuona ariye ave

kujeri kana akasabata kamupfana aka.

Paakaona Chivhu ne dhara vapinda mukati

akabva ananga dhara riye "Ndiudze chii chaitika

uye magirazi andakupa wamasiyepi?"

Akabvunza murume akaita kuvhura ziso.

Mudhara akaedza nepaakagona napo kuda

kurondedzera zvaitika asi hazvina kushanda

akazongonzwa kurira kwepfuti haana kuziva

zvakazoitika nekuti haana chaakazoona.

"Handifambi nendonda inini, Chivhu dana vanhu

vauye vatakure mudhara uyu munocheka

zvinodiwa. Mutumbi wake munorasa

kunoraswa vamwe" akadaro GZ. Chivhu akabva

adeedza varume vanoita basa racho vachibva

vasenga mutumbi wedhara riye ndokuenda

nawo kwavaiziva......

End of Chapter

Chapter 7

Chamavhudzi achingopinda mumba akananga

panhare yake achibva aitora ndokuenda pa #

dzasahwira wake Zazati. Akafona Zazati

achibva aidaira ipapo ipapo "Mumwe wangu"

akadaira achidaro.

"Wamuka bhoo here sahwira? Kunoku ma1

wangu." Akadaro Chama, akarondedzerera

Zazati zvanga zvaitika pamba pake zvese. "Yaa

saka pakaipa watozikanwa iwe kana zvadaro"

akadaro Zazati. "Handioni sekudaro ini nekuti

camera yacho ndaityora tyora haana kuenda

nayo. Asi chavapo ndechekuti muvengi ave

kuziva panzvimbo yandogara chete" akadaro

Chama.
Pfungwa dzachama dzaizviudza kuti camera

yauya nemudhara yaiva yekutora ichi recorder

ichisaver mucard Ichizono playewa vave kumba

kwavo. Haana kuziva kuti anga achionewa na

GZ pese paanga achitaura nemudhara uya

achiri mupenyu. Vaviri vakataura panhare

vachionesana, vakazo dimbura nhare vaudzana

kuti vaizono sangana kumafaro sezvo raivawo

zuva ravo.
Chama akaswera mumba make musi uyu

achigadzira gitare rake. Zuva ronopinda muna

Amai varo vanga vagadzirira Chama pamwe na

Chuvukelo. Vakarongedza zvinhu zvavo

vatopedza ndipo pakabva pasvika Zola uyo

anga achiita kupenya penya muviri wese kuri

kuchena. Akawana vana Chama vatobuda

mumba vari panze asi muri nechemukati

meyard "Sahwira wangu wepedyo" akadaro Zola

achiburuka mumota vachino mbundirana na

Chama, apedza kumbundirana na Chama

akabva ano mbundirana zvakare na Chuvukelo.

Chama akato katyamara nazvo kuti sei chuvu

asina kuita zvekumhoresa Zola neruoko

sekumhoresa kwaanoita Zazati? Akazvibvunza

aine kakufungira mumwe wake asi akasvika

pakusiyana nazvo akangoti ndozvavari vapfana

vacho vanoita zvavanenge vafunga.

Vaviri vakaedza kutaura vese Chuvukelo na Zola.

Zola akazosvika pakubvunza chama, ndipo

paakazoudzwa kuti mupfana wacho haatauri.

Haana kuzotaura naye zvakawanda, vakabuda

muyard vave kuenda Chama akasiya monya

rimwechete musi uyu mamwe ndokubuda nawo

aida kuti anovachengeta vari kumafaro

kwavaienda. Vakabuda vakapfuura vachinotora

Zazati vakawana nayewo atopedza kugadzirira.

Havana kutaura zvakawanda vakango

mhoresana ndokupinda mumota nekutosimuka,

vaifamba nemota mbiri ya Zola neya Chama.

Vakatyaira mota dzavo vakanopinda

muVhumani town ndokusviko tenga doro ravo,

vapedza havana kumira sezvo vaiziva kuti ndivo

vanhu vanenge vakamirirwa kumberi

kwavayienda. Vakabuda muVhumani

ndokubuda netara yainanga kumabvazuva,

vakaitevedza kanhambo vati fambei vanga vave

pedyo kusvika kwavaienda vakaona chiboard

changa chakanyorwa kunzi {Welcome to

Chidombo's Night Club} apa ndipo pavaienda

paChidombo club yaifarirwa neshoroma, vanhu

vane mari. Papakanaka panhu pacho waiti

ukasvikapo waisabvapo nekuyevedzwe

netwunhu twaivapo.

Vainge vasvika saka vakabva vakona nekatara

kaipinda paclChidombo pacho. Vasvika

vakapinda mukati vakaona mawandiro anga

akaita vanhu vanga vakava mirira kuti vazoridza.

Chuvukelo vakanokagarisa ku VIP ndiko

kwavakaona kachikodzera ikoko. Zvinhu

zvainge zvatosetwa kare nema DJ changa

chasara kungoti ivo vapindire nema gitare avo

vatangidze mafaro chete.

Vakasvika vakakonekits magitare avo

ndokutangidza mutambo, mafaro akabaka

vanhu vaitamba vari vaviri vaviri senjiva. Vanhu

vari pamafaro kudaro kunze kwakasvika mota

BMW M3 ye black, yakasvika ikamira

ndokubuda musikana anga achiita sengirozi

Amai magadharina kuri kunaka chete zvekuti

ayipfuura njuzu nekure nekuti chimiro chaanga

anacho aisa tsanangurika. Aburuka musikana

uye anga ari ega saka akafamba kunopinda

mukati maiva nemafaro, vachengeti vakamuona

vakamusiya achipinda ivo vavodonha masiriri

nekuchiva runako rwemwanasikana. Apinda

musikana uye akatarisa mukati ari nechekwaiva

nerima, akaona Chama achiita kunakidza vanhu

achiimba uku ndebvu dzichikorobha mic yake.

Anga achigarwa neshavi remafaro murume.

Musikana uye paakaona kuti ndiChama ari

kunaka vanhu akabva afamba kuenda kwanga

kune vakaita vaviri vaviri senjiva ndiko kwaiva

nechiedza. Asvika akatanga kutamba aripake

ega achimodhela modhela ziso rake raiva

nechinangwa munhu waaida kuti ave pedyo

naye ndiChamabvudzi chete. Chama ari

pakuridza kudaro akafambisa meso ake

kuvanhu ndobva vasanganisa maziso avo iye

nemusikana uye. Akamutarisa kudaro musikana

uye akabva abatwa nerimwe zirume iro

raizviratidza kuti raitoda nambureti zvechisimba.

Akaramba akatarisa Chama achiri

mukufananidza musikana uye, akabva afunga

zvakamboitika ndokuona musi uye

waakasangana neumwe musikana mutown

akamudhuma foni yake ikatsemuka.

Paakafunga kudaro akabva aziva kuti musikana

uye ndiye iyeyu waayiona zvakare musi uyu.

Paakaona achishungurudzwa nerume riye

akabva aburuka pastage zvisina vazhinji

vakaona, anga afunga kuda kuratidza musikana

zvipo zvaanazvo kuti hazvisi zvishoma.

Akafamba achiridza uku achiimba futi nekuti

mic zvese ne gitare rake zvanga zvaka

connectwa pa Bluetooth. Asvika parume riye

akasvika akarirova zvine munyati nesure

kwegitare rume richinodyevhu. Apedza kudaro

ndokubata musikana uye kuenda naye

kumusoro, mafaro akatangidzwa musikana uye

anga oimba zvimwe zvakafadza vanhu uye

zvikafadza na Chama kusvika akanda shoko.

Vaviri vakanzwanana vakapinda murudo nezuva

rimwechete iroro, mafaro akazopera

kumahusiku nguva dzavanga vaka bvumirana

nemuridzi we club dzainge dzaringana apa

kwaiva kuma 2 ehusiku.

Musikana uye akabva ati kuna Chama "mudiwa

ini nezvaitika nhasi ndave kutya kuenda kumba

ndega, hazviiti here ndino edzesa ndiri kwako

ndozomuka ndichienda kuseni" akadaro

musikana uye. Chama akabva ati "Hapana

chakaipa kumba kwangu ndiri ndega

nemupfana wangu uyu saka usatya hako

tingaenda" akadaro Chama. Havana kuzogara,

vakapinda mumota dzavo vainge vave kufamba

nemota nhatu. Vakapfuura vachinosiya Zazati

kumba kwake, Zola akazonangao kwake sezvo

anga ane mota yake. Chama nemamonya ake

vese nemusikana uye pamwe naChuvukelo

vakananga kumba kwaChama. Vakasviko pinda

mumba Chama ndokuendesa Chuvukelo

muroom yake sezvo airatidza kuti hope dziri

kumukurira.

Apinda muroom maChuvu akabva ati kwaari

"Worara zvakanaka mafana tomutsana

kwachena" akadaro chama achibva apira tsvodi

paruoko ndokubuda kuenda kune mumwe wake.

Akawana akagara, ndokutanga kuita nyaya

zvese nekubvunzana mazita. "Zita rangu

ndinonzi Saseka Mulungu ndiro riri pachitupa"

akadaro musikana uye. Chama akagutsurira

musoro ndobva abvunza "Umbori murudzii

iwewe? Mutupo wako zvese nezita unenge

usitori werudzi rwemushona" akabvunza kudaro

Chama.

"Hongu handisi mushona ndiri MuChangani

kumusha ndinobva kunonzi kuZilela ndiko kune

zvese zvangu" akadaro Saseka.

Vaviri vakaita nyaya uku vachimwa doro, Chama

anga oti akati imwei imwei obuda, ati imwei

obuda. Nguva dzava kuma4 Chama anga

achibatwa nechikara chekuda kupinda mubako,

saka akabva anyenyeredza musikana kutaura

taura zverudo. Vaviri vakasvika pakudyanana

miromo uku vachiratidza kuti vapera nedoro,

vakabva vatorana kunopinda muimba ya Chama

yekurara. Vari ikoko chama akaedza

nepaaigona napo kuda kupinda mubako asi

musikana akaomesa musoro kuramba chaiko

"Hazviiti taonana nhasi totorara tese tisati

tazivirana, ngatingorara pasina chatoita tozono

ongororwa ropa mazuvaano kune zvirwere"

akadaro Saseka.
Chamavhudzi Jnr vanga vakaita kubuda tsinga

vogwina sanike huku yadamburwa musoro. Asi

pavakanzwa mashoko aya vakabva vadzikama,

Iye Chama akabva aona zviri nani kuti

ambokotsira asiyane nekufunga zvakawanda

akazviudza kuti aizo mirira zuva racho sezvo

musikana ayimuda. Kukotsira kwakaita

Chamavhudzi mission ya Saseka yakabva

yaratidza kuti yasvika, akamuka ndokuisa

maoko kumeso kwachama zviye zvekuda

kuona kuti munhu arara here? Akaona kuti

shasha yava kuhope nekuti yainge yoridza

ngonono.
Akamuka ndokutora chibag chake kwave

kubudisa pfuti, akaibata ndokuitarisa kaviri

achibva anyemwerera anga atoona auraya

Chama apedza otakura chuvu oenda nacho.

Akaipaka mabara matatu apedza

ndokuitendeka kuna chama. Yakanzwikwa

kurira pfuti nevachengeti vanga vari panze

ndokumhanya kuvhura madoor kunopinda

mukati ndokuwana ayizve......

End of Chapter

Chapter 8

GZ mushure mekunge aona kuti plan yake

yanga isina kubudirira akazviudza kuti ari kuita

zano rimwe repiri sezvo aizviudza kuti

haapererwe, uye akazviudza kuti kana zano

iroro rikasa budirira zvakare aizoita kuti vanhu

vese vaakadzidzisa kurwa vaizonoita hondo na

Chamavhudzi. "Ndichaita rimwe zano kusiri

kare uyu munhu tikangomunyudza tapedza

tochitora mwana" akadaro GZ achiudza Chivhu.

"Itayi tione asi zvikakona ndonotora vakomana

Tino pedzera munhu nemaoko pasina pfuti"

akadaro Chivhuna.

"Yaa iwe chaungaita parizvino mhanya

kuvakomana unoita kuti vagare vakagadzirira

kuitira kuti panotangira nyaya vagare vari

vakarongeka" akadaro GZ. Chivhuna semunhu

aiziva kwaanga audzwa kuti aende kunova iko

kwaiva nevakomana haana kuda kutaura

zvakawanda nemukuru wake, akatora makey

emota yake. Oda kubuda GZ akabva ati kwaari

"Wofamba boenini ndichasara ndoita madhiri

angu kuno tikasire kudzikamisa munhu uyu asi

kana ndatadza tochiita zvevakomana vekarate"

akadaro GZ.

Chivhuna akagutsurira musoro ndokutyora

huso hwake zviye zvinoitwa nevashandi

vamambo vachiratidza ruremekedzo kuna

mambo kana mambokadzi zvese nekune

mwana wamambo. Haana kuzogara

akanopinda mumota yake ndokunanga kuchuru

kunova iko kwaiva nevakomana vaidzidziswa

kurwa na GZ. Muzimba repachuru maiitwa

zvakasiyana siyana zvaiita kuti mari ya GZ

irambe ichiberekana saka maiitwa zvakawanda.

Varwi vehondo yepfuti pamwe neye vemiseve

vaivapo futi, murume uyu aitova nesimba

rakawanda zvese nemari zvekuti ayigona

kubhadhara mari dhorobha rese achiti nhasi

haasi kuda kuti vanhu vafambe mutown kuri

kuwandirwa nemari chete. Chivhuna achisvika

kuchuru akawana vakomana vekurwa nemaoko

varimo muimba yekudzidzira kurwa vachitakura

simbi vamwe vachiita zvimwe, vamwe

ndevairovawo mapunching bag.

Kupinda kwakaita Chivhuna vese vakabva

vamira zvavaiita sezvo ariye mutevedzi

wemukuru wavo saka vaimuremekedza

paanenge apinda.

"Varume munosimba here zuva ranhasi?"

Akavamhoresa achidaro Chivhuna.

"Tiri boe" vese vakadaira vachidaro

pamwechete.
"Zvakanakai! Muchiona ndauya pano ndauya

kuzokuudzai kuti hanzi kwete kuti ndati, ayewa

asi ndati hanzi mugare makagadzirira kuva

varwi nekuti pane zviri kuitika saka munogona

kudiwa chero ipi nguva zvayo." Akadaro

Chivhuna.

Vakomana sevanhu vaidzidziswa kurwa pamwe

vachipihwa chikafu chekuti vafarire kurwa.

Vainge vava nechidokwa chekuda kurwa saka

havana kurambirana nazvo vaka bvumirana

nazvo pamwe nekutaurira mumoyo kuti dai

zvikaita sekudaro sezvo vaifarira kurwa.

Vakomana ava vanga vakadzidziswa kurwa

zvekuti havana wavairwa naye aizorarama

kwemakore anopfuura maviri kana rimwechete

zvaro. Akazobvako Chivhuna kuchuru

vakomana vave kutososonwa neshungu

dzekuda kurwa.

GZ paakasiiwa na Chivhuna akabva apinda

muroom memusikana uye wekunaka. Akawana

akagara hake akanyarara uku akatarisa nhau,

ayo ndiwo ndiwo magariro aanga ari nguva

dzese. "Ndine basa randoda kuti uite hombe

ndofunga mashandiro epano wave kumaziva

saka zvandinenge ndakutuma unoziva kuti

unotozviita ukazvigona hauna paunotadza"

akadaro GZ achiudza musikana uye.

"Handina chandinotadza magara munondiziva

wani?" Akapindura achidaro musikana sezvo

ainge oziva nyaya yacho uye munhu wacho

ainge akambomuona asi akasamuziva kuti

ndiye. Chinhu chakamunetsa ndechekuti moyo

wake wanga waedzwa ukaringanwa mushure

mekunge ambodhumana na Chamavhudzi musi

uye wavaka sangana kuVhumani. Hongu

akaona kuti Chama amuda asi naye pachake

moyo wake wakatorwawo newa Chama. Asi

paakaziva kuti munhu anga atora moyo wake

muvengi wemukuru wake akabva azviudza kuti

hazviiti kuti adanane naye akaona zviri nani kuti

arwe naye kusvika akunda hondo yacho.

"Ndinoziva so nyaya iripo parizvino ndinoda

uende kumafaro kwavari kuenda uko unofanira

kunoita plan yekuti munhu anyure murudo newe

asi nyaya iripo ndeyekuti usabvuma kurara naye

kana ukangodaro mission unobva waitadza, so

zvaunofanira kuita iwe unozviziva ini chandoda

kuti mupfana uyu ave pano chete" akadaro GZ.

"Ndakunzwai mukuru ini chandichaita kuuraya

chete ndokuti nyaya ipere iyi." Akadaro

musikana.

Vakabvumirana kudaro musikana pamwe na

Boss GZ, ivo GZ havana kuzotaura zvakawanda

vakasiya vamuudza nguva dzainge dzapihwa

vana Chama kumafaro kwavainzi ndiko

kwavaizono farira. Boss GZ vachibuda muroom

ya Saseka vakabva vasangana na Chivhuna uyo

akavaudza kuti ainge asanganisa vakomana

akavaudza nyaya yese yainge iri panzvimbo.

"Wagona rega tione kuti Saseka anopabuda

here?" Akadaro GZ.

Vakaswera varipo pamba pavo varume, vainge

vasingachashandi zvakanaka nekuda

kwekufunga pamwe nekutya kupinzwa panguva

yakaoma nemurume ainzi Chamavhudzi. Nguva

dzafamba ave manheru Saseka anga agadzirira

zvombo zvake, akazobuda akaperekedzwa

nemamonya aakapihwa ndokunosiiwa

kuChidombo. Hapana akaona kuti Saseka auya

nani? Nekuti akasvika ari ega, murume

akarohwa na Chama aiva mumwe wa Saseka.

Waitova musungo wanga wakatosungwa kuti

ndizvo zvichaitika sezvo Saseka anga achiziva

kuti Chamavhudzi aimuda aitoziva kuti

achagumbuka kana akaona munhu waanoda

achibatwa asingade.
Kudanana kwakaita vaviri zvainzwikwa

nemamonya anga ana Saseka pamwe na GZ

aizvinzwa nekuti saseka anga ane kanhu

kaitora mashoko avaitaura achinobuda

kumamonya pamwe nekuna GZ. Pavakazo

bvumirana kuti vari kunorara vese GZ akafara

aiziva kuti Saseka achapedzera munhu.

Vakabva kuChidombo vachiteverwa

nemamonya asi havana kuzviona nekuti vanga

vakadhakwa, mamonya akazo vhiringika

pakabuda Zola nemota yake akananga kumba

kwake. Pane kuti vatevere mota yanga ina

Saseka na Chamavhudzi vakarasika vachibva

vatevera mota yanga ina zola nekuti yanga

yakafanana rudzi neya Saseka. Mota ya

Chamavhudzi yakasara pamba pa Zazati,

ndizvo zvezvimwe zvakaita kuti mamonya a GZ

arasike izvozvo. Akatevera Zola kusvika

anosvika kumba kwake asi akashamisika

paakaona Zola achiburuka ari ega mumota

ndipo paakaona kuti arasika. Akadzoka kuedza

kunotsvaka pamba pa Chama asi akapashaya

kusvika afunga kufonera mukuru wawo GZ

sezvo aiziva kuti ndivo vakabata information

yese..
Ukowo Saseka paakaona room yakaradzikwa

Chuvukelo akanyemwerera achizviudza kuti

nhasi ari kuenda nako. Pakazodzoka Chama

oda nambureti vakaenda muroom mairara

Chama. Saseka akamboda kukurirwa

nechirongwa chake mushure mekunge anzwa

matsvoderwo aanga aitwa na Chamavhudzi.

Akazongoona kuti kana akaita zvekutamba ari

kuzourawa na GZ saka akabva audza Chama

kuti hazviiti kuti varare vese musi wavaonana.

Ndipo chama paakaramwa achibva arara hope

chaidzo. Sasekawo ndipo paakabva aronga

tsoro dzake dzekuda kuuraya Chama, akaita

zvese akaisa mabara matatu ndipo paakati

achida kuchidhuvura Chama akabva anzwa

kurohwa kwegoni, akatarisa ndokuona iri

shangu yake yanga yarova goni. Akadzosa

meso kuna Chamavhudzi ave kuda kudhuvura

akabva asanganidzana maziso na Chuvukelo

ako kanga kakamira kachiratidza kuti

kakagumbuka zvimwe zvisingaiti zvekuti

kunyangwe pakava neshumba pedyo yaizotiza.

Saseka achiona zvadaro haana kubvira

avhundoka akaramba aine pfungwa dzake

dzekuda kuuraya Chama, paakada kudhuura

Chama, pfuti yakazorira yorova mudhuri

yapihwa bhutsu na Chuvukelo ichinorira pasi

yorova madziro. Kurira kwayakaita ndiko

kwakabva kwamutsa chama uyo akamuka

akawana Chuvukelo chakafumbata zvibhakera

chakatarisana na Saseka.

"Chiiko chiri kuitika muno?"

Akabvunza Chama. Achingopedza kutaura

vachengeti vake ndipo pavakapinda avo

vakazosangana nevanhu vakamira vakapimana

semabhuru aguta zvirimwa zvevanhu avekuda

kurwa. Aiva Chuvukelo na Saseka vanga

vakamisidzana semabhuru, mamonya akashaya

kana neremuromo mushure mekunge aona

zvese izvi. Chamavhudzi akatarisa Chuvukelo

ndokuona kachiri kaka fumbatira zvibhakera

uku kakatarisa Saseka. Akambo sekerera

ndokuzobvunza zvakare "Chiiko chiri

kumboitika muno?" Akabvunza kureva kuti anga

asina chaanga anzwa anga vhundutsva ne

ruzha rwepfuti asi haana kuziva kuti ipfuti

yanga yamumutsa.
Saseka paakaona kuti Chamavhudzi haana

zvaanga anzwa akatarisa Chuvukelo akaona

kari kamunhu kekuti akaona kasina kodzero

yekumutadzisa zvaaida kuita. Akabva ajamba

kunobata pfuti akanzwa yatsikwa na Chuvukelo.

Chakaitika ndechekuti Saseka akati achijamba

uku Chuvukelo nako kachibva kajambawo

kachinotsika pfuti yaida kunhungwa na Saseka.

Iye Saseka paakaona zvadaro akabva afunga

kuita zvehasha kutakura pfuti iye, akabva aita

zvisizvo apo pfuti yakabva yabuda huturu kaviri

huchinorova muchengeti uyo anga akamira

pamukova, mabara maviri akapinda munyama

chaimo muchengeti achinodyevhu.

Chamavhudzi paakaona zvadaro ndipo

paakapepuka akaona kuti musikana wake ndiye

mhondiyaida kumuparadza, akabva asimuka

pamubhedha wake nehasha ndokusvikobata

Saseka zvinesimba....

End of Chapter

Chapter 9
Mamonya aGZ paakaona kuti arasika

haachazivi kwekunanga akabva afonera mukuru

wao. Vafonera mukuru wavo, mukuru

anodambura nhare ndokufona iye. Ayo ndiwo

anga ari magariro ake wese anomufonera

aisadaira kazhinji kana dziri number dzinyuwani.

Chimwe futi changa choshamisa GZ nguva

dzaakaona ma tracker emamonya ake ofamba

nenzira isiriyo yainge yafamba naSaseka.

Akashaya kuti chingava chiri chii chaizvo chiri

kuitika? Akazvibvunza mubvunzo uyu ane

kakunetsekana maari anga atoona vatadza

zvakare kutora Chuvukelo.

Akambofunga kuvafonera asi akaona kuti

anenge akasira kuvadzora saka akati kana

vafunga kutiza aizova tevera onovapedzera

sezvo aiziva mawaniro aaizoita. Apedza

kudimbura nhare akabva afona ipapo ipapo,

nhare ichingo dairwa akatanga kutaura ndiye

GZ.

"Chiiko chiri kuitika kwamuri vapfana imi?"

Akabvunza
"Tarasika tika tevera mota isiriiyo saka

hatichazivi kuti todii?"

"Vapfana imi musada kuita zvekutamba neni,

makatadza kuuraya kamupfana kaya ndimi

saka handidi kunzwa zvakawanda ndoda

mudzoke kuno nemupfana iyeye pasina izvozvo

musadzoka pano" akadaro GZ ndokudimbura

nhare yake. Akatarisa pama computer ake

ndokuona madonhwe ema tracker achiratidza

musiyano uri pakati pe tracker raSaseka pamwe

nere mamonya. Akaona kuti vari pedyo

napedyo ndobva aona zvichiita kuti avabatsire

kusvika pamba paChama.

Akava fonera futi ndobva atanga

kuvarondedzera mafambiro avaifanira kuita.

Akafamba navo kusvika vava pedyo. "Yaa mave

pedyo iko zvino chinangai kuside rekuruboswe

kwenyu mupinda pamba ipapo ndirikuda

zvandakutumai kuno." Akadaro GZ achidimbura

nhare yake. Mamonya akamisa mota paanga

anzi amire ndokugadzira zvombo zvavo,

vakapaka huturu mupfuti dzavo vapedza vese

vakaburuka kunanga pamba paChama.

Havana kumbobvira varasika zvakavaitira nyore

nekuti imba yacho yanga iri payo yega. Dzimba

dzemunzvimbo yacho dzanga dzakavakwa kure

nekure sepanogara varungu, paiva nemiti

dzaivapo zvekuti munhu aikwanisa kusvika

pamba pasina amuona aizoonekwa oda

kupinda pagate. Mamonya aye akafamba

akahwanda nemiti iye ndokunosvika pamadziro

emudhuru wepamba paChama, umwechete

wavo akadongorera ndokuona varume vaviri

vanga vari pamukova vakagara zvavo

vakavarairwa.

"Panhu pakashosherwa nevachengeti pano.

Saka tinofanira kungwara vakomana tipedzere

vanhu ava tipinde mukati" akadaro umwe

wemamonya aya. Achingopedza kutaura

vamwe vake vasati vapindura, pakanzwikwa

kurira kwepfuti mumba. Zvadaro akadongorera

umwe wevarume ava ndokuona mamonya ese

achinopinda mumba. "Zvanaka varume

ngatipinde mukati" akadaro umwe wevarume

ava. Vakamhanya kugate ndokusvika

vachijamba vachikwira nepagate vese vanga

vazara mukati vari vana (4)

Ukuwo Chamavhudzi paakaziva kuti Saseka

imhondi akasimuka nehasha ndokusvikobata

Saseka muhuro umu zvine simba. Mamonya

ake anga asara maviri mumwechete wacho

anga akarara akabata paaka rohwa nepfuti asi

pasingauraye hapo. Vaviri vanga vasara

vakabva vatakura mumwe wavo kubuda

muroom muye kuenda naye muimba yake vaida

kunobvisa mabara acho. Vakati vachipinda mu

dining room vakabva vasangana nevakomana

mamonya a GZ, pavakaona zvadaro vakabva

vatiza nerimwe divi ndokunanga kuroom yavo

yavaichinjira vese.

Mamonya aGZ haana chaanga aona, akafamba

kunanga kwaainzwa kutaura. Vari

mukunyangira kudaro vakaona chinhu

chakadarika mberi kwavo asi havana kuona kuti

chingava chiri chii uye nekwachanga chananga.

Vakaudzana nemasign ekuti vaviri vafambe

nerimwe divi vaviri nerimwe divi, vese vari 4

vakabva vapesana vakafamba vaviri vaviri.

Vamwe vaviri vakafamba nechekurudyi uku

ndiko kwaiva ne room yairara Chuvukelo.

Vakafamba kuenda ikoko ndobva vaona munhu

akatinzvee achipinda muroom. Yakanzwikwa

kurira pfuti asi isina ruzha yanga yakasungirirwa

inonzi silencer saka yanga isingaiti ruzha kana

ikaridzwa asi vaiva mumba umu vakainzwa.

Chamavhudzi akabata Saseka kudaro akatarisa

kwaiva naChuvukelo ndokuona asisimo,

akatarisa Saseka achiita kubvunda nehasha.

Akaona Saseka abudisa ziso zvakamunzwisa

tsitsi achibva amusiya pasi ndokutanga kutaura.

"Watumwa naani kwandiri iwewe?" Akabvunza

asi Saseka haana kukwanisa kupindura anga

achiri kukosora kosora sezvo anga

akadzvinywa huro.

"Ndiri kutaura newe musikana ndati pano

watumwa naani?" Akabvunza zvakare.

Musikana uye akabva apinza rwuoko rwake

muhapwa make ndokubudisa chinhu changa

chiripo chairatidza kuti changa chakasungirirwa,

achitora akabva achibaya paakabaya apedza

ndokuchikanda pa bed wa Chama.

"Ndiuraye usiye kundibvunza zvakawanda,

ndauya pano kuzouraya iwewe so kana

ndatadza seizvi hapasina chandicha raramira

so ndiuraye" akadaro Saseka.

Chamavhudzi akanzwa hasha

ndokuvhuradrawer raiva padivi pemubhedha

wake kwave kubudisa pfuti yaivamo ndokutora

tambo yaivamo kwave kusunga Saseka maoko

nechekumashure. "Handisi kukuuraya usati

wataura zvandiri kuda nhasi. Ndati watumwa

pano kuzondiuraya, ndiyani akutuma uye sei

uchiti zvawatadza kundiuraya ndikuuraye?"

Akabvunza zvakare Chama, asati apindurwa

akabva anzwa kurira kwepfuti kuroom ya

Chuvukelo. Haana kuzoramba achinetsana na

Saseka sezvo ainge otyira Chuvu, Saka akabuda

ndokuvhara door nekukiya, ndokumhanya

kuenda kuroom yachuvu achinopinda akawana

musina munhu. Akabuda kuenda kumamonya

ndokuwana asipo panze akashaya kuti chii

chave kuitika? Akanotarisa mumba yawo

ndokuwana muine uye anga akuvara chete

vamwe vasimo.
"Ko vamwe vaendepi?" Akabvunza

Chamavhudzi.

"Vabuda parira pfuti hameno kuti vazodii kunze

ikoko" akadaro monya uye.

Akasara kunopedza kutaura Chama atobuda

mumba, akasvika nekubuda gate iro ranga

rakavhurwa. Zvaiva pachena kuti vanhu vabuda

nepagate. Akabudawo ndokufamba akabata

pfuti mumaoko ati fambei asati asvika pakona

yaiva nechepamberi uchangobuda pamba pake,

akanzwa kutinhira kwemota pamwe nepfuti.

Akamhanya kuenda kwazvanga zvichirira

ndokuona hutsi hwemota, iyo mota

yaingonzwikwa kutinhira chete. Mamonya ake

maviri ayingoridza pfuti mumhepo mota

yatoenda.

Akafambisa kuenda kwaiva nemamonya ake

achisvika akabva abvunza "Chiiko chaitika

varume imi?" Mumwe wemamonya maviri aya

akabva apindura "Tatambwa apa mukuru

tapindirwa tiri mumba patatakura mumwe wedu

ndipo papinda mhondi dzikatora mwana"

akadaro monya.

"Uri kutaura kuti Chuvukelo ndiye atorwa here?"

Akabvunza zvakare chama. Monya rakangoti

"hongu shefu." Haana zvaakazotaura chama

akatendeuka kudzoka mumba ndokusvikotora

mota yake nekubuda. Obuda akasangana

nemamonya pagate avekuda kupinda. "Ndasiya

munhu mumba umo saka musapinda mukati

chengetai munhu iyeye asabuda ndodzoka toita

zano rekuti mumwe abatsirwe" akadaro Chama.

Vachengeti vakagutsirira misoro iye Chama

ndokuvhetemesa mota yake kutevera mamonya

aye. Kunze kwainge koedza saka mota dzanga

dzazara munzira vanhu voenda kumabasa, asi

iye Chama aingomhanya zvakadaro, marobots

aingosvika achipinda rakavhara.

Akatevera asina ani waaudza pamabhururu ake

ese, akatyaira mota kusvika anopinda

muZilonga Town haana mota yaakabata. Zuva

rakasvika mukubuda muna amai varo asina

mota yaakafungidzira, akatsvaka paakamisa

mota yake muri mujinga memugwagwa anga

ave kunzwa kuvhiringika nekuda kwezvanga

zvaitika. Akamira ipapo akabva afunga kubata

bhururu wake Zazati, akafona asi nhare haina

kudairwa. Akafunga kuti zvimwe angava

akarara sezvo vakabva kumafaro mahusiku.

haana kuzofona kwepiri akafunga kufonera

Zola uyu aiziva kuti haarari zvekusvika paku

kangamwa nhare. Afona Zola akadaira "Wadii

Chama hope dzatopera here?" Ndiwo

madaviriro aakaita.

"Wangu hapana kumira mushe kuno mwana

atorwa nemuvengi" akarondedzera zvese

zvanga zvaitika.

"Ha asi mudhara mune pamwe pamorasika imi

bby riye makatori chenesa zvekusvika

pakupinda naro mudheni, saka marisiyepi

izvozvi?" Akabvunza Zola.

"Zvaitika wangu handioni zvikazoitika futi, handi

unoziva here kuti ini handina bako randopinda

saka ndaiti ndazviwanira. Ndamusiya kumba

ndakamusunga"
"Ito dzokai kumba ndouya ikoko totangira ipapo

mubby uye ndiye achatiudza kwabva muvengi"

akadaro Zola. Chama akabva adambura nhare

ndokudzoka kuenda kumba kwake, haana

nguva yakareba yaakatora anga atosvika.

Akawana mamonya ake achitenderera nemba

ari mukati meyadhi, haana kutaura nawo

akananga mumba maChuvu achida kunoona

kuti ichokwadi haamo here? Akawana

zveshuwa hamuna munhu, akaridza tsamwa

ndokuzviudza kuti arikuda kupedzera shungu

dzake nekurova Saseka kusvika ataura munhu

amutuma. Akafamba ndokusvika achipinda

mumba make aine fungidziro yekuti anowana

munhu akazvipeta pakona pemba nekutya

kuurawa asi akashamisika paakavhura goni

ndokuwana ayizve......

End of Chapter

Chapter 10

Chuvukelo paakanoradzikwa na Chama

akanyepedzera kurara kusvika Chama abuda.

Kubuda kwakaita Chama haana kusara akarara,

akabuda mumba make kwave kunyahwaira

achityira kuti asaonekwa nevaviri vaimwa

hwahwa. Akanopinda muroom ma Chama.

Asvika akapinda mu wardrope kwave kuhwanda

seri kwehembe dzachama akavhura wardrope

zvishoma. Chuvu pachake kubva paakaona

Saseka haana kubvira amuchenesa asi kuti

audze Chama akaona zvisingaiti saka akaronga

zvinhu zvake amene kuti Chama azvionere

pasina kuda kumuudza nemuromo aida

azvionere nemeso.
Akaita nguva akahwanda achinzwa nyaya

dzichinaya kuvaviri Saseka na Chama.

Akaramba arimo mu wardrope haana kubuda

kusvika vaviri vazopinda mumba, zvese

zvakaitika mumba anga achizviona pamwe

nekunzwa zvaitaurwa. Pakazorara Chama uyo

Saseka oda kuchidhuvura Chama, akabva

abuda zvisina ruzha ndokunhunga shangu iyo

yaakazoshandisa pakuvhiringa kwaakaita

Saseka. Pakazomuka Chama haana kuzoda

kuramba ari muroom umu sezvo zvaanga

achida kuti zvionekwe na Chama zvanga

zvaitika Chama anga oziva kuti Saseka muvengi.

Pakabuda mamonya nayewo akasara akabuda

ndokuona mamonya aChama achitiza hondo,

akadzungudza musoro anga aona kuti hapana

zvevachengeti pamba apa. Akafamba

akahwanda vavengi vanga vapinda mumba

ndiye akazoonekwa atinzvee akananga kuroom

kwake. Akanopinda muroom make achivhara

door, apo ndipo paakazoonekwa nemamonya

aGZ kuti pane munhu apinda panova ipo

pakazoridzwa pfuti iyo yakazonzwikwa na

Chama. Paakapinda mumba make akasvika seri

kwegoni ndokumira akahwandira, ndipo

pakazopinda monya rekutanga rakaita

munyama rakapihwa bhutsu imwe yakari

tenderedza musoro richinowira uko. Monya

repiri parakapindawo naro rakapihwa yaro,

vakada kurwisa vari vaviri varume asi vakatadza.

Iye Chuvu akazovarairwa haana kuziva kuti

mamonya aya anga akawanda akazongonzwa

arohwa kumusana zvese nekuvharwa muromo,

haana kuzowana simba rekurwisa. Mamonya

paakangoona kuti awana munhu chaiye avaida

havana kuda kutsvaka Chama, vakatakura

Chuvu ndokubuda naye. Pavakasvika pagate

rakabva ravhurika vachibva vabuda

vakamhanya kuenda kumota. Zvese izvi

zvaiitika mumaziso emamonya aChama asi

haana kukwanisa kurwira, chinhu

chaakakwanisa kuita kuvhura gate kuti muvengi

abude vazonyepedzera kumudzingirira vanenge

vaityira hwavo hupenyu. Vakatevera kwainge

kwaenda vavengi ndipo pavakati vosvika mota

ichisimuka, vakasara voridza pfuti mota

yatoenda.
Akaizvambura mota mutyairi ayi tyaira mota

yemamonya aGZ. Mota yakamhanyiswa zviye

zvekuti vaisatoda kuti anotevera avabate,

mumarobots vaisamira vaingopinda achiri

akatsvuka kudaro. Vakafamba nguva

inokodzera kunge vangava vasvika kuZilonga,

vasvika muZilonga havana kupinda mudhoroba,

vakaita zvekupotera nechekunze kwaro

vachibva vanobudira pamba pa GZ. Zvekuti

vaiteverwa havana kumbobvira vazviona zvekuti

dai vaonewa naChama vaizosvikirwa

vakavarairwa. Vasvika pamba vakasvika

nekubudisa Chuvu vakaita zvekukatakura

ndokuenda nako muimba yavaisanganira

nemukuru votaura zvebasa, vakasvika

vakapinda ndokutsveta Chuvu pasi ivo

ndokugara pazvigaro vakamirira GZ kuti abude

aonane nekamunhu kaaida, asati auya

kwakatanga kuuya vana Chuvhuna.

Iye GZ paakapedza kufonera vakomana akabva

anopinda mumba make umo manga mune vana

sikana vaviri vanga vakamumirira kuti azova

shandira. Akatora laptop yake ndokunoi gadzika

patafura rake paaiona zvese zvaaida kunge

achiona arimumba make. Vasikana vari

mukupuruzira murume wavo umwe achidya

nambureti umwe achibata bata pese pese.

Rume rainge rapinda panguva chaiyo

yaienderana nezvaraiitwa, parakati rave kuda

kuti ritange basa rakanzwa kurira pa laptop

zvaidudzira kuti pane connection yadzimwa.

Akatarisa ndokuona iri connection ya Saseka

yanga yadzimwa. Mutambo hauna kuzotambwa

rainge ragumbuka, rainge raona zvakare Saseka

atadza kutora Chuvu.

Akaedza kuda kubatanidza asi zvakashaya

basa, akafunga kuda kufona asi akatya kuti

zvimwe anogonakupisira nhare yodairwa na

Chama. Akasvika pakuramwa ndokutarisa

madomhwe emamonya ake ndokuona ave

kutaura kuti ave pedyo kusvika panzvimbo apa

kwainge koenda kunoedza. Akadzoka pabed

ndokusvikorara nemanhede, vasikana

vakatanga zvakare mutambo wavo vainge voda

kuti vashandirwe vazowana mari sezvo vaiziva

kuti vakasashandirwa havawani mari.

Munongozivawo kuti mutambo uye hauna

anoukunda kazhinji kana mukadzi angokutanga

kukubata bata uri murume, kunyangwe

wakatsamwa john anomira chete ofunga

kuvhula gate. Wakatambwa mutambo kusvika

zuva rabuda muna amai varo. Vakomana vainge

vanguri vatosvika nemukomana. Wapera

mutambo vakatanga kunogeza vese vari vatatu

vapedza ndipo GZ paakazobuda kuenda

kuroom kwaiva nevakomana mamonya ake.

Akanopinda muroom macho akapfeka huso

hweshumba kuri kuda kutyiwa kana zvichinzi

vanga vasina kuuya nemwana. Akazo chinja

huso aona chikomana Chuvu chirimo

"Yaa ndiko kugona basa ka uku" akadaro

achifamba kuenda kuna Chuvu ndokusvikoka

bvisa dhende rakanga kakasungwa naro.

"Uri sei mupfana wangu?" Akadaro GZ

achimhoresa Chuvu. Chuvu pane kuti kadaire

kakadaira nekupfira mate zviye zvekuratidza

kuti kari kusemeswa nemunhu ayitaura nako.

Mbama yakakapihwa kamwana kevanhu

ndofunga kana nyeredzi kakadziona chete, asi

hakana kuchema kana kudii kakangotarisa

munhu akarova kwave kudzungudza musoro

pamwe nekupfira zvakare.

"Pano shungu dzako dzinoperera pasi usina

zvawaita, chero uchinamata sei pano ndipo

paunofira chete" akadaro GZ akabata Chuvu

pachirebvu. Akamboedza kuda kutaura nako asi

akasvika pakuneta nekuti kaisa pindura,

akambokasiya ndokuenda kumamonya ake.

"Magona basa manje mave nekodzero yekudya

mari yangu asi chinhu chandiri kutyira

chimwechete. Saseka kubva apinde mumba

memurume uyu angoita nguva diki ndine

connection naye network ichibva yarasa.

Maitiro acho anenge aputsa chirango atorara

nemunhu uyu" akadaro GZ. Anga otyira kuti

Saseka anogona kufumura nyaya yese.

"Ndichataura ne vakomana ndinzwe kuti vari

kudii zvandaronga kana zvikabudirira tochiuraya

kamupfana aka. imi parizvino imi mombozorora,

iwe Chivhuna tora kamupfana aka uende nako

kuchuru. Ini ndichasara ndichiona mafambiro

aSaseka pa Tracker rake sezvo abvisa chinhu

chandainzwa zvaiitika zvese" Mamonya akabva

asimuka ndokuenda kudzimba dzawo kozorora.

Chivhuna nayewo akabva atorana na Chuvu

kwave kuenda nako kuChuru.

Ukuwo Chamavhudzi paakapinda muroom

make aine fungidziro yekuti aizowana Saseka

akagara pasi, haana kumuwana akagara pasi

akawana akagara pabed pake uku asina

kupfeka chivhara ngozi. Anga akagara akavhura

makumbo uku akaisa maoko kumashure sezvo

anga aka sungirirwa. Chama paakaona

nambureti iri panze apa ichiratidza kuti richiri

dohwe risati ratsemurwa raingobuda husvusvu

huye hunenge tsvigiri. Waiva mukoko une huchi

husina mazana, akaramba akamutarisa nambu

yake iyeyo, pave paye ndipo paakazotarisa

kumeso kwake.

Paakamutarisa kumeso Saseka akabva

asimuka ndokufamba kuenda kwaiva nachama.

"Ndozviziva kuti une kakusandi chenesa mauri

sezvo ndataura zvekuti ndaida kukuuraya, asika

changovapo kuti undiitirewo zvandoda

kukumbira usati wandiuraya" akadaro Saseka

akamira akatarisa Chama mumaziso.

"Urikuda rubatsiro rwei iwe waramba kundiudza

akutuma? Iko zvino mupfana wangu aenda.

Handina chandokubatsira nacho asi

ndotokusungisa" akadaro chama oda

kusuduruka kubva pedyo na Sase, asina

kwaaenda akabva avharwa kuti asafamba.

"Kana uchiri neni pano ndichasara kufa

ndakuudza zvese asi ndoda kuti utange waita

zvandirikuda kukumbira" akadaro Saseka.

Akanzi ataure nyaya yake "Ndinokumbirao

chinhu one chete. Zvinhu zvawaida kundiita

wakadhakwa ndizvo zvandave kuda ndifewo

ndave kuziva chinonzi murume. Ndiri kureva

kuti ndife ndisisiri mhandara" akadaro Saseka.

Chama akabva avhura ziso kutarisa munhu

anga achitaura mashoko akaita seiwayo

zvinova zvinhu zvanga zvisina kumufanira

kukumbira murume kuti arare naye. z

Zvakamu shamisa zvisingaiti pamwe

nekuzvibvunza kuti sei achitaura zvekuti

imhandara nezvaaive ari runako zvese

nechimiro chakanaka? Uye sei achiti anoda kufa

asisiri mhandara? Akazvibvunza futi kuti ko

kana iye akasamuuraya aizourawa nani?

Mibvunzo yese yaakazvibvunza iyi yaisada kuti

azvibvunze iye, yaitoda kuti abvunze mwene

wazvo. "Sei uchitaura mashoko akadaro

wanzwa kuti ndinoda kukuuraya here?

Nyatsotaura nyaya yako chii chiri kuitika pauri?"

Akabvunza zvese zvaanga ambozvibvunza

mupfungwa dzake asi haana kupindurwa

zvakawanda akangonzi "Chandirikuda parizvino

ndechandakumbira zvimwe zvese tozotaura

ndawana zvandoda" akadaro Saseka, achipedza

kutaura ndokutanga kupa Chama tsvodi.

Vakatsvodana vaviri kusvika vese vapinda

mumagear acho, tambo yanga yakasungwa

Saseka yakazoitwa zvekudamburwa. Sika rudzi

ya Chama ikati yanga yava nemakore akawanda

isati yamboita mutambo uyu yanga yakaita

kumira semuchengeti wemukuri wenyika, yanga

yakati twasa!.

Saseka nayewo ainge onzwa kuida mukati

sezvo nayewo anga akanguri akazviona pafoni

zvichiitwa nevamwe. Akazoiridza mhere anzwa

john avhura gate zvechokwadi, Chama anga

abairira ane pfungwa dziye dzekuti zvimwe

ndirikuda kutambwa. Akazobvuma anzwa jonh

abatwa nerumano, vaviri vakatamba mutambo

wavo kusvika vapedza Chama akatumira mbeu

mukati chaimo "Iih zvazvorwadza nhai veduwe.

Wandikuvadza iwe ndizvo here izvozvi

zvawaita" akabvunza Saseka mushure mekunge

mutambo wapera ainge onzwa kuzasi koita

kunge kwasonwa nenareti kusina kutangwa

kwatindivadzwa. "Ndizvozvo uchapora simuka

hande kogeza ndine munhu ari kuuya pano saka

anofanira kuwana tageza uye unofanira

kuchindiudza zvese zvawandivimbisa"

"Ehoi ndinokuudza zvese asi ini ukasandi

sungisa ndiri kuzozviuraya ndomene" akadaro

Saseka.

"Ko sei uchidaro ndiudze ndione kana urimunhu

anobatsirika ndikubatsire?" Akabvunza Chama.

Saseka akabva atanga kurondedzera makuriro

aakaita kuti akakura achichengetwa na GZ, uye

vabereki vake haavazivi kuti vakaendepi?

Akamuudza zvakare kuti ane tracker raanaro

pagaro rekuti chero akada kutiza aizowanikwa.

Akataura zvakare kuti aisa bvumidzwa kuita

zvevarume paakazoonekwa kuti ainge akura

zvekuti ainge abva zera zvekuti chero ipi nguva

aizowana murume chero. Zvakawanda

zvaakataura nekudzidziswa kurwa kunoitwa

wese wechidiki anotorwa na GZ, akazo

pedzisira nekuti. "Izvozvi ari kutoziva kuti ndiri

pano ende akato gumbuka nekuda kwechinhu

chandabvisa ichi chayiita anzwe zvese zviri

kuitika pano nezvandotaura newe. Ende kana

kuri kuti watadza kundisungisa wonditi

ndidzoke uko ndiri kunofa chete" akadaro

Saseka.
Chama akanzwa tsitsi nehupenyu huri

kurarama vana vevanhu kunze uko "Saka

akauraya va bereki vemupfana wangu

unomuziva here?"

"Hongu vakato urawa nevakomana ivava

vatumwa naye mukuru" akadaro Saseka.

Zvainge zvave pachena sadriver we tractor, kuti

Chama achaziva zvakawanda kubva kuna

Saseka. "Hauchafi uye hauchadzoki kwavari

chero kukusungisa handichaku sungisi,

uchange uri mudzimai wangu kana uchida.

Tracker ndicharibvisa nhasi chaiye,

ngatichihande togeza tozotaura kana Zola

asvika." Vaviri vakatakurana ndokunogeza,

vapedza kugeza vakapedza Zola achinzi asvika.

Chama ndiye akabuda kuenda kumumwe wake

ave nepfungwa dzekuda kufonera chiremba

vake kuti vauye kuzobatsira monya rake riye

ranga rarohwa nepfuti.

Akafamba achifona chiremba vakadaira nhare

akavaudza chimiro chiripo, apedza ivo havana

kuramba vakabvuma achibva avaraira kuti

vanofamba sei kusvika pamba pake. Apedza

kutaura nachiremba akadambura nhare yake

ndokunanga kune mumwe wake "Uri sei

mumwe wangu?"

"Ndiri kwaye ini sahwira, ndazoti nonokei

kusvika unongozivawo vakadzi twumutemo

temo twavo" akadaro Zola.

Vakaita nyaya Chama achiudza Zola zvakaitika

zvese nezvaazoronga kuti vashandidzane na

Saseka. "Aaah zvichiita here chibaba kuchenesa

muvengi kusvika pakadaro, munoziva sei kana

uri musungo (setup) yamuri kuitwa?"

Akabvunza Zola.

"Ayewa wangu munhu uyu ndiye achatove

mudzimai wangu nekuti ndine zvandatoona

zvaita kuti ndimuchenese" akadaro

Chamavhudzi. Zola haana kuitisana nemumwe

wake nharo sezvo aiziva kuti kana angoti ichi

ndachida hapana aizomurambidza. Vakabva

vapinda mumba achino ratidza mumwe wake

bby, vapinda akati agare muimba yekugara iye

Chama ndokuenda kuroom yaiva na Saseka.

Akamuudza kuti ane munhu arikuda kumuona,

vakabuda vese ndokunogara vachiita nyaya

zvekuti Zola naye akasvika pakuona kuti

zveshuwa Saseka haachazi muvengi. Vakagara

vachiita nyaya kudaro vakanzwa kurira

kwebhera remota panze.

End of Chapter

Chapter 11
Pakanzwikwa kurira kwebhera remota Chama

haana kubuda panze akamirira kuti monya rake

riuye ritaure kuti ndiyani ari kuridza bhera.? Iwo

mamonya ari kunze ikoko pakarira bhera umwe

wavo akano dongorera nepaburi repagate sezvo

mudhuri wacho wanga wakati rebei.

Adongorera kudaro akawana iri mota yaasina

kuziva, vaive chiremba vanga vauya kuzorapa

monya ranga rakuvara.

"Ndingaku batsirai nei mukuru?" Rakabvunza

monya. Chiremba akatsanangura ,vaaida ndipo

monya parakaona kuti vaiva chiremba. Akabva

aenda kunodana Chama, Chama akabuda

paakaona vari chiremba akabva aratidza kuva

nemufaro.

"Titambire chiremba mukuru" akadaro

Chamavhudzi.

"Tambirai tambirai vebvudzi hombe" vakadaro

chiremba vari mumota yavo. Vakanzi vapinde

mukati nayo, vakapinda vava mukati

vakaburuka "Inga wani chisingaperi chinoshura,

ndiwe here Chamavhudzi wandoziva ave

nezuda" vakadaro chiremba vachiseka havo.

"Ndave munhu mukuru handichaiti zvevhudzi ini,

rangova zita chete rasara" akadaro Chama

achifamba kunanga kuroom yainge iine monya

rake. "Ndazviona hangu kuti Jeri rakuchinja, ko

aita sei murume uyu asi watanga kurwisana

nemunhu uya?" Akabvunza chiremba, vainge

vapinda mumba maiva nemonya.

"Arohwa ne pfuti zvaitika tisina kutarisira kuti

zvingadaro, saka imimi itai kuti mubvise

mabara acho kana mapedza mondiudza ndine

zvandoda mugoita futi" akadaro Chama.

"Ehoyi unoziva wani mashandiro angu

ndopedza manje manje" vakadaro chiremba.

Akavasiya voita basa iye Chama ndokubuda

kudzokera kwaiva asiya Zola na Saseka.

Akasvika akagara paainge akagara padivi

pemumwe wake Saseka. Havana kunyepa

vakuru pavakati rudo ibofu" chaiva chokwadi

chakapetwa kaviro, vainge vodanana vanhu

vaida kuurayana.

"Saka wawati toita sei nemwana Chama?

Nekuti kunhu kwaaenda hatizivi zviriko

tinofanira kuita zano rekuti timutevere."

Akabvunza Zola sezvo chainge chiricho chinhu

chaanga anyanyovinga pamba pa Chama.

"Mwana tofanirwa kumuwana nhasi handizivi

manje kuti tomutsvaka kupi?" Akadaro Chama,

apo kubvunza kuti aizowana kupi mwana aida

kunzwa Saseka kuti anoti kudi? Iye Saseka naye

akaita seainge anzwa kuti mubvunzo wainge

waka nangana naye saka akabva apindura.

"Mwana haasi kuzofa kana ini ndisati ndavako

kuna GZ saka nhau iripo kuti tibatsirane kurwa

hondo iyi, asi totamba taka chenjera nekuti GZ

ane varwi vakawanda uye maitiro ake anenge

anodyidzana nemapurisa" akadaro Saseka.

Asati apindurwa akabva ataura futi kwepiri

"Chimwe chinhu chandichiri kutyira tracker

randinaro rinogona kuita kuti ndizivikane kuti

ndichiri pano uye ndiri mupenyu saka rinoda

kubviswa. Rikangobva anogona kufungidzira

kuti zvimwe ndafa ndauraiwa na Chama"

Mashoko aya akanzwisisiwa nevaviri Chama

pamwe na Zola, vaka bvumirana nazvo apo

chama akabva ati "Tracker ndatotaura na

chiremba vacharibvisa vapedza zvavari kuita"

akadaro Chama.

"Kuti ndibviswe na chiremba hazviiti wadii

wandibvisa iwewe kana kuti nditsvakire banga

rinopinza kana razor ndizvibvise ndega"

akadaro Saseka anga achityira kubatwa

magadziko nemumwe murume asiri Chama.

"Mudiwa unotya kubatwa magaro nachiremba

hauzivi here kuti pauchapona vachatokubata

kuzasi chaiko? Hazvina basa izvo handi

ndinenge ndiripo here?" Akadaro Chama

achiseka hake. Vakambo itisana nharo kusvika

Saseka azobvuma, chiremba vainge vapedza

basa vatove mumba maiva naana Chama

pamwe ne monya ravanga vachibvisa mabara

ranga ratosungwa mabandage ropa

risingachabudi. Vakambo kumbira mvura

yekumwa chiremba vasati vatanga basa

rekubvisa Tracker. Akanzi anochera mvura

yacho muimba yekubika ndiSaseka.

Achangobuda Saseka kunze kwakaita munhu

akagogodza goni, akasimuka Chama kunotarisa

kuti ndiani achibva awana ari mapurisa pamwe

nemumwe mudhara anga aine mapurisa ari

wechikuru kuzvima kumi mashanu ikoko.

"Ndingaku batsirai nei?" Akabvunza Chama.

"Tauya pano nehama yemwana ndiyo iyi"

akadaro mupurisa anga agogodza goni wacho.

Mashoko aya akaita kuti Chama apererwe

nemate mukanwa nekuti aiziva kuti zvazvainge

zvadaro yatove mhosva kwaari nekuda

kwemwana wacho anga asipo. Haana

kupindura akaramba anyerere achibva avhara

goni ndokudzokera mumba, mupurisa haana

chaakataura akazviudza kuti Chama aenda

kunotora mwana. Chama apinda mumba

akasvika paiva nevamwe vake ndokuti kwavari

"Zvinhu handioni zvikamira mushe, mapurisa

auya nehama dzemukomana apa haapo"

akadaro Chama.

"Kana zvadaro zvanaka ka totoudza mapurisa

nyaya yacho toenda tese" akadaro Saseka.

Mashoko akasunungura Chama achifunga kuti

zvimwe aizobudirira panyaya yacho. Akabuda

ndokudzoka kumukova kwaiva nemapurisa aye.

"Ndine hurombo mwana uye abva mukutorwa

nhasi nevamwe varume vatoita zvekumuba

a....." Asati apedza kutaura akabatwa mukanwa

nemashoko nemurume uye ainzi ndiyo hama ya

Chuvukelo.

"Handisi kuda kunzwa ngano mukoma wangu

ndauya kuzotora mwana wamunin'ina wangu

pano pasina izvozvo ijeri iri" akadaro mudhara

uye achiratidza kuti ainge achinja chiso

nekugumbuka. Chama akashaya kana

neremuromo nekuda kwemashoko ainge

ataurwa nemudhara wacho.

"Saka mukoma ndosaka makaramba kuti

musiye mwana maida kuzotengesa mwana

wevanhu here?" Akabvunza mupurisa.

"Ayewa mwana atobiwa nhasi uno ndini

ndingaita mumiririri waChama" akadaro Saseka

anga auya kubva mumba mushure mekunge

onzwa kukandiranwa kwemashoko panze.

Yanga yava dai ndakaziva kuna Chama, wanika

vakuru vakataura vakati "dai kufunga kwebenzi,

dai ndakaziva haitungamiri." Akafunga kuti

ndiye achakwanisa kudzimura moto wacho izvo

kwani ndiye akato kuchidzira, pane kuti adire

mvura akadira iri peturu chaiyo Saseka.

"Hoo makato tengesa mwana mari yacho ndiyo

yamato unganira pano kuti mudye nhai? Manje

chinzwai munzwe, mese muripano masungwa"

akadaro mupurisa uye achideedza vamwe kuti

vasunge wese aiva mumba yaChama. Vanhu

vese vaiva mumba vakasungwa kubatanidza na

chiremba. Chiremba vakamboda kuramba hanzi

handina chandoziva asi vakanzi unoziva,

zvakanzi ukagota moto wembavha newe

watovewo mbavha. Vakamboedza kubatanidza

mashoko kuti vasasungwa asi hazvina

zvazvakashanda. Vasati vabuda Chama

akaringa ringa mativi kutarisa vachengeti vaviri

vake akavashaya. Akato shaya kuti vangava

vanga vaendepi? Semunhu anga asungwa

haana kuda kuvatsvaka akakiya imba yake

magoni ese apedza ndokubuda kunopinzwa

mumota yemapurisa. Mota yakatyairwa kuenda

kukamba vachiri munzira chiremba

vakambobvunza kuda kuziva sezvo vanga vasiri

kunzwisisa mhosva yavaisungirwa.

"Ko mwana wacho watiri kusungirwa amboita

sei? Ichokwadi kuti wakatengesa mwana here

Chama?"

"Handina mwana wandakatengesa ini mwana

uyu ndiye akonzeresa kukuvara kwemurume

uyu (kureva monya) zvadaro abva atoshaikwa

pamba vanhu vamutora ndavashaya" akadaro

Chamavhudzi, akarondedzera chiremba nyaya

yose manhungiro aakaita Chuvu zvekuti

akasvika pakudemba zvakare kuti dai anga

asina kubvira akamunhunga. Ainge ozviona

avharirwa mujeri zvakare asiya hwahwa.

Mota yemapurisa yakasvika pakamba

ndokuburutsa vana Chama kuenda navo

muhofisi. Vasvika vakawana mukuru wemo

arimo "ko vanhu ava mavawanepi?" Akabvunza

mukuru, asati apindurwa nhare yake yakabva

yafonerwa achidaira.

"Mukoma wangu" akadaira achidaro, ari kune

rwumwe rwutivi akabvunza zvaakabvunza apo

mukuru akambotarisa vasungwa neziso rinenge

rechitsotsi. "Hongu yaa haa aripo" akadaro

mupurisa uye wekunerimwe divi akambotaura

kwekanguva mupurisa akango nyarara nhare

yakazo damburwa mushure mekunge

mupurusa adaira kuti "tichaona musi wacho, asi

musatya zvangodai chete zvanaka" ndiwo

mashoko akava ekupedzisira emukuru paainge

afonerwa.

"Mati vanhu ava mabva navo kupi uye mhosva

yavo ndeyei munenge makavasunga?"

Akabvunza mukuru.
"Vanhu ava ndivo vakauraya vabereki

vekamukomana kaye kavakauya nako paye

vachinyepedzera kutiita chikuku vata-vata.

Nhasi kwauya hama yako iyi ichikada tawana

kasiko vanenge vakatoka uraya" akadaro

mupurisa umwe uyo anova iye anga auya naana

chama. Mashoko aya Chama aimanzwa

achitaurwa akaterera hake achinzwa

achipomerwa mhosva yaaisaziva.

"Sei muchiti ndivo vakauraya vabereki vamwana

uyu ivo vakauya naye vachitsvaka hama dzake?"

Akabvunza mukuru uku achinyora nyaya inenge

yapindurwa yacho.

"Tadaro nekuti mwana tamushaya vari kuti

abiwa asi chatikatyamadza tawana vakatogara

vachimwa havo hwahwa. Zvimwe handi paye

takanotora mafingerprints kuimba yevabereki

vekamupfana so chimboedzai kuvatora ivava

mufananidze neaya tione zvikasa enderana"

akadaro mupurisa uye. Mukuru akambobvunza

Chama kuti chaiva chokwadi here asi iye

Chama semunhu wehasha misodzi yainge

yochururuka mumatama nehasha zvekuti ainge

ava nepfungwa dzekuda kurwisa mapurisa asi

Zola akakasika muzvikona achibva apindura.

Asi haana kubudirira, vakanzi vanotorwa

mafingerprints vaone kuti haaenderane here?

Vakanoita sekudaro munhu akatorwa kutanga

ndiye Chama. Mafingerprints akabva abuda

akafanana neakatorwa kumba kwaGwalala,

mhosva yakabva yatoonekwa iina Chama.

"Nxaa ndomhondi dziri kupedza vanhu idzodzi,

shamwari torana nevanhu vako ava uende navo

kwakakodzera mutongo wavo uchanotongerwa

kucourty ndiko kwavachanotaura kwavakaisa

mwana ikoko" akadaro mukuru uye.

Vakasengwa varume vatatu nemukadzi

mumwechete kwave kuendwa navo kuchitokisi

kunovharirwa.

End of Chapter

Chapter 12

Pakabuda mamonya aGZ kuenda na Chuvukelo

kuchuru, iye GZ akasara ndokunopinda mumba

maanga asiya vasikana vaviri avo vanova ivo

vanga vari vakadzi vake husiku hwezuva iri.

Asvika haana zvakawanda zvaakataura navo

sezvo zvaaida iye ainge azviwana. Akananga

panogara mari yake kwave kutora yaanga

atenderana nevasikana vacho kwave kuvapa.

"Endai kunze kwegate ndichatuma munhu auye

akuperekedzei kwamabva" akadaro GZ.

Vasikana sevanhu vanga vawana mari yavo

vakaita zvainge zvaita murungu rume wavo. Iye

akasara mumba achibva afonera mutyairi

wemotokari kuti atakure vasikana aende navo.

Apedza kufona akabva agara achiruka zano

rekuda kuziva kuti Saseka aiva apanduka here

kana kuti anga achibatirwa na Chama kuti

asadzoka kwake?

Akakagara kudaro uku akaringa laptop yake,

kutarisa Saseka achitoona kuti achiri mupenyu

asi kuti afone aityira kupisira futi. Zano

rakazouya kwaari akambo sekerera, pfungwa

dzekusungisa Chama dzakauya zvakare maari

apo paakabva afonera mukuru wemapurisa

akataura naye akaudzwa kuti abuda mari refu

kwete pfupi sezvo vaiziva kuti varikudya basa.

Akabva ati kwavari "Mari kwandiri mapepa imi

ingoitai zvandareva chete kana mapedza mari

ndichatumira kana kuuya nayo" akadaro GZ.

"Zvakanaka asi panoda zano rakakora rekuti

tivabate handizivi tingaita sei?" Akabvunza

mukuru wemapurisa.

"Rega nditsvake munhu mumwechete

wechikuru auye azoita kunge hama yemupfana

uye ndiye munhu achasungirira vanhu iyeye"

akadaro GZ.

Vakabvumirana vaviri nhare ichibva

yadamburwa. GZ akabva afunga mumwe

mudhara waaiziva panhau dzekuda mari kuti

akangomuudza nezvayo aiuya achimhanya.

Akafonera mudhara wacho akamuti auye,

mudhara uye akauya akaudzwa kuti ari

kuzomupa US$300 kana achinge akwanisa

kuita zvaaida. Mudhara uye akabva ati

zvishoma kwaari aizoita izvo chaizvo. Zvanga

zvave pachena semutyairi wetarakita kuti

vemutemo vanoshandidzana na GZ sekutaura

kwaimbenge kwakaitwa na Saseka achiudza

vana Chama. Mudhara akapihwa mota yake

pamwe nemutyairi aizomuperekedza kwaanga

atumwa. GZ anga ozviudza kuti kana Chama

achinge angobatwa chete aida kuti Saseka

adzoke panzvimbo, kana akaziva kuti yave

mhandu yake aida kuzomuuraya zuva

rimwechete na Chuvukelo, ndivo vanhu vaainge

otyira kuti vakangovapo musi wedare vanogona

kuita kuti Chama asavharirwa.

Dhara rakaperekedzwa kuVhumani town,

rasvika kukamba rakawana mapurisa aizoenda

naro kwaChama avako atopedza kugadzirira.

Harina kugara rakasvika nekutora vemutemo

ndokupfuurira kumba kwaChama rakapfeka

huso hwebasa. Vasvika kwaChama vakatora

munhu wese aivako kunze kwevachengeti vaviri

avo vakati vachingoona mapurisa ndokutiza

havana akavaona kuti vaendepi. Vadzoka

kukamba mukuru paakafonerwa aifonerwa na

GZ anga achibvunza Saseka kuti aizotoreka

here? Mukuru ndipo pavakapindura kuti aripo iri

nzira yekuvhara kuti vana Chama

vasafungidzira kuti pane dhiri riripo, iye GZ

akaziva nyaya yacho haana kuzotaura

akawanda.

Dhara rainge rapedza basa harina kuzogara

rakabva radzoka kwaGZ richisvika rakatendwa

rikapihwa mari yaro. Chinhu changa chasara

kuti GZ achinotora Saseka, akadeedza Chivhu

kuti auye kuroom kwake. Akauya achibva anzi

"Ndinoda undiperekedze kumapurisa eku

Vhumani ndinobhadhara mari yekuti Saseka

abude kwaari handidi kuti asungwe, kana

apanduka tofanira kumuuraya zuva rimwechete

nekamupfana kaye" akadaro GZ. Chivhuna

haana zvaakapindura akango gutsirira musoro

sezviya zvinoitwa nechidhanana chiye

chemusoro weblue chinonzi chigumukumu.

Zvaidudzira kuti ainge anzwisisa zvainge

zvataurwa nemukuru wake. Vaviri vaka

gadzirira ndokubuda kuenda ikoko vachisvika

vakawana mukuru uye aripo vachibva vataura

naye nyaya yemusikana zvese nekuvapa mari

yacho.
Havana kunyepa vekutanga avo vakataura

vakati mari ine chitema, ichokwadi mari

yaizviratidza kuti ine simba rekuti inokwanisa

kuitisa munhu yese yese. Mukuru wemapurisa

anga apihwa mari yakawanda iyo yaaizo govana

nevamwe vake. Akasimuka omene mudhara

uye ndokuenda muchitokisi kwaiva na Saseka,

akasvika akavhura door ndokuti kwaari "Simuka

hande urikudiwa ku office izvozvi" akadaro

mukuru. Saseka haana chaakapindura

akasimuka anyerere ndokufamba vaviri

vakatungamidzana kuende kuoffice.

Akashamisika pamwe nekurohwa nehana

Saseka mushure mekunge aona GZ. Akamboda

kuramba kupinda muoffice asi akazviona ega

kuti chimiro chiripo kana akaita dzungu

zvaizofa kwaari. "Mr G Zarire ndiyoka hama

yenyu iyi yamuri kutsvaka?" Akabvunza nhema

mupurisa uye seasina chaaiziva.

"Hongu mukuru wangu maita basa. Saka

mungamu sunungura mondipa ndoenda naye

hanguzve handi find ndabhadhara here uye uyu

haana mhosvaka?"
"Ehoyi angobatanidzirwa uyu mhondi chaidzo

dzirimo umo" akadaro mupurisa uye kwave

kusunungura Saseka.

Iye Saseka aisada kuzviratidza kuti adhiniwa

nevanhu ava kuri kutya kuurawa asi GZ aizviona

kuti Saseka pane zvirikuitika paari aimuona kuti

achinja saka akazviudza kuti vaizo pedzerana.

Havana kuzogara vakaonekana ndokunopinda

mumota yavo avoo vakananga kuZilonga

kumba kwake GZ. Vakafamba nzira yese pasina

ambotaura nemumwe, vasvika vaka

tungamidzana Saseka na GZ vakananga

mumba mavaitaurirana nezvebasa. Vasvika GZ

ndipo paakatanga kuchibvunza "ndiudze chii

chakaitika handidi kunyeperwa unondiziva?"

Akabvunza GZ akapfeka huso hwembada.

Saseka haana kumbovhunduka kana kudii ainge

ozviudza kuti hapana kusiri kufa.

"Ndakakurirwa nemunhu uye ndiye akadzima

connection, saka vanga vakandi vharira vachiti

varikuda kushandisa inini kutevera mwana"

akadaro Saseka.
"Hauna chawakavaudza here?"

"Magara munoziva wani handiiti chimero

chakadaro" akadaro Saseka onyepa hake oedza

kuda kuchengeta hupenyu hwake akamirira

Chama nekuti ainge azvipira kuva mudzimai

waChama saka munhu aimushaisa mufaro aiva

ndiye GZ.

"Wagona basa so hapana zvaakuita here?"

Ipapo Saseka ndipo paakairasa akabva ati

haana zvaainge aitwa, achibva anzi.

"Kana zvakadaro zvanaka nhasi ndoda

kuzvionera huya nditevere" akadaro murume

ainge afunga kuda kunyepedzera kurara naye iri

nzira yekuda kuona kana Saseka asina

kutorerwa humhandara, izvo zvinhu zvaanga

anguri aona asi aida kunatsobata chokwadi.

Vapinda mumba vaviri Saseka haana kukwanisa

kuramba sezvo aiziva kuti munhu wacho kana

asvika panguva yekuuraya haana nyena. Akaita

kumukurura panty ndokumuradzika, apedza

kudaro akanyepedzera kuita seanga akurura

bhurukwa kuti jonh avhure gate. Zvadaro

chaakaita akabva atuma chikumwe chake

chepakati kuti anzwe kana mukoko uchine

huchi husina mazana, ipapo ndipo pakaresveka

zvinhu zvese. Chikumwe chiye chakaitawo

sechinengozi nachoo nekuti chakasviko

dzimbira chironda apo Saseka akabva awaruka

pamwe nekuyuwira kuratidza anga arwadziwa.

"Nxaaa watove muvengi wangu haukodzeri

kurarama iwewe, wakarara naChama wapedza

wonyepera inini kuti hauna zvawaitwa" Akadaro

GZ nezwi rine hukasha achibva pamusoro pa

Saseka uku achipukuta ropa nehembe

dzaSaseka. Haana kutaura zvakawanda kana

kumirira mhinduro kubva kuna Saseka, chinhu

chaanga ofunga kuuraya chete. Akadana

muchengeti wake kuti auye atore Saseka

anomupinza muroom maiurairwa vamwe aida

kuvauraya vari vaviri na Chuvukelo. Muchengeti

akauya akasvikoita zvekutakura mwana sikana

kwave kuenda naye kunomuvharira achibva

asiya amusunga maoko.

GZ akabva anopinda muimba yavaiitira meeting

yavo, akabva ati kuna Chivhuna "Hapachina

chekumirira apa mhanya unotora kamupfana

kaye tigare tapedza nevaviri ava" akadaro GZ.

Chivhuna akatora mota yake ndokuenda

kuchuru, akatora nguva yakakodzera kuti

asvikeko. Asvika haana kuda kuita nguva

yakareba akatora mukomana kwave kubuda

naye haana kumusunga sezvo aiona kari

kamupfana kwaari. Chuvukelo paakapudwa

naye akabva aita masign ekuratidza kuti arikuda

kurasa mvura, akanzi arase ipapo asati apinda

mumota. Akati achirasa mvura kudaro pfungwa

dzake dzaimuudza kuti tiza asi paakaona

musango muine vanhu vaiita semiti vari

vachengeti akabva adzikama. Akarasa mvura

akaita zvekutumba semunhu wechikadzi

abatwa nekuda kurasa mvura ari mudhorobha

apa akapfeka bhurugwa kunge murume,

munongozivawo hunhu hwevakadzi ndiwo

maitiro akaita Chuvhukelo. Apedza akanopinda

mumota, Chivhuna akamutsa mota kwave

kubva panzvimbo kudzokera kwaanga abva.

Asvika patara ada kubuda munzira yevhu oda

kupinda mutara, paiva njanji iripo inotevedza

tara saka kwakauya chitima chakabva

chamutangira kupfuura, achbva amira. Ipapo

Chuvukelo kakabva kaona uri mukana

wekushandisa. Paye pakarasa mvura

kakatumba kane dombo rakakanhunga zvisina

ani akaona saka ndiro rakakafunga kushandisa

ipapo.

Kakatarisa widow rekumashure kakaona ririro

ringakurumidza kupwanyika. Kakazviita nguva

diki kakaita kuposhera zvine simba uku

Chivhuna anga akatarisa chitima, chatopfuura

paakada kuti achipinda ndipo paakaona

kumashure kwashama mupfana asisimo

mumota abuda ave kutiza. Akatarisa panze

kwave kukaona kari chinhambo kachimhanya,

akabva abuda aine pfungwa dzekuti pamwe

achakabata akaedza kukadzingirira akakatadza

zvekuti akapedzisira afonera GZ kuti atumire

vanhu vazomubatsira kutsvaka. GZ achinzwa

nyaya iyi nehasha naye akabva abuda

nemamoya ese kwave kusiya rimwechete iro

raakati richengete pamba. Dzakabuda mota

mbiri dzikanopinda musango kunovhima

Chuvukelo, vakavhima kusvika vaneta.

Vazoneta ndipo pavakaona kuti zvirinani

vadzoke kumba vaizoita rimwe zano. GZ anga

oda kunopedzera shungu dzake kuna Saseka,

kuti atsamwira Chivhuna zvaisaita nekuti

aimutya.

Vasvika kumba akananga muroom manga

masara Saseka ndokuwana angori machira

chete. Akatsvaka muchengeti uye anga asara

akamushaya, rume rakadzvova sebhuru

rabayiwa nenyanga yerimwe bhuru, kuri

kuchema kumbai ridza mhere chaiko.

End of Chapter
Chapter 13

Kuronga kwakaitwa na GZ paakatuma Chivhuna

kunotora Chuvu. Zvese zvaiva munzeve

maSaseka sezvo room yaanga ari yaiva pedyo

ne room yaiitirwa meeting. Akaona pake

pamuperera kuti abude mumba umu

maisabudika nekuti anga akakiyirwa.

Hapana munhu asingazivi kuti kudenga kuna

musiki anova iye muridzi wedenga nepasi

nezvese zviri munyika. Kana zvinhu zvichinge

zvaoma ungava uri godobori, chidhakwa,

pfambi, mhondi kana mbavha. Kana uri

panguva yakaoma mwari unovarangarira chete,

ingava iri Shumba hongu haitaure zvayo asi

kana yave nenzara inovhima chipenyu kuti

iwane kuguta. Munamato wayo ipapo kuti

mwari ayibatsire ikwanise kumutsa imwe muka

iyiuraye iwane kuguta. Iyovo mhuka kana

ichinge yaona Shumba painotiza paye

munamato wayo kuti mwari vaibatsire kuti

isaurawa. Minamato miviri yakafanana inoenda

kuna musiki asi vachadaira umwechete pakati

payo.

Ndizvo zvinova izvo zvaiva pakati paSaseka

pamwe na GZ. GZ ainamata kuti akwanise

kuuraya vaviri ava kuti huipi hwake husabuda

pachena, Saseka nayewo ainamata kuti abude

mukanwa meshumba kuti asaurawa ndiyo yaiva

mhuka isiri Shumba. Pakazobuda GZ afonerwa

na Chivhuna kuti atume vamwe vachengeti

vazomubatsira kutsvaka Chuvu, iye GZ achibva

aenda pachake dziri hasha dzanga dzamubata.

Saseka paakanzwa mota ya GZ yotinhira

akanyemwerera akazviudza kuti zvake zvinenge

zvaita. Zvadaro haana kuita dzungu akatanga

kusunungura tambo iye kumashure zvinyoro

nyoro kusvika ya sununguka. Apedza

kusunungura akabva adanidzira "Ndiyani ari

pedyo andipewo mvura yekumwa" akadanidzira

kudaro.

Muchengeti akanzwa kutaura ndokusvedera

pedyo kuda kunzwa zvanga zvichitaurwa

zvacho. Akazvinzwa Saseka kuti pane mutsindo

wekufamba kwemunhu ainge asvedera pedyo

naye saka akabva adanidzira zvakare

"Ndokumbirawo mvura veduwe ndatsva"

akadaro

"Unomwa mvura iwe uchida kufa here? Dzikama

uko" akadaro muchengeti uye.

"Usadaro iva nemoyo wekubereka chero ndikafa

hangu asi wandibatsira makomborero iwayo,

ndokumbirawo chero shoma shoma zvayo"

akadaro Saseka. Muchengeti uye akanzwa tsitsi

ndobva ati ari kuzomupa.

Akanochera mvura yacho ndokudzoka mumba,

akakinura goni kwave kusiya bargla "ooh"

akadaro achitambidza akamira nechekunze.

"Nhai Gede ndoitambira sei mvura yacho handi

ndakasungwa here? Apa andisunga wacho

ndiwe, pinda undimwise unobvei?" Akadaro

Saseka. Gede akabva aseka hake achikinura

bargla "Ndaiti pamwe zvamuri varwi vakuru

munogona kusunungura ka oooh" akadaro

Gede anga atopinda mukati oda kumwisa

Saseka mvura. Bhutsu yaakapihwa kuzasi

kusikarudzi uku haina kumira mushe, rakabowa

rume uku rakabata zvombo zvaro. Yakauya

imwe bhutsu kumusana ndobva Gede amira

zvakanaka uku achiratidza kuti adhakwa

nemabhutsu, akaphihwa yekupedzisira

nechemuhuro pedyo nenzeve achinoti tunye

pasi ndiye zii.

Yanga yabvuta rekeni zvino shiri, hungwe.

Akabuda Saseka ndokunopinda muroom ma GZ

akasviko kinura box rake PIN anga achiiziva,

apedza akaunga mari yose yaivamo kwave

kuiisa mubag, akatora makey emota yaaiziva

yaidisiswa na GZ kwave kubuda kunopinda

mugarage maigara mota dzese. Akasvikopinda

mumota macho nekubuda achiita kuidzvovisa

ikati yaiva mota svinu yakada kufanana

neinodada na prophet vaye vaye mavazivaka?

Ehe ivovaye. Abuda pamba chinhu chakatanga

kuuya mupfungwa dzake kutiza akananga

kuChilombo kunerimwe dhorobha, kwaiva

kusina hama yake asi aiti anonozvionerako

sezvo naye anga asina hama yaaiziva. Akaona

kuti kana akagara pedyo musi waanobatwa

chete aizourawa, uye akaona kuti akatanga

kuenda kumapurisa zvaisaita nekuti ese ainge

asisama chenesi aiona vese vari vashandi va

GZ.
Mota ikati yaimbururuka se gondo raona nhiyo

iri kure naamai vayo roda kunobvuta nhiyo,

munongoziva zvaroita mese ndiwo mamhanyiro

aiita mota yaiva na Saseka. Akarova mota

musikana akatora nguva yakakodzera kuti

asvike muChilombo, asvika akabva aona board

revanhu vaye vanoita zvekugadzira mota

akabva atora number dzavo kwave kuvafonera.

Ane zvaanga afunga, afona vakadaira achibva

avabvunza "Ndatora# dzenyu ndichida kuziva

kuti zvamogadzira mota munokwanisa here

kusearch mota kuti ine tracker zvese

nekuichinja rudzi?" Akabvunza.

"Hongu ibasa diki iroro togona kutora

maminutes mashoma kana isinganetsi, asi

kuchinja rudzi ndiko kungaita nguva" vakadaro

vekugadzira mota. Akavaudza zita remota

yacho vakamuti tichaona asvika ngaauye.

Vakamuraira nzira yacho akaenda paiva pedyo

uye pakashosherwa nevachengeti panhu pacho.

Asvika akatambirwa zvakanaka vakati vaizoita

basa racho aripo ozoenda hake, akatenderana

navo sezvo anga aona pakachengetedzwa asi

mumoyo anga ane kutya kuti anogona

kuwanikwa.

Ukuwo Chuvukelo paakabuda mumota

akapinda musango akamhanya se tsuro iri

kudzingiriswa nemazimbwa mahombe ichimbo

pekura besu voona kuti nzvee kuchena asi

vachizoona rima mushure mazvo. Kakamhanya

kusvika kano pota seri kwegomo, kakaita

sekakwira gomo izvo ayewa kakangoti pote

kwave kutiza kakananga gomo rimwe rakaiona

se riri pedyo izvo bodo paiva nemufambo

zvekuti kainosvika ikoko makumbo azvimba.

Vana GZ vakasvika vakatenderera negomo

kukwira gomo vachifunga kuti zvimwe kangava

kari imomo asi vakakashaya ndipo pavakabva

vadzokera kumba.

Chuvukelo hakana kumira kuvhura nhanho

dzako kaimhanya kupepereka se hoto iri

kutorwa nemhepo. Kakasvika pakuneta kasati

kasvika kugomo apa zuva rainge rorereka

kunopinda muna amai varo. Kakafunga

kuzorora kachibva katsvaka pakaizo zorora, kari

mukuringa kuti kawane pekuzorora kakabva

kaona pamwe paiva nemucheka muchena

kakafunga kuti zvimwe pangava paine vanhu

vanopinda Johan masowe. Kakanyahwaira

kuendako ikoko, kave penyo kusvika pane

musungo wakakatsika kachibva kabatwa

makumbo kakazoona kave mumhepo

makumbo mudenga musoro pasi.

Sango iri rakanga kapinda raigara vanhu asi

vanhu vacho ndevaye vaipfeka matehwe se

mazulu asi vanhu vacho vaiva verwumwe rudzi

rwusiri rweShona. Vanhu vacho vaiteya

misungo yavaiteya mhuka dzichibatwa

makumbo maviri emberi zvekuti hadzaisa

kwanisa kudambura. Uye vaiti kana vakateya

musungo wavo vaigarira vari mumuti kusvika

kwavira kana kuti vachinge vabata. Saka

kubatwa kwakaitwa Chuvu nemusungo uyu

zvakanzwikwa nemuridzi wawo uyo akabva

aburuka mumuti achinoka sunungura. "Ndiwe

ani iwewe uye urikudei musango munomu?"

Akabvunza murume uye achitaura chirudzi

chake che Xangani.

Chuvu chakapindura "Ndiri kutandaniswa

nevanhu vari kuda kundiuraya ndokumbirawo

rubatsiro" chakapindura nerurimi chairwo

rwakainge kabvunzwa narwo. Rume rakanzwa

hasha dzichiuya kwave kukwira mumuti rikatora

miseve yaro zvombo zvaro zvese kwave

kuburuka. "Hande tivachingamidze vanhu vacho

tipedzerane, handina mwana anoshungurudzwa

ndichiona uye ari werudzi rwekwedu." Rakadaro

rume riye mushure mekunge ranzwa Chuvu

achitaura Xangani rakaona itori hama yaro.

Roda kufamba kunanga mativi anga

anongedzera Chuvu kuti ndiko kwakabva.

Chuvu kakabva kabata rume riye rwooko

"ayewa ngatisaenda ikoko vasiyei tinonofa

vanhu vacho vane pfuti" akadaro Chuvu.

Achinzwa zvadaro murume uye akafungidzira

kuti zvimwe vanhu vacho angava ari mauto

enyika, akafunga kuti zvimwe ane pfuti

dzehondo saka akabva atorana nachuvu kwave

kuenda naye kwaiva nebhiza rake, mucheka uye

wakatorwa zvakare kuendwa nawo. Vasvika

panebhiza vakakwira vese ndokuritasva

vakananga kumativi ekwaigara murume uyu.

Rakatsika pasi bhiza vakaita kanguva

vakazonosvika zuva richangonyura, kumavirira

kuchiri kwakatsvuka. Vasvika pamba pacho

panga pane dzimba dzemauswa chete dziri

dzeround pasina kana imwechete zvayo

yemarata. Aburuka pabhiza Chuvu, zvana

zvepamba apa zvakatanga kuuya

zvichimuunganira zvoyeverwa naye akati anga

akatsvuka kusara padiki kuita murungu. Zvana

zvakazorega kumuteverera mushure mekunge

zvavhundusirwa nemurume uye.

Akazoendwa naye muimba maigara vamwe

sekuru vairatidza kuti vaiva kuzvima 60 years

ikoko. Vapinda vakawana vakagara mumba

vakafunya chisero, chuvu achipinda akabva

aona muine zvombo zvekurwa zvakafanana

nezvaaiona mumba mababa vake. Akango

karuka anyemwerera.....

End of Chapter

Chapter 14
Kubuda kwakaita Saseka arova Gede, Gede

akaita nguva akarara pasi ainge afenda.

Mushure mema minutes anokwana kuita iwo 45

ndipo paakazomuka, akatarisa muroom

maanga ari akashaya kuti ainge arikupi? Njere

dzinenge dzanga dzarasika. Mushure me 5

minutes dzakazo dzokerana akaziva kuti ndiye

anga asiiwa pamba achinzi achengete pamwe

nekutarisa Saseka asatiza. Paakafunga kudaro

akaziva zvainge zvaitika zvekuti anga atambwa

yakapenga nemusikana. Akatenderera imba

yose achifunga kuti zvimwe Saseka angava

achiripo, paakamushaya akaona kuti pake

panogona kumuperera kana GZ akawana

pasina Saseka.

Pfungwa dzakauya maari ndedzekutiza asi

akatanga apinda muroom maigara zvombo

ndokusviko tora banga rimwe rine zvinhu

zvakawanda zvaicheka, rine chinovhura drink,

tinned fish, nezvimwe zvakasiyana siyana.

Aritora azvicheka padivi pemascle, akambo

buda ropa asi semunhu anga ane chinangwa

chaaiziva kuti chaizomuponesa akashinga

kusvika zvaaida zvaita. Akabvisa tracker

raivapo apedza haanda zvakawanda zvaakatora,

akango kwanisa kutora zvombo zvaaida kuti

zvizomuchengetedza kana pakava neanoda

kumurwisa.

Akabuda nehembe dzaanga akapfeka dzega

sezvo ainge otyira kuti angawanikwa achipo

achirongedza. Akabuda akananga ku N4 imwe

yaiva neche kuseri kwedhorobha yaienda

kunedzimwe nzvimbo. Asvika akatanga kumisa

mota, haana nguva yakareba yaakatora

akamirirwa ne gonyeti achibva akwira

ndokuenda kwaraienda.

GZ paakawana pamba pasara nzvimbo chete

vanhu vaanga asiya vatiza. Akamboda

kushandisa hasha asi akaona kuti hadzina

zvadzobatsira pane kuti aite zano rekuti abate

mhandu dzake nguva ichiripo. Akatanga

kutsvaka vaviri ava nemushina wake sezvo

aiziva kuti vanema tracker. Chimwe chinhu

chaaifunga ndechekuti paakawana vaviri ava

vasipo akafunga kuti vanogona kunge vatiza

vese. Akatora laptop yake ndokunogara

muroom make ega akatarisa akanga kuona

tracker ra Saseka rakamuratidza kuti ndiro

ranga richiri kuratidza kuti riri pamunhu achiri

kufema mweya wepanopasi.

Ra Gede akaona rakadzima uku ichiratidza kuti

iripedyo pamba pake, akabva a connecter pa

foni yake ndiyo yaaida kuti afambe nayo

ichimuratidza kune vanhu vake.

Akaita ma settings ese apedza akatarisa

location ine tracker ra Saseka ndokuona kuti

raiva chinhambo kubuda muZilonga. Akasecha

nzvimbo yacho iyo yaakaona akaiziva nepaiva

na Saseka wacho akabva anyemwerera

ndokutora nhare yake ndokui tokonya tokonya

achitsvaka # dzaaida kufonera. Yakarira

kanokwana katatu nhare ikazodairwa

"Mumwewangu" akadaira achidaro mufonerwi.

"Ndeyipi JK ndine mhuka yangu yanditiza kuno

ende iri kuzviratidza kuti iri paarea pako ipapo

wamboiona here?" Akabvunza GZ.

"Handisati ndaiona, munhui?"

"Musikana uye wekumboti chinjira station paye

tichiona movie" akadaro GZ.

"Ko aita sei futi? Ini ndiri muoffice mangu mira

ndione kana asvika pano" akadaro JZ iro ndiro

zita raaideedzwa naro nemumwe wake GZ iye

zita rake chairo achinzi Jekeleza Zamazama.

Akadongorera nepa window achibva amuona

Saseka akagara pamumvuri uku achiringa ringa

seanga ane chaaitsvaka.

"Yaa ndamuona anenge iye akagara

pavakomana apo ndanga ndisati ndamuona"

akadaro JZ.

"Yaa saka zvaita iwe chiita kuti asakuona nekuti

anogona kukuziva, ingoudza vakomana

vamuringe asabuda" akadaro GZ.

Havana kuzotaura zvakawanda vaviri ava nhare

yakadamburwa. GZ sezvaanga aziva kuti

Saseka kwaari haana kwaaizoenda saka akabva

atarisa pairatidza tracker ra Gede. Akafamba

nemba achitarisa kusvika apinda muroom

macho ndokuwana ingori tracker chete munhu

musina, "Shit!" akadaro achibuda kuenda

kwaiva nevamwe vake akawana vakagara

muroom mavayiitira meeting.

"Gede anenge asara akafuririka nepfambi iye

akaisunungura iye achibva atizawo, apa abvisa

dumwa hameno kwaaenda. Zvavapo apa tave

nevanhu vaviri vasina ma dumwa vatofanira

kutsvaka kusvika tavawana.

Kamupfana kaye pamwe na Gede. Ari kubata

vanhu ava ndiri kumupa US$500, kana

anovawana vese vari vaviri ndiri kumupa

US$1000 cash" akadaro GZ.

Machinda ake ese akazvipira kuti aizotsvaka

vanhu vacho sezvo vaiziva kuti ndiro basa racho

ravakazvipira uye raivapa mari. Vakapihwa

mazuva maviri kuti vange vadzoka nevanhu ava,

munhu asina kusarudzwa pakutsvaka vanhu

ava ndiChivhuna ega sezvo anga ariye

muchinda mukuru pane machinda ese ndiye

aifamba ari pedyo naGZ mukuru wavo. "Iwe

Chivhuna uri kundiperekedza kwaJekeleza

tinotora Saseka" akadaro GZ.

"Ndiko kwaari here?" Akabvunza Chivhuna.

"Hongu ndiko kwaari ndatoudza vakomana veko

kuti vasamurega achibuda." Akadaro GZ.

Chivhuna na GZ ndivo vakatanga kubuda

kuenda kuChilombo kunova iko kwaiva na

Saseka, vakaenda nemota imwechete ya

Chivhuna. Zvekuti mota yake yaanodisisa

nemari yese yaiva mumba zvainge zvatorwa

haana kuzviona. Vakatora nguva inokodzera

kuti vasvike kuChilombo kumba kwaJekeleza,

vasvika vakawana gate rakavharwa zvishoma

kuratidza kuti nguva yekuti vashandi vachaise

yainge yakwana.

Kuvhurwa kwanga kwakaita gate vashandi vepo

vairatidza kuti vanga vane vanhu kana munhu

wavanga vakamirira kuzopinda vazovhara

pamwe nekuchaisa.
Zazati nayewo musi waakafonerwa na Chama

haana kukwanisa kudaira nhare yake nekuti

anga ari mubishi kutamba mutambo wekusika

vana nemudzimai wake. Pavakapedza

akayeuka kufonera mumwe wake back asi

airtime anga asina, akaita call back ikapinda asi

Chama haana kufona anenge anga asina kuiona.

Mukadzi wa Zazati aiva munhu aida mutambo

wekusika vana zvakanyanya zvekuti aisada

kuona Zazati akapfeka hembe dzekurara aibva

afunga kuda kupakura nambureti. Ndizvo

zvaakaita ipapo paakaona kuti Zaza ainge

apedza zvaanga achiita pafoni yake akabva

atanga kumunetsera kuti apakure nambu,

Zazati akaita zvido zvamumwe wake apedza

ndipo paakazofunga kuenda kumba kwaChama

anepfungwa dzekuda kunoona kuti angava

anga achidei nenguva dzaanga afona nadzo ivo

vanga vabva kumafaro husiku?

Akatora motokari yake ndokupinda munzira,

adzimai anga avasiya kumba. Akatora nguva

yakakodzera kuti asvike pamba paChama.

Asvika akawana pakavharwa. Akayedza kuridza

bhera remota asi hapana akadaira sezvo panga

pasina vanhu, akabva afunga kunotenga airtime

aite zvekufona. Akamhanya kunosvika

kudhorobha muVhumani, asvika akatenga

akajusa kwave kufona foni yaChama yaisapinda

yaingorova voice mail. Paakaona zvadaro

akabva atyaira motokari yake akananga

kukamba uko kwaakati achisvika pagate

pachibuda mota imwe yaakafananidza akaziva.

Akanopinda mukati ndokusvika muoffice maiva

nemukuru wemo uyo akabva ati kwaari

"Ndingaku batsirai nei?" Akabvunza.

"Ndokumbirawo kuona vasungwa vamabata

nhasi" akadaro Zaza.

"Vanhu vatasunga nhasi?" Akabvunza mupurisa

uye achiita kunge haana chaari kuziva.

"Hatina vanhu vatasunga nhasi isusu uye

muchitokisi medu hamuna vasungwa saka imi

muri kureva vapi?" Akabvunza kudaro.

Zazati haana zvakawanda zvaakazotaura

akangoti "zvakanakai" ndokubuda mukamba

akanopinda mumota yake ndokuyitsika

kudzokera kumba kwake haana kuzotsvakana

nezvakawanda, akazviudza kuti kana

vavekumuda vaizomufonera.

Akati ari mangwanani wezuva rinotevera

akamuka kuseni akaita zvinoitwa kana munhu

achinge achangomuka. Apedza akanogara

mudining uku aka batidza TV achifunga nezva

Chama chete, ari mukufunga kudaro akafunga

kufonera Zola. Akaita sekudaro asi foni yaZola

nayoo yanga yakadzima sezvo nayewo anga ari

muchitokisi maiva nevamwe. Nguva dzafamba

dzainge dzava nguva dzaaiziva kuti kana

akavhura channel yaaiziva yaionesa zviri kuitika

kunotongwa vasungwa vachipihwa mitongo

yavo. Akavhura channel yacho ndokuita

masanga nenguva yaitongwa vakomana,

akashamisika kuvaona vese varipo Chama na

Zola.....

End of Chapter

Chapter 15
Akasvika pamba pasahwira wake aine mufaro

une huipi mukati. Afungidzira kuti zvimwe ainge

agwanda win izvo ayewa. Asvika pamba

pasahwira wake akafona achiudza mumwe

wake kuti ainge asvika.

Jekeleza akabaya remote yake gate

richinovhura mota ya GZ ikapinda mukati.

Apinda gate rakabva ravhara, ziso raGZ

akarituma chivanze chese kutarisa Saseka asi

haana kumuona. Akafunga kuti zvimwe kune

kwaendeswa, akananga kuoffice kwemumwe

wake. Akaita knock akanzi apinde "Sahwira

handisi kuona munhu wangu panze apa

usandiudza kuti atiza" akadaro GZ. Pfungwa

dzekutarisa pafoni yake kuti azive kune tracker

ra Saseka hadzina kubvira dzauya maari.

"Angaendepi aripo panze apo hande kwaari"

akadaro Jekeleza.

Vakabuda vaviri vakatungamidzana kuenda

kwaiva nevashandi vake. Vasvika vakawana

munhu wavaida asipo "Ko munhu wandati

musarega achibuda aripi?" Akabvunza Jekeleza.

"Abuda nemota yake apa yatapedza kugadzira

aenda na Tabwera ati izvoni ane zvaari

kunotenga mutown" akadaro muchinda wa

Jekeleza. GZ akatanga kubuda dikita pamwe

nekudedera nehasha, ainge atoona madhiri ake

ese aenda kudondo. "Ko imi munozonzi munhu

ngaasabuda mosiya achibuda hindava? Ko iyo

mota yaabuda nayo ndeyani?" Akabvunza

nenzwi rine kakubhowekana maari zvekuti dai

anga ari mushandi wake angadai adyevhu.

"Auya nemota yake pano achida kuti tiyi scratch

pamwe nekubvisa tracker. Ndiyo mota

yatotiitisa mari ati anodzoka" akadaro

muchinda ayibvunzwa wacho. GZ paakanzwa

mashoko aya ndipo paakayeuka kutarisa

mufoni make akaona dumwa ra Saseka

richitaura kuti harisisiri munyama ranga rakaita

zvanga zvakamboita ra Gede paakabvisa rake.

"Nxaaa vashandi vako Jekeleza dai varivangu

vese ndaipedza kudyisevhu. Hapasina munhu

wangu wandichawana apa hona" akadaro GZ

achiratidza Jekeleza foni yake kuti aone

zvaitaura dumwa ra Saseka.

Jekeleza achiona zvadaro akabva ati "Mira

kuwanza hasha pamwe a...." Haana kupedza

zvaaida kutaura akabatwa muromo nemashoko

aGZ ayo akaita kuti Jekeleza asafara nazvo

"Usandi dzikamisa JZ hona zvandiri kukuratidza

hapana munhu achadzoka apa.

Asi sei uchidaro iwewe unoziva wani kuti ndiri

panguva yakaoma munhu iyeyu wawasiya

achienda anogona kundipinza panguva

yakaoma.

Izvozvi ari kunzi abuda nemota apa haana mota

munhu iyeye zvese nemari pamwe atora

midziyo yangu, ndakuudza iwewe Jekeleza kuti

usamusiya achibuda iko zvino chachii manje

ichi?" Akadaro GZ ainge opopota zvekuti panga

pasara padiki kuti abudise pfuti, asi akatya kuti

haasi pamba pake ari kumba kwevanhu

aizopinda panguva yakaoma ndiye.

"Hauzotauri uchipopota ka bhururu, pano

ndepangu hapasi pedu. Unofunga kuti

ndingakuitira hutsinye here inini?

Usada kuti ndibudane newe uri mumwe wangu

iwewe zvekurwa newe handidi. Chinhu

chandingaita pano kukubatsira kutsvaka munhu

wako, asi kana uchitaura sekudaro

ndokubatsira sei?" Akataura kudaro Jekeleza

akapfavira nezwi riri pasi pasi. GZ paakanzwa

mashoko ekurwa aitaura nemumwe wake

akabva adzikama kupeta mwise sembwa yaona

Shumba. Aiziva kuti mumwe wake haana

kumira mushe panhau dzekurwa. Vakataurirana

vakaudzana kuti vaizo batsirana kutsvaka

Saseka. Akazobvunza zita remota yanga yauya

na Saseka achibva audzwa.

Akaita seachafenda paakaziva kuti mota yainge

yatorwa ndeyake. Hazvina zvazvakashanda

yainge yatorwa yachinjwa zvese mota yaenda.

Vakarongana nenguva diki vese vachengeti va

Jekeleza naye JZ wacho, vakabuda vese

vakagadzirira semauto ayienda kuhondo.

Vabuda gate vave munzira Jekeleza akaedza

kufonera# dzaTabwera jinda rake iro rainzi

ndiro rainge rabuda na Saseka. Foni yakarira asi

haina akaibata, akasiyana nazvo ndokunanga

kwaiva ne donhwe retracker ra Saseka.

Saseka paanga akagara pasi pemumvuri nguva

dzaakaonekwa na Jekeleza iye akamuonawo

asi haana kuda kuzviratidza kuti ainge amuona,

akabva aziva kuti ndawira mukanwa meshumba

zvakare saka akazviudza kuti ari kufanirwa

kuita zano rekuti atize pasati pashata. Nguva

dzaayi ringa ringa anga achitarisa kuti kana

zvikamuomera aizobuda nepapi? Mota yake

yakagadzirwa achiruka zano rake, akaita rombo

rakanaka tracker remota rakakurumidza

kuwanikwa richibva rabviswa. Tracker iri

raisava connected nemishiini ya GZ asi yanga

ine connection nekwaakatenga mota saka kuti

iwanikwe zvaida kuti GZ abate vanhu vacho

vabatsirane nevemutemo kuitsvaka. Mota

yakachinjwa rudzi nenguva pfupi nhatu

dzekunodoka kwezuva dzakasara kunochaya

vakomana vapedza basa. Pane pakadeedzwa

Tabwera nemukuru wake achimuudza kuti

ngaasasiya Saseka achibuda. Zvese izvi zvaiva

mumaziso aSaseka akagara paainge agere.

Vari mubishi kumurongera naye anga

achirongawo rake zano.

Paakaona kuti mota yake yapera kuitwa zvese

zvaaida akabvunza kuti imarii yavaida.

Akaudzwa mari yacho haana kuchema chema

akabudisa chaiyo yavanga vataura hapanoi

pakuti achiti ave kuenda ndipo Tabwera akabva

ati "Ayewa hamubvumidzwe kuenda kana

mukuru asina kusigner mapepa ebasa rataita,

ndokumbira mumire kwema minutes mashoma

ati ari kuuya" akadaro achinyepa hake. Haana

kuziva kuti ari kutamba nemunhu anoziva

matsotsi.
"Hapana chakashata kana pano paine pekurara

muchatondipawo room kwanhasi chete ndirare

ndozoenda mangwana.

Asi parizvino ndine mapiritsi andoda kunotenga

mutown umo kana zvichiita

mungandiperekedza imimi tonotenga todzoka

tese hazviiti ndirare ndisina kumamwa" akadaro

Saseka. Tabwera akairasa ndiye, akabva audza

vamwe vake kuti aizodzoka ngavasare

vachipedzisa mota yanga ichigadzirwa ipapo.

Ndiwo mabudiro akaita Saseka iwayo.

Vakatsika mafuta vakananga mudhorobha apo

akasvika akamisa mota pedyo nechipatara

chaivapo chachiremba asiri weruzvinji (Private

Doctor). Akaudza chiremba dambudziko rake,

vakamboda kuramba asi mari munongoizivawo

kuti ine chitema.

Vakazobvuma mushure mekunge vaiona mari

ichipenya segoridhe. Vakaita basa ravo vakaita

nguva diki diki kubvisa tracker. Zviye zvekuti

hee handibatwe garo nemunhu asiri murume

wangu unenge usati wasvika panguva

yachimbetu. Akaribatwa garo Saseka

nachiremba vakaita kuripfanya pfanya

vachirinzwa kuti richiri rakabatana harisati

ratambwa naro nevakomana ana juju veku

churuja. Apedzerwa ane piritsi raakatenga (drug)

raaida kuzoshandisa, haana kuzogara

akatakurana netracker rake akadzoka mumota

akawana Tabwera vakagara vakavarairwa

vasingaoni kuti munhu ave odzoka. Pfungwa

dzatabwera dzainge dzofunga zvekupinda

murudo nasaseka asi kuti amutange aitya

runako zvese nemari yaanga anayo haana

kuziva kuti yaiva mari yei?

Saseka asvika pamota akavhundutsa Tabwera

nekuvhura magoni emota, akaseka achipinda

mukati ndokutanga kuita nyaya. "Saka

wakaroora here iwewe?" Akabvunza Saseka

achinogara panyanga panogara mutyairi.

"Ayewa ndiri bhachura inini ndiri kutotsvaka

wekuroora" akadaro Taa, mashoko aanga

anguri akamirira ndiwo anga asvika. Dzanga

dzawira mutsvanda dzanga dzisingacha netsi

kunhongera kwaari mukomana.

"Wakazvichengeta wena. Zvisinei zvatave

kudzoka kwatabva tadii kupfuura tichinotenga

zvibhodhoro tizonodhakwa?" Akabvunza

Saseka. Tabwe ainge obvuma zvese nekuti

anga atapirirwa nemusikana aisaziva kuti

arikuda kutambwa yakapenga.

Vakabvumirana Tabwe ndokuudza Saseka kuti

aizofamba sei kusvika anosvika ku club imwe

yaiva muChilombo dhorobha raiva pedyo na

jekeleza. Vakatora nguva dzakakodzera kusvika

paClub, rwendo urwu vakapinda vari vaviri

vachimodhela semukadzi nemurume vari

murudo. Zuva rainge rarereka ratonopinda

muna amai varo. Vaviri vakapinda ndokunogara

pamatafura aiva mukati imomo, akadeedzera

doro rikauya rakadirwa muzvimwirwa zvaro.

Rasvika vese vakadhudhudzira kwave kudana

rimwe.

Rauya rwendo urwu Saseka haana kumwa

akasimuka ndokuti kune mumwe wake

"Ndodzoka rega ndimbopinda muchimbuzi

ndodzoka totenga chibhodhoro tinomwira

kumba" akadaro. Tabwera vakagutsurira

musoro, vakasara vachizvirova dundundu

pamwe nekuzviudza kuti vaizopedzera mwana

musi uyu. Saseka kuchimbuzi kwaanga aenda

hapana chaainzwa asi aida kunodira doro rake

piritsi riye. Akaita sekudaro apedza ndokubuda

kudzoka kwaiva nemumwe wake

achinyepedzera kuita seadhakwa. Asvika paiva

nemumwe wake akanyepedzera kumwa.

Zvadaro akabva ati "Pedzisa iri ini nditenge

chibhodhoro ndingadhakwa ndozotadza ku

driver" akadaro achitambidza Tabwe chimwirwa

chake chaiva nedoro iro raanga adira drug.

Akafamba kuenda kucounter akasvika

akabvunza mutengo wedoro chete haana

raakatenga. "Ehoi regai ndibvunze murume

wangu raanoda racho" akadaro achidzoka

kwaiva na Tabwe uyo waakawana akatsikitsira

pamusoro petafura. Haana kutaura naye

akatora tracker rake achinoriisa muhomwe

maTabwe ndokubuda kunopinda mumota make.

Asati ayimutsa akashamisika kuona mota ya

Chivhuna yakadungamidzana nedzimwe mota

dzaaisaziva dzichisvika paClub. Kungwara

kwese kwakapera apa anga azviudza kuti

apukunyuka asi paakaona zvadai akaona pake

pamuperera......
End of Chapter

Chapter 16

Vainge vakagara muchitokisi vachiita nyaya

varume vatatu vasingazivi kuti zvichazodini?

Nzvimbo yacho ikati yaitonhora munzvimbo

yavanga vari manga makaita kunyorovera. Zuva

rakasvika pakudoka varimo hapana weukama

akauya nechikafu. Vakarara nenzara kusvika

kwanoedza, kwaedza vakamutswa neruzha

rwegoni rechitokisi rovhurwa.

"Varume nhasi ndozuva renyu

ramunonosangana nemitongo yenyu saka budai

tiende" akadaro mupurisa uye. Vakabuda

vakadungamidzana mapepa avo ainge

atonyorwa nyorwa kudhara. Vakanonzi

vanopinda mumota uku vakasungwa, Chama

akaringa ringa akaona mumwe wake asipo

akabvunza

"Ko handi makatisunga tiri 4 ko mumwe wedu

aripi?"
"Unobvunza sewakauraya naye vabereki

vemumwe munhu nei? Wave musungi here

kana musungwa iwewe unobvunza zvisina basa?

Pinda mumota uko." Akadaro mupurisa uye

achisundidzira Chama.

Hasha dzakamubata Chama bhutsu yakapihwa

mupurisa haina kumira mushe

akazongonzwikwa ogomera ave pasi. Mamwe

mapurisa akauya kuda kubata chama, pakaitika

mhere mhere pakamba mapurisa

achizvamburwa nemunhu akasungwa. Akazo

nyangirwa nemukuru uyo akamurova ne sure

kwepfuti pamwe nekumubata maoko

akanomupinza mumota "Ndinoziva kuti nyaya

yatongwa kare iyi hakuna dare

randinonobudirira asi motonamata kuti

ndinofira kujeri ikoko ndisanobuda.

Kana mukangoona ndabuda muchazviona kuti

ndiri munhu akaita sei? Zvandakuitai apa

zvishoma muchaona henyu ichakwana nguva"

akadaro Chama ave mumota hasha dzichiita

kumukurura achitadza kuzvidzora. Mupurisa

akavhara door pamwe nekukiya achitaura

"Nevanhu vawakauraya hapana jeri rauri kubuda

uchanofirako" akadaro mupurisa uye.

Kwaiva kutaura kwemunhu mukuru kusada

kuzviratidza kuti haana kupinda tsekwende asi

anga anyura mukati mekutya mashoko aChama.

Yakarohwa mota kubva pakamba vakananga

kumatare, varimo mumota vakomana Zola anga

akanyarara uku akatarisa mumwe wake Chama

achimushaiwira kuti ambori munhu akasikwa

sei? Nehasha dzaanga anadzo dzaisamufita

ende hapana munhu aikwanisa kumubata kana

agumbuka angava ari sahwira wake kana ani

zvake.

Achiri akamutarisa akabva ataura naye "Chama

nezvawaita izvo watadza kuzvibata here wangu

unoziva here kuti ndeimwe mhosva iyo

vangotadza kukuudza chete asi uchanzwa tave

kumatare yotaurwa nyaya iyoyi" akadaro Zola.

"Vanhu ava vakatengwa kudhara nyaya yedu

yakatongwa kudhara iyi. Unoti dai zviri

zvemutemo patabuda kuchitokisi tingadai tisina

kupihwa nhare dzedu tofonera hama pamwe

neshamwari here? Vasiye vaite yavaita inguva

chete.

Ukangoona rwendo rwuno ndavharirwa kaa

pandichabuda ndichaita zvisati zvaitwa

munyika ndiri ndega handichadi kupinza vanhu

panyaya dzangu.

Izvozvi Zazati aripi kutadza kana kunditsvaka

apa anoziva kuti tiri panguva yakaoma

ndamufonera haana kudaira foni?" Akadaro

Chama misodzi yoyerera dziri hasha. Zola

haana kuzopindura mota yanga yasvika

kwayaienda. Zvaizviratidza zvega kuti nhau

yevakomana yainge yakatongwa kare nekuti

pavakasvika mapepa avo ainge atogadzirwa

kudhara ndivo vaitova pekutanga vese vari

vatatu hapana anga aine mumiririri wake. Nyaya

yakanzi geje padare mheja vakabvunza

"Solomon Gopito nevamwe vako vaviri ava muri

kubatwa nemhosva yekuti makauraya vabereki

vemwana komana Chuvukelo Masingita.

Mapedza makanorasa mitumbi yavo kwaisina

kuwanikwa. Uye muri kunzi mapedza kudaro

pamakaziva kuti nyaya yave kune vemutemo

makabva manouraya mwana wavo Chuvukelo.

Zvakare muri kunzi marova mapurisa kutaura

kuno vari kunzi vari kuchipatara vakakuvara.

Ndizvo here izvi?" Vakabvunza mheja.

"Akandiona ndichiuraya ndiani proof yacho

ndeipi? Mapurisa hongu ndamatambidza

mugove wawo nekuti havazivi basa ravo"

akadaro Chama. Mheja vasati vapindura

kamudhara kaye kekutumwa na GZ kainge

karipo ndiko kakabva kasumuka.

Kungwara kwakaita kamudhara aka kakatanga

kurudunura mazita ese evabereki vaChuvu

kapedza ndokuzoti "Chiri kundirwadza mitumbi

yevana vangu, uye vakasapika jere ndinoziva

vachandiuraya chete nekuti ndiro basa ravo"

kakadaro kadhara kosvima misodzi.

Yakatongwa nyaya asi vana Chama ndivo

vakabatwa nemhoswa, vakaedza kuda

kurondedzera asi sevanhu vanga vasina lawyer

hazvina zvazvakashanda.
Vakapihwa mutongo hupenyu hwese vari mujeri.

Vakatinhwa varume vakanopinzwa mugumba

kumba, vakavharirwa imomo zvichinzi vari

kuzoendwa navo kujeri kana mamwe

mabhanditi apedza kutongwa ainge abva kujeri.

Vakagaramo vakasungwa makumbo zvese

nemaoko kuitira vasatiza.

Chuvukelo kubva paakasangana nevanhu

vaitaura chirudzi chake akanzwa kusununguka

maari zvekusvika pakuti arase pfungwa

dzekuda kuzvivanza kuti haataure sezvaanga

achiita kuna Chama. Pese paaiita seasingataure

ane zvaanga achizviitira aiziva kuti vanhu

vakauraya vabereki vake vaigona kuzomutsvaka.

Uye aiziva kuti zvaanga atorwa na Chamavhudzi

aizoda kumutsvakira hama dzake achishandisa

vemutemo saka akaziva kuti panogona kuzouya

hama dzenhema idzo dzaaizoda kuti Chama

azodzibvunza kuti mwana anotaura here kana

kuti haatauri? Kufunga kwake mupfana uyu

kwakaratidza kuti ndekwemunhu anezvanga

zvakamugara nekuti hama dzenhema dzacho

dzakauya zveshuwa dzichiedza kuda kumutora.

Ndozvezvimwe zvaakanyorera Chama paye

achiti abvunze mudhara uye wekuzorohwa

zvaanga asina kufungidzira.

Kusvika kwakaita Chuvukelo pamba pevanhu

vaitaura chirudzi chake ane zvaakayeuka

zvaakamboona kare achiri negumi remakore

kuti nzvimbo yaanga ari anenge akamboisvika.

Paakapinda muimba manga mune murume

wechikuru umo maakazona mune zvombo

zvakaita kuti anyemwerere asati aona huso

hwasekuru vanga vagere pasi vakapfunya

chisero. Sekuru vaye paakapinda vakasimudza

huso kumutarisa, vachimuona navoo vane

zvavakaona vakarangarira vachibva vati kune

muchinda uye anga auya na Chuvukelo.

"Ko mwana wa Mafiyosi wamuwana kupi?"

Vakabvunza sekuru vaye. Chuvukelo kakabva

katanga kusvima misodzi kainge kayeuka kuti

sekuru ava ndibabamudiki va baba vako

munin'ina wababa va baba vaGwalala,

zvichireva kuti zita raiva chairo ra Gwalala ainzi

Mafiyosi Masingita. Kakazo nyaradzwa

nasekuru vako avo vakasimukoenda pakanga

kari kwave kukambundira.

"Usacheme muzukuru watouya pano zvanaka

wave kumba" vakadaro sekuru vaye.

Vakanyaradza muzukuru wavo kusvika anyarara,

havana kukasika kuda kumubvunza chainge

chaita kuti asvike nenzira yaanga asvika nayo

nekuti anga auya ega apa anga ava nemakore

mashanu asina kusvika kunzvimbo iyi vese

nababa vake.

Baba vaChuvu vainzwanana naBamunini vavo

ava nenhau yekufarira kurwa asi baba vavo

vaisafarira kuti mwana wavo iye gwalala aite

zvekurwa. Vakambonetsana mukoma

nemunin'ina nenhau yekudzidzisa Gwalala

kurwa asi baba vake vasingadi. Nyaya iyoyo

yakaita kuti pave nekuvengana kwamukoma

nemunin'ina. Mukoma vakaramwa mwana wavo

uyo akasvika pakunogara naBamunini ivo

bamunini vacho havana kuita hanya nazvo

sezvo vaiziva kuti vari kugara nemwana

wamukoma wavo weropa kwete mutorwa.

Gwalala aiva munhu akanyararisa asi ainehasha

dzakavandira zvekuti baba vake vakasvika

pakumusiya aite zvaanoda iyewo haana kuita

basa nazvo. Akata kugara navo bamunini

kutanga ane 15years kusvika ave ne 18 years,

baba vake vakasvika pakushaika achigara na

naBamunini vake. Akazoenda kunogara

kudhorobha uko kwaaipota achidzoka kumusha

pano neapo kusvika azoshaya zvisina

kuzivikanwa nehama dzake.

Kusvika kwakaita Chuvukelo ndiye akazotaura

nyaya yese yakaitika. Sekuru mushure mekunge

vaudzwa nyaya yekufa kwemwana wavo

zvakavarwadza zvekuti vakamboda kutakura

zvombo zvehondo kuda kutevera muvengi asi

vakazo batwa na Chuvu uyo akati kwavari.

"Sekuru nyaya yese iyi pirai kwandiri imi makura

hazvizodi kuti mupindire nyaya dzevana.

Chinhu chamungaita parizvino kuti mupe inini

hushingi zvese nekundidzidzisa kurwa

zvamakaita baba. Kana ndave kugona

ndichanotevera vavengi mumwe mumwe

kusvika ndavapedza" akadaro Chuvu. Mashoko

aakataura apa aisava mashoko ezera rake

sekuru vake vakazvinzwa pamwe nekuona

hushingi hwaiva pamuzukuru wavo zvekuti

chavaka kwanisa kuita kugutsirira musoro

kubvumirana nezvanga zvataurwa. Vabvuma

vakati vaizotanga kumuudzidzisa mangwana

acho vakarara vadya sadza nederere musi

iwoyo. Mangwana kuchiedza nyaya yakava

iyoyo vakaswera vachidzidzisa muzukuru wavo

kugara 180 ndiyo yakava yekutanga.

Akatsemuka pakati pemakumbo zvishoma asi

akashandisirwa mushonga wechivanhu kuti

asanyanya kurwadziwa. Mushure memazuva

maviri ainge ave kugara 180 yake pasina

kuverengera kwaayiita pekutanga. Akava

mazuva akakwana kuita iwo matatu umwe musi

Chuvu nasekuru vake vari chinhambo

nechivanze uko ndiko kwavai dzidzisirana

kurwa. Vari mubishi kudzidzisana kurwa

vakavhunduka vaona munhu akati nzwe

achibva ahwanda. Vakanyahwaira kuenda ikoko

ndokunawa munhu wavanga vaona seahwanda

kuti kwainge kusiri kuhwanda asi anga adonha

pasi ave kufemera kure kure.....

__________________________________

Book redu richange roda chegumi kutanga pa

chapter 21 vanyori venyu vawanewo ye data.

Haridhure zvaro vari ku south munotenga cell c

R30. Vari zim muchange muchizobata munyori

ku box imi yenyu i70RTGS Ecocash. Izvi ndaitira

kuti musanogadzirira mashangura tivarairwe

pamwechete

End of Chapter

Chapter 17
Kwaiva kuda kuziva paiva netracker pamwe

nekuda kuzonetsana nevanhu vane pamba

pakabvisirwa tracker asi kuti tracker harisiri

muropa memunhu aizviona GZ. Vave pedyo

kusvika paiva netracker jekeleza akabva ataura

"Ari paClub uyu ngatinange ikoko hakuna

kumwe kwaangaenda" akadaro achizviudza kuti

vatobata munhu wavo. Vakasvika pa club

ndokumisa mota dzavo nechekunerimwe divi

kusiri kwaiva na Saseka.

Iye Saseka ainge achiri akagara mumota

achivaona varume vakasenga zvombo vachiita

kunge vavhimi vanzvengwa nemhukahuru

yavaiziva kuti vangoiuraya vanonzwa

nekugocha. Mota dzamiswa vakaburuka vese

vakafamba kunopinda muclub. Padzimota

dzavo pakasara machinda maviri ari panze

akamira achitarisa kana paine abuda.

Vakapinda mukati varume zvikati vaityiwa

zvakanyanya munzvimbo iyi pese pavaisvika

vanhu vai dzuvura kuri kutya kugurisirwa

hupenyu. Vachengeti vepa club havana

chavakataura vakasiya vachipinda. Vakananga

paiva na Tabwera uyo anga achiri akatsikitsira

piritsi richiri kufamba naye kunyika

dzevanopinda masvondo ajohani kudhakwa.

"Iwe mupfana muka tione" akadaro jekeleza.

Achifunga kuti zvimwe kwaiva kudhakwa

kwehwahwa. Hapana Tabwera akazungunuka,

gwati rembama raakatambidzwa ipapo

rakanzwikwa kurisa kudarika mimhanzi yairira

mukati. Vanhu vese vaiva mu club vakamira

kufara kwavaiita kwave kubiridzira kutarisa

zvaiitika, vaitotya kutarisa nekutya

kuzobvunzwa mibvunzo yezvanga zvaitika.

Tabwera haana kana chaakanzwa kana

kuzununguka hake, paakada kutambidzwa

imwe mbama yepiri yakabva yavharwa nerimwe

monya raivamo rakaita zvekumubata

"Munouraya munhu mudhara iye achiratidza

kuti ashandisirwa hungwaru nevasikana

vepataundi, nhuhwidzai munhu uyu munzwe

kuti ari kunhuhwei?" Rakadaro monya riye.

Rakatariswa na jekeleza neziso riye rekuti uri

ani iwewe unondibata rwuoko zvikadaro? Asi iro

harina kumbotya kana kuvhunduka. Zvisinei

haana kuda kuita zvehondo akaita zvaanga

audzwa ndokunzwa zveshuwa munhu anga

adhakwa.
Akasimudza huso kutarisa monya riye ndokuti

"Waona zvaitika iwe chindiudza aripi munhu aita

izvi?" Akabvunza jekeleza. Monya riye rakabva

ranongedza kuvachengeti vepamukova ndokuti

kwaari "Endai munobvunza varume vaviri avo

ndivo vangakuudzai munhu azviita uye

kwaananga" rakadaro monya rofamba kudzoka

kunomwa haro hwahwa.

Vakaenda kuvachengeti vacho akasvikobvunza

asi haana mhinduro svinu yaakawana. Zvadaro

hasha dzakamubata ndokubudisa pfuti yake

paakada kupfura muchengeti uye jinda rake

pane maviri anga asara panze rakabva rasvika

richimhanya.

"Boss mota iye yapedza kubuda izvozvi ende

ationa nekuti ari kuratidza kuti arikutiza"

akanopedza kutaura GZ otobuda kunanga

kumota, vese vakabva vabuda ndiko kupona

kwakaita vachengeti vepa club.

Kungwara kwanga kwaita Saseka paakavaona

vachisvika haana kuita dzungu kana kubatwa

nekutya kwakanyanya asi hana kubika

manhanga yaibika hayo zvishoma.

Akadzikamira achida kuona kuti vachadii sezvo

vanga vamisa motokari dzavo nechekure

neyake. Paakaona vopinda mu club akabva

afunga kuushandisa mukana wekutiza,

akaimutsa mota ndokubuda achifamba

zvishoma semunhu asiri kutiza asi

paakangobuda gate akabva atsika chepakati

zvinova izvo zvakaita kuti afungidzirwe kuti

ndiye.
Dzakabuda mota dzana GZ

dzakadungamidzana ainge odriver omene mota

yake GZ iyo yaanga auya nayo kuZilonga aina

Chivhuna. Iye Chivhuna anga akagara

kupassenger seat uku akabata pfuti. Jekeleza

nemachinda ake navo zvaiva zvimwezvo

vachitevera mota dzobowa kuri kumhanyiswa.

Ya Saseka yanga yafamba chinhambo asi

ichioneka kuti iyo sezvo hwanga hwava husiku,

ikati yaibvuma kuvhurika kumhanya mota yacho.

GZ akaona kuti kana akasaita zano rekuti

munhu agarirwe mberi hapana pavaizobata

mota yacho nekuti aiziva kuti hayigumi.

Paakaona kuti mota yacho yakananga

kuZilonga akafonera machinda ake kuti vagarire

mberi akavaudza kuti vamwe ngavavhare

mugwagwa unoenda kuVhumani vamwe

vavhare waipfuura nekuchuru uchienda

kwavaideedza vachiti kuZinjanji. Vakaudzwa

kuti vazviite nekukasika, anga angwarirwa

Saseka ayinge asisina kwekuenda. Iye haana

kuziva kuti ainge arongerwa paakaona kuti pane

mota dziri kumutevera vanhu vaakatanga

kufungidzira kuti ndivo vangamubata mapurisa

ekuVhumani sezvo anga asingama chenesi.

Saka paakasvika pa turn off Zinjanji akaturner

akananga ikoko haana kuziva kuti nakoo

kwainge kwaka shosherwa zvakare nevarume

vanga vanepfuti dzimwe dzisina kumira mushe.

Ati fambei hana yake yakarova zvaasina

kunzwisisa, akabva aflasha ma lights emota

kuti aone zvirimberi mberi kwaari kuenda

nechekure adaro ndipo akaona ma reflecter

emota yairatidza kuti yakamira nechemberi

yakahwanda. Aona zvadaro akadzora

kumhanya kwaaiita achibva amisa mota kwave

kutora nhare yake zvese ne bag remari haana

kusiya. Akadzima ma lights emota yake akasiya

ichi indicator ndokubuda kupinda musango

zvisina akaona.

Akatanga kumhanya murima imomo apa muri

musango akananga kugomo. Asvika pagomo

akakwira pamusoro zvishoma ayiitira kuona

zvese zvaizoitika kana zvichinzi vamutevera.

Machinda aGZ akamira akaona mota yaiuya asi

akazoona yamira ikatanga kuindiketa

isingachafambi. Pavakaona zvadaro vakatanga

kufamba netsoka vachimhanya vari mumativi

emugwagwa. Vachisvika paiva nemota vana GZ

navo vachisvikawo nedzavo ndokuwana iri

mota chete munhu musina. "Ko munhu wacho

aripi?" Akabvunza GZ achifamba famba

sabhiridha apererwa nedhaka. Vachengeti vake

nekutya kuurawa vese vakaramba vakanyarara

vaiziva kuti angotanga kupindura akangoirasa

pake paizomuperera. "Imi hamusi kunzwa here

kuti ndiri kubvunza?" Akadaro GZ achikoka pfuti

yake kuda kuishandisa ane kamwe kakuda

kuratidza Jekeleza kuti mushandi kana atadza

basa anoitwa sei? Asi akazo dzikama mushure

mekunge anzwa Jekeleza otaura.

"Ayewa wangu apa hapadi hasha tikadaro

hatina kwatoenda tinomushaya munhu uyu."

Akadaro jekeleza achifamba kuenda kwanga

kunemumwe wake. "Varume ndiudzei

matambwa ipi nemunhu uyu?" Akabvunza

Jekeleza.

"Hameno kuti ationa here kana kuti haana

tangoona mota yamira iyi tikafungidzira kuti

angava ariye ndipo patafamba kuuya pano

tikawana asimo asi maitiro acho anenge

ananga mativi aya" akadaro mumwe

wemachinda aGZ anga agarire Saseka.

"Hapana chekumirira varume pindai musango

mubate munhu uyu haana kwaanoenda

musango umo. Teverai mudzoke naye pano"

akadaro Jekeleza ndiye ainge otaura anga aona

kuti mumwe wake anenge ane kufunga

kwakanyanya. Vakapinda musango varume

vese nehuwandu hwavo GZ na Jekeleza

vakasara mumota vakagara.

Saseka ari mugomo akaona matorch achiuya

kugomo kwaanga ari ndokuziva kuti ave

kuvhimwa. Akadzika mugomo ndokuti chitsoka

ndibereke akapesvaira nesango akananga

kwaaisaona, kwaaisaziva foni yake anga

akaidzima aisada kufonerwa. Sango ranga

rapindwa na Saseka nekwaanga achienda

aisakuziva ende kuti kwaanoenda kunevanhu

aisaziva chake aisada kuti abatwe nemhondi

idzi chete.
Iwo machinda apinda musango akatsvaka

gomo rese vakamushaya. Nguva dzakafamba

varimo musango, vakuru vavo vaifona

vachibvunza asi vaingovaudza kuti hapana

munhu wavati vawana vakanzi vadzoke vaizoita

rimwe zano. Vadzoka Jekeleza akatorana

nevake akaenda kwake GZ akaitawo zvimwezvo,

akasvika kumba nekurara akamirira zuva

ramangwana. Kuchiedza akamuka kuseni seni

zuva risati rabuda akafonera mukuru

wemapurisa akamudza kuti kana vakaona

Saseka kana kamupfana chuvu ngavaite zano

rekuti kasapinda mudare. Iye akaudzwa kuti

ngaatume vanhu vake pamwe nemunhu

aizoenda kunomira saiye. Akaita sekudaro

zvakafamba sekuronga kwaanga aita zano rake

rakazobudirira apo vana Chama vakazonzi

vavharirwe, kutongwa kwese kwavakaitwa

aizviona paTV akanyemwerera paakaona

abudirira.

Akazviudza kuti hapana paaizotsvakana

nevanhu vatiza ava sezvo munhu waainyanya

kutyira aiva Chamavhudzi kwete Chuvukelo

akaona kachiri kacheche, akazviudza kuti

pakaizouya koda zvehondo aizotangira ipapo.

Kamudhara kaye pakakapedza basa rakanga

kapihwa kakadzoka kakarodza maoko kuti

kanopihwa mari naGZ. Kasvika pamba

kakatambirwa zvakanaka kakanzi kapinde

mumba, kakapinda kakagara mu sitting room.

"Wagona basa mudhara saka wati ndokupa

marii apa?" Akabvunza GZ achiratidza kufara

pachiso chake.

"Ingondipai yakafanana neyazuro" kakadaro.

"Oky ishoma iyoyo rega ndikupe yandoda"

akadaro GZ. Aisaziva kuti safe yake yanga

yapindirwa negudo guru iro rakaita kukumba

yese. Akanopinda muroom make akananga

paka safe akasvikovhura avhura akawana

ruvara chete. Akazvipukuta maziso kuda

kunyatsoona asi akaona zvimwezvo kuti mari

hamuna ndipo paakafunga kuti mari yainzi yaiva

na Saseka ndiyo yake yaanga atora.

Akazviwisira pabed pamwe nekunyarara.....

End of Chapter

Chapter 18
Jekeleza paakapesana nemumwe wake vabva

kunotsvaka Saseka akaudza mutyairi wemota

yake kuti anange ku club uko kwavanga vasiya

jinda rake Tabwera. Vakatora nguva

yakakodzera kusvika ikoko vasvika vakawana

akagara achibwaira bwaira semuroi aedzerwa.

Anga asingachazivi zvekuita nekuda kwaSaseka

uyo anga amutamba. Paakamuka kubva kutsi

kwehope dzedrug raanga amwa, monya riye

ranga richiripo saka parakaona amuka rakabva

raenda paari rikamuudza zvanga zvaitika zvese

nekusvikirwa kwaakaitwa akarohwa akasanzwa.

Paakaudzwa zvese izvozvo ndipo paakaziva

kuti anga atambwa 10-0 nemusikana wekunaka

waanga ada kuti ave wake.

Aziva zvese izvi akachitanga kufunga kuti ainge

amboudzwa kuti munhu iyeye ngaasamusiya

achibuda pamba nekuti ari kutsvakwa. Afunga

izvi ndipo paakapepuka akashaya kuti ainge

ambobatwa nei chakaita kuti abvume kubuda

na Saseka kuenda naye kwese uku?

Chimwe chinhu chaainge otya mukuru wake

kuti achazodii kana achinge amuwana paari

asisina munhu waanga anzi asamusiya

achibuda? Achiri mukunetsana nepfungwa

dzake ndipo pakabva pasvika jekeleza anova

iye mukuru wake nemamwe machinda ake.

"Simuka tiende unozorora" akadaro jekeleza.

Mashoko anga asina kutarisirwa na Tabwera

iwayo, akasimuka ndokufamba

vakatungamidzana kunopinda mumota akanzi

apinde agare kumashure nemukuru wake.

Vakafamba vachiita nyaya dzisiri dzezvaitika

jekeleza aida kuzobvunza mushandi wake

mangwana acho anyatsodzamisa pfungwa.

Vakasvika nekurara mangwana kuchiedza

vakasangana ku meeting room. Vamwe vese

vakaudzwa basa ravaifanirwa kuita vese

vakanzi vabude umwe neumwe akananga

kwake.

Vakasara vari vaviri jekeleza na Tabwe.

"Zvawakaita nezuro hazviitwi Tabwe chii

chakaitika kuti usvike pakunyengedzwa na

dherira ini ndakuudza kuti usamuchenesa?"

Akabvunza mukuru.
"Ini handitozivi chakaita kuti ndibvume kudaro"

akarondedzera zvese zvakaita kuti abvume

zvinova zvaakanyengedzwa nazvo na Saseka

zvekuti akati arikunotenga ma piritsi apedza

kudaro akabva ati "Saka ndakafunga kuti

zvimwe anogona kunge ari mapiritsi ebp nekuti

munhu wacho airatidza kuti ane zvaaifunga

mondiregerera mukuru handioni zvikazoitika

futi" akadaro Tabwe.

Kwaingova kukumbirawo ruregerero kwekuda

kunzi agozonzi akakumbira hake asi ayiziva

mutongo wemhosva yake kuti irufu. Aiziva kuti

chero zvidini ndiro rainge rava zuva rake

rekupedzisira rekufema mweya wehupenyu uho

wakatanga kuva pana sekuru vedu Adam chero

hazvo vakazokurirwa nemukadzi uyo

akanyengerwa nenyoka vakadya muchero

wepakati pemunda. Zvakazviratidza kuti

vakadzi ndivo vega vanokwanisa kutumwa na

Satan kuti vasiye munhu wechirume asare ari

parumananzombe. Ndozvimwechete zvakaitwa

Samson akanyengerwa na dherira akagera

bvudzi rinova iro raimupa simba. Vakawanda

vakanyengerwa nevakadzi munhu akakwanisa

kukunda muyedzo kubva kumukadzi ndijosefa

pamwe na jobho vamwe vese vazhinji

vakakurirwa.

Ndizvo zvainge zvaitwa Tabwera anga asiiwa

parumananzombe nekuda kwemukadzi ainzi

Saseka, akatoona rwave rufu rwake paakaona

vamwe vese vachinzi vabude kuenda kumabasa

iye achinzi asare.

Saseka Mulungu arimo musango husiku hwese

hwakapera achifamba asingasviki kwaaienda.

Akaita rombo rakaipa apo akasangana

neshamwari dzine moyo isina tsitsi idzo

dzakamuperekedza kwaaienda asingakuzivi

dzichiita kumusvezva ropa kusvika kwanoedza

ndipo padzakamuti chisarai mega vatete

mamboti batsira neropa renyu tatave nenguva.

Nhunga idzodzo dzaisava netsitsi

dzakamuruma kusvika aneta kuzvirova iri nzira

yekudzidzinga, kwaiva kunzvenga dombo

raposherwa rikadonha parodonha onzvenga,

ndozvaayiita. Kwakaedza achingofamba

musikana akambofunga kuti zvimwe anganzwa

kurira kwemachongwe azowana kunanga ikoko

asi hapana jongwe raakanzwa.

Kwachena akatarisa kwaanga achienda kwave

kuona gomo ranga richionekwa nechemberi

kuti rine chinhu chichena pamusoro paro.

Akatarisa kumashure ndokuona zvakare kuine

gomo akaziva kuti ndiko kwaanga abva saka

akabva ananga iro raiva nechichena kumusoro.

Akamboedza kufamba asi akanzwa ave

kuremerwa nemakumbo zvese nemaziso.

Akabva afunga kurara, akarara akatsamhira

mari yake iyo inova yanga yomuremera. Akarara

kudaro pane vanhu vakasvika asi vaisava vanhu

chaivo vanova vanhu vakafanana nemi muri

kuverenga nyaya iyi. Vanhu ivavo vanga vari

vaviri vaine mazino akatesvera kumativi

seeShumba. Vasvika havana kuda kumupa

nguva yekubatanidza vakamubata kwave

kumusunga muoko zvese nemakumbo kwave

kumutakura kuenda naye kumba kwavo idzo

dzaiva pasi pevhu semba yemajuru.

Vave mukati vakanomukanda muroom make

ega kwave kumuvhariramo vachibva vabuda

panze. Akanzwa voita nyaya vachiseka vanhu

vacho asi zvaitaurwa aisazvinzwa nekuti

chirudzi chacho chaisava chaicho chakafanana

nechake chaainzwa. Ainzwa kunhuwira

kwenyama yanga ichigochwa kunze ikoko

musiri muroom maanga ari. Bvudzi rake

rakamira zviye zvinoitika kazhinji kana munhu

uchinge wasvika panzvimbo inorema. Mushure

mekanguva akanzwa kwanyararwa zvaidudzira

kuti hapana munhu padhuze. Pfungwa yekuda

kubuda yakamubata mwana sikana akatanga

kuikwetsura mhere achirova mudhuri.

kwakabva kwauya mukadzi ndiye anga ari

pedyo akasvika achinyenama nyenama uku

mazino azere ropa kureva kuti aidya nyama.

akasvika akataura zvisina kunzwikwa naSaseka

futi asi akagutsurira musoro seanzwa. Mukadzi

uye akabva abuda ndokuzodzoka akabata kapu

yaiva nemvura ndokuvhura achibva apinda nayo.

Paakati koda kumumwisa akairasa haana

kuziva kuti ainge atambira kunonyudza.

akahedwa mazino iwayo ese apamberi achinoti

wararaaaa pasi ropa richitevera, zvadaro

akakwakuka akasungwa kudaro maoko

nemakumbo ndokunononga zino rimwechete

rinova iro raakashandisa kucheka gavi ranga

rakamusunga mumakumbo. Changa chasara

nderaiva mumaoko akabva afamba kunanga

pamusuwo apo paakasviko kwizira padanda

raivapo gavi richidambuka akazohwa abatwa

huro nemai iye yaita zvekukwakukira

yikamumana muchiuno zvese nehuro.

Yakava kikiri kikiri mumba imomo Saseka

akaedza kuda kubvisa mai iyi asi akakatadza

paakanzwa oita seopererwa nemweya akabva

anyepedzera kuita seafa pamwe nekuzviwisira

pasi. Ndipo paakaregedzwa, zvadaro akabva

akosora pamwe nekukwevera mweya mukati.

mai iye yanzwa zvadaro yakaona kuti yainge

yisina kutora mweya, payakati yoda kujambira

yakatambidzwa bhutsu yezera rayo

yichinorovera mudhuri payakati yoda kudzoka

yakabva yatambidzwa imwe nechepamutsiba

yichibva yadhakwa. Akaenda payaiva

ndokuyibata huro kwave kuyityora nekuyikanda

pasi.

Yainge yadyevhu mai iyi munhu kufa senjiva.

Apedza kudaro akatakura bag rake kwave

kunyahwaira kubuda. Achinosvika pamukova

obuda akaona murume wamai iye ouya

achifambisa uku akasenga huni. Zvaidudzira

kuti paakanzwa vasingacha tauri murume anga

abuda kunotsvaka huni yekuda kuzogocha

nyaya iri fresh kureva yake Saseka. Saka

paanga odzoka murume ndipo paakasangana

nenyama yake yava kubuda kuda kutiza.

Saseka pakaona murume achiuya haana kuda

kutiza akazviudza kuti kwaanga anguri

apukunyuka kurefu saka akazvipira kufa

nekurarama. Murume uye achisvika uku masiriri

achidonha akakanda huni pasi ndokunanga

nyama yake uku akabata bhemba.

Vakasangana vaviri murume paakaposhera

bhemba kuti ateme akabva anzvengwa pamwe

nekubatwa rwuoko irworwo rwuchino

monyororwa rwuchino regedza bhemba pasi.

Haana kutora nguva yakareba Saseka kutora

hupenyu hwekamu vampire aka akanhunga

bhemba riye achinotenderera sure kwekamu

vampire akajamba nekukahaka huro pamwe

nekucheka uro musoro uchinowira kwakadaro.

Apedza kwave kukanda bhemba pasi pamwe

nekutakura bag remari yake kwavekubuda

akananga kwaaisaziva zvakare.

Akapindana naro sango akafamba kusvika zuva

radoka asina kusvika kwaari kuenda. Husiku

hwese achifamba achizorora, mangwana

kwaedza ndizvozvo futi akafamba kusvika

kwavira asati asvika kunhu kune vanhu. Husiku

hwese akafamba achizorora futi kwave

kunoedza nguva dziri kuma4 akanzwa kurira

kwemachomwe kumativi ekwaanga akananga.

Hushingi hwakauya maari akafamba akananga

ikoko asi nzara nenyota ndizvo zvainge

zvomurwadza ukuwo nhunga ndizvozvo dzakati

hadzisi kumira kumuperekedza muviri wese

wanga wazara mapundu chete ari ekudyiwa

nenhunga.

Kwaedza kwachena ave pedyo kusvika apa

ainge ofamba zvishoma nezvishoma. Akanzwa

ruzha rwevanhu vairwa sezvinoita maChina

zviye, akafamba kuenda ikoko apa anga

ozviudza kuti chese chauya chaizoitika nekuti

Simba rekurwa ayinge asisina. Paakaona kuti

vanhu vaviri vanenge vari kudzidzisana kurwa

avo simba rakabva rapera rekufamba achibva

awira pasi. Ndipo apo paakaonekwa na

Chuvukelo pamwe na Sekuru vake avo

vakamhanya kuenda paanga ari vakawana

achifemera kure kure uku akabata bag ravasina

kuziva kuti rinei.

"Muzukuru tototakura munhu uyu toenda naye

iwewe ndiwe uchamubereka ndiwe uchiri

nesimba" vakadaro sekuru. Chuvu akati "ehoyi"

vakabatirana Chuvukelo ndiye akamira

kumakumbo kuti aberekeswe. Hameno

chakaita kuti acheuke kuti aone kumeso

kwemunhu waaida kubereka apo paakazoona

ari Saseka akabva ati "Ayewa sekuru munhu

uyu imhondi musamubata arikutevera inini"

akadaro Chuvukelo achibva pedyo naye uku

achiringa mativi ese kutsvaka kuti hakuna

vanhu vakahwandira here.

End of Chapter

Chapter 19
Ainge onzwa tsitsi Chamavhudzi akagara

mugumba kumba vakamirira mutyairi wemota

yaro kuti vaende kujeri. Aiti akatarisa chiremba

ovanzwira tsitsi nekuti vanga vofira isiri yawo

vakaitwa wegwenzi kubatanidzwa neshuro. Asi

painge pasisina chekuita nekuti njema dzanga

dzakavasunga hapana aizokwanisa

kudzisinungura. Uye gonhi re gumba kumba

racho hapana zvavaizoriita kunyangwe dai

vakagona kubvisa njema kuti vatize.

Nguva yakakwana yekuti vachienda kujeri apo

vasungwa vanga vanzi vachiri padare vese

hapana akadzoka vainge vabudirira pamhosva

dzavo. Raka tyairwa gumba kumba rakananga

kujeri zvaitove pachena kuti ndiko kwainge

kwava kuvharirwa kwevarume vatatu ava ende

havaisazobuda kana vasina kufa. Vasvika

mujeri vakapindwa navo zvese zvinoitwa

vachangopinda zvakaitwa vachibva vanzi

vapinde mukati.

Vapinda vakaonewa nemamwe mabhanditi aiva

mukatiwo. Iwo paakaona Chama kuti adzoka

kwakanzwikwa ruzha vanhu vachidanidzira

"Chama Chama Chama Chama" zvese

nemiridzo ichirira zvaidudzira kuti aizivikamwa

zvakanyanya mujeri umu. Iye anga angori zii

hake akabata magumbezi ake pamwe

nezvekugezesa kumashure kwake kuchitevera

vachengeti vetirongo. Vakanosiiwa kumacell

avo vese anova iwo avaizorara, kugezera zvese

imomo.

Kumba kwachiremba mai chiremba vakaita

mazuva vasingaoni murume wavo zvinova

zvakava shamisa kuti chingava chii chainge

chaitika kumumwe wavo? Vaiedza kufona zuva

rega rega rakasikwa namwari asi nhare

yemurume wavo yaisapinda. Vakasvika

pakufunga kuenda kune vemutemo uko

kwavakasviko udzwa mashoko akavarwadza

ekuti murume wavo akasungwa nenyaya yekuti

vakawanikwa vari mumba yemhondi saka

yavawo mhondi. Mai chiremba havana

kuzvichenesa nekuti murume wavo vaiziva basa

rake uye vakakwana panhau dzemapepa ebasa

ravo saka vakabva vafunga kuenda kunoona

murume wavo kujeri iri nzira yekuda

kunonzwisisa.
Vakabva kukamba vakadzoka kumba kwavo

uko kwavakanorara husiku humwechete

ndokuzofuma mangwana vakananga kujeri.

Vakatora nguva yakakodzera kuti vange vasvika.

Vasvika vakakumbira mvumo yekuti vanoona

murume wavo, izvo zvagara hapana

pavaizorambidzwa. Vakanodaidzwa chiremba

vakauya muroom umo mavaizotaura

nemudzimai wavo panhare iye yakafanana

neyeruzhinji. Mai chiremba vachiona murume

wavo misodzi yakabva yatanga kuerera

vaimuda murume wavo kana vomuona

akapfeka hembe dzechibhanditi iye

ayisimbopfeka masutu zvakavarwadza kusvika

pakusvima misodzi.

"Usacheme hako maimwana zvawauya kudai

zvanaka ndochikuudza zvekuita kuti ndiwane

kubuda muno" vakadaro chiremba.

Vakanyaradza mudzimai wavo kusvika anyarara

ndipo pavakazotaura nyaya yakaitika yese

vapedza ndokuti kwavari.

"Uchibva pano ndinoda unopinda muroom

medu utore makey ari mu wardrobe

andakaturika mukona. Utonyatsotarisa

unogona kusamaona, wamawana unopinda mu

spare room. Uzviite manheru wakadzima ma

lights ndokuti uone.

Utarise pamadziro neche kudivi kune mukova

uchaona chinhu chichange chichilighter

zvitsvuku. Kana wachiona woenda pachiri

wosvika woita seunoda kuchibata chichabaka

manumber. Wadaro wochibaya gore

rawakazvarwa kana chavhura tora bepa ririmo

imomo uchaona bepa rakanyorwa

zvandakanyora usaverenga zvakawanda iwe

chako tora number dzirimo ufone ipapo munhu

wauchataura naye ndiye achaita kuti ndibude

iwe chako kumuudza kuti ini ndiri mujeri.

Zvimwe zvese zvichada mari zvichazviita

zvega"

Vakadaro chiremba chakaririra munzeve

mukadzi akazvinzwira ega havana zvakawanda

zvavakazotaura. Mukadzi akabuda kudzoka

kwaanga abva akasvika kumba nguva ichipo

sezvo anga abva makuseni uye aine yake

motokari. Munongozivawo vanhu vechikadzi

kuda zvinhu anga audzwa kuti ngaatsvake

chinhu chaaudzwa ari manheru. Iye tsvee

achingosvika mumba room yaakatanga kupinda

ndiyoyo. Akaita seacha tara tara imba yese

nebanga achitsvaka chinhu chaanzi atsvake

manheru.

Mudhara uye wekutumwa na GZ, paakanzi mari

yaataura ishoma arikuzopihwa yakawanda

akasara achiita kunyemwerera uku

achikwenyera maoko ayo anga ososonera mari

yaanga anzi achapihwa. Akagara kwekanguva

arimo muimba yekugara pasina GZ abuda. Kuti

iye atevere zvaisaita saka akabva atsvaka

vashandi vake achibva awana Chivhuna.

"Uri sei mwanangu? Ko imbotarisa boss vedu

mumba mavo undibvunzirewo kuti zvobudirira

here? Ndavekuda kuenda ndine kwandiri

kumhanyira," akadaro mudhara uye.

"Haaah mudhara munomhanyirepi semune

vana vacheche nezera ramuri iroro? Ambotora

nguva yakareba seiko apinda mumba macho?"

Akabvunza Chivhuna.
"Pave nenguva mwanangu chimboendamo

unondibvunzirawo" akadaro mudhara uye.

Chivhuna haana kuzoda kuramba achiomesa

musoro nekubvunza zvakawanda. Akafamba

kunopinda muroom ya GZ apo akagogodza asi

hapana akadaira. Akasvika pakuzvivhurira

omene opinda ndokuwana mukuru wake akati

rabada asinga zungunuke. Ndipo paakabva

asvikomumutsa asi haana kumuka pfungwa

dzake dzakamuudza kuti pamwe arwara saka

akabva afonera chiremba wake uyo akaita

nguva diki kuti asvike panzvimbo.

Mudhara uye akamboudzwa kuti amboenda

kumba aizodzoka asi akaramba akati aizoenda

GZ amuka. Chiremba vasvika vakaita basa ravo

vega asi vakaona kuti hapana chimuko zvaitoda

kuti vamusenge kuenda naye kuchipatara chavo

pasina izvozvo vakaona kuti aizofa. Vakaudza

vachengeti kuti vamuise mumota vaende naye.

Zvese zvakaitwa nenguva diki vachibva vabuda

chiremba kudzokera kumba kwavo.

Sekuru va Chuvu mushure mekunge vanzwa

kuti munhu wavanga vachida kubatsira imhondi

vakabva vamuregedza kwave kutora bag

raanga anaro ndokurivhura kwave kuwana

muine zvuru zvemazana emadhora

akamonerwa nerekeni. Vakaona mari yacho

isinga verengeki kwave kuidzosera ndokuti

kumuzukuru wavo. "Uri kuti imhondi mwana uyu

unehumbowo here muzukuru?" Vakabvunza

sekuru.

"Hongu atouya kudai anogona kunge atori

nevanhu vaanavo varikutevera kumashure

vakangowana inini chete vanosiya tese taparara

pano" akadaro Chuvu. Sekuru vakabva

vadzungudza musoro kwave kuzoringa mativi

ese havana munhu wavakaona. "Kana

zvakadaro muzukuru tatofa zvee nekuti

zvaasvika pano kana varipo vari kumutevera

haaa vatosvika uye vatoziva pauri.

Chinzwa zvatoita zvandiri kuona pamunhu uyu

anenge akaneta kwaabva kurefu ende anenge

anenyota zvese nenzara. Hino handingasiyi

munhu achifira muraini rangu ngozi inorwadza

kuripa munhu wausina kuuraya saka zvatotoita

pano iwe bereka munhu zvandakuudza

timubatsire kana kuri kufa inenge iringuva

muzukuru tese tichafa chinhu chakakosha

rubatsiro rwuchatendwa nedenga iye chero

akasatitenda." Vakadaro sekuru Chuvu

akaramba chaiko.

"Kungoti sekuru hamuzivi huipi huri mumunhu

uyu dai maiziva musingatauri kudaro. Ini hangu

kubereka mhondi handidi" akadaro Chuvu obva

paiva nasekuru vake ofamba kudzokera

kwaaidzidzisirwa kurwa. Sekuru vakasara

vakamira vakacherechedza saseka apo

pavakazoona rupaho rwakafanana rerwekwavo

nechepahuro. Vakatumba ndokubata saseka

vakanyatsotarisa kwave kuona rwakafanana

nerwekwavo. Vakabva vadeedza Chuvu ipapo

ipapo "Chuvukelo dzoka huya pano uone

muzukuru wangu" vakadaro.

"Kana zviri zvemunhu iyeye sekuru

mondiregerera handikwanisi" akadaro Chuvu.

Vakamunyengerera kusvika adzoka achisvika

vakabva vati atumbe nayewo zvavanga vakaita

vachibva vamubata pahuro nechepazasi

penzeve.
"Muzukuru tarisa pazasi penzeve yangu apa

nechepahuro kumashure undiudze kuti

waonei?" Vakadaro sekuru ivo zvavanga vaona

pana saseka zvaiva zvimwezvo zvavanga vaona

pana Chuvu. Iye Chuvu akasimuka ndokutarisa

paanga anzi atarise akaona zvaanga aona.

"Ndaona vara dema makaita sei ipapa?"

Akabvunza Chuvu. Ivo vachibva vati kwaari

"Hauna chawati waziva muzukuru uchiri mudiki

baba vako vanga vasina kukuudza handi?

Hazvina mhosva uchaziva. Chionaka muzukuru

handi waona vara pahuro pangu chitarisa

munhu wauri kuti imhandu yako pahuro uone

zviripo" vakadaro sekuru. Akatarisa Chuvu

ndokuona zviri zvimwezvo zvaanga aona pana

sekuru vake. Saseka anga ane vara rakafanana

neraSekuru zvese nerake.

"Zvinorevei izvozvi nhai sekuru?" Akabvunza.

"Handina chandingaku rondedzera parizvino

bereka munhu uyu tiende naye kumba ndinoda

andiudze vabereki vake chete nekuti ndine

zvandiri kufungidzira" vakadaro sekuru

vachitarisa kudenga sevari kuona ngirozi

magadharina. Chuvu haana kuzoda kuramba

achiramba ainge onzwira Sekuru vake tsitsi uye

nayewo anga ava nezvaanga onzwa maari kuti

pane nyaya hombe inotoda mudzimu unoyera.

Vakatakurana na Saseka chuvu achifamba kuita

seasina kubereka munhu.

Vakatora nguva diki yaikodzera kuti vange

vasvika kuchivanze. Vakasvikomu radzika

muimba yaSekuru iye ine zvombo zvekurwa

"Mhanya enda unochera mvura yekumwa

udeedze nagogo vako vauye kuno" vakadaro

sekuru ivo vakasara vakaisa Saseka

pamakumbo avo vakamusimudzira mutsiba

kuti asanyanya kuurembedza. Chuvu

akamhanya akasvikoudza gogo vake zvaanga

atumwa iye kwave kuchera mvura nekudzoka

kumba kwaanga asiya sekuru. Achisvika

vakatambira mvura iye vakamwa vakaifunda

kwave kuzoita zvekuisvipira mukamwa

maSaseka. Havana kumumwisa yakanyanya

kuwanda gogo vainge vapinda mumba muye

"Ko aita sei nhai Masingita mukati rwendo

rwuno kwakanaka haasi mashura iwaya

mamuwanepi murungu uyu?" Vakabvunza gogo

uku vanga vakabata katsvimbo kavo

kavaifamba nako.
"Tinototambira zviripo maimwana ndakudeedza

kuti ubike bota tidyise mwana uyu anenge

abatwa nenzara. Woudza muroora osanobika

sadza nederere kana iwe paunopedza kubika

bota iye ngaave apedzawo kubika derere

tibatsire mwana uyu. Wozviita nekukasika."

Vakadaro sekuru.

Gogo vakangoti"ehoi" ndokubuda kunoita

zvavatumwa asi vainge vava nekutya mavari

moyo wavo waivaudza kuti panenge pane

zvichaitika chete nekuti vaiziva kuti nzvimbo

yacho izere zvikara saka vaifunga kuti Saseka

anogona ane vanhu vaatiza vachamutevera

pamba apa. Vakatora nguva yakakodzera bota

rainge raibva kwave kuenda naro vakaita

zvekumumwira semvura. Akatora nguva

yakakodzera Saseka ainge obwaira bwaira

kuratidza kuti ainge onzwa kuchinja maari uku

ziya richibuda semunhu anga adirwa mvura.

"Muzukuru enda unoudza mudzimai wako

akupe sadza raabika uuye naro munhu adye

uyu" vakadaro sekuru. Akamhanya chuvu

akanotora sadza nederere zvainge zvatoibva.

Vakamudyisa zvakare kusvika aguta akazotaura

kuti ainge aguta achigara pasi ega. Nyaya

yanga yachisara pakuti vamubvunze kuti

vabereki vake varipi uye vari vanaani?

End of Chapter

Last Free Chapter

(20)
Jekeleza mushure mekunge akumbirwa

ruregerero na Tabwera akamboita kanguva

akanyarara uku akatarisa mushandi wake

kumeso neziso rine huipi mukati. Ndokubudisa

pfuti yake kwave kutora bara rimwe chete

muhomwe make akariisa mupfuti pamwe

nekuyikoka. Panga pasina kuti aizodii uyo

ndiwo waitova mutongo wake kutora hupenyu

hweatadza kuita basa nemazvo.

"Kana ndikakuregerera zvinozokanganisa basa

rangu vamwe vonozoitawo" akadaro Jekeleza

onongedza Tabwera bara paakada kuregedzera

akabva ashanyirwa nengirozi mai Maria avo

vakabva vamushongedza tsitsi ndobva anzwa

kuda kumuregerera.

"Ndazofunga zvakanaka handichakutongeri rufu

ndokusiya toshanda sekushanda kwataiita. Asi

usazviita futi izvi zvinodzosa basa kumashura

tarisa ikohino munhu uye atiza ende

hatichamuwani anogona kutisungisa tese

hapana anoziva zvaari kuronga kwaatizira ikoko.

Saka anofanirwa kutovhimiwa kusvika

awanikwa" akadaro Jekeleza.

"Enda unoshanda nevamwe ndiwe mukuru

zama kuterera zvandotaura ndokuti vari pasi

pako vakuterere" akadaro zvakare Jekeleza.

Ndiwo maponero akazoita Tabwera midzimu

yake haina kumurasa yakamuchengeta.

Akazoenda kunoshanda nevamwe semazuva

ese. Jekeleza basa rake ranga rakati fananei

nera GZ asi iye anga anerimwe rayiita kuti

awane mari zviri pamutemo asi zviine

humbavha mukati. Rakaita serekugadzira mota

nekubvisa ma tracker edzavanenge vaba

pamwe nekudzichinja ma colour. Na GZ

vaizosangana kunerimwe basa ravaisada kuti

rizivikanwe nevakawanda kuti ringava iro

ravanoshanda.

Mukupindana kwenguva, dzati fambei zuva

rorereka kuenda kuna amai varo. Jekeleza ari

mu office make akanzwa nhare yake ichirira

achibva adaira. Afona wacho akataura.

"Maswera sei mukuru? Kuno hatina kuswera

nekuda kwaboss GZ vatakurwa pano masikati

nachiremba wavo vanenge varwara hameno

chavari kunzwa" akadaro munhu aifona wacho

aiva Chivhuna.
"Zvatanga nguvai chii chaitika GZ haangorwari

zvenhando ka uyo mamuitei?" Akabvunza

Jekeleza.

"Handina chandiri kuziva zvoda mufonere

chiremba munzwe kuti dambudziko riripapi?"

Akadaro Chivhu.

"Nditumira number dzake pa email izvezvi

ndifone ndinzwe dambudziko" akadaro

Jekeleza achidambura nhare yake. Pasina

nguva yakareba message yaChivhu yakapinda

ye number dzachiremba va GZ.

Chiremba va GZ vachingosvika kuchipatara

kwavo vakasvikoita basa ravo zveunyanzwi

hwavo. Mushure mema minutes akakwana

kuita iwo zana GZ akabva amuka akashamisika

kuona akarara pabed raaisaziva akatarisa tarisa

ndokuona muine musikana aivamo akapfeka

hembe chena. "Ndiwe ani iwewe?" Akabvunza.

Musikana uye akacheuka nayewo ndipo

paakaona kuti murwere wake amuka.

Haana zvaakataura akafamba kunodana

chiremba avo vakafamba kuenda kwaaive ari.

"Mamuka sei boss GZ mave kunzwa sei?"

Vakabvunza chiremba. Iye ndipo paakaziva kuti

ari kuchipatara chachiremba wake. Haana

kupindura ipapo akambonyarara kwekanguva

achifunga zvainge zvaitika ndipo

paakazorangarira kuti paakashaya mari yake

mumba make ndopaasina kuzoziva zvakaitika

mberi ndobva ati.

"Ndiwe ungatondiudza zvaitika. Chii chaita

ndive pano?" Akabvunza.

Chiremba vakabva varondedzera sekuudzwa

kwavanga vaitwa na Chivhu ndokuzopedzisira

nekuti "Ndazofunga kuuya nemi pano nekuti

ndanga ndisina zvikwanisiro zvekukurapai. Saka

pandauya nemi pano ndaona kuti munenge

mune chinhu chanyanya kukurwadzai chinova

icho chaida kuita kuti mupararirwe nehupenyu

hwenyu.

Itondiudzai chiiko chaitika chaita zvidaro?"

Vakabvunza chiremba.
"Hapana nyaya apa ndiri boe ini ndidzose

kumba waita basa. Wondiudza mari yaunoda

ndozokutumira ne bank. Parizvino kana une

zvaurikuda pandiri ndiudze" akadaro GZ kwaive

kuzvisimbisa pamwe nekusada kuzivikanwa

matambudziko ake. Chiremba vakamuti hapana

nyaya asi vakati vatange vamutarisa bp yake

vakaona ichiri yakakwira kwave kumupa

mapiritsi nekumuudza zvinhu zvaanofanirwa

kudya kuti idzire. Vapedza kudaro vave kuda

kumudzosa kumba foni yavo yakabva yarira

vakadaira aiva Jekeleza anga ofona.

"Ave sei GZ chiremba?" Akabvunza. Chiremba

semunhu anga asina kucheneserwa

dambudziko vakangoti "Ari bhoo uyu tatove

munzira kudzoka kumuzinda kwake" vakadaro

chiremba. Jekeleza haana zvakawanda

zvaakazotaura akadambura nhare yake aiziva

kuti achazotaura nemumwe wake. Chiremba

vakanosiya GZ kumba kwake vachibva

vamusiira account yavo paaizotumira mari yavo.

Iye achisvika pamba akawana mudhara uye

aripo akagara nevashandi vake vachiita nyaya.

Kusvika kwaakaita pakaita sepasvika shumba

vanhu vese vakasimuka vakamira iye achibva

ati.

"Mudhara iwewe une bank here?" Akabvunza.

"Ayewa handina boss mamatii?"

"Kana usina bank chimboenda kumba kwako

ndichakufonera wouya wotora mari yako

parizvino handina mari mumba" akadaro GZ.

Kamudhara kaye kakabva kati "Asi ndapedza

basa ndota..." Kasati kapedza kutaura GZ

akatora pfuti yaiva muchiuno ma Chivhura

ndokuti kwakari "Handina kuti handidi nemari

yako wanzwa? Kana uchiri kuda kufema buda

uyende izvezvi ndichakufonera" akadaro GZ

nenzwi raiva pamusoro. Akasaropedza kutaura

mudhara anyorovedza bhurukwa kudhara ave

kumukova kubuda kuenda haana kumbocheuka.

Vashandi vake ndivo vakasara vese vashoma

ivavo vaiva pamuzinda. "Varume nyaya iripano

ndeiyi, hongu Chama akavharirwa asi

dambudziko ravapo munhu wandakatumidza

zita rekuti Saseka Mulungu anova iye musikana

wandati mumutsvake uye.

Munhu uya asiya andigadzirira marwadzo

asingapfuuri. Mari yese yaiva mumba mangu

akatora yese apa akatora nebook rine ma

secrets angu ese. Saka hapasina kumira mushe

uyu munhu anoda kutsvakwa kusvika awanikwa.

Mukaona taita mwedzi inokwana kuita mishanu

tisati tamuwana uye pasina zvaitika ndipo

patichamira kumutsvaka asi anomuwana chero

yapfuura ngaamubate auye naye pano a ofanira

kudyevhu" akadaro GZ.

"Saka tinenge tisingachashandi here toita

zvekutsvaka Saseka chete?" Akabvunza

Chivhuna.

"Ayewa tinenge tichishanda vamwe vachitsvaka

munhu. Kutsvaka kwandiri kureva ndekuye

kunoitwa nema CID ndofunga munokuziva imi.

Momutsvaka muma dhorobha matatu aya

muno muZilonga, MuVhumani pamwe

nekuChilombo. Ndiko kwega kwaangatizira

ikoko kwaanoziva" akadaro GZ. Vakatenderana

nevanhu vake akavaudza kuti ngavatange chero

upi musi iye achibva azoti kwavari "Ini ndinoda

kumbobuda ndinotora mari kunze kwenyika

ndokubatai ndadzoka. Iwe Chivhu upote

uchienda kuchuru unoona vakomana kana vave

kugona basa kunyanya vekarati vaye." Akadaro

GZ haana kuzogara nguva yakareba ari mu

meeting room akanopinda mumba make.

Akasviko rongedza apedza akageza akaita

zvese zvaaida ndokuzobuda akatora mota yake

iyo yainge yambotiza na Saseka. Achingobuda

foni yake yakarira aiva jekeleza anga obvunza

changa chamurwarisa. Akamuudza zvanga

zvaituka, iye jekeleza naye akabva atiwo naye

aizotuma vamwe vashandi vake vatsvake

saseka. Havana kupedza nguva vachitaura

vese pa nhare . Akatora nguva yakakodzera

kuti ave asvika ku airport akasvikotenga tikiti

rendege yaizosimuka na 6. Zvakamuitira nyore

nguva dzichikwana akakwira ndokumbururuka

akananga kunze kwenyika.

Saseka paakamuka akashamisika kuona

Chuvukelo aripamuzinda uyu akatarisa vanhu

vaivapo haana kana mumwechete waakaziva

kunze kwake asi akangonzwa kuvafarira chete.

Akazo shamisika kunzwa Chuvukelo otaura iye

anga achiziva zvichinzi haatauri "Sekuru handi

munhu wenyu amuka? Saka motoita kuti ataure

zvakaringana zvaavinga kuno nekuti ini

handisati ndamuchenesa" akadaro Chuvukelo.

Saseka achinzwa mashoko aya akabva

arangarira kuti musi wakabva Chuvukelo kumba

kwaChama haana chaakaziva chakasara

chikaitika. Haana kumirira kubvunzwa akatanga

kurondedzera zvese zvakasara zvikaitika

pamwe nekumuudza kuti Chama akasungwa

atori kumapurisa.
"Haa ndoziva sei kuti hauna kutumwa pano?

Zvekuti chama akasungwa hazvina basa

chandoda kuziva kuti iwewe sei wasvika pano?"

Akabvunza Chuvukelo. Saseka akabva

arondedzera zvanga zvakaitika zvese zvinova

izvo zvanga zvaita kuti asvike pamuzinda wavo

ndokuzopedzisa nekuti "Chinhu chandave kuda

kuita kutevera murume wangu kwaanenge ari

ndoziva kuti achatonovharirwa. Sakan ndoda

pekugara chete nekuti ini vabereki vangu

handivazivi ndongoziva zita ramai vangu chete

avo vakafa ndichiri rusvava baba handivazivi.

Kana mukandibvumidza kugara pano ndoita

zvirongwa zvangu ndichibva pano ndaona

ndichizobudirira.

Uye iwewe Chuvukelo ndinoziva kuna Sisi vako

zvese nevanhu vakauraya vabereki vako

ndovaziva zvese izvozvo ndiri kuzozvi fumura

kana zvandiri kuronga zvabudirira" akadaro

Saseka. Mashoko akaredza pfungwa dzaChuvu

kusvika pakubvuma akaona Saseka isisiri

mhandu yake ndobva ati. "Zvirongwa rudzii

zvauri kufunga zvichaita kuti ugone mhondi

idzi?" Akabvunza.

"Bag randauya naro iro rine mari isinga

verengeki saka chandiri kuda ndirikuda kuva

mupurisa wechihwande nekuti ndiri kuziva

muvengi kuti ari kushandidzana nemapurisa.

Saka ini ndikava muCID ndinoziva kuti ndinenge

ndiri pamusoro pavo." Akadaro Saseka. Vaviri

vaitaura vachinzwanana vega Sekuru nagogo

vaingonzwa kutaura chete asi zvaitaurwa

zvacho vaisazvinzwa nekuti vaitaura Shona apa

ivo vari maXangani. "Ko wadii kuti tinouraya GZ

wacho nemasahwira ake ese pasina kupedza

mari kuenda kwese ikoko uye zvichizopedza

nguva?" Akabvunza Chuvukelo.

"Iih hatibudiriri vanhu ivavo vakawandisa

vandoziva kozoti vandisingazivi saka hatinake

chandoda ini kuti ndikangova mu CID ndinenge

ndodzikamisa mapurisa chero akapihwa mari

vanenge vavekutya kusungiswa neni.

Zvekuuraya GZ tichazviita zvekunze

kwemutemo, iwe mira kuvadenha ndipedze

zvandoda kuita tozobatana totanga zvauri

kureva." Akadaro Saseka. Vaviri vakanzwanana

Chuvu achizoudza Sekuru vake zvanga

zvataurwa na Saseka zvese nekuvaudza kuti

aisaziva vabereki vake.

"Hapana chakaipa muzukuru ndine svikiro

randoziva randinoda kuti riuye pano richenese

zviri pakati pedu. Uye zvausiri kuziva baba vako

ini ndirikuona sendine hukama nababa vako.

Saka ndichasanokurapa mapundu enhunga aya

takamirira svikiro.

Iwe chuvu enda unoudza sekuru vako

vamhanye kumba kwesvikiro" vakadaro Sekuru.

Sekuru vaitaurwa nezvavo aiva munin'ina

wasekuru ava anova iye anemukadzi akanzi

abike sadza ne derere kuna sekuru vaimuti

muroora sezvo anga ari mudzimai wemunin'ina

wavo chigumaura chekumba kwavo. Nayewo

ane paaideedza mukoma wake achiti sekuru

nekuda kwekuwanda kwanga kwakaita

vazukuru pamusha pacho. Akamhanya chuvu

akanoudza sekuru vake avo vakabva vaenda

vese kundodana svikiro. Vakaita nguva diki

vakauya naro svikiro ravo iro rakasvika

richinyemwerera parakaona Saseka.

End of last Chapter

Book redu harisati rapera rave kuverengwa

nevanenge vatenga. Vanenge vatenga vacho

munoedhwa ku sub group uko kwarinenge

richiuya sekuuya kwaraiita kuma group eruzhinji.

Varikuda kutenga book please batai munyori

kutanga kunyanya vari ku Zim munyori wenyu

haana eco number imwechete ane dzakasiyana

siyana so munotanga mataura naye pa #

dzinoti +27846115388 kana +27625654545

ndipo pamunowana rubatsiro.

Kune vari kutenga parizvino kutanga musi wa

19-Nov 2020 muchange muchiritenga

nemutengo unoti. Vari kuZim 80RTGS vari kuSA

R30 Cell c Airtime. Ndiwo mutengo uripo

parizvino asi kana rapera rinenge rave kuita

100RTGS - R40. Mogara maziva izvozvo handidi

kuzonzwa kana ndakuudzai price isiri apa

mozonditi "ko paChapter 20 makati mari yakati

wani?" No garai maverenga ipapa zvandisingadi

zvacho. Ndatenda, Ndzikhesile, Ndibongile

djndonyolismart@gmail.com
#Team Phahleni M & Mun Bonza