Gawain 3

INIHANDA NI:
Albert Ernest Quille A. Castro
OBTEC-M-1-3
KARANASAN KAHALAGAHAN
Myfel joseph d. Paluga Zeus Salazar

Sa isang personal na lente ng pananaw,
pinakamahalaga ang indibidwal na pag-uunawa sa
pagbuo ng sariling atin sa pangkomunikasyong
larangan sa disiplinang Araling Pilipino. Noon, hindi ko
Pag-unawa
gaanong binibigyang-pansin o atensyon ang pagbuo ng
sariling atin, o ang pagtatag at paglilinang sa Araling
Pilipino. Ngunit habang tumatagal, dumarami ang
kaalaman ko sa Araling Pilipino sa aking pag-aaral sa
kolehiyo. Unti-unting pinupukaw at hinihimok ng
kaalamang ito ang aking puso na dapat ipaglaban ang
pagkakaroon ng sariling atin dahil ito lamang ang
natatanging paraan upang mapayabong at mapagtibay
ang pambansang identidad ng minamahal kong bansa,
Pilipinas. Ang nosyong ito ay bunga ng pagkagising ng
aking indibidwal na pag-unawa sa pagtatayo ng sariling
atin.
Pagsasakatubo
Sakop ng kahalagahan ng sariling atin ang iba’t-ibang
aspeto ng indibidwal at ng lipunan. Kapag nakamit na ang
Pagbuo ng pagtatag ng Pantayong Pananaw at ng “mentalidad” na
mayroong kodigo, nakokonekta ang bawat indibidwal sa
Mentalidad isang kumplikado ngunit napakagandang paraan. Ang bawat
isa ay magkakaroon ng kakayahang sumabak sa isang
talastasan na may tiwala sa kanilang mga sarili dahil alam
nila ang kodigo sa loob ng isang closed-circuit na
SARILING ATIN: komunikasyon. Sakop rin ng kahalagahan ng pagtatayo ng
ANG NAGSASARILING sariling atin ang intelektwalisasyon ng mga mamamayang
Pilipino, at ang pagpapalaganap ng makulay na kasaysayan
KOMUNIDAD NA
ng bansa na nakapaloob sa Araling Pilipino. Sa personal
PANGKOMUNIKASYON SA kong karanasan, napapatibay nito ang relasyon ko sa ibang
DISIPLINANG ARALING tao dahil nakakabuo kami ng isang common ground na
PILIPINO magsisilbing pundasyon sa aming samahan. Samakatuwid,
ito’y mahalaga sapagkat napapabuti nito hindi lamang ang
Ramon Guillermo indibidwal na estado ng pagkamakabayan kundi pati na rin
ang katayuan ng lipunan sa pagpapaunlad ng pambansang
Pagpapanatili pagkakakilanlan, sa kabuuan.

Syed farid alatas Lily Mendoza

Pagpapalawig

Rhommel Hernandez

PANGANGAILANGAN
Bilang mga estudyante at mga Pilipinong tumitingala sa
kultura at kasaysayan ng bansa, isang
pangangailangan namin ang sapat na kaalaman sa
isang aspeto sa aming buhay na nagpapakita ng
pagmamahal namin sa aming bayan; ang pagkakaroon
ng sariling atin. Magagawa ito sa pamamagitan ng
pagsasakatubo ng agham panlipunan na may
kabuluhan sa pamayanan. Minsa’y napag-iiwanan kami
sa mga lokal na teorya at mga konsepto dahil sobrang
nakatuon sa Kanluraning kaalaman ang mga itinuturo
sa amin. Sa konteksto ng malalim na pag-uusap ukol sa
lokal na kaalaman, hindi kami nakakasabay dahil wala
kaming sapat na kaalaman sa agham panlipunang may
kabuluhan sa bansa at kultura. Sa tingin ko ay oras na
para bigyang-pansin ang mga bagay ukol sa ating
pagkato bilang mga indibidwal sa bansang Filipinas, at
unti-unting bawasan ang pagtuturo sa pandayuhang
mga kaisipan.
KALAKASAN
Ang Pilipinas ay kilala bilang hatspat ng social media, o
sa pangakalahatan, mas medya. Sa tulong ng
makabagong kagamitan, mas napapadali ang
pagpapakalat ng mga impormasyon. Ang mas medya
ay magagamit natin sa pagtatayo at pagpapatibay ng
sarili nating mga kaisipan, o Araling Pilipino sa
pamamagitan ng pagbabahagi ng kaalaman sa mga
indibidwal sa bawa’t sulok ng bansa. Sa personal kong
karanasan, bilang isang estudyante, ay nakakalap ang
iilang mahahalagang impormasyong pambansa na
nararapat malaman ng bawat tao, dahil sa mas medya.
Masasabi kong mahalaga ang parte na gagampanan,
kung hindi man kasalukuyang ginagamapanan, ng mas
medya sa pagbuo natin ng pansiriling nating pananaw,
bilang isang bansa.
INTERES
Interes. Ito’y isang bagay na kailangang mapukaw sa
bawat isa upang mapanatili ng sariling atin. Mahirap
itong pukawin o di kaya’y panatilihin, lalong-lalo na sa
mga indibidwal na hindi pa sapat ang kaalaman sa
Araling Pilipino o di kaya’y sa pagbuo ng Pantayong
Pananaw. Ngunit, sa kabila nito, kailangang mapukaw
ang kanilang interes sa anumang paraan. Magagawa
ito sa pamamagitan ng pagpaparamdam sa kanila na
kabilang sila, at malaki ang parte nila sa pagbuo at
pagpapanatili ng sariling atin. Katulad ng mga
karanasan ko, bilang halimbawa. Napukaw ang aking
interes dahil sa ginawang artikulo ni Ramon Guillermo,
at bilang isang indibidwal na may sapat na kaalaman sa
Araling Pilipino, obligasyon ko na ipalaganap ang
kaalaman na aking nalikom upang mahikayat ang iba
na maging interesado sa pagbuo at pagpapanatili ng
sariling atin.