AN SAMUYANG MGA PARATUKDO

Isinurat ni: Ma’am Leizel R. Sergio

An samuyang eskwelahan
Igwang magayunun asin gwapitong mga maestro asin maestra
Hale pa sa manglaen-laen na lugar
Dae pig-iinda maski harayuun an distansya

Bago magpuun an klase

Kalinigan ning klasrum,ayun hihilingon na
Pag naheleng na maate ,isus! remate na
Litanya ni ma’am mi ni sir aarangkada na.

Kan satong paratukdo ay mga mabooton

Dagit man minsan , pag dae nakukua an leksyon
An gusto man sana ninda kami makanuod
Nganing pagabot ning panahon, buhay namun ay asensado

Ang sadiri ninda minsan napapabayaan na

Minsan gunusun ang buhok, an lipstick wara na
Maski ang lovelife nalilingawan na
Kakaisip urualdaw kan susunod na itutukdo ninda

Ngunyan na World Teacher’s Day

Walang hanggan an samong pasasalamat
Sa gabos na sakripisyo asin pagpapaogma
Daeng sukol akalain an tabang na itinao ninda
Matawan sana ning magayunun na puturo, kan mga eskwela ning Cagmanaba.