PAMBUNGAD NA PAGBATI:

Magandang umaga sa ating lahat! Tayo po ngayon ay nasa ika- 14 na

linggo sa Karaniwang Panahon.
Ang ating Punong Tagapagdiwang ngayon ay si Reberendo Padre Ernie
P. Pesimo.
Magsitayo ang lahat at masigla nating awitin ang Pambungad na Awit.
 PAUNANG SALITA
Pambungad na Awit
-----
Pagbati
P: Sa ngalan ng Ama, at ng Anak at ng Espiritu Santo.
B: Amen
P: Ang Pagpapala ng ating Panginoong Hesukristo, ang pag-ibig ng
Diyos Ama at ang pakikiisa ng Espiritu Santo nawa’y sumainyong lahat

B: At sumaiyo rin
Pagsisisi
P: Mga kapatid, aminin natin ang ating mga kasalanan upang tayo’y
maging marapat na gumanap sa Banal na Pagdiriwang.

B: Inaamin ko sa Makapangyarihang Diyos, at sa inyo, mga kapatid na

lubha akong nagkasala sa isip, sa salita at sa gawa at sa aking
pagkukulang. Kaya isinasamo ko sa Mahal na Birheng Maria, sa lahat ng
mga anghel at mga banal at sa inyo, mga kapatid, na ako’y ipanalangin
sa Panginoong ating Diyos.

P: Kaawaan tayo ng Makapangyarihang Diyos, patawarin sa ating

mga kasalanan at patnubayan tayo sa buhay na walang hanggan.

B: Amen
P: Panginoon, Kaawaan Mo kami.
B: Panginoon, Kaawaan Mo kami.
P: Kristo, Kaawaan Mo kami.
B: Kristo, Kaawaan Mo kami.
P: Panginoon, Kaawaan Mo kami.
B: Panginoon, Kaawaan Mo kami.

Panalanging Pambungad
P: Manalangin tayo, Ama naming Makapangyarihan, pinangatawanan
Mong Manahan sa mga may loobing tapat at maaasahan. Sa
kagandahang-loob Mo, kami nawa’y makapamuhay bilang mga
mapalad na maging Iyong tahanan.
Sa pamamagitan ni Hesukristo kasama ng Espiritu Santo
magpasawalang hanggan.
B: Amen
C: Magsiupo ang lahat at makinig sa Pagpapahayag ng Salita ng Diyos.
 PAGPAPAHAYAG NG SALITA NG DIYOS
Unang Pagbasa Genesis 28: 10-22a

Pagbasa mula sa Aklat ng Genesis

Noong mga araw na iyon, umalis si Jacob sa Beer-seba at nagpunta ng
Haran. Inabot siya nang paglubog ng araw sa isang lugar at minabuti
niyang doon na magpalipas ng gabi.

Isang bato ang inunan niya sa kanyang pagtulog. Nang gabing yaon,
siya’y nanaginip. May Nakita siyang hagdan na abot sa langit at
nagmamanhik manaog doon ang mga anghel. Walang anu-ano’y nakita
niya ang Panginoon sa tabi niya. Ang wika sa kanya , “Ako ang
Panginoon, ang Diyos ni Abraham at ni Isaac. Ang lupang ito na iyong
hinihigan ay ibibigay ko sa iyo at sa iyong lahi. Darami sila na parang
alikabok sa lupa at malalaganapan nila ang apat na sulok ng daigdig. Sa
pamamagitan mo at ng iyong lahi, pagpapalain ang lahat ng bansa.
Tandaan mo, susubaybayan kita at ipagtatanggol saan ka man magpunta,
at ibabalik kita sa lupaing ito. Hindi kita hihiwalayan hanggang sa
matupad ang lahat ng sinabi ko sa iyo.”

Nagising si Jacob at ang sabi, “Hindi ko alam na narito pala ang

Panginoon! Nakapangingilabot ang lugar na ito; ito ang bahay ng Diyos
at pintuan ng kalangitan.”

Maagang gumising si Jacob nang umagang iyon. Kinuha niya ang

inunang bato at itinayo bilang isang alaala. Binusan niya ito ng langis at
itinalaga sa Diyos. Tinawag niyang Betel ang lugar na yaon na dati’y
tinatawag na Luz. Nangako si Jacob nang ganito: “O Diyos, kung ako’y
sasamahan ninyo at iingatan sa paglalakbay na ito, pakakani’t
pararamtan, at makababalik na muli sa bahay ng aking ama, kayo po ang
magiging Diyos ko. Sasambahin kayo sa lugar na ito na pinagtayuan ko
 ng batong alaalang ito, at iaalay ko sa inyo ang ikapu ng anumang
ipinagkakaloob ninyo sa akin.”

Ang Salita ng Diyos.

B: Salamat sa Diyos!

Salmong Tugunan ang ating itutugon: Salmo 90”1-2.3-4.14-15ab

D’yos kong tapat at totoo,

Ikaw lang ang pag-asa ko.

Siyang naghahangad ng pagkupkop ng Kataas-taasan,

At nanatili sa kalinga niyong Makapangyarihan;
Makapagsasabi sa kanyang Panginoon:
“Muog ko’t tahanan, Ikaw ang aking Diyos,
Ang Diyos ang tangi kong pinagtiwalaan.” (Tugon)

D’yos kong tapat at totoo,

Ikaw lang ang pag-asa ko.

Ika’y ililigtas niya sa panganib, sa umang na bitag,

At kahit ano mang mabigat na salot di ka magdaranas.
Lulukuban niya sa lilim ng kanyang malabay na pakpak,
Sa kalinga niya ay natitiyak mo na ikaw ay ligtas;
Iingatan niya’t ipagsasanggalang, pagkat siya’y tapat. (Tugon)

D’yos kong tapat at totoo,

Ikaw lang ang pag-asa ko.
 Ang sabi ng Diyos, “Aking ililigtas ang tapat sa akin,
At iingatan ko ang sinumang taong ako’y kikilanlin.
Pag sila’y tumawag, lagging handa na ako na sila’y pakinggan.
Aking sasamahan at kung may hilahil ay sasaklolohan. (Tugon)

D’yos kong tapat at totoo,

Ikaw lang ang pag-asa ko.

C: Magsitayo ang lahat bilang paggalang sa Mabuting Balita…

B: Aleluya! Aleluya! Si Krito ay nagtagumpay nalupig ang kamatayan

nagniningning ang pagkabuhay! Aleluya! Aleluya!

P: Sumainyo ang Panginoon,

B: At sumaiyo rin.

P: Ang Mabuting Balita ng Panginoon ayon kay San Mateo

B: Papuri sa Iyo, Panginoon.

EBANGHELYO: Mateo 9:18-26

Noong panahong iyon, samantalang nagsasalita si Hesus, may dumating

na isang pinuno ng mga Judio. Lumuhod ito sa harapan niya at ang sabi,
“Kamamatay lang po ng aking anak na babae; ngunit sumama lamang
kayo sa akin at ipatong ang inyong kamay sa kanya ay mabubuhay siya.”
Tumindig si Hesus at sumama sa kanya, gayundin ang kanyang mga
alagad.
 Sumunod din ang isang babaing may labindalawang taon nang
dinudugo. Lumapit ito sa likuran ni Hesus at hinipo ang laylayan ng
kanyang damit. Sapagkat sinabi niya sa sarili, “Mahipo ko lang ang
kanyang damit ay gagaling na ako.” Bumaling si Hesus at pagkakita sa
kanya’y sinabi, “Anak, lakasan mo ang iyong loob! Pinagaling ka ng
iyong pananalig.” Noon di’y gumaling ang babae.

Nang dumating si Hesus sa bahay ng pinuno, nakita niya ang mga

manunugtog ng plauta at ang maraming taong nagkakaingay. Sinabi
niya, “Magsilabas kayo! Hindi patay ang bata; natutulog lang!” At
siya’y pinagtawanan nila. Ngunit nang mapalabas na ang mga tao,
pumasok siya, hinawakan sa kamay ang bata at ito’y nagbangon. At ang
balita tungkol sa pangyayaring ito ay kumalat sa buong lupaing iyon.

Ang Mabuting Balita ng Panginoon.

B: Pinupuri Ka naming, Panginoong Hesukristo!

C: Magsiupo ang lahat at making sa Homiliya.

-Homiliya-

C: Tumayo ang lahat para sa Panalangin ng Bayan.

Panalangin ng Bayan

P: Hindi ninanais ng Diyos ang ating kamatayan. Nilikha niya tayo para
sa buhay ngunit mas pinili natin ang kamatayan sa bawat pagkakasala
natin. Si Kristong Tagapagligtas ay nagbabalik sa atin sa buhay, at
lumalapit tayo sa Ama sa pamamagitan niya.
 Panginoon, dinggin Mo ang aming panalangin.

Ang Simbahan nawa’y maging tanda ng gawaing mapagpagaling ni

Kristo sa pamamagitan ng pagmamalasakit sa mga may karamdaman sa
katawan, isip, at diwa, manalangin tayo sa Panginoon.

Panginoon, dinggin Mo ang aming panalangin.

Ang mga doctor at mga nars, at yaong mga nag-aalaga ng mga maysakit
nawa’y magpakita ng habag at kahinahunan ni Kristo sa pag-aaruga sa
mga maliliit nating mga kapatid, manalangin tayo sa Panginoon.

Panginoon, dinggin Mo ang aming panalangin.

Sa mga taong nagdurusa sa kahirapan nawa’y lumapit kay Hesus na

naging hamak para sa atin, manalangin tayo sa Panginoon.

Panginoon, dinggin Mo ang aming panalangin.

Ang mga pusong wasak nawa’y mapaghilom natin sa pamamagitan ng

ating mabubuting gawa at salitang nagdudulot ng kasiyahan,
manalangin tayo sa Panginoon.

Panginoon, dinggin Mo ang aming panalangin.

Ang mga namayapa nawa’y masiyahan sa makinang na bukang-

lawayway ng buhay na walang hanggan, manalangin tayo sa Panginoon.

Panginoon, dinggin Mo ang aming panalangin.

 Ang mga magtatapos ngayong taong panuruan, patuloy nawa nila
makamtan ang mga hangarin nila sa buhay nang may pagmamahal at
hangaring maglingkod sa kapwa bilang isang Mabuting Kristiyano,
manalangin tayo sa Panginoon.

Panginoon, dinggin Mo ang aming panalangin.

Ang mga magulang, guro, pinuno ng paaralan, at lahat ng mga taong

nasa likod ng tagumpay na ito, manatili nawa silang maging
instrumento ng pagtupad ng mga pangarap,
Panginoon, dinggin Mo ang aming panalangin.

P: Diyos Ama, patuloy mo kaming hilumin sa lahat ng masama, at

hayaan mong ang iyong kabutihan ang magliwanag sa amin sa
pamamagitan ng kapangyarihan ni Hesu-Kristong aming Panginoon.

B: Amen

C: Magsiupo ang lahat at ating ihanda ang ating mga sarili sa Pag-aalay.

PAGDIRIWANG NG HULING HAPUNAN

Awit ng Pag-aalay
Paghahanda ng Alay
----

C: Magsitayo ang lahat

P: Manalanagin tayo mga kapatid, upang ang paghahain natin ay

kalugdan ng Diyos Amang Makapangyarihan.
C: Tanggapin nawa ng Panginoon itong paghahain sa Iyong mga kamay,
sa kapurihan Niya at at karangalan sa ating kapakinabangan at sa buong
sambayanan Niyang Banal.

Panalangin Ukol sa Alay

P: Ama naming…
Magpasawalang Hanggan…

B: Amen

P: Sumainyo ang Panginoon

B: At sumaiyo rin

P: Itaas sa Diyos ang inyong puso at diwa

B: Itinaas na namin sa Panginoon

P: Pasalamatan natin ang Panginoong ating Diyos

B: Marapat na Siya ay pasalamatan

P: Ama naming Makapangyarihan…..

Kaya kaisa ng mga anghel na nagsisiawit ng papuri sa Iyo nang walang
humpay sa kalangitan, kami’y nagbubunyi sa Iyong kadakilaan:

Santo, Santo, Santo, Panginoong Diyos ng mga hukbo

Napupuno ang langit at lupa ng Kadakilaan Mo,
Osana sa Kaitaasan!
Pinagpala ang naparirito sa Ngalan ng Panginoon,
Osana sa Kaitaasan!

C: Magsiluhod po ang lahat (ilagay ang ating kanang kamay sa tapat ng

ating puso).

P: Ama naming Banal, Ikaw ang bukal ng tanang Kabanalan, Kaya’t sa

pamamagitan ng Iyong Espiritu gawin Mong banal ang mga Kaloob na
ito upang ang sa ami’y maging Katawan at Dugo ng aming Panginoong
Hesukristo.

Bago Niya pinagtiisang kusang-loob na maging handog, hinawakan

Niya ang tinapay, pinasalamatan Ka Niya,pinaghati-hati Niya iyon,
inabot sa Kanyang mga alagad at sinabi:

“TANGGAPIN NINYONG LAHAT ITO AT KANIN: ITO ANG AKING

KATAWAN NA IHAHANDOG PRA SA INYO.”

Gayundin naman, noong matapos ang hapunan, hinawakan Niya ang

kalis, muli Ka Niyang pinasalamatan, iniabot Niya ang kalis sa Kanyang
mga alagad at sinabi:

“TANGGAPIN NINYONG LAHAT ITO AT INUMIN: ITO ANG KALIS NG

AKING DUGO NA IBUBUHOS PARA SA INYO AT PARA SA LAHAT SA
IKAPAGPAPATAWAD NG MGA KASALANAN. GAWIN NINYO ITO SA
PAG-ALALA SA AKIN.”

Konsekrasyon
(Pagtatapos ng Konsekrasyon)
Aklamasyon

P: Ipagbunyi natin ang misteryo ng ating pananampalataya.

B: Si Kristo’y namatay!
Si Kristo’y nabuhay!
Si Kristo’y babalik sa wakas na panahon!

P: Ama, ang ginagawa naming ngayon ay ang pag-alala sa pagkamatay

at muling pagkabuhay ng Iyong Anak, kaya’t iniaalay naming sa Iyo
ang tinapay na nagbibigay-buhay at ang kalis na nagkakaloob ng
Kaligtasan.

Kami’y nagpapasalamat dahil kami’y Iyong minarapat na tumayo sa

harap mo para maglingkod sa Iyo. Isinasamo naming kaming
magsasalu-salo sa Katawan at Dugo ni Kristo ay mabuklod sa
pagkakaisa sa pamamagitan ng Espiritu Santo.

Ama, lingapin mo ang Iyong Simbahang laganap sa buong daigdig.

Puspusin Mo kami sa pag-ibig kais ani Francisco na aming Papa, ni
Roberto na aming Obispo, at ng tanang kaparian.

Alalahanin Mo rin ang mga kapatid naming nahimlay, nang may pag-
asang sila’y muling mabubuhay gayundin ang lahat ng mga pumanaw.
Kaawaan Mo sila, at patuluyin sa Iyong kaliwanagan.

Kaawaan Mo at pagindapatin kaming lahat na makasalo sa Iyong

buhay na walang wakas. Kaisa ng Mahal na Birheng Maria, na Ina ng
Diyos. Kaisa ng mga Apostol at ng lahat ng mga banal na namuhay sa
daigdig nang kalugod-lugod sa iyo, maipagdiwang nawa naming ang
pagpupuri para sa ikararangal Mo sa pamamagitan ng Iyong Anak na
aming Panginoong Hesukristo.

Sa pamamagitan ni Kristo, kasama Niya, at sa Kanya, ang lahat ng

parangal at papuri, ay sa Iyo, Diyos Amang Makapangyarihan, kasama
ng Espiritu Santo, magpasawalanghanggan.

B: Amen

P: Sa tagubilin ng mga nakagagaling na utos turo ni Hesus na

Panginoon natin at Diyos, ipahayag natin nang lakas-loob.

AMA NAMIN (THE LORD’S PRAYER)

P: Hinihiling naming na kami’y iadya sa lahat ng masama,

pagkalooban ng kapayapaan sa araw-araw, iligtas sa kasalanan at
ilayo sa lahat ng kapahamakan samantalang aming pinananabikan ang
dakilang araw ng pagpapahayag ng Tagapagligtas naming si
Hesukristo.

B: Sapagka’t sa Iyo ang kaharian at ang kapangyarihan at ang kapurihan

magpakailanman.

P: Panginoong Hesukristo, sinabi Mo sa iyong mga Apostol:

“Kapayapaan ang iniiwan Ko sa inyo. Ang Aking kapayapaan ang
ibinibigay Ko sa inyo.” Tunghayan Mo ang aming pananampalataya at
huwag ang aming pagkakasala. Pagkalooban Mo kami ng kapayapaan
at pagkakaisa ayon sa Iyong kalooban. Kasama ng Espiritu Santo,
magpasawalang-hanggan.

B: Amen

P: Ang kapayapaan ng Panginoon ay laging sumainyo.

B: At sumaiyo rin

P: Magbigayan tayo ng kapayapaan sa isa’t isa.

KORDERO NG DIYOS

Kordero ng Diyos na nag-aalis ng kasalanan ng Sanlibutan,

Maawa Ka sa amin (2X)
Kordero ng Diyos na nag-aalis ng kasalanan ng Sanlibutan,
Ipagkaloob Mo sa amin ang kapayapaan.

C: Magsiluhod po ang lahat (ilagay ang ating kanang kamay sa tapat ng

ating puso).

P: Ito ang Kordero ng Diyos na nag-aalis ng mga kasalanan ng

sanlibutan. Mapalad ang mga inaanyayahan sa Kaniyang piging.

B: Panginoon, hindi ako karapatdapat na magpatuloy sa Iyo, ngunit sa

isang salita Mo lamang ay gagaling na ako.

C: Magsiupo ang lahat at ihanda ang ating sarili sa pagtanggap ng Banal

na Kumunyon.
KOMUNYON
AWIT NG KOMUNYON

C: Magsitayo ang lahat

P: Manalangin tayo….
Sa pamamagitan ni Kristong aming Panginoon.

B: Amen

----- pagsisindi ng kandila , susundan ng Panalangin ng Magulang para

sa kanilang mga Anak, at Panalangin ng mga Magtatapos.

MATAPOS ANG KOMUNYON

C: Magsitayo ang lahat

P: Sumainyo ang Panginoon!

B: At sumaiyo rin!

P: At pagpalain nawa kayo ng Makapangyarihang Diyos Ama, Anak at

ng Espiritu Santo.
B: Amen
P: Humayo kayo sa kapayapaan upang mahalin at paglingkuran ang
Panginoon.
B: Salamat sa Diyos.
AWIT NG PAGHAYO