Republic of the Philippines

Department of Education
Region V (Bicol)
Schools Division of Ligao City
PALAPAS NATIONAL HIGH SCHOOL
Palapas, Ligao City

EDUKASYON SA PAGPAPAKATAO 9
Ikalawang Pamanahunang Pagsusulit

Pangalan: ____________________________________________ Baitang at Seksyon: __________________

I. MARAMING PAGPIPILIAN. Basahin at unawaing mabuti ang mga sumusunod na tanong at pangungusap. Piliin at
bilugan ang titik ng tamang sagot.
1. Ang _____________ ay mga bagay na inaasahang magagawa o maisasakatuparan ng isang tao.
A. Karapatan B. Konsensiya C. Sinseridad D. Tungkulin
2. Alin sa mga sumusunod ang tungkulin ng isang mag-aaral?
A. pagsuot ng uniporme C. pagpasok sa paaralan sa takdang oras
B. pagsuot ng Identification Card (ID) D. lahat ng mga nabanggit
3. Isang pulubi na maraming dumi sa katawan at may masangsang na amoy ang nais pumasok sa isang supermarket
upang bumili ng kanyang pagkain. Subalit hindi siya pinatuloy ng gwardya. Tama ba ang naging pagtrato sa kanya?
A. Opo, dahil pangingilagan siya ng ibang namimili kapag pumasok siya sa loob
B. Hindi, dahil may pambayad naman siya
C. Opo, dahil pwede naman siyang bumili sa mga maliliit na tindahan sa labas
D. Hindi, dahil hangad lamang niya na makabili ng pagkain at may karapatan at kalayaan din siya kagaya ng
iba pang mamamayan
4. Ang mga sumusunod ay mga paglabag sa karapatang pantao maliban sa isa ___________.
A. Terorismo C. Pagpatay sa sanggol
B. Pagbabayad ng utang D. Diskriminasyong pangkasarian

5. May nakita kang isang lalaking naka-kotse na pinapagalitan ang isang matandang drayber dahil sa hindi
pagpaparada nang tama sa kanyang dyip. Habang pinagsasalitaan siya nang hindi maganda, naroon sa tabi niya ang
kanyang paslit na apo. Ano ang gagawin mo?
A. Panonoorin ko ang nangyayaring kaganapan
B. Tatawagin ko ang paslit na apo para lumayo kami sa kaganapan
C. Tatawag ako ng kinauukulan tulad ng barangay tanod o pulis para mamagitan sa kanila
D. Pupuntahan ko ang lalaki at ang matandang drayber at pagsasabihan ko sila na tumigil na
6. Sa papaanong paraan napapakinabangan ng tao ang karapatan?
A. Sa paggawa ng moral na kilos C. Dahil tao lamang ang nakagagawa ng moral na kilos
B. Dahil tao lang ang may isip D. Dahil tao lang ang marunong kumilos

7. Alin ang angkop na paglalarawan ng paglabag sa karapatang pantao?

A. Hindi pahihintulutang mag-absent bukas ang isang tinedyer
B. Mga karpinterong nagtatrabaho ng walang sumbrero
C. Isang Linggo ng hindi makapagtinda sa palengke dahil sa pandemya
D. Pinagtatrabaho ang mga menor de edad sa isang minahan upang makatulong sa mga magulang

8. Hindi maaalis sa tao ang karapatang ito dahil kailangan niya ang mga ari-arian upang mabuhay nang maayos at
makapagtrabaho ng produktibo. Ito ay karapatan sa _______.
A. pribadong ari-arian C. bumili ng mga ari-arian
B. mag-impok sa bangko D. umangkin ng ari-arian
9. Kapag nilabag ang karapatang pantao magkakaroon ng _____________.
 A. pag-iisip ng pagsisisi B. pananagutan C. damdamin ng pagsisisi D. pagmumuni

10. Kayong magkaka-eskwela ay nasa paborito ninyong kainan. May pumasok na binatilyo na may kapansanan sa
paglalakad. Napansin mong walang bakanteng lamesa at upuan para sa binatilyo na tila uhaw at gutom na. Ano ang
gagawin mo?
A. Hahayaan ko siya at patuloy akong makikipagkwentuhan at tawanan sa aking mga kaeskwela
B. Tatawagin ko siya para umupo nang sandali sa aming grupo habang naghihintay siya ng may mabakante
C. Tatawagin ko ang pansin ng isa sa mga service crew para maglaan ng lugar para sa mga taong may
kapansanan
D. Makikipagkilala at makikipagkwentuhan ako sa binatilyong may kapansanan habang hindi pa siya
nakakahanap ng lugar sa kainan
11. Ang _____ ay tumutukoy sa mga prinsipyo na nagsisilbing gabay sa mga pananaw ng tao na may kinalaman sa
kung papaano niya itrato ang kanyang kapuwa at sa kanyang dignidad bilang tao.
A. Karapatan B. Konsensiya C. Sinseridad D. Tungkulin

12. Ang kagustuhan na lumipat o tumira sa ibang lugar at magkaroon ng oportunidad tulad ng trabaho o
komportableng pamumuhay o ligtas sa anumang panganib ay sinusuportahan ng karapatang ________________.
A. magtrabaho o maghanap buhay C. pumunta sa ibang lugar at maghanap buhay
B. pumunta sa ibang lugar D. mag-abroad

13. Maagang nag-asawa sina Gina at Peter. Maraming pagsubok silang naranasan sa kanilang pagsasama.
Gayunpaman, nanatiling matatag ang kanilang pagmamahalan. Maraming nanghusga sa kanila. Pinagsikapang
magtrabaho nang maayos ng mag-asawa upang umunlad ang kanilang buhay. Ito ay ang kanilang karapatang
____________________.
A. Mag-asawa C. Magkapagtrabaho
B. Magkaroon ng pribadong ari-arian D. Makapumunta sa ibang lugar o bansa

14. Ano ang totoo para sa karapatan, kasunduan, kabutihan at kawang-gawa? Ito ay _________________.
A. bagay na pansarili lamang C. magdudulot ito ng pagkakapantay-pantay sa lahat ng tao
B. mahalagang bagay para sa lahat ng nilalang D. mahalagang katangian na nararapat na mayroon ang tao
15. Alin sa mga sumusunod ang HINDI nangangahulugan ng salitang paggawa?
A. Isang bagay na hindi matatakasan at kailangang harapin sa bawat araw
B. Isang gawain ng tao na nangangailangan ng likas na pagkukusa at pagkamalikhain
C. Isang pagkilos na hindi batay sa kaalaman
D. Malaking bahagi ng pagkatao na kailangang isagawa ng may pananagutan

16. Sa pamamagitan ng paggawa nakakamit ng tao ang mga sumusunod, maliban sa:
A. Suporta para sa pansariling pangangailangan C. Mataas na tiwala sa sarili
B. Karapatang samsamin ang pag-aari ng iba D. Pagkakataong makisalamuha at makisama sa iba
17. Kailan masasabi na ang paggawa ay isang moral na obligasyon para sa kapuwa, pamilya, at lipunan na kaniyang
kinabibilangan?
A. Kapag iniisip ng tao ang kaniyang sarili sa kaniyang paggawa
B. Kapag kinakailangang isama sa layunin ng tao sa paggawa ang makatutulong sa kaniyang kapuwa.
C. Kapag kinakailangan ng tao na maghanap ng hanapbuhay na ang layunin ay makatulong at magsilbi sa
kapuwa
D. Lahat ng nabanggit

18. Ang tao ay gumagawa upang kitain ang salapi na kaniyang kailangan upang matugunan ang kaniyang
pangunahing pangangailangan. Ang pangungusap ay _____________.
A. Tama, dahil likas sa tao na unahing tugunan ang kaniyang pangunahing pangangailangan
B. Tama, dahil hindi mabibili ng tao ang kaniyang pangangailangan kung wala siyang pera
C. Mali, dahil hindi nararapat na pera ang maging layunin sa paggawa
D. Mali, dahil mas mahalagang isipin na matugunan ang pangangailangan ng kapuwa bago ang sarili
19. Saan nakikita ang tunay na halaga ng paggawa?
A. Sa proseso na pinagdaanan bago malikha ang isang produkto
 B. Sa kalidad ng produkto na nilikha ng tao
C. Sa haba ng panahon na iginugol upang malikha ang isang produkto
D. Sa katotohanan na ang gumawa o lumikha ng produkto ay tao

20. Ang sumusunod ay layunin ng paggawa maliban sa isa __________.

A. Kumita at ipagdamot ang bunga ng paggawa
B. Kumita ng salapi na kailangan upang matugunan ang pangangailangan
C. Makapag-ambag sa patuloy na pag-angat at pagbabago ng Agham at Teknolohiya
D. Maiangat ang kultura at moralidad ng lipunang kinabibilangan
21. Bakit kailangang gawin ng isang mag-aaral ang takdang aralin?
A. Dahil mas malinang niya ang kaniyang sariling kakayahan
B. Dahil magkakaroon siya ng karagdagang puntos
C. Dahil ginagawa ito ng mga kamag-aral niya
D. Dahil may mapagkaabalahan siya
22. Lahat ng mga mag-aaral ay kailangan makilahok sa Brigada Eskwela ng paaralan. Ano
ang dapat mong gawin dito upang maipakita ang pagpapahalaga mo sa paggawa?
A. Tumulong upang maipakita ang pagiging aktibo sa paaralan
B. Tumulong at magkaroon ng attendance araw-araw
C. Tumulong sa mga kailangang kumpunihin
D. Tumulong dahil masaya itong gawin
23. Ang buhay na may patutunguhan ay may katuturan. Ano ang kuhulugan nito?
A. Ang taong gumagawa upang makabahagi sa kapuwa ay may saysay ang buhay.
B. Ang tao ay dapat may pupuntahan upang may saysay ang buhay.
C. Ang tao ay dapat malinaw ang patutunguhan sa buhay.
D. Ang tao ay dapat may plano sa buhay
24. Ano ang tawag sa resulta ng pagkilos ng tao na may layuning makatugon sa
pangangangailangan ng kapuwa?
A.Pagkilos B. Paggawa C. Pakikisama D. Pagtaguyod
25. Ang sumusunod ay layunin ng paggawa maliban sa isa:
A. Kumita ng salapi upang matugunan ang mga pangunahing pangangailangan
B. Dumami ang ari-arian at aangat ang buhay kaysa iba
C. Magkaroon ng kabuluhan ang pag-iral bilang tao
D. Tumulong sa kapuwang nangangailangan
26. Ano ang kahulugan sa pahayag ni Stan Lee (isang manunulat ng komiks na Spiderman) na, “With great power
comes great responsibility”?
A. Kaakibat sa karapatan ng isang tao ang obligasyong moral
B. Mas mabigat ang gawain ng taong maraming tungkulin
C. Maganda ang pagkakaroon ng kapangyarihan
D. Kung may karapatan, ipaglaban mo
27. Ang sumusunod ay nagpapakita na kabuluhan sa paggawa ng tungkulin maliban sa:
A. Nag-aaral si Miguel nang mabuti at nakikinig sa talakayan upang matuto
B. Ginagawa ni Arnel ang gawaing bahay upang makapagpahinga si inay
C. Inaayos ni Yuri ang sirang gripo ng tubig upang hindi maaksaya ito
D. Naglilinis si Hannah sa paaralan upang purihin ng kaniyang guro

28. Ano ang tinutukoy ng kapangyarihang moral na gawin, hawakan, pakinabangan at angkinin ang mga bagay na
kailangan ng tao sa kaniyang estado sa buhay?
A. Tungkulin B. Karapatan C. Karunungan D. Dignidad

29. Sino sa mga mag-aaral ang gumagawa ng kaniyang tungkulin na mapangalagaan ang kaniyang sarili?
A. Si Ed na nagiging magaling sa klase kahit kaunti lang ang tulog dahil sa pag-aaral
B. Si Marlo na hindi tumitigil sa pagsasanay ng gymnatics para manalo sa paligsahan
C. Si Jessie na ginagawa ang lahat na gustong gawin upang magiging masaya palagi
 D. Si Jean na naging maingat sa kaniyang mga posts sa social media upang mapangalagaan ang kaniyang
pagkatao

30. Si Omar ay balak magtinda sa kantina ng paaralan. Ano ang mas mabuting itinda niya?
A. Softdrinks para malaki ang kita
B. Kendi, junk food at pandesal para sa miryenda
C. Mga ulam na gulay at prutas para sa tanghalian
D. Mga palamuti gaya ng hikaw, stickers at iba pa

II. PAGTATAMBAL. Basahin at unawaing mabuti ang mga sumusunod na karapatan ng tao. Isulat sa patlang ang
letra ng tungkulin na kaakibat nito.

______ 31. Karapatang mabuhay a. Tungkulin na sumunod sa mga batas na pinapairal

ng ibang lugar o bansa
______ 32. Karapatan magkaroon ng pribadong ariarian b. Tungkulin maghanapbuhay ng marangal
______ 33. Karapatan sa pananampalataya c. Tungkulin na igalang ang ibang relihiyon o paraan
ng pagsamba ng iba
______ 34. Karapatang maghanapbuhay d. Tungkulin na pangalagaan ang pamilya
______ 35. Karapatang pumunta sa ibang lugar e. Tungkulin na gawing legal ang pag-aari
f. Tungkulin ang pangalagaan ang sarili o
pangalagaan ng mga magulang ang mga anak
III. PAG-IISA-ISA. Ibigay ang mga hinihingi sa bawat bilang. Gamitin ang likod na bahagi nitong papel para sa iyong
sagot.
36 – 41. Tatlong “T” na kinakailangan sa pakikilahok at bolunterismo
39 – 42. Mga maaaring makamit sa pamamagitan ng paggawa (magbigay ng apat)
43 – 45. Mga Karapatan na nakasaad sa Universal Declaration of Human Rights (magbigay ng tatlo)

IV. PAGSULAT
Gamit ang tatlo hanggang limang pangungusap, magbigay ng sariling pananaw tungkol sa pahayag na ito. “Masaya
ang isang tao kapag siya ay nakapaglilingkod at nakapagbabahagi ng kontribusyon sa kaniyang kapuwa at sa lipunan.
Dahil dito, nagkakaroon ng pagkakataon na makabuo ng suporta at relasyon sa kapuwa o lipunan.” Isulat ang iyong
sagot sa loob ng kahon. (5 puntos)

_______________________________ _______________________________
Pangalan at Lagda ng Mag-aaral Pangalan at Lagda ng Magulang

PALAPAS NATIONAL HIGH SCHOOOL

Palapas, Ligao City