LAGOM, KONKLUSYON AT REKOMENDASYON

Lagom
Layunin ng pag-aaral na ito na malaman ang antas ng kasanayan sa pagsulat ng

mga mag-aaral sa ikalawang taon ng Batsilyer ng Edukasyong Pansekundarya Medyor

sa Filipino taong panuruang 2022 – 2023 ng Sultan Kudarat State University-ACCESS

Campus. Layunin din ng pag-aaral na ito na malaman ang personal propayl ng mga

respondente batay sa kanilang kasarian, edad, at karanasan sa pagsulat. Inalam din

kung mayroong makabuluhang ugnayan ang personal propayl ng mga respondente sa

antas ng kasanayan sa pagsulat ng mga respondente.

Gumamit ang mga mananaliksik ng Descriptive-Correlational Design. Ang mga

awtput na sanaysay ng mga respondente sa asignaturang Sanaysay at Talumpati ang

pangunahing intstrumentong ginamit sa pangangalap ng datos upang malaman ang

antas ng kasanayan sa pagsulat ng mga mag-aaral, kung saan dalawampu (20) ang

naging kalahok o respondente sa pag-aaral na pinili gamit sa pamamagitan ng quota

sampling technique at lottery method. Ginamit naman ang google forms upang makuha

ang personal propayl ng mga respondente.

Ang mga sumusunod ay ang mga resulta ng pananaliksik:

Batay sa kasarian, natuklasan na ang may pinakamaraming bilang ng

mga respondente ay babae na mayroong 15 o may katumbas na 75%. Samantala, ang

lalaki naman ang may pinakamaliit na bilang ng mga respondente na mayroong 5 o

may katumbas na 25% lamang.

Batay sa edad, nasa 20 taong gulang ang may pinakamaraming bilang ng mga

respondente na mayroong 15 o may katumbas na 75%. Samantala, nasa 23 taong

 32

gulang naman ang may pinakamababang bilang ng mga respondente na mayroong 1 o

may katumbas na 5%.

Batay sa karanasan sa pagsulat naman, 14 o may katumbas na 70% na

respondente ang walang karanasan, 3 o may katumbas na 15% naman ang may

karanasan sa paglahok sa mga seminar na may kinalaman sa pagsulat. Habang 2 o

may katumbas na 10% na respondente naman ang may karanasan bilang kasapi ng

pahayagang pangkampus noong hayskul at ngayong kolehiyo, at panghuli 1 o may

katumbas na 5% naman na respondente ang may karanasan na lumahok sa mga

patimpalak na may kinalaman sa pagsulat.

Sa kabilang banda, sa antas ng kasanayan sa pagsulat ng mga mag-aaral sa

indikasyong nilalaman, mayroon itong grand mean na 74.64167 at may deskripsyong

mahina. Sa indikasyon naman na organisasyon, mayroon itong grand mean na

78.00417 at may deskripsyong katamtamang husay. Ang indikasyong talasalitaan

naman ay may 74.3925 na grand mean at may katumbas na mahinang deskripsyon.

Ang indikasyong wika ay may 69.39852 at may deskripsyong mahina. At panghuli, ang

indikasyong mekaniks ay may grand mean na 73.16 at may deskripsyong mahina.

Samantala, ang propayl ng mga respondente ay natuklasan na walang

makabuluhang ugnayan sa kanilang antas ng kasanayan sa pagsulat.

Konklusyon

Batay sa ngaing resulta ng isinagawang pag-aaral, nabuo ng mga mananaliksik

ang mga sumusunod na konklusyon:

 33

1. Mas marami ang mag6 respondenteng babae kumpara sa lalaki. Mas marami rin

ang respondenteng nasa 20 taong gulang. At mas marami ang respondente ang

walang karanasan sa pagsulat.

2. Sa mga indikasyong ginamit batay sa analitikong rubrik ni Jacobs, pinakamahina

sa wika, mekaniks, talasalitaan, at nilalaman ang mga respondente. Katamtaman

naman ang kahusayan nila sa organisasyon.

3. Hindi ito nakaiimpluwensiya sa kanilang kahusayan sa pagsulat,dahil walang

mahalagang kaugnayan ang personal na propayl ng mga respondente batay sa

kasarian, edad, at karanasan sa pagsulat sa kanilang antas ng kasanayan sa

pagsulat

Rekomendasyon

Batay sa naging resulta at konklusiyon ng pag-aaral iminumungkahi ng mga

mananaliksik ang mga sumusunod:

1. Maaaring pagtimbangin ang bilang ng mga respondente batay sa kanilang

kasarian, edad at maging sa kanilang karanasan sa pagsulat upang mas

relayabol ang resulta ng pag-aaral.

2. Maaaring gamitin ang prosesong pagdulog o Process Approach sa pagsusulat

upang mabigyang tuon ang pagpapaunlad sa nilalaman, talasalitaan, wika,

organisasyon, at mekaniks. Sikaping makadiskubre din ng iba pang mga

estratehiya na mas nababagay sa pagtuturo ng makrong kasanayan na pagsulat

upang mas mapukaw ang interes ng mga mag-aaral.

3. Maaaring magsagawa ng mga programang pagsulat ang kolehiyo upang mahasa

ang mga mag-aaral na kumukuha ng espesyalisasyon sa Filipino.

 34

4. Sa susunod na mananaliksik, maaari pang pag-aralan ang wika na isa sa mga

kasanayan sa pagsulat upang mapalalim ang suliraning kinakaharap sa

gramatika.