Ang paglalakbay ay hindi lamang maipakikita sa mga kilos o gawi, kagaya ng
pagsakay sa eroplano o mangibang bansa para makipagsapalaran. Isa sa pinakamalayo at pinakamataas na paglalakbay ang pag-aaral at pagpupursige na makamtan ang hinahangad na tagumpay anuman ang hamon ng buhay. Ang pagpapanatili ng magandang relasyon at maayos na pamumuhay ay may mga kaakibat na suliranin at pagsubok. Hindi kasingperpekto ng bilog ang ating buhay. Kagaya ng mga alon sa dagat, hindi maganda ang maging pamumuhay ng mga isda o anong klase ng mga bagay na namumuhay sa ilalim nito. Ang alon ang isa sa mga sangkap na nagbibigay pag-asa sa kanilang buhay. Bawat alon ay may ibinibigay na magandang oportunidad sa kanila. Ang katumbas ng alon sa ating mga tao ay ang mga pagsubok. Ito ang sangkap na nagoapatatag sa ating lahat para mas makamtan ang perpektong kasiyahan. Halimbawa na rito ay ang pag-aaral ng maraming taon at hindi sa madaliang paraan. Ang pag-aaral ang may pinakamalaking ambag sa tagumpay na mayroon ang mga indibidwal sa ating lipunan. Mahirap maging mahirap at manatiling mahirap sa buong buhay natin. Araw-araw ay binibigyan tayo ng ating Poong Maykapal ng mga oportunidad para mabago ang ating kapalaran at makuha ang inaasam na maganda at maayos na tahanan. Ang tahanan ay hindi lamang nangangahulugan na bahay kung saan tayo naninirahan. May malalim itong kahulugan na dapat maramdaman ng karamihan. Maaaring ito ay ang pagmamahal mula sa pamilya, sa mga kaibigan at kumportableng pamumuhay na may kalayaan, proteksiyon, at kapayapaan. Masarap sa damdamin ang tahanan kung saan kumpleto at wala ka ng hahanapin pa. Hindi ang malaking suweldo at malaking bahay ang siyang tanging dapat na hangarin nating lahat. Proteksiyon ng buong pamilya, pagkabuo ng pagmamahal ng bawat isa at ang pagtingin sa kung anong maitutulong sa ibang tao. Itong mga bagay ang magkukumpleto sa tahanan na gusto nating makamit lahat lalong-lalo na ako.
Ang bawat paglalakbay ay nagreresulta sa maganda kapag ginawa rin ito sa
mabuting paraan. Hindi rin maging maganda ang resulta kapag ang mga pamamaraan s pag-abot ng mga pangarap at magandang tahanan ay sa maling paraan. Nakikita ng ating Panginoon ang lahat ng ating mga paghihirap at nararamdaman niya kung ano talaga ang totoong laman ng ating puso't isipan. Kaya't kumapit at umasa lang tayo na darating ang magandang kinabukasan at makakamtan din natin ang inaasam nating magandang tahanan.