Karanasan

Ni Cynthia G. Frias

Ako’y isang taong di likas na makata

May nais lang ipaabot sa pamamagitan ng tula
Aking kaligayahan sa naging karanasan
Sa isang seminar sa Puerto Princesa,Palawan.

Bagama’t noong una ay may agam-agam

Suwerte ko pala na di inaasahan
Nadagdagan pa bagong mga kaibigan
Parang walang hanggan aming pinagsamahan.

Malayo man ang aking binagtas

Hiling ko sa Diyos ako’y iligtas
Kanyang mga kamay nawa’y maging gabay
Makabalik nang maayos sa mga mahal sa buhay .

Maraming salamat sa isang karanasan

Sa puso at isipan ay ‘di malilimutan
Karanasang sa akin ay lubos na nagpatibay
Kahit nag-iisa’y nagawang tunay.