PAKSA: Pagtukoy sa antas ng kaalaman ng mga mag-aaral sa kolehiyo ng agrikultura
sa mga rehistro ng wika sa larangan ng pagsasaka na nakasalin sa Wikang Filipino.
LAYUNIN:
1. Matukoy at masuri ang antas/lebel ng kaalaman at kasanayan ng mga mag-aaral
sa Kolehiyo ng Agrikultura sa mga rehistro ng wika sa kanilang larangan na nakasalin sa Wikang Filipino upang mapalakas ang kanilang produksyon at maging epektibo sa kanilang larangan. 2. Maibigay ang sariling interpretasyon ng mga mag-aaral sa Kolehiyo ng Agrikultura sa mga kahulugan ng mga rehistrong salita ng pagsasaka at mabago ang kanilang ibang pagkaunawa sa mga kahulugan nito 3. Maipamalas ang kahusayan ng mga mag-aaral sa Kolehiyo ng Agrikultura sa pagpapalawak ng mga rehistrong salita ng mga magsasaka upang pagyabungin ang wikang Filipino.
METODOLOHIYA:
Sa pag-aaral na ito ang mga mananaliksik ay gagamit ng Palarawang Kwalitatibong
Pananaliksik, maraming uri ng deskriptibong pananaliksik, ngunit napili ng mga mananaliksik na gamitin ang Descriptive Survey Research Design, maghahanda at gagawa ang mga mananaliksik ng sarbey o open-ended survey questionnaires at magsasagawa ng pakikipanayam para makalikom ng mga datos. Ang gagamitin ng mga mananaliksik na pamamaraang pagsusuri ng datos ay sa pamamagitan ng “narrative analysis” at “thematic analysis” upang tukuyin, suriin at bibigyang interpretasyon ang mga datos na makakalap sa sarbey at panayam na gagawin. Sa ganitong pamamaraan ay madedetermina ang antas o lebel ng kaalaman at kasanayan ng mga mag-aaral sa mga rehistro ng wika sa pagsasaka na nakasalin sa wikang Filipino. Nakatuon lamang ang pag-aaral na ito sa mga piling mag-aaral na kumukuha ng kursong Bachelor of Science in Agriculture sa pamantsang Central Luzon State University at sila ang magsisilbing respondente ng pananaliksik.