Pamumuno ay isang katangiang taglay ng isang tao, sino man

sila. Isa itong abilidad na hindi masusukat ng edad. Ang pamumuno

ay isang kakayahan na umaksyon sa anumang kinahaharap ng
hindi natitinag at nananatiling matatag at nagpapakatatag para sa
kanyang kinasasakupan.

Katulad na lang sa isports na 'basketball', pinipili ng mga

miyembro kung sino ang nais nilang mamuno sa kanila. Pinili nila
ang isang tao na mamuno hindi dahil sa gusto lang nila. Kung hindi
dahil isinasaisip nila ang potensyal ng taong ito at ang mga taglay
nitong abilidad. Kung ano ba ang magagawa nito. Buong tiwala ang
ibinibigay nila sa kanilang pinuno na alalayan sila tungo sa
tagumpay.
 Sa likod ng bawat galaw ng pinuno ay ang impluwensya niya sa
kanyang mga nasasakupan. Kaya naman esensyal na maipakita niya
ang kanyang pamumuno sa magandang paraan. Ang prinsipyo ng
isang pinuno. At sa responsibilidad niyang ito ay ang kaakibat na
pananagutan sa kanyang nasasakupan.

Ang pagiging lider ay isang posisyon na may kasamang aksyon.

Hindi lamang upang manguna. Kung hindi pati na rin upang maging
isang mabuting huwaran sa mga nakapaligid sa iyo. Lubos na
kikilalanin ng tao ang isang lider na may puso sa kanyang
nasasakupan. Gumagabay at may pananagutan.