FLORALYN T.

LAPPAY
MST-Filipino

BAYOGRAPIKAL

1. Mag-isip/gumawa ng sariling Teorya bayograpikal tungkol sa araw araw na buhay ng guro o

challenge sa buhay ng guro. (5 puntos)
“Teoryang CPP”
Pinamagatan ko itong Teoryang CPP dahil sa ibig sabihin nitong Child Protection Policy ng Kagawaran ng
Edukasyon. Mainam itong naisabatas dahil, layon nitong bigyan proteksyon ang mga kabataang naabuso o
di pagtanggap. Layunin din nitong mabigyan ng proteksyon ang mga mag-aaral sa paaralan laban sa kahit
anong pang-aabuso tulad ng diskriminasyon, pambu-bully at iba pa. ngunit tila ba inaabuso rin ito ng mga
kabataang mag-aaral at mga magulang. Pumapasok nang maaga, uuwi ng dapi’t hapon, pag-uwi sa tahanan
laman ng bag parin ang uunahing buksan, gagawa ng sandamakmak na report, gagawa ng banghay aralin,
mag-iisip kung paano ituturo at aatake sa pagtuturo sa mga mag-aaral hanggang maghating gabi, Pagdating
sa paaralan wala parin nagbago sa mga kabataang hindi nadisiplina nang tama sa tahanan. Nandyang
babastusin ka, sasagut sagutin ka lang, hindi susundin ang utos or kung uutusan mo may magdadabog pa at
may mga salitang di kaaya-ayang pakinggan sa mga batang nais mong tulungan mapaganda ang
kinabukasan. Napapagod din ang mga guro, may hangganan rin ang mga pasensya, ngunit bakit ganun? Tila,
ang Polisiyang ito naman ang inaaubuso ng mga kabataan at ang masakit pa pati mga magulang. Guro na
ngayon ang inaabuso, guro na ngayon ang hinuhusgahan, sino nga ba ang dapat sisihin sa mga di kanais-nais
na pag-uugali ngayon ng mga pag-asa ng bayan? Tayo bang mga guro na sumusunod sa batas o mga
magulang na di kayang disiplinahin ang mga anak?

2. Bakit mahalaga na pag-aralan ang teoryang bayograpikal sa konteksto ng panitikan?

(5 puntos)
Mahalaga na pag-aralan ang teoryang bayograpikal dahil ito ang paraan upang maunawaan natin ang
pagkakapareho at pagkakaiba-iba ng buhay ng isang tao. Dahil dito, marami tayong natututunan,
nauunawaan natin ang kwento ng buhay ng bawat may akda kung ano ang hirap, saya o ginhawa na kanyang
pinagdaraanan kung ano mga nakamit nyang tagumpay, o anuman na dagok ang kanyang kinaharap.

SOSYOLOHIKAL
1. Magbigay ng 3 suliranin sa Di Ko Masilip ang Langit.( 5 puntos)
Sagot:
 Hindi pantay na pagtingin sa estado ng buhay ng mga tao.
 Dahil sa kahirapan nagkakaroon ng mababang pagtingin ang mga may kaya sa buhay sa mga taong
di nakapagtapos ng pag-aaral at mahihirap.
 Dahil sa sunod-sunod na suliranin nawala ang pananampalataya sa Diyos.

2. Sa anong paraan mo haharapin ang suliranin. (5 puntos)

Sagot:
Bilang isang Katoliko, Christians,o anuman ang ating relihiyon tayo ay naniniwala sa Diyos. Lagi lang
manalig sakanya na parating may pag-asa sa buhay. Ika nga nila ang buhay ay parang gulong minsan
 nasa taas minsan nasa ibaba ngunit tuloy ang ikot ng buhay parati lang tayong manalangin at maniwala
sa plano ng Diyos.

3. Magtala ng limang epekto / o bunga ng panghuhusga sa kapwa batay sa kwento ng ang kalupi.
Ipaliwanag ( 5 puntos)
Sagot:
 Dahil sa panghuhusga sa mga taong akala natin ay gumagawa ng hindi mabuti ay may hindi
mabuting epekto ito sa kanila tulad sa kwento ng kalupi napahamak ang bata ng walang kasalanan.
 Ang isa pang epekto ng panghuhusga ay pagbababa ng moralidad ng isang tao lalo na’t kung
nahusgahan ito ng hindi tama.
 Kahihiyan sa mga taong nahusgahan lalo na’t kung nangyari ito sa isang pampublikong lugar.
 Minsan ay ito rin ang nagdudulot ng puot at galit sa mga taong mapanghusga.
 Paghihignti ay isa ring epekto ng panghuhusga sa taong di nabigyan ng pagkakataon na ipaliwanag
ang sarili.

4. Magbigay ng tatlong suliranin sa Tata Selo. Ipaliwanag ( 3 puntos)

 Pagiging mahirap ay kasalanan, nasabi ko ito dahil sa hindi tamang pagtingin ng mayayaman sa
mahihirap tulad ni Tata Selo na minamaliit at hindi binibigyan ng halaga.
 Kinukurakot ng mayayaman ang kakarampot na pag-aari nang mahihirap at simpleng tao na katulad
ni Tata Selo.
 Walang boses ang mga taong mahihirap dahil hindi sya pinakikinggan ng mga taong nasa itaas.

HUMANISMO
1.Magbigay ng sariling pakahulugan sa humanismo? (5 puntos)
Sagot:
Ang teoryang humanismo ay pananaw na nakasentro sa tao sa halip na sa Diyos. Sa pilisopiya, ito ay atityud
na nagbibigay diin sa DIGNIDAD at KAHALAGAHAN ng tao. Pinaniniwalaang ang tao ay nilikhang
RASYUNAL.
2. Magbigay ng isang kahalagahan ng humanismo, ipaliwanag. (5 puntos)
Sagot:
Mahalaga ang kultura at sining sa humanism. Ipinaniniwala nito na ang mga ito ay nagbibigay-kulay at
halaga sa buhay ng tao.