“Ang mabait na Aso”

Sa isang bayan mayroong isang aso, siya ay mabait ngunit walang kaibigan.
Tuwing siya ay may nakikita na mga hayop agad nya itong nilalapitan upang
makipag kaibigan ngunit ayaw ng mga ito sa kanya at lumayo ang mga ito.

Isang araw, habang siya ay naglalakad mag isa nakita nya ang isang daga na
pagod na pagod kakatakbo at nagtatago ito. Dahil sa gusto nya na malaman
kung ano ang nangyayari nais nya itong lapitan at tanungin.

Nilapitan ng aso ang daga para tanungin at tulungan kung kailangan nito,
"Daga, bakit ka natakbo at nagtatago? " tanong ng aso, "Dahil hinahabol ako
ng pusang galit sa akin at nais akong patayin" sagot ng daga, dahil mabait ang
aso tinulungan nya ang daga upang 'di makita ng pusa. Nang makalayo ang pusa
agad naman sinabi ng aso sa daga. Nagpasalamat ang daga sa aso at bilang
pasasalamat kinaibigan ng daga ang mabait na aso.