Ang pag iimbestiga, pagsisiyasat o ang pananaliksik ay ang sistematiko at matalinong pagsusuri

ng mga bagay, paksa, pangyayari at iba. Layunin ng pananaliksik na mabigyan ng kasagutan, paraan o
resulta ang isang penomenang problema. Maraming mga parte ang bumubuo sa isang pananaliksik. Isa
na rito ang teoretikal na batayan. Ang teoretikal na batayan ay isa sa gabay at nagpapatatag o
nagpapatibay sa isang pag aaral. Nakapaloob dito ang malinaw na basehan sa pagpapakahulugan sa
kahalagahan ng pag-aaral o ng isang pananaliksik.

Napakahalagang parte ng teoretikal na batayan sa pananaliksik o sa pag aaral, sapagkat, ito ang
nagbibigay ng paliwanag at mga depinisyon sa mga konseptong ginamit. Nakapaloob din rito ang
pagbubusisi at tingnan kaugnayan at kahalagahan ng mga teorya na ginamit sa pag aaral. Makakatulong
ang batayang teoretikal sa mga mambabasa na mas lalong maunawaan at maintindihan ang perspektibo
at nilalaman ng pag aaral. Sa pamamagitan ng batayang teoretikal maaaring dito ibase ang mga
maaaring maging resulta ng pag aaral o kalabasan ng pananaliksik.