Professional Documents
Culture Documents
Jireenya Keetitti Gammadi Editedfor Publish
Jireenya Keetitti Gammadi Editedfor Publish
Jireenya Keetitti Gammadi Editedfor Publish
JIREENYA KEETITTI
GAMMADI
( Enjoy Your Life )
إستمتع بحياتك
Qopheessaan
Dr Muhammad bin Abdurrahmaan Al Ariifii
Hiikkaan
Facebook: https://www.facebook.com/jamaal.shbakrii
Telegram: https://t.me/JemalSheikhBakri1
Telegram: https://t.me/DrZakirNaikAfaanOromoo
Instagram: https://www.Instagram.com/jemalsheikhbakri
E-mail: onejems49@gmail.com
Baafata
Anis isaa taa’aa jiru yeroon argu deemaa dhufeetin gara mirga isaatiin Suuta
jedhee gad taa’e. Salaamtaa waliin jennee, xiqqo erga haasofnee booda, Kitaaba
tokko na agarsiise. Kitaabichi akkaan bareedaa ta’uu wajjiin jireenya isaa irratti
dhiibbaa gaarii akka uume, amala isaatis baay’ee akka fooyyesse fi akkaan
kitaabicha akka jaalate naaf hime. Sanirra dabree kitaabicha akkan afaan
oromootti jijjirullee na gaafate. Anis nama kitaaba akkaan dubbisuu jaalatun
ture. Kitaabicha soft kooppiidhaan Afaan Ingliffaatiin Saalim Beeg Kan hiike
naaf dabarse.
Anis Kitaaba Towfiq akkatti jaalachiise kana jechuun hawwiin dubbisuu kiyyaa
na keessa guutte. Dubbisee xumuree, waan inni itti na ajaju hojirra oolchuuf
fedha guddaanin guutame. Kana caalatti kitaabicha akkan jaaladhu kan na
godhe, Towfiq Muhaadaraa hedduurratti yeroo gorsa mimmii’aawaa kana
godhu Seenaa fi Jechamoota babbareedoo Kitaabicha kana keessaa akka
wabeeffatu hima. Ergasii dhuunfatti yeroon irraa dhaga’u daranuu fedhiin
Kitaabicha dubbisuu qaama kiyya keessa wal gahe.
Kitaabicha yeroon ‘Bismillah’ jedhee PDF isaa banu ‚Enjoy your Life‛ jedha.
Saliim Beg kitaabicha Ingliffaatti Hiikuu fi Nasim Chowdhury Edit akka godhe
odeessa. Dhaabbanni guddaan biyyoolessaa ‚Daarussalaam‛ kan jedhamu
kitaabicha akka maxxanses barreeffamee jira.
onnee too na booji’e, Gosti kitaabichaa kan walitti dhufeenya namootaa wajjiin
wal qabatu waan ta’eef baay’ee natti tole.
Akkumaan olitti isiniif ibsetti, Kitaabichi guyyaa na bira gahu irraa jalqabee
osumaan jaaladhuutin dubbisaa ture. Ingliffaan Soft Kooppiin dubbisee yeroon
fixu, Afaan Arabaa kan inni ittiin barreeffameen argachuun qaba jedheetin Hard
kooppiin barbaadutti seene.
Kitaabicha irra deddeebiidhaan dubbisuu kiyyarraa kan ka’e Ergaan isaa akkaan
naaf hubatame, Miira kitaabicha afaan Oromootti jijjiiruun qaba jedhu na
keessatti uumame. Murtee gama afaan oromotti jijjiiruu kiyyaa kanin
murteeffadhe, Magaala guddoo Oromiyaa finfinneetti ture. Kitaabicha Afaan
Amaaraatiin Hadiyyaa Muhammad kan hiikte, ‚ህይወትህን ተደሰትበት‛ kan jedhu
maktabaa Towbaatii bitadhee yeroon galuudha.
Yeroo San turtii muraasan Finfinnee ture, Mana Jafer Towfqin ture. Nan
yaadadha Jaafarittillee kitaabicha akkaanin faarsaa ture. San booda ergan Afaan
Ingiliffaa, Arabifffaa, Amaariffaatin dubbisee Afaanota kanniin tarree Afaan
Oromoo galchuun qaba jedheetin muradhe.
Qabxii dagatamuu hin qabne kanin isin yaadachiisuu barbaadu, Ani kitaabicha
irra deddeebii fi afaanota adda addaatiin gaafan dubbisu, qajeelfamoota
kitaabichaa jireenya kiyya keessa fideetin hojirra oolchaa ture. Kitaabichi
Kitaaba Dubbisa qofaatii miti, kitaaba Yaalii fi Shaakalaati.
Obboleessa Kee
Ustaaz Khadiir Mohammed Nama akkaan diin jaalatu. Biyya Saudi Arabiyaatti
akkaan Ulamaa’ii teenyatti dhihaatee khaddamu keessaa tokko. Ustaazni Sheekh
Muhammad Al Ariifiidhaanis walitti dhiheenya qaba. Waa’ee Kitaaba kanaatis
Sheekh Muhammad Al Ariifitti isaatu himee ture. Kitaabicha erga dubbisee
boodaan sagalee akkana jettu waraabee naaf erge.
‚Kitaabni kee haftee takka hin qabu, akka ajaa’ibaatti tolchitee, bareechitee,
barreessite. Ani bifa waraqaattin kooppii godhadheetin dubbise. Hedduun
jaaladhe. Rabbiin sirraa haa jaalatu, waan itti laffaate kanallee bu’aa isaa
addunyaa aakhiratti Rabbiin siif haa kannu.
‚Akhii Kitaabni akki itti hiikame, hedduu haala nama hawwatuu fi nama
dubbisiisuuni. Filannoon ‘font’ fi ‘layout’ kitaabichaa hundi dansaadha. Kitaabni
bareedaadha! Hojiin kee hojii ol aanaadha. Rabbiin Sirraa haa Jaalatu.
Namni Kitaaba kana dubbisee itti hojjate, Dura ofiif gammadaa ta’a, Eegasii
namoota naannoo isaa jiranii fi Isaan wal qunnamaniif sababa gammachuu
ta’uu danda’a je’eetin yaada‛
Adem dhalate nama kennaa barreessuu akkan qabu, Fuula facebook isaa irratti
barreeffamoota dhedheeraa barreessuun kan beekkamu Akkasuma Yuniversitii
Oda Bultumitti barsiisaa kan tureedha. Eega kitaaba dubbisee akkana jedhe.
Rabbiin Abbaa Kitaaba kana barreeysee fi kan Hiikes galata isaanii Jannata haa
godhu. Nutiis warra qaamaa qalbiin dubbisee irraa fayyadamu nu haa taasisu.
Towfiq Digrii jalqabaa Yuniversitii Wachaamotti kan fudhate yoo ta’u, Gosti
barnootaa inni eebbifameen Geology iidha, dabalataan nama dandeettii Aartii
hedduu qabuudha. Walaloos baay’ee barreessuu danda’a. Erga kitaaba kana
dubbiseen booda akkana jedhe. ‚Kitaabni JIREENYA KEETITTI GAMMADI jedhu
Anaaf Kitaaban dubbisee, jijjiirama Akhlaaqa bareedaa, akka Rasuulli
(Sallallaahu aleyhi wasallam) tahaa je’ee itti nu ajajetti irraa argadheedha.
Kitaabni kun yoo seeraan dubbifame, hojitti yoo jijjiirame Kitaaba hundee
jijjiiramaa haala jireenya dhunfaa bira dabree hawaasaati.
Namni Kitaaba kana dubbise fedha Rabbiitiin bu’aalee armaan gadii irraa ni
argata jedheetin amana. Amala gaarummaa fi ilaalcha bilchaataa hundaa wajjiin
waliif galuu nama dandeessisu nama horachiisa. Jireenya hawaasummaa gaarii,
namootaa wajjiin walii galtee gaarii, jirreenya keenya keessatti akka qabaannu
nu godha. Namni Kitaaba kana dubbise jalqaba irratti Jijjiirama gaarii amala ofii
irratti mil’ata, lammaffaarratti Abshaalummaa fi tooftaa jaalala namaa ittiin
horatan barata. Walumaa galatti bu’aan Kitaaba kanaa Milkii Jireenya Duniyaa fi
Aakhiraati.‛
Galata
Duraan dursee Rabbii kiyya mootii dachii samii, Jiraachisaa kiyya, too’ataa amrii
duniyaa fi aakhiraa, Qananiisaa Uumama isaa kan ta’e Mootii moototaa. Kanin
Hojjadhuu, Hojjachuu baadhuu Isa galatoomfachuu hin lakkifne, dhiisisaa fi
bariisisaa kiyya kanin godhii inni naaf godhe lakkaawaa yoonin oole xumuruu
hin dandeenye Irra deddeebiidhaan Galatoomfachuun barbaada.
Itti aansuun maatii koo, Haadhaa fi Abbaa kiyyarraa jalqabee Haalaanin isaan
galatoomfadha. Keessattuu obboleewwan lameen qaqqacaleewwan kiyya
Falmataa Miftaa fi Firaa’ol Miftaa, Akkasuma Hubattuu teenya Qarayyoo teenya
Nasiimaa Mohammad haa naaf galatoomtu.
Hiriyoota koo hunda isaanii kan biyya ambaa fi kan biyya keessa jiran Yaadaa fi
qabeenyaan kitaabni kun akka isin dhaqqabuuf kan ta’abaa turan, Onneerraan
isaan galatoomfadha. Keessattuu Jiila Kiyya kan Dillaa Yuniversitii keessatti
Wajjiin dhukkaawaa turre (My Team): Adinan Suufii, Jafer Abdul Qaadir,
Hasliin (Hassan) Ahmed, Iftiinaa Khadir, Amiin Hassan, Heeraan Khadiir Fi
Kanneen maqaa isaanii hin dhawin hunda Onnerraan galatoomfadha.
Xumura Irratti Obboleewwan kiyya kanin kitaabicha Osoon hin maxxansin dura
itti ergee akka irra deebi’anii dubbisanii yaada isaanii naaf kennan gaafadhe
hunda isaanii osoon Hin galatoomfanne dabruu hin barbaadu.
Ariifiin Akka Lakkoofsa Awrooppaatti bara 1970 tti dhalate. University Saudi
Arabiyaa irraa kan Eebbifamu yoo ta’u, PhD isaatillee achumatti barate. Mata
dureen Reaserch Thesis isaadhaa ‚ ‛موقف إبن تيمية من الصوفيةjedhamu irratti
hojjate.
Abdul Malik Mujahid Kitaaba Afaan Ingliffaatiin hiikame san keessatti akka
dubbatetti, guyyaa Jum’aa hunda namoonni baay’inaan waan Sheekha
Hordofaniif jecha Iddoon makiinaa dhaabanuu hin argamtu.
Guyyaa tokko akka carraa te’ee Carraa Masjiidha al – Ariifiin Jum’aa Khuxbaa
itti godhutti salaatuuf carraa argateeti, Ganamaan dhaqullee konkolaataa isaa
masjiidarraa fagoo dhaabuuf dirqame. Bakki konkolaataa biraatiin qabmtee
waan guutteef jecha, Masjiida yeroon namni guuta waan ta’eef iddoo
argachuunuu ulfaataa jechuu isaati.
Kitaaban Da’awa gama Rabbii irratti barreeffaman kan " "هل تبحث عن الوظيفهjedhu
kooppii 150,000 kan maxxanfameedha.
Seensa
. وبعد، والصالة والسالم على من ال نبي بعده،الحمد هلل
Kitaabni harka kee keessa jiru kun Waanuma ji’a tokkotti yookaa
waggaa tokkotti barreeffame sitti hin fakkatin. Kitaaba ifaajjii Qu’anna
Waggaa digdamaa boodaan qophaa’eedha.
Jalqaba...
Hin Fayyadan
Gaaf tokko Mobaayila kiyya keessatti barreeffama naaf ergame
tokkon arge. Barreeffamichi barreeffama gaafiiti. „‟Yaa Sheekha
Jaalatamaa‟‟ Murtiin Nama of ajjeese irratti jirtu maali? Jedha
gaafiin. Gaaficha dargaggeessa tokkootu erge. Aniis
bilbileetiifin „‟dhiifama‟‟ gaafiI kee hin hubanneetii irra naaf
deebi‟in jedheen.
Kitaaba kana ykn kan kana hin tahin irraa eenyu akka
fayyadamaa tahuu hin dandeenye beekuu ni barbaaddaa?
Nama dogongora isaatiif harka kennee Waan isatti dhufe
hunda qeebale carra dhabeessa. “Uumama kiyya, Kana jijjiiruu
hin danda‟u, An akkana ta‟uu hundaatu beeka.
Jechoota…
Milkaa‟inni waan namoonni jaalatan beekuu miti. Oogummaa
jaalala isaanii si goonfachiisan argachuufi sanitti hojjachuudha
malee.
Gaaf tokko akka gaara jala jiruu fi fiixa gaaraa gahuuf hedduu
carraquu akka qabu yoo dubbatun dhagehe. Dandeettii fi
oogummaa namtichi kun qabu ergan yaadee booda hedduun
keenya ga‟uumsa akka isaa akka qabnun hubadhe.
Hubannaaf…
Yeroo gaara koruuf kaate, Fiixee isaa ilaalladhu malee dhagaa jala isaa
marsan hin bir’atin. Eeessa akka gahuu qabdu qofa yaadadhu, Hin
utaalin, Siin mucucaatuutu malaa.
Of Fooyyeessi
Dargaggeessa waggaa digdamaa tokkoo wajjiin teessee osoo
jirtuu akeeka, Manxiqaa fi yaada mataa isaa qabaachuu isaa
hubatte.
Aayanni Qur‟aanaa tan akkana jettu akka hin jirre hoggaan itti
himu rifateeti use. Boodarra hoggaan qoradhu Diraamaa
musalsala irraa akka argatee fi jechama warra Masrii tahuun
hubadhe.
Bu’aa…
Akkaataan ati namootatti dhihaattuun akka isaan sitti dhihaatan
tolchuuf yokn balleessuuf murteessaadha.
Ijoo dubbii…
Adda Tahi
Maaliif mariin namoota tokko tokkoo mormitti jijjiiramti, kan
namoota biraa ammoo ajandaa walfaakkaatu irraa osoo tehellee
kan mari‟atan kan jaalalaan raawwatamuuf maaliif? Kun
Muuxannoo marii wajjiin kan wal qabateedha. Yeroo namni
tokko tokko khuxbaa godhu maaliif dhaggeeffattoonni garii
amammoodaa mul‟atan (yawning), kuun ammoo hirriibaatu
isaan qaba, kaan Musallaa tuttuqa, kaanis gamaa gamana ilaala.
Baruumsa…
Nama dhiiftee maallaqa hin qabatin.Nama qabachuun maallaqa
qabaachuuf nama gargaara.
Gamnoota Arabaa Afurtu ture. Isaan keessaa Amri bin Aas (Ra)
tokko ture. Sababa Oogummaa, Qaruuxummaa fi beekumsa
isaa irraa kan ka‟e sadarkaa kana qabaachuu kan danda‟eef.
Amri yeroo Islaamummaa fudhatu Hoogganaa orma isaati ture.
Nabiyyiin (Saw) yeroo isa arge cufa salaamtaa hoo‟ituudhaan
isa simata.
Adiy dubbii sammuu isaa keessa olii gad oofuu jalqabe. Intalti
dhalaa kophaa ishii Iraaqii kaatee yeroo makka dheyxu jechuun
naannoo baharaa kutaa kaabaa kanaa kaatee lafa ummanni isaa
jiraatu gaara Xayyi‟ii dabartee yeroo makka seentu yaaduu
jalqabe. Shiftoonni nuu fi namoota biraa karaa kanatti
shoorarkeessan eessa deeman? Jedhe.
Yoo gara mirgaa gara gale jahannam malee hin argu yoo bitatti
gara gales jahannam malee hin argu jedheen. Adiy yaaduu itti
fufe. Isaanis Allahaan tokko tahuu, Muhammad ergamaa isaa
tahuu ragaa bahuu irraa maaltu si dhoorga jedhaniin? Rabbii
isa caalu beeytaa?
Barnoota…
Abshaalummaa fi oogummaa namaa wajjiin waliif galuun
kaayyoo keenya galmaan gahuu ni dandeenya.
Oogummatti gammadi.
Oogummaan gammachuu qaamaa nuuf kenna. Gammachuu
aakhiraa qofa osoo hin taane gammachuu addunyaa tanaatillee
dabalatee oogummaa keenya irraa argachuu dandeenya.
Yaada...
Dukkana abaaraa oolurra Faanusaa qabsiifachuuf yaali.
Hiyyeeyyii Wajjiin
Yeroo ammaa namoonni hedduun Haala namaa kan madaalan
gita maallaqaatiin ta‟ee jira. Qoosaa sooreyyii qofaatu isaan
kofalchiisa, Dogongora isaanii salphumatti irra dabraniif.
Qoosaan hiyyyeessaa ammoo isaan jibbisiisa, Dogongorri
isaanii guddatee itti mul‟ata.
Tarii sababa kanaaf jecha Rahmanni Rabbii samii Irraa akka siif
bu‟u, halkan ka‟anii Du‟aa‟ii isaanii keessatti si Yaadachuu
danda‟u. Namoota biratti kan tuffataman, kan dagataman, kan
rifeensa isaanii faaggaa garuu osoo Allaaha waan takka
gaafatanii hoggasuma Allaaha isaaniif Qeebalu hedduun
jiraachutu malaa beeki. Kanaafuu yeroo hunda haala gaarii
ilma namaatiif qabaadhu.
Ijoo dubbii…
Dubartootaa Wajjiin
Akaakoon kiyya Makmaaksa dur tokko natti himuu ture.
“Nama re‟ee dhalaa isaa dantaa dhabe, Korbeessa qabdee itti
dhuftii” dubartiin fedha ishiin barbaaddu hin guutaminiif
Gurbaa biraa kan ishii yaadeef hayyama ishii agarsiifti
jechuudha.
Qabxii yaadannoo…
Ijoollee Wajjiin
Wantoonni Umrii Ijoollummaa keenyatti raawwataman kan
hanga ammaatti sammuu keenya keessaa Yaadannoo
gammachuu yookaa yaadannoo gaddaa ta‟anii hafan hedduutu
jira.
Gaaf tokko Anasiin (Ra) “Yaa gurbaa gurra lamaa!” jechuun itti
qoosan. Intalli takka waan jaarsi ishii isii rakkiseef Nabiyyii
(saw) bira dhuftee itti himatte. “Jaarsi kee ka Ija isaa keessa
addenyi jiru sanii mitii?” jedhaniin.
“Nabiyyiin (saw) ija tee keessa akka addeenyi jiru natti himan”
jetteen. Jaarsi ishiitis (Yaa Namtittii)! Ija tiyya keessa
gurrachomminarra akka addeenyi heddummaatu hin beeytuu
?”jedheen. Ija nama hundaa keessaa addeenyaa fi
gurraachomminni akka jiru ibsuufii isaati.
Barsiisa tokko…
Ijoolleen xixiqqoon akka biyyee supheeti
Gara barbaannetti qoruu dandeenya.
Yoo kan Rabbi irratti Sobaa jirtu taate ammoo wilii siin hin
dubbadhu.” Jedheen.
Mil’uu…
Bifti isaanii, Qabeenyi isaanii akka fedhe haa ta‟uu Namoota
namummaa isaanii qofaaf itti dhihaadhu.
Kaafirtootaa Wajjiin
Rasuulli (saw) Namoota muslima hin ta‟iniifis yeroo hunda
Haqummaan murteeysuu turan. Isaan gara islaamummaatti
yaamuu fi Rakkoo isaanii isaan irraa salphisuuf Lubbuu isaanii
isaaniif kennuuf qophii turan. Hammeenyaa fi miidhaa isaan
irraan gayan obsaan dabarsuu turan. Maaliif?
Utbaa bin Rabii‟aa filatanii Yaa Abul Waliid namni dubbii tana
gitu suma qofa jedhaniin. Utbaan nama Obsaadha. Inninis
Qureeyshotaan “Yaa warra Qureeyshii Isa bira deemee
Dubbisee Waan sossobnuun dhiheessineefii kan fedhe keessaa
“Isaantu narra caala kan jettu yoo taate xaa‟ota ati arrabsitu
kana akkamitti gabbaruu danda‟an?, Isaan irra anaatu caala
jettee kan yaaddu yoo te‟e ammoo dubbadhu waan ati jettu
dhaggeeffannaa” jedheen.
Ibsa…
Daa‟ii gaarii jechuun kan jecha isaa dura gocha isaatiin da‟awaa
godheedha.
Bineensotaa Wajjiin
Namni gaafa Haala bareedaa ilma namaa wajjiin amaleeffate
akka waan wajjiin uumametti itti madaqa. Yeroo hunda
namoonni akkanaa kun Namatti dhihaachuun isaaniif salphata,
Onneen isaanii namaaf rifata, Sammuun isaanii dafee hubata,
akkasumatti nama irra dabranii Bineensaa fi beeyladaaf yaaduu
jalqabu.
Akeektuu…
Rabbiin ilma namaa waan hunda caalchisee uumullee akka inni
waan biraadhaa miidhu isaaf hin hayyamne.
Gaafa san namoonni sun hundi isa jaalachuu turan amma hoo
kun maalif ta‟e? Edaanuu wanni inni jara san of jaalachiiseen
Haala gaarii, gara laafinaa fi Bifa bareedaan namatti
dhihaachuudhaan ta‟uu dhabuun irraa hubadhe.
Sababni kun ta‟eef Abbaan isaa furtuu onnee ilma isaa ittiin
booj‟ee banuu waan dadhabeefi. Faallaa kanaa ta‟ee barsiisaan
yookaan hiriyaan isaa onnee isaa waan booji‟eef rakkoo isa
mudatte itti himachuuf yookiin itti mari‟achuuf dirqame.
Furmaataaf…
Dandeettiin Onnee namootaa too‟achuunii fi Jaalala isaanii
argachuu keenyaa Gammachuu guddoo jireenya keenyaaf
kenna.
Akeektuu…
Atummaan Niyyaa kee tolfadhu malee Amalli kee bareedaan
ati hariiroo namootaa wajjiin gootu irratti agarsiistu Ibaadatti
siif jijjiirama. Kanaanis Gara Rabbiitti dhiheenya argatta.
Namoonni gari gariin yoo namni isaan bira dhufe isaanitti tola,
gari gariin immoo kophummaa jaalatu. Namoonni tokko tokko
hedduu haasawuu jaalatu, namoonni kan biraa ammoo cal‟isuu
filannoo isaanii godhatu.
Yoo abaluu abaluu itti ergite waan ati gaafatte hunda siif
raawwata yeroo jedhamu dhagayuu hin ooltu. Oogummaa kee
fayyadamtee onnee namootaa banuuf Eegee ta‟uurra mataa
maaliif hin taane?
Obsi isaanii nama dinqa! Gurbaan fixatee yeroo inni kofoo isaa
hidhatu suuta jedhanii yaaman. Dhufee isaan bira dhaabbate.
“Masjiidonni kun kan ijaramaniif kanaaf osoo hin ta‟in akka itti
salaatanii fi akka itti qara‟aniifi” Gorsi isaanii ifaan asumatti
dhaabbate.
Nabiyyiin (saw) “Inni laa ilaaha illallaah eega jedhee ati isa
ajjeestee?!” “Inni osoo haqaan gabbaramaan Haqa ta‟e Rabbi
malee hin jiru jedhuu ati isa ajjeestee?!” usaamaa ilaalaa jechuu
itti deddeebi‟e.
Ilaalcha…
Ilmi namaa kun akkuma bifa garaagaraa qabu ilaalcha
garaagaraa akka qabu beeki.
Qabxii ilaalchaa…!
Wanni namni marti irratti waliif galu yoo jiraatte Ilaalchi nuti
nama tokkoof qabaannu keessaa dhibbentaan 70% waan walitti
dhufeenya jalqabaa irraa argameedha.
Kun marti gartuu amala ilma namaa keessaa tokko ture. Kanaaf
jecha kana ilaalcha keessa galchuun barbaachisaadha.
Keessattuu yeroo jalqaba namootaan walitti dhufnu.
Yaada…
Ilaalcha nuti nama tokkoof qabaannu irraa dhibbeentaa 70%
kan of keessatti qabatu Walitti dhufeenya jalqabaa irraa kan
fudhanneedha. Kana waan ta‟eef namni tokko yeroo jalqaba
nama tokkoon wal argu akka wilii wal hin arginetti haala
gaariin haa simatuu.
Deebiin inni siif kennuu danda‟u tan armaan gadii tana qofa.
“Dubartoota kan hoogganuu dandeessu humnaani. Loliiti
Saniifi “bakki ati jirtu kun bakka badiiti” jedheen. Kana jechuun
biyya tana gad dhiiftee gara biyya akkanaa deemuu qabda
jechuu isaati.
Ollaa tokko kan yeroo hunda jaartii isaa wajjiin wal rakkisan
tokkon qaba ture. Inumaa guyyaa tokko hedduu wal rakkisuu
irraa kan ka‟e yeroo takka hiikee deebise.
Ammas xiqqo turee hiikee deebise. Yeroon isaan wal argerraa
fokkina hiikkaatii fi itti gaafatamni guddaan ijoollee isaa akka
isarra jiru ittin himaa ture.
Duula Hudeeybiyyaa
Lola Hudeeybiyyaa Irratti Rasuulli Rabbii (Saw) Muhaajiroota,
Ansaarotaa fi Araboota biraa dabalatee Umraa godhuuf
dhufan. Walumaa galatti lakkoofsi isaanii kuma tokkoo fi
dhibba Afur kan gahu ture.
Bu’aan….
Amala nama tokkoo beekuun jaalala isaanii argachuuf si
gargaara.
Rifeensa Mu’aawiyaa
Mana baruumsa Sadarkaa Lammaffaa tokko keessatti barsiisaa
tokkootu ture. Guyyaa tokko osoo barsiisaa jiruu barattoonni
barnoota isaanii irratti dantaa dhabummaa fi duubatti akka
hafan hubate.
Seenaa Dallansuu
Fiixa Seenaa Dallansuu tanarraa…
Magaalaa jiddaa irraa gara kibbaatti km dhibba Sadi fagaattee
kan argamtu Magaalaa Amlaaj jedhamtutti da‟waa osuman
godhuu seenaa waa‟ee dallansuu takkan dhagaye.
Lolaaf nama deemu ta‟uun isaa shakkii hin qabu. Tasa Yeroo
kana makiinaa namticha kaanii keessaa Dargaggeeyyiin Sadi
tan irree gurguddoo tun gad bu‟aa gara isaatti dhufuu jalqaban.
Furtuu Onnee
Tokkoon tokkoon hulaa (balbalaa) qulfii mataa ofii qabdi.
Furtuun qulfii Onnee ilma namaa haala isaanii beekuudha.
Rakkoo isaanii furuu, jidduu isaanitti araara buusuu fi gaarii
isaanii irraa fayyadamuu Akasuma hamtuu isaanii irraa of
eeguudha. Namni tokko amala namootaa beeknaan wantoota
kaan hunda irratti duree ta‟a.
Erga abbaa ta‟uun kee hin oolin badiin inni balleesses sitti
galuun hin oolu. Kanaafuu mucaa kee manatti galfadhu.”
Bu’aan…
Namni kamiyyuu furtuun Qulfii onneen isaa itti banamtu tan
adda addaa qaba. amala nama tokkoo beekuun ammoo furtuu
onnee isaa tan sirrii adda baafachuuf si gargaara.
Mee intala jaarsa ishii wajjiin wal hiikan tan Haadhaa fi Abbaan
irraa du‟e takka haa yaannuu. Meeshaa ishii walitti qabattee
gara mana obboleessa ishii godaanuuf osoo deemtuu ollaa
ishiitti salaammatuuf gorte.
Jireenya isaatti akka gadduuf karaa bana, Kana irraa kan ka‟e
hiriyaa isaa kana irraa fagaatee jiraachuuf murteessuu danda‟a.
Intala ilma isaatiin “Yaa intala tiyya! Gara gaara Abu Qeysi nu
geessi. Oduu Muhammad gara makkaa dhufaa jira jedhanii
odeessan tana dhugaa ta‟uu ilaallaa” jedheen.
Baramaa…
Qaamaan wal qunnamuu qofa osoo hin taane, Onneen teenya
Wal qunnamuu qabdi.
Namni lama deebii akka ati kennitee kennanii ajajni siin wal
fakkatu isaanittis dabree jira naan jedhan. Isaan Eenyufaadha?
Jedheetin gaafadhe. Muraaraa bin Rabii‟aa fi Hilaal bin
Umayyaati naan jedhan.
Abshiir tan jettuun jaartiin isaa isa bira hin jirtu, Firri inni
mari‟achiisu hin jiru.
Anumaa Haala kana keessa jiru namni tokko gaara Sal‟aa Irraa
sagalee ol fudhatee “Yaa Ka‟ab bin Maalik! Baga Gammadde!”
Hiriyaa kee jalaa abbaan isaa dhukkubee; Abbaa isaa yeroo inni
hospitaala geessee achii yaaddawaa abbaa isaa wal‟aanu jiru
bibilteefii abbaan isaa akkam akka jiru erga gaafattee boodaan
wannin si gargaaru maaltu jira jedhii gaafadhu? Yeroo
barbaaddetti si gargaaruuf qophiidha jedhii itti himi.
Muuxannoo…
Akka muuxannoon nuuf himutti namootaaf yoo gatii kennite
akkasumatti quuqama isaaniif qabdu yoo agarsiiste onnee
isaanii ni boojita. Jaalala isaanii ni argatta.
Siin jaaladha; Ati anaaf nama addaati Jennee jaalala teenya haa
beeysifnuu. Namtichi nama dilii hojjatu osoo ta‟ellee “Ati bar
naman akkaan jaaladhuu” jedhiin.
Gabaabumatti…
Maqaa kiyya naaf yaadachuun kabajaa anaaf qabdu na
agarsiisi. Maqaa kiyyaanis na yaami. Akkas yoo goote
dhugumatti sin jaaladha.
Garuu keessa kuttee akka waan itti hanjamaa jirtuu itti hin
fakkeessin. Sagantaa takka irratti namni tokko haasawa
bareedaa dhiheessuudhaan saganticha kan bareechu yoo te‟e
akkasuma dhaggeeffattoota kan ajaa‟ibsiise yoo te‟e
Galatoomfachuu qabda. Sagantaa booda harka fuutee “Maa
Shaa Allah! Dubbataa ajaa‟ibaati, Haasawa barbaachisaa goote,
Sagantaan kee kanaan Qophiin akkaan hoo‟e” jedhiin.
San booda akka Rabbiin daldala isaa keessa barakaa isaaf kaa‟u
Rabbi kadhataniif. Abdurahmaan san booda waa‟ee jireenya
isaa yoo haasawu “Yeroo saniin booda osoo na agartanii
Dhagaa tokko yoonin ol qabe Qarshii yookaa Warqiitu jalaa
argadhu malee hin oolu” jedhe.
Seenaa namoota akka armaan olii kana ibsitu takka isin haa
yaadachiisuu. Gaaf tokko hiriyaan tokko sagantaa Sargii (cidha)
kan namoonni gurguddaan (bebbeekkamoon) irratti hirmaatan
tokko irratti yaamame. Osoo gara cidhaa deemaa jiruu
dukkaana Shittoon irraa gurguramu tokko arginaan itti ol goree
shittoo gaafachuu jalqabe.
Beekkamtii…
Namni tokko hanga fedhe milkaawaa yoo te‟ellee ilma namaa
waan te‟eef Jechoonni galateeffannaa isa gammachiisan.
Rakkoon…
Komii badduu kennuuf yoo dirqamte fakkeenyaaf uffata nama
tokkoo irratti xurii yoo agarte yookaa namni tokko yoo foolee
fokkotaa sitti shurufkaawe Malaan (Qaruuxummaan)beeysisi.
Qaruuxee fi Nama rahmata qabu ta‟i yeroo waan akkanaa si
mudate.
Muuxannoorraa..
Dhaabi…
Nama waan isa hin ilaalchifne seenu wajjiin yeroo
walqunnamte nama isa irra wayyaa ta‟i. Fedhii isaa yeroo miite
Uraa ittiin isa jalaa baatuun barbaaddadhu.
Hin Komatin!
Makiinaa kee keessa seenee “Way makiinaan kee dulloomte.”
Mana kee ol seenee “Meeshaan mana keetii akka jirutti tanuma
durii sah?” Haati manaa yeroo dheertuu booda nyaata
qopheessitee yeroo dhiheessitu Nyaata ilaalaa “Yaa Rabbi!
Maaliif Ruuza dalaguu dhabde? Akkasumaa wajjiinuu
soogidda itti guddiste. An goonkuma kana hin nyaadhuutii
kaasi.”
Fidi Siifin guutaa yeroo jettuun “Aay naaf gahaa dhiisi” siin
jedha. Bishaan naaf kenni siin jedhee bishaan kenniteefi yeroo
dhuge “Bishaan baay‟ee hoo‟a” siin jedha.
San booda Miinbara isaan irratti “Abulu maal te‟e?” hin jenne.
“Namoonni maal ta‟aniiti?” Haal duree Kitaaba Allaahaa
keessa hin jirre maaliif namaaf kaayan? Haal duree Kitaaba
Allaahaa keessa hin jirre haal dureen isaa guutamu. Osoo Haal
duree Dhibba tarreesselle.” Jedhan (Bukhaarii fi Muslim)
Kanniisaa fi Tiitisa…
2
Kafaltii tokko malee koottaa bishaan qabbanaawaa dhugaa jechuu isaati.
Balaqqeessa tokko...
Faallaa kanaa ta‟ee hojii gaarii isaatiin wajjiin yoo wal bira
qabamte dogongorri isaa hedduu xiqqaa akka tehe akka inni
hubatu godhi.
Khaalid bin Waliid Goota ture. Goota salphaa hin turre. Onnee
guutuun jeyna ture. Nabiyyiin (saw) akka inni Islaamummaa
qabatuuf isaaf hawwuu turan.
3
Islaamummaa fudhatee nutti dabalamuuf jira jechuu isaati.
Yoo akkas goote akka ati bifa jette jetteetiin isa hin hubatinitti si
hubata. Inumaa Ulee kan Qabatte walakkaa ishiiti.
Walumaa galatti…
lolle. Hojii isaa isa irratti hin xiqqeessine, Yaada isaa hin
salphifne.
4
Howdaj Waan akka sanduuqaa tan baalaa gaariin harkiftuudha.
Wanni biraa hin jirtu. Akki kun onnee tiyya baay‟ee gaddisiise.
“Yaa Ergamaa Rabbii! Akkan gara mana Harmee tiyyaa deemu
naaf hayyamaa?” jechuunin gaafadhe. “Rakkoo hin qabu” naan
jedhan.
Mormi isaaniitis hin muramu. Kana kan jetteef jarri sun warra
gosa khazraj ta‟uu waan beeytuufi. Osoo gosa teetirraa ta‟ee
akkana hin jettu turte!” jedheen.
Aa‟ishaan siree irraa gad hin buune ishii arge. Booyicha Walitti
dhaabdee boochurraa kan ka‟e Akka Shimbirroo xiqqoo
Goflaan irraa fac‟eeti jirti. Ammallee booyaatuma jirti. Intalti
ishii moggaa teessus Wajjiin boochi.
“Obsa gaarii Obsuu malee filannoo biraa hin qabu. Soba isin
natti himtaniif Rabbi kiyya qofa irraan gargaarsa barbaada.”
Ilaalcha…
Ilaalcha Biraa
Namoonni akkuma Uumamaa fi dhaabbinaan wal dhaban
Ilaalchaan, yaadaan, akkaataa namatti itti dhihaataniin wal
dhaban. Namni tokko dogongoruu isaa yeroo hubatte
dogongora isaa akka inni sirreessu gorsuuf yaali.
Xiinxala…
Kaayyoon namoonni akka dogongora isaanii hubatan
godhuudha. Dirqama bakka ati jirtutti dogongora isaanii
sirreeffatuu dhabuutu mala. Kanaafuu hin rakkatin.
Akka inni fagaatu kan gootan yoo ta‟e Amantii tana dhiisee
ibidda jahannam seena ture jechuu isaaniiti (Al Bazzaar). Waan
takka hubachuun waan san ni bareecha.
Fadlaan osoo gara manaa deemaa jiruu Jalalloo isaa takka arge.
Ishiinis yeroo isa agartu akka duraan baratte sanitti “Koottu ni
haasawnaa” jechuun yaamte. “lakkii” jechuun deebise. Irra
deebitee “Koottu ni haasawnaa” jetteen.
Goota ta’i…
Xumura
Kitaaba kana hoggaa dubbistee xumurtu, hedduu jaalachuu keen in
beeka, Osoo itti fufee jettee akka qalbiin si kajeelte nin hubadha.
Kanaafuu anis atummaan hin hifatin malee Yeroo gabaabaa keessatti
“Kutaa lammaffaa” siin dhaqqabuufin jira In Shaa Allah.
Rabbiin hojii tiyya tan fuula isaa ittiin barbaadaaf hojjatamte akka naaf
godhun kadhadh. Akkasuma hojii hawaasa kiyyarratti jijjiirama waaraa
fiddu akka naaf godhu irra deddeebiinin kadhadha.
+251915553899