Introduksyon:

Ang pamanahong papel na ito ay naglalayong suriin ang mayamang kasaysayan ng primaryang
paaralan sa Biñan, Laguna, kung saan ginugol ni Jose Protacio Rizal Mercado y Alonso Realonda na
mas kilala bilang Dr. Jose Rizal ang kanyang mga unang taon sa pag-aaral. Ang paaralang ito ay
bagama’t tila karaniwan, ay may mahalagang papel sa paghubog ng talino at katangian ng isa sa mga
pinaka-maimpluwensyang tao sa kasaysayan ng ating bansang Pilipinas.
Ang papel na ito ay magbibigay ng detalyadong salaysay sa mga naging karanasan ni Dr. Jose Rizal at
ang sistemang pang-edukasyon na ipinatupad noong panahon niya sa Biñan, Laguna. Masasalaysay
din dito ang mga natatanging pamamaraan at kurikulum ng pagtuturo ng paaralan na nakatulong
upang mahubog ang intelektwal na talino ng batang Rizal.
Ang pamanahong papel na ito ay naglalayong magbigay ng importansya sa kahalagahan ng
edukasyon sa paghubog ng isipan at puso ng mga magiging bayani at pinuno ng ating bansa gaya ng
ipinakita ng karanasan ni Dr. Jose Rizal sa kanyang elementarya sa Biñan, Laguna. Sa pamamagitan
ng pag-unawa sa kasaysayan ng paaralang ito, makakakuha tayo ng mga pananaw at kaalaman sa
mga naging karanasan ni Dr. Jose Rizal at pahalagahan ang malalim na impluwensya ng kanyang
primaryang edukasyon sa kanyang buhay. Magbibigay din ito sa atin ng isang sulyap sa mga pang-
edukasyon na kasanayan sa nakaraan, na maaaring magsilbing sanggunian para sa pagpapabuti ng
ating kasalukuyang sistema ng edukasyon.

Saklaw at limitasyon:

Ang pag-aaral na ito ay isinagawa sa bayan ng Biñan, Laguna. Ang pananaliksik na ito ay isinasaalang-
alang na limitado lamang para sa mga sulatin na nabibilang sa bayan ng Biñan, na siyang
pangunahing taga tugon sa mga tanong patungkol sa pananaliksik na ito.
Ang pangunahing pokus ng pananaliksik na ito ay ang mag bigay ng malalim na kaalaman patungkol
sa kahalagahan ng pag-aaral sa tulong ng pagbabalik tanaw kung saan nagmula ang unang pormal na
pag aaral ni Dr. Jose Rizal na siyang nagkaroon na ng malaking pagbabago sa kasalukuyang panahon.
Kasama ng pananaliksik na ito ang pag bubuod at kakaroon ng interpretasyon sa nasabing pag-aaral.

Panimula sa paksa:

Sa pagaaral ng kasaysayan ng ating Bansa, mahalagang malaman, mapagaralan o magbalik tanaw sa

naging buhay o karanasan ng mga kinikilalang bayani o namuno ng bansa sa nagdaang panahon
bilang pagbibigay importansya, at pagpapanatili ng kanilang alala at mga mabuting nagawa sa bansa
na natatamasa natin sa kasalukuyang panahon. Ang pananaliksik na ito ay naka pokus sa isa sa mga
itinuturing na bayani sa kasaysayan ng pilipinas na si Dr. Jose Rizal. Ang pagaaral na ito ay
tumatalakay sa isang bahagi ng buhay ni Rizal na naglalahad ng kaniyang karanasan sa lumang estilo
ng edukasyon bilang mag-aaral sa isang primaryang paaralan sa Biñan Laguna.
Batay sa aming pananaliksik, ang bayan ng biñan laguna ay maituturing na isang makasaysayang
lugar sapagkat naging parte ito sa buhay ng isa sa pinaka-maimpluwensyang tao sa bansa na si Dr.
Jose Rizal. Sa lungsod ng biñan nagmula ang unang pormal na pagaaral ni Rizal na kung saan ay sa
maliit na kubong paaralan ay nahubog at natuto siya ng ibat-ibang pormal na panimulang kaalaman
sa tulong ng kaniyang guro na si Maestro Justiniano Aquino Cruz. Ngunit, bago tumungtong si Rizal
sa kanyang pormal na pag aaral ay marami na siyang kaalaman na natutunan mula sa kanyang ina
tulad nalamang ng pagdarasal, pagbabasa at abaka. Kinuhaan rin siya ng pribadong tagapagturo sa
pagsulat at pagaaral ng latin. Hindi naging madali para kay Rizal ang pagpasok sa paaralan na iyon
sapagkat marami ang galit sa kanya dahil sa natatangi niyang talino. Madalas rin siyang siraan ng
kanyang mga kaklase upang bumaba ang kanyang mga marka. Dahil sa mga paninirang ito, halos
araw-araw siyang napapalo ng kaniyang maestro dahil ang disiplina na ito ay lumang paniniwala na
kung saan ay kailangan tulungan ng pamalo ang aklat upang matututo ang bata o sa madaling salita,
kapag nakagawa ng pagkakamali ay papaluin. Ang lumang paniniwala na ito ay hindi nagustuhan ni
Rizal at nabanggit nya pa sa kaniyang novela na Noli Me Tangere. Sa loob lamang ng mahigit isang
taon na pamamalagi ni Rizal sa paaralan na ito ay umalis at namalagi na sya patungo sa pangalawang
paaralan. Tunay na makasaysayan ang Biñan Laguna sapagkat naging malaking bahagi ito sa
paghubog ng talino at katangian ni Rizal at tunay na masasalamin ang kaibahan ng unang sistema ng
edukasyon sa kasalukayan.

Metodolohiya:

Sa bahaging ito nakapaloob ang mahahalagang impormasyon patungkol sa pagkakabuo at

pagkakagawa ng plano patungkol sa pananaliksik. Maging ang deskripsyon ng bawat disenyo ng
pananaliksik, populasyon o sampling na pamamaraan, instrumento ay nalahad din sa bahaging ito.
Para sa pag-aaral ng kasaysayan ng Paaralang Pinasukan ni Jose Rizal sa Biñan, maaaring sundan ang
mga hakbang na ito:
A. Pagsusuri ng Primary at Sekondaryang Batis:

Pinag aralan at sinuri ang mga orihinal na dokumento o kasulatan mula sa panahong iyon, tulad ng
mga liham ni Rizal, diaryo, at iba pang personal na rekord. Naghanap ng iba pang mga dokumento,
artikulo o iba pang mga kasulatan na may kaugnayan sa nasabing paaralan na maaring mas
makatulong sa pagkalap ng mas malawak na konsepto.
B. Pagbisita sa mga Lokal na Museo:

Pagsasagawa ng Pagsisiyasat sa Lugar, ang pagsisiyasat sa mismong lugar ng paaralan na pinasukan

ni Rizal sa Biñan, Laguna na maaaring magbigay ng mga datos at impormasyon na hindi matatagpuan
sa iba pang mga mapagkukunan. Sinuri ang mga gusali, mga pasilidad, at iba pang mga pisikal na
katangian ng paaralan.
C. Pag-aaral ng Kontekstong Kasaysayan:

Alamin ang pangkalahatang kasaysayan ng panahon ng pag-aaral ni Rizal sa Biñan, kasama ang mga
pangyayari at kaganapan sa larangan ng edukasyon.
D. Pagsusuri ng Impluwensya sa Buhay ni Rizal:

Tuklasin kung paano nakatulong ang paaralan sa paghubog ng kanyang mga ideya at prinsipyo, at
kung paano ito nakatulong sa kanyang pagiging pambansang bayani.
E. Pagbuo ng Konklusyon at Rekomendasyon:

Isalaysay ang mga natuklasan at bumuo ng konklusyon patungkol sa papel ng paaralan sa buhay ni
Rizal. Nagbigay din ng mga rekomendasyon para sa mga susunod na pag-aaral o pananaliksik.
Resulta at Pag-aanalisa:

Diskusyon:

Konklusyon:

Sa makatuwiran na pag-hubog ng talino at pamanaraan, karanasan ng pagtuturo at

Importansya sa edukasyon ay nakatutulong ang pananaliksik ng kasaysayan upang mabatid ang

husay mula sa tadisyunal tungo sa epektibong pamamaraan tungo sa makabagong

implementsyon ng Edukasyon. Bilang isa sa mga pangunahing elemento ng buhay ng bawat isa,

ang edukasyon ay silbi na nakatutulong na punuan ang kaalaman para sa paglago ng buhay at

sa parehong halaga na magkaroon ng karapatang matuto at makasabay ang bawat kabataan

mula sa kaalamang tradisyunal at makipagsabayan sa mataas na antas ng pandaigdigang

kaalaman.

Sanggunian: