BALITANG LOKAL Clean-up Drive sa Aritao National High School, isinagawa Idinaos na ang Clean-up Drive sa Aritao National High School noong Nobyembre 22, taong kasalukuyan. Ang kaganapan ay nilahukan ng lahat ng baitang ng Aritao National High School mula Junior High School hanggang Senior High School. Ito ay upang mapanatili ang kalinisan ng nasabing paaralan. Bagong halal na Kapitan, patay Namatay ang kapapanalo lamang na Kapitan sa Barangay Calitlitan, Aritao, Nueva Vizcaya na kinikilalang si Rolando Hipolito Serapon. Ayon sa imbestigasyon, nasawi ito sa pamamagitan ng pamamaril habang nakaupo sa loob ng kanilang bahay, nangyari ang insidente noong Biyernes ng gabi, Nobyembre 17, taong kasalukuyan. Dinala pa raw ang biktima sa hospital ngunit ito’y idineklarang Death on Arrival. Sa ngayon, nangangalap pa ng mga karagdagang impormasyon na maaaring makatulong sa pagtukoy sa suspek. Saint Teresitas Academy Intramurals Meet 2023, ginanap na; Nueva Vizcaya Institute Intramurals 2023, idinaos na rin Isinagawa na ng Nueva Vizcaya Institute ang kanilang Intramurals Meet 2023 noong Nobyembre 20 hanggang Nobyembre 24. Samantala, naganap na rin ang Intramurals Meet 2023 ng Saint Teresitas Academy na may titulong “Frolics 2023”. Ito ay ginanap mula Nobyembre 22 hanggang Nobyembre 24, taong kasalukuyan. Sa ngayon, naghahanda na ang mga nagwagi mula sa dalawang pribadong paaralan para sa nalalapit na Municipal Meet 2023. Mr. and Ms. Intramurals Meet 2023 ng NVI, idinaos na Ginanap na noong Biyernes ng gabi, Nobyembre 24, taong kasalukuyan ang Mr. and Ms. Intramurals Meet 2023 ng Nueva Vizcaya Institute. Nasungkit ni Prince Eiron Timbreza ang titulong Mr. Intramurals 2023 habang napagtagumpayam naman ni Kylie Trisha Hernandez ang titulong Ms. Intramurals 2023. Mandatory of Wearing Uniforms, ipinatupad ng Aritao NHS Idineklara ng Aritao National High School ang pagsusuot ng angkop na uniporme ng mga mag-aaral ng nasabing paaralan. Ito ay nagsimula noong Lunes, Nobyembre 20, taong kasalukuyan na pinangunahan ng SSLG officers at CAT officers. Samantala, inimplementa rin ng Aritao National High School ang pagsusuot ng Id dahil maraming mga dayuhan galing sa ibang paaralan ang pumapasok sa nasabing paaralan at nagsisimula ng away.
NEWS CASTING WRITE UP:
BALITANG LOKAL Aritao National High School, nag-uwi ng parangal Nakamit ng isang mag-aaral ng Aritao National High School na si Lavern Delmas ang titulong “Best In Asean Attire 2023” sa idinaos na Division ASEAN-UNESCO Attire Exhibition na isinagawa noong Nobyembre 11, 2023 sa Diadi LGU Gymnasium, Diadi, Nueva Vizcaya. Ang layunin ng kaganapan ay mabigyan ng pagkakakilanlan ang bawat kultura ng mga iba’t ibang bansa. Teenage Pregnancy Symposium, idinaos Isinagawa na ang Teenage Pregnancy Symposium para sa lahat ng mga ika-labing isang baitang na mag-aaral ng Aritao National High School. Ito ay ginanap noong Nobyembre 8, taong kasalukuyan sa LGU Gymnasium, Poblacion, Aritao, Nueva Vizcaya. Ang layunin ng kaganapang ito ay magbigay ng mahahalagang impormasyon at palawakin ang kaalaman ng mga mag-aaral tungkol sa maagang pagbubuntis ng mga babaeng kabataan na may edad labing dalawa hanggang dalawampo. Ito ay inorganisa dahil dumarami na ang mga kaso ng mga kabataang babae na nabubutis dito sa ating lungsod. Pangirayaw Festival ng Poblacion, ipinagdiriwang na Nagsimula ng sinelebra ang Pangirayaw Festival sa Poblacion, Aritao, Nueva Vizcaya noong Biyernes, Nobyembre 24, taong kasalukuyan. Ito’y sinimulan ng isang Thanksgiving Mass sa Poblacion Gymnasium at sinundan ng parade. Kinagabihan ginanap naman ang Barangay Cultural Night bilang bahagi ng nasabing kaganapan. Aritao NHS Intramurals Meet 2023, ginanap na Idinaos na ng Aritao National High School ang Intramurals Meet 2023 mula Nobyembre 6 hanggang Nobyembre 10. Isinagawa ang iba’t ibang aktibidad tulad ng Badminton, Volleyball, Basketball at marami pang iba. Ipinamalas ng bawat kalahok mula sa ika-pitong baitang hanggang sa ika-labing dalawang baitang ang kanilang galing sa iba’t ibang isports. Sa ngayon, ginaganap na rin ang matinding pag-eensayo ng mga pinalad na mga kalahok para sa nalalapit na Municipal Meet.
KOMUNIKASYON GROUP 3 (11-HUMSS DEWEY):
LEADER: Layco, John Michael MEMBER: Calacala, Jhune Czendrick Basilang, Trecia Jane Lucena, Josela Cordova, Gerald De Guzman, Lovely Mazo, Alexandrea Esteves, Mon Jeric Gapasin, Trisha Ortaleza, Lynden