Day 8 Misa de Aguinaldo

IKAWALONG MISA DE AGUINALDO

December 22PM / 23AM

INTRODUKSYON
Dios marhay na aga saindo gabos. An sponsor kan
Misang ini iyo po an __________.
Mga tugang, yaon na kita sa Ikawalong Misa de
Aguinaldo na sini-celebrar niato ngonian sat ema na:
“Pasiring sa pagtubod kan katotoohan sa lambang saro.”
Diit na sanang aldaw an satuyang pighahalat bago an
pagkamundag kan satuyang Paratubos. Alagad enot na
namundag an aki ni Zacarias asin Isabel na si Juan asin
nakamate an saindang mga kanatad na yaon saiya an kamot
kan Kagurangnan.
An misang ini pangengenotan ni _______________.

ENOT NA BABASAHON
Linaladawan an pag-andam na gigibuhon bago kan
pagdatong kan Kagurangnan. Himateon niato an babasahon
hale sa libro ni Malakias, capitulo 3, versikulo 1 sagkod 4 asin
23 sagkod 24.
Day 8 Misa de Aguinaldo

SALMO RESPONSORIO
Itaasan an saindong payo asin hilnga
ta an saindong kaligtasan harani na.

EVANGELIO
Matirindog tabi an gabos asin maogmang irokyaw an
Marhay na Bareta na sosog ki San Lucas, capitulo 1,
versikulo 57 sagkod 66.
Day 8 Misa de Aguinaldo

PAMIBI NIN BANWAAN

December 22PM / 23AM

Padi: Sa saiyang pagkamoot, ipinadara sa kinaban

kan Ama sa langit an saiyang Aki tanganing
mautob an mga paglaom nin katawohan para sa
kaligtasan, gamiton an mga biyayang itinao niya
siring kan paghiling asin pagtubod niato kan
katotoohan sa lambang saro na magdanay an
pagkasinarabotan asin pagkasararo logod kita
gabos magpasiring sa buhay na daing
kasagkoran. Sa lambang kahagadan, sabihon
niato:
KAGURANGNAN, HIMATEA AN SAIMONG BANWAAN.

1. Para sa Santo Papa, mga Obispo, Kapadian asin mga

Diakono, tanganing maibalangibog ninda an banal na
evangelio sa gabos na katawohan bilang pag-andam
sa pagdatong kan satuyang Kagurangnan. Mamibi
kita.

2. Para sa mga namamayo nin banwaan, comunidad asin

familia, tanganing sinda man lugod magin instrumento
nin patas na pagdistribuir kan mga biyayang linalang
kan Dios tanganing magdara nin katoninongan,
pagkasararo, paglaom asin pagkamoot. Mamibi kita.
Day 8 Misa de Aguinaldo

3. Para sa mga nagtitirios, naghehelang, nadedeficilan

asin napupurisaw, tanganing an saindang paglaom sa
madatong na Paratubos mapakusog kan saindang
pagtubod. Mamibi kita.

4. Para sa gabos na nakikisumaro sa Misang ini orog na

an mga nag-sponsor kaining Misa de Aguinaldo,
tanganing an satong celebracion kan pagkamundag
kan satong Mesias, magin maogma, makahulugan asin
makapagdagka kan katawohan na otobon an misyon
tanganing makapagsarabay sa paglakaw pasiring sa
Kagurangnan. Mamibi kita.

5. Para sa gabos na nagkaerenot nang nagtalikod sa

kinab-anon na buhay, patawadon na logod sinda kan
saindang mga kasal-an asin papagkanigoon nang
mag-erok sa kahadean kan Kagurangnan sa langit.
Mamibi kita.
Day 8 Misa de Aguinaldo

Padi: Kagurangnan niamong Dios, ika namomoot asin

naghahalat samo na mag-gibo nin karahayan
asin katanosan sa samuyang kapwa. Itugot mo
an saimong Aki na mag-erok samo ngonian asin
sa panahon na daing kasagkoran.
AMEN.
Day 8 Misa de Aguinaldo

MISA DE AGUINALDO
Deciembre 22 PM / 23 AM

PAMIBI SA PAGPOON
Mamibi kita . . .
Dios na makakamhan asin daing katapusan,
sa paghorop-horop niamo kan pagkamundag
kan saimong Aki,
na nanitawo sa tulak ni Virgen Maria
asin nakisumaro samuya,
nakikimaherak kami na makamtan niamo
an kapatawaran nin samuyang mga kasalan,
huli saiya, na kaiba mo
asin nin Espiritu Santo,
nabubuhay asin naghahade,
sarong Dios, sa panahon na daing kasagkoran.
AMEN.
Day 8 Misa de Aguinaldo

PAMIBI SA PAGDOLOT
Mamibi kamo mga tugang…
Kagurangnan,
itinao mo samo ining Eucaristia,
sangkap na gawe nin pagsamba:
tawan giraray samo an katoninongan
asin tabangi kaming makapag-andam
sa pagdatong kan samong Paratubos,
huli ta siya Kagurangnan
sa panahon na daing kasagkoran. AMEN.

PAMIBI PAKA-COMUNION
Mamibi kita. . .
Kagurangnan,
kaming pinakusog mo kan tinapay nin buhay,
magka-igwa lugod nin malaad na pagtubod,
tanganing makapag-andam kami nin maninigo
sa pagdatong nin saimong namomotan na Aki,
si Cristo na samong Kagurangnan.
AMEN.
Day 8 Misa de Aguinaldo

ENOT NA BABASAHON Malakias 3:1-4.23-24

Pagbasa sa Libro ni Profeta Malakias

Uya, isusubol ko an sakuyang surugoon. / Aandamon niya an
dalan sa enotan ko. / Asin an Kagurangnan na saindong
hinahanap padaleng malaog sa saiyang simbahan; / asin an
anghel kan tipan na saindong minamawot nagdadangadang
na, / olay nin Kagurangnan. / Siisay an makakatagal sa
aldaw nin saiyang pagdatong? / Siisay an makakatindog kun
siya magpahiling? / Huli ta siya siring sa kalayo na
nagpapakarhay asin naglilinig. / Papakarhayon niya an mga
aki ni Levi / asin lilinigon arog sa bulawan asin plata,/
tanganing makapagdolot nin atang sa Kagurangnan siring sa
maninigo. / An dolot kan Juda asin kan Jerusalem ikaka-
ogma nin Kagurangnan, siring kan mga nakaaging aldaw,/
siring kasuanoy na panahon. / Uya, isusubol ko saindo si
Elias na profeta bago dumatong an aldaw nin Kagurangnan,/
aldaw na dakula asin mangirhat. / An puso nin mga
magurang bibirikon niya sa mga aki, / asin an puso kan mga
aki bibirikon niya sa mga magurang, / tanganing dai ako
magdigdi sa pagdara nin kasakitan sa daga. /
AN TATARAMON KAN KAGURANGNAN.
Day 8 Misa de Aguinaldo

SALMO RESPONSORIO Salmo 25:4-5.8-9.10.14

Itaasan an saindong payo asin hilnga

ta an saindong kaligtasan harani na.

1. Ipahiling mo sako
an saimong mga dalan, Kagurangnan,
itukdo mo sako an saimong mga aagihan.
Pasunoda ako sa saimong katotoohan,
huli ta ika an Dios na sakuyang Paratubos.

2. Marhay asin matanos an Kagurangnan;

sa mga parakasala itinutukdo niya an dalan;
an mapakumbaba dinadara niya sa katanosan;
sa dukha itinutukdo niya an saiyang dalan.

3. An gabos na dalan nin Kagurangnan

pagkamoot asin katotoohan,
sa mga nag-uutob kan saiyang tipan asin kabotan.
Mga katood nin Kagurangnan
an mga natatakot saiya,
sa sainda ipinapahayag niya an saiyang tipan.
Day 8 Misa de Aguinaldo

EVANGELIO Lucas 1:57-66

+Pagbasa kan Evangelio na Sinurat ni San Lucas
Uminabot ki Isabel an panahon asin lalaki an
saiyang inaki. Naisihan kan saiyang mga
kanatad asin kadugo an dakulang balaog na
itinao saiya nin Kagurangnan, asin saindang
ikinaogma. Sa ikawalong aldaw pinagcircunsidar
an aki asin boot nindang ngaranan na Zacarias
arog kan ama. Alagad an ina nagsabi: “Bakong
Zacarias, kundi Juan an ingaran saiya.”
Sinabihan siya ninda: “Mayo sa saimong mga
kadugo an inaapod sa ngaran na iyan.” Dangan,
sa paagi nin mga pasabot, hinapot an ama kun
ano an boot niyang ingaran. Naghagad siya nin
masusuratan asin nagsurat: “Juan an saiyang
ngaran.” Gabos nagngaralas, asin tolos man
sana si Zacarias nakataram saka nag-omaw sa
Dios. An gabos na kanatad inabtan nin
pagkatakot; an bareta nakabalangibog sa bilog
na kabulodan sa Judea.
Day 8 Misa de Aguinaldo

An gabos na nakadangog rinimpos an mga

bagay na ini sa saindang puso. Olay ninda, “Ano
daw an maaabtan kan aking ini? Bako daw na
an kamot nin Kagurangnan yaon saiya?”
AN MARAHAY NA BARETA KAN SATONG
KAGURANGNAN.
Day 8 Misa de Aguinaldo