Day 7 Misa de Aguinaldo

IKA-7 MISA DE AGUINALDO

December 21PM / 22AM

INTRODUKSIYON
Dios marhay na ______ saindo, mga tugang. An
sponsor kan misang ini iyo po an __________.
Yaon na kita ngonian sa ikapitong aldaw kan Misa de
Aguinaldo na may tema na “Pasiring sa pagpapabanal
kan mga gibong paghingoha huli kan pamibi.”
Mga tugang, tolong aldaw na sana an natatada sa
panahon nin Adviento. Ipinapasabot satuya sa liturhiya
ngonian na si Cristo iyo an kapanoan nin katoninongan
asin iyo man an minatao nin pagkasararo sa mga Hudiyo
asin mga pagano. An Magnificat iyo an awit nin pag-omaw
asin pasasalamat ni Santa Maria sa Kagurangnan, na
minapahayag kan mga pangyayari sa Lumang Tipan asin
kan satuyang kaligtasan.
An satuyang selebrasyon pangengenotan ni
________.

ENOT NA BABASAHON
Sa enot na babasahon na ginono sa Enot na Libro ni
Samuel, capitulo 1 versikulo 24 sagkod 28, ipinapasabot
satuya an manonongod kan ginibo ni Ana na pagdolot kan
aki na saiyang ipinamibi sa Kagurangnan. Himateon niato
an babasahon.
Day 7 Misa de Aguinaldo

SALMO RESPONSORIO

An puso ko nag-oogma sa Kagurangnan,

na sakong Paratubos.

EVANGELIO
Matirindog kita gabos tanganing irokyaw asin
himateon an Marhay na Bareta na sinurat ni San Lucas,
capitulo 1, versikulo 46 sagkod 56.
Day 7 Misa de Aguinaldo

PAMIBI NIN BANWAAN

December 21PM / 22AM

PADI: Kagurangnan, samong kusog asin inspirasyon,

hinahagad niamo saimo an grasya nin pagtao
nin giya logod makanuod kami na an gabos
ming mga gibo asin paghingoha magin
samuyang pamibi tanganing amponon mo kami
asin dangogon an samong mga pakimaherak.
Sa lambang pag-arang an simbag:
KAGURANGNAN, TABANGI KAMI.

1. Na sa tahaw nin mga problema arog kan grabeng

pagkabaranga kan katawohan, an Santo Papa, mga
Obispo asin kapadian, iyo an satong masarigan nin
boot sa pag-atubang sa anuman na nakakaolang sa
pagpabanal kan satong buhay. Mamibi kita.

2. Na an gabos na mga lideres kan satuyang banwaan

magkasararo sa paghinguha na mapugulan an
pagkabaranga kan katawohan nganing an gabos
magsarabay sa paglakaw pasiring sa Kagurangnan.
Mamibi kita.
Day 7 Misa de Aguinaldo

3. Na an anuman na nakakaolang sa pagkasararo nin

mga banwaan masanglean kan tunay na pagsabot,
pagmakulog asin pagsurog sa kapwa. Mamibi kita.

4. Na kita gabos na uya digdi ngonian, orog na an mga

sponsor kaining Misa de Agionaldo, payamanon
logod nin Dios an satong puso sa saiyang pag-
ataman asin pagkaherak. Mamibi kita.

5. Na an gabos na mga nagkaerenot nang nagadan,

papagkanigoon nang makalaog sa mamurawayon na
kahadean kan Dios sa langit. Mamibi kita.

PADI: Dios Amang makakamhan, dangoga an samong

mga kahagadan asin tabangi kami sa
pagpabanal kan samong buhay orog na
ngonian na panahon kan Pasko. Manitawo
logod sa samong puso an Saimong mga
Tataramon tanganing magdanay an
pagkasinarabutan asin pagkaminorootan.
Huli ki Cristo, samong Kagurangnan.
AMEN.

MISA DE AGUINALDO
Day 7 Misa de Aguinaldo

December 21PM / 22AM

PAMIBI SA PAGPOON
Mamibi kita . . .
O Dios, Amang maheherakon,
isinobol mo an saimong Bogtong na Aki,
tanganing matubos an tawo
na nahulog sa kasalan asin kagadanan.
Kaming mga nagrorokyaw kan pagkanitawo
ni Cristo mahirasan kan saiyang
diosnon na buhay.
Huli ki Jesucristong Kagurangnan niamo,
saimong Aki, na kaiba mo asin nin
Espiritu Santo, nabubuhay asin naghahade,
sarong Dios,
sa panahon na daing kasagkoran.
AMEN.
Day 7 Misa de Aguinaldo

PAMIBI SA PAGDOLOT
Mamibi kamo mga tugang…
Dios na Kagurangnan,
nagsasarig sa saimong pagkamoot,
dara niamo sa saimong altar
an samong mga dolot.
Pakabanala kami kan saimong gracia,
tanganing malinig na makapaglingkod kami
sa saimong kamahalan.
Huli ki Cristo na samong Kagurangnan. AMEN.

PAMIBI PAKA-COMUNION
Mamibi kita.
Kagurangnan,
pakusoga kami huli kaining sacramento
na samong inako.
Tabangi kaming makasabat
sa samuyang Paratubos asin magkamit
kan buhay na daing kasagkoran
huli kan samong pagtubod.
Ini hinahagad mi sa ngaran ni Cristo
na samong Kagurangnan. AMEN.
Day 7 Misa de Aguinaldo

ENOT NA BABASAHON 1 Samuel 1:24-28

Pagbasa sa Enot na Libro ni Samuel

Dinara ni Ana si Samuel, kaiba an may tolong taon

na toro, / sarong takad na arina asin sarong anit na may
laog na arak, / dangan dinara sa simbahan nin
Kagurangnan sa Silo. / Binuno ninda an toro / dangan an
ina kan aki nagdolok ki Eli asin nagsabi: / “Kagurangnan,
kun itugot mo, / ako iyo idtong babae na tuminaed saimo
digdi, asin namibi sa Kagurangnan. / Uya an aki na
sakong ipinamibi./ Itinao sako an hinagad ko saiya. /
Ngonian idinolot ko man siya sa Kagurangnan, / sa bilog
niyang pagkabuhay siya dolot na sa Kagurangnan. /

AN TATARAMON KAN KAGURANGNAN.

Day 7 Misa de Aguinaldo

SALMO RESPONSORIO 1 Samuel 2:1.4-5.6-7.8

An puso ko nag-oogma sa Kagurangnan

na sakong Paratubos.

1. An puso ko nag-oogma sa Kagurangnan,

an sakong payo nagmumuraway sa sakong Dios;
Pagngingisihan ko an sakong mga kaiwal,
huli ta nagsasarig ako sa saimong tabang.

2. An Kagurangnan iyo an nagtatao

nin kagadanan asin buhay,
dinadara niya an tawo sa lolobngan
asin ibinabalik giraray.
An Kagurangnan iyo an nagtatao
nin kadukhaan asin kayamanan,
an tawo saiyang binababa
asin dinadara sa kaitaasan.

3. Hale sa alpog,
saiyang binabangon an mapakumbaba,
hale sa kadaihan, iniitaas niya an dukha.
Sa kaibahan nin mga prinsipe saiyang pinapatukaw,
an saiyang pamana sarong tronong mamuraway.
Day 7 Misa de Aguinaldo

EVANGELIO Lucas 1:46-56

+Pagbasa kan Evangelio na Sinurat ni San Lucas
Si Maria nagsabi: “An sakong kalag nag-
oomaw sa Kagurangnan, an sakong puso nag-
oogma sa Dios na sakong Paratubos, huli ta
hiniling niya an kapakumbabaan nin saiyang
oripon. Kaya, magpoon ngonian ipagbabantog
akong paladan kan gabos na kapag-arakian.
An Makakamhan guminibo sako nin dakulang
mga bagay, banal an saiyang ngaran. An
saiyang pagkaherak iwinaras sa gabos na
panahon, sa mga natatakot saiya. Ipinahiling
an kusog nin Saiyang kamot, linaglag an mga
mukna sa puso nin mga mapaabaw-abaw.
Pinababa sa saindang natutukawan an mga
mapangyare, asin initaas an mga
mapakumbaba. Pinano nin kayamanan an
mga nagugutom, asin an mga mayaman
isinubol sa kadaihan. Inampon si Israel na
Saiyang oripon, naromdoman an saiyang
pagkamaheherakon. Siring sa itinaram Niya
Day 7 Misa de Aguinaldo

sa satong mga magurang sa ki Abraham asin

sa saiyang mga makuapo sa panahon na
daing kasagkoran.”
Nagtolong bulan si Maria duman, asin
pakatapos nagpuli sa saiyang harong.

An Marahay na Bareta kan satong

Kagurangnan.
Day 7 Misa de Aguinaldo