FERIA SEXTA HEBDOMADA TERTIA PASCHAE

Ant. ad introitum (Ap 5:12)

Dignus est Agnus, qui occisus est, accipere virrutem et divinitatem et sapiéntiam et fortitudinem et honorem,
alleluia.

Collecta

Praesta, quaesumus, omnipotens Deus, ut, qui gratiam dominicae resurrectionis cognovimus, ipsi per
amorem Spiritus in novitatem vitae resurgamus. Per Dominum nostrum Iesum Christum qui vivit et regnat
tecum in unione Sancti Spiritus, Deus, in saecula saeculorum.

Lectio prior

Léctio Actuum Apostolorum (9:1-20)

In diébus illis: Saulus, adhuc spirans minarum et credis in discipulos Domini, accéssit ad principem
sacerdotum, et pétiit ab eo epistolas in Damascum ad synagogas, ut si quos invenisset huius viae, viros ac
mulieres, vinctos perduceret in lerusalem. Et cum iter faceret contigit ut appropinquaret Damasco, et subito
circumfulsit eum lux de caelo, et cadens in terram audivit vocem dicéntem sibi: “Saul, Saul, quid me
perséqueris?” Qui dixit: “Quis es, Domine?” Et ille: “Ego sum Iesus quem tu perséqueris; sed surge et
ingrédere civitatem, et dicétur tibi quid te oporteat facere”.

Viri autem illi qui comitabantur cum eo stabant stupefacti, audiéntes quidem vocem, néminem autem
vidéntes. Surréxit autem Saulus de terra, apertisque oculis nihil vidébat; ad manus autem illum trahéntes
introduxérunt Damascum. Et erat tribus diébus non videns, et non manducavit neque bibit. Erat autem
quidam discipulus Damasci nomine Ananias, et dixit ad illum in visu Dominus: “Anania.” At ille ait: “Ecce
ego, Domine.” Et Dominus ad illum: “Surgens vade in vicum qui vocatur Rectus et quaere in domo Iudae
Saulum nominee Tarsénsem; ecce enim orat, et vidit virum Ananiam nomine introeuntem et imponéntem
sibi manus ut visum recipiat.”

Respondit autem Ananias: “Domine, audivi a multis de viro hoc, quanta mala sanctis tuis fécerit in
Ierusalem; et hic habet potestatem a principibus sacerdotum alligandi omnes qui invocant Nomen tuum.”
Dixit autem ad eum Dominus: “Vade, quoniam vas electionis est mihi iste ut portet Nomen meum coram
géntibus et régibus et filiis Israel: ego enim osténdam illi quanta oporteat eum pro Nomine meo pati.” Et
abiit Ananias et introivit in domum, et imponens ei manus dixit: “Saul frater, Dominus misit me, Iesus qui
apparuit tibi in via qua veniébas, ut videas et implearis Spiritu Sancto.” Et conféstim cecidérunt ab oculis
eius tamquam squamae, et visum recépit, et surgens baptizatus est, et cum accepisset cibum confortatus est.
Fuit autem cum discipulis qui erant Damasci per dies aliquot, et continuo in synagogis praedicabat Iesum,
quoniam hic est Filius Dei.

Verbum Domini.
Psalmus responsorius (Ps 116:1-2)

℟ Euntes in mundum univérsum, praedicate Evangélium.

* Laudare Dominum, omnes gentes, collaudate eum, omnes populi.

* Quoniam confirmara est super nos misericordia eius, et véritas Domini manet in aetérnum.

Versus ante Evangelium (Io. 6:56)

Qui manducat meam carnem et bibit meum sanguinem

in me manet et ego in eo, dicit Dominus.

Evangelium

+ Léctio sancti Evangélii secundum loannem (6:52-59)

In illo témpore: Litigabant ludaei ad invicem dicéntes : “Quomodo potest hic nobis carnem suam
dare ad manducandum?”

Dixit ergo eis lesus: “Amen, amen dico vobis: Nisi manducavéritis carnem Filii hominis et bibéritis
eius sanguinem, non habétis vitam in vobismetipsis. Qui manducat meam carnem et bibit meum sanguinem
habet vitam aetérnam, et ego resuscitabo eum in novissimo die: caro enim mea verus est cibus, et sanguis
meus verus est potus. Qui manducat meam carnem et bibit meum sanguinem in me manet et ego in illo.
Sicut misit me vivens Pater, et ego vivo propter Patrem, et qui manducat me et ipse vivet propter me. Hic est
panis qui de caelo descéndit, non sicut manducavérunt patres et mortui sunt: qui manducat hunc panem vivet
in aetérnum.” Haec dixit in synagoga docens in Capharnaum.

Verbum Domini.

Super oblata

Propitius, Domine, quaesumus, haec dona sanctifìca, et, hostiae spiritalis oblatione suscépta, nosmetipsos
tibi pérfìce munus aetérnum. Per Christum Dominum nostrum.

Ant. ad communionem (Rom 4:25)

Crucifixus surréxit a mortuis, et redémit nos, alleluia.

Post communionem

Sumpsimus, Domine, sacri dona mystérii, humiliter deprecantes, ut, quae in sui commemorationem nos
Filius tuus facere praecépit, in nostrae proficiant caritatis augméntum. Per Christum Dominum nostrum.