Professional Documents
Culture Documents
Senakulo 2024
Senakulo 2024
Senakulo 2024
I. SA HARDIN NG GETSEMANI
HESUS: Dito muna kayo at mananalangin ako, maghintay lamang kayo dito at manalangin ng hindi kayo
madaig ng tukso.
HESUS: Ama ko, iligtas mo ako sa sarong ng paghihirap, Diyos ko, kupkupin mo ako, nananalig ako
sayo,inaalay ko ang lahat saiyo, ngunit kung hindi ang kalooban ko ang masusunod nawa ang
kalooban mo ang maganap sa akin..
(mananaghoy)
(isang minuto pag hihinagpis) (pasok instrumental -Lord here I am)
Maglalakad at madadatnang natutulog ang mga alagad
(lalapit kay Pedro, at sa iba pang alagad)
HESUS: Pedro,natutulog pa ba kayo at nagpapahinga?? Hindi ba kayo makakapagpuyat kahit ilang oras
man lamang?Bumangon na kayo! Dumating na ang oras na ang anak ng tao ay ipagkakanulo sa
kamay ng makasalanan! Lumakad na tayo at paparito na sila.
ANAS: Ikaw nga ba ang Hari na diumanoy makapangyarihan sa mga Hedeo? Dapat kang mamatay! Kung ang
turo mo ay patuloy mong papalaganapin! Dapat pati ang iyong mga alagad ay dinakip din!
KAWAL 1: Siya Lamang po ang sinulit sa amin.
ANAS: Nasaan ang iyong mga alagad?! Sino-Sino sila? At ano itong tinuturo mong doktrina? Mangusap ka
Hesus nais kitang makilala! Kung nais mong ang iyong sintesya ay gumaan,Sa akin ka mangusap,
Magpakilala ka!
HESUS: Hayagaan akong nangangaral sa Sinagoga, wala akong ikinubli na kahit sino,tanungin silang nakikinig,
alam ng lahat ang aking sinasabi.
(sasampalin ni Kawal 1 si Hesus)
KAWAL 1: Sa ganyang paraan mo ba kinikilala ang pinakamataas na pari? Isa kang arogante!
KAYPAS : Sabihin mo sa amin Hesus na taga Nazareth..ikaw ba ang sinasabing tagapagligtas at anak ng Diyos na
buhay?
HESUS: Ako nga. At makikita mo ang anak ng tao na nakaupo sa kanang bahagi ng kataas-taasang Ama at bababa
mula sa alapaap ng langit.
KAYPAS: Hindi na natin kailangan ng mga saksi! Kayo na ang nakarinig ng kanyang kalapastanganan sa Diyos!
Ano ang inyong hatol?
KAYPAS: Bawal sa atin mga hudeo ang humatol ng kamatayan. Kaya’t dalhin sya sa gobernador.
PILATO: Walang kasalanan ang taong ito. Yan ang pasya ni Herodes, Yan din ang pasya ko. Gayunman,
Dahil kayo ay mapilit, nais kong ipaalala sa inyo, na sa ganitong pista. Maaari kong palayain ang
kahit sinong bilanggo na nais nyo..
PILATO: Walang kasalanan ang taong ito. Kaya’t parurusahan ko na lang bago palayain..
KAWAL: Tama na yan!!!!!Ang sabi’y hagupitin, hindi patayin…Hala damitan yan at palayain!!! Ngayon
din……Kilos!!!!
TAONG BAYAN: Wala kaming hari maliban kay Ceasar! Ipako sa Krus!!!
TAO1: Kapag siya ay pinalaya, hindi ka kaibigan ni Ceasar. Ang sinumang ginawa ang sarili bilang hari
ay hindi kaibigan ni Ceasar.
PILATO Kung gayon! Ako si Pontio pilato, presidente’t hukom dito, na sakop ng imperyong Romano. Ang
hatol ko’t sintensya’y ukol sa kanyang pagkakasala. Sa kanya’y ipapasan krus ng kamatayan. At
kung dumating man sa lupang Golgota, ipako’t iparipa, sa gitna ng dalawang palamara! Kunin
nyo na siya. Wala akong pananagutan sa kamatayan ng taong iyan.
(maghuhugas ng kamay)
(Music-pananagutan)
(inalisan si Hesus ng damit pinaltan ng puting damit at ibinigay ang Krus)
HESUS Ama ko, Salamat sa Krus na ito upang matubos ko sa sala ang tao
HESTAS Ikaw ay nababaliw na! Bakit nakuha mo pang halikan ang krus na iyong kamatayan!
MARIA: Juan, mananatili ba ako rito? O dapat lumisan? May lakas ba akong mamasdan ang anak kong
naghihirap?
JUAN: Kapag hindi nyo sya hinintay. Baka lalo nyo po syang tangisan!
KAWAL 2: Ikaw nga ba ang ina ng taong iyan?, tingnan mo ang pakong gagamitin sa Anak mo!
(nakangiting parang nang aasar)
(titignan ni Hesus si Maria, ngunit magpapatuloy ito sa paglalakad) (babagsak muli si Hesus)
SIMON tutulungan ko ang taong ito ngunit hindi ako makasalanang tulad niya.
(lalapit si Veronica)
BABAE: Huwag Beronika., Wag kang mangahas lumapit kay Hesus! Magagalit ang iyong ama!
VERONICA: Panginoon, tulutan nyong aking ipahid sa iyong mukhang kahapis-hapis ang Birang kong sakdal
linis.
VERONICA: Aaalis akong masaya ang aking puso iniwanan ako ng Panginoon ko ng isang ala-ala.
HESUS: Herusalem, Herusalem! Pinapatay mo ang propeta! At binabato ang isinugo sa’yo ng
Diyos..Gaano kadalas kong inibig na tipunin ang iyong mga anak…..Tulad ng paglimlim nga
inahin sa kanyang mga sisiw! Datapwat tumanggi ka!
BABAE 3: Panginoon ano ang iyong sala, bakit sayo ay hindi sila naawa?
HESUS Mga Kababaihan ng Herusalem, wag nyo akong tangisan, ng tangisan ninyo ay ang inyong mga
anak at inyong mga sarili. Tandaan ninyo: darating ang mga araw na sasabihin nila, “Mapapalad
ang mga baog, ang mga sinapupunang hindi nagdalantao,at amga dibdib na hindi nagpasuso,Sa
mga araw na iyo’y sasabihin ng mga tao sa mga bundok, Gumuho kayo sa amin! At sa mga
burol” “Tabunan ninyo kami” sapagkat kung ganito ang ginagawa sa kahoy na sariwa, ano
naman kaya ang gagawin sa tuyo?”
(iiyak at tatangis ang mga kababaihan ng Herusalem)
(muling pagbabatuhin si Hesus ng mga tao)
(habang pipigilan ni Simon ang mga tao)
SIMON Tama na! Itigil niyo na! Layuan nyo sya…Lumayo kayo sa kanya!!! Kapag hindi nyo siya
tinigilan! Hindi ko na bubuhatin ang krus na yan kahit isang hakbang pa!
(Matatawa ang mga kawal)
KAWAL 1: kung ikaw nga ay makapangyarihan bakit hindi mo biyakin ang krus na iyan at tunawin ang mga pakong
ito! Ipakita mong ikaw ay makapangyarihan!
(magtatawanan ang mga kawal)
(itatayo ang krus)
HESUS: Ama! Patawarin mo sila!Sapagkat hindi nila nalalaman ang kanilang ginagawa!
MARIA: Hesus, aking anak.. naririto ako, ang iyong Inang umiibig sa iyo… (iiyak)
MAGDALENA: Naririto rin ako, Hesus… Ang makasalanang sumasamba sa iyo… Nakaluhod ako sa iiyong
paanang minsan ay hinugasan ko ng aking mga luha. Hahagkan ko ang paa mo ng
marahan….upang huwag masaktan ang iyong mga sugat.
JUAN: Panginoon, Narito ako…..ang kaibigang nagmamahal sa iyo, aming guro… Patawad, kung
iniwan ka namin sa gitna ng panganib at kasawian..
VERONICA: Malasin ninyo siya… Mayroon pa bang hihigit ng pagpapakasakit ng tulad ng sa kanya! Ang
Panginoon at Hari, at Kristo ng Israel! …Ipinako sa krus na animo’y isang karaniwang
magnanakaw!
HESTAS: Tumigil kayo! Hindi pa ba sapat ang paghihirap namin? Bakit dinaragdagan pa ng inyong mga
panaghoy, (titingin kay Hesus) Ikaw! Sabihan mo ang mga yan magsitigil!
DIMAS: Tumigil ka Hestas! Ang taong ito ay matuwid. Wala siyang kasalanang tulad natin.
HESTAS: Hindi bat ikaw ang Mesiyas?! Kung ikaw nga ang Mesiyas, iligtas mo ang iyong sarili, pati na rin
kami!
DIMAS Hindi ka ba natatakot sa Diyos? Ikaw ma’y pinarurusahang tulad niya! Matuwid lamang na
tayo’y parusahan nang ganito dahil sa ating mga ginawa, ngunit ang taong ito’y walang ginawang
masama. Hesus! Alalahanin mo ako kapag naghahari ka na!
HESUS (titignan si Dimas) sinasabi ko sa iyo, ngayon di’y, isasama kita sa paraiso……
KORO Isang magnanakaw, pinangakuan ng paraiso! Ano pa kayang higit na patunay. Na naparito ka
upang sagiping kaming makasalanan…
(doom music)
(lalapit sina Magdalena, Maria, Juan, mga kababaihan ng Herusalem at Veronica sa paanan ng Krus)
MARIA: (titingala at sisigaw) Anak ko……tulutan mo rin akong mamatay na kasama mo..
HESUS: Babae (titingin kay Maria) masdan mo ang iyong anak….Anak,(titingin kay Juan) masdan mo
ang iyong ina..
MAGDALENA: Ang buong mundo ay naghihirap! Patungo siya sa dilim….at dala niya ang sikat ng
araw…..Siya’y malayo na….napakalayo na upang maabot ng aking tinig….(mananaghoy)
(kukulog)
(may isang mangkok na puno ng alak ang siyang pagtutubugan ng isang kawal ng espongha at idadampi sa bibig ni Hesus)
HESUS: Ama! Sa mga kamay mo’y / ipinagtatagubilin ko/ ang aking espiritu!
(MUSIC- KANLUNGAN)
PILATO: MARIA:
ANAS: JUAN:
KAYPAS: MAGDALENA:
TAO 1: VERONICA:
TAO 2: SIMON:
KAWAL 1: 2.
KAWAL 2: 3.
DIMAS: BABAE:
HUDAS: 1
PEDRO: 2
KAWAL 3: 3