ᐆᒻᒪᖅᑎᒋᐊᒃᑲᓐᓂᕈᒃ ᐃᖅᑲᓇᐃᔮᕆᔭᑦ ᐅᑭᐅᖅᑕᖅᑐᒥ!

ᖃᐅᔨᒋᐊᕈᒃ ᐃᓕᖕᓄᑦ ᐱᓕᕆᐊᒃᓴᑦᑎᐊᕙᒃ ᑲᓇᑕᐅᑉ ᐅᑭᐅᖅᑕᖅᑐᐊᓂ! ᐃᓚᐅᕝᕕᒋᒃᑭᑦ ᐱᓇᔪᒍᒪᑦᑎᐊᖅᑐᑦ ᐱᓕᕆᔨᕗᑦ

ᐱᓕᕆᖃᑦᑕᖅᓯᒪᑦᑎᐊᖅᑐᑦ ᓴᓇᕝᕕᖕᒥ ᐱᓕᕆᔨᓪᓚᕇᑦ ᐊᑦᑕᕐᓇᙱᑦᑐᒥᒃ, ᑕᑎᒋᔭᒃᓴᐅᔪᒥᒃ, ᐊᑭᑐᓗᐊᙱᑦᑐᒥᒡᓗ
ᐆᒻᒪᖅᑯᑎᖃᖅᑎᑦᑎᕙᒃᖢᑎᒃ ᓄᓇᕗᓕᒫᒥ.

ᓄᓇᕗᒻᒥ ᐃᖅᑲᓇᐃᔭᕐᓂᖅ

ᓄᓇᕗᑦ ᑲᓇᑕᒥ ᓄᑖᖑᓛᖑᔪᖅ ᐊᖏᓛᖑᓪᓗᓂᓗ ᐱᕈᖅᐸᓪᓕᐊᓛᒥᓪᓗ ᑮᓇᐅᔭᓕᐅᕈᑎᖃᖅᖢᓂ ᑲᓇᑕᒥ. ᑲᔾᔮᕐᓇᖅᑐᓂᒃ

ᓄᓇᖓ ᑕᐅᑦᑐᖃᖅᖢᓂ ᐱᕕᒃᓴᑦᑎᐊᕆᒃᖢᓂᓗ, ᐊᓕᐊᓇᐃᒋᑦᑎᐊᕐᓂᐊᖅᐸᐃᑦ ᐃᖅᑲᓇᐃᔭᕐᕕᒋᔭᕐᓂᑐᐊᖑᙱᑦᑐᖅ,
ᐱᓕᕆᓐᓇᐅᙱᑦᑐᒃᑯᓪᓘᓐᓃᑦ. ᕿᒧᒃᓯᕈᒪᓐᓂᕈᕕᑦ, ᓯᑭᑑᑲᑕᒡᓗᑎᑦ, ᖃᔭᖅᑐᕐᓗᑎᑦ, ᐃᖃᓪᓕᐊᕐᓗᑎᑦ,
ᕿᒥᕐᕈᔪᒪᓐᓂᕈᕕᓪᓘᓐᓃᑦ ᐃᓕᖅᑯᓯᕐᒥᓂ ᐊᑐᓪᓚᕆᒃᑐᓂᑦ ᓴᓇᙳᐊᖅᑎᓂᑦ ᓂᔾᔭᐅᓯᔭᖅᑎᓂᒡᓗ, ᓄᓇᕗᑦ ᐃᓕᖕᓄᑦ
ᐃᓂᒃᓴᑦᑎᐊᕙᐅᕗᖅ.

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖ

ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑲᒪᒋᔭᒃᓴᖃᖅᑐᑦ ᐊᑐᐃᓐᓇᐅᑎᑦᑎᓗᑎᒃ ᐊᑦᑕᕐᓇᙱᑦᑐᒥᑦ, ᐊᑐᑦᑎᐊᖏᓐᓇᕈᓐᓇᖅᑐᒥᒃ

ᐆᒻᒪᖁᑎᒥᒃ ᐊᑭᓕᖅᓱᐃᕙᒃᑐᓕᒫᓄᑦ ᓄᓇᕗᒻᒥ. ᓇᖕᒥᓂᕆᔭᐅᔪᖅ ᓄᓇᕗᑦ ᒐᕙᒪᒃᑯᓐᓂ ᐊᐅᓚᑕᐅᓪᓗᓂᓗ ᐃᓛᒃᑰᖅᖢᑎᒃ
ᓄᓇᕗᒻᒥ, ᖁᓪᓕᒃᑯᑦ ᐆᒻᒪᖅᑯᑎᓕᕆᔨᒃᑯᑦ ᐊᑐᐃᓐᓇᐅᑎᑦᑎᓲᖑᔪᑦ ᐆᒻᒪᖁᑎᓂᒃ ᐅᖅᑰᓴᐅᑎᓂᒡᓗ ᓄᓇᕗᒻᒥ. ᐊᓯᓕᒫᖏᑦ
ᐆᒻᒪᖅᑯᑎᖃᕐᕖᑦ ᑲᓇᑕᒥ ᑕᐅᑐᒃᖢᒋᑦ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᐊᒃᓱᕈᕐᓇᖅᑐᖅᓯᐅᖃᑦᑕᖅᐳᑦ ᐊᐅᓚᑦᑎᓪᓗᑎᒡᓗ
ᐊᕙᑎᓪᓗ ᑕᓪᓕᒪᓂᒃ (25) ᐃᓛᒃᑰᖅᑐᓂᒃ ᐊᐅᓚᐅᑎᖃᕐᕕᐊᓗᖕᓂᒃ ᐆᒻᒪᖅᑯᑎᖃᖅᑎᑦᑎᓪᓗᑎᒡᓗ ᓄᓇᓕᓕᒫᓂᒃ ᓄᓇᕗᒻᒥ.

ᐅᐊᔭᓕᖅᓱᐃᔨ (QEC-24-005)

ᐃᖃᓗᐃᑦ, ᓄᓇᕗᑦ

ᐅᖃᕐᕕᖃᖅᐸᒡᓗᓂ ᐊᐅᓚᑦᑎᔨᒧᑦ, ᐅᐊᔭᓕᖅᓱᐃᔨᓕᕆᕙᖕᓂᕐᒧᑦ, ᐅᐊᔭᖃᖅᑎᑦᑎᕙᖕᓂᕐᒧᑦ ᐱᓕᕆᔾᔪᑕᐅᕙᒃᑐᓄᑦ

ᑲᒪᒋᔭᖃᕐᓂᐊᖅᑐᖅ ᐊᑐᐃᓐᓇᐅᑎᑦᑎᓂᕐᒥᒃ ᐱᓕᕆᓂᒃᑯᑦ ᐊᒻᒪ ᐅᐊᔭᓅᖅᑐᓄᑦ ᐋᖅᑭᒃᓯᒪᓂᕆᖃᑦᑕᖅᑕᖏᓐᓄᑦ
ᐱᔨᑦᑎᕋᐅᑎᓂᒃ ᑎᒥᐅᔫᑉ ᐊᐅᓚᐅᓯᕆᔨᖏᓐᓄᑦ, ᐅᐊᔭᓂᒃ ᐋᖅᑭᐅᒪᑎᑦᑎᔨᓄᑦ ᐊᒻᒪ ᐊᖏᖃᑎᒌᒍᑎᒃᑰᖅᓯᒪᔪᓄᑦ. ᑖᓐᓇ
ᐃᓂᒋᔭᐅᔪᖅ ᐃᑲᔪᖅᑐᐃᕙᒃᐳᖅ ᐱᓕᕆᕝᕕᒋᔭᐅᔫᑉ ᑐᓂᐅᖅᑲᐃᕙᓪᓕᐊᕙᖕᓂᕐᒧᑦ ᐱᓕᕆᐊᕆᔭᖏᓐᓂᒃ, ᐃᓚᖃᖅᖢᑎᒃ
ᓴᓇᔭᐅᒃᑲᓐᓂᖅᑐᑦ ᓄᑖᓪᓗ ᓴᓇᔭᐅᔪᑦ, ᑲᒪᒋᔭᖃᕐᓂᕐᒧᑦ ᐱᓕᕆᐊᖑᕙᒃᑐᓂᑦ, ᓄᑖᓂᒃ ᐊᑐᖅᑎᑦᑎᓕᕐᓂᕐᒧᑦ
ᐊᑕᓂᕆᔭᐅᓕᖅᑐᑦ ᐊᑐᖅᑕᐅᕙᒃᑐᒥᓗ ᐱᐅᓯᒋᐊᖅᑎᑦᑎᓂᕐᒧᑦ ᐱᓕᕆᐊᖑᕙᒃᑐᓂᒃ.

ᐱᓕᕆᐊᒃᓴᐃᑦ ᑲᒪᒋᔭᐅᕙᒃᑐᓪᓗ:

• ᐅᖃᖃᑎᖃᖅᐸᒃᖢᓂ ᐊᑐᖅᑎᐅᕙᒃᑐᓂᒃ, ᖁᓪᓕᖅ ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᑕ ᓴᕕᒐᐅᔭᓕᕆᔨᖏᓐᓂᒃ,

ᑳᓐᑐᓛᖃᖅᑎᓂᒡᓗ ᐱᒋᐊᖅᑎᑦᑎᔪᒪᓪᓗᓂ ᐊᑐᓕᖅᑎᑦᑎᔪᒪᓪᓗᓂᓗ ᑐᓴᒧᙵᐅᑎᑦᑎᕙᓪᓕᐊᕙᖕᓂᕐᒧᑦ
ᐊᑐᖅᑕᐅᕙᒃᑐᒥᒃ ᓄᑖᒐᙳᕆᐊᖅᑎᑦᑎᓂᕐᓂᒃ ᐊᒻᒪᓗ/ᐅᕝᕙᓘᓐᓃᑦ ᐅᖓᕙᕆᐊᖅᑕᐅᔪᓂᒃ.
 • ᑎᑎᕋᖅᐸᒡᓗᓂ ᐱᓕᕆᔾᔪᑎᓂᒃ ᓇᓗᓇᐃᔭᖅᓯᒪᔪᓂᒃ ᐊᒻᒪ ᐱᕙᒌᔭᖅᐸᒡᓗᓂ ᐋᖅᑭᒃᓯᒪᓂᒃᓴᖓᓄᑦ ᑲᑎᓯᒪᔪᓂᑦ
ᐊᔾᔨᒌᙱᑦᑐᓂᑦ ᐅᐊᔭᓕᕆᔾᔪᑎᓂᑦ ᓲᕐᓗ ᓇᑉᐸᖅᑯᑎᓂᒃ, ᐅᐊᔭᓂᒃ, ᓴᕕᒐᐅᔭᓂᒃ, ᐃᑭᐊᕐᒥᒃᓴᓂᒃ,
ᐊᓯᔾᔨᖅᑕᐅᔪᓂᑦ, ᐊᓯᖏᓐᓂᒡᓗ;

• ᐱᑎᑦᑎᕙᒃᐳᖅ ᐃᓗᓕᖃᐅᑦᑎᐊᖅᑐᒥ ᑕᐅᑦᑐᒃᓴᖓᓄᑦ ᐱᓕᕆᐊᖑᔫᓪᓗ ᐊᑭᖓᓂᒃ

ᑐᓂᐅᖅᑲᐃᕙᓪᓕᐊᓂᐊᕐᓗᓂ ᐊᑐᖅᑕᐅᕙᒃᑐᒥᒃ ᓄᑖᙳᕆᐊᖅᑎᑦᑎᕐᓂᓂᒃ ᓇᒧᙵᐅᕙᓪᓕᐊᕙᖕᓂᖏᑕᓗ
ᐊᕗᙵᐅᑎᑕᐅᒃᑲᓐᓂᕐᓂᖏᓐᓄᑦ.

• ᐊᐅᓚᑦᑎᕙᒡᓗᓂ ᓴᕕᒐᐅᔭᓕᕆᔨᓂᑦ ᐊᒻᒪ ᐊᖏᖃᑎᒌᒍᑎᒃᑰᖅᑎᓂᑦ, ᐊᒻᒪ ᐱᓕᕆᔾᔪᑎᑦ ᐃᑲᔪᖅᑐᐃᔾᔪᑎᖏᓐᓂᒃ

ᓴᖅᑭᑎᑦᑎᕙᒡᓗᓂ ᐊᑭᑐᔫᑎᓄᑦ ᐱᓕᕆᐊᒃᓴᓄᑦ, ᐅᑎᖅᑎᑕᐅᔪᓐᓇᖅᑐᑦ ᐱᓕᕆᐊᒃᓴᖏᓐᓄᑦ, ᐊᒻᒪ TMIs−ᒧᑦ;

• ᐱᓕᕆᖃᑎᖃᓲᖅ ᓴᓇᔨᓂᑦ ᕿᒥᕐᕈᓪᓗᑎᒃ ᓴᓇᒪᓂᖏᓐᓂᑦ ᐱᖁᑎᓄᓪᓗ ᓇᓗᓇᐃᔭᕆᐊᓕᖕᓂᑦ ᐱᓕᕆᐊᒃᓴᑦ

ᒪᓕᒃᑲᓗᐊᕐᒪᖔᑦ ᒪᓕᒐᓕᒫᓂᒃ ᒪᓕᑦᑎᐊᕋᓗᐊᕐᒪᖔᑦ ᒪᓕᒋᐊᓕᖕᓂᓪᓗ.

ᐱᔭᐅᓯᒪᔭᕆᐊᓖᑦ ᐊᔪᙱᓐᓂᕆᔭᐅᔪᑦ ᐅᑯᓂᖓ ᐃᓚᖃᖅᐳᑦ:

• ᒪᕐᕉᖕᓂᒃ ᐊᕐᕌᒎᖕᓂᒃ ᐃᓕᓐᓂᐊᖅᓯᒪᓂᕐᒧᑦ ᓇᓗᓇᐃᒃᑯᑕᖅᑖᖅᓯᒪᓂᕐᒥᒃ ᐆᒻᒪᖅᑯᑎᓕᕆᓂᕐᒧᑦ

ᐱᓕᕆᓯᒋᐊᖅᑎᐅᓂᕐᒧᑦ ᐱᓕᕆᔪᓐᓇᕐᓂᕐᒥᒃ ᐃᓕᓴᕆᔭᐅᓯᒪᔪᒥᑦ ᐃᓕᓐᓂᐊᕐᕕᒋᔭᐅᓂᑯᒥᑦ.

• ᐱᓕᕆᖃᑦᑕᖅᓯᒪᓂᑰᓂᖅ ᓴᖅᑭᑎᑦᑎᔪᓐᓇᕐᓂᐅᕗᖅ ᑎᑎᕋᐅᔭᖅᓯᒪᔪᓂᒃ, ᑎᑎᕋᐅᔭᖅᓯᒪᔪᓂᒃ ᐆᒻᒪᖅᑯᑎᐅᑉ

ᓇᒧᙵᖅᑎᑕᐅᕙᖕᓂᖓᓂᒃ, ᖃᐅᔨᓴᐅᑎᙳᐊᓕᕆᓂᕐᒧᑦ ᐆᒻᒪᖅᑯᑎᐅᓪᓗ ᓴᐳᔾᔭᐅᓯᒪᓂᖓᓄᑦ
ᐊᑐᖅᑕᐅᕙᒃᑐᓄᑦ.

• ᑕᑯᒃᓴᐅᑎᑦᑎᓗᓂ ᖃᐅᔨᒪᓂᕐᒥᒃ ᐊᔪᙱᓐᓂᖃᑦᑎᐊᕐᓂᕐᒥᒡᓗ ᐆᒧᖓ, Microsoft Office ᐱᓕᕆᐊᖑᕙᒃᑐᓄᑦ

ᐊᒻᒪᓗ AutoCAD−ᒥᒃ.

ᐃᑲᔪᕐᓂᖃᕋᔭᖅᑐᑦ:

• ᓴᓇᒪᓂᒃᓴᖓᓐᓂᑦ ᐊᒻᒪ ᐱᓕᕆᐊᒃᓴᐅᑉ ᐊᑭᖏᓐᓂᑦ ᑲᒪᖃᑦᑕᖅᓯᒪᓗᓂ ᐊᑯᓐᓂᖓᓃᓐᓂᖅᓴᒥᑦ

ᐆᒻᒪᖅᑯᑎᖃᕈᓐᓇᐅᑎᒥᑦ ᐊᒻᒪ ᐆᒻᒪᖅᑯᑎᒥᑦ ᐊᑐᖅᑎᑦᑎᕙᓪᓕᐊᓂᕐᒥᑦ ᐃᑲᔫᑎᖃᑦᑎᐊᕋᔭᖅᑐᖅ.

• ᑎᑎᕋᖅᑕᐅᓯᒪᓗᓂ ᓇᓗᓇᐃᒃᑯᑕᖃᕐᓗᓂ ᐅᐊᔭᓕᕆᔨᒻᒪᕆᐅᓂᕐᒧᑦ (CET) ᓴᓇᔪᓕᕆᔨᒻᒪᕆᐅᓂᕐᒧᑦ ᑎᒥᐅᔪᒥᑦ

ᐊᑲᐅᓇᔭᖅᐳᖅ.

• ᖃᐅᔨᒪᓗᓂ ᓄᓇᕗᒻᒥ, ᓄᓇᒥᒃ, ᐅᖃᐅᓯᕐᒥᒃ ᐊᒻᒪ ᐃᓕᖅᑯᓯᖓᓂᒃ ᐃᑲᔫᑎᖃᕋᔭᖅᑐᖅ.

• ᐅᖃᕈᓐᓇᕐᓗᓂ ᐃᓄᒃᑎᑐᑦ, ᐃᓄᐃᓐᓇᖅᑐᓐ ᐊᒻᒪ/ᐅᕝᕙᓘᓐᓃᑦ ᐅᐃᕖᑐᑦ ᐃᑲᔫᑎᖃᕋᔭᖅᑐᖅ.

ᐊᔾᔨᐸᓗᖏᓐᓂᓪᓘᓐᓃᑦ ᐃᓕᓐᓂᐊᖅᓯᒪᓗᓂ ᐊᔾᔨᒌᙱᑦᑐᓂᑦ ᑖᒃᑯᓂᖓ ᑕᐃᔭᐅᔪᓂᑦ ᐃᓱᒪᒋᔭᐅᓂᐊᖅᑐᑦ.

ᑮᓇᐅᔾᔭᒃᓴᑦᑎᐊᕋᔭᖅᑐᖅ ᐱᒋᐊᕐᕕᖃᕐᓗᓂ $95,302.00−ᒥᑦ $110,539.24-ᒧᑦ ᐅᑭᐅᖅᑕᖅᑐᒥᐅᑕᐅᓂᕐᒧᓪᓗ

ᐃᑲᔫᓯᐊᖅᑖᖅᐸᓪᓗᓂ $16,008.00−ᒥᑦ ᐊᕐᕌᒍᒧᑦ. ᐱᑎᑦᑎᕙᒃᑭᕗᒍᑦᑕᐅᖅ ᐃᓗᓕᖃᐅᑦᑎᐊᖅᑐᒥᒃ
ᐱᕚᓪᓕᕈᑕᐅᕙᒃᑐᓄᑦ ᑲᑎᖅᓱᖅᓯᒪᔪᒥᒃ, ᐃᓚᖃᖅᖢᓂ ᓇᓗᓇᐃᔭᖅᓯᒪᔪᒥᒃ−ᐃᑲᔫᑎᓄᑦ
ᐃᓐᓇᖅᓯᐅᑎᑖᖅᑐᖃᖅᐸᖕᓂᖓᓄᑦ ᐱᓕᕆᐊᖑᕙᒃᑐᒥᒃ. ᓱᓕᒃᑲᓐᓂᖅ, ᐃᖅᑲᓇᐃᔭᖅᑎᐅᑉ ᐃᒡᓗᒃᓴᖓᓄᑦ
ᐃᑲᔪᖅᑕᐅᔾᔪᑎᖃᖅᑐᖅ ᑖᔅᓱᒧᖓ ᐃᖅᑲᓇᐃᔮᒧᑦ. ᑖᓐᓇ ᐃᖅᑲᓇᐃᔮᒃᓴᖅ ᓄᓇᕗᒻᒥᑦ ᐃᖅᑲᓇᐃᔭᖅᑎᓄᑦ ᑲᑐᔾᔨᖃᑎᒌᓄᑦ
ᐃᓚᓕᐅᔾᔭᐅᓯᒪᙱᑦᑐᖅ.

ᓄᓇᕗᒻᒥᐅᑉ ᐃᓄᐃᑦ ᓯᕗᓪᓕᖅᐸᐅᔾᔭᐅᓂᐊᖅᑐᑦ.

ᐱᓇᔪᖕᓂᐊᕐᓗᓂ, ᐱᓇᔪᒍᑎᒋᔭᐃᑦ ᓇᒃᓯᐅᑎᓗᒍ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᒃᑯᑦ

ᐅᕗᖓ: https://qeccareers.prevueaps.ca/jobs.

ᑎᑎᖅᑲᑦᑯᑦ ᐱᓇᓱᐊᕐᓗᑎᑦ ᐊᕗᓐᓂᑎ 16, 2024 ᑐᖔᓂ.

ᐱᓇᔪᒃᑐᑦ ᑖᔅᓱᒧᖓ ᐃᖅᑲᓇᐃᔮᒃᓴᒧᑦ ᐃᓱᒪᒋᔭᐅᑐᐃᓐᓇᕆᐊᓖᑦ ᓯᕗᓂᒃᓴᒥ ᐃᖅᑲᓇᐃᔭᖅᑎᒃᓴᓄᑦ ᖁᓪᓕᖅ

ᐆᒻᒪᖅᑯᑎᓕᕆᔨᒃᑯᑦ ᑎᒥᖁᑖᓂᑦ.

ᖁᔭᓕᔭᕗᑦ ᑕᒪᐃᓐᓂᒃ ᐱᓇᔪᖃᑕᐅᔪᒪᔪᓕᒫᓂᒃ. ᑭᓯᐊᓂᑦᑕᐅᖅ, ᐱᓇᔪᒃᑐᑦ ᓂᕈᐊᖅᑕᐅᔪᑐᐊᑦ ᑐᓴᖅᑎᑕᐅᓂᐊᕐᒪᑕ.