Professional Documents
Culture Documents
Dwom Ns3ntitriw
Dwom Ns3ntitriw
Dwom Ns3ntitriw
18
17
Yehowa Asɛm Wɔ Nkwa
Dwom Nhoma a Edi Kan
no mu Nsɛntitiriw
ASƐMTI bɛn na ɛfata Bible mu nhoma a ne fã
kɛse no ara yi yɛn Bɔfo, Yehowa Nyankopɔn ayɛ
no? Edin a ɛfata ara ne Nnwom, anaa Ayeyi.
Nnwom a ɛyɛ dɛ a ɛka Onyankopɔn su ahorow a
ɛyɛ nwonwa, ne nnwuma akɛse ne nkɔmhyɛ pii
ho asɛm no ahyɛ Bible mu nhoma a ɛdɔɔso sen
biara yi mu ma. Nnwom no mu dodow no ara
ma yehu sɛnea akyerɛwfo no tee nka bere a na
wɔwɔ amanehunu mu no. Nsɛm yi sisii wɔ
mfirihyia apem ntam—efi odiyifo Mose bere so
kosi bere a Israelfo no fii nkoasom mu bae no.
Mose, Ɔhene Dawid, ne afoforo na wɔkyerɛwee.
Wɔkyerɛ sɛ ɔsɔfo Esra na ɔhyehyɛɛ dwom
nhoma no mu nsɛm wiei koraa.
“NYANKOPƆN NE ME
BOTANTIM”
(Dwom 1:1–24:10)
Bere a dwom a edi kan no kae sɛ anigye ne
onipa a Yehowa mmara sɔ n’ani no, dwom a ɛto
so abien no twee adwene sii Ahenni no so tẽẽ. *
Nnwom yi mu fã kɛse no ara yɛ Onyankopɔn
anim nkotɔsrɛ. Sɛ nhwɛso no, Dwom 3-5, 7, 12,
13, ne 17, yɛ nkotɔsrɛ a ɛkyerɛ sɛ onnye no mfi
n’atamfo nsam. Dwom 8 twe adwene si sɛnea
Yehowa sõ sen nnipa koraa no so.
‘WUSO ME MU MA MIGYINA
HƆ, ME MUDI MU’
(Dwom 25:1–41:13)
Hwɛ sɛnea Dawid fii ne komam kaa ne bo a wasi
sɛ obekura ne mudi mu wɔ nnwom abien a edi
kan wɔ saa fã yi mu no! Ɔtoo dwom sɛ: “Me de,
pɛyɛ mu na mebɔ me bra.” (Dwom 26:11) Wɔ
bɔne fafiri ho mpae a ɔbɔe mu no, ɔkae sɛ:
“Mimuaa m’ano no, me nnompe gurowee,
m’apini a misii daa nyinaa nti.” (Dwom 32:3)
Dawid ma Yehowa anokwafo awerɛhyem sɛ:
“[Yehowa, NW] ani wɔ treneefo so, na n’aso tie
wɔn sufrɛ.”—Dwom 34:15.
‘Nhyira ne Yehowa’
Hwɛ awerɛkyekye ne nkuranhyɛ nsɛm a ɛwɔ
nnwom mmiako mmiako 41 a ɛwɔ ɔfã yi mu no!
Sɛ́ sɔhwɛ bi ama yɛrehu amane anaa adebɔne bi
ama yɛn ahonim haw yɛn no, yebetumi anya
ahoɔden ne nkuranhyɛ afi Dwom nhoma a tumi
wom yi mu. (Hebrifo 4:12) Nnwom yi kura
abrabɔ ho akwankyerɛ pa. Wɔma yɛn awerɛhyem
bere nyinaa sɛ ɛmfa ho ɔhaw a yehyia no,
Yehowa rennyaw yɛn.
[Ase hɔ asɛm]