Kawalan ng Trabaho: Mabigat na Suliranin sa pamumuhay ng mga Pilipino

Karamihan sa ating mga mamayang Pilipino ay nakararanas ng matinding paghihirap at

kakapusan sa araw -araw, Isa sa mga dahilan kung bakit hindi matugunan ng bawat
pamilya sa ating bansa ang kani-kanilang pangunahing pangangailangan ay dahilan sa
kawalan ng Trabaho. Ang Unemployment o Kawalan ng Trabaho ay isa sa mabigat na
suliranin na kinakaharap ng bawat pilipino at ng ating bansa na hanggang sa ngayon ay
wala pa ring konkretong solusyon. Ito ay patuloy parin na nagyayari sa kasalukuyan
bagamat may mga programa at adhikain na ipinatutupad ang gobyerno ay di pa rin ito
sapat upang tuluyang matapos ang suliranin na ito. Ayon sa pag -aaral ng Alinks.Org,
Ang kawalan ng trabaho ay maaaring tukuyin bilang ang sitwasyon kung saan ang
isang tao ay hindi nag-aaral at hindi nagtatrabaho. Ang taong ito ay karaniwang nasa
pagitan ng 15 taong gulang at 64 na taong gulang. Ang taong ito ay hindi nagtatrabaho
ng part-time o bilang isang freelancer. Ang taong ito ay aktibong naghahanap ng
trabaho. Ang mataas na pagtaas ng porsyento ng kawalan ng trabaho ay nagdudulot ng
negatibong epekto sa bansa tulad ng kahirapan, Krimen, at Malnutrisyon. Paano nga
ba natin sosolusyunan o mababawasan ang suliraning ito? Ano ba ang dapat nating
isaalang alang bilang isang indibidwal upang di- maging kabilang dito?. Ngayon ay atin
pang mas palawakin ang kaalaman ukol sa isyung ito.

Batay sa Lokal na pag - aaral ni Leanne Joyce H. Quinto na may pamagat na

“Negatibong Epekto ng Pagtaas ng Unemployment Rate sa Pilipinas” tinalakay niya na
ang “Unemployment o kawalan ng trabaho ay isa sa mga suliraning kinahaharap ng
ating bansa sa kasalukuyan. Na Ayon sa NSO, mahigit 27 milyong katao ang walang
trabaho rito sa ating bansa. Kabilang sa mga ito ay mga di - nakapagtapos ng pag-
aaral ang iba naman ay mga nakapagtapos naman ngunit di makahanap ng trabaho
dahil sa walang bakanteng posisyon sa opisina o dahil sa wala pang sapat na
karanasan. Kahirapan ang direktang iniuugnay sa kawalan ng trabaho. Nang dahil sa
hindi mapakinabangang kaalaman, hindi na masusustentuhan ang mga
pangunahing pangangailangan ng pamayanan. Higit sa lahat sa pangangalaga sa
pinakamaliit na yunit ng lipunan, ang pamilya. Sa isang pamilyang walang
sapat na hanap buhay, maghihirap ang bawat miyembro na mapunan ang
kanilang pangangailangan. Halimbawa na lamang, sa edukasyon ng kabataan,
kalusugan at mga kumakalam na mga sikmura. Ayon sa Philippine Star Newspaper,
ang kawalan ng trabaho ang nagtutulak sa ilan para makagawa ng masama.
Dahil sa nararanasang gutom, napipilitan silang magnakaw at
mangholdap.Nagrerebelde ang kanilang bituka at hindi na nila kayang pigilin. Kung
magkakaroon ng maraming trabaho, malulutas na ang mga krimen at Magkakaroon
nang kaayusan

Ang binigyang- diin ni Quinto sa kanyang paksa ay ang mga negatibo nitong epekto,
una na rito ay ang karahasan at krimen sila ay nagiging desperado para lang may
makain at mas pinipili na lang mabuhay sa kalye at magnakaw. Ang mga kababaihan
naman ay napipilitang ibenta ang kanilang sarili at maging ang mga bata ay natututong
mangdaya at gumawa ng di - tama. Bilang Konklusyon sa aking naunawaan sa pag-
aaral ni Quinto ay “ Ang pag taas ng Karahasan at Krimen ang isa sa mga seyosong
bunga ng Kawalan ng Trabaho, Nakakalungkot na aminin na dahil sa kawalan ng
trabaho at di pagkakaroon ng sapat na pera upang mabuhay ay napipilitan ang
karamihan na kumapit sa patalim upang matugunan ang pangangailangan, At Lubos na
nakakababa ng moralidad ang ganitong gawain. Sila ay napipilitan at wala ng ibang
maisip pa na gawin upang isalba ang kanilang sarili sa kalam ng tiyan kung hindi ang
kasamaan at paggawa ng mali sa kanilang kapwa.

Ayon naman sa lokal na Pananaliksik ni Gian Louise P. Olano na may pamagat na

“Perspektibo Tungkol sa Trabaho at "Unemployment" “ na kung saan ay tinalakay niya
kung ano ang trabaho at ang kawalan ng Trabaho. Aking naunawaan na ang nais
niyang iparating ay ang pagkaloob ng mas malalim na pagkaunawa sa kung ano ang
trabaho at paano nito maapeketuhan ang ating pamumuhay. Nais niya ipaintindi sa atin
ang kalagayan ng mga “ Unemployed” na iniugnay niya sa Panganib ng kamatayan, Na
ang ang pagiging “Unemployed” ay maaring maging mitsa ng ating maagang
kamatayan sapagkat di natin matutugunan ang ating pangangailangan upang mabuhay,
di natin mabibigyan ng tamang pansin ang ating kalusugan at higit sa lahat ay ang
pagkakaroon ng mental na suliranin dahil sa kahirapan ng pamumuhay. Aking nakita na
ang nais na ipahayag ni Olano ay ang makita natin kung gaano kahalaga ang Trabaho
sa bawat buhay at pamumuhay ng mga pilipino.

Sa isang dayuhang pananaliksik naman nina David B, Ryan D, Joaquim F, Valerie

Cohen-S, Rachel C, at Blake A. na pinamagatang “Unemployment in the time of
COVID-19: A research agenda”, tinalakay nila ang naging kalagayan ng Trabaho lalo na
sa panahon ng Pandemya, kung saan lumobo ang mga taong nawalan ng Trabaho
dahil sa maraming establisyemento ang nagsara, mga pinagbawal lumabas at mga
kumpanya na nagbawas ng empleyado. Dito nais ipahayag ng mga mananaliksik ang
malaking epekto ng kawalan ng trabaho sa estado ng pamumuhay ng isang tao. Ang
trabaho ang nag bibigay sa atin ng kakayahan upang makamit ang ating
pangangailangan at ang mawala ito ay isang seryosong usapin.

Ayon naman sa Dayuhan na Pag- aaral ni Ray Brooks sa kanyang akda na may
pamagat na “ Why is Unemployment High in the Philippines? “ sa kanyang iminungkahi
na kanyang sinabi “ Unemployment has remained high in the Philippines, at almost
twice the level of neighboring countries, despite relatively fast employment growth in the
past decade. Employment growth was not sufficient to reduce unemployment because
of rapid population growth and increased labor force participation.It shows that
Philippine employment growth and unemployment declines were positively correlated
with real GDP growth and, to a lesser extent, negatively with the real minimum wage.
The key policy implications are that higher economic growth and moderation of
increases in the real minimum wage are required to reduce unemployment.” Sa
nabanggit inilatag ni Brooks ang mga datos na nag papakita ng paggalaw ng mga may
trabaho, makikita sa kanyang impormasyon na habang tumataas ang mga nagkakaroon
ng trabaho ay sumasabay rin ang pag taas ng mga walang trabaho. Sa aking
naunawaan, Ang nais na iparating ni Brooks sa kanyang mga konklusyon ay ang
kaugnayan ng populasyon sa Kawalan ng Trabaho, Kahit na may mga programa na
itinataguyod ang Gobyerno upang makatulong sa mga walang trabaho, Hindi pa rin nito
lubos na nasosolusyunan ang mataas na pagtaas ng kawalan ng trabaho dagdag na
rito ang mabilis na paglobo ng populasyon, ito ang nakikita ni Brooks na dahilan bakit
patuloy pa rin na tumataas ang Kawalan ng trabaho bukod sa mga kadahilanan pa tulad
ng Di - nakapagtapos, maagang pagbubuntis at pagbuo ng Pamilya at Kawalang
kakayahan upang magtrabaho.

Bilang Konklusyon, Nakatulong sa akin ang mga pag - aaral na nabasa ko upang mas
maunawaan ko pa kung gaano kaseryoso ang suliranin na ito, sapagkat aking
napagtanto na ito ay may malaking epekto sa buhay ng isang pilipino at maging ng
kanyang pamilya. Ang kawalan ng Trabaho ay maiuugnay sa iba pang suliranin sa
Bansa tulad ng Karahasan, Kahirapan, Malnutrisyon, Paglobo ng Populasyon, Mental
na Kalagayan ng bawat Pilipino at Maging Krimen, Prostitusyon at Kamatayan.
Karamihan ay kawalan ng Trabaho ang ugat upang humantong sa ganitong mga
kalagayan. Ang kawalan ng de kalidad na Edukasyon, Di nakapagtapos sa pag aaral,
Kakapusan sa buhay, Maagang pagbubuntis at pagbuo ng pamilya at Kawalan ng
interes upang mag sumikap na maka-hanap ng trabaho ang ilan sa mga pangunahing
sanhi kung bakit walang trabaho ang karamihan sa mamayang pilipino, Ganun kalawak
at kalalim ang mga ugat na dapat nating putulin upang masolusyunan ang matinding
suliranin na ito. Bilang aking mga mambabasa, Nais ko na itatak sa isip niyo kung
gaano kalubha ang magiging epekto ng suliranin na ito, kung kaya ay inilatag ko ang
ang mga sanhi at epekto nito upang makapagnilay kayo na isaalang - alang ang
kahalagahan ng trabaho sa pamumuhay ng isang pilipino. Tayo, bilang isang mag -aaral
ay inihahanda ang sarili natin upang pagdating ng panahon ay maging handa tayo sa
tunay na buhay at makahanap ng angkop na trabaho na makatutulong sa atin upang
matugunan ang ating mga pangangailangan. Tayo ay nag - aaral upang dumating ang
araw na makatayo tayo sa ating mga sariling paa at makatulong sa ating pamilya at
Bansa. Nais kong bigyan niyo ng halaga ang aral na nais ko ipahayag sa sanaysay na
ito, upang di tayo maging kabilang sa mga populasyon ng walang trabaho at danasin
ang mga negatibong epekto na aking nabanggit kanina. Tayo man ay nabubuhay ng
walang kasiguraduhan sa ating hinaharap ay nais kong gawin natin ang ating makakaya
upang matulungan ang bansa na mabawasan ang suliranin na ito sa pamamagitan ng
pagsimula nito sa ating mga sarili. Igapang natin na matapos ang ating mga pag-aaral
at higit sa lahat ay maging masigasig na humanap ng mga oportunidad na angkop sa
atin at maging huwaran sa ating henerasyon at kapwa pilipino upang matulungang
mabawasan ang mga kabilang sa suliraning Kawalan ng Trabaho.
MGA SANGGUNIAN:

Lokal na pag - aaral ni Leanne Joyce H. Quinto na may pamagat na “Negatibong

Epekto ng Pagtaas ng Unemployment Rate sa Pilipinas”
https://www.studocu.com/ph/document/university-of-the-east-philippines/pagbasa-at-pa
gsulat-sa-akademikong-filipino/negatibong-epekto-ng-pagtaas-ng-unemployment-rate-s
a-pilipinas/9716671

Lokal na Pananaliksik ni Gian Louise P. Olano na may pamagat na “Perspektibo

Tungkol sa Trabaho at "Unemployment"
https://www.academia.edu/36117240/Perspektibo_tungkol_sa_Trabaho

Dayuhan na Pag- aaral ni Ray Brooks na may pamagat na “Why is Unemployment

High in the Philippines?
https://papers.ssrn.com/sol3/papers.cfm?abstract_id=879369
Dayuhang pananaliksik nina David B, Ryan D, Joaquim F, Valerie Cohen-S, Rachel C,
at Blake A. na pinamagatang “Unemployment in the time of COVID-19: A research
agenda”
https://www.ncbi.nlm.nih.gov/pmc/articles/PMC7206417/

Pag -aaral ng Alinks. Org. tungkol sa kung “Ano ang Kawalan ng Trabaho?”
https://tl.alinks.org/ano-ang-kawalan-ng-trabaho/