地勤仔

禁區 日記
香港機場地圖
西
作者序
守護我哋嘅機場
每當講起機場又或者航空業，好多人第一時間都會聯想到機師
同空姐（空中服務員）。不過，當你拎起呢本《地勤仔禁區日記》果
陣，地勤仔就係想話你知，成個航空業唔係淨係得機師同空姐。機
場有唔同大大小小嘅工作崗位，其中一個，就係地勤人員。

我知道好多人都會將地勤人員同空中服務員比較，而事實上，
好多人都會視空中服務員為夢想嘅職業，因為可以成日去旅行真係
吸引好多。但撇除呢點，其實地勤人員嘅工作會比空中服務員承受
住更多大大小小嘅挑戰！

諗返起當初誤打誤撞咁走進航空業嘅世界，地勤仔開 Facebook
Page 都係諗住分享一下地勤人員嘅生活，寫下畫下，發現原來地勤
人員係有咁多鮮為人知嘅趣事，於是地勤仔就好想將一個又一個趣
事集結成書，分享畀睇緊呢本書嘅你。
 眼見香港變得同以前越嚟越唔同，而機場亦唔知由幾時開始變
得越嚟越荒謬：每當我睇住機場嘅空中流量管制，造成大量航班延
誤，明明旅客乖乖地坐喺飛機準備就起飛，但就無法順利起航；面
對旅客當時各種各樣嘅心情，我都會深表同情，希望航班異常的問
題可以減少發生。

除咗盡忠職守外，地勤仔更加要面對公司內部大大小小嘅人事
問題，自問雖然能力有限，但當面對唔公平嘅事果陣我係唔會啞忍。
所以，希望藉住呢本《地勤仔禁區日記》，畀大家好好認識一下我哋
香港國際機場之餘，亦想各位了解更多地勤人員鮮為人知嘅辛酸！

地勤仔
6 地勤仔 禁區 日記

作者序 4 第二章
唔正常航班
第一章
航班延誤類型 54
我係地勤 機場字典：有蛇 58
我係禁區地勤仔 10 國內空管情況 60
接機法寶 12 三大機場 62
接機嘅種類 14 紅色閃電警告 64
閘口更改 16
延遲抵港 68
輪椅姐姐到未呀？ 18 機場硬料： 70
機場字典：跳機 20 旅客比例
目錄

機場硬料：指示牌 22 我哋嘅高層 72

離境閘口必備 Item 24 航班備降香港 74

地勤仔嘅工作崗位 26 「落客」必備
 Item 76

空管時嘅服務櫃檯 30 Crew Rest 78

風火輪須知 32 「落客」全攻略
 80

特事特辦嘅行李 33 黑仔掃把 82

再次核對護照資料 36 機場字典：落客 84

機場字典：斬客 40 交換登機證嘅乘客 86

斬客前嘅地勤工作 42 廉價航空票務條款 88

斬客老是常出現 46

機場硬料： 48
北衛星點去
轉機點去閘口 50
 目錄 7

第三章 第四章 第五章

人力策劃部 有苦地勤知 巴士部外傳
兩面受敵 92 惡晒航空 112 巴士部簡介 148

機場字典：炒飯 94 機場硬料： 114 巴士部同事登場 150

同事咪走住 96 地勤仔比較 巴士部掃把，你好 152

深層次矛盾 118
同人唔同命 98 大巴士小巴士 154
機場硬料： 120
己所不欲， 100 輪椅客專用 155
勿施於人 夏冬接機圖 傷健巴士
搵餐晏仔食 122
地勤仔來電 102 機場巴士大全 156
搵一天搭的士返工 124
我哋嘅工作津貼 104 我要真巴士 158
返早危機 125
安排 Meal Time 106 Outer Bay 全攻略 160
返夜光陰 128
臨時改 Duty 107 機場字典：大柴 164

電話騙案 108 機場硬料：冇蓋冚煲 130

Call Back 難放 132
第六章
超賣機位後…… 134

多勞多得嘅地勤仔 135 地勤仔去旅行

地勤仔嘅一周 136 泰國：上唔到飛機 168
越南：第一次免費 172
機場字典：爆鑊 138
升艙嘅故事
機場無雙 140 俄羅斯：機件故障 174
再別機場 142 嘅旅程
緬甸：神秘嘅面紗 178
機場字典：擒 144
日本：香港人愛鳩嗚 180
 第二章
唔 常
正 航班
54 地勤仔 禁區 日記

航班延誤類型
咩係「挽掟」？你唔知？唔好玩嘢喎！吓！你隔離果個都唔知？
其實我都唔知。呢兩個音係出自大媽口中，我只係鸚鵡學舌咁跟佢
講返出嚟！「挽掟」原來係「航班延誤」咁解。

作為一個消費者，買咗張機票係應該準時 Check In，準時到達

閘口。而作為一間航空公司，亦有責任確保航班準時同安全。但係
飛喺天空嘅嘢又點話得埋丫，航班延遲咗我諗係人都唔想。講開又
講，你都應該要了解清楚大部份航班延誤嘅原因，以後就唔好一味
淨係鬧爆地勤仔嘞。

❶ 機件故障（Technical）

飛機機件問題可大可小，有時候只係軟件（System）有問題，
維修員入飛機重新啟動電腦就無事。但有時候係飛機硬件出現問題，
如：整個引擎有問題、嚴重漏油又或者甩咗零件，呢啲都可以叫做
Technical Problem。遇上呢類情況，地勤仔建議乘客千祈唔好催。
我明白你嘅心情，入得禁區，你就梗係嚟搭飛機啦，不過萬一出現
Technical Problem，你點都要等下，畀時間維修員搞返掂架機，否
則，我唔知你仲會唔會有命返嚟，最弊係機組人員陪埋你送上天咋。
我係地勤 唔正常航班 人力策劃部 有苦地勤知 巴士部外傳 地勤仔去旅行
第一章 第二章 第三章 第四章 第五章 第六章 55

你在此

❷ 天氣（Weather）

天氣係導致航班延誤嘅最大原因。香港同東南亞最受困擾嘅天
氣都係離不開夏天打風落雨行雷閃電，至於歐洲韓國日本，喺冬天
都係不外乎落雪結冰。

「點解人哋飛到我哋飛唔到！？」你向我質問。

「你呢個問題問得真係好，飛機型號唔同，細機受天氣影響嘅程
度較大，而每間航空公司對惡劣天氣嘅安全準則都未必相同，所以
飛唔飛到係由機師決定。」我親切地答。

❸ 航班延遲抵港（Late Arrival）

有時候某啲航班 Ground Time*（地面停留時間）比較短，一個

鐘至個半鐘。特別係外站嘅航空公司，基地唔係呢度，想臨時調配飛
機去飛都唔得。若然係上一站延遲起飛，今站離港時就有機會因為
ground time 時間不足而延遲。通常呢個情況多數出現係廉價航空或
者部份短途機，例如飛台灣、內地、東南亞航線等。都係果句啦，你
撫心自問，張機票你又畀咗幾錢呀，Delay 咗少少啫，袋住先啦好無？
56 地勤仔 禁區 日記

❹ 空中流量管制（Air Traffic Control）

簡單嚟講，即係話如果航機要飛往有航空管制嘅航點時，就會
好容易出現機龍，每架機都排隊等起飛或降落。以航空管制情況嚟
講，暫時以中國大陸航點，如：上海浦東、虹橋，又或者北京比較
嚴重。當然，唔一定只有中國大陸航點會出現空中流量管理，歐洲
航點甚至係香港都會出現航空管制，不過內地嘅航點管制嘅時間同
範圍有時真係誇張到你唔信。所以如果你飛內地，遇著因空中流量
管理令航班延誤時，就唔好問地勤仔點解會 Delay，我哋畀唔到答案
你，我建議你去信問下國家主席啦。

❺ 航班調動（Aircraft Rotation）

因航班調動導致飛機 Delay 嘅原因可以話係眾說紛紜。航空公

司有權將起飛前嘅航班臨時調配以應付突如其來嘅事情。有時候又
會將機型互相調配，但由於調配需時，特別係起飛前先臨時決定，
呢啲都會影響航班準時出發。其實，都係一種藉口啫。
我係地勤 唔正常航班 人力策劃部 有苦地勤知 巴士部外傳 地勤仔去旅行
第一章 第二章 第三章 第四章 第五章 第六章 57

你在此

航班 Delay 嘅原因又豈止咁少，呢五個原因只係比較常見啫，
或者會有個別情況都唔定嘅。之不過講咗咁耐，其實都係想講一句，
隻機「挽掟」，九成都唔關我哋地勤事，麻煩你哋坐低等待廣播又或
者航空公司安排啦，好嗎？

*Ground Time
係指飛機降落後至起飛前在
地面停留的時間。飛機降落後，地
面工作繁多：入油、清潔、上飛
機餐、上落行李，以至客人落機
上機，一般至少需要 45 分鐘或以
上。若到地時間至起飛時間不足
45 分鐘，航班多數都要 Delay。
58 地勤仔 禁區 日記

︻有蛇︼

① 飛機上有問題
② 機件故障
【英】Technical Problem

【例一】嗱，飛機可能有小蛇，叫啲客坐返低先，
遲少少登機。
【例二】有蛇嚟講都係要等 TO 嗌出嚟㗎啦。
 機
59

場字典

曾經睇過一張電影 Poster，套戲叫《飛機上有蛇》（Snakes
on a Plane），機場人聽得明就會覺得好好笑，點鬼知套戲又真係
一個講機艙上有毒蛇嘅故仔。

講返現實情況，航空業亦都有呢個咁得意嘅術語。根據消息人
士透露，當年仲係喺舊啟德機場果陣，成個機場 Engineer 都係老
鬼，咁當然有一大堆好似我呢啲英文得果半桶水嘅徒弟走去跟師
啦。事緣就係有一日，呢啲老鬼去整飛機嘅時候同呢班友仔講：「It's
just a small snag」，即係其實呢啲飛機問題好小事啫，當食生菜。

點知，班跟師嘅友仔聽錯咗「Snag」做「Snake」，以為機件
故障真係好似條蛇仔咁……以後我哋做機一聽到「入面有蛇」，心
裡都會高呼一句「哈里路亞」，然後再叫啲客坐返低先，唔使咁緊
張，因為我哋仲緊張過你呢。
60 地勤仔 禁區 日記

國內空管情況
全球機場都有空中流量管制，當中以國內空域管制嘅情況比較
嚴重。除咗天氣不穩定會實施空管外，國內嘅天空仲會受到政府控
制，有時又要進行軍事演習，只要政府封鎖空域，民用飛機就無辦
法起飛，又或者起飛受到限制，這情況，我哋稱為空中流量管制（空
管）。所以好多時，中國大陸嘅航班會因為空中流量管制而 Delay。
我係地勤 唔正常航班 人力策劃部 有苦地勤知 巴士部外傳 地勤仔去旅行
第一章 第二章 第三章 第四章 第五章 第六章 61

你在此

地勤仔啱啱入機場做果陣，大陸空中流量管制仲未係好犀利。
不過，近一兩年嘅情況似乎不斷惡化，當中以廣州、上海浦東以及
北京三大城市嘅空管情況最誇張，其中上海浦東國際機場嘅空管係
呢個春季幾乎每個月都有發生。

香港機場日常運作已經十分繁忙，如果遇上空管，機場負荷就
更重，大量航班延誤，除咗目的地係空管嘅航班外，連途經該地嘅
航班亦會延誤。飛機延誤，意味著會有大量旅客滯留機場，地勤仔
亦會因為咁而延誤收工，唉，真係慘慘豬嘞。
62 地勤仔 禁區 日記

三大機場
最令地勤仔聞風喪膽嘅三大機場，莫過於北京首都機場、上海
浦東機場同埋廣州白雲機場。

北京首都機場

作為首都機場，北京經常會有軍事演習亦好合邏輯。軍方控制
空域，民用飛機唔可以前往，因此經常出現空中流量管制。而每年
3 月至 5 月份沙塵暴嘅北京，航班都會受到影響。

上海浦東機場

上海有兩個機場，其中浦東機場經常出現空中流量管制，主要
原因係受霧霾天氣影響，能見度降低；地勤仔有時仲會聽到浦東機
場一個鐘頭只係容許一架飛機降落或起飛，非常誇張！另外上海空
域亦經常被軍方控制，情況比北京嚴重。而香港前往上海航班亦超
過三十班，萬一出現空中流量管制，機場地勤服務通常都會受上海
航班影響，令大量旅客滯留禁區。

廣州白雲機場

廣州白雲機場偶爾都會出現空中流量管制。雖然香港只有兩班
航班前往廣州，不過由於香港前往歐洲航線都會途經廣州，只要廣
州有空中流量管制，前往歐洲航班通常都難逃厄運。
我係地勤 唔正常航班 人力策劃部 有苦地勤知 巴士部外傳 地勤仔去旅行
第一章 第二章 第三章 第四章 第五章 第六章 63

你在此
64 地勤仔 禁區 日記

紅色閃電警告
真係冇陰公，每次機場落紅雨，成個機場就會一片混亂，地勤
仔亦唔會有好日子過。正所謂行雷閃電會出事，因為豆腐機場搞到
我抖下嘅時間都冇。

每逢行雷閃電落雨落雹，機場唔知點解都會傳出陣陣慘叫聲。
放心，唔係地勤仔嘅呻吟聲，亦唔係啲客係度叫囂，慘叫聲係來自
香港天文台同香港國際機場合作研發嘅「機場雷暴和閃電預警系
統」。即係咩？即係類似聞西嘅「太陽能電筒」囉，咁講會唔會冇咁
抽象呢？我哋又睇下機管局點樣同大家演繹「機場雷暴和閃電預警
系統」發出嘅「黃閃」同「紅閃」啦。

每年雨季，由雷暴產生嘅雲對地閃電可能會令喺機場停機坪工
作嘅人員，同喺戶外登機嘅乘客受到電擊傷害。為此，香港天文台
同香港國際機場合作，研發了「機場雷暴和閃電預警系統」，以保障
機場員工和乘客嘅安全。呢個系統能捕捉實時閃電的位置，自動發
出兩種級別的警報，分別係黃色或紅色閃電警告。
我係地勤 唔正常航班 人力策劃部 有苦地勤知 巴士部外傳 地勤仔去旅行
第一章 第二章 第三章 第四章 第五章 第六章 65

你在此
66 地勤仔 禁區 日記

黃色閃電警告

當預計喺機場島 5 公里範圍內有閃電，或有強雷達回波喺機場
15 公里內，或喺機場 5 公里內探測到雲對地閃電，系統都會自動發
出黃色閃電警告。警示在停機坪工作嘅人或在戶外登機嘅旅客多加
留意天氣嘅變化，但所有戶外工作或活動仍可繼續進行。

紅色閃電警告

當探測或預計雲對地閃電在機場島周圍 1 公里內發生，就會發
出紅色閃電警告。

當紅色閃電警告生效時，為保障位處停機坪人員嘅安全，無論
係飛機加油、戶外嘅旅客登機、下機、或者行李、貨物嘅處理等停
機坪上所有戶外運作都會暫停，待閃電過後才恢復運作。

如何得知閃電警告正在生效？

每一個停機泊位都設有燈號顯示，分別係黃燈和紅燈。當紅色
閃電警告生效，除咗會有亮燈儀式，更會有鳴響提示各工作人員要
即時到室內嘅地方躲避。機場管理局亦會有廣播通知客運大樓內嘅
旅客，行李運送及旅客登機都有可能因惡劣天氣而有所延誤。

係咪覺得我呢篇文章好知識性呢！
我係地勤 唔正常航班 人力策劃部 有苦地勤知 巴士部外傳 地勤仔去旅行
第一章 第二章 第三章 第四章 第五章 第六章 67

你在此
68 地勤仔 禁區 日記

延遲抵港
航班延遲抵港，即係指航班係上一站航點延遲導致今站航點都
受到影響。

每年夏季都係香港打風嘅季節，台灣亦唔例外。每當香港附近
地方打風，短途航班嘅延遲抵港情況就會更加明顯。

打風果陣，機場幾乎處於一個靜止嘅狀態。飛機因為風勢或雨
勢無辦法起飛或降落，要等待颱風離開，風勢或雨勢減弱，機場至
可以逐步回復運作。至於呢個過程要等幾耐，基本上連個天都答你
唔到。

Ground Time 時間短嘅短途航班，如果上一站延誤咗 30 分鐘

或以上，其實好大機會會影響埋下一個航班嘅開出時間。我都試過
miss 咗由香港開往台北嘅航班，當時起飛時間已經過咗，但架飛機
仍然係台北仲未飛過嚟香港，咁呢個航班就肯定會延遲啦。

由於航空業競爭越趨激烈，好多航空已經不斷咁 Cut Ground

Time，務求令飛機可以有更多時間飛多幾轉以增加收入。不過正因
為 Ground Time 時間越嚟越短，航班稍有差池，就會出現骨牌效應，
將緊接嘅航點一併延遲。
我係地勤 唔正常航班 人力策劃部 有苦地勤知 巴士部外傳 地勤仔去旅行
第一章 第二章 第三章 第四章 第五章 第六章 69

你在此

請問還有
沒有毯子 ?
時間確認
了沒有 ?

不好意思，
全都已經派完。

不好意思，飛機
已經飛過來了，
請稍等。
70 地勤仔 禁區 日記

旅客比例
無必要嘅話，我都唔係好想講普通話，但大部份機場旅客都係
大陸客。同佢哋講廣東話一嚟佢哋未必聽得明，二嚟又怕佢哋話我
歧視佢，地勤真係難做。

大陸人除咗由香港機場離境外，仲會透過轉機同坐船抵港離境，
數量之多係你估唔到嘅。航空公司除咗開多咗大陸航線，有啲航線
好似洛陽、大同、武漢、黃山、溫州、長沙、南寧、連雲港、義烏、
梅縣、鄂爾多斯等等，如果你唔係返鄉下或者跟團，你好可能一世
都唔會飛。但你唔好以為淨係呢啲航線先至多大陸人，就算係短途
熱門地點，首爾、東京、大阪、台北、曼谷、新加坡一樣多大陸人。
就連去歐美、中東長途機，大陸客亦多到嚇死你。香港機場為咗迎
合更多「同胞」，一直都投放資源去建設滿足佢嘅設施，近呢半
年嘅熱水機服務就係活生生嘅例子。

而家飛機多咗，延誤次數亦相對多咗，面對香港人嘅投訴係好
惡哽嘅，不過大陸客比例多，有時候佢發難渣做嘅嘢往往係你估
都估唔到。
 71

香 人認為
香 機場旅客比例

我認為
香 機場旅客比例
72 地勤仔 禁區 日記

我哋嘅高層
每當飛機有事時，客人見到地勤仔就會瘋狂咁向我哋了解件事。
作為一個逗份糧嘅小薯仔，上司話冇嘢賠畀個客、冇 Info，我哋都
要硬住頭皮同乘客講「唔好意思，暫時未有任何消息，麻煩你等一
陣，有最新消息就會公布。」其實個客係度諗「做咩鬼丫你」，答埋
晒啲廢話。唉！你估地勤仔又想做人肉錄音機嘅咩，上司同航空公
司都畀唔到任何 Info 我，我又點可以自把自為發放任何消息呢！

呢個時候你會發現，方圓十里都冇一個話到事嘅人出現；而係
你身邊嘅，就只有一班地勤仔同事係閘口度畀客問候、拍片。或者
你會諗，其實真係辛苦晒班高層，委屈佢哋係背後默默地「付出」，
而我哋就喺閘口公然逗住人工嘆冷氣，地勤仔都感到相當「慚愧」：

乘客有事，要即時飛，想改其他航班，地勤仔幫唔到手；乘客
等到肚餓，淨係要求派發餐券，地勤仔幫唔到手；乘客鼓噪，要求
負責人交代成件事，地勤仔幫唔到手。

其實，地勤仔嘅角色到底係咩呢？究竟係協助旅客解決問題丫？
定只係一個拖延旅客嘅維穩工具？無錯，你估得啱！當航班理順後，
所有高層就會突然出返晒嚟，同大家 B 下一兩句說話。就係呢個又
要 OT 嘅晚上，我又學咗「好多嘢」嘞。

我相信冇航空公司想得失任何一個客人。客人唔好成日以為一
有事得個嘈字（其實你嘈地勤仔係完全冇用）就可以解決問題，而
事實上好多航空公司都無法處理機下嘅安排。因為機票越出越平，
航空公司用薄利多銷嘅經營手法賺取盈利，喺所謂人力資源控制下
將人同航機用到極致，又點會處理到突如其來嘅冧機丫？
我係地勤 唔正常航班 人力策劃部 有苦地勤知 巴士部外傳 地勤仔去旅行
第一章 第二章 第三章 第四章 第五章 第六章 73

你在此

當飛機延誤時
Who is the manager? 有冇搞錯呀 ?
Who is the in charge? 你哋可以搵一個話到事
嘅人出嚟嗎 ?

當飛機順利 飛後
係係係，搞掂哂 ! 嗱 ! 同事 !
啲小事難唔到我啦 ! 下次波定果陣可以
得，最緊要搞掂 ! 扑得快啲 ! 辛苦晒 !
74 地勤仔 禁區 日記

航班備降香港
「天氣不似預期，但要走，總要飛，道別不可再等你，不管
有沒有機 ……」我都忍唔住要高歌一曲先。

香港人有一間唔屬於香港人嘅香港航空公司，咁澳門人當然亦
有一間唔會有澳門人走去嘈你嘅澳門航空啦，係咪先。

作為精明消費者嘅你，去澳門，一定揀搭澳門人嘅航空公司。
不過身為一個香港人，我哋始終認為，堅守返「自己航點自己飛」
嘅原則會比較好。

大霧導致能見度降低，澳門機場細之餘佢哋升降嘅飛機機形
又細，每次降落唔到，首選 Divert ＊ 嘅機場就會係香港國際機場。
Divert 咗咁點，咪要落客麻煩到我哋囉。

澳門國際機場 香港國際機場
我係地勤 唔正常航班 人力策劃部 有苦地勤知 巴士部外傳 地勤仔去旅行
第一章 第二章 第三章 第四章 第五章 第六章 75

你在此

＊
Divert
大 陸 譯 成 備 降， 當 航
班因天氣又或其他因素未能
係原定航點降落，佢哋會選
擇附近航點降落。最終航班
係需要回到原定航點。
76 地勤仔 禁區 日記

「落客」必備 Item
「落客」係地勤界嘅一大噩夢。萬一落客，咁冇三五七個鐘頭玩
都咪使旨意走，所以話唔帶齊啲㗎餐，又點同人哋玩？落客果陣唔
知你又會唔會帶足晒呢啲嘢呢？

Transit Card 波波（貼紙）和箱頭筆

由於客人未必拎住完整嘅登機證， 為咗令地勤仔更清楚識別到乘客嘅身份，
又或者唔係當日嘅登機證，所以， 我哋事前都會準備一堆波波然後痴係客人
如果需要乘客經過安檢，就必須拎 衣服嘅當眼地方，用又粗又黑的箱頭筆寫
住呢張 Transit Card 以示機場保安 上識別數字，萬一有咩事，都可以憑呢個
識別。 波波即時找回客人。

花生 對講機 水 符咒
望住一大班群情洶 地勤仔熱切盼望 人肉錄音機 同事話返工要帶，
湧，目光好雷嘅乘客， 從呢部機聽到光 嘅能量之源。 有擋煞之用。
想 剝 花 生！ 咪 使 旨 明嘅指引。
意，放返入櫃筒吧！
我係地勤 唔正常航班 人力策劃部 有苦地勤知 巴士部外傳 地勤仔去旅行
第一章 第二章 第三章 第四章 第五章 第六章 77

你在此

其實拎咩都假，最重要你有心理準備接受乘客嘅問候、追問。
總之切忌答「知，我知」又或者「今日踏出呢一步總比聽日踏出呢
一步好」呢啲廢話就 ok 㗎啦。

罩和紙巾 頭盔和防毒面具 偉人語錄和わさび

應政府呼籲：「喺人多擠逼嘅地方， 好想上頭批下這些工 「同志，勿動手動腳，
要帶上口罩，以免感染病菌。」 作裝備。 大家都是同志！同根生
「老細，我好鐘意呢份 啊！」適當時候要把這
工呢！我唔病得㗎！」 秘密本子高舉出來，最
好配以幾滴催情淚珠。

手機和充電器
長期作戰時，對外 職員證和名牌
溝通嘅必備工具。
讓獵人追捕自己
嘅重要標記！