MAPEH 2 (MUSIC)

S.Y. 2020-2021 – THIRD QUARTER – WEEK 1

DAY 1
Content Standard: Demonstrates understanding of the basic concepts of timbre
Performance Standard: Determines accurately the sources of sounds heard, and produce
sounds using voice, body and objects and be able to sing in accurate pitch
Learning Competencies:
MELC #1. Replicates different sources of sounds with body movements MU2TB-IIIa-2
MELC #2. Identifies the common musical instruments by their sounds and images MU2TB-IIIb-3
I. OBJECTIVES:
1. Natutukoy ang pinagmumulan ng mga tunog
2. Nagagaya o nabibigkas ang mga tunog mula sa kalikasan at gawa ng tao kasabay ng
pagkilos o galaw ng katawan
3. Nakikilalla ang mga instrumentong pangmusika ayon sa anyo at tunog ng mga ito
4. Natutukoy ang mga uri ng mga instrumentong pangmusika
5. Napahahalagahan ang mga mga pinagmumulan ng mga tunog.
II. CONTENT: Pinagmumulan ng mga Tunog (Nature Sounds and Mam-made Sounds)
Mga Uri ng Instrumentong Pangmusika (Instrumentong Perkusyon, Dekwerdas at Brass)
III. LEARNING RESOURCES:
A. Patnubay ng Guro: MAPEH2 Kapampangan TG pp. 91-110, MAPEH2 Tagalog TG pp.66-74
B. Batayang Aklat: MAPEH2 Kapampangan LM pp. 54-59; MAPEH2 Tagalog LM pp.97-107
C. Kagamitang portal:https://www.youtube.com/watch?v=Tde91GvEHV8&t=422s
(LearningMusic-Wind, String, Percussion Instruments)
D. Iba pang Kagamitan: kwaderno, lapis
IV. PROCEDURES:
A. Reviewing previous lesson or presenting the new lesson
Magandang araw sa iyo. Noong unang markahan napag-aralan mo ang iba’t
ibang tunog ng mga bagay sa ating paligid. Naaalala mo ba ang mga tunog na
ginagawa ng mga hayop, sasakyan, at instrumentong pangmusika? Bilang
pagbabalik-aral, sagutin mo ang unang gawain na inihanda ko.
Gawain 1
Pagtambalin ang mga bagay o hayop na nasa Hanay A at ang kanilang
nalilikhang tunog sa Hanay B. Piiin at isulat ang letra ng tamang sagot sa iyong
kwaderno.
Hanay A Hanay B
1. palaka A. Pip! Pip! Pip!
2. bulkan B. Kokak! Kokak! Kokak!
3. trumpeta C. Bum! Bum! Bum!
4. dyip D. Klang! Klang! Klang!
5. kampana E. Tot-tot-tot!
B. Establishing a purpose for the lesson
Bago natin simulan ang bagong aralin, ipikit mo ang iyong mga mata.
Pakinggan mo ang iyong paligid. Ano ang iyong mga naririnig? Ano ang
pinagmumulan ng iyong mga narinig?
Magaling! Lahat ng iyong narinig ay mga iba’t ibang tunog. Ang mga
tunog ay may pinanggagalingan.
Sa araw na ito palawakin mo pa ang iyong kaalaman tungkol sa mga tunog na
naririnig mo sa iyong paligid. Malalaman mo ngayon ang mga
pinagmumulan ng mga tunog kagaya ng mga sumusunod na larawan.
Suriin mo ang bawat larawan. Bigkasin o gayahin ang tunog ng mga ito.

A B C D E F
Mga Tanong
1. Ano-ano ang mga nakikita mo sa larawan A? B? C? D? E? F? Bigkasin o
gayahin ang mga tunog na nalilikha ng mga ito.
2. Ano ang pinagmumulan ng tunog ng mga nakalarawan sa bawat pangkat?
3. Sa palagay mo, alin sa mga pangkat ng mga bagay ang gawa ng tao? Alin
naman ang nagmumula sa kalikasan o bagay na hindi gawa ng tao?
4. Ano ang masasabi mo sa mga tunog na iyong ginaya? Magkakatulad ba
ang tunog ng mga bagay o hayop sa ating kapaligiran?

C. Presenting examples/instances of the lesson

Ang ating kapaligiran ay punung-puno ng mga iba’t ibang uri ng tunog. Iba-iba
rin ang kalidad o timbre ng mga tunog na nalilikha ng mga tao, hayop,
kalikasan at mga bagay na gawa ng tao tulad ng mga sasakyan,
instrumentong pangmusika at iba pang mga bagay. Alamin mo ngayon ang
pinagmumulan ng mga tunog.

Mga Pinagmumulan ng mga Tunog (Sources of Sounds)

1. Nature Sounds - Ito ang mga tunog na nagmumula sa tao, kalikasan
at hayop.
Halimbawa ng mga tunog na mula sa:
A. tao - yabag ng mga paa ng tao kapag tumatakbo, tinig kapag umaawit,
boses ng tao kapag nagsasalita, paghalakhak kapag tumatawa
B. kalikasan - pagputok ng bulkan - Bum! Bum!, pagpatak ng ulan - Tak! Tak!,
lagaslas o agos ng tubig sa dagat - Ssssh! Ssssh!, ihip ng hangin - Wuu! Wuu!
pagkulog at pagkidlat - Kablam!
C. hayop - pag-iyak ng baboy - Oynk- oynk, huni ng ibon - twit- twit,
pagtahol ng aso - Aw- Aw, naglalambing na pusa - Miyaw! Miyaw!
2. Man-made Sounds- ito ang mga tunog na nagmumula sa mga bagay na
gawa ng tao.
Halimbawa ng mga tunog mula sa:
A. Sasakyan - busina ng dyip- Pip! Pip!, sirena ng ambulansya o trak ng
bumbero - Wii! Wi!, tren - Tsug! Tsug!, motorsiklo - Bruuum! Bruum!,
eroplano - Eeeng! Eeeng!
B. Instrumentong Pangmusika – tambol - Boom! Boom!, trumpeta - Tot! Tot!
gitara - Kleng! Kleng!, marakas - Tsik! Tsik! Biyolin - Eng! Eng!
C. Iba pang bagay- orasan - Tik! Tak!, kampana- Klang! Klang!
Telepono - Kriiing! Kriing!
D. Discussing new concepts and practicing new skills #1
Ang mga tunog sa paligid na nagmumula sa kalikasan at mga bagay na gawa
ng tao ay maaaring nating gayahin at sabayan ng kilos o galaw ng katawan.
Halimbawa: bibi - Kwak! Kwak! - Gayahin ang paglakad ng bibi habang
binibigkas ang tunog na nililikha ng bibi
orasan - Tik! Tak! - Itaas ang mga kamay at gayahin ang mga kamay ng
orasan habang binibigkas ang Tik! Tak! Tik! Tak!
Gawain 2
A. Bigkasin o gayahin ang mga tunog na nagagawa o nalilikha ng mga
nasa larawan at sabayan ng pagkilos ng katawan.

1. 2. 3.

B. Isulat ang NS kung nature sound o mula sa kalikasan ang pinagmulan ng

tunog ng mga sumusunod na bagay, tao o hayop at MS naman kung man-
made sound o bagay na gawa ng tao. Isulat ang iyong mga sagot sa iyong
kwaderno.
1.kalansing ng tamburin 4. pag-iyak ng sanggol
2.ahas 5. pahampas ng alon sa dagat
3.ugong ng trak
DAY 2

E. Discussing new concepts and practicing new skills #2

Palawakin mo naman ngayon ang iyong kaalaman tungkol sa mga tunog ng
iba’t ibang instrumentong pangmusika. Bago iyan pag-aralan mo muna ang
awiting “Ang Matanda” at sabayan mo ng paggalaw ng katawan habang
ginagaya ang mga pinagmulan ng tunog.
ANG MATANDA

Ang matanda kahit kuba Palitan ang mga nakasalingguhit na salita ng:
Sapillitang titindig, titindig ＊Biyolin - Eng, eng, eng, eng

upang kumembot ＊Tambol- Bum, bum, bum, bum

Anong saya, anong lambing ＊Maracas- Tsik, tsik, tsik, tsik

Kung tumugtog ng gitara ＊Trumpeta- Tot, tot, tot, tot

Kleng, kleng, kleng, kleng (3X)

(Ulitin ang lahat)

Mga Tanong:
1. Ano-ano ang mga instrumentong pangmusika ang mga nabanggit sa awit?
2. Ano-ano ang mga tunog na kanilang nalilikha?
3. Magkakatulad ba ang kanilang mga tunog?
Kilalanin mo ngayon ang iba’t ibang uri ng mga instrumentong
pangmusika ayon sa kanilang anyo o hitsura, tunog at ang kanilang
mga pangalan, gayundin kung paano patugtugin ang mga ito
Mga Iba’t Ibang Uri ng nga Instrumentong Pangmusika
(A. ) Instrumentong Perkusyon (Percussion) - Ito ang mga instrumentong
tinatapik, pinapalo gamit ang istik, pinagtatama upang makalikha ng
tunog.
Mga Halimbawa
ANYO PANGALAN TUNOG
Ito ay pinatutunog sa pamamagitan Tamborin Tssst- tssst- tssst
ng pagtama sa palad
na may kumakalansing na tunog.
Ito ay pinatutunog sa pamamagitan Tambol Boom- boom
ng pagpalo gamit ang dalawang istik
o patpat.
Ito ay isang pares ng instrumento na Maracas Tsik- tsik
pinatutunog sa pamamagitan ng
pag-alog(shaking) sa mga ito.
Ito ay isang pares ng metal na billog Pompyang Tsing- tsing
na pinatutugtog sa pamamagitan ng
pagtatama sa isa’t isa.

(B.)Instrumentong Dekwerdas (Stringed) - ito ang mga instrumentong

pangmusika na may kwerdas o string. Pinatutunog ang mga ito sa
pamamagitan ng pagkalabit sa mga kwerdas (strumming, plucking at bowing)
Mga halimbawa
ANYO PANGALAN TUNOG
Ito ay may 6 na kwerdas na pinatutunog Gitara Kleng -kleng
sa pamamagitan ng pagkalabit o
pagdaan ng mga daliri sa kanyang
mga kwerdas o strings.
Ito ay may 4 na kwerdas na ginagamitan Biyolin Eng-eng
ng bow upang makalikha ng tunog.
Sa lahat ng mga instrumentong
dekwerdas, ito ang may pinakamatinis o
mataas na tunog.
Ito ang malaking instrumentong Bajo de Dum- dum
dekwerdas na may pinakamababang Unas
tunog.

(C.) Instrumentong Hinihipan (Brasswind/Woodwind Instruments) - Ito ang mga

instrumentong nakalilikha ng tunog sa pamamagitan nang paghipan.
Mga halimbawa:
Trumpeta - Ito ay may mataas na tunog. Ang tunog nito ay
tot-tot.
Plawta- Ito ay may mga butas na pinagmumulan ng iba’t
ibang tono kapag tinatakpan.
 Tuba – instrumentong hinihipang gawa sa brass na may
pinakamababang tunog na Dum- dum
Maaari mong panoorin at mapakingggan sa You Tube ang iba’t ibang uri ng
instrumentong pangmusika sa link na ito
https://www.youtube.com/watch?v=Tde91GvEHV8&t=422s
Gawain 3
A. Kilalanin ang mga instrumentong pangmusika ayon sa kanilang anyo, at
tunog. Piliin ang pangalan ng instrumentong pangmusika sa loob ng kahon,
isulat ang iyong sagot sa kwaderno
maracas trumpeta biyolin tambol plawta gitara

1. 2. 3.

4. Kleng-kleng kleng 5. Boom -boom -boom 6. Tot- tot-tot

Tandaan: Ang mga instrumentong pangmusika ay may iba’t ibang uri ng tunog
at may kanya-kanyang anyo, hugis at laki. Kaya ang bawat instrumento ay may
iba’t ibang timbre.

F. Developing mastery
Linangin mo pa iyong kaalaman sa mga natutunan mo ngayon sa
pamamagitan ng pagsagot sa susunod na gawain.
Gawain 4
Isulat kung tama o mali ang isinasaad ng bawat pangungusap.
1. Ang mga natural sounds ay mga tunog na naririnig natin mula sa tao, hayop
at kalikasan.
2. Ang mga tunog na nililikha ng mga sasakyan ay mga man-made sounds.
3. Ang timbre ng mga pinagmumulan ng mga tunog ay magkakatulad lahat.
4. May iba’t ibang uri ang mga instrumentong pangmusika.
5. Ang gitara, piyano, biyolin at ukelele ay mga instrumentong perkusyon.

G. Finding practical applications of concepts and skills in daily living

Ang mga pinagmumulan ng mga tunog sa ating paligid ay dapat
pahalagahan. Ang mga ito ay nagbibigay babala, kaalaman, kasiyahan at
nagsisilbing musika sa atin. Katulad ng tao, sa pamamagitan ng tinig sa pag-
awit ay maaaring itong makapagbigay kasiyahan sa mga nakaririnig.
Paano mo magagamit ang iyong natutunan tungkol sa mga pinagmumulan
ng mga tunog? Sagutin mo ang sumusunod na suliranin.
Isang gabi, habang natutulog kayo ay biglang narinig mo ang walang tigil na
pagtahol ng inyong aso. Ano ang iyong gagawin?

H. Making generalizations and abstractions about thelesson

Mga tanong
1. Ano ano ang pinagmumulan ng mga tunog sa ating paligid?
2. Ano ang tawag natin sa mga tunog na nagmumula sa mga tao, hayop at
kalikasan?
3. Ano ang tawag natin sa mga tunog na nagmumula sa bagay na ginawa ng
tao gaya ng mga sasakyan, instrumentong pangmusika at iba pang bagay o
kagamitan?
4. Ano-ano ang mga uri ng mga instrumentong pangmusika? Magbigay ng
mga halimbawa.
5. Ano-ano ang mga tunog ng mga iba’t ibang uri ng instrumentong
pangmusika? Paano pinatutunog ang mga ito?

DAY 3

I. Evaluating learning
A. Basahin at unawain ang bawat tanong. Piliin at isulat ang letra ng
tamang sagot sa iyong kwaderno.
1. Ang mga sumusunod na tunog ay nagmumula sa kalikasan maliban
lamang sa isa. Alin ito?

a. Tik! Tak! b. Sssss! Sssss! c.

2. Alin ang pinagmumulan ng tunog ng mga umaandar na motorsiklo at barko?
a. instrumentong pangmusika b. sasakyan c. hayop
3. Kung gagayahin mo ang tunog ng palaka at sasabayan mo ng galaw ng
katawan, alin sa mga ito ang isasagawa mo?
a. tatahol habang tumatakbo
b. magkokokak habang lumulundag
c. titilaok at ikukumpay ang dalawang kamay
4. Anong uri ng instrumentong pangmusika ang hinihipan?
a. perkusyon b. dekwerdas c. brass
5. Alin ang pangalan ng nakalarawang instrumentong pangmusika?
a. pompyang b. tuba c. bajo de uñas

B. Bigkasin o gayahin ang tunog na nagagawa ng mga sumusunod na bagay

o hayop at sabayan ng kilos o galaw ng katawan.
1. lagaslas ng tubig sa talon 4. pagkalembang ng kampana
2. tunog ng biyolin 5. pag-andar ng motorsiklo
3. pagtilaok ng manok

Pagkatapos gayahin ang mga tunog at isagawa ang mga kilos, sagutan ang
rubric ayon sa iyong pagkasagawa.
KAALAMAN BUONG MAHUSAY HINDI GAANONG
HUSAY MAHUSAY
5 puntos 3 puntos 1 puntos
1. Nabigkas o nagaya ko ang tunog ng
isang bagay na pinagmulan nito.
2. Nagaya o naisagawa ko ang galaw ng
pinagmulan ng tunog sa pamamagitan ng
aking katawan.
3. Sabay kong nagawa ang paggalaw ng
katawan at pagbigkas ng tunog ayon sa
pinagmulan nito.
4. Masaya kong isinagawa ang pagbigkas at
pagkilos ng mga tunog.
J. Additional activities for application or
remediation Gawain 5
Gumuhit ng 3 instrumentong pangmusika na gustong-gusto mong
patugtugin. Isulat ang pangalan at tunog ng mga ito.

DAY 4

Learning Competencies:
MELC 3 Recognizes the difference between speaking and singing MU2TB-IIIc-4
MELC 4 Performs songs with appropriate vocal or sound quality MU2TB-IIIc-5
I. OBJECTIVES:
1. Natutukoy ang speaking at singing voice
2. Nasasabi ang pagkakaiba ng speaking at singing voice
3. Nakaaawit nang may wastong tono at timbre
4. Naipakikita ang kahalagahan ng paggamit nang wasto sa speaking
voice at singing voice
II. CONTENT: Speaking Voice at Singing Voice
Pag-awit nang may tono at kalidad ng boses
III.LEARNING RESOURCES:
MAPEH 2 Tagalog TG pp. 75-77. 82-83 Tagalog LM pp. 112-115, 121-123
MAPEH 2 Kapampangan LM 54-59
https://www.google.com/url?sa=i&url=https%3A%2F%2Fwww.fotosearch.com%2FCSP681%2Fk1950167
1%2F&psig=AOvVaw0j-
8DkclBgLtBRA6idtAQU&ust=1599208701161000&source=images&cd=vfe&ved=0CAIQjRxqFwoTCIi_rO3K
zOsCFQAAAAAdAAAAABBU

IV.PROCEDURES:
A. Reviewing previous lesson or presenting the new lesson
Magandang araw sa iyo. Magbalik-aral ka muna tungkol sa mga pinagmumulan
ng mga tunog. Natatandaan mo pa ba ang mga ito? Ano-ano ang mga tunog
mula sa kalikasan at mga bagay na ginawa ng tao? Napag-aralan mo na rin ang
mga uri ng instrumentong pangmusika. Ano-ano ang mga ito? Naaalala mo pa
ba ang anyo, hitsura at tunog ng mga ito? Muli mong kilalanin ang mga
instrumentong pangmusika sa pamamagitan ng pagsagot sa unang gawain.
Gawain 1
Kilalanin ang mga instrumentong pangmusika ayon sa paglalarawan sa
kanilang anyo o tunog. Piliin ang tamang sagot sa mga salita sa loob ng kahon.
trumpeta gitara tambol tuba bajo de uñas tamburin

1. Ito ay malaking instrumentong dekwerdas na may pinakamamababang

tunog.
2. Ang instrumentong hinihipan na may mataas na tunog.
3. Ito ay nakalilikha ng tunog na Tssst! Tsssst! Tsssst!
4. May pinakamababang tunog sa mga instrumentong hinihipan.
5. Ang tunog nito ay Kleng! Kleng! Kleng.
B. Establishing a purpose for the lesson
Ano ang tunog na naririnig natin mula sa tao kapag siya ay nagsasalita o
umaawit? Magaling! (Boses o tinig ang sagot.
Sa araw na ito, pag-aaralan natin ang tungkol sa boses o tinig ng tao.
Alam mo ba kung anong uri ng boses ang ginagamit kapag nagsasalita tayo?
Ano naman ang boses na ginagamit mo kapag umaawit ka?

C. Presenting examples/instances of the lesson

Ang tinig na umaawit ay kakaiba sa tinig na nagsasalita?
Paghambingin natin ang dalawang ito sa pamamagitan ng mga
gawaing nakahanda para sa iyo.
(A.) Basahin mo ang bawat bugtong at iyong sagutin ang tinutukoy nito. Piliin
ang letra ng tamang sagot sa loob ng kahon.

A. Duhat B. pinya C. kasoy

1. Isang reynang maraming mata na nasa gitna ang mga espada.

2. Isang prinsesang nakaupo sa tasa
3. Kumpol-kumpol na uling, hayon at bibitin-bitin

(B.) Awitin ang “Pakitong-Kitong”

Tong, tong, tong, tong pakitong-kitong
Alimango sa dagat, malaki at masarap
Mahirap mahuli sapagkat nangangagat
Tanong:
1. Anong uri ng boses ang ginamit mo habang binibigkas mo ang mga
bugtong?
2. Anong uri ng boses o tinig ang ginamit mo habang inaawit mo ang
“Pakitong-kitong”?
3. Paghambingin mo ang boses o tinig na iyong ginamit sa pagbigkas sa mga
bugtong at pag-awit. Magkapareho ba ang boses na ginamit mo?
4. Ilang uri ng boses ang iyong ginamit sa bugtong at awit?

D. Discussing new concepts and practicing new skills #1

Ang boses o tinig na ginagamit natin ay may dalawang uri. Alamin mo ngayon
kung ano ano ang mga ito at kung kailan natin ginagamit ang mga ito.
Dalawang Uri ng Boses o Tinig
1. Speaking voice o natural na boses ay ginagamit natin kapag nakikipag-
usap o nagsasalita. Ginagamit din ito kapag nagkukukwento,
bumibigkas ng tula, bugtong, kasabihan at salawikain
Halimbawa: Nasa Diyos ang awa, nasa tao ang gawa.
Ikaw ang ilaw ng tahanan.
2. Singing voice naman ang ginagamit natin kung tayo ay umaawit. Ang pag-
awit ay ginagamitan ng singing voice upang maging kaaya-aya sa ating
pandinig ang isang awit. Nagpapakita ito ng katamtamang lakas ng tinig.
Halimbawa: Bahay kubo kahit munti….
Leron, leron sinta, buko ng papaya…..
Tandaan: Magkakaiba ang kalidad ng boses (timbre) ng tao kapag nagsasalita
at umaawit. May boses na mataas, manipis, mababa, makapal at mamaos-
maos.
Gawain 2
Tukuyin kung anong uri ng boses ang ginamit sa bawat bilang. Iguhit ang
bituin( )kung singing voice at buwan ( ) kung speaking voice.
1. Boses ng batang nagsasalaysay ng kuwento.
2. Umaawit ng “Twinkle, Twinkle Little Star” ang mga mag-aaral.
3. Ang mga bata sa ikalawang baitang ay nagbugtungan.
4. Masayang nag-uusap ang magkaibigan.
5. Muling inawit ni Jose Mari Chan ang awiting “Christmas in our Hearts.”
DAY 5

E.Discussing new concepts and practicing new skills #2

Ang boses o tinig ay may katangian. Ito ay maaaring maging manipis o
makapal na makapagbibigay ng aliw sa nakakarinig lalo na kung ang
paraan nito ay pag-awit ng mga himig na may tono. Sa pag-awit malalaman
mo rin ang timbre o kalidad ng ng tono, laki o pino ng boses.
Ngayon ipakita mo ang iyong husay sa pag-awit nang may tono. Iparinig mo
ang timbre o kalidad ng iyong boses.
Gawain 3
Pumili ka ng isang awit na napag-aralan na natin at kabisado o gusto mong
awitin ng solo. Iparinig ang iyong tinig sa iyong pamilya o kasama sa bahay.
Pagkatapos mong umawit, sagutin mo ng Oo o Hindi ang mga sumusunod na
tanong
1. Naawit mo ba ang buong kanta?
2. Nasa tono ba ang iyong boses sa ginawang pag-awit?
3. Kaaya-aya ba sa pandinig ng mga nakinig ang tinig mo sa pag-awit?
4. Nakaawit ka ba nang may damdamin?
Tandaan: Upang maging maayos sa pandinig ang awit dapat nasa tono at
kaaya-aya ang iyong tinig

F.Developing mastery
Upang malinang ang iyong kaalaman sa iyong mga natutunang aralin
sagutin mo ang susunod na gawain.
Gawain 4
Sagutan ng Tama o Mali ang mga sumusunod na pangungusap.
1. Magkakaiba ang timbre o kalidad ng boses ng tao.
2. Ginagamit natin ang speaking voice kapag nakikipag-usap tayo.
3. Ang singing voice ay dapat gamitin kung bumibigkas ka ng tula.
4. Ang tinig o boses ng tao ay may katangian.
5. Kaaya-ayang pakinggan ang awit kapag sintonado ang boses ng umaawit.

G. Finding practical applications of concepts and skills in daily living

Mahalagang gamitin mo ang speaking voice nang malumanay lamang
kapag nakikipag-usap upang maliwanag mong maiparating ang iyong
mensahe sa kausap. Gayundin sa pag-awit dapat gamitin ang singing voice
nang may katamtamang lakas ng tinig upang lubos na maging kaaya-aya sa
mga nakikinig ng iyong tinig.
Bilang mag-aaral, paano mo maipapakita ang iyong pagpapahalaga sa
paggamit mo ng speaking at singing voice? Paano mo gagamitin ang mga ito
nang wasto sa mga susunod na suliranin?
1. Nabasag mo ang plorera sa inyong bahay. Paano mo kakausapin ang
iyong nanay upang maipaliwanag mo ang nangyari?
2. Sinabihan ka ng guro mo na ikaw ang mangunguna sa pag-awit ng
“Lupang Hinirang.” Paano ka aawit?

H. Making generalizations and abstractions about the lesson

Bilang paglalahat sa iyong mga natutunan sa ating aralin sagutin mo ang
mga tanong.
1. Ano ang dalawang uri ng boses?
2. Kailan ginagamit ang speaking voice? Singing voice?
3. Ano ang tawag sa kalidad ng boses?
4. Paano magiging maayos ang iyong boses sa pag-awit?

DAY 6

I. Evaluating learning
Gawain 5
(A.) Basahin at unawain ang bawat tanong. Piliin at isulat ang letra ng
tamang sagot.
1. Sumali si Rita sa paligsahan sa “Masining na Pagkukwento.” Aling uri ng
boses
ang dapat niyang gamitin?
a. speaking b. singing c. shouting
2. Alin sa mga sumusunod ang ginagamitan ng singing voice?
a. pagbigkas ng tula b. pagbasa ng pabula c. pag-awit ng “Bahay Kubo”
2. Ang mga sumusunod ay ginagamitan ng singing voice maliban lang sa
isa. Alin ito?
a. pangangaroling b. pakikipagkwentuhan c. paghaharana
4. Ito ang kalidad ng tono, laki o pino ng boses.
a. katre b. sobre c timbre
5. Paano magiging maayos ang boses sa pag-awit?
a. Dapat nasa tono at may kalidad ang boses
b. Dapat umawit nang pasigaw
c. Dapat pakahinaan ang boses

(B.) Awitin mo ang awiting “Leron Leron Sinta” sa wastong tono. Iparinig
ang tinig mo sa iyong pamilya o kasama sa bahay.
Pagkatapos mong umawit, upang masukat mo kung paano mo nagawa ang
iyong pag-awit ay sagutin mo ang mga tanong at lagyan ng tsek ( √ ) ang
antas ng pagkasagawa.
KAALAMAN BUONG MAHUSAY HINDI GAANONG
HUSAY MAHUSAY
5 puntos 3 puntos 1 puntos
1. Naawit mo ba ang buong kanta?
2. Nasa tono ba ang iyong boses sa
ginawang pag-awit?
3. Kaaya-aya ba sa pandinig ng mga
nakinig ang tinig mo sa pag-awit?
4. Nakaawit ka ba nang may damdamin?

J. Additional activities for application or remediation

Gawain 6
Isa sa pinakamahalagang awit na dapat awitin nang nasa wastong tono ay
ang “Lupang Hinirang”. Upang maipakita ang wastong paraan ng pag-awit
nito ay pagsanayan itong awitin sa bahay nang may tamang tono, kumpas at
bigkas.