1

AN DALAN KAN CRUZ

Taon nin Pagpamibi (Year of Prayer)

Padi: Sa ngaran kan Ama, asin kan Aki, asin kan

Espiritu Santo.
Banwaan: Amen.
Padi: An Kagurangnan, mapasaindo
Banwaan: Asin sa saimong espíritu.
Padi: Sa satuyang paglakaw bilang simbahan, maninigo na balikan niato an
mga inagihan ni Jesus na pagsakit, pagkagadan asin pagkabuhay
liwat nin huli ta iyo man ini an nagin paagi nin kaligtasan kan
kagabsan asin sarabay na maghiringuhang mapaharani sa Dios.

PAGSOLSOL
AWIT: Kagurangnan, Maherak Ka

PATARA-TARA
Padi: An pag-estacion o an pagbalik-liwat sa Dalan kan Cruz ni Jesucristo satong
Kagurangnan, nagtatao sato nin especial na balaog sa pagpatalubo kan
satong pagtubod.
An dalan kan kaligtasan na binuksan kan satong Kagurangnan nagkaigwa
nin kabilogan sa Saiyang pag-ako kan Cruz nin kaligtasan. Ipinahiling sa
Dalan kan Cruz na an karatan asin kasalan madadaog sa paagi kan pag-
ako kan pagtios asin pagdolot na naooyon sa kabotan nin Dios Ama.
Sa banal na gaweng ini, idolot niato an satong mga intension, personal
man o para sa satong banwaan asin sa bilog na Simbahan. Giromdomon
niato an gabos na nangangaipo para sa magayon asin matanos na
pagkabuhay sa hawak asin sa kalag, orog na ngonian na Taon nin
Pagpamibi. Logod mamatean niato an dakula asin nakakaligtas na
presencia nin Dios sa satong pakisumaro sa Dalan kan Cruz ni
Jesucristo.
 2

PAMIBI SA PAGPOON
Padi: Dios Ama sa langit, pinapasalamatan ka niamo huli sa Saimong Aki na
nagdolot kan Saiyang buhay para sa samong kaligtasan. Iwaras mo samo an
balaog nin kaimbodan kan pagpamibi, pagpenitencia asin mga gibong-herak.
Itao mo samo an kusog asin oportunidad na buksan an samong isip asin puso,
imuklat an samong mga mata, asin ibuka an samong mga talinga sa
inagrangay asin pakimaherak kan samong kapwa. Gamita kami sa Saimong
padagos na pagligtas sa bilog na katawohan. Huli ki Cristo na samong
Kagurangnan.
Banwaan: Amen.
(Pagiromdom: Sa lambang estacion sa pagsabi kan “Sinasamba asin inoomaw mi
Ika, Kagurangnan; huli ta sa mahal Mong cruz, tinubos mo an kinaban.” An
gabos maluhod sa sarong tuhod.)

Awit (pasiring sa enot na estacion): OMAWON AN KAGURANGNAN

ENOT NA ESTACION:
An Pagtogdas kan Eucaristia sa Huring Pamanggi

Padi: Sinasamba asin inoomaw mi Ika, Kagurangnan

Banwaan: Huli ta sa mahal Mong cruz, tinubos Mo an kinaban.

Awit: Sacramentong halangkawon

Hawak Niya asin Dugo
na satong balonon
pa langit sundo.

TATARAMON NIN DIOS: Mt. 26:26-30

Padi: Pagbasa hale sa Evangelio ni San Mateo.
Mantang sinda nagkakakan, kinua ni Jesus an tinapay, benendisyonan,
binaak, itinao sa mga disipulos asin nagsabi, “Akoa asin kakana nindo: ini iyo
an sakuyang hawak.” Dangan kinua an kalis, nagpasalamat, itinao sainda
asin nagsabi: “Inoma nindo gabos: ini an sakuyang dugo; dugo nin tipan,
 3

dugo na pinapabulos huli sa gabos para sa kapatawaran nin mga kasalan.

Sinasabi ko saindo: poon ngonyan dai na ako mainom liwat kaining bunga nin
ubas sagkod sa aldaw na inomon ko an bagong arak kaiba nindo sa
kahadean nin sakong Ama.” Nag-awit nin mga salmo asin nagluwas pasiring
sa bukid nin mga Olivo.
An Evangelio kan Kagurangnan.

Banwaan: Pag-omaw sa Saimo, Cristo.

PAGHOROP-HOROP
Lider: Bago magtios, magadan asin mabuhay liwat si Jesus na satong
Kagurangnan, / inisip na Niya kun ano an iwawalat na simbolo nin pagkamoot
sa satuya. / Pinili Niya an mga bagay na kaipuhan niato tanganing
mabuhay: / tinapay asin arak. / Kaipuhan niato na magkakan tanganing
makagibo nin karahayan, / mag-inom kan arak tanganing mapano kita nin
entusiasmo asin bagsik. / Boot ni Cristo na mantang kita nag-aako kan
Saiyang Hawak asin Dugo, / naroromdoman ta an Saiyang ginibong pagligtas
para sato./ Hagadon niato na sa tabang nin maludok na pagpamibi danay
kitang mag-andam / para sa pag-ako kan Saiyang mahal na Hawak asin
Dugo./ Magi kitang maninigo sa lambang pakisumaro sa Banal na Misa,/ sa
paghorop-horop kan Saiyang mga Tataramon, / asin sa pagpakinabang kan
Eukaristia./ Siring na an Hawak asin Dugo ni Cristo nagpapahiling kan
Saiyang pagwaras nin buhay asin kapatawaran,/ kita sinasadol na maghiras
kan anoman na uya sato:/ buhay, kalag, rogaring, kayamanan.

Lider: Ama niamo, na yaon sa langit, pabanalon an ngaran mo; magdatong an

kahadean mo; mangyari an boot mo sa daga nin siring sa langit.

Banwaan: An samong kakanon sa aroaldaw itao mo samuya ngonian, asin

patawadon mo kami sa samong mga kasalan, siring na pinapatawad
niamo an mga nagkakasala samuya; asin hare kami pagdaraha sa sugot;
kundi agawa kami sa maraot. Amen.
 4

Lider: Ave Maria, pano nin gracia, an Kagurangnan yaon saimo, paladan ka sa
kababaihan, asin paladan an bunga kan saimong poponan, si Jesus.
Banwaan: Santa Maria, Ina kan Dios, ipamibi mo kaming mga parakasala,
ngonian asin sa oras kan samuyang kagadanan. Amen.

Lider: Kamurawayan sa Ama, asin sa Aki, asin sa Espiritu Santo.

Banwaan: Siring sa kapinonan asin ngonian magdanay man, asin sa
kapanahonan kan mga panahon. Amen.

Gabos (sa pangenot kan padi): O mamomoton na Dios, kaherakan asin antabayan
Mo kami sa dalan kan pagkasararo, pagkamoot asin katoninongan. Amen.

Awit (pasiring sa masunod na estacion): KITA MAGLINGKOD

IKADUWANG ESTACION: Si Jesus Nagpamibi sa Getsemani

Padi: Sinasamba asin inoomaw mi Ika, Kagurangnan

Banwaan: Huli ta sa mahal Mong cruz, tinubos Mo an kinaban.

Awit: Duman sa tatamnan

nin Getsemani
sa Amang Kagurangnan
Siya nagpamibi.

TATARAMON NIN DIOS: Mt. 26:36-41

Padi: Pagbasa hale sa Evangelio ni San Mateo.
Si Jesus, kaiba an mga disipulos, nakaabot sa tatamnan na inaapod
Getsemani, asin nagsabi sainda: “Tukaw kamo digdi, mangtang ako
maduman asin mamibi.” Ipinag-iba si Pedro asin an duwang aki ni Zebedeo
dangan inabtan nin dakulang kamundoan asin kahorasaan. Nagsabi sainda:
“Ako magagadan sa kamundoan. Pawalat kamo digdi asin magpuka sa
kaibahan ko.” Ruminayo nin kadikit, luminuhod sa daga asin namibi: “Ama
ko, kun mahihimo pa sana, palihisa sako an kalis na ini: alagad koyogon bako
an boot ko, kundi an boot mo.” Dinolok an mga disipulos, nahiling na tororog
 5

asin nagsabi ki Pedro: “Dai kamo nakapagpuka nin sarong oras sa kaibahan
ko? Magpuka asin mamibi na dai mahulog sa sogot: an espiritu makosog,
alagad an laman maluya.” Giraray si Jesus ruminayo asin namibi: “Ama ko,
kun ini makalihis na da-i ko inomon, koyogon an boot mo.” Binalikan an mga
disipulos asin nahiling na tororog pa giraray; dai namuklat an mata. Kaya,
binayaan, ruminayo giraray asin namibi nin ikatololo: ginamit an iyo man
sanang tataramon. Dangan nagrani sa mga disipulos asin nagsabi:
“Nagtotorog asin nagpapahingalo pa kamo? Uya, an oras duminatong na, na
an Aki nin Tawo ipagpapasaluib sa kamot nin mga parakasala. Tindog na
kamo, maduman na kita! Uya na an magpapasaluib sakuya.”
An Evangelio kan Kagurangnan.

Banwaan: Pag-omaw sa Saimo, Cristo.

PAGHOROP-HOROP
Lider: Kita na mga binonyagan ki Cristo / mga templo kan Espiritu Santo. / An Dios
nag-eerok sa satong puso kun kita uya sa saiyang gracia, / sa pagsabuhay kan
saiyang mga katokdoan. / Romdomon niato, orog na ngonian sa Taon nin
Pagpamibi,/ na siring na si Cristo nagpamibi sa paghagad kan tabang kan
saiyang Ama,/ an Dios danay na nagdadangog sa satong pakiolay sa saiya sa
kairaroman kan satong mga puso. / Magogonô niato sa pagpamibi na an Dios
danay na andam sa pagligtas sato / huli ta kita nag-aapod sa saiyang
kapangyarihan asin pangataman. /
Sa atubang kan saiyang nagdadangadang na pagsakit asin kagadanan, / si
Jesus, / siring sa ordinaryong tawo napano nin takot asin pagkahandal. /
Alagad, an kabotan nin Dios an saiyang iniisip, / an kaomawan nin Dios an
saiyang minamawot. /
Ano man kagabat kan satong mga problema, kamugtakan asin mga
pangangaipo, / laomon niato na yaon satuya an Dios, nag-aantabay asin danay
na nagtatao nin paagi na malampasan niato an satuyang mga inaagihan na
kasakitan. Mamibi sana kita siring kan pagpamibi ni Jesus duman sa
Getsemani./ Pakusogon ta an satong boot huli ki Cristo na nagtios para sato. /
 6

Lider: Ama niamo, na yaon sa langit, pabanalon an ngaran mo; magdatong an

kahadean mo; mangyari an boot mo sa daga nin siring sa langit.
Banwaan: An samong kakanon sa aroaldaw itao mo samuya ngonian, asin
patawadon mo kami sa samong mga kasalan, siring na pinapatawad
niamo an mga nagkakasala samuya; asin hare kami pagdaraha sa sugot;
kundi agawa kami sa maraot. Amen.

Lider: Ave Maria, pano nin gracia, an Kagurangnan yaon saimo, paladan ka sa
kababaihan, asin paladan an bunga kan saimong poponan, si Jesus.

Banwaan: Santa Maria, Ina kan Dios, ipamibi mo kaming mga parakasala,
ngonian asin sa oras kan samuyang kagadanan. Amen.

Lider: Kamurawayan sa Ama, asin sa Aki, asin sa Espiritu Santo.

Banwaan: Siring sa kapinonan asin ngonian magdanay man, asin sa
kapanahonan kan mga panahon. Amen.

Gabos (sa pangenot kan padi): O mamomoton na Dios, kaherakan asin antabayan
Mo kami sa dalan kan pagkasararo, pagkamoot asin katoninongan. Amen.

Awit (pasiring sa masunod na estacion): MINATUBOD KAMI

IKATOLONG ESTACION:
Si Jesus sa Atubang kan Sanhedrin

Padi: Sinasamba asin inoomaw mi Ika, Kagurangnan

Banwaan: Huli ta sa mahal Mong cruz, tinubos Mo an kinaban.

Awit: Siya pigharanapan

` kan sanggunian
ano man na dahelan
sa kagadanan

TATARAMON NIN DIOS: Mt. 28:57-64

 7

Padi: Pagbasa hale sa Evangelio ni San Mateo.

Dinara si Jesus kan mga nagdakop saiya sa harong ni Caifas, halangkaw na
padi; duman nagtiripon an mga escriba asin an mga poon sa banwaan. Si
Pedro na harayo, nagsunod saiya sagkod sa palacio kan halangkaw na padi:
luminaog asin tuminukaw kataed kan mga bantay sa paghiling kun ano an
magigin katapusan. An mga poon nin kapadian asin an bilog na Sanggunian
naghahanap nin ikakasombong laban ki Jesus tanganing ipagadan, alagad
dai sinda nakakua nin anoman laban saiya. Sa kahuri-hurihi, may
duminatong na duwang saksi na nagsabi: “An tawong ini nagsabi na
magagaba niya an simbahan nin Dios asin mapapatindog niya giraray sa laog
nin tolong aldaw.” An halangkaw na padi nagtindog asin naghapot: “Dai mo
ini sisimbagon? Ano an sinasabi kan mga tawong ini laban saimo?” Si Jesus
dai naggirong. An halangkaw na padi nagsabi saiya: “Ipinagboboot ko saimo
sa ngaran nin Dios na buhay: sabihon mo kun ika an Cristo, an Aki nin Dios.”
Si Jesus nagsimbag: “Sinabi mo na. Alagad bako lamang iyan. Sinasabi ko
saindo na mahihiling nindo an Aki nin Tawo nakatukaw sa too nin
Makakamhan asin madigdi giraray sa ibabaw kan mga panganoron sa langit”
(Dan. 7:13).
An Evangelio kan Kagurangnan.
Banwaan: Pag-omaw sa Saimo, Cristo.

PAGHOROP-HOROP
Lider: Huli ta daing nakuang saksi sa akusasyon na paglanghad/ asin iba pang mga
sumbong laban ki Jesus, / naghanap nin mga saksing-putik an mga miembro
kan Sanhedrin o Sanggunian kan Israel./ Sosog sainda / si Jesus naglanghad
sa pagsabing siya Aki nin Dios, / asin itotogdok an templo sa laog nin tolong
aldaw matapos na ini gabaon./ An katotoohan nagliliwanag sa satuyang
atubang,/ asin kun habo niato ining akoon, / minagibo kita nin mga olang
tanganing dai kita maliwanagan. /
Si Jesus iyo an katotoohan kan gabos na bagay manongod sa Dios, / an
katotoohan manongod sa buhay asin kagadanan nin tawo. / Anoman na
pighihiling kan kinaban na totoo asin matanos / kaipuhan na mahiling sa
liwanag kan katotoohan ni Cristo. / Hagadon niato, sa maludok na pagpami,/ an
 8

kosog sa atubang kan pagputik asin pagraot nin mga kaiwal. / An katalingkasan
mapasatuya huli kan katotoohan ni Cristo na satong inako asin
pinagsasaksihan./

Lider: Ama niamo, na yaon sa langit, pabanalon an ngaran mo; magdatong an

kahadean mo; mangyari an boot mo sa daga nin siring sa langit.
Banwaan: An samong kakanon sa aroaldaw itao mo samuya ngonian, asin
patawadon mo kami sa samong mga kasalan, siring na pinapatawad
niamo an mga nagkakasala samuya; asin hare kami pagdaraha sa sugot;
kundi agawa kami sa maraot. Amen.

Lider: Ave Maria, pano nin gracia, an Kagurangnan yaon saimo, paladan ka sa
kababaihan, asin paladan an bunga kan saimong poponan, si Jesus.

Banwaan: Santa Maria, Ina kan Dios, ipamibi mo kaming mga parakasala,
ngonian asin sa oras kan samuyang kagadanan. Amen.

Lider: Kamurawayan sa Ama, asin sa Aki, asin sa Espiritu Santo.

Banwaan: Siring sa kapinonan asin ngonian magdanay man, asin sa
kapanahonan kan mga panahon. Amen.
Gabos (sa pangenot kan padi): O mamomoton na Dios, kaherakan asin antabayan
Mo kami sa dalan kan pagkasararo, pagkamoot asin katoninongan. Amen.

Awit (pasiring sa masunod na estacion): DIOS, GAMITA

IKAAPAT NA ESTACION:
Si Jesus Hinampak asin Kinoronahan nin Tonok

Padi: Sinasamba asin inoomaw mi Ika, Kagurangnan

Banwaan: Huli ta sa mahal Mong cruz, tinubos Mo an kinaban.

Awit: Sa cruz hinatulan

na ipagadan
an samong kasalan
 9

iyo an dahelan.
TATARAMON NIN DIOS: Mk. 15: 16-20
Padi: Pagbasa hale sa Evangelio ni San Marcos.
Si Jesus dinara kan mga soldados sa laog kan Pretorio, residencia kan
gobernador; asin an bilog na batalyon ipinaapod. Ginubingan siya ninda nin
purpura; mga tonok ginibong korona asin ikinorona saiya; dangan
pinagrokyaw siya ninda: “Mabuhay, hade nin mga Judio!” An payo pinokpok
ninda nin kawayan, pinaglutaban asin nagruluhod man ngaya sa pagtaong-
galang saiya. Pakapag-olog-ologan saiya, hinale an purpura asin sinanglean
kan dati niyang gubing asin ilinuwas tanganing ipako sa cruz.
An Evangelio kan Kagurangnan.
Banwaan: Pag-omaw sa Saimo, Cristo.

PAGHOROP-HOROP
Lider: Nin huli sa mainit na pagmawot kan mga tawo na ipagadan si Jesus, / dai nin
naginibuhan si Pilato kundi ihunod an buhay ni Jesus / maski aram niyang
inosente ini asin bakong susog sa hustisya an hinahagad ninda./ Nasunod an
karumpotan kan katawohan asin kan mga Romanong soldados./ Hinampak si
Jesus, pinokpok, pinagtuya-tuya asin kinoronahan nin tonok. / Sa atubang kan
gabos na mga pasakit na ini, / mahuyo na tinios niya ini asin ni dai siya nag-
girong / siring man kan dai pag-girong kan kadakul na mga tawo ngonian na
kinukurihan asin dinadaog-daog kan saindang kapwa. / Sa Taon na ini nin
Pagpamibi,/ kita magin mapag-ontok / asin hagadon niato ki Jesus / na
padanayon an hustisya sa satuyang mga komunidad asin nasyon. /

Lider: Ama niamo, na yaon sa langit, pabanalon an ngaran mo; magdatong an

kahadean mo; mangyari an boot mo sa daga nin siring sa langit.

Banwaan: An samong kakanon sa aroaldaw itao mo samuya ngonian, asin

patawadon mo kami sa samong mga kasalan, siring na pinapatawad
niamo an mga nagkakasala samuya; asin hare kami pagdaraha sa sugot;
kundi agawa kami sa maraot. Amen.
 10

Lider: Ave Maria, pano nin gracia, an Kagurangnan yaon saimo, paladan ka sa
kababaihan, asin paladan an bunga kan saimong poponan, si Jesus.
Banwaan: Santa Maria, Ina kan Dios, ipamibi mo kaming mga parakasala,
ngonian asin sa oras kan samuyang kagadanan. Amen.

Lider: Kamurawayan sa Ama, asin sa Aki, asin sa Espiritu

Santo.
Banwaan: Siring sa kapinonan asin ngonian magdanay man, asin sa
kapanahonan kan mga panahon. Amen.

Gabos (sa pangenot kan padi): O mamomoton na Dios, kaherakan asin antabayan
Mo kami sa dalan kan pagkasararo, pagkamoot asin katoninongan. Amen.

Awit (pasiring sa masunod na estacion): ALAY KAPWA (Ano man gibohon...)

IKALIMANG ESTACION: Si Jesus Nagpasan kan Cruz

Padi: Sinasamba asin inoomaw mi Ika, Kagurangnan

Banwaan: Huli ta sa mahal Mong cruz, tinubos Mo an kinaban.

Awit: Sa simong abaga

Cruz na matagom
sa pagpagiromdom
sala mi simo

TATARAMON NIN DIOS: Jn. 19:13-18

Padi: Pagbasa hale sa Evangelio ni San Juan.
Pakadangog ni Pilato kan mga tataramon na ini, ilinuwas niya si Jesus asin
tuminukaw sa tribunal, sa lugar na inaapod ‘Palitada.’ Bisperas na kan
Pasko, harani na an kaodtohan. Si Pilato nagsabi sa mga Judio: “Uya an
saindong hade.” Sinda nagkurahaw: “Haleon, haleon! Ipako sa cruz!” Si
Pilato nagsabi sainda: “An saindong hade ipako sa cruz?” An mga poon nin
kapadian nagsimbag: “Dai kaming ibang hade kundi si Cesar.” Sa katapusan,
si Jesus itinao ni Pilato sa sainda tanganing ipako sa cruz. Kaya, kinua ninda
 11

si Jesus asin pinapasan kan cruz, paluwas pasiring sa lugar na inaapod

Calvario.
Evangelio kan Kagurangnan.
Banwaan: Pag-omaw sa Saimo, Cristo.

PAGHOROP-HOROP
Lider: Si Jesus nagpas-an kan matagom asin magabat na cruz, / huli ta inako niya
an satong mga kasal-an asin kasombikalan. / Boot niyang tokdoan kita / na an
karatan madadaog sana kan dayupot na pagkoyog sa kabotan nin Dios, / asin
pag-ako nin pagtios huli kan pagkamoot kan Dios. / Nagsabi si Jesus sa
saiyang mga disipulos sa pagbalik kan mga ini sa misyon: / ‘An pagpaluwas
kan mga marompot na espiritu nagigibo sana huli kan pamibi asin pag-ayuno, /
mga gibong espiritual na naghahagad nin pagtios asin sacrificio.’ /
Sinasabi na pinatawad kita kan Dios minsan uya pa kita sa kasalan / huli kan
sacrificio ni Cristo. / Siya an pakipag-olian nin tawo sa Dios. / Siya an
mahoyong cordero na dinara sa mga paragunting, / asin siya dai naggirong,/
dai nakipaglaban. / An dikit na mga kapurisawan sa buhay iyo an satong
pakihiras sa cruz ni Cristo. / Kun igwa kita nin dakulang pagtubod,/ makakaya
niato an anoman na kadipisilan, / magpamibi nin todok sa boot / asin kita
magkakamit kan kamurawayan. /

Lider: Ama niamo, na yaon sa langit, pabanalon an ngaran mo; magdatong an

kahadean mo; mangyari an boot mo sa daga nin siring sa langit.

Banwaan: An samong kakanon sa aroaldaw itao mo samuya ngonian, asin

patawadon mo kami sa samong mga kasalan, siring na pinapatawad
niamo an mga nagkakasala samuya; asin hare kami pagdaraha sa sugot;
kundi agawa kami sa maraot. Amen.

Lider: Ave Maria, pano nin gracia, an Kagurangnan yaon saimo, paladan ka sa
kababaihan, asin paladan an bunga kan saimong poponan, si Jesus.

Banwaan: Santa Maria, Ina kan Dios, ipamibi mo kaming mga parakasala,
ngonian asin sa oras kan samuyang kagadanan. Amen.
 12

Lider: Kamurawayan sa Ama, asin sa Aki, asin sa Espiritu Santo.

Banwaan: Siring sa kapinonan asin ngonian magdanay man, asin sa

kapanahonan kan mga panahon. Amen.

Gabos (sa pangenot kan padi): O mamomoton na Dios, kaherakan asin antabayan
Mo kami sa dalan kan pagkasararo, pagkamoot asin katoninongan. Amen.
Awit (pasiring sa masunod na estacion): ANGAY KA CORDERO

IKAANOM NA ESTACION:
Si Jesus Napadungkal huli sa gabat kan Cruz

Padi: Sinasamba asin inoomaw mi Ika, Kagurangnan

Banwaan: Huli ta sa mahal Mong cruz, tinubos Mo an kinaban.

Awit: Kun ika maglakaw

napadungkal ka
huli kan samuyang
mga kasalan

TATARAMON NIN DIOS: Jn. 19:16-17

Padi: Pagbasa hale sa Evangelio ni San Juan.

Pakatapos, itinao ni Pilato si Jesus sainda nganing ipako sa krus. Kaya kinua
ninda si Jesus. Nagluwas siya pasan an saiyang krus pasiring sa lugar na
inaapod “Lugar nin Bungo,” sa tataramon na Hebreyo, “Golgota.”
An Evangelio kan Kagurangnan.

Banwaan: Pag-omaw sa Saimo, Cristo.

PAGHOROP-HOROP
 13

Lider: Huli kan gabat kan cruz, / asin kan kadakul na mga pagpasakit saiya, / si
Jesus nagluya siring sa sarong tawo. / Dai siya nin turog, / pinaghampak,/
kinoronahan nin tonok, / asin dai ni saro na nagtao nin pagkaon o inomon. / Sa
init kan saldang, / siya napadungkal, / alagad nagpirit na magbangon asin
ipinadagos an pagpasan kan cruz. /
An gabos na bagay na hinihiling na marahay sa kinaban/ nagigin basura
kumpara sa mga langitnon na bagay na panuga nin Dios / sa gabos na
nagdanay saiya./ Inako asin tinios niya an mga kasakitan, / mga pag-olog-olog
asin mga patakot sa saiyang buhay,/ Dai logod masayang an pagdusay ni
Cristo kan saiyang buhay./ Nabubuhay kita bako na huli sa sadiri tang kusog, /
kundi huli ki Jesus na nabubuhay satuya. / Ngonian sa Taon nin Pagpamibi,/
inaapod niya kita na bumangon sa pagkakapadungkal man niato sa kasalan,/
orog na sa dayupot na pagpamibi./ Ipadagos ta an pinonan niyang pakilaban
para sa karahayan asin katanosan. /

Lider: Ama niamo, na yaon sa langit, pabanalon an ngaran mo; magdatong an

kahadean mo; mangyari an boot mo sa daga nin siring sa langit.

Banwaan: An samong kakanon sa aroaldaw itao mo samuya ngonian, asin

patawadon mo kami sa samong mga kasalan, siring na pinapatawad
niamo an mga nagkakasala samuya; asin hare kami pagdaraha sa sugot;
kundi agawa kami sa maraot. Amen.

Lider: Ave Maria, pano nin gracia, an Kagurangnan yaon saimo, paladan ka sa
kababaihan, asin paladan an bunga kan saimong poponan, si Jesus.

Banwaan: Santa Maria, Ina kan Dios, ipamibi mo kaming mga parakasala,
ngonian asin sa oras kan samuyang kagadanan. Amen.

Lider: Kamurawayan sa Ama, asin sa Aki, asin sa Espiritu Santo.

Banwaan: Siring sa kapinonan asin ngonian magdanay man, asin sa

kapanahonan kan mga panahon. Amen.
 14

Gabos (sa pangenot kan padi): O mamomoton na Dios, kaherakan asin antabayan
Mo kami sa dalan kan pagkasararo, pagkamoot asin katoninongan. Amen.

Awit (pasiring sa masunod na estacion): JESUS NA MAMOOTON

IKAPITONG ESTACION:
Tinabangan ni Simon Cireneo si Jesus sa Pagpasan kan Cruz

Padi: Sinasamba asin inoomaw mi Ika, Kagurangnan

Banwaan: Huli ta sa mahal Mong cruz, tinubos Mo an kinaban.

Awit: Dalan pa-Calvario

` naherakan ka
kaming makasalan
kaherakan man

TATARAMON NIN DIOS: Mk. 15:21-24

Padi: Pagbasa hale sa Evangelio ni San Marcos.
Nag-agi hale duman sa oma si Simon Cireneo, ama ni Alejandro asin Rufo;
asin pinirit ninda na magpasan kan cruz ni Jesus. Dinara ninda si Jesus sa
Golgota (boot sabihon ‘kabungoan’). Ipinainom saiya arak na may salak na
mirra, alagad dai niya ininom. Ipinako sa cruz, pinagbaranga an saiyang
gubing asin pinagripahan (Salmo 22:19) kun siisay an makakua.
An Evangelio kan Kagurangnan.

Banwaan: Pag-omaw sa Saimo, Cristo.

PAGHOROP-HOROP
Lider: Binayaan si Jesus kan saiyang namomotan na mga disipulos. / An dalan
pasiring sa Golgota nalilinyahan nin mga tawo, / alagad gabos nagmamasid
sana. / Dai ninda namimidbid kun siisay an nagpapasan kan cruz, / asin dai
nasasabotan an presenteng mga pangyayari. / Napadungkal si Jesus sa
 15

sobrang kapagalan, pagkapaha asin pagkagutom./ Orog pa sa mga ini, /

napadungkal siya huli ta dai sinda nin pagtubod sa saiyang Ama, / asin sa
saiya na Aki nin Dios. / Habo man ni Simon Cireneo, / pinirit siya kan mga
soldado na pasanon an cruz para ki Jesus. /
Makaherak-herak an Kagurangnan. / Pirit na tabang an itinao saiya. / Alagad
Siya an Aki nin Dios na nag-ako kan satong mga kasalan / nin huli ta binoot nin
tawo na pilion an kagadanan kisa buhay, / an kasalan kisa karahayan asin
katanosan nin Dios. /
Lider: Ama niamo, na yaon sa langit, pabanalon an ngaran mo; magdatong an
kahadean mo; mangyari an boot mo sa daga nin siring sa langit.

Banwaan: An samong kakanon sa aroaldaw itao mo samuya ngonian, asin

patawadon mo kami sa samong mga kasalan, siring na pinapatawad
niamo an mga nagkakasala samuya; asin hare kami pagdaraha sa sugot;
kundi agawa kami sa maraot. Amen.

Lider: Ave Maria, pano nin gracia, an Kagurangnan yaon saimo, paladan ka sa
kababaihan, asin paladan an bunga kan saimong poponan, si Jesus.

Banwaan: Santa Maria, Ina kan Dios, ipamibi mo kaming mga parakasala,
ngonian asin sa oras kan samuyang kagadanan. Amen.

Lider: Kamurawayan sa Ama, asin sa Aki, asin sa Espiritu Santo.

Banwaan: Siring sa kapinonan asin ngonian magdanay man, asin sa

kapanahonan kan mga panahon. Amen.

Gabos (sa pangenot kan padi): O mamomoton na Dios, kaherakan asin antabayan
Mo kami sa dalan kan pagkasararo, pagkamoot asin katoninongan. Amen.

Awit (pasiring sa masunod na estacion): PAGKAMOOT AN HAGAD KO

IKAWALONG ESTACION:
Rinanga ni Jesus an mga Babae sa Jerusalem
 16

Padi: Sinasamba asin inoomaw mi Ika, Kagurangnan

Banwaan: Huli ta sa mahal Mong cruz, tinubos Mo an kinaban.
Awit: Kami nagtatangis
pinagbabakho
ngani ming makamtan
kapatawaran
TATARAMON NIN DIOS: Lk. 23:27-31
Padi: Pagbasa hale sa Evangelio ni San Lucas.
Dakul na tawo an nagsunod saiya asin dakul na babae an nagtangis asin
nanambitan huli saiya. Si Jesus nagsalingoy asin nagsabi sainda: “Mga
babae sa Jerusalem, dai ako nindo pagtangisan: pagtangisan nindo an saindo
man sana asin an saindong mga aki, huli ta maabot an aldaw na masabi
sinda; ‘Paladan an mga bawas, an mga tulak na daing aki asin an mga
daghan na daing pinapasoso.’ Sa mga bolod masabi sinda: “Pukanan nindo
kami!” Sa mga bukid masabi sinda: “Tambonan nindo kami!”
An Evangelio kan Kagurangnan.

Banwaan: Pag-omaw sa Saimo, Cristo.

PAGHOROP-HOROP
Lider: Minsan ngani nagtitios si Jesus huli sa gabat kan cruz, / naherak siya sa mga
babae na nagtatangis para saiya. / Alagad, boot niya na pagtangisan ninda an
sainda man sanang mga sadiri asin an saindang mga aki. / Kadakul na mga
babae an nagin ogos ki Cristo: / si Magdalena, Maria asin Marta, / mga tugang
ni Lazaro; / an babaeng Samaritana; / an babaeng nadakop na nakikidurog sa
bakong agom. / Iginalang sinda ni Jesus, / binolong asin tinawan nin halaga an
saindang buhay. /
Si Jesus ipinangaki ni Maria sa irarom kan togon,/ tanganing kita na mga sakop
kan togon makahawas sa togon. / An mga agom na babae magin maimbod
asin magkuyog sa saindang agom na lalaki. / An saindang kabinian asin
kaimbodan, / asin mga pagsasacrificio huli sa saindang mga aki asin agom /
dakulang tabang sa pagpalakop kan kahadean nin Dios. /
 17

Lider: Ama niamo, na yaon sa langit, pabanalon an ngaran mo; magdatong an

kahadean mo; mangyari an boot mo sa daga nin siring sa langit.

Banwaan: An samong kakanon sa aroaldaw itao mo samuya ngonian, asin

patawadon mo kami sa samong mga kasalan, siring na pinapatawad
niamo an mga nagkakasala samuya; asin hare kami pagdaraha sa sugot;
kundi agawa kami sa maraot. Amen.

Lider: Ave Maria, pano nin gracia, an Kagurangnan yaon saimo, paladan ka sa
kababaihan, asin paladan an bunga kan saimong poponan, si Jesus.

Banwaan: Santa Maria, Ina kan Dios, ipamibi mo kaming mga parakasala,
ngonian asin sa oras kan samuyang kagadanan. Amen.

Lider: Kamurawayan sa Ama, asin sa Aki, asin sa Espiritu Santo.

Banwaan: Siring sa kapinonan asin ngonian magdanay man, asin sa

kapanahonan kan mga panahon. Amen.

Gabos (sa pangenot kan padi): O mamomoton na Dios, kaherakan asin antabayan
Mo kami sa dalan kan pagkasararo, pagkamoot asin katoninongan. Amen.

Awit (pasiring sa masunod na estacion): AWIT NIN NAPUPUNG-AW NA PUSO

IKASIYAM NA ESTACION:
Si Jesus Hinubaan asin Ipinako sa Cruz
Padi: Sinasamba asin inoomaw mi Ika, Kagurangnan

Banwaan: Huli ta sa mahal Mong cruz, tinubos Mo an kinaban.

Awit: Gubing hinalean

Hawak mong mahal
sa cruz ka pinako
 18

pagtubos samo
TATARAMON NIN DIOS: Lk. 23:32-38
Padi: Pagbasa hale sa Evangelio ni San Lucas.
Duwa pa katawo, na mga tulisan, ilinuwas ninda tanganing gadanon sa
kaibahan niya. Pag-abot ninda sa lugar na inaapod Calvario, ipinako ninda si
Jesus sa cruz asin man an mga tulisan: saro sa wala asin saro sa too. Si
Jesus nagsabi: “Ama, patawara sinda: dai ninda aram an saindang ginigibo.”
An saiyang gubing pinagbaranga asin pinagripahan ninda. An mga tawo
nagmamasid. An mga poon sa banwaan nag-oolog-olog saiya asin nagsabi:
“Ilinigtas niya an iba, iligtas man niya an saiyang sadiri, kun siya an Mesias
nin Dios, an Pinili.” An mga soldados nagrani sa pag-olog-olog man saiya,
dinolotan siya nin suka asin sinabihan: “Kun ika an hade kan mga Judio,
iligtas mo an saimong sadiri!” Duman sa itaas kan cruz nasusurat: Ini an
Hade kan mga Judio.
An Evangelio kan Kagurangnan.
Banwaan: Pag-omaw sa Saimo, Cristo.

PAGHOROP-HOROP
Lider: Pagkatapos na pasanon ni Jesus an cruz,/ duman man sana siya ipinako kan
mga soldados./ Nagpoon na magdiklom an palibot, / an mga tawo
nagtorombok kan saindang mga daghan. / Pagal na si Jesus, / alagad nahimo
Niya pang magtaram sa pagpatawad sa mga nagpasakit asin nagpako saiya. /
Aram tang si Cristo ipinako sa cruz / tanganing an tawong magagadanon
magkaigwa kan buhay na daing kasagkoran./ Tanganing siring na an gabos na
tawo naolaktan kan kasalan ni Adan, / kita man gabos mailigtas huli ki Cristo. /
Siya an bagong Adan na nagbago kan kinaban, / an enot na mga nabuhay sa
gadan. / Romdomon logod niato orog ngonian na Taon nin Pagpamibi,/ na huli
saiya an tawong nagkakasala nagkakaigwa kan kapatawaran, / nagigin sarong
bagong linalang.

Lider: Ama niamo, na yaon sa langit, pabanalon an ngaran mo; magdatong an

kahadean mo; mangyari an boot mo sa daga nin siring sa langit.
 19

Banwaan: An samong kakanon sa aroaldaw itao mo samuya ngonian, asin

patawadon mo kami sa samong mga kasalan, siring na pinapatawad
niamo an mga nagkakasala samuya; asin hare kami pagdaraha sa sugot;
kundi agawa kami sa maraot. Amen.

Lider: Ave Maria, pano nin gracia, an Kagurangnan yaon saimo, paladan ka sa
kababaihan, asin paladan an bunga kan saimong poponan, si Jesus.

Banwaan: Santa Maria, Ina kan Dios, ipamibi mo kaming mga parakasala,
ngonian asin sa oras kan samuyang kagadanan. Amen.

Lider: Kamurawayan sa Ama, asin sa Aki, asin sa Espiritu Santo.

Banwaan: Siring sa kapinonan asin ngonian magdanay man, asin sa
kapanahonan kan mga panahon. Amen.

Gabos (sa pangenot kan padi): O mamomoton na Dios, kaherakan asin antabayan
Mo kami sa dalan kan pagkasararo, pagkamoot asin katoninongan. Amen.

Awit (pasiring sa masunod na estacion): AN BILOG MING BUHAY

IKA-SAMPULONG ESTACION:
An Langitnon na Panuga sa Nagsolsol na Parahabon

Padi: Sinasamba asin inoomaw mi Ika, Kagurangnan

Banwaan: Huli ta sa mahal Mong cruz, tinubos Mo an kinaban.
Awit: An sarong parahabon
hagad patawaron
simbag niya saiya
“Pa langit na kita.”

TATARAMON NIN DIOS: Lk. 23:39-43

Padi: Pagbasa hale sa Evangelio ni San Lucas.
Saro sa mga tulisan na nabibitay sa cruz nag-olog-olog saiya asin nagsabi:
“Bakong ika an Mesias? Ligtasan an saimong sadiri asin ligtasan man kami!”
 20

Alagad sinaway siya kan kapwa niya tulisan asin sinabihan: “Dai ka natatakot
sa Dios, mantang ika nasisilotan nin siring? An satong silot matanos,
maninigo sa satong sala; alagad ini daing sala na ginibo.” Dangan nagsabi:
“Jesus, giromdoma man ako kun yaon ka na sa saimong kahadean.” Si
Jesus nagsimbag: “Totoong sinasabi saimo: ngonian man sana maiba ka
sako sa paraiso.”
An Evangelio kan Kagurangnan.
Banwaan: Pag-omaw sa Saimo, Cristo.

PAGHOROP-HOROP
Lider: Bago mautsan an satong Kagurangnan,/ iwinaras niya an pagkamoot nin
Dios sa parahabon na nag-ako saiya bilang Mesias / asin nagsolsol sa saiyang
kasalan. / Nagtubod asin nagsarig siya sa pagpatawad kan Dios, / asin sa pag-
ako kan kahadean kan langit. / Maninigo an padusa para saiya / siring man
duman sa saiyang kapwa tulisan,/ alagad uya si Jesus/ nakapako na kaiba
ninda na dai nin sala. / Gayod an hapot niya: / ‘Tano ta kaipuhan magtios an
sarong tawo para sa kasalan nin iba?’ / Iyo ini an boot sabihon kan katanosan
kan pagkamoot nin Dios. /
An gabos na binonyagan ki Cristo nagbibilog nin sarong banwaan, / an Hawak
ni Cristo. / Huli ta an lambang kabtang kan hawak na ini nakasaro ki Cristo,/
siya nagtatao nin buhay o kaya nagraraot kaining Hawak, / an Simbahan. /
Lambang marahay na gibo nag-oomaw sa ngaran kan Dios,/ nagpapamuraway
kan saiyang kahadean. / Lambang pagkasala nagpapaluya kan fundacion,/
nagmumukna nin mga pagkabaranga asin pagkarompag. / Sa Taon na ini nin
Pagpamibi,/ hagadon niato na pakusugon an satong mga pamibi,/ para orog
niato malabanan an satong mga kaluyahan.
Lider: Ama niamo, na yaon sa langit, pabanalon an ngaran mo; magdatong an
kahadean mo; mangyari an boot mo sa daga nin siring sa langit.

Banwaan: An samong kakanon sa aroaldaw itao mo samuya ngonian, asin

patawadon mo kami sa samong mga kasalan, siring na pinapatawad
niamo an mga nagkakasala samuya; asin hare kami pagdaraha sa sugot;
kundi agawa kami sa maraot. Amen.
 21

Lider: Ave Maria, pano nin gracia, an Kagurangnan yaon saimo, paladan ka sa
kababaihan, asin paladan an bunga kan saimong poponan, si Jesus.

Banwaan: Santa Maria, Ina kan Dios, ipamibi mo kaming mga parakasala,
ngonian asin sa oras kan samuyang kagadanan. Amen.
Lider: Kamurawayan sa Ama, asin sa Aki, asin sa Espiritu Santo.
Banwaan: Siring sa kapinonan asin ngonian magdanay man, asin sa
kapanahonan kan mga panahon. Amen.

Gabos (sa pangenot kan padi): O mamomoton na Dios, kaherakan asin antabayan
Mo kami sa dalan kan pagkasararo, pagkamoot asin katoninongan. Amen.

Awit (pasiring sa masunod na estacion): SA KIISAY PA

IKA-ONSENG ESTACION:
Si Maria asin Juan na Disipulo sa Pamitisan kan Cruz

Padi: Sinasamba asin inoomaw mi Ika, Kagurangnan

Banwaan: Huli ta sa mahal Mong cruz, tinubos Mo an kinaban.

Awit: Sinabi niya ki Juan:

“Siya simong ina.”
Ki Maria sabi man:
“Aki mo si Juan.”

TATARAMON NIN DIOS: Jn. 19:25-27

Padi: Pagbasa hale sa Evangelio ni San Juan.
Yaon duman sa pamitisan kan cruz an saiyang ina, an tugang kan saiyang ina
na si Maria Cleofas asin si Maria Magdalena. Pagkahiling kan saiyang ina
asin kan saiyang disipulong namomotan sa kataed niya, si Jesus nagsabi:
“Babae, uya an saimong aki.” Dangan sa disipulo: “Uya an saimong ina.”
Poon kaidto inako siya kan disipulo sa saiyang harong.
An Evangelio kan Kagurangnan.
 22

Banwaan: Pag-omaw sa Saimo, Cristo.

PAGHOROP-HOROP
Lider: Dai man sindang naginibo duman sa dalan pasiring sa Golgota, / uya
nagsusunod si Maria, an saiyang ina, / asin si Juan, an namomotan na disipulo
ni Jesus. / Para ki Maria, / naotob an profecia ni Simeon: / ‘Sarong garod an
malagbas sa saimong puso.’ / Para ki Juan, / totoo an sinabi ni Jesus:/ ‘An
sakong kakanon iyo an paggibo kan kabotan kan Ama.’/ Si Jesus iyo an
Tataramon na nani-tawo / an imahen nin Dios na dai nahihiling. /
An pagkamoot nin Dios iwinaras sato / sa paagi kan Banal na Espiritu na nag-
eerok sa satong mga puso./ An pagkamoot na ini matanos: / Minsan kita
nagkukulang sa pagkamoot saiya, / siya dai nanggad nakakalingaw sa
pagkamoot satuya. / Logod ngonian sa Taon nin Pagpamibi, kita gabos
mamuklat na an pagkamoot nin Dios orog na makapangyarihan ki sa karatan. /
Kun saen igwa nin mga pagbalo asin pagtukso, / laomon niato / na an
pagkamoot asin tabang nin Dios orog na uya diyan. / Hagadon niato an kusog
na gikan sa Dios/ sa tahaw kan satong mga pagsakit asin kamundoan.
Lider: Ama niamo, na yaon sa langit, pabanalon an ngaran mo; magdatong an
kahadean mo; mangyari an boot mo sa daga nin siring sa langit.

Banwaan: An samong kakanon sa aroaldaw itao mo samuya ngonian, asin

patawadon mo kami sa samong mga kasalan, siring na pinapatawad
niamo an mga nagkakasala samuya; asin hare kami pagdaraha sa sugot;
kundi agawa kami sa maraot. Amen.

Lider: Ave Maria, pano nin gracia, an Kagurangnan yaon saimo, paladan ka sa
kababaihan, asin paladan an bunga kan saimong poponan, si Jesus.

Banwaan: Santa Maria, Ina kan Dios, ipamibi mo kaming mga parakasala,
ngonian asin sa oras kan samuyang kagadanan. Amen.
Lider: Kamurawayan sa Ama, asin sa Aki, asin sa Espiritu Santo.
Banwaan: Siring sa kapinonan asin ngonian magdanay man, asin sa
kapanahonan kan mga panahon. Amen.
 23

Gabos (sa pangenot kan padi): O mamomoton na Dios, kaherakan asin antabayan
Mo kami sa dalan kan pagkasararo, pagkamoot asin katoninongan. Amen.

Awit (pasiring sa masunod na estacion): SIYA AN KAGURANGNAN

IKA-DOCENG ESTACION: Si Jesus Nagadan sa Cruz

Padi: Sinasamba asin inoomaw mi Ika, Kagurangnan

Banwaan: Huli ta sa mahal Mong cruz, tinubos Mo an kinaban.

Awit: Sa cruz ka nagdusa

sa cruz nagadan
kami kaherakan
ta makasalan.

TATARAMON NIN DIOS: Lk. 23:44-49

Padi: Pagbasa hale sa Evangelio ni San Lucas
Odto na kan nagdiklom an aldaw asin an bilog na rona sagkod sa alas-tres
nin hapon. An kortina sa simbahan nagisi sa tahaw. Sa makosog na tingog
si Jesus nagsabi: “Ama, sa saimong kamot idinodolot ko an sakong espiritu!”
(Salmo 31:6) Pakasabi kaini, nautsan. An kapitan, na nakahiling kaining mga
nangyayari, nag-omaw sa Dios asin nagsabi: “Totoo man nanggad: an
tawong ini daing sala!” An mga tawo na nagtitiripon sa paghiling kaini, kan
nahiling an nangyari, nagpuli sa banwa tinotorombok an saindang mga
daghan. An saiyang mga kamidbid asin man an mga babae na nagsunod
saiya poon sa Galilea, nagtirindog sa harayo asin saksi kaini gabos.
An Evangelio kan Kagurangnan.
Banwaan: Pag-omaw sa Saimo, Cristo.

PAGHOROP-HOROP
Lider: Sa laog nin tolong oras / nagtios si Jesus sa mga manlaen-laen na paagi nin
pagpasakit asin pag-olog-olog saiya. / Kaiba an duwang parahabon / siya
ipinako asin nagadan sa cruz. / Ginarod siya nin sarong soldado sa saiyang
 24

hirog / tanganing hilingon kun gadan na. / Tolos buminolos an dugo asin tubig,/
mga tanda kan sacramento nin Bonyag asin Eucaristia. /
Kita pinapagiromdom na sa paagi kan bonyag / nahuhugasan kita sa satong
mga kasalan, / asin nagigin mga bagong linalang para sa kahadean nin Dios. /
Sa Eucaristia, / sa pag-ako kan hawak asin dugo ni Cristo, / kita nag-aako kan
bagong tipan ki Cristo,/ bagong paagi nin buhay asin pagsamba sa katotoohan
asin espiritu. / Kita sarong banwaan,/ mga aki kan Dios./ Pano nin kaogmahan/
pakusugon niato an satong buhay pagpamibi / mantang kita naghahalat kan
dakulang pagpahayag nin Dios sa gabos na namomoot saiya. / An kagadanan
ni Cristo nagdadara sato sa likod kan buhay digdi sa kinaban,/ an buhay nin
kaogmahan asin kamurawayan sa kaibahan kan Dios. /

Lider: Ama niamo, na yaon sa langit, pabanalon an ngaran mo; magdatong an

kahadean mo; mangyari an boot mo sa daga nin siring sa langit.

Banwaan: An samong kakanon sa aroaldaw itao mo samuya ngonian, asin

patawadon mo kami sa samong mga kasalan, siring na pinapatawad
niamo an mga nagkakasala samuya; asin hare kami pagdaraha sa sugot;
kundi agawa kami sa maraot. Amen.
Lider: Ave Maria, pano nin gracia, an Kagurangnan yaon saimo, paladan ka sa
kababaihan, asin paladan an bunga kan saimong poponan, si Jesus.

Banwaan: Santa Maria, Ina kan Dios, ipamibi mo kaming mga parakasala,
ngonian asin sa oras kan samuyang kagadanan. Amen.

Lider: Kamurawayan sa Ama, asin sa Aki, asin sa Espiritu Santo.

Banwaan: Siring sa kapinonan asin ngonian magdanay man, asin sa
kapanahonan kan mga panahon. Amen.

Gabos (sa pangenot kan padi): O mamomoton na Dios, kaherakan asin antabayan
Mo kami sa dalan kan pagkasararo, pagkamoot asin katoninongan. Amen.

Awit (pasiring sa masunod na estacion): NAMOMOTAN TAKA, KAGURANGNAN

 25

IKA-TRECENG ESTACION: Si Jesus Ilinobong

Padi: Sinasamba asin inoomaw mi Ika, Kagurangnan

Banwaan: Huli ta sa mahal Mong cruz, tinubos Mo an kinaban.
Awit: Hawak mo hinulid
Sa lolobngan
Sa mga kasalan
Kami hawasan.

TATARAMON NIN DIOS: Lk. 23:50-56

Padi: Pagbasa hale sa Evangelio ni San Lucas
Sarong lalaki na an ngaran Jose, kaayon sa Sanggunian, marahay asin
matanos na tawo bakong oyon sa ginibo kan mga Judio. Siya taga-Arimatea,
banwa sa Judea. Naghahalat man siya kan kahadean nin Dios. Ini
nagduman ki Pilato asin hinagad an bangkay ni Jesus. Tinanggal, pinatos sa
tamong asin ibinugtak sa lolobngan na tinuki sa gapo. Dai pa nin ilinobong
duman. Aldaw idto kan pag-andam, asin magsa-sabado na. An mga babae
na kairiba niya poon sa Galilea nagsunod sa paghiling kan lolobngan asin
kun paano ilinaog an bangkay. Pagpuli, nag-andam nin mga pahamot asin
mga panlahid.
An Evangelio kan Kagurangnan.

Banwaan: Pag-omaw sa Saimo, Cristo.

PAGHOROP-HOROP
Lider: Pagkatapus na magadan si Jesus, / mga alas-tres kan hapon kan enot na
Viernes Santo, / siya tinanggal sa cruz ni Nicodemo asin Jose na taga
Arimatea. / Yaon man duman si Maria na saiyang Ina,/ si Juan, an disipulo na
namomotan ni Jesus,/ asin si Maria Magdalena. / Bago ilinubong an bangkay /
linahidan nin mga pahamot. / An lolobngan bagong tuki sa gapo asin dai pa
nagamit. /
Si Cristo nagadan asin nagduman sa lugar kan mga gadan./ Duman saiyang
pinukaw an gabos na nagadan / bago siya duminatong sa kinaban./ Binaretaan
 26

niya sinda kan saiyang panggana sa kagadanan / asin sa kapangyarihan nin

kasalan. / An huring kalaban iyo an kagadanan. / Dai mahaloy / siya
mabubuhay asin dai na giraray magagadan./ Huli ta siya an ginikanan nin
buhay, / Dios, bago pa nagpoon an panahon. / Siya buhay kaidto, ngonian
asin sagkod pa man. /

Lider: Ama niamo, na yaon sa langit, pabanalon an ngaran mo; magdatong an

kahadean mo; mangyari an boot mo sa daga nin siring sa langit.

Banwaan: An samong kakanon sa aroaldaw itao mo samuya ngonian, asin

patawadon mo kami sa samong mga kasalan, siring na pinapatawad
niamo an mga nagkakasala samuya; asin hare kami pagdaraha sa sugot;
kundi agawa kami sa maraot. Amen.

Lider: Ave Maria, pano nin gracia, an Kagurangnan yaon saimo, paladan ka sa
kababaihan, asin paladan an bunga kan saimong poponan, si Jesus.

Banwaan: Santa Maria, Ina kan Dios, ipamibi mo kaming mga parakasala,
ngonian asin sa oras kan samuyang kagadanan. Amen.

Lider: Kamurawayan sa Ama, asin sa Aki, asin sa Espiritu Santo.

Banwaan: Siring sa kapinonan asin ngonian magdanay man, asin sa
kapanahonan kan mga panahon. Amen.

Gabos (sa pangenot kan padi): O mamomoton na Dios, kaherakan asin antabayan
Mo kami sa dalan kan pagkasararo, pagkamoot asin katoninongan. Amen.
Awit (pasiring sa masunod na estacion): KITA GABOS MAGBAGO

IKA-KATORCENG ESTACION:
An Pagkabuhay Liwat ni Jesus

Padi: Sinasamba asin inoomaw mi Ika, Kagurangnan

Banwaan: Huli ta sa mahal Mong cruz, tinubos Mo an kinaban.
 27

TATARAMON NIN DIOS: Lk. 24:1-8

Padi: Pagbasa hale sa Evangelio ni San Lucas.

Aldaw nin Sabado sinda nagpahingalo sosog sa togon, alagad sa enot na
aldaw kan semana, agang amay, an mga babae nagduman sa lolobngan,
dara an mga pahamot na saindang inandam. Nahiling na an gapo binungkal
na, naglaog sinda asin dai nakua an bangkay ni Jesus na Kagurangnan. Dai
maabot kan saindang isip kun ano an boot sabihon kaini, asin uya nagpahiling
sainda, duwang lalaki, nagkikintab an mga gubing. An mga babae
nagkatarakot asin duminuruko. An duwang lalaki nagsabi sainda: “Tadaw ta
an buhay hinahanap nindo sa mga gadan? Dai na siya digdi: nabuhay na
liwat. Giromdoma nindo an sinabi niya kan yaon pa siya duman sa Galilea:
‘An Aki nin Tawo itatao sa kamot kan mga tampalasan asin ipapako sa cruz,
alagad sa ikatolong aldaw mabubuhay liwat’.”
An Evangelio kan Kagurangnan.

Banwaan: Pag-omaw sa Saimo, Cristo.

PAGHOROP-HOROP
Lider: Sinabi ni Jesus: / “Sagkod na an trigo dai mahulog sa daga asin malapa, / dai
ini magbubunga nin dakul.” / Si Jesus nagadan tanganing an mga balaog nin
kapatawaran,/ pakipag-olian sa Dios,/ asin danay na katoninongan makamtan
niato./ An kagadanan sa kaomawan nin Dios nagkakamit kan balaog kan
pagkabuhay liwat. / Si Jesus iyo an dalan, katotoohan asin buhay. /
Sa Dios, dai nin imposible. / Sa maludok na pagpamibi,/ hagadon niato sa
Dios na kita magdanay sa buhay na balaog nin Dios, / huli kan satong danay
na pagsolsol, / paghanap asin pagkuyog kan saiyang kabotan. /

Lider: Ama niamo, na yaon sa langit, pabanalon an ngaran mo; magdatong an

kahadean mo; mangyari an boot mo sa daga nin siring sa langit.
Banwaan: An samong kakanon sa aroaldaw itao mo samuya ngonian, asin
patawadon mo kami sa samong mga kasalan, siring na pinapatawad
 28

niamo an mga nagkakasala samuya; asin hare kami pagdaraha sa sugot;

kundi agawa kami sa maraot. Amen.

Lider: Ave Maria, pano nin gracia, an Kagurangnan yaon saimo, paladan ka sa
kababaihan, asin paladan an bunga kan saimong poponan, si Jesus.

Banwaan: Santa Maria, Ina kan Dios, ipamibi mo kaming mga parakasala,
ngonian asin sa oras kan samuyang kagadanan. Amen.

Lider: Kamurawayan sa Ama, asin sa Aki, asin sa Espiritu Santo.

Banwaan: Siring sa kapinonan asin ngonian magdanay man, asin sa
kapanahonan kan mga panahon. Amen.

Gabos (sa pangenot kan padi): O mamomoton na Dios, kaherakan asin antabayan
Mo kami sa dalan kan pagkasararo, pagkamoot asin katoninongan. Amen.

Awit (pasiring sa altar): SARONG TINAPAY, SARONG BANWAAN

HURING PATARA-TARA
Padi: Natapos niato an pakisumaro sa Via Crucis. Sabay-sabay niatong
pinaghorop-horopan an saiyang misterio pascual: an saiyang pagtios,
pagkagadan asin pagkabuhay liwat. Alagad an bilog niatong buhay saro man
na “Via Crucis.” Kun dai an cruz dai man nin Resureccion. Hagadon niato sa
Kagurangnan, orog na ngonian sa Taon nin Pagpamibi, na an satong pag-otob
kan mga pagsadol sa panahon na ini nin Cuaresma magdara sato sa
kabanalan, danay na pagkamoot asin paglingkod sa kapwa.

HURING PAMIBI
 29

Padi: Mamibi kita...

Dios na mamomoton asin maheherakon, salamat sa saimong presencia sa
ginibo niamong pag-estacion. Antabayan mo kami sa samong padagos na
pagsabuhay kan misteryo pascual kan saimong Aki, tanganing kami makaabot
sa pagkabuhay liwat. Ini hinahagad mi huli ki Jesucristong Kagurangnan, na
nabubuhay asin naghahade, kaiba mo asin kan Espiritu Santo, Dios, sa
kapanahonan kan mga panahon.
Banwaan: AMEN.
BENDICION
Padi: An Kagurangnan mapa-saindo
Banwaan: Asin sa saimong espiritu.
Padi: Bendicionan kamo kan Dios na makakamhan, +Ama, asin Aki, asin
Espiritu Santo.
Banwaan: AMEN.

Huring Awit: PANINIMBAGAN