Professional Documents
Culture Documents
Naamusa Kiristiyaanummaa
Naamusa Kiristiyaanummaa
2009A.L.I
SEENSA
AMANTAA FI KIRISTAANUMMAA
Amantaa jechuun:-
Ijaan kan hin argamne harkaan kan hin qaqaqqabamne qorannoo beekumsa fi yaadaa
sammuu namaa ol kan ta’e miira qaamaan ibsuun kan hin danda’amne fudhachuu fi
amanuudha.
Fudhachuu jechuun kan hin uumamne garuu, uumama hundaa kan uume kan
hin mul’anne garuu, hundumaa sirnaan kan geggeessu jechuunis aduu
guyyaarratti addeessa fi urjii halkan irratti akka angoman kan godhe; bonaafi
ganna waqtiisaatti akka bahaan kan godhu Waaqayyoo tokkichi jiraachuu
fudhachuu jechuudha.
Ibr. 11÷ 1 “Amantii jechuun waan abdii godhanne tokko kan nuuf mirkaneessu waan ijaan
hin argamne kan ibsudha.” Jedha qulqullichi Paawuloos.
1Xim.6÷16 “Inni ifa eenyumtuu itti dhiyaachuu hin dandeenyeen jiraata,namni tokkollee hin
agarreen arguus hin danda’u.” Jedha.
Seera uumaaf bitamuu ajajamuun amanamuu jechuudha.
Amanuu fi amanamuu jechuudha.
jiraachuu Waaqayyoo fudhachuu fi seerotasaaf amanamuudha. Kunis jiraachuu uumaa
fudhachuu seerota Waaqayyoo fudhataniis amanamuu jechuudha.
hundumaa kan argamisiise ofiisaa kan isa argmsiise hin qabne, uumama dura kan
uume ofi isaa durummaa kan hin qabne uumamasaaf daangaa xumuraa kan kaa’e ofi
isaaf Waaqaa xumura hin qabne jiraachuu isaa fudhachuufi Waaqni kunis daandii irra
jiraadha jedherra jiraachuuf murteessuufi jiraachuudha.
1
2. Beekumsa isaanii kennameen akka qoratanii beekanii jechadha.
2. Dhalli namaa uumama guyyaa xumuraa jimaatadha. Namnis uumaasaa kan bare guyyuma
uumamesanadha.kunis Waaqayyoo nama uumee waan hojjechuu qabuufi hin qabne
barsiiseera. Ajaja kana eeguun Addaam waggoota 7 guutuu Jannata keessa jiraateera Kufaalee
4÷14. Ajaja yeroo diigetti muka Balasaa jala sodaatee dhokachuun isaa Waaqni itti amane
jiraachuu agarsiisa S.Uma 3÷1-8 “...qullaa tahuukee maaltu sitti hime? Muka hin nyaatin siin
jedhe irra nyaattee?” jechuun Waaqaa fi Addaam gidduu hariiroon jiraachuu isaa agarsiisa.
KIRISTAANUMMAA
Kiristiyaanummaa jechuun:-
Foon namaa kan uffate kan kaasee gara samiittti ol baase du’a foon isaatiin kan mo’ate
bara 5500 mo’ee kan ture Diyaabiloosiin kan balleesse innis Iyesuus kiristoos ta’uu
amanuu jechuudha.
Karaa biraa, kiristoos ilma Waaqayyoo Waaqa, ilma ta’uu isaa amanuu jechuudha.
Yoh.1÷1-4, Mat.16÷16
Tokkos:- Iyyesuus kiristoos Waaqa gonkumaa, nama gonkumaa jedhanii amanuu
jechuudha. Yoh.1÷14
Tokkos:- Iyesuus kiristoos osoo hin jijjiramiin nama kan ta’e Waaqa ta’uu isaa
amanuu jechuudha. Rom.9÷5
2
BOQONNAA TOKKO
NAAMUSA KIRISTAANUMMAA
Mat.5÷16 “Hojii keessan isaa gaarii arganii Abbaa keessan isaa Samiirraa jiru akka
galateeffataniif ifnii keessan akkuma kana nama duratti haa ifu.” jedha.
Barumsa afuuraaf gudunfaan isaa iccitiin inni jalqabaa naamusaa gaariin mataa ofiifi kanneen
biros bocanii argamuudha. Amantiin keenyaa fi hojiin keenya hojii gaariin ifuu qaba. Ya’iq.
2÷14.
Lubbuu fi foon akkuma waliin jiraatan amantiinii fi hojii gaariin addaan hin bahan.
Ya’iq.2÷14.
Kiristiyaana kan taane hunduu duuka buutota Kiristoos akkuma taane hunda bittaa seexanaa
jalaa bilisa kan baanedha. Seexanni kan Waaqayyoo hin hojjetinaa jedhe hojjedhu seera
jedhuu waan qabuuf hojii seexanaarraa fagaachuun seera Waaqayyoo eeguu akka dandeenyuuf
hojii afuuraa hojii fooniirraa adda baasuun dirqama keenyadha S.uma.3÷1-4,1phex. 5÷8.
“Barmeellii duwwaan iyya baayyisti.” Akkuma jedhu namni amala beekumsa afuuraa fi hojii
gaarii hin qabne akka barmeela duwwaati. Yoh.15÷13-14.
Cubbuurraa fagaachuu jechuun Waaqayyoo wajjin jaalala qabnu ibsuudha. Naamusa gaariin
bareedee miidhagee argamuun aadaa kiristiyaati.
Seera jechuun raawwachuu kan ajaju raawwachuurraa kan dhorku murtoo fi sirnadha.
Kiristiyaanni kamuu Waaqayyoo biratti qulqullina argatee akka jiraatuuf seerota naamusa
gaarii isaan kan akka ta’an hojii isaaniifi tooftaa isaanii addaa baasee beekuu qaba.
3
Seera Afuuraa/Waaqummaa nama hundumaaf waaqa biraa uumamaanii fi barreeffamaan kan
kennamedha.1Xim 3÷6.
Seerri kun laphee namaa keessatti al tokko kan barreeffame dhalootaa gara dhalootaatti
kan daddarbuu seera uumamaadha Rome1÷14. seerri laphee nama kan jedhame
hundumaa laphee namaatti barreeffamee kan jiraatu osoo hin baratin tokkoo tokkoon
namaa tolaa fi hamaa adda baasuun osoo itti hin himin akka beeku kan godhudha.
Namni tokko kan galateeffamu seera uumamaan isaaf kenname kana qulqullinaan
qabachuufi dagaagfachuu isaatiinidha. Seera kana akka seeraatti hubachuuf ija fooniin
osoo hin ta’iin ijji laphee barbaachisaadha Hoj.Erg16÷14-15. Kakuu Moofaa keessatti
seerri laphee keenya cubbuun yoo xuraa’e iyyuu gabatee laphee keenyaa erga beenyaa
Kiristoosii ifa ta’eera jechuun humni ilaaluu, hubachuu, qalbeeffachuu, guddachaa
akka deemuf bultoo afuuraa taasiseera.
Kitaaboleen osoo hin barreeffaminii jechaan osoo itti hin dubbatamin sammuu
kennameefin hojii hamaa fi gaarii adda kan ittiin baasan qaba.
Sammuui saan yaadee baasee buusee kan inni raawwatudha.
seerri kun hojiin tokko akka raawwatamu ykn hin raawwatamneef dursee of-
eeggannoo fi carraa filannoo kan taasisu yeroo ta’u yoo raawwates gaabbii ykn
gammachuu kan fidudha.
4
Kana keessatti hojiin kiristiyaanaa dogongara akka hin taaneef
1. Hojii keenya hundaaf “eeyyama kee haa ta’u” jechuun Waaqayyoon kadhannan
gaafachuu.
2. Ulfina Waaqayyoof jecha hojjetamuu qaba.
3. Jaalala namootaaf jecha hojjetamuu qaba.
4. Kaayyoon isaa waan hunduu jaalala Waaqayyoorraa kan ka’e waaqeffannaa fi jaalala
isaa itti ibsamu ta’uu qaba.
Seera jechuun kan daangeffame, sirna, daangaa, mooraa, murtoo dhugaa, raawwachuu
kan dhorku, kan godhi hin jedhamne jechuudha.
Seera Waaqayyoo jechuun Waaqayyoo dhala namaan kana raawwadhaa, kana immoo
hin raawwatinaa jedhee ajaja ajaje qajeelfama jechuudha.
Isaanis:-
Seerri Oriitii kun Tulluu Siinaarratti Waaqayyoo Museetti dhagaa Tsillaati irratti
tumee itti kennedha.
S.Bahu 24÷12 “Waaqayyoos Museedhaan gara koo gara Tulluu Siinaatti ol-bahi achiis
turi, isaaninis akka barsiiftuuf seeraa fi ajaja ani barreesse Tsillaatii dhagaa siifan
kenna.” Jedheen.
Isaanis:-
1. Seera Uumamaa
2. Seera Bahuu
3. Seera Lewwoota
4. Seera Lakkoofsaa
Seera Keessa deebii seera 5ffaa taasisee, ijoolleef barreesseera. Kunis ijoollee
ijoollee isaaniif.
5
-Kitaabolee Oriitii shanan kan jedhamaniif seera keessa deebii
dabalataniitidha.
Sababni isaa Oriitiin seera hojjetee seera isinniif haa ta’u, sirna yka naamusa
hojjetee sirna isiiniif haa ta’u jettee waan barsiiftudha.
Kitaaba Oriitii keessatti bakka gudaa kan qabatu seerota abboommii kunaniidha.S.Bahu
20÷3-13.
Abboommii kurnnaan
Waaqayyoo biraa kallattiin karaa Musee Isiraa’eeliif seera kennamedha. Kan kennamees
Isiraa’elootni biyya Gibxii bahanii ji’a 3ffaa tti Faasikaa kabajanii guyyaa 3ffaa Tulluu Siinaa jala
yeroo buufatanii turanitti. S.Bahu 19÷1-4, S.Kes.Deb. 34 ÷28 fi S.Kes.Deb 4 ÷13 irratti
ajajonni 10 ta’uu ibsa.Isaanis tokko tokkoon barreeffamanii kan argaman S.Bahu 20÷3,17 fi
S.Kes.Deb 5 ÷5-21tti. Jechootni 10 fi ajajootni Wangeelaa jahan Isiraa’el warra foonii fi
Isiraa’el warra lubbuu kan qophaahe waan ta’eef hundumaa keenya ni ilaallata.
6
Abboommiiwwan kun Kakuu Moofaaf bu’uuradha. Waaqayyoo seera koo yoo eegdan yoo
raawwatan saba koo ni taatu jechuun waadaa galeera. Saboonnis afaan tokkoon sagalee isaanii
ol kaasanii “Waan Waaqayyoo jedhe hundaa ni raawwatna ni bitamnas jechuun waadaa
galaniiru. S.Bahu 19÷8, fi S.Bahu 24÷1-8.
Kakuu haaraa keessattis Gooftaan keenya kana cimsuun akka eeguu qabnu mirkaneesseera.
-Mat.5÷17 “Ani seera Musee fi Raajotaa diiguu hin dhufne jabeessuuf malee.”
-Mat.19÷16-22 “... ajaja koo eegi ... isaanis Abbaafi Haadha kee kabaji, Hin ajjeesin, Hin
ejjin, Hin hatin, Sobaan dhugaa hin bahin, Nama akka mataa keetti jaalladhu... kan
jedhamanidha.”
-Yoh. 14÷15 Gooftaan keenya“yoo na jaallattu ta’e ajaja koo eega.” Kanaafuu, Kiristinnaa
yeroo jalqabnu hojii inni jalqabaa seera isaa eeguudha.
Har’as yoo ta’e Waaqayyoo cubbuu Addunyaai rraa bilisa nu baaseera. Kunis dhiiga hoolaan
osoo hin taane dhiiga mucaa isaatiin kan raawwate waan taheef oolmaa isaa laphee keenyatti
yaadachuutu nurra jira.
Rome 13÷ 8-10 “... nama biroo kan jaallatu seera eegeera... jaalalli xumura seera
hundumaati...”
1. Jaalala Waaqayyoo
2. Jaalala namaadha.
7
1. Jaalala Waaqayyoo. Isaanis:- Ajaja 1ffaa-3ffaa tti kan jiran yeroo ta’uu Waaqayyoon
agarsiisu.
2. Jaalala namaa. Isaanis:- Ajaja 4ffaa – 10ffaa ti yammuu ta’an nama agarsiisu.
Karaa biraa immoo, Abboommiin godhii fi hin godhiinii bakka lamatti qoodama.
Isaanis:-
Ajaja 1ffaa
8
Waaqayyo afuuradha hin daangeffamu. Yoh.1÷18, 1Yoh. 4÷12.
Garuu, namootni waaqa argamu, mullatu fi qabamu barbaachaaf jecha
Waaqarraa yeroo addaan bahantu mul’ata. Hoj. Duk.5, Yoh.20. Ajajni
jalqabaa kana akka hin raawwanneef nu dhorka.
Seera kana kan diigan cubbuu baayyeen yakku. Kunis:-
1. Ajaja kan Waaqayyoo Waaqayyoof jedhu ni jijjiiru.
2. Tokkummaa mana amantaan ala ta’u.
3. Abdii dhabeessa waan hunduu kan itti dukkana’e ta’anii argamu.
Waaqota Kennaa
9
Waaqayyoon waaqessaa karaa biro waaqa biroo waaqessuun / hordofuun baayyee
cubbuu cimaadha.1Mot.18÷16-24, Erm. 11÷9-14. Mat.6 ÷ 24
-Warroonni kaan kan ajaja 2ffaa taasisnii kan fudhatan jiru. Nuti garuu, isa 1 ffaa
jalatti goolabna.
Fakkii Tolfamaa jechuun boca tokko bocanii kun waaqa fakkata ykn Waaqa
jedhanii fakkii waaqeffamudha. kun immoo Xaa’otii jedhama.Akka bu’uura ajaja
kanaatti fakkiin bocamaan kamiyyuu bakka sadiitti qoodama.
Hin taasisin jechuun itti hin sagadin, hin waaqessin jechuudha. S.bahuu 20÷5
10
Karaa biraa garuu, Bultoo Tsillaati seerrii isaa irratti barreeffame kan ta’e mukarraa
tolfame Taabota Kakuu akka bocamuu qaban ajajuusaa dagachuu hin qabnu.
S.bahuu 38÷18, 34÷1-25, 40÷20. Boca Kirubeeliin warqee tumamerraa akka
hojjete golgaarratti akka hojjetamu ajajeera. S.bahuu 25÷12-22 kana jechuun
Tsillaatii fi Taabotni bocni Kirubeel Waaqa ta’e ykn Waaqayyoon fakkeeff- amanii
kan waaqeffataman osoo hin ta’iin yeroo Waaqayyoon waaqeffamutti tajaajila
qulqulluuf kan oolu meeshaalee qulqullinaa- dha. Taabotni ulfinni Waaqayyoo
kan ittii ifuudha. Har’a mana kiristiyaanaa keessa Tsillaatii fi Fakkiin jiran kanaa
wajjin sababa wal waqabataniifidha. Tabotna Tsiyooniin kan mul’ate Waaqayyoo
akka ta’e biyya saba Waaqa hin beekineettis mul’ateera. Kunis Tabotna Tsiyooniin
xaa’ootii Daagoon jedhamuu akka caccaabse beekamaadha. 1Samu. 5÷1-5.
Museen bofa naasiidhaan akka hojjetuuf kan ajajeef sabotni akka waaqessaniif
osoo hin ta’iin akka ilaalanii /sagaleesaa dhagahanii fayyaniif ture. garuu, sabootni
Isira’eel hanga bara mootichi Isqiyaas mo’utti ixaanaa itti aarsuun waaqessaa turan.
Isqiyaasis yeroo fakkii garaagaraa isaan waaqessan caccabsu fakkii naahasii isaan
waaqessan sana caccabsee balleessuu isaatti Waaqayyoo birratti itti galateeffat-
ameera. 2Samu.18÷4-5. Kanaafuu, Taabota Waaqayyoo kan ta’e qaamni keenya
xaa’ootii caccabsuu daakuu /gubuu qabna. Qaamni keenya mana
qulqullummaadha. Mana qulqullummaa Waaqayyoo ykn Taabota xaa’ootii wajjin
gamtaa /tokkummaa waan hin qabne 2Qor.6÷16,2Samu.6÷14 Xaa’ootiirra addaa
bahuun barbaach- isaadha. Xaa’ootii kan waaqessan xaa’otiif aarsaa kan
dhiyeessuun Agaanintiif /jinniif dhiheessu. Egaa qulqulluu foon isaa fi ulfaata
dhiiga isaa qaamni fudhate aarsaa aganintootaa irratti hirmaachuun jinni wajjin
maabaroo ta’uun barbaachisaa miti. 2Qor.10÷16-22 fakkii became /xaa’otii
waaqessuun xaa’ootiin humna kan hin qabne dadhabaa hojii harka namaa waan
tokkollee hojjechuu kan hin dandeenye hubachuun ni barbaachisa. Isa 44÷18
xaa’ootiin ija otuu qabanii kan hin ilaalle, gurra otuu qabanii kan hin dhageenye,
miilla otuu qabanii kan hin adeemne waan ta’aniif kanarra fayyuuf xaa’ootiirraa
baqachuun of-eeggadhaa nuun jedha. 1Qor.10÷14, 1Yoh.5÷2
Ajakja 2ffaa
Maqaa Waaqayyoo kee akkaa malee hin waamin
Maqaa Waaqayyoo
Maqaa- yeroo jedhamu waan tokko kan biraa irraa adda bahee kan ittii
beekamu /waamamudha.
Maqaan amala, hojii fi haala ibsuu ni danda’a. Waaqayyoos
amalummaa isaa jireenya isaa fi hojii isaa kan ibsan maqaa baayyee
qaba. S.bahuu.15÷3, Amots. 4÷13.
Maqoota Waaqayyoo hedduu keessaa sadii akka armaan gadiitti ni
ilaalla.
1. Eel (ኤል) jabaa jechuudha. S.Uma 17÷1
2. Eelohee (ኤሎሄ) Waaqa jechuudha. Mat.27÷46
3. Yaahiwwee (ያሕዌ) kan jiruu fi kan jiraatu jechuudha. S.Uma 22÷4,
S.bahuu 3÷13-15, S.bahuu 17÷15.
11
Kiristoos inni Waaqayyoo dha. Kakuu haaraa keessatti Ilma kan jidhamee
Waaqayyoo fooniin mullachuusaa maqoota armaan gaditiin waamameera.
Maqaan Waaqayyoo sagalee qofaan / duwwaan miti. Humna isaa, surraa isaa
qabatee argama Mat.18÷20. Waaqni hin mullatne ofiisaa kan mullise maqaa
isaatiin. Irra caalaa Kiristoos yeroo fooniin mullate maqaa isaa addunyaatti
mullise Yoh.17÷26.
Kantuu jechuun Waaqayyoo biratti kan tuffatame, waan hin taane jechuudha.
Maqaa Waaqayyoo akka malee waamuun kantuu akka ta’e kitaaba qulqulluu
keessatti.
1. Fedha foon dhala namaaf. Iyyob 7÷3, Faar. 38÷ 5-6, Rom.8÷20,
Efe.4÷ 17.
2. Xaa’ootii waaqeessuu. 2Mot.17÷15, Isa. 44÷9
12
3. Raajii sobaa. Hiz.13÷1-23, Zek.10÷1, 2Phex.2÷18 waantoota hin taane
akkasiin kanaan maqaa Waaqayyoo fayyadamanii maqaa isaa kantuun
waamuudha. Kunis:-
a. Maqaa Waaqayyoon sobaan kakachuu. Mat.5÷4, 5÷33-37
b. Maqaa Waaqayyoon nama abaaruu. Mat.5÷44, Rom. 12÷14
c. Maqaa Waaqayyoon xibaaruu/Tolfachuu. Isa. 19÷3
d. Maqaa Waaqayyoo salphisuu fi ulfina kennuu dhiisuu. Fkn.
Wantoota maqaa Waaqayyoon qulqullaa’aniif ulfina kennuu
dhiisuu.Dan.5÷23-26
e. Maqaa Waaqayyootiin wantoota /sagalee dubbanne raawwachuu
dhiisuu. S.Bahu.23÷21-23 maqaa isaatiin ykn maqaa isaaf waan
barsiifnu hojiirra oolchuu dadhabuu. Rom.2÷24, Tito.1÷16
Ajaja 3ffaa
1. Boqannaa quunnamtii namni cubbuun osoo hin kufin dura Waaqa isaa
wajjin qabu ture.
2. Boqonnaa lubbuu bara baraa fayyisummaa Gooftaa keenya Iyyeesus
Kiristoosiin argamedha.Ibr. 4÷1-10
13
31÷17, Hiz. 20÷12 Isiraa’elootni sanbataa of eeggannoon kabajaa turan,
kabajuu dhiisuunis adabbii cimaa adabsiisa ture S.Lak. 15÷32-36. Warri
sanbata hin kabajnes raajotaan komatamaa turan bara booji’amuu Baabiloon
dagatamee kan ture raajicha Nahimiyaan akka kabajamuu ta’eera. Gooftaan
keenyaa fi duuka bu’ootni guyyaa kana kabajaniiru Luq.4÷16. Fariisonni
guyyaa gaafa sanbataa miilla isaanii yoo dirirsan hin dachaafatan yoo
dachaafatanis hin dirirfatan hojii gaarii yoo ta’es hin hojjetan turan
Mat.12÷1-14.
Guyyaan kun har’a Dilbata kan jennudha. Guyyaan kun sirni uumamaa kan itti
eegale Gooftaan kan itti du’aa ka’e, Afuurri qulqulluun itti buhe akkasumas
guyyaa Gooftaan keenya itti dhufudha. Kunis:-
Sanbata Kabajuu
Guyyaan sanbataa guyyaa boqonnaa waan taateef dhalli namaa boqonnaa akka
argatuuf qaamni guyyaa jaha hojiin dadhabe akka haaromuuf ajaja Waaqayyoo
nuuf hojjetedha. kanaafuu, hojii foon keenyaa dhiisnee sanbata kabajuu qabna
Isa.58÷13. Guyyaa kanatti ofii keenyaa dhiisnee hojjettoota /horii keenyaa
hojjechiisuun eeyyamamaa miti S.Bah. 5÷14. Guyyaan sanbataa guyyaa laphee
keenya guutuun Waaqayyoon itti waaqeffannudha. Guyyaan guyyaa hojiirraa
boqotamuu waan jedhameef hojii hiikne ooluu hin qabnu. mana qulqullummaatti
argamuun waaqessuu, sagalee isaa barachuu boqonnaafi nageenya Waaqayyoorraa
argamu fudhachuutu nurraa eegama S.Lew.23÷3. Gooftaan keenya guyyaa
saanbataa waan gaarrii hojjechuun eeyyamamaadha akkuma jedhe kan
dhukkubsatan gaafachuu Mat.12÷12, gara mana qulqullummaa deemuun
boqonnaa lubbuu argachuu Mat.11÷28, warra hiyyeessaaf kennuu, foon isaa fi
dhiiga isaa fudhachuun isaa wajjin jiraachuu Yoh.6÷56, Ibr.4÷11. Kana malees
ji’aa ji’aan guyyoonni kabajamaan 12 Qulqulluu Mikaa’elii 21 Qulqulleetti
Durbee Maariyaamii 29 ayyaana Gooftaa keenya Iyyasuus Kiristoosidha.
Ajaja 4ffaa
14
Abbaa fi Haadha kee kabaji
Ajaja jaalalaa isa jalqabaati. Warra /hangafoota keenya akka kabajuu qabnu ajaja
S.Bahu.20÷12, Mat.15÷4, Mat.19÷18, Efe.6÷1-4. Abbaa fi haadha yeroo
jedhamu kan dhalan qofa osoo hin ta’iin namoota hundumaa kabajuu jechuudha.
Isaanis bakka lamatti qoodamu.
1. Abbaa foonii
a. Warra keenya Ibr. 12÷9, S.uma.2÷24
b. Abbaa gartuu jireenyaan gosa tokkoo Yoh.4÷12
c. Abbaa nama guddise S.uma.4÷20
d. Namoota umurii warra keenyaan jiran 1Qor.4÷15
e. Barsiisaa barnootaa
f. Bulchitoota biyya Rom.13÷7, 1Phex.2÷17
g. Jaarsolii S.Lew.19÷32, 1Phex.1÷2
h. Abbaa buddeenaa
2. Abbaa afuuraa
a. Abbaa lubbuu
b. Lubboota
c. Barsiisota wangeelaa 1Qor.4÷15, 1Xim.5÷17, 1Tes. 5÷12
d. Abbootii fi haadhotii qulqulloota Dan.7÷27
e. Abbaa kiristinnaa fi haadha kiristinnaa
Kabaji (አክብር)
Abbaa fi Haadha kabajuu jechuun jaallachuu, ajajamuufii, gargaaruu,
salphisuu /qaanessuu dhiisuu jechuudha S.Lew.19÷3, S.kees.deb. 27÷16, Qol.
3÷20 . Kunis:-
Maatii keenyas ta’e warra kaan kabajuu qabna. Mat.15÷1, Fak.22÷23, Sir. 3÷11.
Haa ta’u malee ajajni kun warrootiis ta’e namoota biro Waaqayyoo wajjin kan
walitti buusu fi wal lolsiisudha.yoo nu ajajanis Waaqayyoo caalaa isaaniin qofa
jaallachuu fi kabajuun hin barbaachisu 1Sam.20÷31,Mat. 10÷35-37,Mat.19÷22
Karaa barbaachisaa ta’een abbaa fi haadha ofii kabajuun umurii akka dheeressu
ajajni 4ffaan kun nu barsiisa.S.Bah.20÷22, Efe6÷1-3 Waaqayyoonis ni gammachiisa
Fak.23÷25, Qol.3÷20. abbaa fi haadha ofii kabajuu diduun kakuu durii keessatti
nama adabsiisa ture S.bah.21÷15,S.Kees.21÷18-21. Har’as abbaa fi haadha ofii
kabajuu dhiisuuWaaqayyoo ni dheekkama. Abbaa fi haati ijoollee isaanii gorsuun
itti dheekkamuun guddiisuu akka qaban malee akka hin taanetti gidirsuun
15
barbaachisaa miti Efe 6÷4, Qol.3÷21. Ijoolleen sagalee Waaqayyoo dhagahan
haadha isaa ni boqochiisa Siraak.3÷9-10.“Eebbi abbaa hortee ijoollee ni fayyisa
abaarsi haadhaa garuu, hundee buqqisa” jedhu mitii abbootiin.
Ajaja 5ffaa
Mat.19 ÷18, Rom. 3÷9, Ya’iq. 2÷11 ilaala. Ajjeechaan hojii foonii waan ta’eef
lubbu baastoonni mootummaa Waaqayyoo hin dhaalan S.kees.24÷16, Mat.5÷21.
16
dhiigni namootaa dhangala’ee hin hafu S.uma. 4÷9-15. “Haloon kan kooti” waan
jedhuuf haloo bahuuf deemuun hin eeyyamamne Rom.12÷19.
Ajajni hin ajjeesin jedhu hiikkoo afuuraan yeroo ilaalamu hamilee namaa xuquun
/jecha hin barbaachifne dubbachuun hin ajjeesin jechuudha.Namni Waaqayyoorraa
akka adda bahee fagaatu jireenyi afuuraa isaa akka du’u gochuun
cubbuudha.Kanaafuu, barumsa sobaatiin lallabbii biyya lafaatiin namoonni akka
Waaqayyoorraa fagaatan gochuun lubbuu buusuu jechuudha.“Diyaabiloosiin
jalqabarraayyuu lubbuu baasaa ture” kan jedhameefkanaafi Yoh.8÷44. Sagaleen
Waaqayyoo “natti kan amanan isaan xixiqqoo keessa tokkooyyuu kan gufaachiise
hunduu dhagaan baaburaa morma isaatti hidhamee qilee galaanaatti dhidhimuutu
isaaf wayyaa ture” Mat.18÷6 jechuun nu barsiisa.
Mataa / ofii keenya akkuma jaallannu hundaa namoota biros jaallachuu qabna.
Du’uu akkuma hin barbaadne karaa namoonni itti du’an qopheessuun hin
barbaachisu “obboleessa isaa kan jibbu inni lubbu baasaadha” jedha 1Yoh.3÷15.
Kiristinnaan ofii keenya dabarsinee laachuun namaaf du’uu malee namaa jibbuun
akka ajjeesnu nu hin barsiisu Yoh.15÷12. Namoota goyyomsuun jaalalaan ofitti
dhiyeessuun jibbiinsa ibsuun ajjeechaadha. Kun amala bofaati. Yohaannis
cuuphaan nuti ijoollee Abirahaam jechuun kan boonaa tutraniin “Isin ijoollee
mar’ataa /bofaa” jechuun isaan komateetra Mat. 3÷7. Ofis ajjesuun dhorkaadha
S.uma.5÷9. kunis of raraasuun, bishaan of buusuun, suummii dhuguun, rasaasaan
of rukutuun, dabalataanis machiin, araadaan, jimaan /caatiin, sijaaraan, ejjaan, ulfa
baasuun ajjeechaadha.
Ajaja 6ffaa
1. Sanyii isaanii akka bakka buusanii fi dachee akka guutaniif S.uma 1÷27-28
2. Walii isaanii akka gargaaraniif S.uma.2÷18
3. Ejjarraa akka fagaataniif 2Qor. 7÷8-9
Gaa’ellii beekamtii maatii isaanitiin ta’uu qaba/ sirni gaa’elaa ifatti beekamuu
qaba Mat.19÷5. Gooftaan keenya mana cidhaatti argamee akkuma eebbise sirni
gaa’elaa mana kiristiyaatti dhiyaatee beekamee eebbifamuu qaba Yoh.2÷1-2.
17
Seexanni akka isaan hin qorrees waliin ta’uu qabu 1Qor.7÷2-6. Wal kabajuu wal
jaallachuu akka qaban Efe.5÷331Phex.3÷1-7.
Ka’umsa jechuun madda, bu’uura, jalqaba waan tokkoo jechuu yeroo ta’u madda
ka’umsa sagagalummaa beekuun barbaachisaadha. Isaanis:- dhugaatii, fiilmii,
meeshaalee sagaagalaa, baala sammuu namaa hadoochan, kitaabolee sagaagalaa,
sirba bultii halkanii fi kkf.
Kana malees yaada, quufanii nyaachuu, hawwii, haala uffannaa, waliin dudubbii,
waitti dhiyaacuu, wali ilaaluu, wallaansoo walqabuu, wali hammachuu fi kkf
hunduu qaama qulqulluu ta’e ni xureessu.
Namni tokko tokkoo ol yoo fuudhe ykn heerumte ni sagaagale/te jedhama. Kan
abbaa manaa hiiktes kan fuudhe ni sagaagale Mar.10÷2. “Tokkoon tokkoon
dhiiraa haadha warraa mataasaa haa qabaatu; dubarris abbaa warraa mataashee haa
qabaattu” 1Qor.7÷2
18
Amantii jijijjiiruun sagaagaluudha Mat.12÷18. yeroo yerootti hiriyaa jijjiiruun,
sinsinnaa’uun tokkotti murtaa’uu dadhabuun, waan hin arganne hawwuun,
Waaqayyoon dhiisanii gara waaqa tolfamaa deemuun sagaagaluudha.
Ajaja 7ffaa
Namni gahee dhuunfaa isaa hin qabu taanaan jireenyi isaa hannaaf saaxilama
/afeerama. Gaheen dhuunfaa otuu hin eegamu ta’ee addunyaan kun waliin ishee
hin beekatu jireenya fokkisaa taati turte. Namani qabeenyaa mataai saa qabaachuu
qaba.
19
1. Amanuu dhabuu
2. Waaqa sodaachuu dhabuu
3. Hawwii
4. Gocha seexanaatiin kaka’uun hatuudha. Mat.19÷18
Ajaja 8ffaa
Namarratti Sobaan ragaa hin bahin
20
Waaqayyoo ajaja kana kan kenneef namootni maqaan isaanii, ulfinni isaanii,
jireenyi isaanii eegamee akka jiraatuufidha. Ajajichi abbootii seera,
himatamtootas, ragoolees ni ilaallata. sababni isaa ulfinaa maqaa gaarii namaa
kan xuqu waan ta’eef ulfina keenya eeggachuuf ragaa ta’anii dhiyaachuun
qormaata guddaadha. Ragaan sobaa arrabaan, barreeffamaan, mallattoon, beekaa
callisuun, ragaa sobaa kennuun raawwatama. Waaqayyo nama hundumaa
kabajaa jedha 1Phex.2÷17
Sobaan ragaa bahuu jechuun kan ijaan hin agarre fi gurraan hin dhageenye
kan hin beeknee fi waan hin qulqulleessine akka nama sirriitti beekuutti
dubbachuu raaguu jechuudha.karaa biro immoo waan iccitii ta’e irraan kan hafe
dhugaa jiru dubbachuu ifaatti baahuu dhiisuun akka sobaan ragaa bahuutti
ilaalama.
- Galata
barbaachaaf
-Barsiifataaf /waan shaakalanii fi kkf ta’uu danda’a.
Namni sobu al tokkichatti waan sadii balleessa
1. Mataa isaa of ni miidha. S.kes.deb. 19÷16-20
2. Nama itti raga bahe ni miidha.Fak.25÷18
3. Nama raga bahuuf sana ni miidha 1Mot.20÷22-25
a. Soba kakaadhaan mirkaneessuuf yeroo yaalu maqaa Waaqaa akka malee waan
waamuufidha.
b. Nama itti raga bahe ajjeechaan itti murtaa’uu danda’a ykn beenyaa guddaan itti
muraahee maallaqnii fi qabeenyaan isaa bojambojamuu danda’a.
c. Naasuun fi aariidhaan du’uu danda’a. Yeroo kana maqaa Waaqayyoo akka
malee hin waamin, hin ajjeesin, hin hatin kan jedhu hunduu ni diigama.
Kanaafuu, sobdummaan yakka guddaadha Fak.26÷12.
21
Kiristiyaanni dhugaa dubbachuu /raaguu qaba malee garbicha sobaa ta’uu hin
qabu. Sobaan maqaa hiriyaa, ollaa, mana hojii fi kkf qilleensarratti bubbachuun
cubbuudha. Jaalalan kiristiyaan- ummaa dhugaaibsuun dubbachuu malee
hammachuun, komatamuun hin barbaachisu.
-Dhugaan Waaqa biraati, sobni Diyaabiloos biraati. Soba dubbataan hojiin ilma
seexanaa tahuu isaa beekuu qabna Yoh.8÷44. Kiristoos barumsa isaa irratti
dhugaadhaan dhugaa, sobaan soba /kijiba jedhee barsiiseera Mat. 5÷37. Arrabni
sobaan Waaqa fuulduratti jibbamaadha Fak.12÷19. Carraan nama sobduu du’a
du’umsaa ramacii ibiddaan guutamedha Mul. 21÷8. Q/Pheexiroos “Bara gaarii
arguu barbaadu arraba hamaarraa of haa dhorku 1Phex. 3÷10, Far.33÷2-16.
Raajota sobduu
Kaayyoo sobaa waan garaagaraatiin kaka’uun abjuu fi mul’ata dharaatiin, ykn raajii
sobaatiin akkasumas lallabbiin namoota goyyomsuun ajaja kana diiguudha.
Gooftaan keenya raajotni sobduun akka maqaa isaatiin ka’an /dhufan barsiseera
Mat.24÷14-26. Waaqayyoo kakuu moofaa keessatti raajota sobduu fi dhuga baatota
sobduu mormaa tureera S.kes.deb.18÷20, 2kit.seena 18÷22, Erm.14÷14.
Waaqayyoo sobaa fi arraba sobaa baayyisee ni jibba; dhugaa waarra hojjetan garuu
isa biratti jaallatamoodha Fak.21÷22. Hojii sobaa kan hojjetan Waaqayyo isaan
dhabamsiisa Far.5÷6, Fak. 21÷23. Soba ofirraa fageessuun namootaa wajjin
dhugaa waliin haa dubbannu Efe.4÷25.
Ajaja9ffaa
Hin hawwin jechuun barbaaduu qofa osoo hin ta’iin hin yaadin hin fedhiin
jechuudha. Dabalataanis ajajni kun namni seera akka sodaatuuf qofa otuu hin ta’iin
sammuu isaatti akka madaaluu fi qalbeeffatuufidha. Hawwiin ulfooftee cubbuu
dhalti cubbuunis erga guddattee booda du’an dhalti Ya’iq.1÷14. Hawwiin cubbuu
salphaa miti. Erga hawwamee yeroo fi bakkatuu hin eeyyamne malee hamma
dalagametti lakkaa’ama. Namootni sagaagalummaatti kan kufan ajaja hin hawwin
jedhu dursanii yeroo cabsanidha. Gooftaan keenyas “gara dubaraa kan ilaale hunduu
kan hawween yeruma sana laphee isaatiin ishee waliin sagaagaleera” jechuun
hawwuun sagaagala akka ta’e ibseera Mat.5÷28. Kiristiyaanni hawwii foon isaa
22
ajjeese haalli mijataan akka Yoseef yoo mijateefuu hojii hamaa Waaqa duratti hin
hojjetu eeboo sagaagalaa jalaa ni baqata S.uma.30÷7-18. Kanaaf, irraa fagaachuu
nama barbaachisa 1Xim.6÷9-11. Hawwiin foonii cubbuu miidhaa guddaa qabudha.
Jireenya keessan isa duraa yaadachaa hawwii nama goyyomsu kan dabu qaama isa
durii dhabamsiisuu qabna Efe.4÷22. Kanaafuu, hawwii miirota foon keenyaa isa
biyya lafaa ajjeesuun Kiristoosii wajjin fannifamuun cubbuudhaaf osoo hin du’iin
Kiristoos keessa keenyatti mo’u hawwii hamaan yeroo sana ni bada Qol. 3÷5, Gal.
2÷20. Kitaaaba qulqulluu keesatti hawwiin Addaamii fi Hewaaniin, mooticha
Daawwitii fi kkf dogongorseera. Hawwiin gara dalagaatti akka jijjiramu kan dhiibu
cubbuu kufaatii namaa hin baarechinedha. Hawwiin fedhii foonii waan ta’eef du’a
namatti fida Rom.8÷12.
Gooftaan keenya Iyyasuus kiristoos hin hawwin kan jedhe waan hamaadha malee
waan gaarii miti Mat.6÷33, 1Qor.14÷1. Hawwiin hojii hamaan kan namarratti
mo’icha argatu yeroo namni hojii hiiku waan ta’eef hojii hiikuun mataan isaa
yakkadha. “Monokseen hojii dhabe qoobii isaa ciree hadha” akkuma jedhamu.
Mana namaa jechuun manaa isaa qofa osoo hin ta’in waan mana isaa keessa jiran
hundaa kan hammatudha. Kunis bakka 4tti qooduu dandeenya.
Kanaafuu, namni hojii dinqii Waaqayyoo arguuf yoo hawwe, sagalee isaa isa
aannan hawwuu nageenya fi jaalala gamtummaa hawwuun barbaachisaadha.
Ajaja 10ffaa
23
walqixedha. Waaqayyoo ilma isaa tokkichaan addunyaa kana jaallate Yoh.3÷16,
Rom.5÷10. akkuma kana namnis walii isaa jaallachuu qaba. Hojiinis ifuuti
qaba.1Yoh. 3÷8, ya’iq. 2÷15-16. Nama kan gargaarru jireenya foonii fi
afuuraatiinidha.
Jireenya fooniitiin
Kana qofa osoo hin ta’iin jaalalaan nama biroof dabarsanii of laachuun akka malu
Gooftaan keenya lubbuu isaa jaallewwan isaaf dabarsee laachuu kan caale seerri kan
biroo hin jiru jedheera Yoh.15÷13.
24
abboommii kurnan barsiisaa turan. Caaftoonnii fi Farisoonni seera Musee fi Raajotaa
keessaa otuu aangoo hin qabaatin barsiisaa turan. Kakuu haaraatti garuu, Gooftaan
keenya abbaa seeraa waan ta’eef “ani isiniin jedha” ykn “dhuguma dhugumaan isiniin
jedha” jechuun abbaa aangoo waan ta’usaa barsiisaa ture Mat.7÷28-29. Kanaafuu,
seerri kakuu haaraa seera jaalalaa jedhama Mat.5÷1-44, Mat.25÷42-43.
Kakuu haaraa jechuun bara araaraa, bara haaraa, kan Gooftaa keenya Iyyasuus
Kiristoosin hundeeffame jechuudha.
Mootiin tokko akkuma mootummaa isaa mijeeffateen seera biyya isaa labsatu;
Gooftaan keenya qulqullootni eenyufaa akka ta’an bifa labsiitiin waan dubbateef
abbootiin mana qulqullummaa Labsiiwwan qulqullootaa jedhanii moggaasaniiru.
25
1. Afuuraan hiyyeessa kan ta’an qulqulloota, mootummaan Waaqayyoo
kan isaaniiti.
Afuuraan hiyyeessa kan ta’an qulqulloota jechuun hiyyummaan isaanii kan
afuuraa akka ta’e hubachuun barbaachisaadha.
Hiyyimmaa afuuraa jechuun haamileen isaaniitiin, beekumsarraa, hubannoorraa fi
kkf kan hiyyooman, homaa kan hin baranne, eenyummaa isaanii kan hin beekne
jechuu otuu hin ta’in hundumaa osoo qabanii garuu, kan mataa isaanii otuu hin
ta’in kan Waaqayyoo ta’uu isaa beekanii fi amananii kan qaban hundumaa kan
Waaqayyooti kan jedhan ani hiyyeessa kan ofiin jedhan jechuudha. Namni
akkuma qullaa garaa haadha isaatii bahe gara dhufetti qullaa isaa deebi’ee deema.
Kan isaa kan ta’e tokkollee hin qabu Iyob.1÷21. kan nutty arganne qabeenyaa,
beekumsa, gammachuu fi nageenyi hafee nutiyyuu kan Waaqayyooti. Dacheen
hunduu kan Waaqayyooti Far.23÷1. Egaa kana ta’uu isaa erga beeknee hundi
keenya hiyyeessa ta’uu keenya beekuu qabna. Qabeenyaa fi dureessummaa,
aangoo fi ulfina, beekumsaa fi gammachuu, nageenya...yoo qabaanneeyyuu kan
keenya waan hin taaneef Waaqayyo akka kennetti hundumaa karaa sababa garaa
garaatiin deebisee fudhachuu ni danada’a. Maarree yeroo kana warri akka Iyyoob
afuuraan hiyyeessa ta’an “Waaqayyootu kennee isaatu fudhate, maqaan
Waaqayyoo kan galateeffatame haa ta’uu” jedha Iyob.1÷21. Qulqulluun
Daawwiti gubaa’ee fuulduratti Waaqayyoon yeroo galateefatettiulfinni, aangoon,
qabeenyi, humni fi jabinni kan Waaqayyoo ta’uu isaa ibsuun dubbateera
1Kit.Seena.29÷11-16. Kanaafuu, afuuraan hiyyeessa ta’uun kasoomina laphee
cabaa / gadi of qabaa ta’eera dhufudha. Afuura gadi of qabaa fi laphee cabbaa
immoo Waaqayyoo hin tuffatu.Waaqayyoo gara namoota hubataa fi sagalee
isaatiin jiraatan ni ilaala. Afuura gadi of qabaa fi laphee cabbaa namaa wajjin
bakka filatamaa fi qulqullaa’aa ta’e taa’aa Far.50÷17, Isa.57÷15. hundumaa
dhiisanii Gooftaa hodofanii mataa isaanii hiyyoomsuun hiyyeessa afuuraa
jedhamu.Gooftaan keenyaas hunduu kan isaa ta’ee otuu jiruu nuti sooressa akka
taanuuf nuuf jedhee hiyyeessa ta’eera 2Qor.8÷9.
Kanaarraa ka’uun duuka buutotni hundumaa dhiisanii Gooftaa duukaa bu’aniiru.
Hundumaa jechuun jalqabarratti of ganuu itti aansee abbaa, haadha, obbooleessa,
obboleetti, ijoollee, qabeenyaa dhiisuu jechuudha. kunis sababa wangeelaatiin kan
ka’e kan biro tajaajiluuf malee sababa kamiinuu biraaf miti. Kana yeroo jennu ni
dhabna jechuu osoo hin ta’iin jireenya keenya guutuu kan nu barbaachisu
Waaqayyo biraa arganna jechuudha. Qulqullichi Phaawuloos “nuti hiyyeessa
yeroo taanu baayyee immoo dureessa ni taasifna. Waan tokko kan hin qabnae
yeroo taanu hundumtuu kan keenyadha” jedheera.2Qor.6÷10. egaa kan qabnu
hunduu kan keenya ta’uu erga beeknee kan Waaqayyoo Waaqayyoof kennuu
qabna. Waaqayyos karaa warra hiyyeessa fi liqaa hin deebineen mul’ata. Yoo
kana goone mootummaan Waaqayyoo kan keenya ta’a Mat.25÷35-46 haa ilaallu.
2. Warri gaddan qulqulloota, jajjabina argatuuti
Akka eeyyama Waaqayyootti warra gaddan jechuudha malee gadda biyya lafaa
yaadachuun kan Gaddan miti. Waa’ee cubbuuf gaabbanii boo’uun /gadduun
barbaachisaadha. Gaddi biyya lafaa garuu, du’a namatti fida 2Qor.7÷9-10. Kana
26
malees namoota badaniif gadduun ni barbaachisa. Gooftaan keenya saba baayyee
yeroo argetti akka hoolaa tiksee hin qabnee dhiphatanii waan isaan argeef isaaniif
gadde Mat.9÷36. Namoota rakkatan, hiyyummaa fi dhukkuba keessatti kufaniif
gadduu qabna. Irra caala, warra seera Waaqayyoorraa fagaatanii cubbuudhaan
badaniif boo’uu fi gadduu qabna.
Gaddi bakka sadiittii qoodama.
1. Cubbuu ofii yaadachuun gadduu boo’uu. Fkn. Addaam fi Q/Pheexiroos
2. Waa’ee cubbuu namootaa yaadachuun gadduu boo’uu. Fkn. Saamu’eel
waa’ee Saa’ool ni gadde ni boo’e 1Sam.16÷1-3
3. Waa’ee du’aa Ilma Waaqayyooyaadachuun boo’uu qabna.
Gooftaan keenya waa’ee magaalaa Iyyerusaalem ni boo’e Luq.19÷41. kun
hundumtuu akka eeyyama Waaqayyootti gadda ta’udha haala kaan namni gaddu
Kiristoositti ni jajjabaata. Q/Daawwitis “boo’ichaan warri facaasan gammachuu-
dhaan ni haammatu /funaannatu” jechuun ibseera.Far. Kunis biyya lafaa kanatti
sababa kiristiyaanummaan qormaata adda addaan namoota gaddanidha.
Q/Pheexiroos, galataaf, ulfinaaf kan nama geessisu ta’uuisaa dubbateera
1Phex.1÷6-7.
Gosa kamiinuu haa ta’u namootni akka eeyyama Waaqayyootti yoo gaddan,
boo’an Waaqa isaan jajjabeessu abbaa jaalalaa gooftaa Waaqayyo imimmaan
isaanii ni haxaa’aaf, isaan jajjabeessas.Mul.7÷17
27
Gal.5÷22, Qol.3÷12, Tito.3÷1-2 ilaala. Garraamummaa Kiristoosirraa barannee
garraamii yoo taane sagalee qulqulloota jedhamu Gooftaa biraa nuuf kennameera.
Akka sagalee abdii isaatti kan eeggannu samii fi haaraa nu
dhaalchisa.1Phex.3÷13, Mul.21÷1.
Kan dhiifama taasisan jechuun kan garaablaafaan, arjaa kan ta’an dhiifama kan
namaaf godhan jechuudha Efe.2÷4. Waaqayyoo aarsaa caalaa araara jaallata
Hose.6÷6, Mat.12÷7. kanaaf, Waaqayyoo kan nurraa barbaadu araara akka
namaaf goonudha Mik.6÷8. Fkn. Daawwit Saa’oliif, Yoseef obboloota isaaf
akkuma dhiifama godhe nutis warra nu yakkaniis dhiifama gochhuu qabna
28
S.uma.50÷15-24, 1Sam.24÷17-21, 1Sam.26÷21-25. Gooftaan keenyaa fi
fayyisaan keenya Iyyesuus Kiristoos cubbamootaa fi warra qaraxa kutan wajjin
nyaateera. Kana jechuun dhiifama isaaniif godhe jechuudha. warra isa gaafataniin
“dhaqaatii araaraan barbaada aarsaa mitii kan jedhu dubbisaa” ittiin jedhe
Mat.9÷13. Gooftaan keenya cubbamoota hedduuf dhiifama taasiseera. Fkn.
Maariyaam Maqdelaawwit fi Zakkewoos ni caqasamu. Warra fonnoorratti isaa
fannisaniifis dhiifama kadhateeraaf Luq.23÷34. Nutis dhiifama kan goonu yoo
ta’e dhiifama arganna. Waaqayyoo dhiifama kan nuuf godhu yoo nuti dhiifama
kan goonu ta’edha Mat.6÷15. Karaa kan biraa immoo warra hiyyeessaaf
dhiiyama gochuufii gadduufii fi kennuufiidha. Kunis Kennaa
(መፅዋት)dha.Fak.11÷21-31, Hose.14÷3, Rom.5÷6, Mar.10÷46-52, Mat.18÷21-
35 haa ilaallu.Kanaafuu, diina illee yoo ta’e yoo nutty yakke dhiifama gochuufii
yoo beela’e nyaachisuu yoo dheebote obaasuu,yoo rakkate gargaaruu, araara
gochuufiin barbaachisaadha.
29
7. Warri nama araarsan qulqulloota, ijoollee Waaqayyoo jedhamuuti.
Gooftaa keenya Iyyesuus Kiristoos giddu galeessa ta’ee namaa fi Waaqa walitti
araarseera. kan inni g/galeessa jedhameefis kanaafidha 1Xim.2÷5-7,Gal.3÷19-20.
Nutis warra wall ole yeroo araarsinu murtoo jallisuun, tokko gammachiisuun
tokko gaddisuun osoo hin ta’iin g/galeessummaa ta’uu qaba. Gooftaan keenya
nuti diinota isaa otuu taanee jirruukan Abbaa isaafi ofii isaa wajjin walitti nu
araarse dabarsee du’aaf of kennuun dhiiga isaatiin beenyaa kanfaluun Rom.5÷10,
Qol.1÷10-22.
Kan wal lole foonii fi lubbuu, namaa fi nama, maabaraa fi maabara, biyyaa fi
biyya ta’uu danda’a. Kanaafuu, isaan kana erga walitti araarsinee Waaqaawajjinis
walitti araarsuu qabna. Sababni isaa waii isaanii erga wal lolanii Waaqa
isaaniirraa adda bahaniiruti. Waaqayyoo wajjin namoota kan walitti araarsinu
qulqulluu sagalee isaatiin gorsineebarsiifnee deebisuutiin. Waaqayyoo karaa
Kiristoos addunyaa ofitti erga araarse booda sagalee araarsummaa isaa duuka
bu’oota fi hordoftoota isaan taasiseera 2Qor.5÷19. Sagaleen sun har’as waan
jiruuf barsiistonni wangeelaas sagalee /tajaajila araarsummaa kana jabaatanii
raawwachuutu irra jira. S.Lak.14÷13-20, 1Xim.2÷1 haa ilaallu. Haala kanaan
kanneen araara kan buusan hunduu ijoollee Waaqayyoo jedhamu.
Baqni sababa garaagaraatiin biyyaa /bakka beekanii namoota beekan irraa adda
bahanii baqatanii deemuudha. Baqa yeroo jedhamu rakkoo fi gidiraa agarsiisa.
Kiristiyaanni kan baqachuun isa barbaachisu sababa tolummaaf ta’uu qabamalee
cubbuun, sobaan, siyaasaan...ta’uu hin qabu. Gooftaan keenya biyya lafaaf
fayyisaa ta’uuf yeroo dhalatetti hammina Heroodsiin kan ka’e haadha isaa wajjin
gara biyya Gibxitti baqatee ture Mat.2÷13-18. Bara barsiisummaa isaattis
rakkoon yeroo isa mudatu biyya gara biyyaatti deemaa tureera Yoh.4÷1-2.
Bartoosa isaa yeroo barsiisu “magaalaa tokkotti rakkoon yoo dhufe gara birottis
baqadha” jedheera Mat.10÷23. Q/Phaawuloos “dhugaadhaan Kiristoos
Iyyesuusiin Waaqayyoo fakkaachaa jiraachuu kan barbaadan hundaa ni baqatu”
jedheera 2Xim.3÷12. Bartoonni wangeela kan lallaban dhugaa kan dubbatan baqa
baayyeedhaan. Manni kiristaanaa ishee jalqabaa yeroo Isxifaanoos ajjeefametti
baqa guddaatu isa ishee muudatee ture Hoj.duk.8÷20. kana boodaas bara
Wareegamtootaa hundumaa manni kiristaanaa baqarra turte. Kanaafuu, har’as yoo
30
ta’e waa’e tolummaaf baqni yoo nu quunname qulqulloota jedhamna. Biyyaa fi
bakka, mnaa fi qabeenya yoo nutti hafe iyyuu biyya, bakka, dhaala fi mana kan
taate mootummaa samii nu dhaalchisa. Gooftaan keenya waa’ee kanaa yeroo
barsiisu, “maqaa koof jedhee ...haadha manaa isaa ykn ijoollee isaa ykn qonnaa
isaa ykn obboolaa isaa kan dhiise hunduu dacha dhibba tokko argata.jireenya
bara baraa ni dhaala” Mat.19÷29.
1. Obboleessa isaa irratti kan dheekkame hunduu murtootu isaaf ta’a. Mat.5÷27
2. Gara dubbaraa kan ilaale hunduu kan ishee gomja’es yeruma sana laphee
isaatti ishee waliin sagaagaleera.Mat.5÷28
3. Sagaagala malee haadha manaa isaa kan hike ejjituu ishee taasisa.Mat.5÷31
4. Gonkumaa hin kakatin. Mat.5÷33
5. Hamaa hamaan hin deebisin /mormin. Mat.5÷38
6. Diinota keessan jaalladhaa.Mat.5÷43
HUBADHAA
31
jedhu Waaqa dhugaa ta’uu isaa nutti ibsa. Ani garuu jechuun isaa namoota
duriif akkas jedheeniin ture har’a garuu nan jedhe /dubbadhe jechuu
isaati.seera isa duraa sana hin hambisne isuma jabeesse malee. Akkasumas
abbaa aangoo tahuu isaa ittiin mul’ise. Kakuu duriif hin ajjeesin jedha; kakuu
haaraaf immoo obboleessa kee callistee hin ifatin, hin gaddisiisin, hin
arraabsin jechuun balbaloota sababa du’aa ni cufe. Kakuu duriif obboleessa
kee kan jedheef Isaa’eeloota Isaa’eelootaaf ture. Kakuu haaraaf garuu, sanyii
namaa hundumaafidha.sababni hundumtuu ijoollee Waaqayyoo waan
ta’aaniif. Akka malee hin ifatin jechuun isaa sababa malee dheekkamii, jibbii
jechuu otuu hin ta’in seerri Waaqayyoo yeroo diigamu, lubbuun daandii
afuuraa irraa ala yoo bahee argamu gorsuu yoo dide immoo itti dheekkamuu
ifachuun kan barbaachisu ta’uu isaa ibsuu isaati. Obboleessa isaan bututtuu
jedhee kan arrabse dhaddachatti itti murtaa’a jechuun ajjeechaa fi du’aaf
sababa waan ta’aniifidha. Duudaa jedhee kan arrabsu namicha qofaa osoo hin
ta’in Uumaa isaa kan arrabse waan ta’eef mana ibbiddaa akka itti murtaa’u fi
adabbiin isaa cimaa ta’uu nutty hima. Kun yeroo kana ta’u inni ajjeese immoo
adabbiin isaa hagan ulfaataadha laata?
2. Hin sagaagalin seera jedhuuf raawwiin isaa hin ejjin akka jedhame
dhageessaniittu. “Ani garuu, nan jedha; Gara dubbaraa kan ilaale hunduu kan
ishee gomja’es yeruma sana laphee isaatti ishee waliin sagaagaleera.”
Mat.5÷28 sagaagalaa ta’uu qofaan kan namatti murteeffamu miti. Yaada
isaatiin kan gomja’e itti murtaa’a. Namni hojii akka ejju qofa osoo hin ta’iin
laphee isaatti sagaagaluu akka hin qabne ibsa. Namni ijaan ilaaluun, caqasuun,
harkaan xuxxuquun qonxooxuun, hammachuun, miillaan dannasuun laphee
isaatti gomja’uun sagaagaleera. Kun akka hin taaneef meeshaalee ejjaa
dhabamsiisuun ni mala.Mat,5÷29.
Gara dubaraa kan ilaale ni sagaagale jechuun ilaalee hawwuun haa ta’u
jedhee kan hojjete balleessaa natti haa ta’u jedhee kan raawwate jechuudha.
3. Wal hiikuun akka hin barbaachifne seera ibsu
Sagaagala malee haadha manaa isaa kan hiike ejjituu ishee taasisa.Mat.5÷31.
Haadha manaa isaa sababa ejjaa malee kan Hike akka sagaagaltu seeraan ala akka
taatu sababa itti ta’uu isaa dubbate. Ishee hiiktes kan fuudhe ni sagaagala. Abbaa
manaa otuu qabdu gara dhiira biro kan deemte abbaa dhirsa ishee akka
ajjeestetti /lubbuun hin jirretti waan ilaalteef hiikamuu qabdi. Kan Waaqayyo
tokko taasise adda baasterti. Gaa’eelli amaluma isaatiin iccitiidha kunis waan
Waaqayyo hundeesseefidha. Museen barreeffama hiikkaa haa kennamuuf jechuun
hiikkaa eeyyamee ture.S.kes.deb.24÷1. Museen kan kana godheef jabina laphee
namootaaf jedhee akka ta’e Gooftaan keenya caqaseera Mat.19÷7.Gaa’elli
kiristiyaanaa qulqulluu foonii fi dhiiga isaatiin waan chaapefameef hamma
du’aatti amanamummaan waadichi cimutu irra jira.
32
Samiin, lafti, nuunis dabalatee hundumtuu kan Waaqayyooti malee kan keenya
waan hin taaneef maqaa caqasnee kakachuu akka hin dandeenye ajajni kun nutti
ibsa.
Kakaa jechuun waan tokko raga godhachuun maqaa waamuu jechuudha. kakuu
durii keessattis ta’e kakuu haaraa keessatti qulqulloonni tokko tokko dhugaan
ragaa bahuuf jecha maqaa Waaqayyoo kakaan waamaniiru S.uma.21÷23,
1Mot.18, Gal.1÷20. Q/Phaawuloos “Namootni waan isaan caaluun kakatanii
dhimmichas ibsuuf kakaan ta’e sun xumura falmii hundaa ta’a” jedha Ibr.6÷16-
18. Kanaaf sagalee dhugaa ta’e ibsuuf filannoon dhumaa isaan qaban
Waaqayyoon ragaa fi wabii godhachuuf maqaa isaa kakaan waamuun cubbuu hin
qabu. Garuu, sobaan fi wan ta’uufis waan hin taaneefis maqaa Waaqayyoo
callisanii akka malee waamuun kakachuun cubbuudha. Dubbichi dhugaa yoo ta’e
eeyyee jecha, dubbichi sobaa yoo ta’e lakki /mitii jedha jechuun gahaa akka ta’e
Gooftaan Keenya Iyyasuus Kiristoos barsiiseera Mat.5÷37. Q/Ya’iqoobis ergaa
isaarratti “hundumaa dura yaa obboloota koo samiinis ta’e dacheenis yoo ta’e
waan biroon kamiinu hin kakatinaa. Garuu, seera jalatti akka hin kufneef dubbichi
dhugaa yoo ta’e eeyyee dubbichi soba yoo ta’e lakkii jechuu haa ta’u” jechuun
barreesseera Ya’iq.5÷12.
Ani garuu isiniin jedha Hamaa hamaan hin deebisin /mormin. Kan si kadhateef
kenni sirraas liqeeffachuu kan barbaadu jalaa miliqin /faagaatin Mat.5÷38. Ajajni
kun waan hundaa obsaan akka dabarsuu qabnu ibsa. Jallinni kan seexanaati. Kan
Diyaabiloos ittiin ibsamu ta’ee kan dhufe naamusa gaariin mo’achuudha.
Diyaabiloosiin akka ofirraa mormimu aangoon nuuf kennameera Ya’iq. 4÷7.
Hamaa hin morminaa jechuun nama hin morminaa jechuudha. Nama hamaa
deebisaanii mormuun jallina isaa gargaaruudha. Namicha hamaa kan godhe
seexanadha. Nunis hamaa nu gochuuf seexanni namootaan nu qora. Namootaaf
hammeenyaan yoo deebisneef yaadaan waan raawwatameef seexana ofirraa hin
mormine jechuudha. kanaafuu, Gooftaan keenya seera dabataa (የትሩፋትን)
barsiisuun nama hamaaf irra caalaa waan gaarii gochuufii akka qabnu nu barsiisa.
Q/Phaawuloos Rom.21÷21 irratti “hamaa waan gaariin mo’adhaa malee hamaan
hin mo’ataminaa.”jedheera. Ajaja kana kan raawwannuuf humna ykn mormuu
otuu dandeenyu jaalala keenyaan dadhabaa/gowwaa of gooneeti. Safartuun
jireenya kiristaanummaa naamusa gaariif bitamuu keenya kan ibsu ajaja kanadha.
Gooftaan Keenya Iyyasuus Kiristoos yeroo arrabsamuu deebisee hin arrabsine;
yeroo mormaniin deebisee hin mormineen Mat.27÷12-14, 1Phex.2÷23.
Kiristiyaanni biyya lafaarratti hamoo mormuurraa kadhachuufiitu mala.
33
Qulqullootaa fi cubbamootarratti qixa rooba isaa roobsaati Mt.4÷44. Kakuu
durii keessatti diina kee jibbi warra si jaallatan jaalladhu seerri jedhu
ture.Gooftaan keenya garuu, seera kana gara seera “diinota keessan
jaalladhaa” jedhutti jijjiireera. Abbaa keenya isaa samiif ijoollee isaa akka
taanuuf diinota keenya jaallachuutu nu barbaachisa. Waaqayyoo kan nu
jaallate du’a Ilma isaatiin kan nutty araarame cubbuu keenyaan diinota isaa
taanee otuu jirruuti Rom.5÷8-10, Qol.1÷2-22. Kanaafuu, Waaqayyoo akkuma
nu jaallate ijoollee isaa akka taanuuf walii keenya wal jaallachuun
barbaachisaadha. Warra nu jaallatan kan jaallannu kan nu jibba kan jibbinu yo
ta’e Ayihudootaa fi warra Waaqa hin beeknerraa maaliin adda baana? Kun
diina dabalatee nama hundumaa jaallachuun mallattoo kiristiyaanotaadha.
Q/Phaawuloos “diinni kee yoo beela’e nyaachisi yoo dheebote obaasi” jedha
Rom.12÷20. Akkasumas diinota keessan jaalladhaa ajajni jedhu warra isin
abaaran eebbisaa, warra isin jibbaniis waan gaarii godhaafii ,warra isin
ari’ataniif kadhadhaa jechuun ibseera Rom. 12÷14. Jaalalli kiristiyaanaa inni
dhugaan kan ittiin beekamu diina isaa jaallachuun. Seerri kiristaanaa
gonkomaa fi balballi ishee dhiphoodha.
Jechootni Wangeelaa Jahan armaan olitti ilaalle abboommiiwwan kurnan
waliin kan ilaalaman yeroo ta’an karra biraammoo Jechoota Wangeelaa Jahan
jedhamuun kan waamaman kan biro akka ta’an Gooftaan keenya yeroo
lammaffaaf gara biyya lafaa yeroo dhufunamoota kan inni gaafatu kan armaan
gadiiti. Isaanis namoota hundumaa godhamuu fi raawwatamuu kan qaban
ta’uu isaanii ibseera. Nama kan ta’e hunduu jaallatee fedhee ykn dirqamamee
raawwachuukan qabudha.
Jechoota Wangeelaa Jahan
1. Beela’een ture na nyaachiftanii
2. Dheebodheen ture na obaastanii
3. Ari’atamaan ture na simattanii
4. Daareen ture na uffistanii
5. Dhukkubsadhee na daawwatanii
6. Hidhameen ture na gaaffataniittuudha.
1. Beela’een ture na nyaachiftanii
Yeroof beela’ee otuu jiruu; mataa isaafi rakkoosaa kan itti obsu, itti dagatu
kan dhamdhamu kennuu agarsiisa. Warri rakkayan mana kiristaanaatti,
mandara keessa, daandiirraa, suuqa suuqatti kufanii argamu. Maqaa
Waaqayyoo waamuun nu kadhatu. Karaa biraammoo amantootni sagalee
Waaqayyoo dhagahuu beela’anii jiru. Mana kiristiyaanaarraa kan dhamdhame
hunduu waan barate barsiisuun sagalee Waaqayyoo nyaachisuu akka qabu
agarsiisa. “Namni buddeena qofaan hin jiraatu sagalee Waaqayyootiin malee”
Mat.4÷3, S.Bahu.8÷3. Akkasumas foonii fi dhiiga Waaqayyoo fudhachuu
barbaadee kan beela’e ta’uu danda’a. Yeroo yerootti qulqulluu qurbaanaa
amantootaaf kennuun dirqama lubootaati. Gosni beelaa baayyeedhaati, manni
34
kiristiyaanaa waan hundaan guutuu waan taateef barumsaanis qurbaananis
nyaachistee obaastee ni quubsiti ni sugeessiti.
5. Dhukkubsadhee na daawwatanii
Namoota dhukkubsatanii bakka xabalaa, mana yaalaa, mana isaanii ciisanii
dhibeedhaan gidiraman waan humni keenya danda’uu yaadaan, maallaqaan fi
kkf niin daawwachuun, gaafachuun harki dhiifama Waaqayyoo akka isaanitti
dhiyaattu Waaqayyoon kadhannaa keenya guyyaa guyyaa keessatti
yaadachuun Waaqayyoo si haa maaruu jechuun barbaachisaadha. Karaa kan
biraa sagalee Waaqayyoo dhabuun lubbuu dhukkubsachuu dandeessi. Sagalee
jireenyaa / Waaqayyoo nama /lubbuu dhukkubsatteef kennuun sagalee isaatiin
jajjabeessuun gaafachuun barbaachisaadha.
35
Nama hidhame daawwachuun, dubbisuun rakkoo isaa gaafachuun hubatanii
furufii yaaluun hojii kiristaanaa isa guddaadha. Gooftaan keenya yeroo
barsiisaa turetti warra dhibee fooniin hidhamanii turan gaafatee hiikaa ture.
Warra cubbuutiin foonii fi lubbuun xaxamanii hidhamanii turan hiikaa
fayyisaa ture. Nutis kan hidhaman akka malee kan murtoo jallaan itti
murtaahe mana hidhaa keessa jiranii fi gidiraman gaafachuu Waaqayyoo isin
haa hiiku jechuu qabna. Lubbuu keenyaan kan hidhamne funyoo cubbbuutiin
kan hidhamne baayyee waan taaneef sagalee isaa isa hiikkoodhaan wal
gaafachuu qabna. Inni jabaataan isa dadhabe gaafachuun hidhaa cubbuu
keessaa hiikuun barbaachisaadha.
Jechoota Wangeelaa Jahan kana kan kabajan hojiin kan ibsan Gooftaan
keenya yeroo ulfina teessoo isaatiin dhufu ulfinaan yeroo isaan simatu “isin
kana naaf gootaniittu” yeroo ittiin jedhu; kiritiyaanoonni warri naamusa
gaariin bareedanii miidhagan “yaa Gooftaa yoom kana siif goone?” Jechuun
sagalee kasoominaa agarsiisu. Mootii samii kan ta’e Gooftaan keenya
Kiristoos garuu, “kana hundumaa obboloota koof warra rakkataniif kan
gootan akka naaf gootanittan isinii lakkaa’a.” jechuun dubbateera.
Mat.25÷31-40
Tolummaa jechuun:-
Guddaa kan ta’e miira afuuraa argachuu ykn ittiin jiraachuu jechuudha.
Seera naamusa gaarii hundumaa raawwachuuf qulqullina fi jaalala
Waaqayyoo gonkumaa kan qabu ta’anii argamuudha.
Seexanarratti qaroomuu /mo’acha, mootummaa Waaqayyoo dhaaluuf
gahaa ta’anii argamuu, daandii dhugaarra deemuu, hojii bareedaa
raawwachuudha.
Galata Waaqayyoon jabaatanii dhaabbachuu fi kkf
Amantaa amananitti jabaatanii jiraachuudha.
Hojii gaarii hojjechuuf fedha fi jaalala kan qabu ta’anii argamuudha.
Waan hojjetu kan amanu, kan itti amane kan hojjetu ta’anii argamuudha.
Hojii tolummaaf nama gahu beekuu qofa osoo hin ta’in jabaatanii hojjechuun
tolummaan ni argama Ya’iq.2÷21-24, Rom.2÷13.
36
Hojii qulqullinaa tajaajila Waaqayyoof oolu, jiraachuu Waaqayyoof,
Waaqeeffannaan Waaqayyoo kan ittiin ifan kan ta’anidha. Hojii tolummaa
kan kallatiin waa’ee isaa dubbatan ykn hojjetaman:-
Barsiifata ykn araada adda addaa ofirraa fageessuun of adabuu miira ofii
sassaabuu barbaachisaadha.1Yoh.2÷16.
37
Tooftaa ittiin qorumsa seexanaa mo’annu
Gosoota cubbuu
XUMURA
38
Gooftaan keenya Iyyasuus Kiristoos “samiirra kan jiru jaalala Abbaakoo
kan raawwatu malee yaa Gooftaa kan nan jedhu hunduu mootummaa
Waaqayyoo kan galu miti” jedheera.Mat.7÷21. Kanaafuu, naamusa gaarii
qabaachuun hojii gaarii hojjechuun gahee kiristiyaanaati.
BOQONNAA LAMA
Jireenya Hawaasummaa
Naamusni gaariin eessatti raawwatama?
Maatii jechuun gaa’ela qulqullinan kan hundeeffame ta’ee, walii isaanii, ijoollee fi
isaan waliin jiraatanidha.
Maatii kiristiyaanaa adda kan taasisu seera mana kiristiyaanaan takailiiliin ykn
qurbaanaan hundeeffamuu isaati.
A. Gahee maatii
Ijoollee isaanii naamusa gaariin guddisuu, adeemsa guyyaa keessatti kallattii
qabsiisuu, hojjettoota mana isaanii otuu of hin jibbisiisin jireechisuutu irraa
eegama.
Maatiin (abbaa fi haadha) itti gaatatummaa bahuun qabxilee armaan gadiin
geggeeffamuu qabu.
1. Jaalalaan
- Efe.2÷4 “isin yaa abbootii ijoollee keessan gorsa fi dheekkamsa
Waaqayyootiin guddisaanii malee hin gaddisiisinaa /aarsinaa.”
2. Xiyyeeffannoo kennuu
Ijoolleen xiyyeeffannoon tokkoon tokkoo hojii hojjetan hordofuun isa sirrii
gaariidha isa dogongoraa sirrii miti jechuun barbaachisaadha.
o Ijoolleen yeroo hundaa hordoffii ni barbaadu.
39
o Waliin mai’achuu, waliin haas’auu,kaayyoo isaanii gara fuul duraa
hodofuun hubachuu.
3. Barsiisuu
- Barumsa amantaa barsiisuu qabna.
4. Hojiin agarsiisuu
- Ijjoolleetti itti himuu caalaa itti agarsiisuudha.
- Ijoollee ganamaa fi galgala kadhachuu, guyyaa dilbataa sirna qulqulleessurratti
argamuu, irbaatarratti kadhachuun nyaachuu, hojiin agarsiisuun nu
barbaachisa. Fkn. Abarihaam Yisihaaqiin, Yisihaaqii immoo Yaa’iqoobiin
agarsiisaniiru ajajamanirus. Abbaan keenya Yaa’iqoob abbootiin isaa lamaan
Abarihaami fi Yisihaaqi fuula Waaqayyoo duratti akkadeemaa turan seeraa
isaa akka kabajan yeroo dhugaa bahetti akkas jedhe; “abbootiin koo
Abarihaami fi Yisihaaqi fuula isaa dura kan deemaniif inni Waaqayyo
ijoollummaa kootii wwgalee kan na nyaachise Waaqayyo waan hamaarraa kan
na fayyise Ergamaan inni ijoollee koo na naaf eebbisi.” S.uma.48÷15.
B. Abbaa manaa fi haadha manaa
Abbaa manaa haadha manaaf
Efe. 5÷22 “Warri haadha manaa taatan abbaa manaa keessaniif ajajamaa...”jedha.
Saraan Abiraahamiin “gooftaa koo” jettee waamaa turte. 1Phex.3÷5-6, S.uma. 2÷18.
Abbaa manaa haadha manaaf
Ijoolleen warraaf
Ajajamoo ta’uu qabu.
Eebbifamoo ta’uu qabu
-1Xim.5÷8 “... waa’ee maatii isaa kan hin yaadne eeynumtuu... kan hin
amanne caalaa hamaadha.”
-Efe.6÷2-3
-S.Kes.deb. 6÷16 “Umuriin kee akka dheeratuuf barri kee gaarii akka siif
ta’uuf haadha kee fi abbaa kee kabaji.”
40
41