ST.

JOHN THE BAPTIST PARISH

PINAGLABANAN,SAN JUAN CITY

BANAL NA ORAS SA UNANG BIYERNES NG BUWAN

HUNYO 2015
(Kapistahan ng Mahal na Katawan at Dugo ni Kristo)
(Banal na Oras para sa Taon ng mga Dukha)

Matapos ng post communion prayer, susundan ng announcements, sasabihin

ng commentator ang mga sumusunod, habang inihahanda ang altar.

Tagapagdaloy:

Minamahal na mga kapatid, ang Eukaristiya ang siyang pinaka-

bukal at pinaka-rurok ng pagsambang Kristiyano. Sa
pamamagitan ng pagtanggap natin sa Mahal na Katawan at Dugo
ni Kristo sa Eukaristiya, pinag-iibayo’t pinagtitibay natin ang
tipang nagbubuklod sa atin sa Diyos bilang mga kasapi ng
Kanyang bagong Hinirang na Bayan, ang Simbahan.

Sa gabing ito, muli tayong nagtitipon bilang isang pamayanan sa

pananalangin at pagninilay sa harap ni Hesus sa Kabanal-
banalang Sakramento. Halina’t dumulog tayo sa kanya ng may
malinis na kalooban, nakababatid sa kabanalan ng kaloob na
biyayang ating tinatanggap, at nakalaang gawin nating tunay na
Eukaristiya ang ating buhay lalong lalo na para sa mga kapatid
nating dukha at kapus-palad.

Lumuhod po ang lahat.

Koro:

O SALUTARIS HOSTIA

PAGTATANGHAL NG SANTISIMO SAKRAMENTO

The presider places the host in the monstrance. After placing incense
in the censer, the presider kneels and incenses the Blessed Sacrament.
Then the following invitation to praise is said.
PAANYAYA SA PAGSAMBA

Fr. Herbert:

Purihin natin ang Diyos na ating Ama,

Diyos ng sang-nilikha at larawan ng habag at awa.

Bayan:

Purihin at pasalamatan ang Diyos, magpakailanman.

Fr. Herbert:

Purihin natin si Hesukristo, ang Tinapay ng buhay,

Siya ang bukal ng lahat ng biyaya at pagpapalang kaloob sa tanan.

Bayan:

Purihin at pasalamatan ang Diyos, magpakailanman.

Fr. Herbert:

Purihin natin ang Espiritu Santo, ang Mang-aaliw,

Espiritung bumubuhay at gumagabay sa kawang hinirang.

Bayan:

Purihin at pasalamatan ang Diyos, magpakailanman.

Ilang sandaling katamikan.

PAMBUNGAD NA PANALANGIN

Fr. Herbert:

Manalangin tayo.

Panginoong Hesukristo na nasa Kabanal-banalang Sakramento sa

Altar, masdan at kahabagan Mo po kaming naririto ngayon sa
Iyong harapan, nawa ang aming pagsamba at pagtanggap ng Iyong
Banal na Eukaristiya ay magbuklod at magpalakas sa amin bilang
tapat Mong mga alagad. Hinihiling namin ito sa Iyo, ikaw na

2
 nabubuhay at naghaharing kasama ng Ama at ng Espiritu Santo
ngayon at magpasawalang-hanggan.

Bayan:

Amen.
Tagapagdaloy:

Magsiupo po ang lahat at ating pakinggan ang Salita ng Diyos

Lector:

PAGBASA MULA SA SULAT SA MGA HEBREO

9:11-15

Mga kapatid, dumating na si Kristo, ang Dakilang Saserdote ng bagong

tipan. Siya’y naglilingkod doon sa sambahang lalong dakila at walang
katulad, hindi ginawa ng tao, alalaong baga’y wala sa sanlibutang ito.
Minsan lamang pumasok si Kristo sa Dakong Kabanal-banalan, at iyo’y
sapat na. Hindi dugo ng mga kambing at bisirong baka ang kanyang
dalang handog, kundi ang sariling dugo, sa ikapagpapatawad ng mga
kasalanan natin.

Ang dugo ng mga kambing at mga toro at ang abo ng dumalagang baka
ay iwiniwisik sa mga taong itinuturing na marumi. Sa gayon, sila’y
nagiging malinis ayon sa Kautusan. Ngunit higit na di hamak ang
magagawa ng dugo ni Kristo. Sa pamamagitan ng walang hanggang
Espiritu ay inialay niya sa Diyos ang kanyang sarili na walang
kapintasan. Ang kanyang dugo ang lumilinis sa ating puso’t isip upang
talikdan na natin ang mga gawang walang kabuluhan at paglingkuran
ang Diyos na buhay.

Ang Salita ng Diyos.

A period of silence is observed after the reading. After 5 minutes, the choir sings.

SALMONG TUGUNAN

Koro: TINAPAY NG BUHAY (Ikaw Hesus ang Tinapay ng Buhay…)

After the song, a period of silence is observed.

PAGNINILAY

Tagapagdaloy:

3
 Manatili pong nakaupo ang lahat at tahimik na magnilay.

A period of silence is observed. After 5 minutes, the choir sings

alleluia

Tagapagdaloy:

Tumayo po ang lahat at makinig sa pagpapahayag ng Mabuting

Balita.

GOSPEL VERSE

Aleluya! Aleluya!
Pagkaing dulot ay buhay, si Hesus na Poong mahal.
Buhay natin s’ya kailanman.
Aleluya! Aleluya!

MABUTING BALITA

ANG MABUTING BALITA NG PANGINOON AYON KAY SAN MARKOS (14:12-

16.22-26)

Unang araw ng Pista ng Tinapay na Walang Lebadura, araw ng pagpatay

ng kordero para sa Paskuwa. Tinanong si Hesus ng kanyang mga alagad,
“Saan po ninyo ibig na ipaghanda namin kayo ng Ha- punang
Pampaskuwa?” Inutusan niya ang dalawa sa kanyang mga alagad,
“Pumunta kayo sa bayan. May masasalubong kayong isang lalaki na
may dalang isang bangang tubig. Sundan ninyo siya sa bahay na
kanyang papasukan at sabihin ninyo sa may-ari, ‘Ipinatatanong po ng
Guro kung saang silid siya maaaring kumain ng Hapunang
Pampaskuwa, kasalo ng kanyang mga alagad.’ At ituturo niya sa inyo
ang isang malaking silid sa itaas na mayroon nang kagamitan. Doon
kayo maghanda para sa atin.” Nagtungo sa bayan ang mga alagad at
natag- puan nga nila roon ang lahat, gaya ng sinabi niya sa kanila. At
inihanda nila ang Hapunang Pampaskuwa. Samantalang sila’y
kumakain, dumampot ng tinapay si Hesus, at matapos magpasalamat
sa Di- yos ay kanyang pinaghati-hati at ibinigay sa mga alagad. “Kunin
ninyo; ito ang aking katawan,” wika niya. Hinawakan niya ang kalis, at
matapos magpasalamat ay ibinigay sa kanila; at uminom silang lahat.
Sinabi niya, “Ito ang aking dugo ng tipan, ang dugong mabubuhos dahil
sa marami. Sinasabi ko sa inyo, hindi na ako iinom ng alak na mula sa
ubas hanggang sa araw na inumin ko ang bagong alak sa kaharian ng
Diyos.” Umawit sila ng isang imno, at pagkatapos ay nagtungo sa
Bundok ng mga Olibo.

4
Ang Mabuting Balita ng Panginoon.

HOMILIYA
After the homily, a period of silence is observed.

PANALANGIN NG BAYAN

Fr. Herbert:

Nagpapasalamat sa Ama sa dakilang kaloob ng Eukaristiya at

taos-pusong nananalig sa walang hanggang awa ng ating Banal na
Tagapagligtas na si Hesukristo, tayo ngayo’y magdulog sa kanya
ng ating mga panalangin at kahilingan: Panginoon, dinggin mo
kami.

Namumuno:

Upang ang Simbahang laganap sa buong daigdig sa pamumuno ng

Santo Papa, mga Obispo, mga pari at mga relihiyoso ay patuloy
na makisangkot sa mga programang tutugon sa pangangailangan
ng mga maralita at maging sandigan nawa sila ng mga
pinagkakaitan ng katarungan, manalangin tayo sa Panginoon.

Namumuno:

Upang ang mga namumuno sa bawat bansa ay magkaroon ng

iisang layunin; ang damayan ang mga bansang nagdaranas ng
ibayong kahirapan sa gayo’y mahango sila mula sa pagkaalipin sa
mga bagay na kanilang kinakailangan, manalangin tayo sa
Panginoon.

Namumuno:

Upang ang bawat tahanan ay maging unang paaralan ng mga bata

at kabataan, kung saan sila huhubugin ng kanilang mga magulang
sa tunay na pakikipag-kapwa na nagpapakita ng pagpapahalaga,
pagmamalasakit at pagmamahal para sa lahat, manalangin tayo
sa Panginoon.

Namumuno:

5
 Upang tayong lahat na naririto ay maging mabubuting halimbawa
sa pagsasabuhay ng diwa ng mga aral ni Kristo na ibigin ang
kapwa at huwag pagkaitan ng tulong ang mga aba, manalangin
tayo sa Panginoon.

Fr. Herbert:

Ama naming makapangyarihan, bukal ng kapangyarihan at diwa,

gawaran mo kami ng lakas at galak na mapagpala upang patuloy
kaming makapaglingkod sa iyo bilang mga alagad ni Kristo kasama
ng Espiritu Santo ngayon at magpasawalang hanggan. Amen.

Fr. Herbert:

Bilang isang pamilya, tumawag tayo sa Ama sa pamamagitan ng

panalanging itinuro ni Hesus sa atin.

Koro: AMA NAMIN

After the Lord’s Prayer, the congregation kneels for the Benediction.

PANGWAKAS NA PANALANGIN AT
BENDISYON NG BANAL NA SAKRAMENTO

Tagapagdaloy:

Magsiluhod po ang lahat.

Koro: TANTUM ERGO

Fr. Herbert:
Panem de coelo praestitisti eis.

Bayan:
Omne delectamentum in se habentem.

Fr. Herbert:

Oremus:

Deus, qui nobis sub sacramento mirabili,

passionis tuae memoriam reliquisti:

6
 tribue, quaesumus, i
ta nos corporis et sanguinis tui sacra mysteria venerari,
ut redemptionis tuae fructum in nobis
iugiter sentiamus.
Qui vivis et regnas in saecula saeculorum.

Bayan:

Amen.

After the prayer the presiding minister puts on the humeral veil,
genuflects, and takes the monstrance. He then makes the sign of the
cross with it over the people in silence.

PANALANGIN SA MAHAL NA PUSO NI HESUS

Fr. Herbert:

Mahal na puso ni Hesus, sa harap ng malalim na sugat at

pagkasira ng aming bayan, kami ay hinahamon mong muli na
harapin ang mga suliraning naming ito ngayon.

Kami’y sugatan; ang aming mga puso’y wasak at nanglulupaypay.

Kailangan namin ang iyong Puso, O Panginoon, sa paghahanap
namin ng lunas upang maging buo muli.

Tangan ang aming pananampalataya sa iyo at ang aming

pagmamahal sa bayan, ibig naming makiisa sa iyong gawain ng
pagpapanibago ng kalooban ng mga tao, ng bawat pamilya, mga
ugnayan at ng lipunan.

Sa kapangyarihan na nakapagbabagong dulot ng iyong pag-ibig,

kami’y nakatatagpo ng bagong lakas, ng tibay ng lakas ng loob, ng
alab ng puso na magbabago sa buhay namin at ng aming bayan.

(Maaaring banggitin ang mga pansariling kahilingan.)

Puso ni Hesus, puspos ng pag-ibig, dalangin namin ay lakas ng

loob at pagtitiyaga.

Puso ni Hesus, puno ng karunungan, turuan mo kaming

manalangin at gumawa na may pag-asa at pag-ibig sa lahat ng
sandali. Amen.

7
 Mahal na puso ni Hesus, kaawaan mo kami.
Kalinis-linisang puso ni Maria, ipanalangin mo kami.

R. Amen.

PAGBABALIK NG SANTISIMO SAKRAMENTO SA TABERNAKULO

PANGWAKAS NG AWIT

ISANG PAGKAIN, ISANG KATAWAN, ISANG BAYAN