Exaltation of the Holy Cross Parish

Sta. Peregrina Chapel

Pagdirirwang ng Banal na Misa para sa Tradisyon na Koronasyon ng
Mahal na Patrona Nuestra Señora de La Sta. Peregrina
(Ito ay gaganapin matapos ang panalangin pagkapakinabang)
ANG LITURHIYA NG KORONASYON NG MAHAL NA PATRONA
NUESTRA SEÑORA DE LA SANTA PEREGRINA

Namumuno: Ngayon po ay gaganapin natin ang Koronasyon ng ating Mahal na

Patrona Nuestra Señora de La Santa Peregrina.

(Papasok ang may dala ng korona at may hawak ng bugkos ng bulaklak.)

Namumuno: Magsiluhod po ang lahat.

Manalangin tayo.
Namumuno: O Maria aming Ina, kami ay lubos na nagpapasalamat sa walang
sawang pag-ibig na iyong ibinibigay sa aming iyong anak. Kami ay
tiklop tuhod na nagsusumamo at nakikiusap upang ihingi ng
kapatawaran, ang aming mga pagkakasala, sa aming mahal na
kapatid na si Hesus, na lubha nyang ikinalulungkot. Patawad po
Panginoon.

O Ina naming giliw aming iniaalay sa’yo, ang pinagsama-sama at

binugkos ng aming pagmamahal, ang mga bulaklak na ito bilang
aming handog ng pakikipagtipan sa’yo at sa aming Mahal na
Panginoong Hesus.

(Iaalay ang bulaklak.)

Namumuno: Aming Reyna at Mahal na Patrona sa iyong harapan ngayon kami’y

nagtitipon, masayang – masaya at puno ng pag – asa sa buhay dahil
alam namin na nandyan ka gaya ng ginawa mong pagdalaw sa iyong
pinsang si Elizabeth. Sinamahan mo s’ya at pinaglingkuran kahit na
ikaw ay may dala sa iyong sinapupunan, ay di ka nagdalawang isip
na maglingkod. Nawa’y matularan ka namin. At sa inyong paglabas
sa Ehipto, ang puso mo ay napuno ng pag-aalala, na hanggang sa
ngayon ay puno pa rin ng pag-aalala dahil sa amin. Ina, patawad po.

Bilang pagtanaw ng utang na loob o aming Mahal na Reyna at

Patrona, aming mapagpakumbabang iniaalay sa’yo ang korona. Ito
ay simbolo ng aming pamimintuho at masidhing pagsunod sa’yong
mga halimbawa. Ang koronang ito ay ang tanda na ikaw ay
namumuno sa aming puso at isipan. Pamunuan mo ang aming
barangay at patuloy mo kaming samahan sa aming paglalakbay
hanggang kami ay nandito sa lupa. Amen.

(Sa sandaling ito ay tutungo ang Pari sa dala ng korona at ito ay babasbasan, matapos
nito ay tutungo na ang naatasang tao upang koronahan ang Mahal na Patrona Nuestra
Señora de La Santa Peregrina.)

(Sa puntong naipatong na ang korona sa Mahal na Birhen sasabihin ito…)

Namumuno: Bigyan po natin ng masigabong palakpakan ang ating Ina at Mahal

na Patrona Nuestra Señora de La Santa Peregrina.

Pari: SALVE REGINA…