Republic of the Philippines

Department of Education
National Capital Region
DIVISION OF CITY SCHOOLS – MANILA
Manila Education Center Arroceros Forest Park
Antonio J. Villegas St. Ermita, Manila

EDUKASYONG PANTAHAN
AT PANGKABUHAYAN 5

Manahi at Kumita!

Quarter 2 Week 5 Module 5

Pinakamahalagang Kasanayan sa Pagkatuto:
Nakabubuo ng kagamitang pambahay na
maaaring pagkakitaan

1
 PAANO GAMITIN ANG MODYUL

Bago simulan ang modyul na ito,

kailangang isantabi muna ang lahat ng inyong
pinagkakaabalahan upang mabigyang pokus ang
inyong gagawing pag-aaral gamit ang modyul na
ito. Basahin ang mga simpleng panuto na nasa
ibaba para makamit ang layunin sa paggamit nito.
1. Sundin ang lahat ng panutong nakasaad sa bawat pahina ng modyul na
ito.
2. Isulat ang mahahalagang impormasyon tungkol sa aralin sa inyong
kwaderno. Nagpapayaman ng kaalaman ang gawaing ito dahil madali
mong matatandaan ang mga araling nalinang.
3. Gawin ang lahat ng mga pagsasanay na makikita sa modyul.
4. Hayaan ang iyong tagapagdaloy ang magsuri sa iyong mga kasagutan.
5. Pag-aralang mabuti ang naging katapusang pagsusulit upang malaman
ang antas ng iyong pagkatuto. Ito ang magiging batayan kung may
kakailanganin ka pang dagdag na pagsasanay para lalong malinang ang
aralin. Lahat ng iyong natutuhan ay gamitin sa pang-araw-araw na gawain.
6. Nawa’y maging masaya ka sa iyong pag-aaral gamit ang modyul na ito.

MGA BAHAGI NG MODYUL

Inaasahan – ito ang mga kasanayang dapat mong matutuhan pagkatapos

makompleto ang mga aralin sa modyul na ito.
Unang Pagsubok – ito ang bahaging magiging sukatan ng mga bagong kaalaman at
konseptona kailangang malinang sa kabuuan ng aralin.
Balik-tanaw – ang bahaging ito ang magiging sukatan ng mga dating kaalaman at
kasanayang nalinang na.
Maikling Pagpapakilala ng Aralin – dito ibibigay ang pangkalahatang ideya ng aralin
Gawain – dito makikita ang mga pagsasanay na gagawin mo ng may kapareha.
Tandaan- dito binubuo ang paglalahat ng aralin
Pag-alam sa mga Natutuhan – dito mapatutunayan na natutuhan mo ang bagong
aralin
Pangwakas na Pagsusulit – dito masusukat ang iyong antas ng pagkatuto sa
bagong aralin

2
 ARALIN: PANANAHI NG KURTINA

INAASAHAN
Sa pagtatapos ng aralin na ito, ikaw ay inaasahang:
 Nakagagawa ng plano ng proyekto.
 Naihahanda ang tela bago tabasin.
 Nakabubuo ng kurtina na maaaring pagkakitaan.
 Nabibigyang halaga ang natapos na gawain gamit ang rubriks.

UNANG PAGSUBOK
Panuto: Basahing mabuti ang bawat katanungan at pag-isipan. Isulat
ang letra ng tamang sagot sa iyong kuwaderno.

1. Ito ay bahagi ng plano ng proyekto na tumutukoy sa iyong mithiin sa paggawa ng

isang proyekto.
A. Layunin C. Pagpapahalaga
B. Pangalan ng Proyekto D. Talaan ng Materyas

2. Bakit kailangang gumawa ng plano bago isagawa ang isang proyekto?

A. upang lalong sipagin sa paggawa
B. upang lalong gumanda ang proyekto
C. upang makatulong sa pangangailangan ng pamilya
D. upang maiwasan ang pagkakamali at pagkaaksaya

3. Ang tela ay inihahanda bago tabasin, alin ang wastong pagkakasunod-sunod na

hakbang sa pagsasagawa nito?
A. pagbababad, pagpapatuyo, pagbabanat, pagsasampay
B. pagbababad, pagsasampay, pagbabanat, pagpapatuyo
C. pagpapatuyo, pagsasampay, pagbabanat, pagbababad
D. pagsasampay, pagbababad, pagbabanat, pagpapatuyo

4. Anong kampay ang iyong gagamitin sa pagtatabas ng tuwid na bahagi o linya

upang mas maging madali at maayos ang ginagawang proyekto.
A. mahabang kampay C. makapal na kampay
B. maiksing kampay D. makitid na kampay

5. Bakit kailangang ihilbana muna ang mga lupi sa paligid ng kurtina bago tahiin ng
permanente sa makina?
A. upang maging malikhain sa paggawa ng kurtina
B. upang maging maganda ang lupi ng paligid ng kurtina
C. upang maging katamtaman ang tahi ng paligid ng kurtina
D. upang maging madali ang pagtatahi ng paligid sa makina

3
 BALIK-TANAW

Panuto: Pagtapatin ang hanay A at hanay B. Tukuyin ang bahagi

ng makina na nasa larawan. Isulat ang letra ng tamang sagot sa
iyong kwaderno.

HANAY A HANAY B

A. Kidkiran ng sinulid sa bobina

_____1. shuttle

B. Nagpapasikip at
nagpapaluwag ng tahi sa makina
bobbin
_____2.
winder
C. Kaha na lalagyanan ng bobina

tension
_____3. D. Bahaging nasa ilalim ng
regulator
makina na pinaglalagyan ng
bobbin case na may bobina

bobbin
_____4.
case E. Lalagyan ng karete ng sinulid
sa ibabaw ng makina

needle
_____5. F. Humahawak ng karayom sa
clamp
makina

MAIKLING PAGPAPAKILALA NG ARALIN

Ang pagpaplano ang kauna-unahang hakbang na dapat
isagawa bago magsimula ng isang proyekto. Ngayong alam
mo na ang mga kaukulang paghahanda ng makina at
marunong ka na ding magpatakbo ng nito, maaari ka ng
gumawa ng isang simpleng proyektong soft furnishing gaya
ng kurtina. Ang proyektong ito ay makadaragdag ng
kaayusan at kagandahan ng tahanan na maaari mo ring
pagkakitaan. Gumawa ng plano ng proyekto upang maitala
ang mga kakailanganing kagamitan at kasangkapan gayun din
ang mga hakbang sa pagbuo nito

4
 .

Sa tulong ng iyong magulang o nakatatandang kapatid, pumili ng angkop na

telang gagamitin para sa kurtina. Kadalasang may makukulay at kaakit-akit na
disenyo, may katamtamang kapal, matibay, madaling labhan at hindi agad
nangungupas ang mga telang ginagamit sa paggawa ng nito. Sukatin ang haba at
lapad ng bintanang paglalagyan upang maiwasan ang pagkakamali at pag-aaksaya.

GAWAIN 1
Panuto: Punan ang mga patlang sa plano ng proyekto sa paggawa ng
kurtina upang makumpleto ito. Piliin ang tamang sagot sa kahon. Isulat sa
iyong kwaderno ang iyong sagot.

Mga Pagpipilian:
Materyales Paggawa ng Kurtina
Rubriks sa Paggawa ng Kurtina Layunin
Hakbang sa Paggawa Larawan
PLANO NG PROYEKTO

1
I. Pangalan ng Proyekto: ____________________________________

2
II. ______________ Upang makagawa ng sariling kurtina na maaaring ipagbili.

III. Sketch:

clipart-library.com

3
IV. Talaan ng ______________________ at kagamitan/kasangkapan:
Materyales Halaga Kasangkapan/Kagamitan
1. Tela P 50.00 1.makinang panahian 5. gauge
2. Sinulid P 5.00 2. tape measure 6. aspili
3. meter stick 7. gunting
4. karayom sa kamay 8. pangmarka

4
V. _________________________
1. Ihanda ang tela at mga kasangkapan/kagamitang gagamitin.
2. Sumukat ng tela na 45 X 20 pulgada ang sukat.
3. Tabasin ang tela. Gumamit ng mahabang kampay sa pagtabas.
4. Lagyan ng marka ang laylayan at dalawang gilid na may sukat na 1 sm para sa
unang lupi at 1 sm para sa pangalawang lupi. Lagyan din ng marka ang itaas na
bahagi na may 1 sm para sa unang lupi at 8 sm para sa ikalawang lupi.

5
5. Itupi, iaspili at ihilbana ang laylayan at gilid ayon sa marka ng pataan.
6. Tahiin sa makina ang mga lupi.
7. Itupi, iaspili at ihilbana ang din ang itaas na bahagi ayon sa marka ng pataan.
8. Tahiin sa makina ang mga lupi.
9. Mula sa lupi sa itaas, sumukat, markahan at tahiin sa makina ng 2 sm upang
magsilbing ruffles.
10. Maaaring lagyan ng border o anumang trimmings o palawit sa laylayan upang
makadagdag sa magandang anyo ng kurtina.
VI. Pagpapahalaga:

5
___________________________________

GAWAIN 2
Mayroong mga uri ng tela na umuurong kapag nababasa sa unang
pagkakataon. Nagiging dahilan ito upang hindi na umaakma ayon sa sukat ng
katawan o paglalagyan. Upang maiwasan ang pag-aaksaya at magkakaroon ng
tamang lapat sa katawan ang mga kasuotang gagawin, nararapat na susundin ang
mga kaukulang hakbang sa paghahanda ng tela bago tabasin.

Panuto: Sa tulong ng nakatatanda, tukuyin ang paraan ng paghahanda ng tela

bago tabasin gamit ang mga ipinapakitang larawan. Isulat ang iyong sagot sa
kahon.

6
 GAWAIN 3
Panuto: Sa tulong ng nakatatanda, isagawa ang wastong hakbang sa paggawa
o pananahi ng kurtina. Sundin ang mga pangkalusugan at pangkaligtasang gawi
sa pananahi upang makaiwas sa anumang aksidente o sakuna.

HAKBANG SA PAGGAWA NG KURTINA

1. Ihanda ang tela at mga
kasangkapan/kagamitang gagamitin.

2. Sumukat ng tela na 45 X 20 pulgada

ang sukat.

3. Tabasin ang tela. Gumamit ng

mahabang kampay sa pagtabas.

4. Lagyan ng marka sa kabaligtaran ang laylayan at dalawang

gilid na may sukat na 1 sm para sa unang lupi at 1 sm para
sa pangalawang lupi. Lagyan din ng marka ang itaas na
bahagi na may 1 sm para sa unang lupi at 8 sm para sa
ikalawang lupi.

5. Itupi, iaspili patungo sa

kabaligtaran na papasok
ang tusok upang maiwasan
ang pagkatusok. Ihilbana
ang laylayan at gilid ayon Pag-aaspili
sa marka ng pataan.

6. Tahiin sa makina ang mga lupi.

7. Itupi, iaspili at ihilbana ang din ang itaas na

bahagi ayon sa marka ng pataan.
Paghihilbana
8. Tahiin sa makina ang mga lupi.

9. Mula sa lupi sa itaas, sumukat, markahan at tahiin

sa makina ng 2 sm upang magsilbing ruffles.

10. Maaaring lagyan ng border o anumang trimmings o

palawit sa laylayan upang makadagdag sa magandang anyo ng kurtina.

overstock.com

7
 GAWAIN 4
Panuto: Sa tulong ng nakatatanda bigyang halaga ang iyong natapos na
proyektong kurtina gamit ang rubriks.

RUBRIKS SA PAGGAWA NG KURTINA

Kriterya PUNTOS Marka ng Marka ng Kabuuang

Sarili guro Puntos
3 2 1
A. Ugali sa Nagpakita ng Hindi gaanong Hindi nagpakita ng
paggawa kawilihan sa nagpakita ng kawilihan sa
paggawa kawilihan ng sa paggawa
paggawa
B. Pagsasa- Nasunod nang Mayroong 1 Mayroong 2 o higit
gawa wasto ang lahat hakbang sa pang hakbang sa
ng hakbang sa paggawa ang paggawa ang hindi
paggawa hindi nasunod nasunod
C. Anyo at Malinis at maayos May kaunting Madumi at
pagiging ma- ang natapos na dumi at himulmol madaming
likhain proyekto ang natapos na himulmol ang
proyekto natapos na
proyekto.
D. Pakikipag Naipakita ang Hindi gaanong Hindi nakiisa sa
tulungan sa pakikiisa nakiisa sa nakatatanda sa
nakatatanda nakatatanda sa nakatatanda sa paggawa ng
paggawa ng paggawa ng proyekto
proyekto proyekto
E. Oras ng Natapos sa Nahuli ng 1-2 Nahuli ng 3 o higit
Paggawa itinakdang oras araw sa paggawa pang araw sa
paggawa
Kabuuang Puntos
Katumbas na Porsyento
Antas ng Kahusayan
Kabuuang Puntos Katumbas na Porsyento Antas ng Kahusayan
9 100 % Pinakamahusay
8 97 %
7 94 % Mas Mahusay
6 91 %
5 88 % Mahusay
4 85 %
3 80 % Nangangailangan ng Patnubay

Magkano mo maaaring ipagbili ang tinahing kurtina sa 20% dagdag na tubo?

1. Puhunan: __________________________
2. Dagdag na Tubo (20%): _______________
3. Bayad sa Paggawa: ____Php 20.00______
4. Kabuuang Halaga: ___________________
5. Netong Tubo: _______________________

8
 TANDAAN
Ang pananahi sa makina ay isang kapaki-pakinabang na
gawain na maaaring isagawa ng babae o lalaki. Malaki ang maaring
maitulong sa iyo ng kasanayan sa pananahi sa pagkakaroon ng
pagkakakitaan. Isa na rito ang paggawa ng kurtina.
Ang kurtina, o kortina (mula sa Espanyol na cortina), ay
isang piraso ng tela na ginagamit upang harangan o bawasan
ang liwanag sa isang kwarto o bahagi ng tahanan. Ito rin ang
nagsisilbing damit ng tahanan na lalong nakadaragdag ng
kaayusan at kagandahan sa nito. Maaring maging harang di ito sa
mga alikabok o insekto na maaaring pumasok sa loob ng bahay.
Maging maingat at sundin ang lahat ng mga alituntunin at
hakbang sa pananahi ng kurtina upang maisagawa ito ng wasto at
makaiwas sa anumang aksidente at sakuna.

Paraan ng Paghahanda ng Tela

1. Pagbababad – isinasagawa ito sa pamamagitan ng pagtitiklop nang maayos.
Ibinababad sa malinis na tubig magdamag upang masipsip ito ng tela.

2. Pagpapatuyo – iwasang pigain ang telang ibinabad. Isampay ito ng nakaunat na

hindi nalulukot at hayaang tumulo ang tubig hanggang sa matuyo.

3. Pagbabanat – upang matuwid ang mga hibla ng tela, banatin ito ng paayon,
pahalang at pahilis. Siguraduhin na naunat ang buong bahagi ng tela.

4. Pagpaplantsa – magiging madali at pantay ang pagtatabas ng tela kung ito ay

paplantsahin upang lalong maging makinis at walang lukot.

Pagtatabas ng Tela
Mahalaga na palaging maging maingat at maayos sa pagtatabas ng tela lalo
na sa paggamit ng matalas na gunting. Nakatutulong ito upang maging maayos ang
pananahi. Magtabas sa patag na lamesa gamit ang matalas na gunting pantabas ng tela.
Sundin at tandaan ang paraan at alituntunin sa pagtatabas ng tela.

1. Ilatag nang lapat ang tela sa ibabaw ng mesa.

2. Gumamit ng mahabang kampay sa

paggupit ng tuwid na bahagi at maikling
kampay naman sa mga pakurbang bahagi.

3. Ang nagtatabas ang iikot sa lamesa at

ididiin ang isang kamay habang
nagtatabas upang maiwasan ang pag-
angat ng tela. yourclothdiaper.com

9
 PAG-ALAM SA MGA NATUTUNAN
Panuto: Sagutin ang mga sumusunod na katanungan sa pamamagitan ng
isa o higit pang pangungusap. Maaari kang sumangguni at magpatulong
sa nakatatanda. Isulat ang iyong sagot sa kwaderno.

1.Nais mong gumawa ng isang proyekto. Ano ang iyong unang dapat isagawa bago
simulan ang isang proyekto at bakit?
___________________________________________________________________
___________________________________________________________________

2. Bakit mahalagang ihanda ang tela bago tabasin?

___________________________________________________________________
___________________________________________________________________

3. Bakit kailangang ihilbana ang mga lupi ng paligid ng kurtina bago tahiin sa makina?
___________________________________________________________________
___________________________________________________________________

PANGWAKAS NA PAGSUSULIT

Nais mo bang malaman kung natutunan mo sa iyong aralin at mga gawain?

Halina at sagutin ang mga sumusunod na katanungan sa abot ng iyong makakaya.
Pagkakataon mo na ding ipakita ang iyong katapatan.

1. Ang rubiks ay isang instrumento upang magamit na basehan sa pagmamarka ng

iyong natapos na proyekto. Saang bahagi ng plano ng proyekto ito matatagpuan?
A. layunin C. pagpapahalaga
B. materyales at kagamitan D. sketch o larawan

2. Bakit mahalagang isagawa ang mga hakbang sa paghahanda ng tela bago tabasin?
A. upang maiwasan ang pag-aaspili at paghihilbana bago tahiin
B. upang lalong lumaki at lumapad ito na angkop sa sukat ng proyekto
C. upang maiwasan ang pag-aaksaya at magkakaroon ng tamang lapat
D. upang lalong gumanda at kumintab ang disenyo at maging kaakit-akit

3. Saang bahagi ng tela dapat markahan, ilupi at ihilbana ang paligid ng tela?
A. kabaligtaran C. gitna
B. karayagan D. uriya

4. Bakit kailangang papasok ang tusok ng aspili sa lupi sa paligid ng tela?

A. upang maiwasan ang pag-aaksaya ng tela
B. upang maging pantay ang mga lupi sa paligid
C. upang maging masipag at malikhain sa paggawa
D. upang maiwasan ang pagkatusok kapag naghihilbana

10
5. Ano ang ugaling dapat mong ipakita matapos pahalagahan at mabigyan ng marka
ang iyong natapos na proyekto?
A. Ikahiya at itago sa iba ang natapos na proyekto.
B. Maging malungkot at tanggapin ng maluwag sa kalooban.
C. Gawing basehan ang natapos na proyekto at gumawa na lamang muli.
D. Maging masaya at hayaan na lamang kung ano ang nagawang pagkakamali.

PAGNINILAY

Panuto: Isulat sa iyong kwaderno ang iyong pagninilay tungkol sa mga

paggawa ng kurtina. Maaari kang sumagot ayon sa iyong naiisip at
nararamdaman sa malikhaing pamamaraan.

Mahalaga ang
natutunan ko
sa paggawa ng
kurtina dahil…

11
 SANGGUNIAN
 Plantu.ru, 2019. Retrieved from Gumawa kami ng mga kurtina. https://plantu.ru/tl/kirpich/delaem-
shtory-dlya-doma-svoimi-rukami-kak-sshit-shtory-krasivo-i-bystro/
 OnlineFabricStore.net, 2015. Easy DIY Curtains - How to Make a Rod Pocket Curtain
Retrievd from https://www.youtube.com/watch?v=0eMBufvPi04
 The Sewing Room Channel, 2020. Learn How To Make Curtains - The Easy Way
Retrieved from https://www.youtube.com/watch?v=9JtLqsUUY3s
 Treaurie, 2019. How to Make Curtains | SIMPLE Rod Pocket Style
Retrieved from https://www.youtube.com/watch?v=zxXYE8gDrq4&t=68s
 Norie Vilar, 2020 DIY: Paano Gumawa Ng Kurtina | Tutorial Video
Retrieved from https://www.youtube.com/watch?v=ADt2YnoglTw
 Needle Pointers, 2015. Valance - How to Sew a Valance with Ruffled Top
Retrieved from https://www.youtube.com/watch?v=9JtLqsUUY3s
 Ana B. Ventura etal, 2006. Paghahanda ng Makina Bago Manahi. Makabuluhang Gawain sa Edukasyong
Pantahan at Pangkabuhayan 5. pp 264-71
 Dr. Lourdes R. Quisumbing etal. 1987. Pananahi. Umunlad sa Paggawa 5 Patnubay ng Guro sa
Edukasyong Pantahanan at Pangkabuhayan. pp 99-108

MANAGEMENT AND DEVELOPMENT TEAM

Schools Division Superintendent: Maria Magdalena M. Lim, CESO V
Chief Education Supervisor: Aida H. Rondilla
CID Education Supervisor: Carmelina D.M. Tan
CID LR Supervisor: Lucky S. Carpio
CID LRMDS Librarian II: Lady Hannah C. Gillo
CID LRMDS PDO II: Albert James P. Macaraeg

Editor: Fe B. Bele
Writer: Frida Tolentino-Obinguar, MT-II

SUSI NG KASAGUTAN
Netong Tubo: Php 31.00 5.
Kabuuang Halaga: Php 86.00 4.
Bayad sa Paggawa PHp 20.00 3.
Dagdag na Tubo: Php 11.00 2.
Puhunan: Php 55.00 1.
GAWAIN 4:

5. C
4. D
5. F 5. D
3. A 5. Pagpapahalaga
4. PAGPAPLANTSA 4. C 4. A
2. C 4. Hakbang sa Paggawa
3. PAGBABANAT 3. B 3. A
1.C 3. Materyales
2. PAGPAPATUYO 2. A 2. D
PAGSUSULIT: 2. Layunin 1. A
1. PAGBABABAD 1. D
NA 1. Pangalan Ng Proyekto TANAW PAGSUBOK
PANGWAKAS GAWAIN 2: GAWAIN 1: BALIK UNANG

12