Professional Documents
Culture Documents
Almarez - Ang Magmamani
Almarez - Ang Magmamani
PANGKAT: HE-3B
ANG MAGMAMANI
Teofilo Sauco
3. Ang naging kaganapan ba sa bawat kabanata ay maaaring mangyari pa rin sa panahon ngayon?
Ipaliwanag.
SAGOT: Sa aking palagay, ang ilang mga kaganapan sa bawat kabanata ay nangyayari pa rin sa panahon
ngayon. Nangyayari ito sa iba;t ibang sitwasyon at pagkakataon sa buhay. Ang unang unang kaganapan na
nangyayari sa panahon ngayon at patuloy na lumalaki ang bilang ay ang maagang pagbubuntis ng isang
babae na magdadala sa kanya sa maraming pagsubok sa buhay. Dahil sa hindi ito pinag isipang mabuti at
nagpadalos-dalos sa mga desisyon at nagpadala sa tukso maaaring makagawa ang isang babae ng mga
bagay na labag sa kanyang kalooban gaya ng ginawa ni Tentay sa kanyang anak. Dagdag pa rito ay ang
kawalang paninindigan ng isang lalaki matapos niyang buntisin ang isang babae. Hindi maipagkakaila na
nangyayari ito sa panahon ngayon sapagkat hindi pa sila handa sa ganitong bagay. Ang pangalawang
kaganapan na king napansin na nangyayari pa rin sa panahon ngayon ay ang pagsasakripisyo sa ngalan ng
pag-ibig. Hindi lang pag-ibig sa iisang tao, kundi pag-ibig para sa pamilya at sa mga magulang. At ang
pangatlo at pang-huling kaganapan na nangyayari sa panahon ngayon ay ang pagpapatawad. Tulad nalang
ng ginawang pagpapatawad ni Ninay, matapos niyang malaman lahat ng katotohanan. Tunay ngang
napakahalaga ng pagpapatawad sapagkat ito ang makakapagbigay ng payapang isip at masayang buhay
para sa isang tao.
SAGOT: Sa pagsisimula pa lang ng nobela, makikita na agad ang mabigat na suliranin at desisyon na
ginawa ng isa sa mga tauhan at ito ay nang ipaampon ni Tentay kay Ingkong Pinong ang kanyang anak
sapagkat sabi nga ni Ingkong Pinong maaaring ayaw nitong malagay siya sa kahihiyan. Sa pagkakaroon ni
Ingkong Pinong ng isang sanggol, hindi niya ito mabigyan ng pangunahing pangangailangan ng isang
sanggol at iyon ay ang gatas ng isang ina kaya’t napagpasiyahan niya na humingi ng tulong sa kanyang
suki na kakamatay palang ng sanggol at nagtataglay pa ito ng gatas. Ang kapalit ng gatas na iyo ay isang
bakol na mani. Lumaki si Ninay sa pangangalaga ni Ingkong Pinong, masaya naman siya sa buhay ngunit
may pagkakataon na naghahanap siya ng kalinga ng isang ina. Napagpasyahan ni Ingkong Pinong na bago
magpakasal ni Ninay kay Luis ay nais niya munang pag aralin sa kolehiyo si Ninay na kung saan ay nandoon
rin si Madre Victoria/Tentay. Doon naramdaman ni Ninay ang tunay na pangangalaga at pagmamahal ng
isang ina. Itinuring niyang pangalawang magulang si Madre Victoria na lingid sa kaalaman niya ay ito ang
kanyang tunay na ina.
5. Alin sa mga suliranin ng bawat tauhan ang kaya mong batahin? Ipaliwanag
SAGOT: Ang suliranin ng bawat tauhan na kaya kong batahin ay ang wagas at tunay na pagmamahal ni
Tentay gayundin ay ang pagpapatawad at pagtanggap na ipinagkaloob ni Ninay matapos niyang malaman
ang lahat ng katotohanan. Bilang isang babae, isa sa pinakamasayang yugto ng ating buhay ay ang
magmahal at ang mahalin, ngunit kaakibat ng pagmamahal na iyon ay ang pagpaparaya at pagsasakripisyo.
Kagaya ni Tentay, kaya ko ring magparaya at magsakripisyo para sa lalaking minamahal ko lalo na at alam
kong iyon ang ikakasiya niya at ikabubuti ng lahat. Sapagkat naniniwala ako na lahat naman ng nangyayari
sa ating buhay ay may dahilan at may balik na mas maganda pa sa inaakala natin. Ang pangaalwang
suliranin na kaya kong batahin ay ang pagpapatawad. Tunay na mahirap ngang magpatawad lalo na at
sobrang bigat ng nagawa ng isang tao sa atin, ngunit hanggat hindi tayo nagpapatawad tayo lang din ang
mahihirapan. Dala-dala natin sa ating pangaraw-araw na buhay ang mga sakit na dinulot ng nakaraan kung
hindi natin mapapatawad ang taong nananakit sa atin. Opo, hindi madali ang pagpapatawad. Hindi naman
dapat ito minamadali, ito ay dapat idaan sa proseso sapagkat ang pagpapatawad ay magdadala sa atin sa
masayang buhay at payapang isip.
6. Alin ang pinaka ayaw mong mangyari sayo kung ang pag-uusapan ay ang pinakamabigat na suliranin?
Ano ang gagawin mo para di na ito maulit?
SAGOT: Ayon sa aking mga nabasa, ang puno at dulo o ang pinakamabigat na suliranin sa nobela ay ang
di inaasahang pagbubuntis ni Tentay at ito ang pinaka-ayaw ko na mangyari sa akin. Ayaw kong mangyari
ito sa akin, sapagkat ito ang magiging dahilan ng pagka-antala ng aking pangarap at pangarap ng pamilya
ko para sa akin. Opo, pagka-antala at hindi pagkasira sapagkat maaari pa rin naming ituloy ang pag-aaral
kahit may supling na ngunit doble yung bigat at pagsubok na mararanasan ng isang babae kapag nangyari
yun. At may pagkakataon naman na nawawala na ang suporta ng magulang pag maagap nabuntis ang isang
babae na magdudulot ng tuluyang pagkasira ng kaniyang pangarap sa buhay. Bilang isang babae na may
mataas na pangarap, hinding hindi ko hahayaan na mangyari sa akin ang nangyari kay Tentay sapagkat
hindi ito maganda para sa kinabukasan ko at magiging kinabukasan ng pamilya ko. Minsan na rin akong
umibig, nasaktan at nagpatawad ngunit hindi naman nangyari sa akin ang ganitong bagay sapagkat pinag-
iisipan ko muna ang mga desisyon ko sa buhay. Para di na maulit sa akin tulad ng nangyari kay Tentay ay
uunahin ko munang mag-aral ng mabuti. Mas binibigyan ko ng halaga ngayon ang aking mga pangarap
para sa sarili ko at sa pamilya ko. Tinuruan ako ng buhay pag-ibig na lahat ng bagay ay may tamang panahon
at hindi natin dapat madaliin ang umibig, sapagkat darating at darating ang tao na para sa atin.