Taon 37 Blg.
54 Magdamagang Pagdiriwang ng Pasko ng Muling Pagkabuhay (B) — Puti
K adalasan, iniuugnay natin ang
gabi at kadiliman sa kasa-
maan. Mayroon ngang isang sikat
na pelikula at isang kilalang Hal-
loween series sa telebisyon na
ang pamagat ay “Gabi ng Lagim.”
Kadalasan, takot ang mga bata na
maiwan nang mag-isa sa dilim.
At kahit matatanda na tayo, nag-
iingat pa rin tayo at natatakot sa
mga lugar na madidilim dahil
baka may itinatago itong pan-
ganib at kapahamakan.
Gayunpaman, kung babalikan
natin ang kasaysayan ng kalig-
tasan, tulad ng gagawin natin
sa mga pagbasa sa pagdiriwang
na ito, maraming mahahalagang
pangyayari ang nangyari sa gabi
tulad ng pagtawid ng mga Israelita
sa Dagat na Pula, pati na ang
pagsilang ni Hesus sa Betlehem.
Kahit nga ang paglikha sa san-
libutan ayon sa aklat ng Genesis
ay nagsimula habang “dilim ang
bumabalot sa kalaliman...”
Kaya hitik sa simbolismo ang
liturhiya ngayong gabi na nagsi-
simula sa kadiliman. Babasbasan
ang apoy at sisindihan ang kandi-
lang Pampaskwa na sumasagisag
sa liwanag ni Kristong Muling
Nabuhay. Unti-unti, ang apoy
ng kandilang ito, ang liwanag
O GABING MAS
Maliwanag Pa
SA UMAGA!
Leo-Martin Angelo R. Ocampo, OP
ni Kristo, ay kakalat at pupuno sa
buong simbahan. Sa ating paki-
kinig sa mga pagbasa, unti-unti
ring naipapaliwanag sa atin kung
bakit kinailangang pagdaanan ni
Hesus at ng buong sangkatauhan
ang lahat ng hirap at pagdurusa.
Sa pagdiriwang ng binyag, sina-
sariwa natin ang ating pangakong
talikuran ang kadiliman at mamu-
hay sa liwanag, at sa hapag ng
Eukaristiya, pinagsasaluhan natin
ang ating kaligtasan.
Ito ang gabi na pinakabanal
sa lahat ng gabi. Ito ang gabi na
pinakamahalaga sa buong ka-
saysayan ng tao. Mas banal at
mahalaga pa ito sa gabi ng Pasko
ng Pagsilang dahil ito ang dahilan
kung bakit nagkatawang-tao at
isinilang ang Panginoon. Ito ang
gabi ng Pasko ng Muling Pagka-
buhay na naging saksi sa ating
pagtawid bilang bayang hinirang
ng Diyos mula sa kasalanan at
kamatayan tungo sa buhay na
walang hanggan. Ito ang gabi
kung kailan nagsimulang likhain
ng Diyos ang bagong langit at
bagong lupa.
Datapwat bilang mga Kris-
tiyano, hindi na tayo takot sa
dilim. Kahit kamatayan ay hindi
na nakasisindak sa atin, tulad
Marso 30, 2024
ng sabi ni San Pablo sa huling
pagbasa. Ang ating Panginoon
ay nagtagumpay sa kadiliman
at kamatayan, at sabi nga sa
Salmo, kahit kadiliman ay hindi
madilim sa kanya at ang hating-
gabi ay ‘sing-liwanag ng umaga.
(Awit 139: 12). Sa Ebanghelyo,
maliwanag na sinabi ng anghel
sa mga kababaihan na nagpunta
sa puntod: “Hinahanap ninyo si
Hesus, ang taga Nazaret na ipi-
nako sa krus. Wala na siya rito—
siya’y muling nabuhay! Tingnan
ninyo ang pinaglagyan sa kanya”
(Mc 16: 6). Kaya tingnan natin
nga ang pinaglagyan sa kanya.
Gaano man katindi ang hirap
na dinanas niya, at kahit nga
tila tuluyan na siyang nagwakas
sa kamatayan, nanalo pa rin sa
wakas si Hesus. “Wala na siya
rito.” Kinaya niya. Nalampasan
niya.
Kaya tapang at lakas ng loob
ang hatid ng gabing ito sa bawat
isa sa atin upang huwag na hu-
wag tayong mawawalan ng pag-
asa. Gaano man katindi ang
ating pinagdaraanan at prob-
lema sa buhay, kung kakapit
tayo kay Hesus, aakayin niya
tayo sa pamamagitan ng krus
tungo sa muling pagkabuhay.