Sitsit

By: John Paulo Amansec, Andrew Janric Pascual, and Carlos Aaron Tan
St. Matthew Group 2

SCRIPT:

(Naglalakad ang magkakaibigan pauwi galing sa paaralan sa malayong bundok.)

Dante: Uy pare, bagsak nanaman ako sa quiz naten ah. Nakakapagod na nga mag-aral,
nakakapagod pa maglakbay dito.

Luna: Oo nga sayang ako muntik na pumasa.

Dante: Ako wala talaga. Kasalanan ‘to ng bruhang teacher natin. May galit ata sa akin yun.

(Nagpatuloy ang kwentuhan hanggang papalapit na ang paglubog ng araw.)

Dante: Pare ang bagal nyo naman. Baka abutin tayo ng dilim wala pa tayo sa bahay. Ayaw
na ayaw pa naman ni lola na abutin ako ng gabi sa labas.

Dante: Ay hehe… Mga tropa saglit lang pala naiiihi ako. Hanap muna tayo ng pwedeng
maihian dito sa gilid ng mga puno.

Luis: Ano? Ikaw tong panay reklamo ikaw pa tong iihi ngayon. Sige na bilisan mo.

(Nagpunta sa lilim na lugar si Dante habang nagpapabantay sa kaniyang mga kaibigan.)

Dante: Hay… Sa wakas, kanina ko pa to pinipigil.

(Biglang lumamig ang simoy ng hangin at napabilis ang pagdilim.)

*psssssssst*

Dante: Hoy Luna, Luis, asan na kayo nagpunta?

(Lilingon na sana sa likod si Dante ngunit naalala niya ang laging paalala ng kaniyang lola.)

Lola: Dante, kapag inabutan ka sa bundok ng mag-isa at may narinig kang sumisitsit sayo.
Kahit na anong mangyari ay huwag mo itong lilingunin. Bilisan mo lang dumeretso at
magpanggap na tila bang walang naririnig.
(Dali-daling tumakbo si Dante sa takot pero narinig niyang nagtawanan ang kaniyang mga
kaibigan.)

Luis: Ano ba yan Dante hahaha. Kung alam mo lang itsura mo, para kang nakakita ng
engkanto hahaha.

Dante: Hoy kayo hindi magandang biro yan ah. Kitang-kita nyo na naabutan tayo ng gabi
nananakot pa kayo.

Luna: Hahaha takot ka lang!

Dante: Lika na nga dalian na natin.

(Nagpatuloy maglakad ang magkakaibigan at may narinig silang nalaglag na bunga ng

puno sa likod.)

Dante: Ano ba to. Tignan niyo kagagawan ninyo nagkandaleche-leche na uwi natin.

*Psssssst*

Dante: Teka. Wag kayong lumingon sa likod-

(Biglang nawala si Luis.)

Dante: Hoy Luna! San na napunta si Luis!

Luna: Hindi ko alam. Natatakot na ako.

Dante: Halika na! Tumakbo na tayo, Dyosko!

*Psssssst*

(Napalingon si Luna sa likod at biglang namula ang mata nito at nag-iba ang kilos habang
naglalakad sa likod.)

(Inumpog ni Luna ang ulo niya sa puno hanggang ito’y mamatay.)

(Labis ang iyak at takot ni Dante sa mga nasaksihan ngunit mas pinili niya pa ring tumakbo
na.)

(Habang tumatakbo ay mayroon siyang natapakan at nadapa ito.)

(Nakita niya ang bangkay ni Luis at siya pala ang kanyang natapakan.)

Dante: DYOSKO! Luis anong nangyari sayo! Huhuhuhu

*pssssst*

(Sa pagkakataong ito ay kaboses ng kaniyang Lola ang sumitsit at lumingon si Dante.)

Dante: Lola? Kayo po ba iyan? Tulungan niyo po ako.

Lola: *Ngumiti, at napalitan ito ng nakakatakot na ngiti habang nag-iiba ang anyo bilang
engkanto*

(Unti-unting lumapit ang Engkanto kay Dante at pinatay na ito.)

-wakas-