BANGHAY ARALIN SA

EDUKASYON SA PAGPAPAKATAO 4

I. LAYUNIN:
Pagkatapos ng araling ito, ang mga mag-aaral ay inaasahang:
a. nakatutulong sa pagpapanatili ng kalinisan at kaayusan ng kapaligiran sa pamamagitan ng:
1. segregasyon o pagtapon ng mga basurang nabubulok at di-nabubulok sa tamang
lagayan;
2. pag-iwas sa pagsunog ng anumang bagay; at
3. pagsasagawa ng muling paggamit ng mga patapong bagay (Recycling)

II. PAKSA:
A. Paksang Aralin: Pagpapanatili ng Kalinisan at Kaayusan ng Kapaligiran
B. Sanggunian: MELC Based (EsP4PPP- IIIg-i-22)
C. Mga Kagamitan: PowerPoint presentation slides, mga larawan, papel, lapis at TV
D. Pagpapahalaga: Pangangalaga sa Kapaligiran

III. PAMAMARAAN:
A. Pangunahing Gawain
1. Drill (Basura ko Isigaw mo-Hephep Hooray!)
Hatiin sa dalawang pangkat ang klase. Ang unang pangkat ay binubuo ng mga
lalaki at ang mga babae naman ang sa pangalawang pangkat. Sisigaw ang unang
pangkat ng “hephep!” kapag nabubulok na basura ang nasa larawan at “hooray!” kung
di-nabubulok para sa pangalawang pangkat.

1. (di nabubulok-hooray) 4. (di nabubulok-hooray)

2. (nabubulok-hephep) 5. (nabubulok-hephep)

3. (nabubulok-hephep)

2. Drill na Tanong
 Ano ang iba-ibang uri ng basura?
 Ano ang halimbawa ng mga nabubulok na basura?
 Ano naman ang sa di-nabubulok?
 3. Pagganyak
Pakinggan ang isang kanta at araling mabuti kung ano ang gustong ipahayag nito.
(https://www.youtube.com/watch?v=Akp0JxHK2Ok&list=PPSV)

Alagaan ang Ating Kapaligiran

ni titser Dada

Kay ganda ng paligid

Kung kalat ay pupulutin
Paligid ay linisin
Basura ay paghiwa-hiwalayin
Reduce, reuse, recycle ating tandaan
Upang basura natin ay mabawasan
Tipid, tipid, tipid ng tubig at kuryente
Ito’y makatutulong
Sa ating kapaligiran
Tayo’y magtanim at ito’y diligan
Mahalin at alagaan
Ang likha ng ating Diyos.

4. Pagganyak na Tanong

 Nagustuhan niyo ba ang kanta?

 Ayon sa kanta, ano ang dapat nating gawin para maging malinis at maayos ang
kapaligiran?

C. Panlinang na Gawain
1. Paglalahad
Magpakita ng isang larawan. Gamit ang dalawang basurahan ng nabubulok at di-
nabubulok, ilagay sa tamang lalagyan ang mga sumusunod na mga basura.

2. Pagpapahalaga

2. Pagpapahalaga
 Bakit kailangan nating maglinis sa ating kapaligiran?
(Tama! Kailangan nating maglinis upang hindi hindi tayo magkasakit at mas
magandang pagmasdan an gang malinis at maayos na kapaligiran.)
  Paano natin maipapakita ang pagmamahal natin sa kalikasan?
3. Pagtatalakay
Tandaan
Mga paraan sa pagpapanatili ng kalinisan at kaayusan sa kapaligiran:
1. Itapon ang basura sa tamang lalagyan.
2. Paghiwalayin ang mga nabubulok at di-nabubulok.
3. gumawa ng compost pit upang ibaon ang nabubulok na basura.
4. gamitin muli o irecycle ang mga gamit na pwede pa.
5. iwasan ang pagsusunog ng anumang bagay.

4. Pagsasanay 1
Sabihin kung ano ang nasa larawan at tukuyin kung TAMA ba ito o HINDI.

1. Pagsusunog ng basura. MALI

2. Muling paggamit ng mga patapong bagay tulad ng plastik.

TAMA

3. Pagreresiklo. TAMA

4. Paghihiwalay ng nabubulok na basura sa di-nabubulok. TAMA

5. Pagtapon ng basura sa ilog. MALI

Pagsasanay 2
 Hatiin sa tatlong pangkat ang klase. Ang bawat pangkat ay may gagawin na
Gawain.
Unang Pangkat (Paghihiwalay ng mga basura!)
Gumawa ng tatlong lalagyan para sa paghihiwalay ng mga basura: isa para sa
nabubulok, isa para sa di nabubulok, at isa para sa recyclable.
Materyales: Larawan ng mga basura, karton, at mga sticker para sa labeling

Pangalawang Pangkat (Paglikha ng poster gamit ang mga larawan)

Gumawa ng isang poster na nagpapakita ng epekto ng pagsusunog sa
kalikasan at sa kalusugan ng tao gamit ang mga larawan. Gamitin ang malaking papel
o kartolina bilang base ng poster.
Materyales: Malaking papel o kartolina, mga larawan, at pandikit.

Pangatlong Pangkat (Pagtatanim ng mga halaman sa basurahan)

Punuin ang mga lumang lata o plastic bottles ng lupa at magtanim ng mga
halaman sa loob nito. I-display ang mga ito sa inyong bahay o sa paaralan upang
magbigay inspirasyon sa iba na pangalagaan ang kalikasan.
Materyales: Lata o plastic bottles, gunting, lupa, at halaman.

5. Paglalahat
 Ano ang dapat gawin sa mga basura? Itapon sa tamang lalagyan at huwag
sunugin.
 Ano-ano ang mga paraan sa pagpapanatili ng kalinisan at kaayusan ng
kapaligiran? Itapon ang basura sa tamang lalagyan. Paghiwalayin ang mga
nabuublok at dinabubulok. Gumawa ng compost pit upang ibaon ang nabubulok
na basura. Gamitin muli o irecycle ang mga gamit na pwede pa. Iwasan ang
pagsusunog ng anumang bagay.
 Ano ang dapat gawin sa patapong bagay na maaari pang gamitin? Iresiklo at
gamiting muli.

D. Pangwakas na Gawain
Gawain (“Basura ko, Itapon mo!”)
Si Nena ay nalilito kung saan niya itatapon ang mga basura. May tatlong
basurahan sa kanyang harapan. Tulungan natin siya sa pamamagitan ng pagsasabi
kung saan niya ito dapat itapon.
IV. PAGTATAYA:
Basahin ng mabuti ang bawat pangungusap at piliin ang tamang sagot.

1. Ikaw ay nakakita ng papel sa iyong bag. Saan mo ito itatapon?

a. kahit saan
b. sa basurahan na may nakasulat na nabubulok
c. sa basurahan na may nakasulat na di-nabubulok

2. Nakita mong nagtapon ng basura kung saan-saan ang iyong kaibigan. Ano
ang iyong gagawin?
a. pagsasabihan mo siya tungkol sa wastong pagtatapon ng basura sa
maayos na paraan
b. gagayahin siya
c. hindi na makikipagkaibigan sa kanya

3. Nakita mong nagwawalis sa inyong bakuran ang inyong nanay. Ano ang
iyong gagawin?
a. hindi mo siya papansinin
b. kukuha ka ng walis at tutulungan siya
c. magkakalat ka dahil alam mong may maglilinis naman

4. Ano ang dapat nating gawin sa ating kapaligiran?

a. sirain
b. abusuhin
c. pangalagaan
d.
5. Ano ang ibig sabihin ng nasa larawan?
a. bawal magsunog
b. bawal kumain
c. bawal magtapon ng basura

6. Anong Gawain ang makakatulong sa pag-iwas sa pagsunog ng basura?

a. pagtapon ng basura sa ilog
b. pagbenta sa basurero
c. paghihiwalay ng basura

7. Ano ang kailangan gawin sa mga plastic na bote pagkatapos gamitin?

a. itapon sa ilog
b. sunugin
c. i-recycle

8. Saan dapat ilagay ang mga tuyong dahoon at balat ng prutas?

a. sa loob ng bahay
 b. sa compost pit
c. sa lamesa

9. Anong uri ng basura ang mga papel?

a. nabubulok
b. di-nabubulok
c. recyclable

10. Ano ang kahalagahan ng pagsasagawa ng muling paggamit ng mga patapong

bagay?
a. makakasira ng kalikasan
b. makakatulong sa kalikasan
c. walang kahalagahan

V. TAKDANG ARALIN:
Gumawa ng isang palamuti sa tahanan o laruan gamit ang mga patapong bagay.

Inihanda ni:

BB. JAMAICA D. ORTIZ

Student Intern

Check & Noted:

MS. ROWIE MILLIAN O. TOLENTINO

Cooperating Teacher