2

Health
Ikalawang Markahan – Modyul 2:
Pangangalaga ng Buhok at Balat
Health II– Ikalawang Baitang
Alternative Delivery Mode
Ikalawang Markahan – Modyul 2: Pangangalaga ng Buhok at Balat
Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon
ng karapatang-sipi sa anomang akda ang Pamahalaan ng Pilipinas. Gayonpaman,
kailangan muna ang pahintulot ng ahensiya o tanggapan ng pamahalaan na naghanda ng
akda kung ito ay pagkakakitaan. Kabilang sa mga maaaring gawin ng nasabing ahensiya o
tanggapan ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand
name, tatak o trademark, palabas sa telebisiyon, pelikula, atbp.) na ginamit sa modyul na ito
ay nagtataglay ng karapatang-ari ng mga iyon. Pinagsumikapang matunton ang mga ito
upang makuha ang pahintulot sa paggamit ng materyales. Hindi inaangkin ng mga
tagapaglathala at mga may-akda ang karapatang-aring iyon. Ang anomang gamit maliban
sa modyul na ito ay kinakailangan ng pahintulot mula sa mga orihinal na may-akda ng mga
ito.

Inilathala ng Kagawaran ng Edukasyon

Kalihim: Leonor Magtolis Briones
Pangalawang Kalihim: Diosdado M. San Antonio

ELEMENTARY MODULE DEVELOPMENT TEAM

Author : Abigail M. Lobo

Co-Author - Content Editor : Marianne R. Cayetano
Co-Author - Language Reviewer : Arlene N. Guiao
Co-Author - Illustrator : Julie G. Nicdao
Co-Author - Layout Artist : Lovely A. Cabillan

DISTRICT MANAGEMENT TEAM:

District Supervisor, Dinalupihan : Rodger R. De Padua, EdD
Principal District LRMDS Coordinator : Florence S. Nicolas
Teacher District LRMDS Coordinator : Jackson G. Forelo
District SLM Content Editor : Imelda C. Sacramento
District SLM Language Reviewer : Nancy S. Escobido

DIVISION MANAGEMENT TEAM:

Schools Division Superintendent : Romeo M. Alip, PhD, CESO V
OIC- Asst. Schools Division Superintendent : William Roderick R. Fallorin, CESE
Chief Education Supervisor, CID : Milagros M. Peñaflor, PhD
Education Program Supervisor, LRMDS : Edgar E. Garcia, MITE
Education Program Supervisor, AP/ADM : Romeo M. Layug
Education Program Supervisor, MAPEH : Maria Theresa C. Perez
Project Development Officer II, LRMDS : Joan T. Briz
Division Librarian II, LRMDS : Rosita P. Serrano

Inilimbag sa Pilipinas ng Department of Education – Schools Division of Bataan

Office Address: Provincial Capitol Compound, Balanga City, Bataan
Telefax: (047) 237-2102
E-mail Address: bataan@deped.gov.ph
 2

Health
Ikalawang Markahan – Modyul 2:
Pangangalaga ng Buhok at Balat
Paunang Salita
Para sa tagapagdaloy:
Malugod na pagtanggap sa asignaturang Health –
Ikalawang Baitang ng Alternative Delivery Mode (ADM) Modyul
para sa araling Pangangalaga ng Buhok at Balat!
Ang modyul na ito ay pinagtulungang dinisenyo, nilinang at
sinuri ng mga edukador mula sa pampubliko at pampribadong
institusyon upang gabayan ka, ang gurong tagapagdaloy upang
matulungang makamit ng mag-aaral ang pamantayang itinakda
ng Kurikulum ng K to12 habang kanilang pinanagumpayan ang
pansarili, panlipunan at pang-ekonomikong hamon sa pag-aaral.
Ang tulong-aral na ito ay umaasang makauugnay ang mag-
aaral sa mapatnubay at malayang pagkatuto na mga gawain
ayon sa kanilang kakayahan, bilis at oras. Naglalayon din itong
matulungan ang mag-aaral upang makamit ang mga
kasanayang pan-21 siglo habang isinasaalang-alang ang
kanilang mga pangangailangan at kalagayan.
Bilang karagdagan sa materyal ng pangunahing teksto,
makikita ninyo ang kahong ito sa pinakakatawan ng modyul:

Mga Tala para sa Guro

Ito’y naglalaman ng mga paalala, panulong o
estratehiyang magagamit sa paggabay sa mag-aaral.

Bilang tagapagdaloy, inaasahang bibigyan mo ng paunang

kaalaman ang mag-aaral kung paano gamitin ang modyul na
ito. Kinakailangan ding subaybayan at itala ang pag-unlad nila
habang hinahayaan silang pamahalaan ang kanilang sariling
pagkatuto. Bukod dito, inaasahan mula sa iyo na higit pang
hikayatin at gabayan ang mag-aaral habang isinasagawa ang
mga gawaing nakapaloob sa modyul.

ii
Para sa mag-aaral:
Malugod na pagtanggap sa Health – Ikalawang Baitang ng
Alternative Delivery Mode (ADM) Modyul ukol sa araling
Pangangalaga ng Buhok at Balat!
Ang modyul na ito ay ginawa bilang tugon sa iyong
pangangailangan. Layunin nitong matulungan ka sa iyong pag-
aaral habang wala ka sa loob ng silid-aralan. Hangad din nitong
madulutan ka ng mga makabuluhang oportunidad sa pagkatuto.
Ang modyul na ito ay may mga bahagi at icon na dapat
mong maunawaan.

Alamin Sa bahaging ito, malalaman mo

ang mga dapat mong matutuhan
sa modyul.

Subukin Sa pagsusulit na ito, makikita natin

kung ano na ang kaalaman mo sa
aralin ng modyul. Kung nakuha mo
ang lahat ng tamang sagot (100%),
maaari mong laktawan ang
bahaging ito ng modyul.

Balikan Ito ay maikling pagsasanay o balik-

aral upang matulungan kang
maiugnay ang kasalukuyang aralin
sa naunang leksyon.

Tuklasin Sa bahaging ito, ang bagong

aralin ay ipakikilala sa iyo sa
maraming paraan tulad ng isang
kuwento, awitin, tula, pambukas
na suliranin, gawain o isang
sitwasyon.

iii
Suriin Sa seksyong ito, bibigyan ka ng
maikling pagtalakay sa aralin.
Layunin nitong matulungan kang
maunawaan ang bagong
konsepto at mga kasanayan.

Pagyamanin Binubuo ito ng mga gawaing para

sa mapatnubay at malayang
pagsasanay upang mapagtibay
ang iyong pang-unawa at mga
kasanayan sa paksa. Maaari mong
iwasto ang mga sagot mo sa
pagsasanay gamit ang susi sa
pagwawasto sa huling bahagi ng
modyul.

Isaisip Naglalaman ito ng mga

katanungan o pupunan ang
patlang ng pangungusap o talata
upang maproseso kung anong
natutuhan mo mula sa aralin.

Isagawa Ito ay naglalaman ng gawaing

makatutulong sa iyo upang
maisalin ang bagong kaalaman o
kasanayan sa tunay na sitwasyon o
realidad ng buhay.

Tayahin Ito ay gawain na naglalayong

matasa o masukat ang antas ng
pagkatuto sa pagkamit ng
natutuhang kompetensi.

iv
 Karagdagang Sa bahaging ito, may ibibigay sa
Gawain
iyong panibagong gawain upang
pagyamanin ang iyong kaalaman
o kasanayan sa natutuhang aralin.

Susi sa Pagwawasto Naglalaman ito ng mga tamang

sagot sa lahat ng mga gawain sa
modyul.

Sa katapusan ng modyul na ito, makikita mo rin ang:

Sanggunian Ito ang talaan ng lahat ng

pinagkuhanan sa paglikha o
paglinang ng modyul na ito.

Ang sumusunod ay mahahalagang paalala sa paggamit ng

modyul na ito:
1. Gamitin ang modyul nang may pag-iingat. Huwag lalagyan
ng anumang marka o sulat ang anumang bahagi ng
modyul. Gumamit ng hiwalay na papel sa pagsagot sa mga
pagsasanay.
2. Huwag kalimutang sagutin ang Subukin bago lumipat sa iba
pang gawaing napapaloob sa modyul.
3. Basahing mabuti ang mga panuto bago gawin ang bawat
pagsasanay.
4. Obserbahan ang katapatan at integridad sa pagsasagawa
ng mga gawain at sa pagwawasto ng mga kasagutan.
5. Tapusin ang kasalukuyang gawain bago pumunta sa iba
pang pagsasanay.
6. Pakibalik ang modyul na ito sa iyong guro o tagapagdaloy
kung tapos nang sagutin lahat ng pagsasanay.

v
 Kung sakaling ikaw ay mahirapang sagutin ang mga gawain
sa modyul na ito, huwag mag-aalinlangang konsultahin ang
inyong guro o tagapagdaloy. Maaari ka rin humingi ng tulong
kay nanay o tatay, o sa nakatatanda mong kapatid o sino
man sa iyong mga kasama sa bahay na mas nakatatanda sa
iyo. Laging itanim sa iyong isipang hindi ka nag-iisa.
Umaasa kami, sa pamamagitan ng modyul na ito,
makararanas ka ng makahulugang pagkatuto at makakakuha
ka ng malalim na pang-unawa sa kaugnay na mga
kompetensi. Kaya mo ito!

vi
 Alamin

Ang modyul na ito ay idinisenyo at isinulat upang mailarawan ang

mga paraan ng wastong pangangalaga ng buhok at balat
upang maiwasan ang karaniwang kondisyon sa kalusugan ng
mga bata

Matapos ang modyul na ito, ang mag-aaral ay inaasahan na:

1. naiisa-isa ang mga paraan ng wastong pangangalaga ng

buhok at balat upang maiwasan ang karaniwang sakit ng
mga bata;
2. naipaliliwanag ang kahalagahan ng wastong pangangalaga
ng buhok at balat; at
3. natutukoy ang mga karaniwang sakit ng mga bata sa buhok
at balat.
(H2PH-IIa-e-6)

1
 Subukin

Piliin ang letra ng tamang sagot. Isulat ito sa iyong sagutang

papel.

1. Si Shaira ay isang batang hindi naliligo araw-araw. Ano kaya

ang maaaring mangyari sa kaniyang buhok?
a. Mabilis na hahaba ang kaniyang buhok.
b. Babango at lulusog ang kaniyang buhok.
c. Magkakaroon siya ng mga kuto.
2. Ang mga sumusunod ay wastong pangangalaga ng ating
buhok maliban sa isa, alin ito?
a. Paliligo araw-araw
b. Paggamit ng shampoo sa pagligo
c. Paggamit ng suklay ng iba
3. Alin sa mga sumusunod ang nagpapakita ng wastong
pangangalaga ng ating balat?
a. Kumain ng mga pagkaing makabubuti para sa balat
b. Paglalaro at pagbibilad sa init ng araw
c. Paggamit ng iba’t ibang pamahid sa katawan at balat
4. Si Angel ay mahilig gumamit ng iba’t ibang klase ng pamahid
sa balat. Ano kaya ang maaaring mangyari sa kaniyang
balat?
a. Kikinis ang kaniyang balat.
b. Maaari siyang magkasakit sa balat dahil sa masamang
epekto ng mga pamahid na kaniyang ginagamit.
c. Marami ang maiinggit sa kaniya dahil sa maputi niyang
balat.
5. Bakit mahalaga na pangalagaan ang ating buhok at balat?
a. Upang maiwasan ang anumang sakit sa buhok at
balat
b. Upang kaiinggitan ng marami
c. Upang maging sikat sa inyong lugar

2
Matapos mong sagutan ang bahaging ito, ihambing ang iyong
sagot sa batayan ng pagwawasto na matatagpuan sa likurang
bahagi ng modyul na ito.

Ano ang iyong nakuhang marka?

Kung ito ay mataas, mahusay! Marami ka ng alam sa paksang ito.

Gayunpaman, maaari mo pa ring pag-aralan ang modyul na ito
upang madagdagan pa ang iyong kaalaman.

Kung mababa, huwag kang mag-alala, para sa iyo ang modyul

na ito. Handa ka na ba?

3
 Aralin
Pangangalaga ng Buhok at
2 Balat

Nararapat lamang na pangalagaan ang ating buhok at balat

upang maiwasan ang anumang sakit o kondisyon sa kalusugan
ng isang batang tulad mo.

Balikan

Iguhit ang kung ang larawan ay nagpapakita ng wastong

pangangalaga ng mata, tainga at ilong; at naman kung

hindi. Ilagay ang sagot sa iyong sagutang papel.

1. 2.

4
3. 4.

5.

Mga Tala para sa Guro

Ang modyul na ito ay naghahanda sa mga mag-

aaral upang mailarawan ang mga paraan ng
wastong pangangalaga sa buhok at balat upang
maiwasan ang karaniwang kondisyon sa kalusugan
ng mga bata.

5
 Tuklasin

Basahin ang kuwento.

“Si Mara at Nora”
ni Abigail M. Lobo

Matalik na magkaibigan si Mara at Nora. Madalas ay lagi silang

magkasama at magkasundo sa maraming bagay. Hilig din nilang
dalawa ang maglaro kasama ng iba pang mga kaibigan.

Isa sa mga paborito nilang laro ay

piko. Hindi nila alintana ang init ng
araw. Hindi rin nila pinapahalagahan
ang payo ng kanilang mga magulang
na maaari silang magkaroon ng mga
kuto at magkaroon ng sakit sa balat.

6
Minsan ay nakakalimutan na rin nila na
maligo at maglinis ng katawan matapos
maglaro. Hanggang sa isang araw ay
labis na pangangati ng ulo ang
naranasan ni Mara.

Samantala, labis na pangangati naman

sa balat ang nangyari kay Nora, dahilan
para masugat ang kanyang balat dahil
sa kakakamot Hindi namalayan ni Mara
na mayroon na pala siyang mga kuto at
balakubak. Si Nora naman ay nagkaroon
ng scabies.

Labis na natakot ang

magkaibigan dahil sa naranasan
nilang dalawa. Mula noon ay
umiwas na ang magkaibigan na
maglaro sa ilalim ng sikat ng
araw. Madalas ay naglalaro na
lamang sila sa loob ng bahay.

Araw-araw ay naliligo na rin sila at

naglilinis ng katawan pagkatapos
nilang maglaro Unti- unti namang

7
nawala ang mga kuto ni Mara at scabies ni Nora.

Sagutin ang mga tanong batay sa binasang kwento.

1. Sino ang matalik na magkaibigan sa kuwento?

2. Anong laro ang paborito ng magkaibigan?

3. Anong sakit sa buhok ang nakuha ng magkaibigan dahil sa

sobrang pagbibilad sa init ng araw?

4. Ano namang sakit sa balat ang nakuha nila dulot ng

pagbibilad sa araw?

5. Paano maiiwasan ng magkaibigan ang pagkakaroon ng

sakit sa buhok at balat?

6. Bilang isang bata, paano mo pangangalagaan ang iyong

buhok at balat?

8
 Suriin

Ayon sa kwento, ano-ano ang mga naranasan ng magkaibigang

sina Mara at Nora dahil hindi nila inalagaang mabuti ang kanilang
buhok at balat?

Punan ang diagram sa ibaba. Isulat ang sagot sa iyong sagutang

papel.

Sanhi Bunga

Mara

Sanhi Bunga

Nora

9
 Gaya ng binanggit sa kwento,
mahalagang matutunan natin ang
wastong pangangalaga sa ating buhok at
balat upang maiwasan ang anumang
sakit o kondisyon sa kalusugan na may
kaugnayan sa mga ito.

Ang buhok ay may malaking papel na

ginagampanan sa personalidad ng
bawat tao. Ikaw man ay babae o lalaki,
mahalagang malaman mo ang wastong
pangangalaga upang mapanatiling
malusog ang iyong buhok.

Paano nga ba ang wastong pangangalaga sa buhok?

Naaalala nyo pa ba ako mga bata?

Tama! Ako nga si Mara. Nais nyo bang malaman ang naging
sikreto ko upang mapangalagaan ang aking buhok?

Narito ang ilan sa mga hakbang upang mapangalagaan ng

tama ang ating mga buhok:

1. MALIGO ARAW-ARAW
Gumamit ng shampoo sa
paliligo ngunit hindi
nangangahulugan na
dapat ay araw-araw itong
gamitin sapagkat ang labis
na paggamit ng shampoo
ay nagtatanggal sa natural
na langis ng buhok at
dahilan para masira ito.

10
 2. REGULAR NA PAGSUSUKLAY
Ang pagsusuklay ng buhok ay
nakatutulong upang
mapanatiling maayos at
malambot ito. Gamitin
lamang ang sariling suklay at
iwasan ang paggamit o
panghihiram ng suklay ng iba
dahil maaaring mahawa o
makakuha ng kuto mula sa
suklay.

3. KUMAIN NG
MASUSUSTANSIYANG
PAGKAIN
Kumain ng masustansyang
pagkain upang mabigyan ng
sapat na bitamina ang buhok
upang mapanatili itong
malusog at maganda.

Ang balat ay ang nagsisilbi nating

proteksyon laban sa mga bagay at
mikrobyo na maaaring makapaminsala sa
ating kalusugan. Ito rin ang nagbibigay sa
atin ng proteksyon laban sa matinding sikat

11
ng araw kung kaya nararapat lang na pangalagaan natin ang
ating balat.

Paano nga ba ang wastong pangangalaga sa balat?

Ako naman si Nora, ang matalik na kaibigan ni Mara. Nais nyo

bang malaman kung paano ko napanatiliing makiinis ang aking
balat?

Narito ang ilang paraan upang mapangalagaan ng tama ang

ating balat:

1. MALIGO ARAW-ARAW
Ugaliing maligo araw-araw
at gumamit ng sabon na
hindi matapang. Ang
paggamit ng matapang na
sabon ay maaaring
makasama sa ating balat
at maaaring magdulot din
ito ng iritasyon lalo na sa
mga sensitibong balat.

12
2. PAG-IWAS SA DIREKTANG
SIKAT NG ARAW
Gumamit ng payong kung
maglalakad sa ilalim ng
sikat ng araw. Ang sobrang
init ay maaaring makasira
ng ating balat. Mas
tumataas din ang
posibilidad ng
pagkakaroon ng kanser sa
balat kung palagiang
mabibilad ito sa araw.
Iwasan din ang paglalaro
sa labas kung mainit ang
panahon.

3. KUMAIN NG
MASUSUSTANSIYANG
PAGKAIN
Ang mga pagkaing
masusustansiya tulad ng
mga prutas at gulay na
mayaman sa Vitamin C ay
makatutulong sa
pagpapanatiling masigla at
malusog ang balat.

13
Mara at Nora: Bakit nga ba mahalaga na pangalagaan ang
ating buhok at balat?

Upang mapanatiling malambot at makintab ang buhok

Upang mapanatiling makinis ang balat

14
 Pagyamanin

Iguhit ang kung ang pangungusap ay nagpapakita ng

wastong pangangalaga ng buhok at balat; at naman
kung hindi. Isulat ang sagot sa iyong sagutang papel.

1. Si Hanna ay madalas magpakulay ng buhok.

2. Madalas gumamit si Ana ng iba’t ibang pamahid sa balat.

3. Naghihilamos ng katawan si Rico matapos siyang maglaro

maghapon.

4. Mahilig humiram ng suklay si Tina sa kaniyang mga kalaro.

5. Si Nelia ay palagiang nagsusuklay ng kaniyang buhok upang

mapanatili itong malambot.

15
 Isaisip

Paano nga ba natin mapangangalagaan ang ating buhok at

balat?

Punan ang patlang ng tamang sagot. Piliin sa loob ng kahon ang

sagot at isulat ito sa iyong sagutang papel.

masustansiyang suklay sabon

payong shampoo tsitsirya

1. Kumain ng _____________________ pagkain upang mapanatiling

malusog ang buhok at balat.

2. Sa pagligo, gumamit ng _____________________ upang malinis

nang mabuti ang buhok.

3. Iwasang gumamit ng matapang na _____________________

upang hindi mairita ang balat.

4. Gumamit lamang ng sariling _____________________ upang hindi

mahawa ng kuto mula sa ibang tao.

5. Kung hindi maiwasang lumabas ng bahay, gumamit ng

_____________________ upang maging proteksiyon laban sa
sobrang sikat ng araw.

16
 Isagawa

Suriin ang bawat larawan. Lagyan ng kung ito ay

nagpapakita ng pag-aalaga ng ating buhok at balat; at
✘ naman kung hindi. Isulat ang sagot sa iyong sagutang papel.

1. 2.

3. 4.

5.

17
 Tayahin

Isulat kung Tama o Mali ang isinasaad sa bawat pangungusap.

Isulat ang sagot sa iyong sagutang papel.

1. Ang madalas na pagkukulay ng buhok ay nakabubuti sa

pangangalaga nito.

2. Ang balat ang tumutulong upang maprotektahan tayo laban

sa matinding init ng araw.

3. Walang masamang dulot ang paggamit o paghiram ng

suklay ng iba.

4. Nakapagpapalusog ng ating buhok at balat ang pagkain ng

mga masusustansiyang pagkain dahil sa mga bitaminang
taglay nito.

5. Ang labis na paggamit ng shampoo ay nag-aalis sa natural

na langis ng ating buhok.

18
 Karagdagang Gawain

Hanapin at bilugan sa puzzle ang mga salitang nasa loob ng

kahon na may kaugnayan sa pangangalaga ng ating buhok at
balat. Gawin ito sa iyong sagutang papel

paliligo suklay sabon

payong shampoo

m k l p o a r t y s

i s w n b x c v i h

p a l i l i g o s a

x b s u k l a y o m

i o p k h f r a p p

s n a d w h a s t o

m l g n o y a p y o

19
 20
Karagdagang Tayahin:
Gawain:
6. Mali
7. Tama
8. Mali
9. Tama
10. Tama
Isagawa: Isaisip: Pagyamanin:
1. tsek 1. masustansiya
2. tsek 2. shampoo 1.
3. ekis 3. sabon
4. tsek 2.
4. suklay
5. ekis
5. payong 3.
4.
5.
Suriin: Balikan: Subukin:
Mara: 1. c
Sanhi – pagbibilad sa 1. ☹
2. c
initan at hindi pagligo
Bunga – nagkaroon siya 2. 😊 3. a
ng mga kuto 4. b
3. ☹ 5. a
Nora:
Sanhi – pagbibilad sa 4. 😊
initan at hindi pagligo
Bunga – nagkaroon siya 5. 😊
ng scabies
Susi sa Pagwawasto
Sanggunian
K To 12 Curriculum Guide Health. Reprint, Pasig City: Department
of Education, 2016.

K To 12 Most Essential Learning Competencies With Corresponding

CG Codes. Reprint, Pasig City: Department of Education, 2020.

Edukasyon sa Pagpapakatao. Reprint, Pasig City: Department of

Education, 2013.

“5 Tips sa Tamang Pangangalaga sa Balat”. Mediko. Accessed 21

September 2020. https://mediko.ph/5-tips-sa-tamang-
pangangalaga-sa-balat/

21
Para sa mga katanungan o puna, sumulat o tumawag sa:

Department of Education – Region III,

Schools Division of Bataan - Curriculum Implementation Division
Learning Resources Management and Development Section (LRMDS)

Provincial Capitol Compound, Balanga City, Bataan

Telefax: (047) 237-2102

Email Address: bataan@deped.gov.ph