PAGKAPARI

Ni: Brod. Steve A. Bote

Pagkapari sa Dios

1. Exo. 40:15 – Pagkapari tulomanon nga walay katapusan.

“v15Unya dihogi sila sama sa imong pagdihog sa ilang amahan aron nga mag-alagad
sila kanako ingon nga mga pari hangtod sa kahangtoran."

2. Heb. 6:20 – Pagkapari ni Kristo gikan sa pagkapari ni Melquisedec.

“v20Nag-una pagsulod si Jesus didto alang ug tungod kanato. Nahimo siyang
pangulong pari hangtod sa kahangtoran, sa laray sa pagkapari ni Melquisedec.”

3. Genesis 14:18 – Si Melquisedec nagpadala ug pan ug bino.

“v18Si Melquisedec nga hari sa Salem ug pari usab sa Labing Halangdong Dios
nagdalag pan ug bino.”

4. San Lucas 22:19-20 – Ang gibuhat ni Melquisedec, gibuhat usab ni Kristo.

v19Unya gikuha niya ang pan, ug nagpasalamat siya sa Dios, unya gipikaspikas niya
kini ug gihatag kanila, nga nag-ingon, "Mao kini ang akong lawas [nga gihatag alang
kaninyo. Buhata ninyo kini agig paghandom kanako." v20Human sa panihapon, gikuha
usab niya ang kupa ug nagpasalamat siya sa Dios. Gihatag niya kini kanila ug miingon
siya, "Kining kupa mao ang bag-ong kasabotan sa Dios, tiniman-an sa akong dugo nga
giula alang kaninyo.”

5. San Lucas 22:19 – Ang pagkapari gipiyal usab niya sa iyang mga tinun-an.
“Buhata ninyo kini agig paghandom kanako”

6. 1 Cor. 11:23 – Ang maong sugo, gipiyal usab niya kang San Pablo.
v23Kay nadawat ko gikan sa Ginoo ang pagtulon-an nga akong gitudlo kaninyo: nga
ang Ginoong Jesus, sa gabii nga siya gibudhian, mikuha sa pan. v24Unya nagpasalamat
siya sa Dios, ug gipikaspikas niya ang pan ug miingon, "Mao kini ang akong lawas nga
gitugyan alang kaninyo. Buhata kini aron paghandom kanako." v25Human sa panihapon
gikuha niya ang kupa ug miingon, "Mao kini ang kupa sa bag-ong kasabotan nga
gitiman-an sa akong dugo. Matag inom ninyo niini, buhata sa paghandom kanako."
v26Kay sa matag kaon ninyo niining pan ug sa matag inom ninyo niining kupa,
gisangyaw ninyo ang iyang kamatayon hangtod sa pagbalik niya.

7. Roma 15:16 – Si San Pablo Pari.

v16sa akong pagkasulugoon ni Cristo Jesus sa pag-alagad sa mga dili Judio. Nag-
alagad ako ingon nga pari aron pagwali sa Maayong Balita nga gikan sa Dios, aron ang
mga dili Judio dawaton sa Dios ingon nga halad nga gibalaan sa Espiritu Santo.

8. Pinadayag 5:10 – Ang mga Apostol pari usab.

“v10Gihimo mo silang gingharian sa mga pari aron mag-alagad sa atong Dios;
Ug maghari sila sa kalibotan."
 Walay asawa

09. Ang Atong Ginoong Jesu-cristo panig-ingnan – Walay Asawa

10. San Mateo 19:10-12 – Dunay uban dili mangasawa tungod sa Ginharian sa Dios.
“v10Ang iyang mga tinun-an miingon kaniya, "Kon mao kini ang mahitabo tali sa
bana ug asawa, maayo pag dili na lang magminyo."
v11Si Jesus mitubag, "Kining maong pagtulon-an dili alang sa tanan, kondili alang
lamang niadtong gihatagan sa Dios niini. v12Kay may nagkalainlaing mga katarongan
nganong dili makaminyo ang ubang mga tawo: may dili gayod makahimo pagminyo kay
natawo nga kapon nang daan; ang uban dili makaminyo kay gikapnan man sila sa mga
tawo; ug ang uban dili makaminyo tungod sa Gingharian sa langit. Siya nga makahimo,
padawata niining akong gitudlo."

11. 1 Cor. 7:8 – Si San Pablo walay asawa.

“v8Ingnon ko kamo nga mga dili minyo ug mga biyuda nga maayo kaninyo nga
magpabiling mag-inusara sama kanako.”

12. Pin. 14:4 – Mga lalaki wala mabulingi ug mga babaye nagsunod-sunod ni Cristo.
“v4Kini sila nagpabiling putli kay wala man sila makighilawas sa mga babaye; wala
sila magminyo. Mag-uban-uban sila sa Nating Karnero bisan asa siya; gitubos sila ug
mao ang unang gihalad ngadto sa Dios ug sa Nating Karnero. v5Wala gayod sila
makapamakak ug walay ikasaway kanila.”

Tawgon ug amahan

13. 1 Cor. 4:15 - Ang mga pari pagatawgaon ug amahan pinaagi sa maayong balita.
“bisan pa kon duna kamoy 10,000 ka mga magtutudlo diha kang Cristo, usa lamang
ang inyong Amahan. Kay sa inyong kinabuhi diha kang Cristo Jesus, nahimo ako nga
inyong amahan pinaagi sa akong pagdala sa Maayong Balita nganha kaninyo.”

14. San Mateo 1:2-16 – Wala gidili ang pagtawag ug amahan dinhi sa yuta
“v2Si Abraham mao ang amahan ni Isaac; si Isaac amahan ni Jacob; si Jacob
amahan ni Juda ug sa iyang mga igsoon. v3Si Juda mao ang amahan ni Fares etc.”

15. Roma 4:16 – Si Abraham amahan sa pagtoo.

“v16Busa ang saad gipasikad sa pagtuo aron kini maangkon ingon nga gasa sa Dios
alang sa tanang kaliwat ni Abraham—dili lamang kanila nga nagtuman sa Balaod kondili
niadtong nagtuo usab sama kang Abraham. Kay si Abraham mao ang espirituhanong
amahan natong tanan.”

16. San Lucas 16:23-24 – Si Abraham gitawag ug Amahan niadtong dato.

“v23ug nag-antos pag-ayo didto sa Hades.b Unya miyahat siya ug iyang nakita si
Abraham didto sa layo, ug si Lazaro sa tupad niya. v24Busa misinggit siya ngadto kang
Abraham, 'Amahan! Kaloy-i intawon ako”