Paano Taká Namomòtan

Namomòtan taká bakóng huli

ta iká, iká
kundì huli ta akó, akó,
kun kataning taká!

Namomòtan taká bakóng huli

ta magayon an saimong matá
kundì huli ta nahehelíng ko
an gayón kan burak, kun yaon ka

Namomòtan taká bakóng huli

ta mayòmhok an ngabel mong basâ
kundì huli ta minahamis an
awit kung iká an minakanta,

Namomòtan taká bakóng huli kan

kagayonan mo na pinapangaturugan ko,
kundì huli ta minagi-an an
sakuyang pusò kun pinuputitukan mo akó.

Namomòtan taká ta an itinatao

kan saimong amyo, bakóng burak
na ilo kundì, bilog na hardin,

Namomòtan taká ta iká an

minasabrit kan paglayog kan
sakuyang isip.

An hàdit nagiging awit

an kalipûngawan, kaugmahan
an gabát, gi-an.

Namomòtan taká bakô lang sa

karahayan mo kundì sa karahayan
na nagiginibo sa sako.

Namomòtan taká ta huli

saimo, an umaabuton minabanaag
ta iká an balsamo kan sakuyang kalág.