Ano ang CLIMATE CHANGE?

Ang climate change ay ang pagbabago ng klima o panahon dahil sa pagtaas ng mg greenhouse
gases na nagpapainit sa mundo. Nagdudulot ito ng mga sakuna kagaya ng heatwave, baha at
tagtuyot na maaaring magdulot ng pagkakasakit o pagkamatay. Kapag tumaas ang
temperatura ng mundo, dadami ang mga sakit kagaya ng dengue, diarrhea, malnutrisyon at iba
pa.

Sanhi ng CLIMATE CHANGE

Ayon sa pag-aaral, ang dalawang sanhi ng climate change ay ang:

1. Natural na pagbabago ng klima ng buong mundo nitong mga nagdaang matagal na

panahon. Ito ay sama-samang epekto ng enerhiya mula sa araw, sa pag-ikot ng mundo, at sa
init na nagmumula sa ilalim ng lupa na nagpapataas ng temperatura o init sa hangin na
bumabalot sa mundo.

2. Mga gawain ng tao na nagbubunga ng pagdami o pagtaas ng carbon dioxide at iba pang
greenhouse gases )GHGs). ANg GHGs ang nagkukulong ng init sa mundo. Ang pagbuga ng
carbon dioxide ng mga sasakyang gumagamit ng gasolina, ang pagputol ng mga puno na siya
sanang mag-aalis ng carbon dioxide sa hangin, at pagkabulok ng mga bagay na organic na
nagbubunga ng methane (isa pang uri ng GHGs) ay ilan sa mga dahilan ng climate change.

Epektong Pangkalusugan ng CLIMATE CHANGE

Mga epekto sa tao ng matinding init, tagtuyot at bagyo.

 Pagtaas ng bilang ng kaso ng mga sakit na:

- Dala ng tubig o pagkain tulad ng choler at iba pang sakit na may pagtatae.
- Dala ng insekto tulad ng lamok )malaria at dengue) at ng daga (Leptospirosis).
Dulot ng polusyon (allergy)
Narito ang ilan sa mga solusyon sa climate change:

 Magtanim ng maraming puno at halaman upang mabawasan

ang Greenhouse gasses sa himpapawid.

 Magpalit ng bumbilya. Ang gamitin na bumbilya ay

yaong compact fluorescent light bulbs (CFLs) na tinatawag.

 Magtipid sa paggamit ng kuryente. Buksan ang mga bintana

at hayaang makapasok ang natural na liwanag at hangin sa
tahanan. Iwasang gumamit ng aircon.

 Bunutin ang plug ng mga appliances kung hindi ginagamit.

 Magtipid sa paggamit ng tubig.
 Maging praktikal sa paggamit ng sasakyan. Maglakad kung
kinakailangan.
 Huwag magsunog ng anumang basura.
 Matutong gumamit ng recyclable bags at iwasan ang
paggamit ng mga plastic bags.