pinakamatandang distrito at sentro ng kasaysayan sa lungsod ng Maynila, ang kabisera ng Pilipinas. Intramuros ang isa sa mga dinarayo ng mga tao dahil ito ay sikat. Tinatawag ding “napapaderang lungsod”, ito ang orihinal na lungsod ng Maynila at luklukan ng pamahalaan noon kung saan ang Pilipinas ay nasasakop pa ng Kastila. Matatagpuan sa Intramuros ang Fort Santiago (kung saan unang ikinulong an gating pambansang bayaning si Dr. Jose P. Rizal) Rizal Shrine, Rizaliana Furniture Exhibit, Bahay Tsinoy, Casa Manila, San Agustin Church at Museum, Baluarte de San Diego, at marami pang iba. Tinawag itong Intramuros (wikang Latin ng "loob ng kuta") dahil ito ang kuta at ang pinakamatandang kabayanan ng Maynila. Ang bayan ng Intramuros ay naging saksi na rin sa kasaysayan ng Pilipinas. Ang tawag naman sa mga distrito sa labas ng pader ay extramuros, ito ay nangangahulugang “sa labas ng pader”. Noong Ikalawang Digmaang Pandaigdig, ganap na nawasak ang Intramuros dahil sa pambobomba sa labanan upang mabawi ang lungsod mula sa mga puwersa ng Hapon. Ang muling pagtatayo ng mga pader ay nagsimula noong 1951 matapos ideklara ang Intramuros bilang isang National Historic Monument. Ang Intramuros Administration (IA) ay kasalukuyang nangangasiwa at namamahala sa patuloy na proseso ng pagpapanumbalik. Sa lawak na 67 ektarya, pinangangasiwaan ito ng Intramuros Administration (IA). Ang IA ay itinatag noong 1979 sa ilalim ng Presidential Decree No. 1616, na may pananagutan sa pagbuo, pangangalaga, pamamahala, at muling pagtatayo ng mga gusali at istruktura sa loob ng Intramuros, na kinabibilangan ng mga kuta. Ito at dinadayo ng mga Pilipino at ng mga turista na lokal man o banyaga, dahil sa kayamanan nito sa kasaysayan. Nakakamangha itong pasyalan dahil sa mga makaluma nitong kagamitan at tila ba makakaramdam ka na para bang bumabalik ka sa dating panahon, dahil na rin sa makalumang presensya ng lugar na ito. Bukod sa iyong pagpasyal bilang isang turista, ay magkakaroon ka pa ng maraming kaalaman tungkol sa nakaraan at sa kasaysayan ng Pilipinas at ng mga Pilipinong nakipaglaban sa mga hapon para sa kalayaan ng bansang Pilipinas.