Professional Documents
Culture Documents
AralingPanlipunanPag-iimpok at Pagkonsumo
AralingPanlipunanPag-iimpok at Pagkonsumo
ARALING PANLIPUNAN 9
UGNAYAN NG KITA PAG-IIMPOK AT PAGKONSUMO
(IKA 19 NA LINGGO)
NILALAMAN:PAHINA:
Buuin mo ako! 2 – 3
Tiyakin 4 - 5
Linangin 6 - 7
Isabuhay 8
PANGALAN: Ammiee Jienika P. Padama
BUUIN MO AKO!
Pamprosesong Tanong:
Mahihinuha sa larawan ang pag-iimpok ng perang kinita o ang pagkakaroon ng “bank account” para sa
iniipon na pera o “savings”.
Mahalaga ang ipinapakita ng larawan dahil karaniwan itong ginagawa ng mga tao para makapag-ipon ng
pera na maaaring magamit sa oras ng pangangailangan.
Kailangan gawin ang pagkonsumo upang matugunan ang ating mga pang-araw-araw na pangangailangan
sa pamamagitan ng pagbili ng mga produkto o serbisyo gamit ang pera na ating kinita. Samantalang
kailangan din mag-impok para naman makapaghanda ng maaaring magamit o mahugot na pera kung
sakaling may biglaang pangangailangan.
BAITANG SA PAG-UNLAD
Ang kita ay ang pera na kabayaran sa isang tao kapalit ng paglilingkod o pagtatrabaho sa isang
kumpanya. Maaari din itong makuha sa negosyo na ating pinangangasiwaan. Masusukat ang kita ng
isang tao depende sa propesyon na meron ito at sa kalagayan ng negosyo ng isang tao, kung mayroon
man.
TIYAKIN
Ipinapakita sa larawan ang isang babae na masusing nagba-badyet ng kanyang pera na nakalaan para i-
impok at ang nakalaan para sa pagkonsumo.
LINANGIN
Sagutan ang mga sumusunod na katanungan:
Mahalaga ang pagkonsumo dahil ito ang paraan ng pagdaloy ng pera sa ekonomiya ng isang bansa. Ang
bawat mamamayan ay kumikita ng pera at may mga kanya-kanyang pangangailangan na tinutugunan sa
pamamagitan ng pagkonsumo. Ang kanilang pagkonsumo ay siya ring pinagkakakitaan ng mga
negosyante at manggagawa.
1. Ano ang impok na salapi? Ano ang kahalagahan ng pag-iimpok sa manggagawa at sa ekonomiya?
Ang ating iniimpok na salapi ay ang ating pera na naka reserba, maging sa alkansya man ito o sa bangko.
Ito ay nakatago at nakalaan para sa mga maaaring paggamitan na mahalaga katulad ng mga pangyayari
na hindi inaasahan.
1. Sa iyong pananaw, alin ang mas higit na kailangan pagtuunan ng pansin ng tao, ang pag-iimpok o
pagkonsumo?
Para sakin, pareho lamang na mahalagang pagtuunan ng pansin ang pag-iimpok at pagkonsumo dahil
pareho itong nakakaapekto sa ating buhay. Nag-iimpok tayo dahil nais natin mapaghandaan ang kung
ano man ang mangyaring hindi inaasahan at magkaroon ng mahuhugot na pera sa hinaharap.
Samantalang ang pagkonsumo naman ang nagiging solusyon natin sa pagtugon sa ating mga
pangangailangan sa buhay.
1. Sa iyong palagay, bakit kailangang itakda ng pamahalaan ang minimum wage ng mga mamamayan?
Importante na mayroong nakatakdang minimum wage para sa mga manggagawa upang maprotektahan
sila mula sa mga mapang-abusong pagpapasahod sakanila ng mas mababa sa nararapat nilang
matanggap.
ISABUHAY
Kung ikaw ay nagtratrabaho na at tumatanggap na ng kita, ano ang bibigyan mo ng priyoridad, ang
pagkonsumo o pag-iimpok? Ilang porsiyento ang ilalaan mo sa iyong priyoridad at bakit?
Mas priyoridad ko ang pagkonsumo dahil araw-araw ay mayroon tayong mga pinagkakagastusan katulad
ng pagkain. Mas madalas natin gamitin ang ating kinikita para sa mga pangangailangan na ito kung
kaya’t kailangan din na mas malaki ang porsyento ang ilalaan para dito.