Kumpidensiyal hangga’t ‘di pa tapos ang negosasyon
Ayon sa testing czar ng Pilipinas, ang lahat ng mga tuntunin tungkol sa kasunduan sa pagitan ng ating gobyerno at mga tagagawa ng covid-19 vaccines ay mabubunyag lamang sa publiko kapag tapos na ang negosasyon. Bagamat ang suplay nito ay limitado lamang sa pandaigdigang merkado, tiniyak ng mga eksperto na ang mga Pilipino ay makakakuha nito. Lahat ng mga nasabing transaksyon ay siniguradong magiging “transparent”, kabilang na dito ang presyo at dami ng bibilhin na bakuna. Nilinaw ng gobyerno na sinadyang hindi ilantad kung magkano ang babayarin natin sa mga bakunang galing sa Tsina noong Senate hearing para sa national vaccination plan dahil posibleng magsiatrasan ang mga kompanyang handang makipagsundo sa Pilipinas.
Posibleng pagsasagawa ng house to house vaccination
Isinaalang-alang na sa gobyerno ng Pilipinas ang pagpapatupad ng house to house vaccination para sa mga vulnerable members ng ating pamayanan. Kasapi dito ang mga matatanda at mga mamamayang mayroong mahinang immune system na hindi makakapunta sa lugar ng pagbabakunahan dahil sa posibilidad na makaharap ng karagdagang panganib. Alinsunod sa sinabi ni Health Secretary Francisco Duque III, ang panukalang ito ay parte na sa programa ng administrasyon. Maliban sa planong ito, ang mga bakuna ay ibabahagi sa mga nakapirming lugar tulad ng barangay, ospital, at pribadong klinika.