Professional Documents
Culture Documents
Xogo Oasis Montealto
Xogo Oasis Montealto
OASIS MONTEALTO
A Metodoloxía Oasis é un xogo participativo que naceu nas favelas de Brasil. As favelas son
asentamentos precarios ou informais que crecen en torno e dentro das grandes ciudades do país.
Estes lugares son partícipes da pobreza e corrupción, onde os narcotraficantes son os
dominadores.
Utilizan esta metodoloxía porque conseguía que a xente se ilusionase e sentise unha máis forte
conexión coa comunidade, conseguindo así unha maior participación. Emprégase unha mirada
apreciativa da realidade, para así poder obter unha motivación.
Ten unha serie de pasos:
Concretamente, no caso do Xogo Oasis en Montealto, comezon por xerar confianza entre os
membros do equipo para crear unha relación máis sólida. Seguidamente saíron ó barrio cunha
mirada apreciativa rematando por indagar entre os veciños que era o botaban en falta ou de que
maneira mellorarían o barrio.
1 de 2
Ó mesmo tempo, foron coñecendo as habilidades e talentos que cada veciño podía transmitir e
aportar á comunidade, e ofrecéronlles ser partícipes do xogo, creando así un soño colectivo.
Entre as propostas estaba crear unha relación máis cercana entre os veciños, e facer das rúas un
lugar máis limpo e bonito, é decir, crear un lugar máis idílico onde vivir.
Deseñouse unha intervención artística participativa nunhas escaleiras (Adelaia Muro) que
permitían atallar as rúas. Comezaron por pintar e sanear as paredes, e posterior decoración con
grafittis, mosaicos, collages. Nunha das paredes de abaixo cara arriba había unha ilustración de
xardas escapando do mar cara arriba debido a contaminación, as burbullas de ditos peces
estaban realizadas con plásticos que recollían das praias; na outra parede representaron gaivotas
descendendo polo mesmo motivo.
Para finalizar, organizouse unha festa de celebración na que colaboraban os veciños que querían,
aportando ou ben comida e bebida, ou ben talentos como o eran a maxia, música, talleres…
Xa para concluír, chamaron ó grupo motor para facer outra intervención nun colexio: “Victor López
Seoane”) investigaron sobre a persoa averiguando que fora un biólogo que descubrira certas
especies animas (serpes, lagartos…). Repetindo os pasos, decidiron decoralo en base ó
pescudado. A creación dividiuse en dous días: un para os alumnos e outro para que participasen
todas as persoas que quixesen. Fíxose a correspondente celebración e posterior creación dun
novo soño: un proxecto participativo na Universidade Senior de A Coruña.
Utilizaron diversas dinámicas para explicar o seu proxecto; había unha chamada de atención ou
de silenzo mediante un animal de goma que emitía sons, unha pelota pequena de tela que servía
para facilitar a comunicación e poder falar por turnos; realizamos diversos xogos con música, o
primeiro consistía en andar aleatoriamente por toda a sala, e cada vez que parase a música parar
a falar coa persoa que tivésemos en frente sobre diversos temas, xeralmente experiencias; por
outro lado realizamos o xogo das cadeiras, máis non estaba enfocado coma sempre, senón que á
medida que ían quitando cadeiras tiñamos que colaborar para poder estar sentados todos (podía
ser uns encima de outros) cando parase a música. Este xogo tiña unha finalidade, cooperar,
axudarnos mutuamente no colectivo, en definitiva, explicar con feitos os pasos que se deben
pasar neste “Xogo Oasis”.
2 de 2