Noong April 6, 1924, naganap ang kauna-unahang balagtasan sa Pilipinas, na idinaos sa Instituto de Mujeres sa Tondo, Manila. Dalawang mahuhusay na manunula ang nagpalitan ng linya – sina Jose Corazon de Jesus at Florentino Collantes. Siyam na araw bago idaos ang unang balagtasan, nagtipun- tipon ang mga mahuhusay na manunulat sa tanggapan ni Rosa Sevilla de Alvero upang maghanda sa ika- 136 taong anibersaryo ng kapanganakan ng Filipinong manunulat na si Francisco Balagtas (isinilang April 2, 1788). Layunin ng mga manunulat na magtampok ng kakaiba sa publiko, kung kaya’t naisipan nalang baguhin ang ‘duplo’ hanggang sa isilang ang ‘balagtasan’. Ang dúplo ay isang tradisyonal na larong mala- dula na itinatanghal kung may lamayan at tinatampukan ng mga makatang-bayan. Sa balagtasan, binawasan nila ang dami ng kalahok at iniklian ang oras ng debate. Ginawa ring iisang paksa laman ang debate sa duplo. Ang unang balagtasan na idinaos noong April 6, 1924 ay kinatampukan ng tatlong pares ng manunulat. Higit na tumatak ang tagisan nina De Jesus at Collantes. Ang kanilang paksa ay "Bulaklak ng Lahing Kalinis-Linisan." Nagwagi sa kauna-unahang balagtasan si De Jesus at itinanghal na unang ‘Hari ng Balagtasan’. Sa pagpanaw ni De Jesus noong 1932, nasalin ang titulo kay Collantes na kanyang hinawakan hanggang kamatayan noong 1951. Inquirer Research. (April 6, 2018). DID YOU KNOW: The first balagtasan took place at Instituto de Mujeres in Manila. Retrieved from https://newsinfo.inquirer.net/980504/did-you-know-the-first-balagtasan-took-place-at-instituto-de- mujeres-in-manila) Project Vinta. (April 6, 2021). The First Balagtasan. Retrieved from https://www.facebook.com/pvinta/photos/a.1962088134038450/2928364360744151/