4

Edukasyong Pantahanan at
Pangkabuhayan (Home
Economics)
Ikalawang Markahan – Modyul 1:
Pag-aalaga ng Sariling Kasuotan
Edukasyong Pantahanan at Pangkabuhayan (Home Economics) – Ikaapat na Baitang
Self - Learning Module (SLM)
Ikalawang Markahan – Modyul 1: Pag-aalaga ng Sariling
KasuotanUnang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng karapatang-sipi sa anomang
akda ang Pamahalaan ng Pilipinas. Gayonpaman, kailangan muna ang pahintulot ng ahensiya o tanggapan ng
pamahalaan na naghanda ng akda kung ito ay pagkakakitaan. Kabilang sa mga maaaring gawin ng nasabing
ahensiya o tanggapan ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand name, tatak o trademark,
palabas sa telebisiyon, pelikula, atbp.) na ginamit sa modyul na ito ay nagtataglay ng karapatang-ari ng mga iyon.
Pinagsumikapang matunton ang mga ito upang makuha ang pahintulot sa paggamit ng materyales. Hindi inaangkin
ng mga tagapaglathala at mga may-akda ang karapatang-aring iyon. Ang anomang gamit maliban sa modyul na
ito ay kinakailangan ng pahintulot mula sa mga orihinal na may-akda ng mga ito.

Walang anomang parte ng materyales na ito ang maaaring kopyahin o ilimbag sa anomang paraan nang walang
pahintulot sa Kagawaran.

Bumuo sa Pagsusulat ng Modyul

Manunulat: Remie C. Calaguing
Editors: Ian R. Tenorio, Rowel E. Oyong, Gemma M. Garcelina, Leolyn Flores
Tagasuri: Yusof A. Aliudin, Agabai S. Kandalayang, Mary Joy D. Bautista,
Mary Anne A. Barrientos
Tagaguhit: Cavin Villanueva
Tagalapat: Christy B. Arbis
Cover Art Designer: Arvel Garry L. Campollo
Tagapamahala: Allan G. Farnazo – Regional Director
Fiel Y. Almendra – Assistant Regional Director
Isagani S. Dela Cruz- Schools Division Superintendent
Natividad G. Ocon – Assistant Schools Division Superintendent
Gilbert B. Barrera- Chief, CLMD
Arturo D. Tingson, Jr. – REPS, LRMS
Peter Van C. Ang-ug – REPS, ADM
Gilda A. Orendain – REPS, EPP/TLE
Elpidio B. Daquipil – CID Chief
Juvy B. Nitura – Division EPS In Charge of LRMS
Marcelo A. Bocatera- Division ADM Coordinator
Letecia A. Ebita - EPSVR, EPP/TLE

Inilimbag sa Pilipinas ng Kagawaran ng Edukasyon – SOCCSKSARGEN Region

Office Address: Regional Center, Brgy. Carpenter Hill, City of Koronadal

Telefax: (083) 2288825/ (083) 2281893
E-mail Address: region12@deped.gov.ph
Paunang Salita

Ang Self-Learning Module o SLM na ito ay maingat na inihanda para sa ating mag-
aaral sa kanilang pag-aaral sa tahanan. Binubuo ito ng iba’t ibang bahagi na gagabay
sa kanila upang maunawaan ang bawat aralin at malinang ang mga kasanayang
itinakda ng kurikulum.

Ang modyul na ito ay may inilaang Gabay sa Guro/ Tagapagdaloy na naglalaman ng

mga paalala, pantulong o estratehiyang magagamit ng mga magulang o kung
sinumang gagabay at tutulong sa pag-aaral ng mga mag-aaral sa kani-kanilang
tahanan.

Ito ay may kalakip na paunang pagsusulit upang masukat ang nalalaman ng mag-
aaral na may kinalaman sa inihandang aralin. Ito ang magsasabi kung kailangan
niya ng ibayong tulong mula sa tagapagdaloy o sa guro. Mayroon ding pagsusulit
sa bawat pagtatapos ng aralin upang masukat naman ang natutuhan. May susi ng
pagwawasto upang makita kung tama o mali ang mga sagot sa bawat gawain at
pagsusulit. Inaasahan namin na magiging matapat ang bawat isa sa paggamit nito.

Pinapaalalahanan din ang mga mag-aaral na ingatan ang SLM na ito upang
magamit pa ng ibang mangangailangan. Huwag susulatan o mamarkahan ang ano
mang bahagi ng modyul. Gumamit lamang ng hiwalay na papel sa pagsagot sa
mga pagsasanay.
Hinihikayat ang mga mag-aaral na makipag-ugnayan agad sa kanilang guro kung
sila ay makararanas ng suliranin sa pag-unawa sa mga aralin at paggamit ng SLM
na ito.

Sa pamamagitan ng modyul na ito at sa tulong ng ating mga tagapagdaloy, umaasa

kami na matututo ang ating mag-aaral kahit wala sila sa paaralan.

1
 Alamin

Magandang araw mga bata! Kumusta na? Alam mo ba na ang

isang batang katulad mo ay nangangailangan ng malusog na
pangangatawan, malinis at maayos na kasuotan upang
magampanan ang mga pang-araw-araw na gawain. Bilang isang
responsableng bata, nararapat na malaman mo ang iba’t ibang
pamamaraan nang pagpapanatili ng malinis na kasuotan. Ito ay
nagdudulot ng kakaibang kagandahan, kasiyahan, at higit sa
lahat tiwala sa sarili.

Kaya, hinihikayat kang isagawa ang lahat ng gawaing

nakapaloob sa modyul na ito upang maging sapat ang iyong
kaalaman patungkol sa paghahanda ng masustansyang pagkain.

Ang modyul na ito ay tungkol sa pag-aalaga ng sariling

kasuotan. Mauunawaan dito ang kahalagahan ng pagkakaroon ng
tamang kaalaman sa wastong paraan ng pangangalaga ng sariling
kasuotan upang magkaroon ng isang maayos at malinis na mga
kasuotan at kagamitan.

Most Essential Learning Competency:

• Napangangalagaan ang sariling kasuotan.

(EPP4HE-Ob-3)

Pagkatapos mong maisagawa ang mga nakatakdang gawain

sa modyul na ito, inaasahan na:
• Naiisa-isa ang mga paraan ng pagpapanatiling malinis ang
kasuotan (hal. mag-ingat sa pag-upo, pagsuot ng tamang
kasuotan sa paglalaro, atbp.)

2
 Subukin

Panuto: Lagyan ng tsek (/) ang pahayag na nagsasaad ng wastong

pangangalaga ng kasuotan at ekis (X) kung hindi. Isulat ang
tamang sagot sa sagutang papel.

1. Magsuot ng pinakakomportableng damit kung

natutulog.

2. Gawing pamunas ng pawis ang laylayan ng damit.

3. Ilagay sa ibabaw ng mesa ang mga maruruming damit.

4. Itupi ang mga nilabhang kasuotan.

5. Ibabad agad ang damit na namantsahan upang

madaling matanggal ang mansta.

6. Dumidiretso akong maglaro pag-uwi sa bahay.

7. Hindi na kailangang ayusin ang iyong mga gamit dahil

gawain ito ni Nanay.

8. Sinusulsi ko ang mga sira kong damit.

9. Nagpapalit ng damit pambahay pagkauwi mula sa

paaralan.

10. Hinihiwalay ko ang mga puting damit sa dekolor.

3
 Balikan

Panuto: Isulat ang sitwasyon o okasyon kung saan isinusuot ang

mga sumusunod na pananamit. Titik lamang ang isulat mula sa
pagpipilian at isulat ito sa sagutang papel.

1. polo shirt

2. jogging pants

3. long gown

4. coat at tie

5. t-shirts at shorts

6. duster

7. uniporme

8. leotards at tights

9. pajama

10. rubber shoes at snickers

4
 Tuklasin

Panuto: A. Isulat sa sagutang papel ang tsek (/) kapag ang

larawan ay nagpapakita ng tamang pangangalaga sa kasuotan at
ekis (X) kung hindi.

1) 5)

2)

3)

4)

5
B. Pagproseso ng mga Gawain:

1. Batay sa mga larawan na nasa itaas, anu-ano ang mga

gawaing nagpapakita ng wastong pangangalaga?
2. Ano ang ipinapakita ng batang nasa unang larawan?
ikalawa? ikatlo? apat? lima?
3. Tama ba ang ginagawa ng batang nasa una? Bakit?
4. Bakit naman hindi wasto ang ginagawa ng mga bata na
nasa ikatlong larawan? Patunayan mo.
5. Ikaw rin ba ay kagaya ng batang nasa ikalimang larawan?
Paano mo ito ginagawa?

C. Ngayon, punan ang graphic organizer batay sa gawain na

nasa itaas. Isulat sa loob ng kahon ang mga pagpapahalaga
sa mga kasuotan na pinakita. Gawin ito sa sagutang papel.

6
D. Iayos ang tamang pagkakasunod-sunod ng mga hakbang sa
pagtanggal ng amag sa damit. Lagyan ng bilang mula 1-3.
Ilagay ang sagot sa sagutang papel.

1. Ulit-ulitin ng ganito hanggang sa mawala ang mansta

2. Labhan at ikula.

3. Pigaan ng katas ng kalamansi

7
 Suriin

Ang iyong kasuotan ay nagbibigay proteksyon sa iyong

katawan. Ang mga ito ay isinusuot upang isanggalang ang
katawan sa init, ulan at lamig. Nagbibigay rin ito ng pansariling
kasiyahan. Marami at iba-iba ang inyong pansariling kasiyahan.
Marami at iba-iba din ang iyong pansariling kagamitan. Ang mga
ito’y katulong ninyo sa paggawa at ginagamit dapat gampanan.
Dapat lamang na pangalagaan ang mga kasuotan at kagamitan
upang mapakinabangan nang matagal. Ang pagpapahalaga sa
iyong sarili ay nakikita sa kaayusan ng iyong kagamitan at
kasuotan.

May iba’t ibang kasuotan tayong ginagamit sa iba’t ibang

pagkakataon. Ito ay dapat isinusuot at ginagamit sa wastong
panahon o okasyon upang mapangalagaan ang sariling kasutan.
Maaaring pangkatin ang mga uri ng kasuotan ayon sa
pagkakalaan at panahong paggagamitan. Ang mga sumusunod ay
ang iba’t ibang uri ng kasuotan:

1) Damit Pambahay
Ang damit pambahay ay
maluwang at maginhawa sa katawan
katulad ng daster, shorts, t-shirt, at
mga luma ngunit maayos pang
damit.

2) Damit Pamasok
Karaniwang blusa at palda para
sakababaihan at polo at pantalon o
shorts sa mga kalalakihan gaya ng
uniporme.

3) Damit Panlaro
Ito ay ginagawang maluwang
upang Malaya at maginhawa ang
pagkilos ng katawan. Ito ay maaaring
kamiseta, t-shirt, sando, shorts o
bloomer.

8
 4) Damit Pantulog
Ang mga kasuotang ito ay
maluwang din sa katawan katulad ng
pajama, night gown. Ang luma
ngunit malinis na damit ay maaari
ding gamitin.

5) Damit Panlakad o Pang-Casual

Ito ay yari at naiiba sa karaniwang
damit na isinusuot sa araw-araw. Ito
rin ay ginagamit kapag may okasyon
tulad ng pista, handaan, salu-salo o
iba pang pagdiriwang na dadaluhan.

6) Damit Pang-Pormal
Ito ay yari at naiibang damit gaya
ng baro at saya. Ginagamit sa
espesyal at pormal na selebrasyon,
pagtitipon at programa.

Ang mga kasuotang nabanggit ay ilan lamang sa mga uri ng

kasuotan na dapat bigyan ng tamang pangangalaga upang
mapanatiling maganda ang anyo, malinis at kaaya-ayang tingnan.
Gayundin, mapanatili ang kulay at kagangahan nito. Ang mga
ilang paraan ng pangangalaga ng kasuotan ay ang sumusunod:
a) paglalaba, b) pamamalansta, c) pagtanggal ng mantsa sa damit
at d) pag-aayos sa sira ng mga kasuotan.

Narito ang mga hakbang sa paglalaba ng mga damit upang

maging malinis at maisuot itong muli.

1. Ihanda ang mga kagamitan tulad ng sabon, palanggana,

batya, balde at tubig. Kunin ang mga maruruming damit.
Ihiwalay ang mga damit na puti sa may kulay.
2. Basaing isa-isa ang bawat pirasong lalabhan. Kusutin ng
bahagya upang unti-unting maalis ang dumi sa damit.
3. Lagyan ng sabon ang palangganang may tubig, pabulain. Isa-
isang kusutin ang mga damit. Simulan sa mga presong puti
at parte ng damit na madaling kinakapitan ng dumi tulad ng
kuwelyo, leeg, manggas at laylayan.
4. Ikula ang mga puti. Ilatag ang mga ito sa lugar na naarawan.
Manaka-nakang basain ng tubig na may sabon ang damit na

9
 nakakula upang di matuyo. Samsamin ang mga ikinula
pagkatapos mainitan. Sabunin at kusutin ang mga ito
hanggang sa maalis na lahat ang dumi.
5. Banlawan nang makailang ulit ang mga damit hanggang sa
maalis na lahat ng bula ng sabon sa tubig. Pigaing mabuti
ang binanlawang damit at isampay upang matuyo. Lagyan
ng sipit ang mga sampay upang hindi ilaglag ng hangin.

Ang mga gusot-gusot na mga damit na bagong laba ay dapat

plantsahin bago gamitin muli upang maging maayos at malinis
tingnan. Narito ang mga hakbang na dapat sundin sa
pamamalansta.

1. Ihanda ang plantsahan, plantsa at mga piraso ng damit na

paplantsahin. Tiyaking malinis ang ilalim ng plantsa bago
gamitin. Painitin ang plantsa. Paraanan ng plantsa nang
ilang ulit ang plantsahan upang malaman kung tama ang init
nito.
2. Unang plantsahin sa kabaligtaran ang mga bahagi ng damit
na pinagdugtong ng tahi tulad ng balikat, tagiliran, bulsa,
mga lupi at laylayan.
3. Baliktarin muli ang damit kung bulsa o polo ang pinaplantsa.
Unang padaanan ang manggas. Plantsahin ang damit pang-
itaas ayon sa ganitong pagkasunud-sunod: balikat, likod, at
harapan ng damit.
4. Plantsahin ang palda at pantalon mula sa laylayan
patungong baywang. Dampian ang mga ito ng basang
pasador bago plantsahin upang maalis ang gusot.
5. Tiklupin nang maayos ang mga bagong plantsang damit o
kaya isabit sa hanger.

Ang mga damit na may mantsa ay hindi magandang tingnan.

Ito ay nagpapakita ng kapabayaan ng nagsuot. Ang mga mantsa
sa damit na kadalasang makikita ay tsokolate o kape, chewing
gum, dugo, tinta, kalawang, prutas, pintura, ihi at marami pang
iba. Ang maaring pantulong sa pagtanggal ng mga ito ay katas ng
kalamansi, asin, pinipitpit na kamias, bleach, suka at mainit na
tubig.

10
Mga Dapat Tandaan:

Ø Ingatan ang palda ng uniform o anumang damit na may

pleats. Huwag itong hayaang magusot sa pag-upo.
Ø Huwag umupo kung saan-saang lugar nang hindi
marumihan ang damit o pantalon. Siguraduhing malinis ang
lugar na uupuan.
Ø Kapag namantsahan o narumihan ang damit, labhan ito
agad para madaling matanggal at hindi gaanong kumapit sa
damit ang dumi o mantsa.
Ø Gumamit ng bleach para tanggalin ang dumi o mantsa.
Ø Gamitin ang naaayon sa kulay ng damit. May mga chlorox
para sa puti at bleach para sa may kulay.
Ø Magsuot ng angkop kasuotan ayon sa gawain. Huwag gawing
panlaro ang damit na pamasok sa paaralan. Pagdating sa
bahay galing sa paaralan, hubarin kaagad ito at pahanginan.
Ø Ugaliing magsuot ng tamang damit na pantulog tulad ng
pajama, daster, at short. Dapat maluwag na damit ang
pantulog upang ito ay maginhawa sa pakiramdam.
Ø Kapag natastas ang laylayan ng damit, tahiin ito kaagad pag-
uwi sa bahay upang hindi ito lumaki.
Alagaan ang mga damit at iba pang gamit sa pamamagitan
ng paglalagay ng mga ito sa tamang lagayan.

11
 Pagyamanin

A. PAGSUNURIN MO!
Panuto: Basahin ang kwento at ayusin ang mga gawain.
Pagsunurin ang mga hakbang sa pamamalantsa. Lagyan ng
bilang mula 1-5. Isulat ang sagot sa sagutang papel.

Isang araw, inutusan si Lara ng kanyang Nanay Nora na

ayusin ang mga kasuotan. Gusot-gusot ang mga damit na
bagong laba. Nasabi niya sa sarili na kailangan niyang
plantsahin ang mga damit bago ito itago at suotin. Kaagad
kinuha ni Lara ang plantsahan. Tulungan si Lara sa kanyang

1. Unang plantsahin sa kabaligtaran ang mga bahagi ng

damit na pinagdugtong ng tahi tulad ng balikat, tagiliran,
bulsa, mga lupi at laylayan.
2. Ihanda ang plantsahan, plantsa at mga piraso ng damit
na paplantsahin. Tiyaking malinis ang ilalim ng plantsa
bago gamitin. Painitin ang plantsa. Paraanan ng plantsa
nang ilang ulit ang plantsahan upang malaman kung
tama ang init nito.
3. Baliktarin muli ang damit kung bulsa o polo ang
pinaplantsa. Unang padaanan ang manggas. Plantsahin
ang damit pang-itaas ayon sa ganitong pagkasunud-
sunod: balikat, likod, at harapan ng damit.
4. Tiklupin nang maayos ang mga bagong plantsang damit
o kaya isabit sa hanger.
5. Plantsahin ang palda at pantalon mula sa laylayan
patungong baywang. Dampian ang mga ito ng basang
pasador bago plantsahin upang maalis ang gusot.

B. ITALA MO!
Panuto: Magtala ng iba’t ibang paraan ng pangangalaga ng
iyong kasuotan. Magbigay ng limang gawain at isulat sa
sagutang papel.
1)
2)
3)
4)
5)

12
 Isaisip

Panuto: Basahin ang mga pangungusap at punan ng tamang

salita upang mabuo ito. Pumili ng sagot sa loob ng kahon at isulat
sa sagutang papel.

kasuotan sapatos uniporme

tahini labhan bleach
pamasok cabinet pamamalantsa
pambahay

1. May iba’t ibang tayong

ginagamit sa iba’t ibang pagkakataon.

2. Ingatan ang palda ng o anumang damit na

may pleats upang hindi magusot sa pag-upo.

3. Magsuot ng tamang damit katulad ng

pajama, daster at short upang maginhawa sa katawan.

4. Kapag natastas ang laylayan ng damit kaagad itong

pagdating sa bahay upang hindi lumaki.

5. Maaring gumamit ng para tanggalin ang dumi o

mantsa.

6. Huwag gawing panlaro ang damit na sa

paaralan.

7. Ilagay sa tamang lalagyan o ang mga

kasuotan.

8. Labhan at ibilad sa araw ang mga .

9. Kaagad ang mga maruruming damit.

10. Ang ay ginagawa upang maging

maayos ang gusot-gusot na kasuotan.

13
 Isagawa

Panuto: Ang paglalaba ay pangunahing paraan upang maging

malinis ang mga damit at maisuot itong muli. Paano ito
gagawin. Sundin ang tamang hakhang sa paglalaba.
Lagyan ng bilang mula 1-5. Isulat lamang ang bilang sa
sagutang papel.

1. Basaing isa-isa ang bawat pirasong lalabhan. Kusutin ng

bahagya upang unti-unting maalis ang dumi sa damit.

2. Ihanda ang mga kagamitan tulad ng sabon, palanggana,

batya, balde at tubig. Kunin ang mga maruruming damit.
Ihiwalay ang mga damit na puti sa may kulay.

3. Ikula ang mga puti. Ilatag ang mga ito sa lugar na naarawan.
Manaka-nakang basain ng tubig na may sabon ang damit na
nakakula upang di matuyo. Samsamin ang mga ikinula
pagkatapos mainitan. Sabunin at kusutin ang mga ito
hanggang sa maalis na lahat ang dumi.

4. Lagyan ng sabon ang palangganang may tubig, pabulain. Isa-

isang kusutin ang mga damit. Simulan sa mga presong puti
at parte ng damit na madaling kinakapitan ng dumi tulad ng
kuwelyo, leeg, manggas at laylayan.

5. Banlawan nang makailang ulit ang mga damit hanggang sa

maalis na lahat ng bula ng sabon sa tubig. Pigaing mabuti
ang binanlawang damit at isampay upang matuyo. Lagyan
ng sipit ang mga sampay upang hindi ilaglag ng hangin.

14
 Tayahin

Panuto: A. Tama o Mali. Isulat ang salitang Tama kung wasto ang
pahayag at Mali kung hindi wasto ang gawain sa sagutang
papel.

1. Dapat ibabad at labhan ang mga medyas at panyo.

2. Hindi na kailangang ayusin ang iyong mga gamit dahil
may kasambahay naman.
3. Sinusulsi ko ang mga sira kong damit.
4. Ipunas ang basang kamay sa laylayan ng damit.
5. Hinihiwalay ko ang mga puting damit sa decolor tuwing
naglalaba.

B. Alin ang HINDI nagpapakita ng tamang pangangalaga ng

kasuotan. Iguhit ang larawan sa sagutang papel at
ipaliwanag.

1) 4)

2) 5)

3)

15
 Karagdagang Gawain

Panuto: Sa inyong bahay, tingnan mo ang iyong mga pansariling

kagamitan. Gumawa ka ng tseklist na katulad ng nasa ibaba sa
sagutang papel. Kausapin si Nanay upang lagyan ng tsek ang
tamang sagot. Palagdaan ito sa iyong magulang.

HINDI
KAGAMITAN INAYOS
INAYOS
Mga damit
Mga sapatos
Mga maruruming damit
Nilabhan ang hinubad na panloob na
damit

Para sa guro ng EPP ng anak ko,

Ito ay nagpapatunay na ginawa ng aking anak ang isinasaad

sa tseklist sa taas.

Pangalan at Lagda ng Magulang

Puntos
Kriterya
5 puntos 3 puntos 1 puntos
1. Husay sa Lahat ng 2-3 na 0-1
pagkaganap apat (4) na kagamitan kagamitan
kagamitan ay lamang lang ang
mahusay na ang inayos inayos
inayos

16
 17
A
.
3 C
2 x . D
.
5 B .
.
5 /
.
C
7 x .
.
9 /
.
2
)
A
.
4
)
1
.
2
3
.
.
5
.
9
.
A
.
2 1
.
4 3
1 .
. ·
·
·
2
. ·
·
Susi sa Pagwawasto
Sanggunian
Dolores M. Lavilla, Imelda O. Garcia, Bernie C. Dispabiladera.
2019. Edukasyong Pantahanan at Pangkabuhayan 4,
Kagamitan ng Mag-aaral. Pasig: Vibal Group, Inc.
Ma. Luisa L. Balanon, Ruth Ferial T. Casidsid, Sis. Ma.
Consolacion Atacador, RVM, Luisa D. Cortez, Resurreccion
P. Pineda, Aurora O. Hernandez. 1997. Edukasyong
Pantahanan at Pangkabuhayan 4. Manila: Innovative
Educational Materials, Inc.
Rosalina P. Gregorio, Dr. Pablo E. Natividad, Dr. Carmelita L.
Palabay, Jesus C. Palabay. 1998. Gumawa at Umunlad 4.
Manila: Book Media Press, Inc.

18
Department of Education – SOCCSKSARGEN Learning
Resource Management System (LRMS)

Regional Center, Brgy. Carpenter Hill, City of KoronadalTelefax

No.: (083) 2288825/ (083) 2281893

Email Address: region12@deped.gov.ph

19