Iba’t-ibang Klasipikasyon ng Pagtatanong
1. Tanong na ang sagot ay “Oo” o “ Hindi” (One-Finger Question)
- ito ang madalas gamitin guro sa kadahilanang hindi ito nangangailangan sa
pagbubuo ng isang pangungusap.
Halimbawa :
 Tama ba ang naging pasya ng pangunahing tauhan sa kuwento?
 Sang-ayon ka ba sa pamamalakad ng ating pangulo?
2. Tanong na ang sagot ay may dalawang pagpipilian
- ang kasagutan sa katanungang ito ay malimit na magkasalungat, nag – iisip ng
malalim at makatwiran upang magpaliwanag at maidepensa ang kanilang panig. Ang
gawaing ito ay karaniwang ginagamit sa debate o pakikipagtalo.
Halimbawa :
 Alin ang higit na dapat pagtuunan ng pansin, karunungan o kalusugan?
 Alin ang mas mahalaga yaman o dunong?
3. Tanong tungkol sa mga tao,bagay,pook o pangyayari.
- Mga katanungang ginagamitan ng katagang sino, ano, saan o kailan. Sa
katanungang ito mahahasa ang ang kasanayang umunawa sa paksang tinalakay.
Halimbawa:
 Sino: Sino ang tunay na bayani?
 Ano: Ano ang simbolo ng katapangan?
 Saan: Saan naganap ang kauna-unahang himagsikan?
 Kailan: Kailan lumaya ang Pilipinas sa pananakop ng mga dayuhan?
4. Tanong na Bakit?
- Sa ganitong uri ng katanungan nahahasa ang kasanayan sa pagpapaliwanag.
- Sa pagpapaliwanag nagagamit ang wasto at malalim na kuro-kuro batay sa
naunawaan sa paksang tinatanong.
Halimbawa :
 Bakit mahalaga ang edukasyon?
 Bakit kailangang maging matalino sa pagpapasya?
5. Tanong na pagtitimbang
- Sa katanungang ito nangangailangan ng wastong pagkukuro at ipinapaliwanag
kung ano ang magiging kapasyahan. Ang kasanayang mangatwiran ang mahahasa
rito ayon sa mga impormasyong alam at batay sa pansariling kaalaman.
Halimbawa :
 Kung ikaw ay magiging pulis, huhulihin mo rin ba ang kapatid mong nagkasala sa
batas?
 Kung ikaw ang tauhan sa maikling kuwento, gagawin mo rin ba ang kanyang
ginawa?
6. Tanong na humihingi ng palagay
- Ito’y nasasagot sa pamamagitan ng pagbibigay ng kuro-kuro batay sa nakita,
nabasa o naranasan ng sumasagot.
Halimbawa :
 Sa iyong palagay,dapat bang pagmultahin ang mga taong mahuhuling walang suot
na face mask sa pampublikong lugar?
Tandaan :
Ang pagtatanong ay labis na nakatutulong lalo na kung mayroon kang nais malaman
. Hindi tama na gumawa ka ng sariling konklusyon na walang sapat na basehan.
Kinakailangang magtanong muna upang malaman ang mga dahilan o pananaw ng
isang tao bago ito husgahan.
GAWAIN
Panuto: Mayroon kayong pangkatang gawain at ikaw ang naatasan upang
kapanayamin ang Kapitan ng inyong barangay tungkol sa mga solusyong kanilang
ipinatutupad sa pagsugpo sa problema sa basura. Bumuo ka ng sampung
makabuluhang katanungan na maaari mong itanong sa kanya.
Halimbawa: Anong pinapataw ninyong parusa sa mga residente na lumalabag sa
inyong mga ipinatutupad na batas?
1. _____________________________________________________________
2. _____________________________________________________________
3. _____________________________________________________________
4. _____________________________________________________________
5. _____________________________________________________________
6. _____________________________________________________________
7. _____________________________________________________________
8. _____________________________________________________________
9. _____________________________________________________________
10. _____________________________________________________________