1

Homeroom Guidance
Ikaapat na Markahan – Modyul 2:
Aking Natutuhan, Ibabahagi Ko!
Homeroom Guidance Self-learning Module – Grade 1
Ikaapat na Markahan-Modyul 2: Aking Natutuhan, Ibabahagi Ko!
Edition 2021

Isinasaad sa The Intellectual Property Code of the Philippines na: “Hindi

maaaring magkaroon ng karapatang-sipi sa anumang akda ang Pamahalaan ng
Pilipinas. Gayunpaman, kailangan muna ang pahintulot ng ahensiya o tanggapan
ng pamahalaan na naghanda ng akda kung ito ay pagkakakitaan. Kabilang sa mga
maaaring gawin ng nasabing ahensiya o tanggapan ay ang pagtakda ng kaukulang
bayad.”

Ang hiram na mga materyales ( teksto, larawang-guhit, awit, larawan, ngalan ng

produkto o brand name, tatak o trademark, atbp.) na ginamit sa modyul na ito ay
nagtataglay ng karapatang-ari ng mga iyon. Pinagsumikapang matunton ng DepEd
ang mga ito upang makuha ang pahintulot sa paggamit ng materyales sa pagbuo at
paglimbag nito. Ang anumang gamit maliban sa modyul na ito ay kinakailangan ng
pahintulot mula sa mga orihinal na may-akda ng mga ito.

Walang anumang parte ng materyales na ito ang maaaring kopyahin o ilimbag sa

anumang paraan nang walang pahintulot sa Kagawaran ng Edukasyon.

Mungkahing Tala sa Pagsisipi:

Department of Education. Homeroom Guidance Grade 1 Self-learning Module 2:

Aking Natutuhan, Ibabahagi Ko!: Department of Education Central Office 2021.

Inilathala ng Kagawaran ng Edukasyon

Kalihim: Leonor Magtolis Briones
Pangalawang Kalihim: Diosdado M. San Antonio
Assistant Secretary: Alma Ruby C. Torio

Bumuo sa Pagsulat ng Modyul

Manunulat/ Tagaguhit/ Tagalapat/ Editor

Cecilia J. Panao

Tagasuri ng Nilalaman : Gay S. Adriano / Mary Grace DS. Bernardino

Tagasuri ng Wika : Mary Grace DS. Bernardino
Tagasuri ng Paglalapat : Mary Grace DS. Bernardino

Tagapamahala : Gregorio C. Quinto, Jr. EdD.

Rainelda M. Blanco, PhD.
Agnes R. Bernardo, PhD.
Glenda S. Constantino
Joannarie C. Garcia

2
 Homeroom Guidance Baitang 1
Ikaapat na Markahan – Modyul 2:
Aking Natutuhan, Ibabahagi Ko!

Gabay sa Magulang/Tagapag-alaga

Isinulat ang modyul na ito upang gabayan ang mag-aaral

sa unang baitang na linangin ang kaniyang aspektong personal,
sosyal, akademiko at karera. Dinisenyo ito sa alternatibong
pamamaraan ng pagkatuto na hindi nangangailangan ng pisikal
na presensya sa paaralan, bilang tugon sa direktiba na
pagkansela ng face-to-face class dulot ng pandemyang Covid-
19.

Maaaring may pagkakataon na hingin ng mag-aaral ang

inyong patnubay sa pagsunod sa mga tagubilin at pagsagot sa
mga tanong sa bawat bahagi ng gawain. Hinihiling ng Kagawaran
ng Edukasyon ang inyong suporta upang matagumpay niyang
maisakatuparan ang mga gawaing ito. Tiyakin na sasagutin niya
ang bawat bahagi ng modyul nang tapat.

3
Paunang Salita
Para sa mag-aaral:

Ang modyul na ito ay binuo upang matulungan ka sa pagdedesisyon

sa iyong buhay sa gabay ng mga taong nakapaligid sa iyo. Kabilang dito
ang iyong pagdedesisyon sa gitna ng kasalukuyang krisis na nararanasan.
May mga gawaing inilaan na makatutulong sa iyo upang malaman ang mga
pamamaraan sa pagdedesisyon. Kinakailangang isulat mo ang iyong sagot
sa sagutang papel at ipasa sa iyong tagapayo upang mailagay ito sa iyong
portfolio.

Saguting mabuti ang mga gawain at humingi ng tulong kung

kinakailangan. Tandaan na sa buhay natin ay may mga bagay na hindi natin
kontrolado. May mga negatibong pangyayari na maaaring
makapagpabago sa ating positibong pananaw. Sa kabila nito ay hindi
dapat mawalan ng pag-asa, maraming paraan para mapagtagumpayan
ito. Simulan mo ang paglalakbay na ito upang madaig mo ang iyong
kahinaan at magamit mo ang iyong kalakasan sa pagbabago.

Ang modyul na ito ay naglalaman ng anim na interaktibong mga

gawain. Ito ay ang mga sumusunod:

Subukin Natin – Ito ay paghahanda sa proseso ng iyong pagkatuto.

Tuklasin Natin – Ito ay gabay mo kung ano ang dapat mong

matutuhan.

Tandaan – Ito ay ang mga aralin na dapat mong matutuhan at

maunawaan.

Kaya Mo – Ito ay ang aplikasyon mo sa mga araling iyong natutuhan.

Natutuhan Ko – Susukatin nito ang iyong kaalaman tungkol sa paksang

pinag-aralan.

Pagpapahalaga – Ito ay bahagi kung saan ilalahad mo ang iyong

sariling karanasan sa pagsasagot ng modyul na ito.

Siguraduhing ikaw ay magbabasa, mag-iisip at susunod sa bawat

gawain at higit sa lahat gawin mo itong kapaki-pakinabang!

4
MODYUL

2 Aking Natutuhan, Ibabahagi Ko!

Mga Layunin:
Sa pagtatapos ng modyul na ito, ikaw ay inaasahang:

1. Natutuklasan ang sariling kakayahan ayon sa

natutuhan sa paaralan na mahalaga sa
pamayanan;
2. Nagagampanan ang mga gawain sa paaralan at sa
pamayanan; at
3. Napapahalagahan ang mga angking kakayahan.

Panahon: 2 Linggo ng Ikaapat na Markahan

Kabuuang bilang ng oras na gugugulin:
60 Minuto
Mga Kinakailangang Materyales:
Lapis/Ballpen
Bond papers/piraso ng papel

5
 Panimula
Ang mga araling natutuhan ay magandang
isaisip at isapuso natin sa lahat ng oras. Masaya sa
pakiramdam kapag ikaw ay nakatapos ng isang
gawain na nakatalaga sa iyo at nagawa mo ito
nang maayos maging ito man ay gawaing bahay o
pampaaralan. Nagbibigay ito ng kasiyahan at
inspirasyon sa isang tao lalo na at maganda ang
resulta nito. Masasabi mo sa iyong sarili na kaya ko
pala at may magagawa ako. Tandaan lamang na
gawin lagi ang tama at naaayon sa kung ano ang
nararapat.
Ang modyul na ito ay makatutulong upang
matuklasan mo ang sariling kakayahan ayon sa
natutuhan mo sa paaralan at pamayanan.
Malalaman mo na nagagampanan mo ang gawain
mo sa paaralan at pamayanan dahil sa iyong
pagpapahalaga sa angkin mong kakayahan.

Subukin Natin

Mungkahing bilang ng oras: 5 minuto

Iguhit ang puso ( ) sa loob ng kahon kung ang
nakasaad sa bawat bilang ay kaya mong gawin.
1. Nagliligpit ng pinaghigaan tuwing umaga.

6
 2. Tinatapos sa takdang oras ang mga gawaing
ibinigay ng guro ng buong husay.
3. Tumutulong sa pagwawalis ng bakuran.
4. Nagbabasa at nagsusulat upang madagdagan
ang kaalaman.
5. Tumutulong kay nanay sa paghahanda at
pagliligpit ng hapag kainan.

Tuklasin Natin
Mungkahing bilang ng oras: 15 minuto
Basahin ang tula at sagutin ang mga tanong sa ibaba.

Kaalaman Ko, Ibabahagi Ko!

Ni: Cecilia J. Panao
Ako’y isang bata na marunong umunawa,
Laging nakikinig sa mga nakatatanda.
Mga aralin at mga tagubilin sa akin tuwina,
Isa-isa kong inaalala at isinasabuhay pa.

Mahalaga ang matuto lalo na sa batang tulad ko,

Ibabahagi ang mga kaalaman na natutuhan sa
paaralan.
Laging isasaisip ang pagtulong sa lahat ng
nangangailangan,
Walang tatanggihan at walang ipagpapaliban.

Dahil mas masarap sa pakiramdam ang tumulong

7
 Lalo na’t magbibigay ito nang inspirasyon at
pagkakataon
Sa ating kapwa upang sila ay bumangon.
Uunlad na ang iyong kaalaman pati ang bayan ay
mapaglilingkuran.

Sagutin ang mga tanong.

1. Magbigay ng katangian ng bata sa tula.

2. Ano ang kanyang isinasabuhay?
3. Ano ang lagi niyang isinasaisip?
4. Ano ang kanyang ibinabahagi sa iba?
5. Sa iyong palagay, mahalaga ba ang pagbabahagi
nang kaalaman sa kapwa? Bakit?

Tandaan
Mungkahing bilang ng oras: 10 minuto
Laging isaisip na ang mga kaalamang natutuhan sa
paaralan ay maaaring ibahagi lalo na kung ito ay
makatutulong sa iba. Maraming bagay ang maaari
nating ibahagi sa ating kapwa lalo na sa mga batang
tulad mo. Gaya ng mga sumusunod:
 Pagmamahal sa Diyos at sa lahat ng mga nilikha
Niya.
 Paggalang at pagtulong sa mga nakatatanda.
 Pagtulong o pakikibahagi sa paglilinis ng
kapaligiran.

8
  Pangangalaga sa mga hayop at mga likas na
yaman.
 Paggalang at pakikilahok sa mga proyekto ng
pamayanan.
Ang mga kaalamang natutuhan sa paaralan ay may
malaking papel na ginagampanan sa ating buhay.
Maaaring mabago ang ating pang araw-araw na
pamumuhay dahil sa mga kaalamang natututuhan.
Makatutulong ito sa pag-unlad ng sariling kakayahan
upang magawa ng mahusay ang mga tungkulin sa
paaralan at pamayanan.
Mahalaga bilang isang bata na matutuhan mong
pahalagahan ang iyong angking kakayahan dahil ito ang
magiging daan upang ikaw ay magtagumpay at maging
produktibong mamamayan.

Kaya Mo
Mungkahing bilang ng oras: 10 minuto
Iguhit ang masayang mukha ( )kung ang isinasaad
sa bawat sitwasyon ay may kakayahan o gawaing
natutuhan mo sa paaralan na mahalaga sa pamayanan
at malungkot na mukha ( ) kung hindi.
___________ 1. Palaging tumutulong si Ana sa kanyang mga
kapatid sa paglilinis ng kanilang bakuran.
__________ 2. Si Jasper ay laging kinakamusta ang mga
kaklase upang tulungan sila sa mga aralin sa
kanilang modyul.

9
__________ 3. Iniipon ni Nena ang mga plastic na bote
upang i-recycle ang mga ito.
__________ 4. Tumutulong si Peter sa kanyang ama sa
pagdidilig at pagtatanim ng mga halaman
sa kanilang bakuran.
__________ 5. Masayang ibinabahagi ni Cora sa kanyang
mga kapatid ang kaniyang natutuhan sa
kanilang online class tungkol sa tamang
pangangalaga sa kapaligiran.

Natutuhan Ko
Mungkahing bilang ng oras: 10 minuto
Iguhit sa loob ng bulaklak ang mga kakayahang
natutuhan mo sa paaralan na mahalaga sa ating
pamayanan.

Mga
Kakayahan
Ko

10
 Pagpapahalaga

Mungkahing bilang ng oras: 10 minuto

Bilang mag-aaral paano mo pinahahalagahan ang
iyong kakayahan upang magampanan mo nang maayos
ang mga gawain sa paaralan at pamayanan? Iguhit ito
sa loob ng ulap.

11
 ==============

Para sa mga katanungan o puna, sumulat sa:

Department of Education, Schools Division of Bulacan

Curriculum Implementation Division (CID)
Learning Resource Management and Development System (LRMDS)
Capitol Compound, Guinhawa St., City of Malolos, Bulacan
Email Address: lrmdsbulacan@deped.gov.ph

12